ངས་དོ་ནུབ་རང་ཉིད་རིག་དུས།

བསེ་རུ་ལྷོད་ལ་བབས་སོང་།།
ཡིག་ནོར་འཚོལ་བར་སླེབས་ཡོད།།
དྲ་གྲོགས་གཟུར་གནས་རྣམས་ཀྱིས།།
ལན་ཅིག་དཔྱོད་པར་མཛོད་དང་།།

གོང་གི་མཆན་བུའི་ནང་གི་ཡིག་ནོར་ཡོད་པ་ཁག་ཅིག

གསལ་རིག་རྣམ་ཤེས་གྲོང་པོས་ལུས་འདི་སྐྱོར།།
གསལ་རིག་རྣམ་ཤེས་གྲུང་པོས་ལུས་འདི་སྐྱོར།།

གནམ་མཁའི་སྐར་ཚོགས་སྔར་བཞིན་བཀྲ་བ་དང་།།
ནམ་མཁའི་སྐར་ཚོགས་སྔར་བཞིན་བཀྲ་བ་དང་།།

བཟོད་བསྲན་གོ་ཆ་ཐོག་པའི་དབའ་ངར་ཅན།།

བཟོད་བསྲན་གོ་ཆ་ཐོགས་པའི་དཔའ་ངར་ཅན།།

དྲི་མེད་སྔོ་ཞིང་དྭངས་པའི་རྒྱམ་མཚོ་བཞིན།།
དྲི་མེད་སྔོ་ཞིང་དྭངས་པའི་རྒྱ་མཚོ་བཞིན།།

གསལ་རིག་རྣམ་ཤེས་གྲོང་པོས་ལུས་འདི་སྐྱོར།།
ཡག་བཙོག་ལུས་འདིས་རང་གཞན་དོན་ཀུན་བསྒྲུབ།།
ལུས་སེམས་ཟུང་དུ་སྦྲེལ་བའི་དམ་ཚིག་འདི།།
བསམ་ཞིང་བསམ་བཞིན་དང་བའི་ཡིད་དེ་འཕྲོག།

སྒྱུ་མའི་བུ་དེས་སྒྱུ་མ་སྒྱུ་མར་རྟོགས།།
སྒྱུ་མའི་དངོས་ལ་སྒྱུ་མ་བཞིན་དུ་འཛིན།།
སྒྱུ་མའི་འཁོར་བར་འཁྱམས་པའི་བས་མཐའ་ན།།
སྒྱུ་མ་དངོས་དེ་ད་དུང་བསྐལ་བར་གནས།།