བོད་རྒྱ་ཞི་མོལ་གྱི་འབྲེལ་བ་མྱུར་ཏུ་བསྐྱར་གསོ་བྱ་རོགས།

ཨོ་བྷ་མས་སྐད་ཆའི་ནང་དོན་འདི་རེད། མི་ལྷམ་མགོ་མེད་མཁན་ཞིག་གི་ལོ་རྒྱུས་ཙམ་ཞིག་ཐོས་པ་རྒྱུ་མཚན་དུ་བྱས་དེ། ཁྱེད་ཀྱིས་མི་དེ་ལ་ལྷམ་མགོ་ཞིག་སྤྲོད་རྒྱུར་ང་ཚོས་རེ་བ་བྱེད་ཀྱི་ཡོད་ཟེར་བ་དང་ཁྱད་པར་མི་འདུག དེ་ནི་ཁ་ཡག་ཞིག་ལས་དོན་དངོས་ལག་ལེན་ལ་འདེབས་དགོས་པའི་སྐད་ཆ་ཞིག་མིན། དེ་མིན་ཁོ་རང་གིས་དངོས་ནས་མི་དེ་ལ་ལྷམ་མགོ་མེད་པའི་ན་ཟུག་དང་ལྷམ་མགོ་མེད་པར་འགྲོ་མཁན་གྱི་མི་དེ་ཡི་ན་ཟུག་དངོས་དེ་མི་དེར་བཤད་ཐུབ་མེད་པ་ཡིན། གང་ཡིན་ཟེར་ན་རང་གི་ལྷམ་མགོ་གཙང་མ་བཟོ་བ་དང་། རང་ལ་ལྷམ་མགོ་གསར་བ་ཞིག་གོན་རྒྱུ་འདུན་པ་ཡོད་པ་དང་། ལྷམ་མགོ་གསར་བ་གྱོན་མཁན་གྱི་མི་དེ་ལ་ཁྱེད་རང་གི་ལྷམ་མགོ་གསར་བ་དེ་ང་རང་གིས་ཀྱང་གོན་འདོད་ཡོད་ཟེར་བ་དེ་ཙམ་རེད།

སྐུ་ཞབས་གསེས་རིས་མིང་ཅན་པ་ལགས། ངས་འདི་ནས་སྐྱག་རྫུན་བཤད་མི་འདོད་ལ། བསམ་བཞིན་དུ་ཁྱེད་ལ་དམིགས་ནས་དྲ་རྒྱ་འདིའི་བརྒྱུད་ལམ་བཙལ་བ་ཡང་མིན། འོན་ཀྱང་། སྔ་མོ་ཞིག་ནས་དུས་བབ་ཚང་གི་ཟིན་བྲིས་པ་དག་གིས་སྨྱུག་མིང་འདྲ་མིན་བཟོས་ཏེ། སྤྱི་ཚོགས་ནང་དགོས་མེད་ཀྱི་དཀྲོགས་གཏམ་སྤེལ་བ་དང་། དེ་བཞིན་གནས་ལུགས་མི་རྩོད་པར་གང་ཟག་སྒེར་གྱི་སྙིང་ནད་མང་པོ་ཞིག་དྲ་ཐོག་འདིར་ཁུར་ཡོང་ནས། དུས་བབ་ཚང་གི་མདུན་སྐྱོད་དང་མཚན་ཤས་ལ་གནོད་པའི་བྱ་བ་མང་པོ་ཞིག་བྱེད་བཞིན་པ་མཐོང་སྟེ། ཟླ་ཤས་ཀྱི་སྔོན་ནས་ཁྱེད་ཅག་གི་དྲ་རྒྱའི་བརྒྱུད་ལམ་དག་སྔོག་གཤེར་དང་། ཡུལ་ལུང་གང་ཞིག་དང་། དྲ་ལམ་སྟེ་ code གང་ཞིག་ནས་མཆན་བུ་འདེབས་ཀྱིན་ཡོད་མེད་སོགས་ཀྱི་སྐོར་ལ་ཞིབ་དཔྱད་བྱས་པ་ཡིན། འོན་ཀྱང་། སྐུ་ཉིད་ཀྱི་དྲ་རྒྱའི་བརྒྱུད་ལམ་འདི་ནས་ནམ་རྒྱུན་སྤྱི་ཚོགས་ལ་གནོད་པའི་མཆན་བུ་མང་པོ་ཞིག་ཡོང་གི་འདུག་པས། རྗེས་ཕྱོགས་མཆན་གང་ཞིག་བཏབ་རུང་གཟབ་གཟབ་བྱོས། ངས་འདི་ནས་ཁྲིམས་མཐུན་གྱི་སྒོ་ནས་དྲ་རྒྱའི་སྟེང་དུ་ལས་ཀ་བྱེད་ཀྱིན་ཡོད། གལ་སྲིད་སྐུ་ཉིད་ཀྱི་དྲ་རྒྱའི་བརྒྱུད་ལམ་དེ་བཙལ་དགོས་བྱུང་ཚེ། སྐུ་ཉིད་ཀྱི་དྲ་རྒྱ་དེ་ཁྲིམས་ཐོག་ནས་འཚོལ་རྒྱུ་ཡིན་པས། དེ་ལུགས་དགོངས་འཇགས་འཚལ། ངས་གང་ཟག་ཁྱེད་སུ་ཡིན་མི་ཤེས་མོད། འོན་ཀྱང་དྲ་རྒྱའི་བརྒྱུད་ལམ་གང་ཞིག་ཡིན་པ་དང་། དྲ་བའི་ཨང་གྲངས་ཅི་ཞིག་ཡིན་པ་རྩོད་མེད་ངང་བཙལ་འཚོལ་བྱུང་ཟིན།

བོད་རྒྱ་ཞི་མོལ་གྱི་འབྲེལ་བ་མྱུར་ཏུ་བསྐྱར་གསོ་ཡོང་བ་སྨོན།

༼བོད་ནི་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཆ་ཤས་རེད༽ཟེར་བ་འདི་དང་ཐོག་ཕྱི་ལ་བསྒྲགས་མཁན་ཏཱ་ལའི་བླ་མ་རེད། ཁྱབ་བསྒྲགས་ཤུགས་ཆེན་བྱེད་མཁན་དཔལ་ལྡན་བཀའ་ཤག་རེད། དེ་བས། དབྱིན་གཞུང་ཨུ་ཐུག་ནས་རྒྱ་ནག་ལ་བཟོད་གསོལ་ཞུ་དགོས་བྱུང་བ་རེད་ལ། དེ་ལ་བརྟེན་ནས་མོན་རྟ་དབང་རྒྱ་ཁོངས་ཡིན་པའི་རྩོད་གཞི་ཇེ་ཆེར་གྱུར་བ་རེད། མ་གཞི་བྷ་བྷུ་རྗེ་གཞུང་གིས༼བོད་ནི་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཆ་ཤས་རེད༽ཟེར་བ་དེ་བཀོལ་ནས༼ས་མཚམས་ཐག་གཅོད༽བྱེད་འདུན་བཅངས་ཡོད་ནའང་། རྡོ་བ་ལམ་ནས་བླངས་ཏེ་རང་ཉིད་ཀྱི་རྐང་བར་བརྡབས་པའི་དཔེ་རུ་གྱུར་ཡོད་པ་རེད།

བཙན་བྱོལ་བོད་མིའི་ཁྲོད་ཐོག་མར་ཨ་རིར་ཕེབས་ནས་གཞིས་ཆགས་མཁན་དང་པོ་ནི་སྐུའི་གཅེན་པོ་སྟག་འཚེར་རིན་པོ་ཆེ་རེད། ཨ་རི་ལ་རེ་བ་བརྒྱབ་ན་ཡོང་གི་མ་རེད་ཅེས་ཨ་རིའི་གཞུང་ལ་ཡིད་ཆད་མཁན་ཐོག་མ་ཡང་སྟག་འཚེར་རིན་པོ་ཆེ་རེད། ཁོང་གིས་རྒྱ་ནག་མ་ཡིན་པའི་ཕྱིའི་རྒྱལ་ཁབ་ཅིག་ལ་རེ་བ་རྒྱག་གི་ཡིན་ན་དེ་ནི་རྒྱ་གར་རེད་ཅེས་གསུངས་པ་རེད། འདི་ལྟར་བལྟས་ཡོང་དུས་ཕྱོགས་གང་ཐད་ནས་བོད་པ་ཚོར་ཕན་ཐོགས་མཁན་ནི་རྒྱ་གར་རེད། བོད་དོན་ཐད་སེམས་གཏིང་ནས་སེམས་ཁུར་ཡོད་མཁན་ཡང་རྒྱ་གར་ཡིན་པ་འདྲ། ད་ང་ཚོས་བཙན་བྱོལ་བོད་གཞུང་གི་ཕྱི་སྲིད་ཀྱི་འཐབ་བྱུས་འདི་ལ་བསྐྱར་ཞིབ་ཅིག་བྱེད་རན་འདུག

བོད་པ་ཚང་གླེན་པ་རེད། རེ་བ་མི་ལ་རྒྱག་པ་དེ་ནོར་པ་རེད། ལྷག་པར་ཨ་རི་ལ་རེ་བ་རྒྱག་པ་དེ།
རང་ཉིད་ཀྱི་བྱ་པ་གནད་དོན་གང་ཡིན་ནའང་རང་ཉིད་ལ་རག་ལས་ཡོད།
ཡང་གཅིག་བཤད་ན། ལོ་རྒྱུས་གང་དུའང་རྒྱལ་ཁབ་གང་ཞིག་གིས་རང་བཙན་རྩོད་ལེན་གྱི་ལོ་རྒྱུས་ཡོད་ཚད་དུ་་སོ་སོ་རང་ཉིད་ལས་ཕྱི་ལོགས་ནས་སུ་གང་ཞིག་གིས་ཁོང་ཚོ་ལ་རང་བཙན་སྤྲོད་མཁན་ཞིག་བྱུང་ཡོད་པ་མ་རེད།
ང་ཚོས་ཀྱང་མགོ་ལག་པས་བསྐྱོར་དེ་ངུ་བཞིན་གཞན་ཞིག་ལ་ཁེངས་ར་བྱེད་པ་ལས་ལག་པ་རྒྱ་ཕྱོགས་སུ་འགུལ་ན་རན་འདུག་འདོད།

ཁ་སངས་དགོང་དྲོ་ངས་བྷི་བྷི་སིའི་ BBC world News གསར་འགྱུར་ཉན་དུས་ཨ་རིའི་སྲིད་འཛིན་ཨོ་བྷ་མས་བོད་དེ་རྒྱ་ནག་གི་ཆ་ཤས་ཤིག་ཡིན་པའི་ངོས་འཛིན་ཐོག་རྒྱ་ནག་གཞུང་གིས་༸ གོང་ས་ཏྭ་ལའི་བླ་མའི་སྐུ་ཚབ་དང་མཉམ་དུ་གྲོས་མོལ་གནང་དགོས་པའི་རེ་འདུན་བཏོན་པ་དེ་གོ་མ་ཐག་ཏུ་ངས་བོད་དེ་ད་ཆ་རྒྱ་ནག་གི་ཁ་བྲལ་དུ་མེད་པའི་གནད་དོན་ཞིག་ཏུ་འགྱུར་བཞིན་འདུག་བསམས་ཏེ་སེམས་ནང་བོད་དང་བོད་མི་རིགས་ཟེར་བ་དེར་འདུན་ལམ་ཟབ་མོ་ཞིག་རྩ་ནས་མེད་པའི་འཚོར་སྣང་དྲག་པོ་སྐྱེས་བྱུང་།

འོན་བཏང་རྣོ་བསམ་ཞིབ་མོ་ཞིག་བཏང་དུས་ཨོ་བྷ་མས་གནད་དོན་དེ་འདྲ་ཞིག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཚོགས་ཆེན་མོའི་ནང་སྲིད་འཛིན་ཧུ་ཅིན་ཐའོ་ཡིས་གཙོས་པའི་ཆེས་མཐོའི་དཔོན་རིགས་ཚོའི་མདུན་དུ་བོད་ཀྱི་གནད་དོན་དེ་གང་འགྱོགས་ཞི་འགྲིག་བྱེད་དགོས་པར་བསྐུལ་མ་ཆེན་པོ་བཏང་ཡོད་པ་དེར་སེམས་གཏིང་ནས་བསམས་ན་ངོ་མ་དགའ་འོས་ཞིག་རེད་སྙམ་བྱུང་།

དེ་ནི་ད་ལྟའི་ཆར་༸ གོང་ས་སྐྱབས་མགོན་ཆེན་པོ་མཆོག་གི་ཐུགས་དགོངས་དང་། བཙན་བྱོལ་བོད་གཞུང་གི་མཛད་ཇུས། བོད་མི་རིགས་ཀྱི་མདུན་ལམ་དང་ཡོངས་སུ་འཚམས་པ་ཞིག་ཡིན་སྟབས་དེ་ནི་དགའ་འོས་དང་བཀྲ་ཤིས་པའི་གཏམ་བཟང་ཞིག་ལོས་ཡིན།

ཉེ་ཆར་བོད་ནས་ཁུངས་ལྡན་གནས་ཚུལ་འབྱོར་གསལ་ལྟར་ན། གསེར་རྟ་བླ་རུང་ཆོས་སྒར་གྱི་དགེ་བསྙེན་དགོན་པ་ལེགས་ཚོགས་ཆར་འབེབས་གླིང་དུ་ཟླ་འདིའི་ཚེས་༥ ནས་༡༡ བར་བདེ་ཆེན་ཞིང་སྒྲུབ་ཆེན་མོ་འཚོགས་གཏན་ཁེལ་གནང་ཡོད་ཀྱང། རྒྱ་གཞུང་གིས་ཕག་ཆམ་ན་བ་ལ་ཁ་གཡར་ནས་ཆོས་སྡེ་སོ་སོའི་ནང་མ་གཏོགས་བདེ་ཆེན་ཞིང་སྒྲུབ་ཆེན་མོ་འཚོག་མ་བཅུག་པ་དང། དེ་ནི་ད་བར་རྒྱ་གཞུང་གིས་བོད་ནང་དུ་ཆོས་དད་རང་དབང་ཡོད་སྐོར་སོགས་གྱི་རྫུན་རྐྱང་རྐྱང་བཤད་ནས་འཛམ་བུ་གླིང་མགོ་སྐོར་གཏོང་བཞིན་ཡོད་པ་རེད་མ་གཏོགས། དོན་དངོས་ལ་བཙན་གནོན་དང་འཇིགས་སྐུལ་འོག་བོད་མི་ཚོ་གནས་དགོས་ཀྱི་ཡོད་པ་དང། ལྷག་པར་འགྲོ་བ་མིའི་རང་དབང་དང་ཐོབ་ཐང་སོགས་རྩིས་མེད་རྡོག་རོལ་གཏོང་བཞིན་ཡོད་པ་འདི་རེད། དེ་ཡང་བདེ་ཆེན་ཞིང་སྒྲུབ་ཆེན་མོ་ནི་གསེར་རྟ་བླ་རུང་ཆོས་སྒར་ཆེན་མོར་ལོ་རྟག་པར་ཚོགས་ཀྱི་ཡོད་པ་ཞིག་ཡིན་པ་མ་ཟད། མདོ་དབུས་ཁམས་གསུམ་གྱི་དད་ལྡན་ཕོ་མོ་ཡོངས་མཉམ་ཕེབས་ཀྱིས་ཆེས་དགའ་བསུ་བྱེད་སའི་ཆོས་ཀྱི་བྱེད་སྒོ་ཆེན་པོ་ཞིག་རེད། ད་ལོ་ཡང་བོད་ཀྱི་རྒྱལ་ས་ལྷ་ས་སོགས་ཕྱོགས་ཡོངས་ནས་མི་མང་ཕེབས་ཀྱི་ཡོད་ཀྱང་རྒྱ་གཞུང་གིས་དམ་དྲག་འོག་འཚོག་བཅུག་ཡོད་པ་མ་རེད་ཅེས་འགྲེལ་བརྗོད་བྱས་སོང།།

མི་ཉག་སྐལ་བཟང་། ད་ཚོད་བྱེད། ང་ཚོ་བོད་ཀྱི་ཁ་དཔེར་ བྱམས་པོ་བྱས་ན་དགྲ་ཡང་གཉེར་དུ་འགྲོ་ རྩུབ་ཚོད་མ་ཟིན་བུ་ཡང་དགྲ་རུ་འགྲོ ཞེས་པའི་དཔེ་ལྟར་ད་ཁྱོད་ཀྱིས་ལུང་རིགས་ལ་གང་བྱུང་མ་བཤད་རོགས་ཞུ། ད་ལྟའི་དུས་ལ་ང་ཚོ་བོད་རིགས་ནང་ཁུལ་དེ་འདྲ་བྱས་ན་སེམས་པ་སྐྱིད་པོ་མི་འདུག ངས་ཁྱོད་རང་ངོ་ཡག་པོ་ཤེས་ཀྱི་ཡོད་ཙང་རེ་བསྐུལ་ཙམ་ཞུས་པ་ཡིན་ལགས།

ཨོ་བྷ་མས་རང་ཉིད་ཀྱི་རྒྱལ་ཁབ་དང་མི་རིགས་ཀྱི་ཁེ་ཕན་དང་བདེ་འཇགས་ལ་ཕུགས་སེམས་བཞེས་ནས་གོང་གསལ་གྱི་སྐད་ཆ་དེ་དག་བཤད་པ་རེད།   ཨོ་བྷ་མས་མཚོན་པའི་འགོ་ཁྲིད་མང་དག་ཅིག་ལ་ང་ཚོས་བློ་གཏད་དང་ཡིད་ཆེས་རྒྱ་ཆ་རྒྱ་བྱས་སྟེ་ང་ཚོས་དཀའ་ངན་ཁོས་ཚོའི་ནུས་ཤུགས་ལ་བསྟན་ནས་སེལ་བར་བློ་བཀལ་བྱས་བ་དེ་ནོར་འཁྲུལ་ཆེ་ཤོས་ཤིག་རེད།  ང་ཚོའི་དཀའ་ངན་ང་ཚོའི་ནུས་ཤུགས་དང་བློ་སྟོབས་ལ་བསྟན་ནས་སེལ་དགོས་པ་ཞིག་རེད་མ་གཏོགས་གཞན་གྱིས་ནམ་ཡང་སེལ་གི་མ་རེད།   དེ་བས་ང་ཚོའི་རང་ཉིད་ལ་རང་ཉིད་ཀྱི་ས་ཡིད་ཆེས་དང་རེ་བ་བྱས་སྟེ་སྙིང་ལ་རུས་བ་སྐྱེད་རྒྱུར་ཁ་ཚ་དགོས་གཏུགས་ཀྱི་གནད་དོན་ཞིག་རེད་བསམ།

ཨོ་བྷ་མར་ཁག་མེད། ཁོ་རང་ཉམས་ཆག་ཏུ་སོང་བའི་ཨ་རིའི་དཔལ་འབྱོར་ཁ་གསབ་ཀྱི་ཆེད་དུ་རྒྱ་ནག་ཏུ་བསྐྱོད་པ་རེད།
དང་ཐོག་ནས་ང་ཚོ་རང་ཉིད་ཀྱིས་ཁོ་པར་རེ་བ་ཤུགས་ཆེན་བྱས་པ་དེ་འཕྱུགས་སོང་བ་རེད།
མི་རབས་གསར་པའི་ཨ་རིའི་སྲིད་འཛིན། གྲངས་ཉུང་མི་རིགས་ཀྱི་འཐུས་ཚབ།
ཞི་བདེའི་དེད་དཔོན། བསམ་བློ་གསར་པར་རློམ་པ། འཛམ་གླིང་ནང་མིང་གྲགས་ཆེ་བའི་སྲིད་འཛིན་དེ།
རྒྱ་གཞུང་གིས་དགོས་མཁོར་སྤྱད་དེ་བོད་ཐོག་འཛིན་པའི་ཨ་རིའི་ཆབ་སྲིད་ལངས་ཕྱོགས་སྐད་སེང་མཐོན་པོས།
འཛམ་གླིང་ཡོངས་སུ་བརྒྱུད་བསྒྲགས་བྱེད་བཅུག་པ་རེད། དེའི་ཞོར་དུ་ཨོ་བྷ་མས་བོད་དོན་དེ། རང་ཉིད་ཀྱི་དགོས་མཁོར་དམིགས་ཏེ་དྲུད་འོང་བ་རེད།
མ་གཏོགས་གཞན་བོད་ནང་དང་ཤིན་ཅང་ནང་གི་ཡ་ང་བའི་ཟློས་གར་རྣམས་ཨོ་བྷ་མས་མིག་མཐོང་ལག་ཟིན་བྱུང་ཡོད་ཀྱང།
དེ་ཚོར་དམིགས་ནས་ཁ་ཡང་བསྒྲགས་མ་ཐུབ་པ་རེད། ད་ལྟ་ལྷག་པ་ནི་ཕྱོགས་གཉིས་ཀྱི་དཔལ་འབྱོར་མ་གཏོགས་ཅི་ཡང་ལྷག་མེད།
ང་ཚོས་མཐོང་བཞིན་དུ་ཡག་ཡག་དང་མཛེས་མཛེས་ཀྱི་འགྲེལ་དགོས་མེད།
གང་ལྟར་ང་ཚོ་རང་ཉིད་ཀྱིས་རེ་བ་བཅོལ་བ་དེ་ག་རང་མ་འགྲིགས་པ་རེད།

ཨོ་བྷ་མ་ཡིན་ན་མྱི་ནག་དེས་བོད་རྒྱ་ནག་གི་ཆ་ཤས་ཡིན་པ་གསལ་པོ་གསུངས་སོང་ང་། བུ་ངར་བ་ཟེར་ནོ་རེད་ཡ། བོད་མི་ཚང་མའི་ཚབ་བྱས་ཏེ་ཐུགས་རྗེ་ཆེ་ཞུས་པ་ཡིན་ལོ།

ཨོ་བྷ་མས་གང་བཤད་ཡོད་ཚད་ལ་རྒྱ་ནག་གི་ཆ་འཇོག་བྱེད་མི་སྲིད་ཟེར་ན་དཀའ་ཡང་། ཆ་འཇོག་དང་ཡི་རུང་བརྩི་བཀུར་བྱེད་སའི་ཚིག་གཅིག་རྒྱའི་སྲིད་གཞུང་ལ་རེག་པ་རེད། དེ་ནི་བོད་འདི་རྒྱ་ནག་གི་མངའ་ཁུངས་རེད་ཟེར་བ་དེ་ཡིན། ད་ནི་བོད་པ་ཚོ་རང་གི་རྒྱལ་ཁབ་དུ་ཕྱིར་ལོག་རན་རེད། རང་གི་རྒྱལ་ཁབ་ཀྱིས་རང་གི་མངའ་འབུངས་ལ་སེམས་འཁུར་དང་འགན་ལེན་བྱེད་རྒྱུའི་ཆོད་སེམས་བརྟན་པོ་ཞིག་ཡོད་པ་ཙམ་མ་ཡིན་པར། ཡིག་ཐོག་དང་འཕྲིན་ཐོག བརྙན་འཕྲིན། རྒྱང་སྒྲོག ཚགས་ཤོག་སོགས་གང་སར་འགྲེལ་སྤེལ་བྱས་སོང་། བོད་པ་ཚོ་གྲྭ་སྒྲིག་བྱས་དང་བོད་དུ་འགྲོ

གལ་ཏེ་བོད་ཀྱི་དུས་བབས་ཞེས་པ་མིང་བསྒྱུར་ནས་ལུང་རིགས་རྒྱལ་ཀྱི་དུས་བབས་ཞེས་འདོགས་པ་ཡིན་ན། ང་རང་དུས་ནམ་ཡང་ཁྱེད་ཟིན་བྲིས་ཀྱི་མགྲོན་དུ་མི་སླེབས་རྒྱུ་རྩ་བའི་དམ་བཅའ་ཡིན།

༧གོང་ས་མཆོག་དང་ལྷན་བོད་རྒྱའི་བར་དཀའ་ངལ་གང་ཡོད་སེལ་དགོས་སྐོར་ཨོ་བྷ་མ་མཆོག་གིས་གསུངས་པ་དེ་ཙམ་ཡང་རང་ཅག་ལ་ཧ་ཅང་རྒྱལ་ཁ་ཆེན་པོ་རེད་ལ་ཧ་ཅང་བཀའ་དྲིན་ཆེན་པོ་རེད། དེ་བཞིན་མདོར་ན་ཁོང་གིས་བོད་དོན་ལ་སྐད་ཆ་རེ་བཤད་ཨེ་ཡོང་གི་རེ་སྒུག་ང་ཚོས་བྱེད་དགོས་པ་དེས་ང་ཚོས་ང་རང་ཚོའི་གནས་སྟངས་གང་འདྲ་ཆགས་ཡོད་པ་དྲན་སོས་དགོས་ངེས་རེད།
ཁོང་གིས་བོད་རྒྱ་ནག་གི་ཆ་ཤས་ཡིན་པར་ངོས་བླངས་པ་དེ་ནི་དེང་དུས་རྒྱལ་སྤྱིའི་ཆབ་སྲིད་དབུ་ཁྲིད་རྣམས་ཀྱི་གཅིག་གྱུར་གྱིས་རྒྱ་ནག་ལ་བསྟུན་མཁས་ཀྱི་སྐད་ཆ་དེ་རེད།
ཨོ་བྷ་མས་ཐེ་ཝན་སོགས་རྒྱ་ཁོངས་ཡིན་པ་ངོས་ལེན་བྱས་པར་ཧུའུ་ཅིན་ཐོ་ཡིས་བསྔགས་བརྗོད་བྱས་པ་འདི་དེ་རིང་འཛམ་གླིང་མི་མང་གིས་དངོས་སུ་མིག་གིས་མཐོང་སར་ཨོ་བྷ་མར་ཐོབ་པའི་གྲུབ་འབྲས་རེད་ལ་གྲུབ་འབྲས་དེ་ཙམ་ཁྱེར་ནས་གནས་སྐབས་ཨོ་བྷ་མ་ཨ་རི་ལ་ཕྱིར་ཕེབས་ཀྱི་རེད།

ཧུའུ་ཅིན་ཐའོ་ཡིས་༼འགྲོ་བ་མིའི་ཐོབ་ཐང་སོགས་ཕྱོགས་གཉིས་ཀྱི་མི་མཐུན་པའི་ཆ་ཉུང་དུ་བཏང་སྟེ་སྤྱི་མཐུན་གྱི་ཆ་གོང་མཐོར་ཡོང་བར་འབད་བརྩོན་བྱ་རྒྱུ་ཡིན་༽ཟེར་བ་ཧུའུ་ཡི་རྒྱལ་སྤྱིའི་སྤྱི་ཚོགས་ལ་བསྟུན་མཁས་འདྲ་ཆགས་ཀྱི་སྐད་ཆ་རེད།
སྲིད་འཛིན་ཧུའུ་ཡི་སེམས་གཏིང་གི་སྐད་ཆ་ནི་༼ཕན་ཚུན་འདྲ་མཉམ་དང་བརྩི་བཀུར་གྱི་སྒོ་ནས་ནང་སྲིད་ལ་ཐེ་གཏོགས་མི་བྱེད་པའི་སྒོ་ནས།༽ཟེར་བ་འདི་རེད།ཚིག་འདིའི་དོན་དག་ནི་སྲིད་དབང་སྒེར་གཅོད་པ་རྒྱ་ནག་དམར་པོས་དབུ་ཁྲིད་པའི་རྒྱ་ནག་གི་སྲིད་གཞུང་ལ་ནི་ཨ་རི་སྲིད་གཞུང་དང་འདྲ་མཉམ་བརྩི་བཀུར་ཞུ་དགོས་ཀྱི་ཡོད། ཅེས་དང།
ང་ཚོའི་ནང་སྲིད་ལ་གཞན་སུ་གང་གིས་ཐེ་གཏོགས་བྱེད་མི་ཆོག གལ་སྲིད་ཐེ་གཏོགས་བྱས་ན་ང་ཚོས་ཁུར་མི་ཐུབ་ཟེར་གྱི་ཡོད་པ་རེད།
ང་ཚོར་བརྩི་བཀུར་བྱས་ཏེ།ང་ཚོའི་ནང་སྲིད་ལ་ཐེ་གཏོགས་མ་བྱས་ན་འགྲོ་བ་མིའི་ཐོབ་ཐང་དང་ཆོས་དད་རང་དབང་སོགས་ལ་ང་ཚོ་མཉམ་དུ་སྐད་ཆ་སྙན་པོ་བཤད་ཆོག་ཅེས་བཤད་འདུག

ཨོ་བྷ་མས་རྒྱ་ནག་ལ་བསྟུན་མཁས་བྱས་པར་བརྟེན་རྒྱལ་སྤྱིའི་སྤྱི་ཚོགས་མགོ་སྐོར་གཏང་ཐབས་ཆེད་དུས་ཐུང་ནང་ང་ཚོའི་སྐུ་ཚབ་ཚོགས་པསླར་ཡང་རྒྱ་ནག་ལ་སྐད་གཏང་སྲིད་པ་རེད།

གང་ལྟར་རྒྱ་གཞུང་གིས་ག་རེ་བྱས་ཀྱང་མགོ་སྐོར་ཡིན་པར་ཐག་བཅད་ན་འགྲིག་པ་རེད་ལ་སྐབས་དེར་ང་ཚོའི་སྐུ་ཚབ་འགྲོ་དགོས་ཀྱི་རེད་དམ། ཟེར་བ་འདི་དྲི་བ་གལ་ཆེན་ཞིག་རེད།
གལ་སྲིད་སྐབས་དེར་ང་ཚོའི་སྐུ་ཚབ་མ་སོང་ན་རྒྱ་གཞུང་གིས་ཁོང་ཚོ་ཡོང་གི་མི་འདུག་ཅེས་ང་ཚོས་མགོར་ནག་འགེལ་ངེས་རེད།
སོང་ཡང་རྒྱ་གཞུང་གིས་རྒྱལ་སྤྱི་མགོ་སྐོར་གཏང་ཐབས་དང། དུས་ཚོད་སྐྱེལ་ཐབས་ཙམ་ཡིན་པ་ལས་ང་ཚོའི་སྐུ་ཚབ་ཕྱིར་ལག་སྟོང་དུ་གཏང་ངེས་རེད།
དཔེར་ན། སྐུ་ཚབ་ཚོགས་པ་ཐེངས་བདུན་པ་དང་བརྒྱད་པ་གཉིས་ཀྱི་བར་དུ་སྤྱི་ལོ་༢༠༠༨ལོར་དམིགས་བསལ་ཐེངས་གཅིག་ཕེབས་སྐབས་ཀྱང་རྒྱ་ནག་འཐབ་ཕྱོགས་གཅིག་གྱུར་གྱི་འགོ་ཁྲིད་ཀྱིས་ཁྱེད་ཚོས་ཨོ་ལིམ་ཕིག་ལ་རྒྱབ་སྐྱོར་གྱིས་དང་དེས་རྒྱ་གཞུང་གི་ལང་ཕྱོགས་དང་བོད་ཐོག་འཛིན་པའི་རྒྱ་གཞུང་གི་སྲིད་བྱུས་བཅས་ལ་འགྱུར་བ་འགྲོ་གི་རེད། དེ་ལ་ཏན་ཏན་ལྟ་ས་ཡོད། ཅེས་བཤད་ཡོད། ཨོ་ལིམ་ཕིག་ཚར་རྗེས་སྐུ་ཚབ་ཐེངས་བརྒྱད་པ་ཕེབས་སྐབས་རྒྱ་གཞུང་གིས་ངེད་ཚོའི་ཨོ་རྩལ་འགྲན་ཚོགས་རྒྱལ་ཁའི་ངང་ལེགས་གྲུབ་བྱུང་ཡོད། བོད་མི་ཆེས་ཉུང་ཤས་ཤིག་གིས་བོད་ནང་ཟིང་ཆ་བསླངས་སོང་ཡང་ད་ལྟ་བདེ་འཇགས་བྱུང་ཡོད།
ཁྱེད་ཚོའི་དགོས་འདུན་ཡིག་ཆའི་ཐོག་མཐའ་བར་གསུམ་ཆ་ཚང་རང་བཙན་ཁོ་ནའི་སྐོར་རེད་འདུག འདི་འདྲ་ཞིག་ཡོང་ཐབས་ཡོད་པ་མ་རེད། ཅེས་སྐུ་ཚབ་ཚོགས་པ་ཕྱིར་མངག་ཡོང་བ་ལྟ་བུ་རེད།
དེའི་ཕྱིར་ང་ཚོས་མ་འོངས་པར་གང་དགོས་སམ།ཞེས་པ་འདི་དྲི་བ་ཆེན་པོ་ཞིག་ཡིན་པར་སྙམ།

ཨོ་བྷ་མས་བོད་དོན་ཐད་གླེང་སློང་ཙམ་གནང་བར་ཡང་དགའ་བསུ་ཡོད། འོན་ཏང་བོད་རྒྱ་ནག་གི་ཆ་ཤས་སུ་ངོས་ལེན་གཙང་མ་གནང་བ་དེས་ངའི་སེམས་ཁོང་དྲོན་མོ་འཁྱག་ལ་སྦྱར་སོང་། ཁོ་ལ་རྒྱུ་མཚན་ཞིག་ཡོད་ངེས་ཡིན་ཡང་། ཤ་གསེང་རུས་གསེང་ནས་བོད་རྒྱ་གཉིས་རྦད་དེ་ཐ་དད་དུ་འཛིན་མཁན་དག་ལ་མཚོན་ན། བོད་རྒྱ་ནག་གི་ཆ་ཤས་སུ་ངོས་ལེན་བྱེད་པའི་ཐབས་ཇུས་དེ་དག་ནི་བོད་ཀྱི་བདེན་དོན་དང་། བོད་ཀྱི་ལོ་རྒྱུས། བོད་མིའི་མངོན་འདོད་སོགས་དང་ཧ་ཅང་རྒྱབ་འགལ་དུ་སོང་ཡོད་པར་མ་ཟད། དེ་ནི་རྒྱ་གཞུང་ལ་དགོས་ངེས་ཀྱི་གཏམ་བཤད་ངོ་མ་ཞིག་དང་། རྒྱ་ཕྱོགས་ལ་རྒྱབ་སྐྱོར་གཙང་མ་བྱས་པའི་མཚོན་དོན་ཞིག་ཀྱང་རེད། གང་ལྟར་ང་ཚོ་བོད་མི་རིགས་ཀྱི་ཁ་སྟབས་ནི་འདི་འདྲའི་ཉམས་དམའ་བོར་གྱུར་པ་

ལག་དམར་བ་འདིས་རྒྱ་ནག་གཅིག་དང་མངའ་ཁོངས་གཅིག་གྱུར་ཡོང་བའི་གཞི་རིམ་གྱི་གནས་སྟངས་ལ་བསམ་བློ་མི་གཏོང་བར་རྒྱ་ནག་གཅིག་དང་མངའ་ཁོངས་གཅིག་གྱུར་ཞེས་པའི་བརྡ་ཚིག་སྐམ་པོ་འདི་ཚོ་ཕྱི་ནང་གི་འདུ་ཚོགས་གང་དུའང་མ་ནི་འདོན་པ་ལྟར་གྱེར་གྱིན་ཡོད།

དོན་དམ་གྱི་རྒྱ་ནག་གཅིག་དང་བརྟན་ལྷིང་གི་མངའ་ཁོངས་གཅིག་གྱུར་ཡོང་མིན་དེ་ཨོ་བྷ་མའི་མོས་མཐུན་ཡོད་མེད་དང་ཆབ་སྲིད་མི་སྣའི་ཚོའི་རྒྱབ་སྐྱོར་ཡོད་མེད་ལ་ཐུག་ཡོད་དམ།
འདི་སྲིད་འཛིན་ཧུའུ་ཅིན་ཐའོ་ཁྱོད་ལ་དྲིས་པའི་དྲི་བ་ཡིན།