་་་་་་་་་དངོས་སྒྲུང་འདི་བདག་ལ་རྒྱུས་མངའ་ཡོད་མཁན་གྱི་གྲྭ་བ་ཞིག་གི་ལོ་རྒྱུས་ཡིན།
ཉིན་བཀང་བོར་བློ་བཟང་ནོར་བུ་བཟང་མོ་དང་འགྲོག་ནས་ནང་དུ་བསྡད་ཡོད་ལ། སྙིང་གི་འཕར་ལྡིང་ཡང་སྔར་ལྟར་ལྡིང་བཞིན་ཡོད། ཕྱི་དྲོ་ཆུ་ཚོད་བཞི་དང་སྐར་མ་བཞི་བཅུའི་སྟེང་དུ། བློ་བཟང་གི་བསམ་པར་ད་ནི་ང་རང་ས་གཞན་ཞིག་དུ་བུད་འགྲོ་བ་དང་། ཁོ་མོ་ནི་མི་རིང་བར་སྐུ་ཞབས་ཨེས་ལ་དང་འགྲོག་ནས་ཕྱི་རྒྱལ་དུ་འགྲོ་ངེས་ཡིན། ད་ནི་ཕྱིན་ཆད་མི་ཚེ་ནང་དུ་ཐུག་མིན་ཡང་བཤད་དཀའ་ཚོད་རེད། ཚེ་གཅིག་གི་བཟའ་ཚང་མ་ཉན་རུང་། མཚན་གཅིག་གི་ཉལ་རོགས་བྱས་ཀྱང་མ་འགྲིག་པ་ཅི་ཡོད་ཟེར་སྲོལ་ཡོད་པ་ལྟར། སྔ་རང་ཕྱི་རང་རང་ཉིད་གྲྭ་བ་ནི་བྱེད་རྒྱུ་མ་རེད། རང་ཉིད་ཕར་དགའ་སའི་མི་ཞིག་ནི་རེག་ཚོད་མ་རེད། ཚུར་དགའ་མཁན་གྱི་ཁོ་མོའི་མི་ཚེའི་ནང་གི་ཆེས་ཐོག་མའི་ཕོ་མོའི་ལུས་འབྲེལ་ཞིག་བཞག་ན་མ་འགྲིག་པ་ཅི་ཡོད། འདོད་པའི་མི་ལ་འདོད་པ་སྤྱིན་པ་ན། དགེ་བ་མེད་ཀྱང་སྡིག་པ་ག་ལ་ཡོད་སྙམ་བཞིན། ག་ལེར་ནོར་བུ་བཟང་མོའི་འཁྲིས་སུ་བཙོག་ནས་སྐེ་རུ་འཐམ།
ནོར་བུ་བཟང་མོས་ཀྱང་། ཡུན་རིང་གི་སྐོམ་གདུང་ཞིག་ཟེར་ན་འདྲ། རང་ཉིད་ཆེས་དགའ་སའི་མི་དེའི་བརྩེ་བ་ཟེར་ན་རེད། ད་ནི་རང་ཉིད་ལ་ཐོབ་སོང་སྙམ་ཞོར་དུ། བློ་བཟང་ལ་འཐམ་ནས་ཁ་བསྐྱེལ་ཞོར་དུ། ཁྱེད་རང་གིས་དངོས་ནས་འགོར་འགྱངས་བྱེད་རྒྱུ་མང་སོང་ཞེས་བཤད།
བློ་བཟང་གི་རླངས་འཁོར་ནི་ཕྱི་དྲོ་དུས་ཚོད་དྲུག་དང་ཕྱེད་ཀའི་སྟེང་དུ་ཡིན། ཉིན་དེ་ནི་སྤྱི་ལོ་ཉིས་སྟོང་གཉིས། སྤྱི་ཟླ་བཅུ་གཅིག་ཚེས་ཉི་ཤུའི་ཕྱི་དྲོ། ཆུ་ཚོད་བཞི་དང་སྐར་མ་ཞེ་ལྔ་ཡིན། བློ་བཟང་གི་ཆེས་ཐོག་མའི་བུད་མེད་གཅིག་ལ་ལུས་འབྲེལ་སྐར་མ་ཁ་ཤས་ཤིག་རིང་གི་སྐྲག་སྣང་དང་དྲག་དུ་ལྡིང་བཞིན་པའི་སྙིང་ཆུང་གི་འཕར་སྒྲ་དང་བསྟུན་ནས་ཚོར་བ་དེ་ནི་གང་ཡིན་འདི་ཡིན་མེད་པ་ཞིག་གི་ཁྲོད་ནས། ཡུན་རིང་གཉར་བའི་དམ་ཚིག་དུ་འབོད་པའི་མོ་སྡོམ་དེ་ནས་བཏང་།
ཁ་བསྐྱེལ་ཞོར་དུ་ཉལ་ཁྲིའི་སྒང་ནས་ཉལ་ཐུལ་ལ་ལག་གཉོབ་བྱེད་ཀྱིན། རང་རང་གི་གོན་པ་ཡོངས་རྫོགས་འཕུད་དེ་ཉལ་ཐུལ་ནང་དུ་འཛུལ། བློ་བཟང་ནི་རྒྱ་སྟག་རི་ལས་ཤོར་བ། ཁྱི་ལྟོགས་པ་ལྟོ་དང་འཕྲད་པ། སྙིང་ཆུང་གི་འཕར་ལྡིང་དང་འགྲོག་ནས་སྐར་མ་ལྔ་དྲུག་རིང་གི་འབྲེལ་བ་དེ་ནི་འདི་རེད་ཟེར་ནས་ཚོར་བ་ཁྱད་དུ་འཕགས་པ་ཞིག་མྱོང་ཁོམ་སོགས་གང་ཡང་མ་བྱུང་བར་ཁུ་བ་ཤོར།
ནོར་བུ་བཟང་མོས། ཁྱེད་ཀྱིས་ད་ལྟའི་བར་དུ་ངའི་སྟེང་ལ་རང་ཚུགས་བཟུང་བ་རེད། གཞི་ནས་མགོ་འཛུགས་ཀྱང་། འདི་འདྲའི་དུས་ཚོད་ཅིག་གི་སྐབས་སུ་བྱུང་བ་ནི། དངོས་ནས་སེམས་པ་སྐྱོ་བ་ཞིག་རེད། ཆུ་ཚོད་གཅིག་གི་རྗེས་སུ་ང་དང་བྲལ་ནས་འགྲོ་ཁ་མ་འདི་འདྲ་ཞིག་ལ་ཟེར་ཞོར། ཐོབ་པ་དེ་ཤོར་ན་མི་འདོད་པའི་སྐད་ཆ་གློ་བུར་བ་ཞིག་ངག་ལས་ཤོར།
ནོར་བུ་བཟང་མོས་ཉལ་གོས་ལྡེབས་བརྩེགས་རྒྱག་ཞོར་དུ་བློ་བཟང་ལ་ཡར་ལོངས། ཁྱེད་རང་གི་གྲོགས་པོ་ཕྱིར་ནང་དུ་སླེབས་གྲབས་ཡོད་པ་རེད། འདང་བརྒྱབ་དེ་བསྡད་ནས་ཅི་བྱེད།
ཡིན་རྒྱུ་མ་རེད།
དངོས་ནས་ཡིན། ད་ལྟའི་བར་དུ་ང་རང་བུད་མེད་སུ་ལ་ཡང་འབྲེལ་བ་མེད།
ད་འདང་མང་བོ་མ་རྒྱག ཡར་ལ་ལོངས།
བློ་བཟང་གི་སྙིང་གི་འཕར་ལྡིང་ཡང་བཞག་ཡོད་པ་ཤེས་ནས། ད་འདི་རེད། ཞོགས་པ་ནས་སྙིང་གི་འཕར་ལྡིང་དྲག་དུ་ལྡིང་བ་དེར་མཚམས་འཇོག་བྱས་འདུག དོན་དག་འདི་འདྲ་ཞིག་བྱུང་གི་ཡོད་པ་ཤེས་པ་འདྲ་ཟེར་ནས་ནོར་བུ་བཟང་མོ་ལ་རང་གི་ཚོར་བ་དངོས་དེ་བཤད།
བློ་བཟང་ལ་བསམ་རྒྱུ་དྲན་རྒྱུ་གང་ཡང་མེད་པར་གདོང་འདོག་ཤོར་ནས་རླངས་འཁོར་ནང་དུ་འཛུལ་བཞིན་ཡོད་ལ། གྲོགས་པོ་རེ་ཟུང་དང་ནོར་བུ་བཟང་མོ་བཅས་ཁོ་རང་ལ་བསྐྱེལ་མ་བྱེད་དུ་ཡོང་ཡོད།
ལྡི་ལུར་ཉིན་གཉིས་ལུས་པའི་རིང་དུ་བློ་བཟང་ལ་ཟ་མ་ཟ་འདོད་ཀྱི་ཡི་ཀ་མེད་པར་འདང་རྒྱག་གི་ནང་དུ་ལྷུང་ཡོད་པ་དང་། ཐ་མག་རྔུབ་འཐེན་བྱེད་པ་དང་སྤི་རག་རེ་འཐུང་ནའ་རང་ཉིད་གཅིག་བུར་ལྷ་ས་མགྲོན་ཁང་ནས་མེ་འཁོར་འཛིན་བྱང་ལ་སྒུག་ཡོད། བློ་བཟང་གིས་རང་གི་ཉིན་ཐོ་འབྲི་དེབ་ཚུར་བླངས་དེ་སྒང་དུ་འདི་ལྟར་བྲིས།
བློ་བཟང་གི་ཉིན་ཐོ།
ངའི་སེམས་པ་འདི་འདི་ལྟར་ལྡིང་ཚར་སོང་། སེམས་གཏིང་གི་བརྩེ་མཐུན་མ། འུ་གཉིས་གྱེས་ཁར། ནམ་ཡང་བརྗེད་མི་ཐུབ་པའི་དྲན་ཤིང་འདི་ལྟར་འཇོག་དགོས་བྱུང་བ་ཅི་ཡིན་ནམ། ངའི་རང་ཉིད་ལ་ཡིད་ཆེས་བྱེད་ཐུབ་ཀྱི་མི་འདུག ད་ནི་ངས་ཡོད་ཚད་ཁྱེད་ལ་སྤྲད་ཟིན། བདེ་མོ་བྱོས། གཅིག་ཐང་ན། མྱུར་དུ་མཇལ་ཐུབ་ན་ཐང་། མི་ཡུལ་ན་ང་ལ་བདེ་སྣང་གི་ཚོར་བ་ཏུལ་འབྲི་ཙམ་ཡང་མེད་པའི་སྐབས་འདི་ལ། ངས་ཁྱེད་ལ་བཀའ་དྲིན་ཆེ་ཟེར་ན་འདོད།
༢༠༠༢།༡༡།༢༡ལ་བློ་བཟང་གིས་ལྡི་ལུ་ལྷ་ས་མགྲོན་ཁང་ནས།
མུ་འགོད།
དྲ་ཚིགས་ཞིག་གི་མགོ་ལ་སྡོད་པའི་དྲ་ལམ་རྩོམ་པ་བོ་ཞིག་ཡིན་ཚེ། ངེས་པར་དུ་དཔྱད་གཞི་ཡོད་པའི་རྩོམ་ཡིག་རེ་སྤེལ་རྒྱུ་གལ་ཆེན་པོ་རེད། ཐུགས་རྗེ་ཆེ།
གྲོགས་པོ་ལགས། པར་རྐྱང་རྐྱང་གིས་ཁ་བཀང་དོན་ཅི་ཡིན་ནམ། དྲ་ཚིགས་ཞིག་གི་མགོ་མཇུག་ལ་རྩོད་འགྲན་བྱེད་འདོད་པ་ག་ལ་ཡིན།
སྡོམ་པ་རྒྱུད་ལ་དངོས་ནས་སྐྱེ་ཡོད་མེད་ཀྱི་ས་མཚམས་དེ་ལ་རྩོད་པ་མི་བྱེད། དངོས་ནས་ལས་ངན་བློ་བཟང་གི་ཁུ་བ་ནི་ཤོར་སོང་བ་རེད། ད་ནི་འདིས་གང་བྱེད་ཀྱི་ཡིན་མིན་དག་ག་ལེར་གཟིགས་པར་འཚལ་སྤུན་ཟླ་ཚོ།
ཨ་ཁ་ཁ། ངོ་བོ་ངེས་འབྱུང་བསམ་པས་ཀུན་བསློང་ནས། །གཞན་གནོད་གཞི་བཅས་སྤོང་བའི་ལུས་ངག་ལས་ཐོབ་པའི་སྡོམ་ཁྲིམས་གཅིག་འཇིག་རྟེན་ནས་ཆུད་ཟོས་ཤོར་སོང་ན་ད་ག་འདྲ་ཡིན་ན།
བློ་བཟང་ལགས་ད་ནི་ཤོར་སོང་བ་ཕྱིར་འགྱོད་གྱིས། ཐོབ་ཟིན་པ་ལ་གཅེས་སྤྲས་བྱེད་རྒྱུ་ལས་ཅི་ཆ།
མུ་མཐུད་དུ་ཡིད་ཚིམ་པ་ཞིག་རེ་བ་ཡོད།
ཡ་ཡ་བློ་བཟང་རྗེས་མ་ཁྱོ་ག་རེ་བྱེད་རྒྱུ
ད་ཐེངས་བློ་བཟང་གི་ཡིན་ནི་ཟིག་བྱས་འདུག་ད་མུ་མཐུད་དུ་ཤོག
སྐབས་འདིའི་བློ་བཟང་ལ་མཚོན་ན་སྡོམ་པ་ཤོར་ཟེར་བ་ལས་ཁུ་བ་ཤོར་ཟེར་ན་འགྲིག་གི་འདུག གང་ཡིན་ཟེར་ན་གྲྭ་པ་ཨ་ནེའི་སྡོམ་པ་ཟེར་བ་དེ་ནི་ངེས་འབྱུང་གི་བསམ་པ་ཞིག་གིས་རྒྱུ་བྱས་ནས་སྐྱེ་དགོས་པ་ཞིག་ཡིན་པས། བློ་བཟང་ལ་འཁོར་བར་ངེས་འབྱུང་མེད་པར་སྡོམ་པ་ཞིག་ག་ལ་ཡོད། གསར་བུ་ཞིག་ཡིན་པས་སྒོང་རྡོག་ནང་ན་ཁུ་བ་གང་འཚམ་ཞིག་ཡོད་པ་རེད། རྩ་བ་དེ་ནི་ཁུ་བ་དེ་ཕྱིར་བཏང་བ་རེད་མ་གཏོགས་སྡོམ་པ་དེ་དང་པོ་ནས་ཁོའི་རྒྱུད་ལ་སྐྱེས་ཡོད་ཟེར་མི་ཐུབ་པས་ནོར་བུ་བཟང་མོའི་སྟེང་དུ་སྡོམ་པ་བཏང་མི་འདུག