ཁྱེད་རང་མི་མངོན་པའི་ཚུལ་གྱིས་ངའི་ཕྱི་ནང་བར་གསུམ་དུ་འཛུལ་དེ་འོང་དུས་སུ། ཁྱེད་རང་དངོས་ནས་ཤེས་འདོད་འདུག་པའི་ང་ལ་དེ་ལྟར་མ་བྱེད། ག་ལེར་མངོན་ནས་ཕེབས་ཤོག ངས་ཁྱེད་རང་གཟུགས་མེད་ཅིག་ལས་གཟུགས་ཡོད་ཅིག་དང་། གཟུགས་ཡོད་ཅིག་ནས་ང་རང་ལ་སྐད་ཆ་ཐད་ཀར་བཤད་འཕོད་མཁན་གྱི་སྨྲ་ཤེས་ཤིང་དོན་གོ་བ་ཞིག་དུ་མཐོང་འདོད་འདུག
མི་ལོ་འདི་ལ་སླེབས་རེག་བར་དུ། ངས་ཁྱེད་རང་ལ་གཏན་ནས་དྲི་བ་ཞིག་གཏོང་མ་མྱོང་། དོ་ནུབ་ལྷིང་འཇག་གི་མཚན་མོར་འདིར་ངས་ཁྱེད་རང་ལ་དྲི་བ་ཞིག་གཏོང་འདོད་འདུག ཁྱེད་ཀྱིས་ང་རང་ཆུང་དུས་ནས་བཟུང་དེ་འདི་ལྟར་སྲུང་དེ་འདུག་དོན་ཅི་ཡིན་ནམ། ཡང་ན། ང་རང་ལ་སྐྲག་སྣང་ཞིག་སློང་ཆེད་ཡིན་ནམ། དེ་མིན་ན་ང་རང་ལ་གསང་བ་གང་ཞིག་བཤད་འདོད་ཀྱི་གཡིབ་དེ་བསྡད་ཡོད་དམ།
དོན་དངོས་སུ་བོད་མི་དག་གིས་གཟུགས་མེད་ནི་འདྲེ་རིགས་སུ་འདོད་པའམ། ཡང་ན། མི་ལ་གནོད་འཚེ་གཏོང་མཁན་གྱི་རིགས་ཤིག་དུ་བསམ་བཞིན་ཡོད་པ་རེད། དེ་རིང་བདག་གིས་སུ་ཡང་མེད་པའི་མཚན་མོ་འདིར་ངས་ཁྱེད་རང་དངོས་སུ་མཐོང་འདོད་འདུག ཁྱེད་ཀྱི་ང་རང་ལ་སྐད་ཆ་གསལ་བོ་ཞིག་བཤད་རྒྱུར་བལྟས་ནས་ཡོད།
མི་ནི་དོགས་པ་རྣམ་དོག་གི་དབང་འོག་དུ་འཆི་མ་ཐུབ་པའི་ལུས་ཡོད་པའི་གཟུགས་ཅན་ཞིག་ཡིན་དུས། ང་རང་ཡང་དེ་ལས་རིང་དུ་བརྒལ་མེད་དུས། ངས་ངོ་མ་ཁྱེད་རང་ཤེས་འདོད་འདུག་ལ། ངས་ཁྱེད་རང་དངོས་སུ་མཐོང་འདོད་ཀྱི་མདུན་པ་དངོས་ནས་ཆེན་པོ་ཡོད་པ་ཁྱེད་ཀྱི་ཤེས་ན་རེད།
གཟུགས་མེད་ཟེར་དུས། གཟུགས་ཡོད་ཀྱི་མི་དག་གིས་མཐོང་བ་ཞིག་མིན་རབས་རེད་དེ། ཁྱེད་རང་དེ་ལྟར་མུ་མཐུད་དུ་མི་མཐོང་ས་ཞིག་དུ་སྐོང་དེ་བསྡད་པ་ཡིན་ན། ང་རང་གི་དོགས་པ་རྣམ་དོག་ཆེ་ཆེར་འགྲོ་བ་ལས། ངའི་ཕྱི་ནང་བར་གསུམ་ལ་འགྱུར་བ་འགྲོ་རྒྱུར་གང་ཡང་ཕན་གྱི་མི་འདུག་སྟབས། ང་རང་ལ་དངོས་ནས་གཟུགས་མེད་ཅིག་གི་ལྟ་སྐྱོང་ནི་རྨི་ལམ་ནང་གི་མེ་ཏོག་བདྨ་དཀར་པོ་དེ་དག་རི་ངོས་ཤིག་དུ་འོད་ལྷམ་ལྷམ་འཚེར་བ་དང་འདྲ་བར། རྨི་ལས་སད་དུས་རེག་རྒྱུ་མེད་པ་དང་། མིག་གི་མདུན་དུ་དངོས་སུ་མཐོང་རྒྱུ་མེད་པ་དེ་འདྲ་ཞིག་ནི་དགོས་དོན་མི་འདུག
དེ་མིན་ན། དོ་ནུབ་ནས་བཟུང་དེ་གཟུགས་མེད་ཁྱེད། ངའི་ཕྱི་ནང་བར་གསུམ་དང་ཁ་བྲལ་ནས་རིང་དུ་གྱེས་ཤིག གྱེས་པ་དེ་ཡང་ཤ་གསེང་རུས་གསེང་ནས་བུད་དེ་འགྲོ་རོགས་ཞུ། དེ་མིན་ང་རང་ནི་གཟུགས་ཡོད་ཀྱི་མི་ལུས་ཤིག་ཞིག་གི་དེ་འདྲ་ཞིག་མྱོང་འདོད་མི་འདུག་ལ། དོགས་པ་རྣམ་དོག་དེ་ཡང་ཇེ་ཆེར་གཏོང་འདོད་མེད་པ་ཤེས་པར་གྱིས་ཤིག
ཇིང་སྲས་མིག་གསུམ་ལགས། རྨི་ལམ་ཞིག་བྲིས་མེད་ལགས།
ཁ་བ་དཀར་པོ་ལགས། སྐུ་ཉིད་ཀྱིས་མཁྱེན་རྟོགས་གནང་བ་དེར་སྐུ་དྲིན་ཆེ་ལགས།
སྐར་ཁྲི་བཙན་ལགས། གྲྭ་ཆས་གཡུགས་ཚར་བ་ཞིག་ལ། ཡང་བསྐྱར་གྲྭ་ཆས་གོན་རྒྱུ་སྐལ་བ་ཡོད་པ་མ་རེད་ལགས།
ཨ་ཆགས་ཚེ་རྡོར་ལགས། སྐུ་ཉིད་ཀྱིས་རང་གི་སེམས་ཚོར་ཞིག་གསུངས་ཀྱི་ཡོད་པ་འདྲ་ལགས།
གོང་གི་རྩོམ་ཡིག་འདིའི་བརྗོད་དོན་དངོས་ནི།དེངགི་་མིག་འཛགས་ལྐོག་དགའ་བྱ་མཁན་གྱི་ཕོ་གསར་མོ་སྐོམ་ཅན་ཞིག་གི་འཁྲུལ་སྣང་གླུ་རུ་གྱེར་བ་ཞིན་ཡིན་འདུག་་ཧཧཧཧ།
དུམ་པ་བཅུ་གཉིས། ཨ་རོ་གྲྭ་ཆས་གྲ་སྒྲིག་ཡེ་གོ་གི་པ།
ཁག་མེད་ཀི ང་ལ་ཉམས་མྱོང་ཡོད། ལྷོད་ལྷོད་ཞོགས་དང་ཉི་མ་གཅིག་རང་ཡལ་དུ་འགྲོ་བའི་གཟུགས་མེད་སྐོར་ཞིག་འདུག
ཧཧཧཧཧཧཧཧཧཧཧཧ མདང་དགོང་ཁྱོད་ཀྱིས་རྨི་ལམ་འཇིགས་པོ་ཞིག་རྨིས་ཡོད་པ་འདྲ།