རེག་དུག་ནད་ཚས་བོད་རིགས་གཞོན་སྐྱེས་མང་པོ་གྲོངས་བཞིན་ཡོད། བོད་རང་བཙན་ཐོག་ལ་དཔའ་བོ་དཔའ་མོ་བྱས་ཏེ་གྲོངས་རྒྱུའི་ཚབ་ཏུ་ནད་ཚ་སྡུག་ཅག་དེ་འདྲ་ཞིག་གིས་གྲོངས་པ་ཡིན་ན་ཕངས་པོ་ཞེ་དྲག་རེད། དེར་བརྟེན། ངས་ལག་པ་ཐལ་མོ་སྦྱར་ཏེ་འབོད་སྐུལ་ཞུ་རྒྱུ་ཞིག་ལ། ང་རང་ཚུད་པའི་གཞོན་སྐྱེས་ཚང་མས་ནད་ཚ་འདི་སྔོན་འགོག་ལ་ཐབས་ཤེས་གནང་རྒྱུ་དང་། སོ་སོ་ཡང་སྨན་ཁང་དུ་ཕེབས་ཏེ་བརྟག་དཔྱད་མཐིལ་ཕྱིན་གནང་རོགས་ཞུ་རྒྱུ་ཡིན་ཟེར།
ཕྱི་ཟླ་ ༡༢ པའི་ཚེས་ ༡ ཉིན་ནི་འཛམ་གླིང་རེག་དུག་གི་ཉིན་མོ་ཡིན་སྟབས། དེ་རིང་ཞོགས་པའི་ཆུ་ཚོད་ ༡༠ དང་ཕྱེད་ཀའི་སྟེང་བཞུགས་སྒར་ངྷ་རམ་ས་ལའི་ཐེག་ཆེན་གཙུག་ལག་ཁང་དུ་བོད་གཞུང་འཕྲོད་བསྟེན་ལས་ཁུངས་དང་གདམ་ག་ཚོགས་པ་གཉིས་ཀྱི་གོ་སྒྲིག་འོག རེག་དུག་གི་ཉིན་མོ་སྲུང་གཙིའི་ལས་འགུལ་ཞིག་སྤེལ་ཡོད། སྐབས་དེར་བོད་གཞུང་འཕྲོད་བསྟེན་ལས་ཁུངས་ཀྱི་དྲུང་ཚབ་ཤོ་ཟུར་བསོད་ནམས་ཆོས་འཕེལ་ལགས་ཀྱིས་འཕྲོད་བསྟེན་བཀའ་བློན་མཆོག་གི་གསུང་འཕྲིན་སྒྲོག་སྦྱོང་གནང་དོན། དེ་རིང་འཛམ་གླིང་གཉན་ནད་རེག་དུག་གི་ཉིན་མོ་སྲུང་གཙི་ཞུ་བ་དང་བསྟུན་ཏེ། རེག་དུག་སྔོན་འགོག་གི་ཐབས་ལམ་ངོ་སྤྲོད་ཞུ་རྒྱུ་གལ་གནད་དུ་མཐོང་། ནད་ཚ་དེ་ཁྱབ་གདལ་དུ་འགྲོ་བའི་བརྒྱུད་ལམ་གཙོ་བོ་གསུམ་ནི། ཛ་དྲག་ནད་མནར་གྱིས་གཤག་བཅོས་སྐབས། ཁྲག་ཚབ་དགོས་རིགས་ལ་རེག་དུག་གི་ནད་གཞི་ཡོད་པ་དང་། མྱོས་རྫས་ལང་ཤོར་རིགས་ཀྱི་རྩ་ཁབ་བརྒྱུད་དེ་འགོས་པ། གཙོ་ཆེ་ཤོས་འཁྲིག་སྤྱོད་ཀྱི་ལམ་ནས་ཡོང་གིན་ཡོད། འགོས་ལམ་གཙོ་བོ་དེ་དག་ཤེས་པའི་ཐོག་ནས་སྔོན་འགོག་གི་ཐབས་ལམ་བསྟེན་རྒྱུ་ཧ་ཅང་གལ་ཆེ་ཞིང་། ཛ་དྲག་གིས་ཁྲག་ཚབ་དགོས་རིགས་ཚོས་ནང་མི་གཉེན་འབྲེལ་དང་རྒྱུས་ཡོད་ནད་གཞི་མེད་པའི་ཁྲག་སྦྱིན་རག་ཐབས་བྱ་རྒྱུ་དང་། མྱོས་རྫས་ལང་ཤོར་རིགས་ཀྱིས་རྩ་ཁབ་མཉམ་སྤྱོད་མི་བྱ་རྒྱུ། ཁྱོ་ཤུག་མཉམ་སྡོད་རིགས་ཀྱིས་གཞན་དང་འཁྲིག་སྤྱོད་སྤང་རྒྱུ་དང་། གཉེན་སྒྲིག་མ་ཟིན་པ་དག་གིས་འགྱིག་ཤུབས་བེད་སྤྱོད་བྱ་རྒྱུ་བཅས་ནི་གལ་གནད་ཆེན་པོ་ཡིན། སྔོན་འགོག་གི་ཐབས་ལམ་དེ་དག་ལ་བརྩོན་པ་བྱས་ན་རང་དོན་རང་གཅེས་ཡིན་སྟབས་ཀུན་གྱིས་དགོངས་འཇགས་གནང་དགོས། ཞེས་དང་།
རེག་དུག་དེ་གོང་གི་བརྒྱུད་ལམ་དེ་དག་ལས་གཞན། སྤྱི་ཚོགས་ནང་འཚོ་བ་མཉམ་སྤྱོད་བྱེད་པ་ཙམ་གྱིས་མི་འགོ་སྟབས། ནད་པ་དང་ནད་པའི་ནང་མི་སོགས་དང་འཚོ་བ་མཉམ་སྤྱོད་དང་། ཕན་ཚུན་རོགས་ཕན་གནང་རྒྱུ་སྤྱི་ཚོགས་ཀྱི་འཁུར་དུ་བབ་པའི་ལས་འགན་ཡིན་ལ། ཆོས་དང་འཇིག་རྟེན་གཉིས་ཐད་ནས་བསམ་ཤེས་བྱས་ཏེ། ནད་པ་སོ་སོས་ཀྱང་ཀྱང་གཞན་ལ་མ་འགོས་པའི་འགན་འཁུར་ལན་དགོས་པ་ཡིན། དེ་བཞིན། འཕྲོད་བསྟེན་སྨན་ཁང་ཁག་གིས་རྒྱ་གར་གཞུང་གི་གཉན་ནད་རེག་དུག་ལྟེ་གནས་ཁག་ནས་སྨན་དུས་ཐོག་ཏུ་ཞུ་ཐུབ་ན། ནད་གཞི་སྡུག་ཏུ་མི་འགྲོ་བ་མ་ཟད། ལུས་སྟོབས་མ་ཤོར་བར་ཇི་སྲིད་འཚོ་བའི་བར་འཚོ་གནས་ཐུབ་ཀྱིན་ཡོད། དེ་བཞིན་བོད་གཞུང་སྨན་རྩིས་ཁང་ལ་འབྲེལ་བ་གནང་ན། བོད་སྨན་གྱི་ལམ་ནས་ཀྱང་ཕན་ཐོགས་གང་འཚམ་ཡོང་གིན་ཡོད་པ་རེད། ཅེས་སྒྲོག་སྦྱོང་གནང་སོང་ལ། དེ་དང་ལྷན་དུ་ཁོང་གི་བསམ་ཚུལ་བརྗོད་དོན། སྔར་ལོའི་ཕྱི་ཟླ་ ༡༢ ཚེས་ ༡ ནས་བཟུང་ང་ཚོ་འཕྲོད་བསྟེན་ལས་ཁུངས་ནས་རིན་མེད་བརྟག་དཔྱད་གནང་བའི་ཁྲོད། མི་མང་ཆིག་ཁྲི་བཞི་སྟོང་ ༡༤༠༠༠ ཙམ་མཉམ་ཞུགས་བྱས་འདུག དེའི་ནང་རེག་དུག་གི་ནད་ཚ་ཡོད་མཁན་བཅོ་ལྔ་བཅུ་དྲུག་ཙམ་ལས་བྱུང་མེད། འོན་ཀྱང་། ཚང་མས་སྔོན་འགོག་ཐད་ཡིད་གཟབ་གནང་རྒྱུ་གལ་ཆེན་པོ་རེད། ཅེས་གསུངས་སོང་།
དེའི་རྗེས་དམིགས་བསལ་སྐུ་མགྲོན་ ༢༠༠༩ ལོའི་མཛངས་མ་བསྟན་འཛིན་ཆོས་འཛོམས་ལགས་ཀྱིས་གསུངས་བཤད་གནང་དོན། དེ་རིང་བུ་མོ་ངར་རེག་དུག་ནད་ཚའི་ཐོག་ལ་སྐད་ཆ་བཤད་རྒྱུའི་གོ་སྐབས་གནང་བར་བོད་གཞུང་འཕྲོད་བསྟེན་ལས་ཁུངས་དང་གདམ་ག་ཚོགས་པ་གཉིས་ལ་ཐུགས་རྗེ་ཆེ་ཞུ་རྒྱུ་ཡིན། སྤྱིར་དེང་སྐབས་མི་ཚང་མ་ཤེས་ཡོན་ཅན་ཆགས་ཡོད་སྟབས། རེག་དུག་ནད་ཚའི་སྐོར་གང་འཚམ་ཤེས་ཀྱིན་ཡོད་པ་རེད། འོན་ཀྱང་། རེག་དུག་ནད་ཚའི་གནས་སྟངས་སྔར་ལས་ཇེ་སྡུག་ཏུ་འགྲོ་བཞིན་ཡོད། བོད་པ་ཚོར་མཚོན་ན། ངོ་ཚ་སྨིན་པོ་དང་འཕྲོད་བསྟེན་ལ་དོ་སྣང་མེད་སྟབས། སྨན་ཁང་ལ་ཕྱིན་ཏེ་བརྟག་དཔྱད་གཏོང་མཁན་ཉུང་ཉུང་རེད། དེ་བཞིན། འཁྲིག་སྤྱོད་ཀྱི་སྐབས་སུ་འགྱིག་ཤུབས་བེད་སྤྱོད་མ་བྱས་ན། ཕན་ཚུན་ལ་ནད་ཚ་དེ་འགོས་ཁྱབ་ཀྱི་ཉེན་ཁ་ཆེན་པོ་ཆགས་ཡོད། དེ་ལ་ཚང་མས་དོ་སྣང་ཡག་པོ་གནང་རོགས་ཞེས་འབོད་སྐུལ་ཞུ་རྒྱུ་ཡིན། གཞོན་སྐྱེས་ཚོ་ངེས་པར་དུ་སྨན་ཁང་ལ་བརྟག་དཔྱད་གཏོང་གི་ཕེབས་རོགས། དེ་ལ་ངོ་ཚ་དགོས་པ་གང་ཡང་ཡོད་པ་མ་རེད་སྙམ། གལ་སྲིད་ནད་དེ་ཡོད་པ་ཡིན་ན་སོ་སོ་གཅིག་པུ་ཙམ་དུ་མ་ཟད་གཞན་ལའང་འགོ་རྒྱུའི་ཉེན་ཁ་ཡོད། ཅེས་གསུངས་བྱུང་།
ཁོ་མོས་མུ་མཐུད་དོན། དེ་ལས་ཀྱང་གལ་ཆེ་བ་ཞིག་ལ། རེག་དུག་གི་ནད་པ་ཚོ་དང་མཉམ་དུ་སྐད་ཆ་བཤད་པ་དང་ཞལ་ལག་ཟ་བ། ཕན་ཚུན་ལག་པ་གཏོང་བ་བཅས་ཀྱིས་ནད་ཚ་དེ་འགོས་ཁྱབ་འགྲོ་གི་མ་རེད། དེར་བརྟེན། རེག་དུག་ནད་པ་ཚོར་མཐོང་ཆུང་དང་འཕྱ་སྨོད། འཛེམ་ཟོན། ཁེར་རྐྱང་དུ་འཕུད་པ་སོགས་མ་གནང་རོགས་ཞེས་འབོད་སྐུལ་ཞུ་རྒྱུ་ཡིན། ཁོང་ཚོ་དང་འཚོ་བ་མཉམ་སྤྱོད་དང་སེམས་གསོ་རོགས་ཕན་གནང་གལ་ཆེ། གཞོན་སྐྱེས་ཚོས་གནས་སྐབས་ཀྱི་ཕོ་མོའི་ལུས་འབྲེལ་གྱི་བདེ་བ་ཙམ་ལ་ཆགས་ཏེ། འགྱིག་ཤུབས་བེད་སྤྱོད་མི་གཏོང་བར་ལུས་འབྲེལ་མང་པོ་བྱེད་ཀྱིན་ཡོད། ཁོང་ཚོར་རྗེས་མ་རེག་དུག་གི་ནད་ཚ་ཕོག་སྐབས། ནད་མནར་དང་སེམས་སྡུག་ལས་གང་ཡང་ལྷག་མེད། རེག་དུག་ནད་ཚས་རྐྱེན་བྱས་ཏེ་བོད་རིགས་གཞོན་སྐྱེས་མང་པོ་གྲོངས་བཞིན་ཡོད། བོད་རང་བཙན་ཐོག་ལ་དཔའ་བོ་དཔའ་མོ་བྱས་ཏེ་གྲོངས་རྒྱུའི་ཚབ་ཏུ་ནད་ཚ་སྡུག་ཅག་དེ་འདྲ་ཞིག་གིས་གྲོངས་པ་ཡིན་ན་ཕངས་པོ་ཞེ་དྲག་རེད། དེར་བརྟེན། ངས་ལག་པ་ཐལ་མོ་སྦྱར་ཏེ་འབོད་སྐུལ་ཞུ་རྒྱུ་ཞིག་ལ། ང་རང་ཚུད་པའི་གཞོན་སྐྱེས་ཚང་མས་ནད་ཚ་འདི་སྔོན་འགོག་ལ་ཐབས་ཤེས་གནང་རྒྱུ་དང་། སོ་སོ་ཡང་སྨན་ཁང་དུ་ཕེབས་ཏེ་བརྟག་དཔྱད་མཐིལ་ཕྱིན་གནང་རོགས་ཞུ་རྒྱུ་ཡིན། ཞེས་གསུངས་སོང་།
མཇུག་མཐར་གསར་འགོད་པས་ལས་འགུལ་ནང་ཞུགས་མཁན་འཇམ་དབྱངས་ཤེས་རབ་ཞུ་བར་བཅར་འདྲི་ཞུས་པར་ཁོང་གིས་བརྗོད་དོན། ངའི་མིང་ལ་འཇམ་དབྱངས་ཤེས་རབ་ཟེར་གྱིན་ཡོད། ལོ་མང་པོའི་གོང་ནས་ངྷ་རམ་ས་ལར་བསྡད་ཡོད་པ་ཞིག་ཡིན། བོད་པའི་སྤྱི་ཚོགས་ནང་ལས་འགུལ་འདི་ལྟ་བུ་ཧ་ཅང་གལ་ཆེན་པོ་ཞིག་རེད་སྙམ་སྟེ་ཡོང་བ་ཡིན། འོན་ཀྱང་། དེ་རིང་འདིར་ལས་འགུལ་ནང་ཞུགས་མཁན་མི་ཉུང་ཤས་ཤིག་ལས་མི་འདུག མང་པོ་ཞིག་གིས་ནད་ཚ་འདི་དེ་འདྲའི་ཛ་དྲག་ཅིག་ཡིན་པ་ཤེས་ཀྱིན་ཡོད་པ་མ་རེད། ངྷ་རམ་ས་ལ་ཁུལ་དུ་རེག་དུག་གི་ནད་ཚ་ཕོག་ཡོད་པའི་བོད་རིགས་ཕོ་གཞོན་མོ་གཞོན་མང་པོ་ཡོད་པ་རེད། ངས་ངོ་ཤེས་པའི་ནང་དུ་རེག་དུག་གི་ནད་ཚ་ཅན་ལྔ་དྲུག་ཅིག་ཡོད། ཁོང་ཚོ་དེ་རིང་འདིར་ཡོང་མི་འདུག སོ་སོའི་ཁྱིམ་དུ་ཡུབ་ནས་བསྡད་ཡོད་པ་རེད། ང་ལ་ཁྱིམ་མཚེས་ནོར་བུ་ཞུ་བ་ཞིག་ཡོད། ཁོང་སྔོན་མ་བོད་ནས་ཡོང་བ་རེད། རྗེས་སུ་རྒྱ་གར་ལྡི་ལི་ནས་ཡུན་རིང་བསྡད་མྱོང་བའི་བུ་མོ་ཞིག་དང་ཁ་ཐུག་ཅིང་། རྗེས་སུ་ཁོང་བཟའ་མི་གཉིས་ཀར་རེག་དུག་གི་ནད་ཚ་ཕོག་ཅིང་། སྐྱེས་དམན་སྔར་ལོ་གྲོངས་སོང་ལ། ཁོང་ད་ལྟ་ནད་མནར་འོག་བསྡད་ཡོད་པ་རེད། ད་དུང་དེ་དང་དེ་ལྟ་བུ་མང་པོ་ཡོད་པ་རེད། ཅེས་ཡིད་ཆད་དང་བཅས་བརྗོད་བྱུང་།
མངོན་ནས་བོད་ཀྱི་འཛངས་མ་ཟེར་བ་དེ་འདྲ་ས་མི་འདུག
ལས་འགུལ་ལ་ཡིད་རང་ཡོད་ མིང་ཙམ་དང་དཔལ་འབྱོར་སོགས་ལ་མ་བལྟ་བ་བརྒྱུན་སྐྱོང་ཡོད་པ་མཁྱེེེན།
དགོངས་ཚུལ་ཡག་པོ་འདུག
མཛངས་མ་བསྟན་འཛིན་ཆོས་འཛོམས་ཁྱོད་ཀྱིས་བོད་ཀྱི་གཞོན་སྐྱེས་ཚོར་འབོད་སྐུལ་ཞུས་པ་དེ་བཟང་པོ་འདུག་་་་་་་་་་་་་་་་་་་་་་་་་་་་་་་་་་་་་་་་ཁྱེད་རང་ལ་དེའི་ཕྱོགས་ལ་དངོས་སུ་ལག་ལེན་ཐུབ་པ་ག་རེ་ཡོད་གསུངས་ན་ཡག་པོ་འདུག
མཛེས་མ་ལགས་སུ་ཞུ་བསྐུལ། བོད་རིགས་རྣམས་ལ་བོད་སྐད་གཙང་མ་ཡོང་བའི་ལས་འགུལ་སྤེལ་རོགས་ཞུ།
སྐུ་ངོའི་བཀའ་སློབ་ལས།
༼འཕྲོད་བསྟེན་སྨན་ཁང་ཁག་གིས་རྒྱ་གར་གཞུང་གི་གཉན་ནད་རེག་དུག་ལྟེ་གནས་ཁག་ནས་སྨན་དུས་ཐོག་ཏུ་ཞུ་ཐུབ་ན། ནད་གཞི་སྡུག་ཏུ་མི་འགྲོ་བ་མ་ཟད། ལུས་སྟོབས་མ་ཤོར་བར་ཇི་སྲིད་འཚོ་བའི་བར་འཚོ་གནས་ཐུབ་ཀྱིན་ཡོད། དེ་བཞིན་བོད་གཞུང་སྨན་རྩིས་ཁང་ལ་འབྲེལ་བ་གནང་ན། བོད་སྨན་གྱི་ལམ་ནས་ཀྱང་ཕན་ཐོགས་གང་འཚམ་ཡོང་གིན་ཡོད་པ་རེད། ཅེས་སྒྲོག་སྦྱོང་གནང་སོང་།༽
དེང་སང་འཕྲོད་བསྟེན་ལས་ཁུངས་ཀྱི་སྨན་ཁང་ག་གེ་མོ་དེ་ཚོ་ཡང་བོད་གཞུང་སྨན་ཁང་ལས་ལྷག་པའི་མཐོང་ཆེན་གནང་གི་ཡོད་པ་རེད། རྒྱུན་དུ་ཁ་ནས་བོད་ཀྱི་རིག་གཞུང་མི་ཉམས་རྒྱུད་འཛིན་དང་ཉམས་པ་སླར་གསོ་དགོས་ལུགས་མཎི་བགྲང་བ་ལྟར་གསུང་གི་ཡོད་ཀྱང་། དོན་དངོས་སུ་སོ་སོའི་རིག་གཞུང་ལ་དོན་སྣང་དང་མཐོང་ག་ཚོད་ཅིག་ཡོད་མེད་འདིར་གསར་བོ་མཐོང་ཐུབ།
དེ་མིན་རེ་བསྐུལ་ཞུ་རྒྱུ་ཞིག་ལ། འཕྲོད་བསྟེན་ལས་ཁུངས་ནས་བོད་ཀྱི་གསོ་བ་རིག་པའི་གཞུང་ལུགས་ལ་དམིགས་བསལ་གྱི་དོན་སྣང་དང་། བོད་མི་གནས་སྡོད་གཞི་སྒར་ཁག་ཏུ་འཕྲོད་བསྟེན་དང་འབྲེལ་བའི་ཟས་སྤྱོད་སྤང་བླང་གི་སློབ་སྟོན་བོད་ཀྱི་གསོ་བ་རིག་པའི་གཞུང་ལྟར་གནང་ཐུབ་ན། སོ་སོའི་རིག་གཞུང་མི་ཉམས་རྒྱུད་འཛིན་དང་ཉམས་པ་སླར་གསོ་བྱེད་རྒྱུ་དགེ་ཕན་ཡོད་པ་མ་ཟད། ནད་གཞི་ཆེ་ཆུང་ག་འདྲ་ཞིག་ཡིན་ཀྱང་ཕར་དེད་ན་ཟས་དང་སྤྱོད་ལམ་མི་མཐུན་བསྟེན་པ་ལས་འབྱུང་གི་ཡོད་པའི་སྐོར་སོ་སོའི་སྐད་ཡིག་ཐོག་ནས་སློབ་སྟོན་གནང་ན་ཁ་གསལ་བ་དང་གོ་བདེ་བ་ཡོང་གི་རེད།
རེག་དུས་ནད་གཞི་ལ་བོད་སྨན་དང་རྒྱ་སྨན་གྱི་ཕན་ཐོགས་ཡོད་མེད་གཅིག་མཚུངས་ཡིན།
སྐུ་ངོ་ལགས་ཕྱི་ལུགས་སྨན་ལ་མཐོང་ཆེན་དང་བོད་སྨན་ལ་མཐོང་ཆུང་བྱེད་རྒྱུ་ནི་ཤིན་ཏུ་ནས་མི་འོས་པ་ཞིག་ཏུ་མཐོང་།
ཁོ་བོས་བཤད་པ་གནད་དུ་ཁེལ་ཡོད་པ་འདྲ།
ཕར་ལ་རྒྱ་རྒན་མ་ཟེར་གོང་ནས་ཚུར་ལ་ལངས་སྐྱག་ཟེར་བ་འདི་ཅིས་ཉེས་པ་ཡིན་ནམ། དེང་སང་རྒྱུ་བདག་ལས་རྐུན་མ་དབང་བཙན་དུས་ཤིག་ལ་སླེབས་ཡོད་པ་ཨེ་ཡིན་ནམ།
ནམ་རྒྱུན་རྗེས་འདེད་འདྲ་ཞིག་མ་གཏོང་ལགས། གཏིང་ན་སྐྱག་མ་མང་པོ་ཡོད་པ་རེད། སྐྱག་པ་ས་ཁར་ཤོང་ཚེ་དྲི་ངན་གང་སར་ཁྱབ་འགྲོ་གི་རེད། དེ་ལས་ཁ་ཁུ་སུམ་མེར་བཞག་ན་མ་རེད་པས།
ངོ་མ་མཛངས་མ་བསྟན་འཛིན་ཆོས་འཛོམས་སྙིང་རྗེ་རུ་འགྲོ་འདུག་བ། བབབ།
དྲྭ་གྲོགས་སེམས་བཟང་ལགས་ཀྱིས་གསུང་པ་བདེན། སྤྱི་ཚོགས་ནང་ལས་ཀ་གང་ཐུབ་ཅི་ཐུབ་གནང་མཁན་ཚོར་སྐྱོན་བརྗོད་བྱེད་མཁན་འདི་ཚོ་ག་དུས་ཡིན་ན་འདི་འདྲ་རེད། མི་ལ་སྐྱོན་བརྗོད་རྐྱང་ལས་སོ་སོས་འཇོན་པ་དང་ལས་ཀ་བྱས་པ་སྣ་གཅིག་ཀྱང་འདི་ཚོར་ཡོད་མ་རེད།
མཛེས་མ་བསྟན་འཛིན་ཆོས་འཛོམས་ལ་ཕྲག་དོག་ལང་པ་ལས་གཞན་ཅི།
དྲྭ་གྲོགས་རྣམ་པ། མཛངས་མ་བསྟན་འཛིན་ཆོས་འཛོམས་ལ། སྡུག་རིགས་སྡུག་ཚད་ལབ་མ་འདུག །སྙིང་རྗེ། མོ་རང་གིས་ཀྱང་བོད་སྤྱི་པའི་མིང་ཞིག་ཁུར་ནས། བོད་སྤྱི་པའི་ལས་ཀ་རྣམས་བྱེད་བཞིན་ཡོད་པ་རེད། མ་གཞིའི་ང་ཚོའི་སྤྱི་ཚོགས་འདི་ཡག་པོ་རེད་མི་འདུག །ལས་ཀ་བྱེད་མཁན་རྣམས་ལ། ག་དུས་ཡིན་ནའང་སྡུག་ཅག་རང་ལབ་ཀྱི་འདུག །དེ་ཡག་པོ་མ་རེད། རྗེས་མ་སྤྱི་དོན་བྱེད་པ་ལ་ཞེད་སྣང་སྐྱེ་དགོས་པའི་གནས་སྟངས་ཆགས་ཀྱི་རེེད།
གངས་ཅན་བོད་ལ་ལྟས་ངན་སྣ་དགུ་འཁོར།
ཨ་ཕའི་ལུས་ལ་སྐྱོ་བའི་ནད་ཡམས་རྒོད།།
ཨ་མའི་ངག་སྒོ་ཕྱི་རོལ་མཚོན་གྱིས་བཅད།།
བུ་དང་ཚ་བོས་ངུ་སྐད་འདོན་པའི་དུས།།
གངས་ཅན་བོད་ལ་ལྟས་ངན་སྣ་དགུ་འཁོར།།
ཨ་ཅེ་མཛེས་མའི་ལང་ཚོ་གཞན་ལ་བཙོངས།།
ཨ་ཁུ་བཙུན་པའི་རླུང་རྟ་ཐང་ལ་ལྷུང་།།
ཨ་ལགས་རྫུན་མ་རྡུལ་བཞིན་འཚུབ་པའི་དུས།།
གངས་ཅན་བོད་ལ་ལྟས་ངན་སྣ་དགུ་འཁོར།།
ཕྱི་སྡོད་བོད་མིས་དབྱིན་སྐད་ཁོ་ན་སྦྱངས།།
ནང་མི་སྤུན་ཟླས་རྒྱ་སྐད་འདྲེས་མ་བཤད།།
ར་མིན་ལུག་མིན་འཚོ་བའི་གནས་སྟངས་འོག།
གངས་ཅན་བོད་ལ་ལྟས་ངན་སྣ་དགུ་འཁོར།།
མཁས་པ་རེ་འགས་གྲུབ་མཐའི་ཕྱོགས་རིས་འཛིན།།
ཕོ་གསར་ལ་ལས་གསར་རྙིང་ལྟ་བ་རྩོད།།
ནང་དམེའི་མཚོན་ཆ་དབྱིངས་ལ་བསྐོར་བའི་དུས།།
གངས་ཅན་བོད་ལ་ལྟས་ངན་སྣ་དགུ་འཁོར།།
བླ་མ་དཔོན་པོའི་སེམས་བསྐྱེད་རྒྱ་ལ་ཕྱོགས།།
རྒྱ་ནག་ཚོང་བས་བོད་ལ་མགོ་སྐོར་བཏང་།།
བདེན་པའི་མིག་ཟུང་རྫུན་གྱིས་གཡོགས་པའི་དུས།།
གངས་ཅན་བོད་ལ་ལྟས་ངན་སྣ་དགུ་འཁོར།།
བཙུན་པའི་ངེས་འབྱུང་ཟང་ཟིང་ནོར་གྱིས་བཅོམ།།
སློབ་མའི་སེམས་པ་མུ་སྟེགས་ལྟ་བས་བསྒྱུར།།
དམན་ལ་ཞེན་པའི་བསླུ་བྲིད་ཟབ་མོ་འདིས།།
གངས་ཅན་བོད་ལ་ལྟས་ངན་སྣ་དགུ་འཁོར།།
དགོན་པའི་མིང་བྱང་ལྗོངས་རྒྱུའི་ཞིང་ལ་བསྒྱུར།།
ཕྱོགས་ལྷུང་ལྟ་བས་མི་རིགས་ལས་དོན་བསྐྱངས།།
སྤྲུལ་སྐུའི་ཆོ་ལོ་སྒོར་ཀྱིས་ཉོ་བའི་དུས།།
གངས་ཅན་བོད་ལ་ལྟས་ངན་སྣ་དགུ་འཁོར།།
བཙུན་པའི་ཉེས་སྐྱོན་གླེང་དུས་འཛུམ་ཤིག་ཤིག།
ཡང་དག་ཆོས་ལ་རྒོལ་དུས་གྲིམ་རིག་རིག།
ལྟ་ངན་སྨྲ་བའི་དཔུང་ཚོགས་ཆེར་རྒྱས་བས།།
གངས་ཅན་བོད་ལ་ལྟས་ངན་སྣ་དགུ་འཁོར།།
ལུག་རྫི་བུ་མོས་འུར་ཆ་རྒྱང་ལ་དོར།།
མི་ཆེན་དཔོན་པོས་སྐྱེ་ཁུངས་གཏིང་ནས་བརྗེད།།
སློབ་གསོའི་ཐབས་ལམ་ཆང་གིས་འཚོལ་བའི་དུས།།
གངས་ཅན་བོད་ལ་ལྟས་ངན་སྣ་དགུ་འཁོར།།
གླུ་བ་གླུ་མས་ཆོས་ཀྱི་བསླབ་བྱ་བརྒྱབ།།
ཆང་འཐུང་སྨྱོན་པས་མི་རིགས་ལ་རྒྱ་གླེང་།།
བུ་དང་ཆུང་མ་རྒྱན་ལ་འཛུགས་པའི་དུས།།
གངས་ཅན་བོད་ལ་ལྟས་ངན་སྣ་དགུ་འཁོར།།
༢༠༠༩ལོའི་ཟླ་༨པའི་ཚེས་༩ལ།
བོད་ཀྱི་དྲྭ་རྒྱ་ལས་བཤུས།
ཆོས་བྱེད་སར་མི་འདུག ཆོས་དོག་བྱེད་སར་འགྲོ
དགེ་སློང་ཞིག་གི་སྲུང་བྱ་སྲུང་རྒྱུ་ཕར་ཞོག དགེ་ཚུལ་ཞིག་གི་སྲུང་བྱ་བླང་འདས་སོ་དྲུག་ཙམ་ཡང་སྲུང་ཐུབ་ཀྱི་མི་འདུག་ན་ཡང་། ད་དུང་ཁ་ནས་དགེ་བཤེས་ཀྱི་མཚན་འཁྱེར་བ་དེ་མི་འོས་པའོ།།
གསར་འགོད་པ་ལགས། ཁྱེད་ཀྱིས་དགེ་བཤེས་སྨོན་ལམ་མཐར་ཕྱིན་གྱི་གསུངས་པ་ལྟར་གསར་འགྱུར ལ་དག་བཅོས་བྱས་སོང་བས་ང་ཀློག་མཁན་ལ་སེམས་འགུལ་ཐེབས་བྱུང་ལ་བསམ་ཚུལ་འདོན་ལེན་གྱི་ཁོར་ཡུག་ཀྱང་རྒྱ་ཆེ་རུ་སོང་བས་སྣང་བ་ཞིག་སྟེར། ནོར་བ་ནི་ནམ་ཡང་སྲིད་བའི་རང་བཞིན་ཞིག་རེད་ལ་དེ་བས་ནོར་བསྲང་ནི་ཤེས་ཡོན་ངོ་མ་ཞིག་རེད་།
ཨ་ཧོ། ངས་ད་ལྟ་Tibet TV Online སྟེ་བོད་ཀྱི་དྲ་བརྙན་གསར་འགྱུར་ཞེས་པ་དེར་ལྟ་བཞིན་ཡོད། འཛམ་གླིང་ཨེཌ་ཙི་ཉིན་མོ་སྲུང་བརྩི་བྱེད་དུ་ཡོང་མཁན་གྱི་བོད་ཕྲུག་འདི་ཚོས་བོད་ཕྱེད་ཀ་དང་དབྱིན་སྐད་ཕྱེད་ཀ་རེས་བོད་མི་གཞོན་སྐྱེས་ཚོར། མད་སད་ཇི་ཡིན་ན་ཅིག་སྤད་ཡ་ཡིན་ཟེར། ད་དུང་བོད་སྐད་ཚིག་ཁྱར་ཁྱོར་འགའ་བཤད་རྗེས་དབྱིན་ཀྱང་ཁྱར་ཁྱོར་རེ་ལས་ཤོད་ཀྱི་མི་འདུག ང་དངོས་ཁོ་ཆད་ཐལ།
ད་དུང་བོད་ཀྱི་མཛངས་མ་ཡིན་ན་དེ་ཡང་སླེབས་འདུག སྐད་ཆ་འདི་འདྲ་ཞིག་ལས་མི་ཛོད་ཀྱང་”བོད་ཀྱི་མཛངས་མ་”ཆགས་ཐུབ་པ་ཨ་རེ་མཚར། སེམས་གཏིང་ནས་སྙིང་ལང་ཡོང་གི ད་མི་ལྟ། ཉལ་གི་ཡིན།
སྨོན་ལམ་མཐར་ཕྱིན་ལགས་ད་ཀྱང་མ་གསུང་རོགས།
ཁྱེད་ཀྱི་གདོང་རས་ངོ་མ་དེ་མཐོང་ཟིན།
རབས་ཡིན་ན་ཕྱིར་བོད་དུ་ལོག་ཕེབས་རོགས་སྐུ་མཁྱེན།
དངོས་གནས་ང་ཚོའི་སྤྱི་ཚོགས་ནང་དུ་རེག་དུག་ན་ཚ་འདི་མེད་པ་འགྲོ་རྒྱུ་ཡི་འཚབ་ཏུ་ལོ་རེ་ནས་ལོ་རེར་མང་དུ་འགྲོ་ཡི་ཡོདཔ་ནི་གསལ་པོ་རེད། སོང་ཙམ་ཆེས་ཉན་ཚབ་ཆེ་བའི་ན་ཚ་འདི་ང་ཚོས་སྣང་ཆུང་དུ་ཤོར་ན་ང་ཚོ་རྩ་མེད་བཟོ་བའི་འབར་རྫས་ཤིག་ཏུ་འགྱུར་རྒྱུ་པར་དཔྱོད་ལྡན་ཞིག་ཡིན་ན་རྟོག་སླ་བའི་གནས་རེད། འོ་ན་འདི་ལྟར་བུའི་ན་ཚ་ཚབ་ཆེན་འདི་མེད་པར་བཏང་ཐབས་ལ་ཐབས་ལམ་ག་རེ་ཡོད་མེད་ལ་དཔྱིད་ན་ཐབས་ལམ་ཆེན་པོ་གཉིས་ཡོད་མཐོང་གི་འདུག། དང་པོ་མ་འོང་པར་ན་ཚ་དེ་གསར་དུ་མི་ཡོང་ཆེད་ན་ཚ་སྔོན་འགོག་བྱེད་དགོས་པ་དང་ན་ཚ་ཕོག་བྱིན་པའི་རིགས་ལ་སྨན་བཅོས་ཀྱི་སྒོ་ནས་བདག་སྐྱོངས་བྱེད་དགོས། དང་པོ་ན་ཚ་དེ་སྔོན་འགོག་བྱེད་ཚུལ་ནི་འཕྲོད་རྟེན་གྱི་ཁོངས་ནས་མི་མང་ལ་ན་ཚ་འབྱུང་རྐྱེན་གང་དང་གང་ཡིན་མིན་དག་ངོ་སྤྲོད་གནད་སྨིན་བྱེད་རྒྱུ་དང་དེ་བྱུང་བྱིན་པའི་རྗེས་སུ་མི་རེ་ངོ་རེས་རང་ཉིད་ཉན་ཁ་དེ་ལས་ངེས་པར་དུ་ཡོལ་ཐུབ་ཐབས་བྱེད་དགོས། གཉིས་པ་བྱུང་བྱིན་པའི་ནད་པ་རྣམས་ལ་མཐོང་ཆུང་དང་ཆེད་གསོད་རྩ་བ་ནས་བྱེད་མི་རུང་བ་མ་ཟད་ཤ་ཚ་དང་སྙིང་ཉེ་བའི་ངང་ནས་རོགས་འདེགས་བྱེད་ཐུབ་པ་བྱེད་དགོས་རྒྱུ་དང་ལྷག་པར་དུ་གཞུང་གི་ངོས་ནས་ཁོར་ཡུག་བཟང་པོ་ཞིག་སྐྲུན་ཐུབ་པ་བྱ་དགོས། ནད་པའི་ངོས་ནས་ཀྱང་ཡིབ་གང་ཐུབ་བྱས་ནས་མ་བཞུགས་པ་དཔེར་ནཉེ་ཆར་དང་བླང་གི་མདུན་ལ་སླེབ་པའ་ིབུ་ནོར་བུ་ནང་བཞིན་སྤྱི་ཚོགས་ཀྱི་མདུན་ལ་ལངས་ཐུབ་པ་བྱ་རྒྱུ་ནི་ཧ་ཅང་གལ་ཆེན་པོ་མཐོང་གི་འདུག།
མཛངས་མའི་ཤ་འཇམ་དྲགས་ནས་མིན་འགྲོ།
དུས་རྒྱུན་བོད་སྐད་གཙང་མར་ར་སྐད་ལུག་སྐད་ཀྱི་ན་ཚ་འགོས་འདུག་དང་། མི་འདུག་བརྟག་དཔྱད་གནང་རོགས་ཞུ་རྒྱུ་ཡིན།
དྲ་གྲོགས་མགྲིན་པ་ཟབ་མོ་ལགས། མཛངས་མ་མཉམ་ཆུང་དེའི་བཞིན་གདོན་
དམར་ཁོག་ཁོག་དེ་ལ་དེ་འདྲ་མ་ཟེར་དང༌། དེ་ནི་ཁོ་མོ་དང་པར་པས་ལེན་པ་མ་རེད། སྟོད་གོས་དམར་པོ་དེས་ལེན་པ་རེད། ཧ། ཧ། སྐུ་རྩེ་ཡིན་ད། གང་ལྟར་ཡང་མཛངས་མ་ཆོས་མཛོམས་ཀྱི་གཏམ་བཤད་ལ་བསྔགས་བརྗོད་ཡོད། དེང་དུས་ན་གཞོན་མ་ཚོའི་གྲས་ལ་དེ་འདྲ་ཤོད་ཐུབ་ཁན་ཁག་པོ་འདུག་ག་ འུ་ཅག་བོད་པ་ཚོ་ངོ་ཚ་སྨིན་པོ་ཡོད་ཙང་ཡིན་ལེ་རེད།
མཛངས་མ་བསྟན་འཛིན་ཆོས་འཛོམས་ལགས་ཀྱི་འབོད་སྐུལ་དང་ལས་འགུལ་ལ་རྒྱབ་སྐྱོར་ཡོད། ཡིན་ཡང་། པར་ལེན་སྟངས་ཤིག་གིས་མ་འགྲིག་པ་མིན་ཚེ། ངོ་གདོང་གི་དཀར་རྩི་དེ་ཅུང་མང་དྲགས་པའི་རྣམ་པ་མཐོང་གི་འདུག དོན་མེད་ཇུས་གཏོགས་རེད་དེ་མོ་རང་ལའང་བོད་ཅེས་པའི་མིང་དང་འབྲེལ་བའི་གོ་བབ་ཅིག་ཡོད་པའི་དབང་གིས་ཇུས་གཏོགས་བྱས་པ་ཡིན།
མཛང་མ་བསྟན་འཛིན་ཆོས་འཛོམས་ཀྱིས་འབོད་སྐུལ་དེ་ལ་ཡི་རང་ཡོད། རྗེས་མར་བཙན་བྱོལ་སྤྱི་ཚོགས་ནང་དུ་བསྲེ་སྐད་མ་གཏོགས་བོད་སྐད་གཙང་མ་རྒྱག་མི་ནུས་པའི་ནད་ངན་ཞིག་བྱུང་དང་འབྱུང་བཞིན་པ་དེ་ལ་འབོད་སྐུལ་རེ་གནང་ན་གལ་ཆེ་བར་འདོད། མ་འོངས་བར་ལུས་ཐོག་ཏུ་ཟིན་པའི་ད་ལྟའི་ན་ཚས་བོད་པའི་ཚེ་སྲོག་འཕྲོག་ངེས་པ་ནང་བཞིན། རང་སྐད་གཙང་མའི་ནང་དུ་བསྲེ་སྐད་་ཀྱི་རེག་དུག་ཕུག་པ་དེས་ཀྱང་མི་རིགས་འདི་རྩ་མེད་བཟོ་པའི་ཉེན་ཁ་ཡོད་པ་མཐོང་ན་ལེགས་པར་སེམས།
བཀུར་འོས་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་ཀྱིས་གསུངས་པ་ལྟར་དག་བཅོས་བྱས་ཡོད། མཛུབ་སྟོན་དང་ལྷན་དུ་འཁང་ར་བྱས་པ་དེར་དང་ལེན་བྱས་པ་ཡིན་ལ། འབྱུང་འགྱུར་ཡང་ལམ་སྟོན་ཞུ་བཞིན་ཡོད།
ཞན་ཆ་གླེང་དེ་ཡར་རྒྱས་ལ་གོམ་པ་སྤོ་རྒྱུ་གལ་ཆེན་ནང་ནས་འགེངས་ཆེན་རེད། དྲྭ་གྲོགས་ཚང་མིའི་མི་རིགས་ཞིག་གི་རྩ་དོན་བསམ་ནས་ཐུགས་ཁུར་གནང་རྒྱུས་རེ་བ་བཅངས་ཡོད་ལགས། ལྷན་དུ་འཚམས་འདྲི་ཡང་ཡོད་ཨ།
གསར་འགོད་པ་ལགས། ཁྱེད་ཀྱི་གསར་འགྱུར་དུ་《སྐབས་དེར་བོད་གཞུང་འཕྲོད་བསྟེན་ལས་ཁུངས་ཀྱི་དྲུང་ཆེ་ཞོ་སར་བསོད་ནམས་ཕུན་ཚོགས་ལགས་ཀྱིས་འཕྲོད་བསྟེན་བཀའ་བློན་མཆོག་གི་གསུང་འཕྲིན་སྒྲོག་སྦྱོང་གནང་དོན།》 ཞེས་བཀོད་འདུག་པས་བོད་གཞུང་འཕྲོད་བསྟེན་ལས་ཁུངས་སུ་ད་ལྟ་དྲུང་ཆེ་ཡོད་མ་རེད། ཁ་སང་འཕྲོད་བསྟེན་བཀའ་བློན་གྱི་གསུང་འཕྲིན་སྒྲོག་སྦྱོང་གནང་མཁན་དེ་འཕྲོད་བསྟེན་དྲུང་ཆེ་ལས་ཚབ་ཤོ་ཟུར་བསོད་ནམས་ཆོས་འཕེལ་ལགས་རེད། སྐབས་འདིའི་གསར་འགོད་པས་ཁོང་གི་གོ་གནས་གསལ་པོ་ཤེས་རྟོགས་ཐུབ་མི་འདུག་པ་མ་ཟད། ཁོང་གི་མཚན་ཀྱང་ནོར་བ་འདི་ནི་ཐུགས་སྣང་མ་གནང་བའི་སྐྱོན་གནད་ཅིག་ཏུ་མཐོང་། ད་ལྟའི་འཕྲོད་བསྟེན་དྲུང་ཚབ་ཤོ་ཟུར་བསོད་ནམས་ཆོས་འཕེལ་ལགས་རྡ་ས་ས་གནས་འགོ་འཛིན་མི་ལོ་དྲུག་ཙམ་རིང་གནང་བ་ཞིག་ཡིན་པས་དུས་བབ་རྩོམ་རྩོམ་སྒྲིག་པ་དང་གསར་འགོད་པ་སོགས་ཀྱིས་ཁོང་གི་མཚན་ནོར་མི་སྲིད་པ་ཞིག་ཡིན་དགོས་ཀྱི་རེད་བསམ།
བོད་པ་སྐྲག་ས་མེད་པའང་མ་ཡིན་ཏེ། སྦྱིན་བདག་གི་ངོ་མདངས་ནི་དོན་གྱི་སྐྲག་
ས་དེ་ཡིན། བོད་རིགས་ནི་དད་པ་ཁོ་ནས་ཚིམས་མཁན་ཤིག་ཡིན་སྟབས་རྒྱུན་་
ཤེས་འདི་དག་ལ་དོ་སྣང་ཡོང་མི་སྲིད། དེ་བས་ཆོས་ཀྱི་གཞི་ལ་ཚིག་གི་མདའ་་་
འདི་བཀང་ནས་འཕངས་ན་ཐབས་རེ་ཡོད་དམ།
བོད་པ་སྐྲག་ས་མེད་པའང་མ་ཡིན་ཏེ། སྦྱིན་བདག་གི་ངོ་མདངས་ནི་དོན་གྱི་སྐྲག་
ས་དེ་ཡིན། བོད་རིགས་ནི་དད་པ་ཁོ་ནས་ཚིམས་མཁན་ཤིག་ཡིན་སྟབས་རྒྱུན་་
ཤེས་འདི་དག་ལ་དོ་སྣང་ཡོང་མི་སྲིད། དེ་བས་ཆོས་ཀྱི་གཞི་ལ་ཚིག་གི་མདའ་་་
འདི་བཀང་ནས་འཕངས་ན་ཐབས་རེ་ཡོད་དམ།
ང་ཚོ་བོད་པ་ནི་ན་ཚ་འདིའི་རིགས་ལ་སྐྲག་མི་སྲིད། རྒྱ་མིའི་གཏམ་དཔེ་ལ།
རོ་སྒམ་མ་རིག་ན་མིག་ཆུ་མི་འཐོར། ཞེས་ཟེར་སྲོལ་ཡོད་པ་བཞིན།
ཡོད གསུངས་བ་ལྟར་གཉན་ནད་རེག་དུག་འདི་ལ་ནད་ཚ་ཞེས་གསུངས་གི་ཡོད་བ་མིན་ནམ་ དེ་མིན་འགྲེལ་བཤད་ཅིག་གནང་ན་ཡག་པོ་འདུག་
བོད་ཀྱི་སྨན་གཞུང་དུ་གཉན་ཁ་ཡོད་པའི་ནད་ཀྱི་རིགས་སུ་གྱུར་པ་ཀུན་ཚ་བ་དང་བསྡོངས་
གསར་འགོད་པར་ཞུ་རྒྱུར།
སྤྱིར་ན་ཚ་ཞེས་འབྲི་སྲོལ་དང་ཤོད་སྲོལ་གཉིས་ཀ་ཡོངས་གྲགས་ཡིན་ན་ཡང་། ཁ་སང་དེ་རིང་གི་གསར་འགྱུར་ནང་། ན་ཚ་ཞེས་པར་ནད་ཚ་ཞེས་བེད་སྤྱོད་གནང་འདུག་པས། དེ་ལྟར་འབྲི་དགོས་པའི་རྒྱབ་ལྗོངས་འདྲ་ཡོད་ན་གསུང་རོགས།
སོ་སོའི་ཁྱིམ་དུ་ཡུབ་ནས་བསྡད།
སོ་སོའི་ཁྱིམ་དུ་ཡིབ་ནས་བསྡད།