རྒྱ་དཀར་ནག་གཉིས་ཀྱི་ས་མཚམས་རྩོད་གླེང་སྐབས། པེ་ཅིན་གྱིས་རྒྱལ་ཁབ་གཉིས་ཀྱི་འབྲེལ་བ་བཟང་ཕྱོགས་སུ་འཕེལ་དགོས་ན། ངྷ་སའི་བཙན་བྱོལ་བོད་གཞུང་གི་བསྟི་གནས་ཁག་སྒོ་རྒྱག་དགོས་པར་བཤད།
རྒྱ་དཀར་ནག་གཉིས་ཀྱི་ས་མཚམས་རྩོད་གླེང་སྐབས་སུ། རྒྱ་ནག་གིས་རྒྱ་གར་ལ་གནད་དོན་ཆེན་པོ་བཞི་དང་ལས་འཆར་ཆེན་པོ་གཅིག་གི་ཐོག་ནས་ཚུར་རྒོལ་བྱས་ཡོད་ལ། རྒྱ་གར་གྱིས་ཨ་རུ་ན་ཅལ་མངའ་སྡེའི་བདག་དབང་དང་། ཏཱ་ལའི་བླ་མ་མཆོག་གི་ཆིབས་སྒྱུར་རང་དབང་ཙམ་མ་གཏོགས་གླེང་ཐུབ་མི་འདུག
རྒྱ་ནག་གིས་བཤད་དོན། ཨ་རུ་ན་ཅལ་མངའ་སྡེ་ནི་རྒྱ་གར་གྱིས་བཙན་བཟུང་བྱས་བསྡད་པའི་རྒྱ་ནག་གི་ས་ཁུལ་ཞིག་ཡིན་པ་དང་། ཉེ་ཆར་རྒྱ་ནག་གིས་བོད་ནང་གི་ཡུལ་སྐོར་བ་རྣམས་ལ་བོད་ཀྱི་ས་ཁུལ་ངོ་སྤྲོད་བྱེད་སྐབས། བོད་ཀྱི་འདབས་འབྲེལ་རྒྱལ་ཁབ་དག་ནི་རྒྱ་གར་དང་བལ་ཡུལ། འབར་མ། ཀཤཱི་སྨིར་ས་ཁུལ་བཅས་ཡིན་པར་བཤད་དེ། དོན་དུ་ཀཤཱི་སྨིར་མངའ་སྡེ་ཡང་རྒྱ་གར་ལས་ཐ་དད་ཀྱི་ལུང་པ་ཞིག་ལ་ངོས་འཛིན་བྱས་ཡོད། གནད་དོན་གཞན་ཞིག་ནི། རྒྱ་ནག་གིས་བལ་ཡུལ་དང་རྒྱ་གར་གཉིས་བར་གྱི་རྒྱལ་མཚམས་དེར་ཡང་སྟངས་འཛིན་ནམ་པོ་བྱེད་དགོས་པར་བཤད་ལ། རྒྱལ་མཚམས་མ་བསྡམས་ན་བོད་མི་ཁ་བྲལ་བ་དག་རྒྱ་གར་ནས་བལ་ཡུལ་དུ་འཛུལ་ཏེ་རྒྱ་རྒོལ་གྱི་ཆབ་སྲིད་ལས་འགུལ་སྤེལ་བར་བཤད། རྒྱ་གར་གྱི་གསར་ལམ་ཁག་ཏུ་བསླེབས་པ་ལྟར་ན། རྒྱ་ནག་གིས་མཐའ་མ་དེར་རྒྱ་གར་ལ་ངྷ་རམ་ས་ལར་ཆགས་པའི་ཏཱ་ལའི་བླ་མའི་བསྟི་གནས་འདི་སྒོ་མ་བརྒྱབ་ཚེ་རྒྱ་དཀར་ནག་གཉིས་ཀྱི་འབྲེལ་བ་འདི་བཟང་ཕྱོགས་སུ་འཕེལ་མི་ཐུབ་པའི་དཀའ་ངལ་ཡང་བགྲང་འདུག ཐེངས་འདིའི་ས་མཚམས་རྩོད་གླེང་སྐབས་རྒྱ་ནག་གིས་ཚུར་གླེང་བའི་གནད་དོན་རྣམས་ནི་འདི་དག་ཡིན།
དེ་བཞིན་རྒྱ་གར་བྱང་ཤར་མངའ་སྡེ་ཡི་བདག་དབང་རྩོད་བཞིན་པའི་སྐབས་འདིར། རྒྱ་ནག་གིས་བོད་ས་ཁུལ་ནས་ཡར་ཀླུང་གཙང་བོའི་བརྒྱུད་དུ་ཆུ་མཛོད་བརྒྱབ་རྒྱུ་དང་། དོན་དུ་ཡར་ཀླུང་གཙང་བོའི་ཁ་བསྒྱུར་ཏེ་ལྷོ་ཨེ་ཤ་ཡའི་ནང་འབབ་པའི་གཙང་བོ་དེ་རྒྱ་ནག་གི་པེ་ཅིན་དང་ཐེན་ཅིན། ཧེ་ནན། ཧེ་པེ་བཅས་སུ་འདྲེན་རྒྱུའི་འཆར་གཞི་འདིང་གི་ཡོད་འདུག་ལ། ལས་འཆར་འདི་དང་འབྲེལ་ནས་མི་འབོར་དུང་ཕྱུར་ ༣ གཞིས་སྤོ་བྱ་དགོས་ཚུལ་ཡང་གླེང་ཡོད། ཡར་ཀླུང་གཙང་བོའི་ཁ་བསྒྱུར་ཚེ་རྒྱ་གར་བྱང་ཤར་ཨ་རུ་ན་ཅལ་མངའ་སྡེ་སོགས་སུ་སྐྱེ་ཁམས་ཁོར་ཡུག་གི་དཀའ་རྙོག་ཆེན་པོ་ཞིག་འཕྲད་རྒྱུ་ཡིན་པར་རྒྱ་གར་གྱིས་སེམས་འཚབ་བྱེད་ཀྱིན་ཡོད།
འདི་ལྟར་རྒྱ་ནག་གིས་བོད་བཙན་བཟུང་བྱས་རྗེས་ནས་ལྷོ་ཨེ་ཤ་ཡའི་ནང་དུ་ལག་པ་རྐྱོང་གིན་ཡོད་ལ། ས་བབ་དང་ཆུ་བབ་ཀྱི་ཐད་ནས་ཁ་དབང་ཇེ་བཙན་དང་། རིམ་བཞིན་རྒྱ་གར་ཡུལ་ཁམས་ཆེན་པོ་འདིར་དཀའ་རྙོག་གི་མགོ་འཛུགས་ཀྱིན་ཡོད་ལ། ད་ནི་ལོ་ཤས་གོང་ནས་༼རྒྱ་གར་གྱི་བདེ་འཇགས་ཆེད་དུ་བོད་སྐྱོབ་རོགས་༽ཞེས་པའི་འབོད་ཚིག་དེ་དོན་ཐོག་ལ་འབབ་གིན་ཡོད་སྟབས། རྒྱ་གར་ཡུལ་ཁམས་ཀུན་ལ་གནས་སྟངས་འདིའི་གོ་རྟོགས་སྤེལ་རྒྱུ་ནི་དུས་ལ་བབ་པའི་ལས་འགུལ་ཞིག་ཡིན་པར་འདོད།།
དྲ་གྲོགས་ཅོ་རྟམལགས།
རྒྱ་དོགས་པའི་མ་འཕོངས་ཡར་རྒྱས་ཕྱིན། བོད་རེ་བའི་མ་འཕུངས་བདེན་མཐའ་རྩོད། རེ་དོགས་གཉིས་ཀྱི་བར་ན་གནས་དགོས་པ་ནི་ང་རང་ཚོའི་ལས་དབང་རེད།
ང་ཚོས་གཟབ་གཟབ་མ་བྱས་ན་ཡང་བསྐྱར་རྒྱ་གར་གྱིས་བོད་དོན་དེ་ཚོང་དོན་དུ་བེད་སྤྱོད་བྱེད་ཉེན་ཆེ། གལ་སྲིད་རྒྱ་གར་གྱི་དྲག་པོའི་ལེན་འདེབས་ཏོག་ཙམ་མ་བྱས་ན་རྒྱ་ནག་བཤད་པ་བཞིན་ང་ཚོའི་བཙན་བྱོལ་གཞུང་དེ་ལ་སྐྱོན་བྱུང་མི་སྲིད་པ་མ་རེད།
རྒྱ་དོགས་པས་འཕོེངས་དང་བོད་རེ་བས་འཕོངས། རེ་དོགས་གཉིས་ཀྱི་བར་ནས་ཁེ་ཕན་ཞིག་ལོན་རྒྱུ་ཁག་པོ་རེད། རྒྱ་གར་གྱིས་ད་ལྟ་གཞི་ནས་བོད་དེ་གལ་ཆེན་པོ་ཡིན་པ་ཤེས་ཀྱི་ཡོད་པ་རེད་མོད། འོན་ཀྱང་འགོར་དྲག་པ་རེད། གཙོ་བོ་ནེ་རོ་ནས་ནོར་བ་རེད། ༦༢ལོའི་རྒྱ་དཀར་ནག་གཉིས་ཀྱི་དམག་འཁྲུག་རྗེས་ནས་རྒྱ་གར་གྱི་དམག་དཔོན་ཞིག་གི་བྲིས་བའི་དེབ་ཅིག་གི་ཁ་བྱང་དུ་སུ་ནི་༦༢ལོའི་ལག་དམར་ཡིན་ཞེས་པ་ཞིག་ཡོད་པ་དེ་རྒྱ་ཡིག་དུ་བསྒྱུར་བ་དེར་དམག་དཔོན་དེས་ནེ་རོ་ནི་དེའི་སྐབས་ཀྱི་ལག་དམར་དུ་ངོས་འཛིན་བྱས་འདུག་པ་དེ་བདེན་པ་རེད་འདུག
ཤ་ཁྲག་གཅིག་པའི་དྲ་གྲོགས་ལྷུན་རྒྱས་ལགས། འཇིག་རྟེན་ཁ་རྒྱུན་ལ། སྤྱང་གིས་འཕར་བ་བསད་ན་ལུག་ཕྲུག་སྐྱིད། འཕར་བའི་སྤྱང་ཀི་བསད་ན་ལུག་རྫི་སྐྱིད། ང་ལ་དགོས་པ་ནི་སྤྱང་དང་འཕར་བ་དམག་འཐབ་ཡིན། ངའི་རེ་བ་ནི་སྤྱང་དང་འཕར་བ་དམག་འཐབ་རྗེས་སུ་གཡང་དཀར་ལུག་གི་གོ་སྐབས་ཡིན།་་་་་་མགྱོགས་ཤོག་མགྱོགས་ཤོག་ངའི་རེ་བ་དེ་མགྱོགས་ཤོག
ནད་པ་ལགས།
འདི་ལྟར་གནས་ལུགས་ལྡན་པའི་གཏམ་ཞིག་འདིར་གསུངས་པར་བཀའ་དྲིན་ཆེ།
ང་ཚོ་ཡང་དྲ་བའི་ནང་ཚུད་ཚུད་པ་རེད།
ད་ཇི་ལྟར་བྱས་ཏེ་ཐར་ཐབས་བྱེད་དགོས་སམ།
རྒྱ་གཞུང་གིས་མེ་འཁོར་ལྕགས་ལམ་གྱི་བཟོ་སྐྲུན་གྱི་འཆར་གཞིའི་དམིགས་ཡུལ་གཅིག་པུས་ང་ཧང་སངས་དགོས་པ་ཞིག་བཟོས་སོང་། བོད་དུ་བཙན་འཛུལ་དེ་ཆིག་སྟོང་དགུ་བརྒྱ་བཞི་བཅུ་ཞེ་དགུ་ནས་མགོ་འཛུགས་བྱས་ཡོད་ལ། དེའི་རྗེས་ཀྱི་ལོ་བཅུ་གྲངས་ཀྱི་རྗེས་སུ་རྒྱ་མིས་བོད་དུ་ལྕགས་ལམ་བཟོ་སྐྲུན་གྱི་འཆར་བསྒྲིགས་ཟིན་འདུག དེ་ནི་དམག་དོན་གྱི་སྲིད་བྱུས་དང་འབྲེལ་བ་ཆེ་བ་ཞིག་ལས། དཔལ་འབྱོར་ཡར་རྒྱས་ཀྱི་སྲིད་བྱུས་ལ་དེ་ཙམ་འབྲེལ་མེད་པ་ཞིག་མཐོང་བྱུང་།།
བསེ་རུ་ལགས། མོ་ཙེ་ཏུང་གིས་དགོངས་པ་ལྟར་ན་སྤྱི་ཚོགས་རིང་ལུགས་དང་དམངས་གཙོ་རིང་ལུགས་གཉིས་ནི་མེ་ཆུ་ལྟར་འགལ་ཟླ་ཡིན་སྟབས་འཛམ་གླིང་འདིའི་སྟེང་ཡང་ན་གཅིག་གསོན་དགོས་ཡང་ན་གཅིག་ཤོས་ཤི་དགོས་ཟེར།
གླིང་ཆེན་ཨེ་ཡེ་ཤེ་ཡའི་ནང་མི་འབོར་ཆེ་ཤོས་ཀྱི་རྒྱལ་ཁབ་ནི་རྒྱ་དཀར་ནག་ཡིན་སྟབས་རྒྱ་གར་ལ་ཕམ་པར་རྒྱག་དགོས། རྒྱ་གར་ལ་དམག་རྒྱག་དྲངས་རྒྱུར་བོད་དེ་ཟམ་པ་ལྟ་བུ་ཆགས་ཡོད་པས་ལོ་ལྔ་བཅུའི་ནང་བོད་ལ་བཙན་འཛུལ་བྱས་ཏེ་དམག་དོན་གྱི་ས་ཚིགས་དང་གྲ་སྒྲིག་གལ་ཆེར་བཟུང་དགོས།
ས་མཚམས་བར་གྱི་ཆིངས་ཡིག་ལ་བརྙས་འདོགས་ཞིག་བྱས་ཏེ་མཐར་རྒྱ་གར་ལ་དམག་བརྒྱབ་ཏེ་དབང་བསྒྱུར་བྱེད་རྒྱུ་དང་དེ་མིན་བལ་ཡུལ་དང་འབྲུག་སོགས་ཆུང་ཙག་རྒྱལ་ཁབ་དག་རང་བཞིན་གྱིས་དབང་དུ་བསྡུ་ཐུབ་རྒྱུར་ཐེ་ཚོམ་མེད་ཟེར།
དེ་ནས་ལོ་བརྒྱའི་དམག་དོན་གྱི་སྟབས་ཤུགས་མིའི་ནུས་ཤུགས་ཇེ་ཆེར་བཏང་ཏེ་མཐོ་སྒང་བོད་དང་རྒྱ་གར་གྱི་གཉིས་ས་ཐོག་ནས་དམག་དོན་གྱི་ས་ཚིགས་གལ་ཆེ་ཞིག་གི་གྲ་སྒྲིག་མཐུད་ཚང་བྱུང་རྗེས་སུ་དམངས་གཙོ་རིང་ལུགས་སམ་ཨ་རི་བཙན་རྒྱལ་རིང་ལུགས་ལ་དམག་དྲངས་དགོས་ལ་དེ་དུས་མི་དུང་ཕྱུར་གཉིས་ཀྱི་ཚེ་སྲོག་བློས་བཏང་བྱེད་དགོས་ལ་མཐར་འཛམ་གླིང་འདི་སྟེང་དུ་སྟོབས་ཆེན་རྒྱ་ནག་དམར་ཤོག་ལ་རྒྱལ་ཁ་འཐོབ་ངེས་ཡིན་ཚུལ་བཤད་ཡོད།
ད་ཆ་མའོ་ཙེ་ཏུང་གི་དགོངས་པ་དངོས་དེར་མངོན་འགྱུར་ཡོང་ཆེད་ལག་བསྟར་བྱེད་མགོ་རྩོམ་བཞིན་ཡོད། ཏྭ་ལའི་བླ་མ་དང་། ཨ་རི། ཡོ་རབ། རྒྱ་གར་སོགས་ཀྱིས་དུས་རབས་ཉེར་གཅིག་འདི་འཛམ་གླིང་ཞི་བདེའི་དུས་རབས་གཅིག་ལ་ཐུགས་རེ་གནང་བཞིན་ཡོད་ཀྱང་། མའོ་ཡིས་གཙོས་པའི་དམར་ཤོག་གི་མགོ་འཁྲིད་ཚོས་དམག་དོན་དང་མཚོན་ཆའི་སྟབས་ཤུགས་ཀྱི་དུས་རབས་གཅིག་ལ་བརྩི་བཞིན་ཡོད།
ལོ་གཅིག་གཉིས་ཀྱི་སྔོན་ནས་འབྲུག་གི་ས་ཆའི་རྒྱ་ཁྱོན་ཀི་ལོ་མི་ཊར་ ༢༥༠ ཙམ་ཧམ་བཟུང་བྱས་ཟིན་ལ་ཉེ་དུས་འབྲུག་པའི་དམག་མིས་བོད་མི་ཁ་ཤས་ཤིག་ས་མཚམས་བརྒལ་བར་བརྙས་ཏེ་བསད་འདུག་པས་རྒྱ་མིའི་དམག་མི་སླེབས་ཏེ་རོ་རྩིས་སྤྲད་དགོས་ཚུལ་བརྗོད་དེ་མི་རེར་སྒོར་འབུམ་ལྔ་ཕྱིར་སློག་བྱེད་རྒྱུ་འབྲུག་གཞུང་ནས་བཤད་ཀྱང་ད་ལྟ་དངུལ་གྱི་སྐད་ཆ་མེད། རོ་རྩིས་སྤྲོད་དགོས་ཚུལ་སོགས་བརྗོད་དེ་འབྲུག་གི་སྲིད་བློན་རྒྱ་གར་ལ་སྐྱབས་བཅོལ་རོགས་རམས་ཞུས་འདུག
ལོ་ཤས་སྔོན་ནས་བལ་ཡུལ་ནང་རྒྱ་མིའི་དབང་ཤུགས་སླེབས་ནས་བོད་གཞུང་སྐུ་ཚབ་དོན་གཅོད་ཀྱང་སྒོ་བརྒྱབ་ཟིན་ལ་བལ་ཡུལ་རྒྱལ་ཁབ་ལ་བདེ་འཇགས་གཏན་ལྷིངས་མེད་པ་བཟོས་ཟིན།
ད་ལྟ་ཀ་ཤིར་མིར་དང་། ཏ་དབང་། འབྲས་ལྗོངས། ལ་དགས་སོགས་རྒྱ་གར་བྱང་ཤར་ས་ཁུལ་དུ་རྩོད་རྙོག་རབ་དང་རིམ་པ་སློང་བཞིན་ཡོད། ཡང་ན་རྒྱ་ནག་གིས་གང་བཤད་པ་གཞིར་བཟུང་ལྟར་རྒྱ་གར་དང་། འབྲུག བལ་ཡུལ། པ་ཀེ་སི་ཐེན་བཅས་ཀྱིས་བློས་བཏང་ཆེན་པོ་གཅིག་བྱེད་དགོས་ཡང་ན་དམག་འཁྲུག་གཅིག་རྒྱག་དགོས་པ་ལས་དེ་མིན་གྱི་འཐབ་ཤེས་འདྲ་མེད་པ་མངོན་གསལ་ཡིན།
ཉིན་ཞིག་ང་ཚོ་བཙན་བྱོལ་བ་ཚོ་རྒྱ་གར་ནས་ཕྱིར་བུད་གཏོང་དགོས་རེད་ཅེས་ཆ་རྐྱེན་འདོན་སྲིད་པ་རེད། ང་ཚོ་བོད་པ་ཉམ་ཆུང་ཙམ་མ་ཟད། རྒྱ་གར་དང་བལ་ཡུལ་སོགས་འདབས་འབྲེལ་རྒྱལ་ཁབ་ཁག་ཀྱང་ཉིན་ཞིག་ཧམ་ཟོས་བྱ་སེམས་འདིང་བཞིན་མེད་དམ།།
རྒྱ་ནག་གི་ཧམ་པ་འདི་གང་ལ་བསྐྱལ་དགོས། མ་འོངས་བ་རྒྱ་ནག་གིས་ཤར་ཕྱོགས་རྒྱལ་ཁབ་མང་ཤས་ཁོང་ཚོའི་མངའ་ཁོངས་ཡིན་ཚུལ་བཤད་ཉེན་ཆེ།