གལ་སྲིད་པེན་བོད་ཀྱི་རྩོམ་པ་པོའི་མཐུན་ཚོགས་ཀྱིས་དཔར་སྐྲུན་བྱ་མི་ཐུབ་ཚེ་ལྷག་བསམ་གྱིས་ཕྱུག་པའི་ཚོགས་པ་དང་མི་སྒེར་གང་རུང་གིས་ངའི་དེབ་དེ་གཉིས་དཔར་སྐྲུན་བྱ་རོགས་ཞེས་རྩོམ་པ་པོ་བྱ་མདོ་རིན་བཟང་ལགས་ཀྱིས་རེ་འབོད་ཞུས་ཡོད།
སྔར་ལོའི་ས་བྱི་ཞི་རྒོལ་ཆེན་མོའི་ཡར་སྔོན་དུ་མདོ་སྨད་མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་གི་གཞོན་སྐྱེས་རྩོམ་པ་པོ་བྱ་མདོ་རིན་བཟང་ལགས་ཀྱིས་རང་ཉིད་བོད་རིགས་རྩོམ་པ་པོ་ཞིག་ཡིན་པའི་འགན་བླངས་ནས་བོད་ཁུལ་གྱི་ས་ཆ་གང་སར་ཕྱིན་ཏེ་རིག་གནས་གསར་བརྗེ་སྐབས་ཀྱི་རྒན་རབས་པ་ཁག་ཅིག་ལ་འདས་པའི་དཀའ་སྡུག་གི་འཚོ་བའི་སྐོར་ལ་བཅར་འདྲི་དང་ད་ལྟའི་དངོས་ཡོད་འཚོ་བར་རྒྱུས་ལོན་བྱས་པའི་རྩོམ་ཡིག་གང་མང་ཞིག་དེབ་ཀྱི་གཟུགས་སུ་བཀོད་དེ་བྲིས་པའི་༼ངའི་ཕ་ཡུལ་དང་ཞི་བའི་བཅིངས་འགྲོལ༽ ཅེས་པ་དང་༼དབུ་ཕར་སྐོར་གྱི་དོགས་འཕྲོས༽ ཞེས་པའི་དེབ་ཕྲེང་གཉིས་པར་སྐྲུན་བྱས་ཡོད་ཀྱང་། དེབ་དེ་གཉིས་རང་གི་གྲོགས་པོ་ཚོར་ལེགས་སྐྱེས་ཀྱི་ཚུལ་དུ་འབུལ་རྒྱུའི་གོ་སྐབས་ཙམ་ལས་དངོས་སུ་སྤྱི་ཚོགས་སྟེང་འགྲེམས་སྤེལ་གྱི་གོ་སྐབས་མ་བྱུང་བར། རྒྱ་གཞུང་གིས་དེབ་དེ་གཉིས་ཀྱི་ནང་ཆབ་སྲིད་དང་འབྲེལ་བའི་སྐོར་བྲིས་ཡོད་པར་ངོས་འཛིན་གྱིས་འགྲེམས་སྤེལ་བྱེད་དུ་བཅུག་མེད་པ་དང་། དེབ་དེར་རྐྱེན་བྱས་ཏེ་རྫོང་དང་ཞང་རིམ་པའི་ཉེན་རྟོག་པས་ཁོང་བཀག་ཉར་དང་འདྲི་གཅོད་ཐེངས་མང་བྱས་ཡོད་པ་མ་ཟད། ༢༠༠༦ ལོའི་ཟླ་ ༧ པའི་ཚེས་ ༡༩ ཉིན་ཁོང་འབྲས་སྤུངས་ནས་ཕྱིར་རང་ཡུལ་ཏུ་ལོག་པའི་ལམ་བར་དུ་འཛིན་བཟུང་བཀག་ཉར་བྱས་ཏེ། ཕྱིར་སློབ་གཉེར་གནང་སའི་དགོན་པར་འགྲོ་མི་ཆོག་པའི་བཀའ་རྒྱ་བཏང་ཡོད་པ་དང་། ཕྱིས་སུ་གསེར་རྟ་བླ་རུང་ནང་བསྟན་སློབ་གླིང་དུ་སློབ་གཉེར་བྱེད་བཞིན་པའི་སྐབས་ཏེ། ༢༠༠༩ ལོའི་ཟླ་ ༨ པའི་ནང་ཡང་བསྐྱར་འཛིན་བཟུང་གིས་ཁོང་ལ་སྡུག་སྦྱོང་མནར་གཅོད་བཏང་མཐར་ཕྱིར་ནང་མིར་རྩིས་སྤྲོད་བྱས་ཡོད་འདུག་ལ། སྐབས་དེར་རྒྱ་ནག་གི་ཉེན་རྟོག་མི་སྣས་མནར་གཅོད་ཚད་མེད་བཏང་མཐར་ཁོང་གི་ཀླད་པར་སྐྱོན་ཤོར་ཏེ་དྲན་ཤེས་ཡོངས་སུ་ཉམས་པ་དང་ཟ་འཐུང་འགྲོ་འདུག་སོགས་ལའང་དཀའ་ངལ་ཡོད་པའི་གནས་སུ་བསྐྱལ་ཡོད་པ་རེད།
ཁོང་གིས་དེབ་དེ་གཉིས་བྲིས་ཚར་རྗེས་པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་མི་འཇིགས་མེད་ལགས་དང་འབྲེལ་བ་བྱུང་སྟེ། ཕན་ཚུན་མོས་མཐུན་ཐོག་ཁོང་གི་དེབ་དེ་གཉིས་པེན་བོད་ཀྱི་རྩོམ་པ་པོའི་མཐུན་ཚོགས་ཀྱིས་དཔར་སྐྲུན་འགྲེམས་སྤེལ་བྱ་རྒྱུ་ཁས་ལེན་བྱས་ཡོད་འདུག་ལ། ཁོང་དང་སྐུ་ཞབས་སྒྲོལ་མ་སྐྱབས་རྣམ་གཉིས་ཀྱི་དེབ་བཅས་ལ་འཇར་མན་རྩོམ་པ་པོ་མཐུན་ཚོགས་དང་ཁེ་ན་ཌའི་རྩོམ་པ་པོ་མཐུན་ཚོགས་གཉིས་ཀྱི་མ་དངུལ་འགྲོ་གྲོན་གཏོང་རྒྱུ་ཡིན་པའི་ཁག་ཐེག་བྱས་ཡོད་པའི་གནས་ཚུལ་སོགས་རྩོམ་པོ་པོས་ཀྱང་ཤེས་རྟོགས་བྱུང་ཡོད་པ་རེད། དེ་ལྟ་ནའང་། མི་ལོ་ ༢ ལྷག་འགྲོ་བཞིན་པའི་ད་ལྟའི་དུས་འདིར་ཡང་ཁོང་གི་དེབ་དེ་གཉིས་བཙན་བྱོལ་སྤྱི་ཚོགས་ཀྱི་ཀློག་པ་པོའི་སྤྱན་ལམ་དུ་སླེབས་རྒྱུ་མ་བྱུང་བ་དང་། གྲགས་འགུལ་ཅི་ཡང་མ་བྱུང་སྟབས། ཉེ་ཆར་རྩོམ་པོ་པོོས་བོད་ནས་ཁ་པར་བརྒྱུད་དེ་རྒྱལ་སྤྱིའི་བོད་དོན་ལས་འགུལ་ཁང་གི་དཀའ་ཐུབ་ཚེ་རིང་ལགས་ལ་རེ་སྐུལ་གྱིས་སྐད་བསྐུར་ཡོད་པ་དང་། རྩོམ་པ་པོས་བསྐུར་བའི་སྐད་ཀྱི་ནང་དུ། ངས་ཧ་ཅང་གཉན་འཕྲང་གི་དུས་སྐབས་སུ་བོད་ཁམས་མྱུལ་ཏེ་གནས་ཚུལ་གང་མང་ལ་ཉམས་ཞིབ་དང་རྒྱུས་ལོན་བྱས་ཏེ་དེབ་དེ་བྲིས་པ་ཡིན་ལ། དེབ་དེའི་ནང་མི་མང་པོ་ཞིག་ལ་བཅར་འདྲི་བྱས་ཏེ་བོད་མིའི་བདེ་སྡུག་མངོན་པར་མཚོན་ཡོད། དེབ་འདིར་ཆབ་སྲིད་ཀྱི་ནག་ཉེས་ཕོག་པའི་དབང་གིས་ད་ལྟའི་ཆར་ཡང་ང་རང་གང་སར་ཡིབ་ནས་འགྲོ་དགོས་པ་དང་གཏན་སྡོད་ཀྱི་གནས་ངེས་ཅན་ཞིག་མེད་པར་ཆགས་ཡོད། ཡིན་ནའང་། པེན་བོད་ཀྱི་རྩོམ་པ་པོའི་མཐུན་ཚོགས་ཀྱིས་ང་ལ་ཁས་ལེན་བྱས་པའི་ལས་དོན་ཅི་ཡང་འགྲུབ་མེད་སྟབས། ང་རང་ཧ་ཅང་བློ་ཕམ་སྐྱེས་ཡོད། ཅེས་དང་། རང་དབང་ལུང་པའི་ནང་དེབ་དེ་གཉིས་དཔར་སྐྲུན་བྱེད་པར་དཀའ་ངལ་ཅི་ཞིག་བྱུང་ཡོད་མེད་དང་། ད་ལྟའི་བར་ལྷག་དགོས་དོན་སོགས་གསལ་བོར་འགྲེལ་བཤད་དང་བརྡ་ལན་ཞིག་སྤྲོད་རྒྱུའི་རེ་བ་ཡོད་ཅེས་བརྗོད་ཡོད་པ་མ་ཟད། གལ་སྲིད། དེབ་དེ་གཉིས་པེན་བོད་ཀྱི་རྩོམ་པ་པོའི་མཐུན་ཚོགས་ཀྱིས་དཔར་བསྐྲུན་བྱ་མི་ཐུབ་ཚེ་ལྷག་བསམ་གྱིས་ཕྱུག་པའི་ཚོགས་པ་དང་མི་སྒེར་གང་རུང་གིས་ངའི་དེབ་དེ་གཉིས་དཔར་སྐྲུན་འགྲེམས་སྤེལ་བྱ་རོགས་ཞེས་རེ་སྐུལ་གནང་ཡོད་པ་རེད།
གོང་གསལ་གྱི་གནས་ཚུལ་འདིའི་ཐད་འདི་གའི་གསར་འགོད་པས་རྩོམ་པ་པོ་ལྷ་ཆབ་སྦྱིན་པ་ལགས་སུ་ཞིབ་ཕྲའི་གནས་ཚུལ་བཀའ་འདྲི་ཞུས་པར། ཁོང་གིས། ༢༠༠༧ ལོའི་ནང་རྩོམ་པ་པོ་རིན་ཆེན་བཟང་པོ་ལགས་ཀྱིས་རྩོམ་ཡིག་ ༡༧ ལྷག་རྒྱ་གཞུང་གིས་མེར་བསྲེགས་བཏང་ཡོད་པའི་གནས་ཚུལ་ཞིག་སྤྱི་ཚོགས་མེ་ལོང་སྟེང་སྤེལ་བ་དང་དབྱིན་ཡིག་གི་སྟེང་ནས་ཀྱང་ཕྱི་རྒྱལ་ལ་གནས་ཚུལ་མཁོ་གཏོང་བྱས་པར། འཇར་མན་རྩོམ་པ་པོའི་མཐུན་ཚོགས་ཀྱིས་དང་བླངས་ཀྱིས་སྐུ་ཞབས་སྒྲོལ་མ་སྐྱབས་ལགས་དང་རིན་ཆེན་བཟང་པོ་ལགས་རྣམ་གཉིས་ཀྱི་དེབ་ལ་རོགས་སྐྱོར་བྱ་རྒྱུའི་མོས་མཐུན་བྱུང་སྟེ། རྩོམ་པ་པོའི་མཐུན་ཚོགས་ཀྱི་ཚོགས་མི་འཇིགས་མེད་ལ་ཧིན་སྒོར་ཁྲི་ ༤ ལྷག་བཏང་ཡོད་པའི་གནས་ཚུལ་ཞིག་གོ་ཐོས་བྱུང་ལ། རྗེས་སུ་མ་དངུལ་དེ་རྩོམ་པ་པོ་རིན་ཆེན་བཟང་པོ་ལགས་སུ་འབྱོར་ཡོད་པའི་འབྱོར་ཡིག་ཅིག་ཕྱིར་ངྷ་སར་འབྱོར་ཡོད་ཚུལ་བརྗོད་པ་ལས་གཞན་པའི་གནས་ཚུལ་དེ་དག་ང་ལ་གསལ་ཆ་མེད་ཅེས་བརྗོད་བྱུང་ལ། རྩོམ་པ་པོའི་མཐུན་ཚོགས་ཀྱིས་ཐོག་མར་དེབ་ཚུར་ལེན་མཁན་དང་འབྲེལ་བ་བྱ་མཁན་ཚང་མ་འཇིགས་མེད་ལ་གསལ་ཆ་ཡོད་པ་དང་། དེབ་དེ་དཔར་སྐྲུན་མ་བྱས་པའི་རྒྱུ་རྐྱེན་གཙོ་བོ་དེ། ཁོང་གི་དེབ་དེ་བོད་ནང་དུ་པར་སྐྲུན་བྱས་ཟིན་པ་མ་ཟད། དེབ་ཁག་ཅིག་ང་ཚོའི་བཙན་བྱོལ་ཏུའང་འབྱོར་ཡོད་པའི་གནས་ཚུལ་སོགས་ཐོས་འཕྲལ་བཙན་བྱོལ་ནང་དཔར་སྐྲུན་མ་བྱས་པ་ཞིག་རེད་ཅེས་བརྗོད་བྱུང།
གལ་སྲིད་ཀུན་ཐར་ཚོགས་ཁོངས་ནས་མ་ཐོན་མཐུན་ཚོགས་འདིའི་དཔལ་འབྱོར་གྱི་དཀའ་ངལ་ནམ་ཡང་སེལ་ཐུབ་མེད་ཐག་ཆོད་ཡིན། གལ་སྲིད་ཀུན་ཐར་ཚོགས་ཁོངས་ན་ཕྱིར་མ་ཐོན་ན་ཚོགས་པ་འདི་བཞིན་མུ་མཐུད་གནས་ཐུབ་མེད་ཐག་ཆོད་ཡིན། ་་་་་་་་་་་་་་་་
གངས་དཀར་རྒྱལ་སྲས། འདིར་གླེང་བཞིན་པ་ཚང་མ་ཀུན་ཐར་གྱིས་ནག་ཉེས་རྐྱང་རེད། ཁྱེད་བྱ་མོ་མ་ན་སྒོ་ང་ན་དོན་གང་ཡིན་ནམ། སྐབས་འདིའི་ལན་བྲརྒྱག་མཁན་དེ་ཀུན་བྷ་ཡིན་དགོས་ཀྱང་། ཁོས་ལན་གཅིག་ཀྱང་མི་བརྒྱག་པར་ཁ་རོགས་པར་འདུག་དོན་ཤེས་སམ། འདིར་ཀུན་ཐར་དོན་འགྲུབ་མཐོན་ཚོགས་ཀྱི་རྒྱུན་ལས་ནས་མགྱོགས་པོ་ཕྱིར་འབུད་དགོས་པ་དེ་ཡིན། མཐུན་ཚོགས་འདི་བོད་གཞུང་དང་སྐུ་སྒེར་ཡིག་ཚང་གི་རྒྱབ་གཉེར་ཡི་གེ་ཡོད་པ་དང་། རྒྱལ་སྤྱིའི་ཚོགས་སྡེ་ཁག་ལ་འབྲེལ་བ་ཡོད་ཙང་། ཚོགས་པ་འདིའི་མ་འོངས་པ་དང་ཚོགས་པ་འདིར་ཤ་ཞེན་གྱིས་དབང་གིས་ནང་གཏམ་གྱི་ཚུལ་དུ་སྐྱོན་བརྗོད་དང་གོ་བརྡ་འདི་བཏང་ཡིན། ཀུན་ཐར་གྱི་ཉེས་པ་ཐེར་འདོན་བྱེད་ཆེད་བོད་མིའི་ཚོགས་སྡེ་གཅིག་རྒྱལ་སྤྱིའི་ཚོགས་སྡེ་ཁག་གི་འདུན་ནས་ཞབས་འདྲེན་བཟོ་མ་འདོད་པར་ཁ་རོགས་བསྡད་ཡོད། གལ་སྲིད་གང་མྱུར་ཀུན་ཐར་ཚོགས་ཁོངས་ནས་མ་ཐོན་པ་ཡིན་ན་ང་ཚོས་འཇོག་གི་མིན། ལན་འདི་ཀུན་ཐར་ལ་སྟེར་རོགས།
འཛིན་སྐྱོང་དྲུང་ཆེ་ཡིན་ཟེར་མཁན་ཁྱོད་ཀྱིས་ཨ་མཆོག་ལྷ་མོའི་སྐོར་ལ་རྩད་གཅོད་བྱེད་བཞིན་པའི་སྒང་ཡིན་ཟེར།
ཁྱོད་འཛིན་སྐྱོང་དྲུང་ཆེ་མ་རེད་དམ། ཁྱེད་ཚོགས་མི་རྙིང་པ་མ་རེད་དམ། ཁྱོད་རྒྱུན་ལས་རྙིང་པ་མ་རེད་དམ།
སྔོན་མ་བླ་བྲང་སྐལ་བཟང་གི་སྐབས་སུ་ཚོགས་གཙོ་དང་དྲུང་ཆེ་། ཚོགས་མི་ཁྱི་ཕྲུག་འགའ་བཅས་ཁ་འཆམ་ནས་བོད་ཀྱི་རྩོམ་པ་པོའི་མཐུན་ཚོགས་ཀྱི་མིང་གད་སྙིགས་ནང་ལ་གཡུགས་པ་རེད། མ་འདས་སྤྲུལ་སྐུ་ཀུན་ཐར་དོན་གྲུབ་ཀྱི་སྐབས་སུ་འཛིན་སྐྱོང་དྲུང་ཆེ་དང་ཚོགས་མི་ཚོས་ཚོགས་གཞོན་གྱི་ལྐོག་གཡོ་བཤམས་པ་དག་མགོ་མ་ཚོས་བར་པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་མིང་འདི་སྐྱག་དོང་ནང་ལ་གཡུགས་རྒྱུ་ཡིན་ཁོ་ཐག་རེད། འཛིན་སྐྱོང་དྲུང་ཆེ་ཡིན་ཟེར་མཁན་ཁྱེད་ཀྱིས་འཛིན་སྐྱོང་གི་གནས་སྟངས་སྤྱི་དང་བྱེ་བྲག་ཏུ་ཀུན་ཐར་གྱི་ལྐོག་ལས་དག་ཧ་གོ་གི་མེད་ན་ཚོགས་འདུ་ཚོགས།
ཁྱེད་ཀྱིས་གནམ་ལྷ་ཟེར་བ་དེའི་སྐོར་མི་ཤེས་ན་གོང་དུ་ཁྱེད་ཀྱིས་ཤེས་མདོག་མདོག་དང་ངར་ངར་རྫིག་རྫིག་བྱས་ནས་ཅི་བྱེད། གོང་དུ་ཁྱེད་ནས་” ཚོགས་མི་ཞིག་ཕྱི་ལོག་ལ་སོང་ན་ཕྱིར་འཁོར་ནས་མཐུན་ཚོགས་ལ་ཞལ་འདེབ་གང་ཐུབ་ཅིག་གནང་ན་འོས་པའི་སྐོར་ཚོགས་ཆེན་སྟེང་ནས་ཐག་བཅད་ཡོད། ཡིན་ནའང་གནམ་ལྷའི་ད་དུང་རྩོམ་པ་པོའི་མཐུན་ཚོགས་ལ་ཞལ་འདེབས་གང་ཡང་བརྒྱབ་མེད། ” ལབ་འདུག། སོ་སོས་སོ་སོའི་མགོ་མ་རྡུང་ལབ་ཀྱི་ཡོད། ཁྱེད་ཀྱིས་མི་ཤེས་ན་ང་ཚོའི་དྲི་བར་ལན་མ་རྒྱག་ལབ་ཀྱི་ཡོད་ལ་ལན་རྒྱག་ཁུལ་བྱས་ན་ཡང་དེ་ནི་སོ་སོ་ནག་པོ་བཟོ་བ་གཅིག་པོ་རེད། འཛིན་སྐྱོང་དྲུང་ཆེ་ཡིན་ན་འཛིན་སྐྱོང་གི་སྔ་ཕྱིའི་བརྒྱུད་རིམ་ཚང་མ་ངོ་འཕྲོད་རྒྱུ་གལ་ཆེན་པོ་རེད། མ་འདས་སྤྲུལ་སྐུ་ཀུན་ཐར་དོན་གྲུབ་ཀྱི་སྐོར་དེ་ཀུན་ཐར་དོན་གྲུབ་ཀྱིས་ཁྱེད་ཚོ་ཚང་མ་ནག་ཁུང་ལ་ནང་ལ་མ་དེད་བར་དུ་ཁྱེད་ཀྱིས་ཤེས་རྒྱུ་མ་རེད་ལ་དེ་རྩད་གཅོད་ཐུབ་རྒྱུའི་འཛིན་སྐྱོང་གོ་འཇོན་ཐང་ཡང་ཁྱེད་ལ་མི་འདུག ཀུན་ཐར་དོན་གྲུབ་ཀྱིས་སྐྱག་པ་བཏང་ན་སྐྱག་པ་དེ་གཙང་བ་བཟོ་བར་ང་ཚོ་ཁྱེད་ཚོའི་ལས་ཁུངས་ལ་ཡོང་དགོས་རེད་དམ།
ཁྱོད་ཀྱིས་གནམ་ལྷ་ཕྱི་ལོག་ལ་སོང་བའི་སྐོར་ཤེས་འདོད་ན་རྩད་གཅོད་ཡག་པོ་ཞིག་བྱས་ནས་ད་གཟོད་སྐད་ཆ་ཤོད་།་རྫེས་མ་ཕུགས་འདིེད་རྒྱུ་མེད་པའི་སྐོར་ལ་ལན་འདེབས་རྒྱུུ་མིན་ལ།་དོན་མེད་རྙོག་གླེང་ལ་ཁ་ཡའང་བྱེད་རྒྱུ་མིན།་དོན་དངོས་ཤེས་འདོད་ཡོད་ན་ལས་ཁུངས་ལ་ཤོག་།་ངས་དོན་དག་དེ་འདྲ་གཅིག་ཀྱང་མི་ཤེས།་མ་ཤེས་མ་ཤེས་བ་རེད།་ཀུན་ཐར་དོན་གྲུབ་ལ་སྐྱོན་བརྗོད་སྟངས་དེའང་མི་སྒེར་གྱི་འཁོན་འཛིང་བྱེད་སྟངས་ཤིག་གི་རྣམ་པ་མངོན་པ་ལས་སྤྱི་དོན་ལ་ཞེན་ཁོག་ཡོད་པ་ཞིག་ཏུ་སྣང་མ་སོང།ཁྱོད་ཀྱི་སྐད་ཆ་གང་མང་ཞིག་ཚོད་དཔག་ཡིན་པ་འདྲ།་ཁྱོད་ཀྱིས་ཤེས་ཡོད་ན་ཁྱོད་ལས་ཁུངས་ལ་ཡོང་བའམ་ས་ཆ་ཞིག་བགོས་ཏེ་ང་ལ་བཤད་རོགས་གནང།་དེ་ནི་ངས་ཀྱང་ཤེས་འདོད་པའི་དོན་དག་རེད་ལ་འབྲེལ་ཡོད་ཀྱི་དོན་དག་ཀྱང་རེད།གལ་ཏེ་གྲགས་འགུལ་མ་་བྱུང་ཚེ་ཁྱོད་ལ་བདེན་པ་མེད་པའི་རྟགས་ཡིན།་སྐད་འདི་ཁྱོད་དང་ཁྱོད་འདྲ་བ་གང་མང་ཞིག་ལ་བཞག་པ་ཡིན།རྗེས་མ་གལ་གནད་ཅན་གྱི་དོན་དག་མེད་ཚེ་ལན་མི་རྒྱག་བདེ་མོ།
ད་ནངས་ཞོགས་པ་འབྲས་སྤུངས་ནས་ཁ་པར་ཡོང་ནས་རྩོམ་པ་པོའི་མཐུན་ཚོགས་ཀྱི་གླེང་རྙོག་འདི་ཚོ་སྤྱི་ཚོགས་སྟེང་ལ་ཁ་གསལ་བཟོས་ན་མ་གཏོགས་ཨ་མདོའི་རྩོམ་པ་པོ་སྤྱི་དང་ལྷག་པར་དུ་ཨ་མདོ་བའི་ཞབབ་འདྲེན་རེད་ཟེར།
གངས་དཀར་རྒྱལ་སྲས་ཟེར་བ་ཁྱོད་ཀྱིས་སོ་སོའི་མགོ་རྡུང་བྱེད་ཀྱི་སྐད་ཆ་མང་པོ་བཤད་འདུག མི་ཁྱོད་འཛིན་སྐྱོང་དྲུང་ཆེ་ཡིན་རུང་མ་འདས་སྤྲུལ་སྐུ་ཀུན་ཐར་དོན་གྲུབ་ཀྱི་རྒྱབ་མཐོང་རྒྱུ་ཕར་ཞོག་མདུན་ཡང་མཐོང་མི་འདུག ཁྱེད་རང་ལྟ་བུ་ཚོའི་འཇོན་ཐང་དང་ནུས་བ་སྐྱོ་དྲགས་པ་ཡིན་ཙང་མ་འདས་སྤྲུལ་སྐུས་ཁྱེད་ཚོའི་མགོ་ལ་མི་མངོན་པའི་སྐྱག་པ་མང་པོ་གཏོང་གི་ཡོད་པ་རེད། དབྱིན་ལན་གྱི་སྐོར་དེ་ང་ཚོར་ཁ་གསལ་བཤད་རྒྱུ་ཡོད། ང་ཚོས་ཁྲོམ་བསྒྲགས་གཙང་མ་མ་བྱས་སྔོན་ལ་ཁྱེད་རང་སོང་ནས་མ་འདས་སྤྲུལ་སྐུ་ལ་སྐད་ཆ་གསལ་བོ་ཞིག་དྲིས་ནས་ལན་ཁྱེར་ཤོག ཁྱེད་ཀྱིས་ང་ཚོར་ལྐུགས་ལན་འདྲ་བརྒྱབ་བསྡད་ན་ཁྱེད་རང་གིས་སོ་སོ་ནག་པོ་བཟོ་བ་དང་གཅིག་མཚུངས་རེད། ངས་ཁྱོད་ལ་སྐད་ཆ་གཅིག་འདྲི། གནམ་ལྷ་ཟེར་བའི་གསར་བུ་དེ་ལ་ད་ལོའི་པེན་རྩོམ་པ་པོའི་མཐུན་ཚོགས་ཀྱི་ཕྱི་བསྐྱོད་མགྲོན་ཤོག་དེ་ཇི་ལྟར་རེག་པ་རེད། སུས་སྤྲད་པ་རེད། གནམ་ལྷ་པེན་རྩོམ་པ་པོའི་མཐུན་ཚོགས་ཀྱི་མིང་ཐོག་ནས་ཕྱི་རྒྱལ་ལ་འགྲོ་རྒྱུའི་ཐག་གཅོད་དེ་སུས་བྱས་སོང་། དྲི་བ་འདི་ཚོར་གཅིག་རེ་གཉིས་རེ་བྱས་ནས་ལན་ཁ་གསལ་བོ་རྒྱོབས། རྒྱལ་བ་རིན་པོ། ཁྱེད་ཀྱིས་འཛིན་སྐྱོང་དྲུང་ཆེ་ཡིན་ཟེར་ནས་གླེན་བཤད་འདྲ་བོ་མ་རྒྱག་རོགས་གནང་། ང་ཚོས་འདི་རུ་དོན་མེད་ཀྱི་རྙོག་དྲ་བཟོ་གི་མེད་ལ་དཀྲུགས་ཤིང་ཡང་རྒྱག་གི་མེད། རྩོམ་པ་པོའི་མཐུན་ཚོགས་སང་ཉིན་སྒོ་བརྒྱབ་བཏང་རུང་ང་ཚོའི་ལྟོ་ཆད་ཀྱི་མེད་། འོན་ཀྱང་།-ང་ཚོས་རྩོམ་པ་པོ་མཐུན་ཚོགས་ཀྱི་འབྱུང་འགྱུར་ལ་འགན་ཁུར་བའི་སྐད་ཆ་བཤད་ཀྱི་ཡོད་པ་མ་ཟད་མ་འདས་སྤྲུལ་སྐུ་ཀུན་ཐར་དོན་གྲུབ་ལྟ་བུའི་རིགས་མུ་མཐུད་དུ་རྒྱུན་ལས་ཀྱི་ཁོངས་སུ་བསྡད་པ་ཡིན་ན་ཉིན་མ་གཅིག་པེན་རྩོམ་པ་པོའི་མཐུན་ཚོགས་འདི་ཡང་བསྐྱར་ནག་ཁུང་ནང་ལ་འདེད་ཀྱི་རེད། འདི་ཚོ་འཛིན་སྐྱོང་དྲུང་ཆེ་ཡིན་ཟེར་མཁན་ཁྱེད་ཀྱི་སེམས་ལ་ཟུངས།
ཁྱོད་ལ་དཀར་ལུ་གུ་འདྲ་ཞིག་ཡོད་ན་ཁྱོད་ཀྱིས་དུས་ཚོད་ཐག་གཅོད་བྱོས་དང་ང་ཚོ་ས་ཆ་གང་ཞིག་ནས་འཛོམས་ཏེ་མིའི་གདོང་ལ་བལྟས་ནས་སྐད་ཆ་བཤད་དགོས།
གངས་དཀར་རྒྱལ་སྲས་ཀྱིས་ཨ་འཇིགས་དང་རིན་བཟང་གཉིས་ཀྱི་འབྲེལ་བ་བྱེད་བཞིན་པ་ཤེས་པ་ལས་དོན་གཞན་མི་ཤེས་ཅེས་པ་འདིས་སྒོར་མོ་དེ་མཐུན་ཚོགས་ཀྱིས་ཟོས་ཚར་བ་གསལ་བོ་རེད་ཅེས་ཟེར། འདི་མི་ལ་ནག་འགེལ་སྟངས་ཤིག་རེད་མ་གཏོགས་དོན་དངོས་ཐེར་འདོན་བྱེད་སྟངས་ཤིག་མ་རེད། སྐབས་དེར་ང་ལས་ཁུངས་ཀྱི་ལས་བྱེད་ཐེབས་ཆག་ཅིག་ཡིན། ཨ་འཇིགས་དྲུང་ཆེ་ལས་ཚབ་རེད། ངས་ཁོང་གི་ལས་ཀ་ཅི་བྱེད་ཀྱི་སྐོར་ལ་ཐེ་གཏོགས་བྱེད་ས་ཨེ་འགྲོ་གི། ཡང་གཅིག་བཤད་ན་དེ་ངའི་ལས་ཀའང་མ་རེད། ད་གང་ལྟར་ང་ཚོ་རྒྱང་རིང་རྒྱང་རིང་རེ་ནས་བསྡད་དེ་ཡར་བཤད་མར་བཤད་བྱེད་དགོས་དོན་མེད་ཀི། ཁོམ་པ་ཡོད་དུས་ཤིག་ལ་ལས་ཁུངས་ལ་ཤོག་དང་ང་ཚོས་གསལ་གསལ་ཐིང་ཐིང་ཞིག་བཟོ་བའི་རེ་བ་ཡོད།
རྩོམ་པ་པོ་མཐུན་ཚོགས་ཀྱིས་དབྱིན་ཡུལ་དུ་སློབ་སྦྱོང་ལ་མི་གཉིས་གཏོང་བའི་ས་མིག་ཡོད་པ་ལྡི་ལི་ནས་མི་གཞན་ལ་བཙོང་བ་རེད་ཟེར། ཁྱོད་ལ་དེ་འདྲའི་ཕུགས་འདེད་ཆོག་པའི་བདེན་པ་ཞིག་ཡོད་ན་རྒྱང་སྐོར་གི་མ་འདུག་པར། མི་འདིས། མི་འདི་གཉིས་ལ་བཙོང་བ་རེད། དེའི་བདེན་དབང་ལ་འདི་དང་འདི་ཡོད་ཅེས་གསལ་ཁ་དགོས་པ་རེད་མ་གཏོགས་མི་ཆེ་གེ་མོ་ཞིག་གིས་དེ་ལྟར་ཟེར་ཞེས་པ་ལྟ་བུས་གནས་ལུགས་ར་སྤྲོད་ཐུབ་པ་མ་རེད། ཀུན་ཐར་དོན་གྲུབ་ཀྱིས་སྐབས་དེར་ད་ལོ་ཟླ་དགུ་བའི་ནང་ལ་དབྱིན་ཡུལ་ན་རྩོམ་རིག་ཚོགས་འདུ་ཞིག་འདུག དེ་ལ་འགྲོ་མཁན་ཡོད་ན་སོང་ནས་སྙན་ངག་གྱེར་འདོན་བྱས་ནའང་འགྲིག་ས་རེད། དེ་ལ་འགྲོ་མཁན་ཨེ་ཡོད། ཁྱེད་ཚོ་ལ་པ་སེ་སེར་པོ་ཨེ་ཡོད་ཅེས་ལས་ཁུངས་ནས་དྲིས་མྱོང་བ་ལས། དབྱིན་ཡུལ་དུ་སློབ་སྦྱོང་ལ་འགྲོ་ས་ཞིག་འདུག་ཅེས་བཤད་མྱོང་མེད། དེ་རིང་ཁྱོད་ཀྱི་ཁ་ནས་ཐེངས་པོ་གོ་བ་ཡིན། ཡིན་ནའང་ལྷ་ཆབ་དང་ངེད་གཉིས་ལ་པ་སེ་སེར་པོ་མེད་པས་དོ་སྣང་མ་བྱས། གལ་ཏེ་ས་མིག་དེ་འདྲ་ཞིག་ཡོད་ནས་བཙོང་རྒྱུ་ཡིན་ན་ཀུན་ཐར་གྱིས་ང་ཚོ་ལ་བཤད་དགོས་དོན་མེད་ག དེ་ཁྱོད་ཀྱི་ཡིད་ལ་འཛིན་རྒྱུའི་ཚིགས་དང་རུམ་ལ་བཅུག་རྒྱུའི་བྲོ་ཡིན། གླེངརྗེས་མ་འདང་བརྒྱབ་ནས་སྐད་ཆ་བཤད་ན་འདི་འདྲའི་ཁ་ནང་ལ་མཛུབ་གུ་བཅུག་ནས་འདུག་རྒྱུ་མགོ་ཡོང་མདོག་ཁ་བོ་མ་རེད།
ཁྱོད་ཚོས་སྐད་ཆ་བཤད་ན་འདང་ཡག་པོ་རྒྱོབ། གོ་གོ་ཐམས་ཅད་བདེན་པའི་ངེས་པ་མེད་ལ་ཚོད་དཔག་ཐམས་ཅད་འགྲིག་པའི་ངེས་པའང་མེད། དཔེར་ན།་ཚེ་རིང་བཀྲ་ཤིས་ཀྱིས་།་ང་གངས་དཀར་རྒྱལ་སྲས། རྒྱུན་ལས་རྙིང་བའི་ནང་གི་མི་རེད་ལྟ་བུ།དང་ཚེ་རྡོར་གྱིས་ད་ལོའི་ཟླ་ལྔ་བའི་ནང་ཨ་འཇིགས་སོགས་ནོར་བེར་ལྐོག་དངུལ་གསང་ལེན་གྱིས་བཏང་ཟེར།་སུས་བཤད་ཀི་ཨ་འཇིགས་འགྲོ་ན་ཁོ་་རང་རྒྱུན་ལས་ཡིན་པས་འགྲོ་བའི་ཐོབ་ཐང་ཡོད།་སུ་གང་ལའང་ལྐོག་དངུལ་ཞིག་སྤྲོད་དགོས་དོན་མི་འདུག་ག་ཨ་མཆོག་ལྷ་མོའི་དོན་དག་ངས་ཀྱང་རྩད་གཅོད་བཞིན་པའི་སྒང་ཡིན།་ངས་ཨ འཇིག་ལ་དྲིས་མོད་ཁོས་ཨ མཆོག་ལྷ་མོ་ཁོ་དང་འབྲེལ་བ་མེད་ཟེར།་རིན་ཆེན་བཟང་པོའི་དེབ་ཀྱི་སྐོར་ངས་འབྲེལ་ཡོད་བཀའ་ཐུབ་ཚེ་རིང་ལ་དྲིས་་མོད།་ཁོས་རིན་ཆེན་བཟང་པོ་ངོས་ཤེས་ཀྱི་མེད།་ཡིན་ནའང་ཁོས་བོད་ནང་གི་གྲོགས་པོ་ཞིག་ལ་ཁ་པར་བཏང་དུས་རིན་ཆེན་བཟང་པོ་ཟེར་བ་ཞིག་གིས་དུས་བབ་གསར་ཁང་ལ་སྐད་ཅིག་བསྐུར་སོང་ངས་དེ་ཇི་བཞིན་གསར་ཁང་ལ་བཤད་པ་མ་གཏོགས་འཕྲི་སྣོན་བྱས་མེད་ཟེར།་མ་གཏོགས་རིན་ཆེན་བཟང་པོའི་ཁོ་ལ་སྒོར་མོ་འཕྲོད་མ་འཕྲོད་པའི་སྒོར་ཞིག་བཤད་མ་བྱུང་ཟེར།་ཁྱེད་ཚོས་གང་ཞྀག་ནས་གོ་བ་ཡིན་ནམ།་་ཁྱོད་རང་རྩད་གཅོད་ཞིབ་འཇུག་མེད་པར་གང་དྲན་བཤད་མཁན་ཞིག་ཡིན་པནི་ཀླད་པ་མི་དྭངས་བ་ཡིན་རྒྱུ་ཨེ་ཡིན་ན།ཨ་ཆགས་ཚེ་རྡོར་དང་ཚེ་རིང་བཀྲ་ཤིས་གཉིས་ལགས། ཁྱོད་ཀྱིས་ང་ཚོས་གནམ་ལྷའི་ལག་ནས་དངུལ་བླངས་ཡོད་པའི་བདེན་དཔང་དང་ཁུངས་གཏུགས་ས་གང་ཡིན། ཚོགས་མི་ཞིག་ཕྱི་ལོག་ལ་སོང་ན་ཕྱིར་འཁོར་ནས་མཐུན་ཚོགས་ལ་ཞལ་འདེབ་གང་ཐུབ་ཅིག་གནང་ན་འོས་པའི་སྐོར་ཚོགས་ཆེན་སྟེང་ནས་ཐག་བཅད་ཡོད། ཡིན་ནའང་གནམ་ལྷའི་ད་དུང་རྩོམ་པ་པོའི་མཐུན་ཚོགས་ལ་ཞལ་འདེབས་གང་ཡང་བརྒྱབ་མེད། ཨ་ཆགས་ཚེ་རྡོར་གྱིས་གནམ་ལྷའི་ལག་ནས་ལྐོག་དངུལ་གསང་ལེན་བྱས་ཡོད་ཟེར། ལྐོག་དངུལ་གསང་ལེན་སུས་བྱས་པ་རེད། གལ་ཏེ་སྟོན་རྒྱུ་གང་ཡང་མེད་ན་ལྐོག་དངུལ་ལེན་མཁན་ཁྱོད་རང་གཉིས་ཡིན། རྒྱུ་མཚན་ནི། ཁྱོད་གཉིས་ཀྱིས་ལྐོག་བརྔན་བླངས་ཡོད་པ་ཤེས་པའི་ཕྱིར། ཁོ་ཨོ་སི་ཁྲི་རི་ལ་སོང་ནས་ཕ་རིན་སིར་སོང་ཏེ་ཕྱིར་མ་ཡོང་ན་ཁྱོད་ལ་ཅི་ཞིག་མི་བདེ་ཀི། སྤྱིར་ང་ཚོས་མི་མང་པོ་ཞིག་ཕྱི་རྒྱལ་ཁག་ཏུ་འགྲོ་ཆེད་མགོ་སྐོར་ཐེབས་བཞིན་གཡང་ལ་མཆོང་ཏེ་སྒོར་འབུམ་བདུན་བརྒྱད་རེ་སྤྲད་ནས་ཀྱང་འགྲོ་མ་ཐུབ་པར་སེམས་ངལ་གྱི་ནང་ལ་ལྷུང་བཞིན་པ་མང་པོ་ཡོད་པ་དངོས་ཡོད་གནས་ཚུལ་རེད། དེས་ན་མི་གཅིག་གིས་ཞལ་འདེབས་ལྟ་བུས་འགྲོ་སོང་ཞིག་གིས་བདེ་བླགས་ངང་ཕྱི་རྒྱལ་ལ་འགྲོ་ཐུབ་ན་དེ་ཁོ་རང་ལ་མཚོན་ན་དོན་བཟང་ཞིག་རེད་ལ་རང་གཞན་གཉིས་ཕན་གྱི་དོན་དག་ཞིག་ཀྱང་རེད། ཕྱོགས་ཡོངས་ལ་བསམ་བློ་གཏོང་རྒྱུ་གལ་ཆེན་པོ་རེད། དེ་སེམས་ལ་བཟུང་ནས་དོན་དངོས་ཐེར་འདོན་བྱེད་པ་ལས་ཞོར་རྒྱུགས་གཡང་མཆོང་མི་བྱེད་པའི་རེ་བ་ཞུ།
གོང་འཁོད་གནད་དོན་འདི་ཚོའི་ཐོག་ལ་བོད་ཀྱི་དུས་བབ་གསར་ཁག་གིས་མ་འདས་སྤྲུལ་སྐུ་ཀུན་ཐར་དོན་གྲུབ་ལ་བཀའ་འདྲི་གནང་ནས་ལན་ཁ་གསལ་ཞིག་ཚགས་པར་དང་དྲ་ཐོག་ལ་འཇོག་རོགས་གནང་། ད་དུང་འཛིན་སྐྱོང་དྲུང་ཆེ་ཡིན་ཟེར་མཁན་གྱི་གངས་དཀར་རྒྱལ་སྲས་ཀྱིས་ང་ཚོའི་དྲི་བ་རྣམས་ལ་ལན་འདེབས་རོགས།
བུ་ཁྱོད་འཛིན་སྐྱོང་དྲུང་ཆེ་ཡིན་ལབ་ནས་འཛིན་སྐྱོང་ཕྱི་ནང་གི་ལས་ཀ་མང་པོ་ཞིག་ངོ་འཕྲོད་ཀྱི་མེད་པ་དང་ཧ་གོ་གི་མེད་པ་འདི་ཡ་མཚན་ཆེ། འདི་ལ་དོགས་པ་ཡོད།
རྒྱལ་བ་རིན་པོ། རབ་ཡིན་ན་རྒྱུན་ལས་ཚོ་ཚོགས་འདུ་ཚོགས་ནས་ཀུན་ཐར་དོན་གྲུབ་དང་འབྲེལ་བའི་སྤྱི་ཚོགས་སྟེང་གི་གླེང་རྙོག་འདི་རིགས་གསལ་བོ་བཟོ་ཐུབ་ན་ཕུགས་ལ་ཕན་ཐོགས་ཆེན་པོ་ཡོད་རེད་དྲན། དེ་མིན་འབྱུང་འགྱུར་གྱི་ལོ་ངོ་ཁ་ཤས་ཀྱི་ནང་ལ་པེན་བོད་ཀྱི་རྩོམ་པ་པོའི་མཐུན་ཚོགས་ལབ་ན་ནག་ཚོང་རྒྱག་མཁན་དང་ཨ་མདོ་བའི་ཞབས་འདྲེན་ཞུ་མཁན་འདྲ་བོ་ཞིག་ཆགས་ས་རེད་མ་གཏོགས་རྩོམ་པ་པོའི་མཐུན་ཚོགས་ཤིག་ཡིན་པའི་བཟོ་ལྟ་དེ་ཤོར་ས་རེད།
དྲ་གྲོགས་ཚོ།་བླ་བྲང་སྐལ་བཟང་གི་མ་འདས་སྤྲུལ་ཀུན་ཐར་གྱིས་རྩོམ་པ་པོའི་མཐུན་ཚོགས་ཀྱི་མིང་ཐོག་ནས་དབྱིན་ཡུལ་དུ་ཚོགས་མི་གཉིས་སློབ་སྦྱོང་ལ་གཏོང་རྒྱུའི་ས་མིག་རག་པའི་མགྲོན་ཤོག་ལྡི་ལི་ནས་བཙོང་པ་དང།་ཀླུ་མཁར་བྱམས་སོགས་ཡོ་རོབ་ཏུ་ཚོགས་འདུར་འགྲོ་སྐབས་ཀུན་ཐར་གྱིས་ཧིན་སྒོར་སུམ་འབུམ་ལྔ་ཁྲི་བླངས་ཏེ་གསང་བའི་ཐོག་གྲྭ་པ་བཏང་ཡང་ལམ་འགྲོ་མ་རྒྱུག་པར་དངུལ་ཕྱིར་སློག་དགོས་བྱུང་ཡོད།་
ཕྱི་ལོ་༢༠༠༧་ལོར་ཨ་རིའི་གླིང་ཁོངས་ཁཱོ་ལོང་པེ་ཡ་རྒྱལ་ཁབ་ཏུ་ཤེས་རིག་ལས་ཁུངས་ཀྱི་རིགས་གཅིག་རྐང་འཛིན་གྲས་རྔ་བ་བསོད་ནམས་རྒྱ་མཚོ་ལྐོག་དངུལ་གསང་ལེན་གྱིས་ཚོགས་འདུར་བཏང་ཡོད།་
ད་ལོའི་ཟླ་ལྔ་པའི་ལྔ་པའི་ནང་ཨ་འཇིགས་དང་ཁོའིa་བཟའ་ཟླ།་ཨ་མཆོག་ལྷ་མོ་གསུམ་ནཱོ་ཝེལ་དུ་ལྐོག་དངུལ་བླངས་ཏེ་ཚོགས་འདུར་བཏང་བས་དེང་ཁོང་ཚོ་གསུམ་སྦེལ་རྗེམ་དུ་ཡོད།
དེ་རྗེས་ཕ་ཡུལ་ཁྲི་ཀ་ནས་ཡིན་པའི་རྣམ་ལྷ་ཟེར་བ་ཡང་བསྐྱར་ལྐོག་དངུལ་གསང་ལེན་ཐོག་ཨོ་སི་ཊི་རེ་ཡའི་ཚོགས་འདུར་བཏང་ཡོད།་འདི་དག་ཚང་མ་རྩོམ་པ་པོའི་མཐུན་ཚོགས་ཀྱི་རྒྱུན་ལས་ཀླད་ཆུང་ཚོར་ནག་ཁུང་ཆགས་ཡོད་ཚོད་འདུག
ད་དུང་གངས་དཀར་རྒྱལ་སྲས་ཀྱིས་ཀུན་ཐརགྱི་བྱས་རྗེས་བརྗོད་བཞིན་པ་ཅི་འདྲའི་བློ་ངོར་མི་ཤོང་བ་ཞིག་རེད།
དངོས་གནས་དེང་གི་རྒྱུན་ལས་ཚོས་གཟབ་གཟབ་མ་བྱས་ན།་མཐུན་ཚོགས་འདིའི་ཁ་སར་རྒྱག་་རྒྱུར་ཐག་མི་རིང་གི་ཡ།
རབ་བྱུང་ན།་རྩོམ་པ་པའི་ཚོགས་ཆེན་ཞིག་བསྐོང་ནས་ཀུན་ཐར་ཟེར་བ་འདི་ཚོགས་ཁོངས་ནས་རྒྱང་ཕུད་གཏོང་བའི་དུས་ལ་བབས་འདུག་
ཨོ་ད་དུང་བཤད་རྒྱུ་ཞིག་ལ།་ད་ལོ་ཀུན་ཐར་གྱིས་ནམ་ལྷ་ཕྱི་རྒྱལ་བཏང་སྐོར་ད་ལྟའི་རྩོམ་པ་པའི་མཐུན་ཚོགས་ཀྱི་རྒྱུན་ལས་ཚོས་མགོ་ཚོས་ཡོད་ཚོད་མི་འདུག་ཅི་འདྲ་རྒྱུན་ཐེབས་ཆག་རྐྱང་རྐྱང་རེད།་
འདི་རྩོམ་པ་པོའི་མཐུན་ཚོགས་འདི་བཞིན་ཚགས་ཚུད་པོ་དང་ཕན་ནུས་ལྡན་པ་ཞིག་ཏུ་འགྱུར་ཆེད་བསམ་ཚུལ་འགའ་ཞུ་གི་ཡིན།
༡། རྩོམ་པ་པོའི་མཐུན་ཚོགས་ཀྱི་གོ་སྐབས་གང་ཡོང་བླ་བྲང་ཀུ་བྷས་སྒེར་ཚོང་དུ་མི་འགྱུར་བར་སྟངས་འཛིན་ནན་པོ་བྱེད་དགོས།
༢། རྒྱལ་སྤྱིའི་ཚོགས་འདུ་ཁག་ཏུ་འགྲོན་ཤོག་འབྱོར་བ་རྣམས་བཙོང་ནས་ཁྲིམས་འགལ་གྱི་དངུལ་བཟོ་ཐབས་མ་བྱས་པར། རྒྱལ་སྤྱིའི་ཚོགས་འདུ་ཁག་གི་ནང་དུ་ཕན་ནུས་ལྡན་པའི་ཆ་ཤས་ལེན་དགོས།
༣། ཚོགས་མི་གསར་ཞུགས་ཞུ་མཁན་ཚོར་ཆ་རྐྱེན་ཚད་འཛིན་བཟོ་དགོས། དེ་སྔོན་རྩོམ་ཡིག་བྲིས་མྱོང་བའི་ལག་རྗེས་སྟོན་རྒྱུ་ཡོད་པ་ཞིག་ཡིན་དགོས།
༤། གནད་འགག་ཆེ་ཤོས་རྒྱལ་སྤྱིའི་རྩོམ་པའི་ལས་འགུལ་ཁག་ནང་ཚུལ་མཐུན་གྱིས་ཆ་ཤས་ལེན་དགོས།
༥། ཚོགས་འདུ་ལ་འགྲོ་མཁན་ངེས་པར་མི་ནུས་པ་ལྡན་པ་དེ་འདྲ་ཡིན་དགོས། ཚོགས་འདུ་ཁག་ནང་ཕན་ནུས་ལྡན་པའི་ཆ་ཤས་ལངས་པ་ཡིན་ན། མཐུན་ཚོགས་མགོན་ཤོག་བཙོང་བ་ལས་ཀྱང་ཕན་ཐོགས་ཆེན་པོ་ཡོང་གི་རེད།
རིན་བཟང་དང་ཨ་འཇིགས་
གངས་དཀར་རྒྱལ་སྲས་ཀྱི་སྐད་ཆའི་ནང་ནས་རིན་བཟང་དང་འཇིགས་གཉིས་ཀྱིས་དྲ་ཚིགས་བརྒྱུད་ཁ་བརྡ་བཞིན་པ་ཞིག་གོ་བ་ལས་ཅི་ཞིག་གི་དོན་ལ་ཁ་བརྡ་བྱེད་བཞིན་པ་མ་ཤེས་ཞེས་པ་འདིས། རྩོམ་པ་པོ་མཐུན་ཚོགས་ཀྱིས་རིན་བཟང་གི་དེབ་དཔར་བྱེད་ཀྱི་སྒོར་ཁྲི་༤༠༠༠༠ལྐོག་ཟ་བྱས་ཚར་བ་བསྟན་འདུག གང་ཡིན་ཞེ་ན། འདོ་ལྐོག་ཟ་བྱས་མེད་ཚེ་གངས་དཀར་རྒྱལ་སྲས་ཀྱིས་ཧ་གོ་བ་རེད། ཁོང་རྒྱུན་ལས་སྔོན་པའི་ནང་གི་མི་རེད། ཀུན་ཐར་དོན་འགྲུབ་ཀྱིས་ཁང་གླ་སྤྲད་ཡོད་ཚུལ་གསུང་སོང་། དེ་ཀུན་ཐར་དོན་གྲུབ་ཀྱིས་རྩོམ་པ་པོའི་མཐུན་ཚོགས་མ་དངུལ་པེ་ཤག་འགའ་ཡོད་་པ་བེད་སྤྱད་ནས་ཕྱི་རྒྱལ་གྱི་ཚོགས་འདུ་ཞིག་ལ་སོང་བ་དང་། དེ་ནས་རྩོམ་པོ་མཐུན་ཚོགས་ཀྱི་སྒོར་མོ་རྫོགས་པ་ནས། སྤྱི་ཚོགས་མེ་ལོང་གི་ལས་བྱེད་ཚོར་གླ་ཕོགས་སྤྲད་མ་ཐུབ་པར་འཐོར་བ་རེད། དེ་ཀུན་དོན་འགྲུབ་ཀྱིས་ཨ་འཇིགས་གཅིག་པོ་ཁོས་ཉར་ནས་ཚགས་པར་འདོན་ཐེབས་བྱས་པ་རེད། འདི་གངས་སྲས་ཀྱིས་མ་བཤད་པ་མ་གཏོགས་ཤེས་ཤེས་པ་རེད། ལབ་ཡ་མང་པོ་ཡོད་པ་རེད། ད་ངས་མི་ལབ། རྗེས་མ་མཉམ་འཛོམས་བྱུང་ན་ལབ་རྒྱུ་ཡིན། ཁ་སང་དེ་རིང་གི་རྩོམ་པ་་པོའི་མཐུན་ཚོགས་ཀྱིས་ནག་ཚོང་རྒྱབ་པ་ཞིག་ལ། གནམ་ལྷ་ཟེར་བ་དེ་རེད། འདིའི་སྐོར་གངས་དཀར་རྒྱལ་སྲས་ཀྱིས་འགྲེལ་བཤད་གནང་རོགས། སྤྱི་ཚོགས་ནང་ལབ་མཁན་ཚོས་མི་དེ་རྩོམ་པ་པོའི་ཚབ་ཏུ་རྒྱལ་གྱི་ཚོགས་འདུག་དེར་འགྲོ་ཁུལ་གྱིས། ད་ཧྥ་རན་སི་ལ་བྲོས་སོང་ནས་བསྡད་འདུག་ཟེར། དེའི་རྩོམ་པ་པོ་མཐུན་ཚོགས་ཀྱིས་དངུལ་བླངས་ནས་བཏང་བ་རེད། གྲོགས་པོ་ནང་ཚགས་བྱས་ཏེ་བཏང་བ་རེད། འདི་ལྐོག་ཚོང་མིན་ན་གངས་དཀར་རྒྱལ་སྲས་ཀྱིས་ཤེས་ཤེས་པ་རེད།
མ་འདས་སྤྲུལ་སྐུ་ཀུན་ཐར་དོན་གྲུབ་ནས་ཁང་གླ་བཏང་བ་དེ་ཁྱོད་བདེན། འོན་ཀྱང་། ཁྱོད་ལས་ཁུངས་སུ་བསྡད་ནས་ཀུན་ཐར་དོན་གྲུབ་ཀྱི་བྱས་ཉེས་དག་ངོ་འཕྲོད་ཀྱི་མེད་པ་དེར་ང་ཚོར་དོགས་པ་ཡོད་པ་མ་ཟད་དྲི་བ་ཡོད། གངས་དཀར་རྒྱལ་སྲས་ཟེར་མཁན་ཁྱེད་ཀྱིས་ང་ཚོའི་དྲི་བ་རྣམས་ལ་ལན་ཐོབས་དང་། དེ་ནས་ཁྱོད་རང་ཀུན་ཐར་དོན་གྲུབ་ཀྱིས་བཏང་བའི་སྐྱག་པའི་སྒང་ལ་ས་འགེབས་མཁན་ཡིན་མིན་ཧ་གོ་གི་རེད། དབྱིན་ལན་ནས་པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་མི་གཉིས་ལ་སློབ་སྦྱོང་གི་གོ་སྐབས་རེག་པའི་ས་མིག་དེ་གང་ལ་ཤོར་བ་རེད་དམ། མགྲོན་ཤོག་དེ་སུས་འཁྱེར་བ་རེད་དམ། རྒྱུན་ལས་རྙིང་པ་ཚང་མས་གནད་དོན་འདི་མཁྱེན་གྱི་ཡོད་པ་རེད། ས་མིག་དེ་འཁྱེར་ཡོང་མཁན་མ་འདས་སྤྲུལ་སྐུ་ཀུན་ཐར་དོན་གྲུབ་ཡིན་པ་མ་ཟད་ལྐོག་ཟ་བྱེད་མཁན་ཡང་ཁོང་མ་རེད་དམ། འདི་ལ་ཁྱེད་ཀྱིས་ལན་ཁ་གསལ་ཞིག་ཞོགས་དང་དེ་ནས་ང་ཚོས་ཁྱེད་ལ་དྲི་རྣམས་མུ་མཐུད་དུ་ཕུལ་ཆོག
རྒྱལ་བ་རིན་པོ། ཁྱེད་ཀྱིས་ཀུན་ཐར་དོན་གྲུབ་སོགས་ཀྱི་བྱས་ཉེས་འགེབས་ཐབས་བྱེད་བཞིན་པ་འདི་ནི་མཐར་ཐུག་ན་ཁྱེད་ཀྱིས་རང་ཉིད་འཆི་ལམ་ལ་སྐྱེལ་གྱི་ཡོད་པ་རེད། འདི་སེམས་ལ་ཟུངས།
དྲ་གྲོགས་རྩོམ་པ་པོ་སུ་ཡིན་ཡང་མི་ལ་རྐྱོན་འཛུགས་ནའང་འདྲ་མིའི་ཉེས་སྐྱོན་ཐེར་འདོན་བྱེད་ནའང་འདྲ།དེ་ནི་རང་རང་གི་རང་དབང་རེད།དེ་ལ་ངས་ལན་ཅི་ཡང་རྒྱག་ན་མི་འདོད།ཁྱོད་ཀྱིས་བརྗེད་མི་ཉན་པ་ནི་རང་ཉིད་རྩོམ་པ་པོ་ཞིག་ཡིན་པའམ་རང་ཉིད་དྲ་ཚིགས་གླེང་བརྗོད་པ་ཞིག་ཡིན་པའི་ཆ་ནས།བློ་གཟུ་བོར་གནས་་རྒྱུ་དེ་རེད།དོན་དག་ཅི་ཞིག་ཡིན་ཡང་ཧོལ་རྒྱུགས་དང་ཅལ་འདྲོགས་བྱེད་པ་ནི་ཅོལ་ཆུང་གི་ལས་ཀ་རེད།་ཁྱོད་ཀྱི་རང་མིང་གསང་ནས་སྐྱོན་བརྗོད་པ་ནི་མ་གཞི་ནས་ཁྱོད་ཀྱི་སྐད་ཆ་དེ་དག་རྫུན་ཡིན་པའི་རྟགས་རེད་མ་གཏོགས།་ཁྱོད་ལ་དངོས་གནས་རྒྱུ་མཚན་དང་གནས་ལུགས་ཅན་གྱི་སྐད་ཆ་དང།ཁུངས་སྐྱེལ་ར་སྤྲོད་ཅན་གྱི་སྐད་ཆ་ཡོད་ན་མིང་རྫུན་མ་ཞིག་གི་རྒྱབ་ལ་ཡིབ་ནས་དཔའ་གཏམ་འཐེན་དགོས་དོན་མི་འདུགག་་བགྲོ་གླེང་བྱེད་ས་ན་གཅིག་གཅིག་ལ་སྐྲག་ནས་ལྐོག་ལྐོག་སུད་་སུད་ཀྱི་སྐད་ཆ་བཤད་དགོས་དོན་མེད་ལ་དེ་འདྲའི་ལས་ཀའང་ལས་དོན་མེད།་རིན་ཆེན་བཟང་པོ་དང་ཨ་འཇིག་གཉིས་ཀྱིས་དྲ་ཚིགས་བརྒྱུད་ནས་ཁ་བརྡ་བྱེད་བཞིན་པ་ཞིག་གོ་བ་ལས་ཁོང་གཉིས་ཀྱིས་ཅི་ཞིག་གི་དོན་ལ་ཁ་བརྡ་བྱེད་བཞིན་པ་མ་ཤེས།དོན་དག་འདི་གསལ་བོ་ཤེས་འདོད་་ན་ཨ་འཇིགས་ལ་དྲིས་དང་ཁ་པར་0032485807570འདི་རེད།་ངས་རེ་བ་ཡིན་ན་ཨ་འཇིག་གིས་ཀྱང་ལན་གསལ་བོ་ཞིག་འདེབས་རྒྱུ་རེད་བསམ་གི།་ཀུན་ཐར་དོན་་གྲུབ་ལའང་དེ་འདྲའི་གཤེ་དགོས་དོན་མེད་དེ་དོན་་དག་དེ་འདྲ་བྱུང་ཡོད་པ་ཁྱོད་ལ་གཅིག་གཅིག་གཉིས་གཉིས་ར་སྤྲོད་རྒྱུ་ཡོད་ན་ཁྱོད་རྡ་རམ་ས་ལའི་གངས་སྐྱིད་བོད་ཀྱི་ཡིག་སྒྱུར་ཁང་ལ་ཤོག་དང་ང་ཚོས་ཀུན་ཐར་དོན་གྲུབ་ཡོད་ས་ནས་མི་ངོ་གཏུགས་ནས་སྐད་ཆ་བཤད་ན་འགྲིག་གི་རེད།་ང་ལས་ཁུངས་ནས་བསྡད་ཡུན་རིང་ཀུན་ཐར་དོན་གྲུབ་ཀྱིས་མཐུན་ཚོགས་ལས་ཁུངས་ལ་ཕན་གང་མང་བཏགས་མྱོང་བ་ལས་གནོད་ཅིག་བསྐྱལ་བ་ངས་ཚོར་མ་བྱུང།་༢༠༠༧ལོ་ནས་མཐུན་ཚོགས་ཀྱི་དཔལ་འབྱོར་གནས་བབ་ཀྱི་དབང་གིས་ཀུན་ཐར་དོན་གྲུབ་ཀྱི་ལས་ཁུངས་ལ་ཟླ་སྒྲིལ་བྱས་ཏེ་ཁང་གླ་ཚང་མ་ཁོས་བཏང་བ་རེད།་ལོ་གཅིག་ལྷག་གི་རིང་ལ་དེ་ལྟར་བྱས་པ་རེད་ལ།་དེའི་སྐོར་དེ་སྐབས་དོན་དང་འབྲེལ་བ་མེད་པས་རྗེས་མ་གླེང།་སྤྱི་ཚོགས་ནང་གི་སྐད་ཆ་གང་མང་ངས་ཀྱང་གོ་མྱོང།་ཡིན་ནའང་ཁུངས་སྐྱེལ་ར་སྤྲོད་ཅན་གཅིག་ལའང་ཐུག་མ་སོང།ཁྱོད་ལ་དངོས་གནས་ཁུངས་སྐྱེལ་རྒྱུ་ཅན་གྱི་སྐད་ཆ་ཡོད་ན་ཤོད་དང་ང་ལས་ཁུངས་ཀྱི་འཛིན་སྐྱོང་དྲུང་ཆེ་ཡིན་པའི་དབང་གིས་ང་ཉིན་གཅིག་ལ་བསྡད་ནའང་ནག་ཉེས་ཅན་གྱི་ལས་ཤིག་བསགས་ཡོད་ན་ང་གོང་ཞོལ་གང་ལ་ཐུག་ཀྱང་ཐུག་རྐྱང་ཡིན།གསལ་བོར་བཤད་རྒྱུ་ཞིག་ནི་མིང་ཞིག་གི་རྒྱབ་ལ་བསྐུང་ནས་སྐད་ཆ་བཤད་ནམ་ཡང་བདེན་པར་ངོས་ལེན་མེད།་དེ་ནི་སྤྱི་ཚོགས་དཀྲུགས་འདོད་དང་མི་དང་མིའི་བར་ལ་འགལ་བ་གཏོང་འདོད་ཁཽ་ན་རེད།་
མགྲིན་པ་ཟབ་མོ་འདི་ལའང་ཁོང་ཚོའི་ལྐོག་རྔན་ལས་ཏོག་ཙམ་རགས་ཡོད་པ་འདྲ། དེ་ལས་ཁུངས་ལུང་མེད་པ་འདི་འདྲ་སུས་བཤད་ནི་རེད།
ད་ལོའི་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་ཆེན་ཐོག་ནས་ཚོགས་མི་རྣམས་མང་མོས་ཐོག་དངུལ་བླངས་ཏེ་མི་ཕྱི་རྒྱལ་ལ་གཏོང་རྒྱུ་བྱས་སོང་། དེའི་སྐོར་ཚང་མས་ཤེས་གསལ་ཡིན་སྟབས་རྩོད་རྒྱུ་ཡོད་དམ།
ཚོགས་ཆེན་དེའི་སྟེང་དུ་མི་སུ་སུ་ཡོད་མེད་དེ་དག་ཚང་མར་སྐད་ཆ་དྲིས་ན་འགྲིག་གི་རེད། ཚོགས་པ་ཞིག་གི་གཏན་འབེབས་རེད། སྲིད་བྱུས་རེད། ལངས་ཕྱོགས་རེད། དོན་མེད་སྐད་ཅོར་རྒྱག་མཁན་ཚོ་རྩོམ་པ་པོའི་མཐུན་ཚོགས་ཀྱི་ལས་ཁུངས་མདུན་ལ་སོང་ནས་སྐད་ཆ་དྲིས་ན་འགྲིག་གི་རེད།
ཚོགས་མི་དེ་དག་གི་མིང་གཞུང་དགོས་ན་ཁོང་ཚོར་སྐད་ཆ་དྲིས་ན་གསལ་ཡོང་གི་རེད། དྲ་ཐོག་འདི་ན་ཡང་རྩོམ་པ་པོའི་མཐུན་ཚོགས་ཀྱི་ཚོགས་མི་མང་པོ་ཡོད་པ་རེད། དཔེར་ན། ལྷ་ཆབ་སྦྱིན་པ་དང་། ཨ་རིག་དགེ་མཐོང་། ཨ་རིག་འགྱུར་མེད། བོན་རྒྱ་བསྟན་འཛིན་རབ་རྒྱས། ཆུ་སྐྱེས་སྒྲོལ་མ། ཉི་མ་འཚོ། རྡོ་རྗེ་དབང་ཕྱུག གངས་དཀར་རྒྱལ་སྲས་སོགས་མང་པོ་རེད། ཁོ་ཚོར་སྐད་ཆ་དྲིས་ན་ཤེས་གི་རེད། ཕྱི་གསལ་ནང་གསལ་གྱི་སྐད་ཆ་རེད།
བོད་ཀྱི་རྩོམ་པོའི་འཐུས་ཚོགས་ཀྱི་མིང་ཁུར་ནས་ལྐོག་ཟ་རུལ་སུང་དང་ཁྲིམས་འགལ་གྱི་མི་ཚོང་བྱེད་བཞིན་པ་འདི་རིགས་དེང་སང་ཡོངས་སུ་གྲགས་པ་ཞིག་ཡིན་ཀྱང་བོད་ཀྱི་དུས་བབ་ཚང་གིས་ད་དུང་མ་ཤེས་ཁུལ་གྱིས་དཔང་རྟགས་ཁུར་ཤོག་རྐྱང་ཟེར་བཞིན་འདིའི་སྐོར་གྱི་མཆན་བུ་རྣམ་ནག་བསུབ་གཏོང་བཞིན་འདུག་པ་ནི་ཆེས་བློ་ཕམ་བྱུང། འདིའི་སྐོར་དུས་བབ་ཚང་གིས་གསལ་བཤད་བྱ་རྒྱུ་མིན་ཚེ། ལན་ཞིག་གནང་དང་ང་ཚོས་ཕྱི་གསལ་ནང་གསལ་བཟོ་ངེས་ཡིན། དེ་མིན་མཆན་བུ་བསུབ་ནས་བསྡད་ན་ཉེས་པ་འདི་བསུབ་ཐུབ་ཀྱི་མ་རེད།
ད་ནི་ཞབས་མ་འདྲེན་རོགས་གནང་། གནས་ཚུལ་འདི་ཚོ་ཐབས་སྐྱོ་བོ་རེད། མི་ལ་བཤད་ཡ་བསྡད་མ་སོང་ད།
གལ་ཏེ་འདི་དག་དངོས་ཡོད་ཡིན་ཚེ་དཀོན་མཆོག་དཔང་དུ་བཙུགས་ཐེར་འདོན་བྱེད་དགོས་རེད། ངན་པ་ལངས་ཤོར་ལ་བཏང་མི་ཉན། ངས་སྔོན་མ་སྤེན་བོད་ཀྱི་རྩོམ་པ་པོ་མཐུན་ཚོགས་ཀྱི་མིང་ཐོག་ནས་ཧིན་སྒོར་འབུམ་རེ་ལེན་ཆར་བྱས་ཏེ་མི་གཉིས་གསུམ་ཞིག་ཕྱི་རྒྱལ་བཏང་བ་གོ་སོང་མ་གཏོགས་པས་གཞན་ཁ་གསལ་གང་ཡང་མེད། ད་དུང་མི་མཐུད་ནས་ལས་དོན་གཉེར་བཞིན་ཡོད་ཚེ་དེ་ནི་སྤེན་བོད་ཀྱི་རྩོམ་པ་པོ་མཐུན་ཚོགས་སུ་ཡོད་ཀྱང་རུང་མེད་ཀྱང་རུང་བོད་ཀྱི་རྩོམ་པ་པོ་ཡོད་དོ་ཅོག་ལ་མཐོང་ཆུང་དང་། ཁྱད་གསོད་བྱས་པ་ཞིག་ལ་ངོས་འཛིན་མི་བྱ་ཀ་མེད་རེད་འདོད།
འདིའི་ནང་དུ་ལས་ཀ་བྱེད་མཁན་རྣམས་ཀྱིས་བོད་ཀྱི་རིག་གཞུང་སྲུང་སྐྱོབ་ཀྱི་མིང་རྫིགས་པོ་ཞིག་ཁུར་ནས་འདི་འདྲ་མི་གནང་བའི་རེ་བ་ཡོད། གལ་ཏེ་མི་མཐུད་དེ་ལྟར་བྱས་ཚེ་ངེས་པར་དུ་ཤེས་མཁན་རྣམས་ཀྱིས་ཐེར་འདོན་བྱེད་རོགས། སྤྱི་ཚོགས་ནང་གི་ཞན་ཆ་དེ་ཚོ་ཐེར་འདོན་བྱེད་རྒྱུར་དུས་ནམ་ཡང་དགའ་བ་འབུམ་གྱིས་བསུ་བ་ཡོད།
བོད་ཀྱི་དུས་བབ་ཚང་གིས་པེན་བོད་ཀྱི་རྩོམ་པ་པོའི་གླེང་རྙོག་རིགས་འདི་དག་རྩོམ་པ་པོའི་མཐུན་ཚོགས་ཀྱི་ཚོགས་གཞོན་མིང་འཛིན་པ་མ་འདས་སྤྲུལ་སྐུ་ཀུན་ཐར་དོན་གྲུབ་ལ་འདྲི་གི་ཡིན་ནམ་མིན། འདྲི་ཐུབ་ཀྱི་ཡོད་དམ་མེད། འདི་ལ་ལན་ཞིག་འཇོག་རོགས་གནང་། དེ་ནས་ང་ཚོས་རྩིས་རྒྱག་གི་ཡིན།
ཚགས་པར་རྒྱག་མཁན་ཚོས་རྣ་མིག་གཉིས་ཀ་བཙུམ་ཚར་ན་ྐློག་པ་པོ་ཚོས་བཤད་དང་མ་བཤད་ཁྱད་མི་འདུག
ཨ་འཇིགས་ཀྱི་གཉེན་ཉེ་ལྷ་མོ་ཟེར་བ་དེའི་གནད་དོན། གནམ་ལྷ་ཟེར་བའི་གནད་དོན། རིན་ཆེན་བཟང་པོའི་དེབ་ཀྱི་སྐོར།
རྒྱལ་སྤྱིའི་པེན་རྩོམ་པ་པོ་མཐུན་ཚོགས་ལ་ལྐོག་ནས་འབྲེལ་བ་ཉེར་སྟངས་། ད་དུང་པེན་བོད་ཀྱི་རྩོམ་པ་པོའི་མིང་ཐོག་ནས་ལྐོག་འཚོང་རྒྱག་སྟངས་སོགས་མ་འདས་སྤྲུལ་སྐུ་ཀུན་ཐར་དོན་གྲུབ་ལ་ཞིབ་འདྲི་བྱེད་རོགས་གནང། ང་ཚོ་ྐློག་པ་པོ་ཚང་མའི་རེ་བ་ཡིན།་ གལ་སྲིད་དུས་བབ་ཚང་གིས་འདྲི་མི་འདོད་པ་དང་ད་དུང་ཡང་ཁུངས་སྐྱེལ་འཁྱེར་ཤོག་ཟེར་ནས་ལྐུགས་པའི་བཟོ་སྟོན་འདོད་ན། ང་ཚོར་ལན་སྤྲོད་དང་ང་ཚོས་བདུན་གཅིག་གི་ནང་ལ་མ་འདས་སྤྲུལ་སྐུ་ཀུན་ཐར་དོན་གྲུབ་ཀྱི་བྱས་ཉེས་ཐ་དག་སྤྱི་ཚོགས་སྟེང་ལ་བཀྲམས་ཀྱི་ཡིན། རྒྱལ་བ་རིན་པོ། གལ་དང་གནད་ལ་ཐུག་ན་གསར་འགོད་པ་ཚོ་ཡང་སྡར་མ་ཤ་སྟག་གི་བཟོ་མ་མ་གཏོགས་མི་འདུག
ད་ཐེངས་ཀྱི་གླེང་རྙོག་འདི་ངེས་པར་དུ་གསལ་བོ་གནང་དགོས་པ་ཞིག་རེད། ལུང་རིག་རྒྱལ་གྱིས་ད་ཐེངས་ཀྱི་མཆན་བུ་སྐོར་ཞིག་ནག་བསུམ་བཏང་བར་བློ་ཕམ་ཡོད། ང་རང་ཉིན་འགའི་སྔོན་ལྷོ་ཕྱོགས་ནས་རྡི་ལི་བརྒྱུད་རྡ་སར་ཡོང་བ་ཡིན། འདིའི་ལམ་བར་ནས་ངོ་ཤེས་པ་མང་བོ་ཞིག་ལ་ཐུག་སོང་ལ། སྐད་ཆ་གཅིག་པ་གཅིག་རྐྱང་བཤད་ཀྱིན་འདུག དེང་སང་བོད་པའི་སྤྱི་ཚོགས་ནང་བོད་ཀྱི་རྩོམ་པ་པོའི་མཐུན་ཚོགས་འབྲེལ་ནས་ལྷ་མོ་སྐྱབས་དང་ཀུན་ཐར་དོན་འགྲུབ་གཉིས་ཀྱིས་ནག་ཚོང་རྒྱག་གིན་ཡོད་པའི་གླེང་གཞི་གསར་བ་ཞིག་ཚུགས་ཡོད་པ་ངོ་མ་རེད། རྩོམ་པ་པོ་མཐུན་ཚོགས་ཀྱིས་ཨ་མདོ་ཁྲི་ཀ་ནས་ཡིན་པའི་གནམ་ལྷ་ཟེར་བ་ཞིག་ལྐོག་ཚོང་ལྟ་བུར་ཕོ་ལེན་གྱི་ཚོགས་འདིར་བཏང་ཡོད་པ་དང་། ཁོང་ད་ལྟ་ཕྱིར་མ་ཡོང་བར་ཧྥ་རན་སིར་བསྡད་ཡོད་པ་རེད་ཟེར། ཡང་ཀུན་ཐར་དོན་འགྲུབ་ཀྱིས་ལོ་འགའི་སྔོན་ཨང་ལན་དུ་སྙན་ངག་འདུ་ཚོགས་ཤིག་འཚོགས་བོད་ཀྱི་རྩོམ་པ་པོའི་ཚོགས་མིའི་འགྲོན་ཤོག་མི་གཞན་དུ་བཙོང་ཡོད་པའི་སྐད་ཆ་འདུག བོད་རྩོམ་པ་པོའི་མཐུན་ཚོགས་འདི་འཛུགས་མཁན་བླ་བྲང་སྐལ་བཟང་། ལྷ་མོ་སྐྱབས་སོགས་མི་སྐོར་ཞིག་ལྐོག་འབྲེལ་གྱིས་རྒྱང་འཕུད་བཏང་སྟེ། ཁུངས་ལུང་ཡོད་མེད་ཀྱི་སྐད་ཆ་མང་བོ་ལབ་ནས་ད་ལྟ་བོད་ཀྱི་རྩོམ་པ་པོ་མཐུན་ཚོགས་ཀྱི་ལག་ནས་འཕྲོག་ཐུབ་པ་བྱུང་ཡོད་པ་རེད། ད་ཁོང་ཚོའི་བྱ་སྤྱད་ལ་བལྟས་ན་བླ་བྲང་སྐལ་བཟང་ལས་སྡུག་ཏུ་སོང་ཡོད་པ་ཞིག་མཐོང་སོང་། ལྷ་མོ་སྐྱབས་དང་ཀུན་ཐར་དོན་འགྲུབ་སོགས་ཀྱི་སྐབས་ཕྱི་རྒྱལ་དུ་བཏང་བ། ཐུབ་བསྟན། ཟླ་བ་ཚེ་རིང་། བསམ་གཏན། བཀའ་ཐུབ་རྒྱལ་གྱི་ཆུང་མ་སོགས་རེད། ཁོང་ཚོ་ཐོག་དང་པོར་རྩོམ་པ་པོའི་མཐུན་ཚོགས་ནང་དུ་ཧིན་སྒོར་འབུམ་གཅིག་འཇོག་རྒྱུ་བྱས་ཡོད་ཀྱང་། ཁ་ཤས་ལག་ནས་སྒོར་འབུམ་གཅིག་རེ་ཡང་ལེན་ཐུབ་མེད་ཚོད་འདུག འདི་ཚོར་སྐད་ཆ་འདྲི་དགོས་པ་ཞིག་རེད། རྩོམ་པ་པོ་མཐུན་ཚོགས་བོད་སྤྱི་དང་ཚོགས་མི་ཚོར་ཐོབ་ཐང་ཡོད་པའི་ཚོགས་པ་ཞིག་ཡིན་ན། ངེས་པར་དུ་འདིར་ཞིབ་འཇུག་ཡག་པོ་གནང་དགོས་པ་ཞིག་རེད། ཡང་ལྷ་མོ་སྐྱབས་དང་ཀུན་ཐར་དོན་འགྲུབ་གཉིས་ཀྱི་སྒེར་གཉེར་ལྟ་བུ་ཡིན་ན། གནས་ཚུལ་གཞན་རེད། དེ་མིན་བོད་མི་རིགས་ལ་བརྙས་བཅོས་མ་གཏོང་བཞིན་པའི་བཟོ་འདྲ་བོ་ཞིག་མཐོང་སོང་བས། མཚམས་འཇོག་དང་གསལ་བཤད་ཡག་པོ་བྱས་ན་ཡག་པོ་རེད་འདོད།
ད་ཐེངས་ཀྱི་གླེང་རྙོག་འདི་ངེས་པར་དུ་གསལ་བོ་གནང་དགོས་པ་ཞིག་རེད། ལུང་རིག་རྒྱལ་གྱིས་ད་ཐེངས་ཀྱི་མཆན་བུ་སྐོར་ཞིག་ནག་བསུམ་བཏང་བློ་ཕམ་ཡོད། ང་རང་ཉིན་འགའི་སྔོན་ལྷོ་ཕྱོགས་ནས་རྡི་ལི་བརྒྱུད་རྡ་སར་ཡོང་བ་ཡིན། འདིའི་བར་ནས་ངོ་ཤེས་པ་མང་བོ་ཞིག་ལ་ཐུག་སོང་ལ། སྐད་ཆ་གཅིག་པ་གཅིག་རྐྱང་བཤད་ཀྱིན་འདུག དེང་སང་བོད་པའི་སྤྱི་ཚོགས་ནང་བོད་ཀྱི་རྩོམ་པ་པོའི་མཐུན་ཚོགས་འབྲེལ་ནས་ལྷ་མོ་སྐྱབས་དང་ཀུན་ཐར་དོན་འགྲུབ་གཉིས་ཀྱིས་ནག་ཚོང་རྒྱག་གིན་ཡོད་པའི་གླེང་གཞི་གསར་བ་ཞིག་ཚུགས་ཡོད་པ་ངོ་མ་རེད། རྩོམ་པ་པོ་མཐུན་ཚོགས་ཀྱིས་ཨ་མདོ་ཁྲི་ཀ་ནས་ཡིན་པའི་གནམ་ལྷ་ཟེར་བ་ཞིག་ལྐོག་ཚོང་ལྟ་བུར་ཕོ་ལེན་གྱི་ཚོགས་འདིར་བཏང་ཡོད་པ་དང་། ཁོང་ད་ལྟ་ཕྱིར་མ་ཡོང་བར་ཧྥ་རན་སིར་བསྡད་ཡོད་པ་རེད་ཟེར། ཡང་ཀུན་ཐར་དོན་འགྲུབ་ཀྱིས་ལོ་འགའི་སྔོན་ཨང་ལན་དུ་སྙན་ངག་འདུ་ཚོགས་ཤིག་འཚོགས་བོད་ཀྱི་རྩོམ་པ་པོའི་ཚོགས་མིའི་འགྲོན་ཤོག་མི་གཞན་དུ་བཙོང་ཡོད་པའི་སྐད་ཆ་འདུག བོད་རྩོམ་པ་པོའི་མཐུན་ཚོགས་འདི་འཛུགས་མཁན་བླ་བྲང་སྐལ་བཟང་། ལྷ་མོ་སྐྱབས་སོགས་མི་སྐོར་ཞིག་ལྐོག་འབྲེལ་གྱིས་རྒྱང་འཕུད་བཏང་སྟེ། ཁུངས་ལུང་ཡོད་མེད་ཀྱི་སྐད་ཆ་མང་བོ་ལབ་ནས་ད་ལྟ་བོད་ཀྱི་རྩོམ་པ་པོ་མཐུན་ཚོགས་ཀྱི་ལག་ནས་འཕྲོག་ཐུབ་པ་བྱུང་ཡོད་པ་རེད། ད་ཁོང་ཚོའི་བྱ་སྤྱད་ལ་བལྟས་ན་བླ་བྲང་སྐལ་བཟང་ལས་སྡུག་ཏུ་སོང་ཡོད་པ་ཞིག་མཐོང་སོང་། ལྷ་མོ་སྐྱབས་དང་ཀུན་ཐར་དོན་འགྲུབ་སོགས་ཀྱི་སྐབས་ཕྱི་རྒྱལ་དུ་བཏང་བ། ཐུབ་བསྟན། ཟླ་བ་ཚེ་རིང་། བསམ་གཏན། བཀའ་ཐུབ་རྒྱལ་གྱི་ཆུང་མ་སོགས་རེད། ཁོང་ཚོ་ཐོག་དང་པོར་རྩོམ་པ་པོའི་མཐུན་ཚོགས་ནང་དུ་ཧིན་སྒོར་འབུམ་གཅིག་འཇོག་རྒྱུ་བྱས་ཡོད་ཀྱང་། ཁ་ཤས་ལག་ནས་སྒོར་འབུམ་གཅིག་རེ་ཡང་ལེན་ཐུབ་མེད་ཚོད་འདུག འདི་ཚོར་སྐད་ཆ་འདྲི་དགོས་པ་ཞིག་རེད། རྩོམ་པ་པོ་མཐུན་ཚོགས་བོད་སྤྱི་དང་ཚོགས་མི་ཚོར་ཐོབ་ཐང་ཡོད་པའི་ཚོགས་པ་ཞིག་ཡིན་ན། ངེས་པར་དུ་འདིར་ཞིབ་འཇུག་ཡག་པོ་གནང་དགོས་པ་ཞིག་རེད། ཡང་ལྷ་མོ་སྐྱབས་དང་ཀུན་ཐར་དོན་འགྲུབ་གཉིས་ཀྱི་སྒེར་གཉེར་ལྟ་བུ་ཡིན་ན། གནས་ཚུལ་གཞན་རེད། དེ་མིན་བོད་མི་རིགས་ལ་བརྙས་བཅོས་མ་གཏོང་བཞིན་བཟོ་འདྲ་བོ་ཞིག་མཐོང་སོང་བས། མཚམས་འཇོག་དང་གསལ་བཤད་ཡག་པོ་བྱས་ན་ཡག་པོ་རེད་འདོད།
བོད་ནང་གི་དཔའ་བོ་དེ་དག་གིས་རང་སྲོག་བློས་གཏང་གྱིས་རང་མི་རིགས་དང་
རྒྱལ་ཁབ་ཀྱི་ཆེད་དུ་ཡོད་ཚད་འབུལ་ནས་རྩོམ་ཡིག་སྤེལ་བ་དེ་དག་ང་ཚོས་འགྲེམ་སྤེལ་བྱེད་མ་ཐོབ་པ་ནི་སེམས་པ་སྐྱོར་དགོས་པའི་གནས་གཏང་ཞིག་རེད་སྙམ།
མ་ཚད་པེན་ཚོགས་པའི་ཁས་ལེན་བྱས་ཚར་ན་ཡང་ད་དུང་དཔར་སྐྲུན་མི་བྱེད་པར་གནས་ལུག་ཡོད་འདོག་བྱེད་པ་དེ་ནི་ངོ་ཚ་མེད་པའི་མི་ཡི་བྱེད་གཏང་རང་རེད། བོད་མི་ཞིག་ཡིན་པའི་ཆ་ནས་བློ་ཕམ་ཚད་མེད་བྱུང།
ནོར་བཅོས།་རང་ལ་མི་དགའ་བའི་
ཨ་ཙི།་ཤ་ཁྲག་རུས་གསུམ་འདི་སྐྱེས་པ་ནས་བཤད་རྒྱུ་གཅིག་པུར་གོམས་བསྡད་པ་ཞིག་ཡིན་ཚོད་འདུག་སྤྱི་ཚོགས་ཀྱི་རྙོག་གླེང་ཟེར་བ་འདི་དྲན་པ་ཙམ་གྱིས་བཤད་དགོས་པ་ཞིག་དང།བཤད་པ་ཙམ་གྱིས་ཐེར་འདོན་དང་གཙང་བཟོ་ཐུབ་པ་ཞིག་མིན།་དཔེར་ན།རང་ལ་མི་དགོས་པའི་མཛེས་མ་ཞིག་ལ་རང་ཉིད་ཕར་དགའ་བ་དང་གཅིག་མཚུངས་ཀྱི་དཀའ་རྙོག་ཅན་ཞིག་་ཡིན་ལ།
ཧོར་གཙང་ལེགས་བཤད།་ཁྱོད་ཀྱིས་བོད་རྒྱ་ཞི་མོལ་དེབ་ཕྲེང་འདོན་འགྲེམས་སྐབས་ཞལ་འདེབས་བསྡུས་པའི་རྩིས་དེ་གང་དུ་སྦས་ཡོད་མིན་གསལ་བོ་བཟོས་གྲུབ་ན།མི་ལ་སྐྱོན་བརྗོད་ན་འོ་ཙམ་འདུག་ལོ།
གཞན་སྐྱོན་བརྗོད་པའི་ཁ་མ་མང་ལེགས་མ་གཏོགས་ཁྱེད་རང་སྒྲུང་སྙིང་རྗེ་པོ་མང་པོ་རེད་པ་དཱ།
དྲ་གྲོགས་ཚོ། ང་ཚོས་འདི་ནས་ངན་སྨྲས་མཚང་སྦས་ཅི་གང་བྱེད་གི་མེད། ཁ་སང་དང་དེའི་སྔོན་ནས་ཡང་དང་བསྐྱར་དུ་གསལ་བཤད་བྱས་པ་ལྟར། སྐྱོན་དང་ནོར་འཁྲུལ་ཐེར་འདོན་བྱེད་ན་དེ་དོན་གཅིག་གཅིག་གཉིས་གཉིས་ཀྱི་ལམ་ནས་བཤད་རོགས། དེ་མེད་པར་དོན་མེད་སྡིག་ར་འཐེན་པ་སོགས་ནི་འོས་པ་ཞིག་ཏུ་མ་མཐོང་སྟབས་གསུབ་རྐྱང་བྱེད་ཀྱིན་ཡོད། དཔེར་ན། མདོ་ཁང་བསྟན་ཡོན་ཏན་གྱིས་ཀྱང་གནས་ལུགས་ཞིབ་ཕྲ་ཞིག་བཤད་རྒྱུ་མེད་པར། མ་འདས་སྤྲུལ་སྐུ་དང་ཟ་འདྲེ་ཙམ་ཞིག་ལས་བཤད་མེད་པས་མཆན་གྱི་གྲས་ནས་བསུབས་པ་ཡིན། དོན་མེད་ཡར་མར་ཚང་མར་སྡིག་ར་འཐེན་ནས་ཕན་ཐོགས་གི་མ་རེད།
རྒྱུ་མཚན་ཞིབ་ཕྲ་བཤད་རྒྱུ་ཡོད་ན་ང་ཚོས་མཆན་གྱི་ཁོངས་ནས་གསུབ་མི་ཡོང་། དེའི་ཁར་སོ་སོའི་མིང་དང་ཁ་བྱང་ཡང་གསལ་བོར་འགོད་ཐུབ་ན་དེ་བས་ཕན་ཐོགས་འདུག
གནས་སྐབས་དེ་ཙམ་ཡིན།
དྲ་རྒྱའི་དོ་དམ་པ་ལགས། གནས་ཚུལ་འདི་ད་ནི་དྲ་གནས་གང་སར་འདུག དེ་ལས་གནས་ཚུལ་འདིའི་ཡོངས་ཁུངས་གཙོ་བོ་རྩོམ་པ་པོ་མཐུན་ཚོགས་ཆགས་ཡོད་དུས། གསར་འགོད་པ་དངོས་སུ་རྩོམ་པ་པོ་མཐུན་ཚོགས་ཀྱི་ལས་ཁུངས་སུ་བཅར་ནས་སྐབས་དེའི་འབྲེལ་ཡོད་མི་སྣ་སུ་ཞིག་ཡིན་ན། དེ་ལ་ཐད་ཀར་དྲི་བ་ཞིག་དྲིས་དེ་མི་འགྱངས་པར་དྲ་ཐོག་ལ་ལན་ཁ་གསལ་ཞིག་བཀོད་པ་ཡིན་ན་དངོས་ནས་ཡག་པོ་འདུག རྩོམ་ཡིག་འདི་དྲ་ཐོག་ལ་ཁུར་ནས་ཡོང་བ་ཡིན་ན་ཡག་པོ་འདུག་ལགས།
དྲ་གྲོགས་རྣམས་ལ་མཚོན་ན་ངན་པ་ཐར་འདོན་བྱེད་རྒྱུ་ནི་ཡ་རབས་སྤྱི་ཚོགས་ཀྱི་མི་རེ་ངོ་རེར་འགན་འཁྲི་ཡོད་པ་ཞིག་ཏུ་འདོད། ཡིན་ནའང་ཉེས་མེད་ཉེས་འདོགས་དང་མ་ཉེས་ཁ་གཡོགས་བྱེད་པ་ནི་ཡར་ཐོན་སྤྱི་ཚོགས་དང་ཤེས་ཡོན་ཅན་གྱི་སྨྱུག་ཐོགས་པ་དག་གི་བྱེད་བབ་ཅིག་ཏུ་མི་འདོད། རྩོམ་མཐུན་གྱི་ངན་མཚང་ནི་སྤྱི་ཚོགས་སྟེང་ཡོངས་གྲགས་ཅིག་ཏུ་ཆགས་ཟིན་ཡོད་པས། དྲ་དཔོན་ནས་ངན་སྦས་མཚང་འགེབས་ཀྱིས་མཆན་བསུབ་པ་ལ་སོགས་ནི་མ་འོས་པ་ཅིག་ཏུ་མཐོང་ངོ་།
རིན་ཐང་ཅན་གྱི་བོད་ཀྱི་ལོ་རྒྱུས་ཀྱི་རི་མོ་ཞིག་ཡིན་ན་དཔར་བསྐྲུན་བྱེད་དགོས་པ་ནི་བོད་ཀྱི་རྩོམ་པ་པོ་མཐུན་ཚོགས་ཀྱི་འགན་ཁྲིམས་རེད་སྙམ།
ཕྱི་དྲོ་ལས་ཁུངས་གྲོལ་ནས་ཡོང་ན་ང་ཚོའི་དྲི་བ་རྣམས་ལ་ལན་ཞིག་ཡོད་པ་མཁྱེན།
དྲ་རྒྱའི་དོ་དམ་པ་ལགས། ཕ་རོལ་པོར་སྐྱོན་བརྗོད་ར་སྤྲོད་གསལ་པོ་དགོས་པ་རེད་དམ། ཟེར་སྒྲོས་ཙམ་གྱི་རྗེས་སུ་འགྲོ་བ་དང་ཚོད་དཔག་བྱས་ཏེ་ཁུངས་ལུང་བཤད་རྒྱུ་མེད་པར་གཞན་ལ་སྐྱོན་བརྗོད་བྱས་ཚེ་འགྲིག་གི་མེད་པ་འདི་ཧ་ཅང་གས;ལ་པོ་རེད། དྲ་རྒྱའི་དོ་དམ་པ་དང་གནས་ཚུལ་འདི་དང་འབྲེལ་བ་ཆགས་པི་པེན་བོད་ཀྱི་རྩོམ་པ་པོ་མཐུན་ཚོགས་ཀྱི་ཡིག་ཚང་དབར་དུ་སྐར་ཆ་ཁ་ཤས་ཀྱི་རྒྱང་ཁད་ལས་མེད་ཀྱང་གསལ་པོ་འགོད་ཐབས་ཆེད་དུ་འབྲེལ་ཡོད་ཚོར་སྐད་ཆ་འབྲིས་ཏེ་གསལ་པོ་ཞིག་བཀོད་གནང་ཐུབ་ཚེ་གང་བྱུང་མཆན་བཀོད་ཟིན་པའི་གང་ཟག་གི་རང་དབང་རྩིས་མེད་དུ་བཏང་སྟེ་མཆན་བུ་བསུབ་དགོས་པའི་གནས་སྟངས་འདི་ཡོང་ཤེས་སྟངས་མེད་པ་མཐོང་གི་འདུག དེ་འདྲ་སོང་ཙང་གནས་ཚུལ་གླེང་སློང་གནང་མཁན་དྲ་རྒྱ་དོ་དམ་པ་ཚོ་ཡིན་སྟབས་མཆན་བུ་གངབྱུང་མི་བཀོད་པའི་ཆེད་དུ་གང་མགྱོགས་འབྲེལ་ཡོད་ཀུན་ཐར་སོགས་ལ་སྐད་ཆ་འདྲིས་ཏེ་བཀོད་ཐུབ་ན་ཡག་པོ་ཡོང་གི་མ་རེད་དམ། དེ་མིན་གནས་ཚུལ་ཁ་གསལ་དུ་འགྲོ་རྒྱུ་ལས་ལྡོག་སྟེ་མཆན་བུ་འགོད་ཡུལ་ཆེད་དུ་མཆན་བུ་འབྲི་མཁན་བྱུང་རྗེས་དེ་བསུབ་མ་ཐུབ་པར་སྡོད་དགོས་བྱུང་ན་བློ་ཕམ་པོ་ཞེ་དྲག་རེད༎
དྲ་རྒྱའི་དོ་དམ་པ།
ཁུངས་ལུང་ཡོད་མེད་ཀྱི་དབྱེ་བ་ཁྱེད་ཀྱིས་ཅི་ལྟར་དགར་གྱི་ཡིན། མ་འདས་སྤྲུལ་སྐུ་ཀུན་ཐར་དོན་གྲུབ་ཀྱིས་ལྐོག་ཟ་བྱས་མེད་རེད་ཟེར་ནས་ཁྱེད་ཀྱིས་ཁུངས་སྐྱེལ་ཐུབ་བམ།
མ་འདས་སྤྲུལ་སྐུ་ཀུན་ཐར་དོན་གྲུབ་ཀྱིས་ལྐོག་ཟ་བྱས་བ་དེ་ཚོ་ཤེས་རུང་ཁ་མིག་གཉིས་ཀ་ཚུམས་ནས་བསྡད་ཡོད་ན་ཐང་།
ཚགས་པར་རྒྱག་མཁན་ཚོས་ཁ་མིག་གཉིས་ཀ་ཚུམས་ནས་བསྡད་ན་མི་མང་དཀྱུས་མ་ཚོས་ཅི་བྱེད་དགོས་རེད་དམ། དྲི་བ་འདི་ལ་ལན་ཞིག་གནང་རོགས་།
དྲ་གྲོགས་ཚོ། ཕ་རོལ་བོར་སྐྱོན་བརྗོད་བྱེད་ན་ངེས་པར་དུ་ཁུངས་སྐྱེལ་ར་སྤྲོད་གསལ་བོ་དགོས་པ་རེད། དེ་མིན་ཟེར་སྒྲོས་ཙམ་གྱི་རྗེས་སུ་འགྲོ་བ་དང་། ཚོད་དཔག་བྱེད་པ། ཁུངས་ལུང་གསལ་བོ་བཤད་རྒྱུ་མེད་པར་གཞན་ལ་སྐྱོན་བརྗོད་བྱས་ན་འགྲིག་གི་མེད། དེ་བས་ཁུངས་ལུང་གསལ་བོ་དང་བཅས་སྐྱོན་བརྗོད་གནང་རོགས།
སོ་སོ་པུར་མིང་དང་མིང་རྫུན་མའི་འོག་ཏུ་སྐུང་སྟེ་ཕ་རོལ་བོའི་མིང་དངོས་ནས་བོས་ཏེ་སྐྱོན་རྒྱག་པ་ནི་ལུགས་མཐུན་མིན་སྟབས་གཟབ་རྒྱུ་གལ་ཆེན་པོ་རེད། མ་མཐར་ཡང་སྐྱོན་རྒྱག་ན་སོ་སོར་ཁུངས་སྐྱེལ་གསལ་བོ་དགོས་པ་རེད།
ཁུངས་ལུང་དང་ར་སྤྲོད་དངོས་ཡོད་པའི་སྐྱོན་བརྗོད་རིགས་ལ་ང་ཚོས་རྒྱབ་སྐྱོར་མཐའ་གཅིག་ཏུ་ཞུ་ངེས་ཡིན་པས་དྲ་གྲོགས་ཐུགས་འཛེམས་མེད་པར་གསུང་རོགས།
གོང་ནས་ཅུང་ཐལ་ཆ་ཆེ་བ་དང་ཁུངས་ལུང་གསལ་བོ་མེད་པར་སྐྱོན་བརྗོད་བྱས་པའི་མཆན་སྐོར་ཞིག་བསུབས་ཟིན་པས་དེ་དོན་ཐུགས་སྣང་ཡོང་བ་ཞུ།
པེན་བོད་ཀྱི་རྩོམ་པ་པོ་ཟེར་བ་འདི་བླ་བྲང་སྐལ་བཟང་གིས་ལྐོག་ཟ་རུལ་སུང་བྱས་བྱས་པའི་མཐར་། ཆབ་བྲག་ལྷ་མོ་སྐྱབས་ཀྱིས་བོད་ཀྱི་རྩོམ་པ་པོའི་འཐུས་ཚོགས་ཀྱི་མིང་གིས་མི་ཚོང་རྒྱག་བཞིན་པ་ཁོ་རང་ཉིད་ཀྱིས་ཁས་བླངས་པ་སྔོན་མའི་ཚགས་པར་ཁག་ཏུ་ཀུན་གསལ་རེད། དོན་དངོས་ཐོག་བླ་བྲང་སྐལ་བཟང་དང་ཆབ་བྲག་ལྷ་མོ་སྐྱབས་འདི་ཚོས་ངོ་ཚ་མེད་པའི་ཁྲིམས་འགལ་གྱི་ལས་ཀ་ཤ་སྟག་ལས་ཅི་ཡང་མི་འདུག
དྲ་གྲོགས་ཚོ
དེ་ལྟ་བུ་ཞིག་ཨེ་ཡིན་ཐལ
དེས་ན་ཆབ་ལྷ་ལའང་རང་གི་སྐྲ་ལས་རིང་བའི་རྔ་མ་ཡོད་པ་དེ་ང་ཚོས་གང་ལ་འཛུགས་རྒྱུ་ཡིན་ནམ
སྤྱི་དངུལ་ལྐོག་ཟ་བྱས་པའི་བོད་མི་དང་། བོད་རྒྱུ་ཧམ་འཕྲོག་བྱས་རྒྱ་མི་གཉིས།
བོད་མི་ཉམ་ཐག་རྣམས་ཀྱི་མདུན་ལམ་ལ། དགྲ་བོ་འདྲ་འདྲ་ཡིན་པའི་ཤ་ལེན་དགོས།
ཆོས་ལུགས་མགོ་བསྐོར་བཏང་བའི་བླ་སྤྲུལ་དང་། ཆབ་སྲིད་སླ་ཁྲིད་ཅན་རྒྱ་མི་གཉིས།
བོད་མིའི་མདུན་ལམ་ལོག་པ་ཁྲིད་པ་ལ། དགྲ་བོ་འདྲ་འདྲ་ཡིོན་པའི་དགག་པ་དགོས།
སྐྱུག་བྲོ་བའི་རྩོམ་པ་པོ་ཟ་ངོམས་ཅན་དེ་ཚོ་ཡིན་ན་བོད་མི་རིགས་ཀྱི་དགྲ་བོ་ཡིན་པ་ངོས་ལེན་བྱེད་དགོས། སྤྱི་སྟངས་ནས་སྤྱི་དངུལ་ལྐོག་ཟ་བྱས་པའི་དཔོན་ངན་རྣམས་ནི་བོད་མི་རིགས་འདིཡར་རྒྱས་འགྲོ་མི་ཐུབ་པ་བཟོ་མཁན་གྱིས་དགྲ་བོ་ཡིན་པའི་མཐའ་གཅིག་ཏུ་དགག་པ་རྒྱག་དགོས།
ཁ་སང་ཕྱི་དྲོར་མེག་ལོར་ནས་ཇ་ཞིག་འཐུང་བཞིན་པའི་སྐབས་སུ་ཡང་གྲོགས་པོ་ཞིག་གིས་ད་ལོར་ཡང་ཀུན་ཐར་དོན་གྲུབ་ཀྱིས་ཁོང་གི་ཉེ་གྲོགས་གནམ་ལྷ་ཟེར་བ་ཞིག་རྩོམ་པ་པོའི་མིང་ཐོག་ནས་ཕྱི་རྒྱལ་ལ་བཏང་འདུག་ཟེར། འདི་བདེན་པ་ཡིན་མིན་མི་ཤེས་དེ་འདིའི་ཐད་ལ་ཡང་ཞིབ་འཇུག་བྱེད་དགོས་ཀྱི་འདུག ཨ་འཇིགས་ཀྱི་སྐོར་གྱི་སྐད་ཆ་དེ་བདེན་པ་རེད་ཟེར་མཁན་མང་པོ་འདུག ལྷ་ཆབ་སྦྱིན་པ་སོགས་ཀྱིས་ཁ་བརྡར་ནས་མ་བསྡད་པར་ཀུན་ཐར་དོན་གྲུབ་སོགས་ཀྱི་བྱས་ཉེས་ལ་ཁ་གཏད་གཅོག་དགོས་རེད་མ་གཏོགས་རྗེས་མ་ང་མིན་དང་ཁོང་རེད་ཀྱི་་སྐད་ཆ་མེད་པར་ཁྱེད་ཚོ་ཚང་མ་ནག་ཁུང་ལ་ནང་ལ་གཡུགས་ཀྱི་རེད།
ལོ་ངོ་གཉིས་ལ་གྲག་རྒྱུ་མ་བྱུང་བ་རེད། འདི་ཚོས་ཁེ་བཟང་འདི་འདྲའང་ཟ་གི་ཡོད་པ་ཡ་མཚན་རེད་ཡ། རྩོམ་པ་པོ་སྐད་གྲགས་ཅན། རྒན་པ་ཚོ་ཚོགས་པ་འདིར་ཞུགས་ཀྱི་མེད་པའང་དེ་ཚོས་གནས་སྟངས་ཤིག་གི་ཕྱི་ནང་གཉིས་ཀ་མཐོང་ཡོད་ནས་མ་ཞུགས་པ་འདྲ། ད་རེས་ཀྱི་འདི་བདེན་ན། ཇག་ཚོགས་འདྲ་ཞིག་རེད།
ད་ནི་འགྲེལ་བཤད་ཙམ་གྱིས་ཁུངས་འཁྱོལ་དཀའ་རྒྱུ་རེད་འདོད། གང་ལ་ཟེར་ན། རིན་བཟང་ལགས་ནས་སྐད་ཆ་འདྲི་སྟངས་འདིར་བལྟས་ན། དེ་ལ་ལན་འབྱོར་པོ་ཞིག་ཡོད་ཀྱི་མ་རེད། ནག་ཁུང་ནང་ནས་ཚར་སོང་བ་ཡིན་རྒྱུ་རེད། ཨ་ཨ་ཨ། འཇིགས་ཆེ་བ་ལ།
གལ་སྲིད་འཇིགས་མེད་ཞེས་པ་དེ་མི་དྲང་བདེན་ཅན་ཞིག་ཡིན་ན་འདི་ལ་ཡང་དག་གི་རྒྱུ་མཚན་ཞིག་གནང་རོགས།
བོད་ཀྱི་རྩོམ་པ་པོའི་མཐུན་ཚོགས་ལ་མཚོན་ན། ད་ལོའི་ཚོགས་འདུའི་མིང་ཐོག་ནས་ཚོང་ཁེ་ཞིག་ཟ་འདོད་བྱས་པ་དེ་ལམ་ལྷོང་མ་བྱུང་བ་རེད། ད་ནི་དོན་དག་སྐྱུག་བྲོ་བོ་ཞིག་གི་ཁ་ཕྱེས་འདུག རྩོམ་པ་པོའི་མཐུན་ཚོགས་བཙུགས་པའི་ཕྱི་ཉིན་དེ་ནས་དེ་རིང་བར་བཀྲ་མི་ཤིས་པའི་རིགས་རྐྱང་བྱུང་བ་རེད། ད་རེས་ཀྱི་འདི་ལ། གཞིས་ལུས་གཞོན་སྐྱེས་རྩོམ་པ་པོ་ཁོང་གིས༼པེན་བོད་ཀྱི་རྩོམ་པ་པོའི་མཐུན་ཚོགས་ཀྱིས་ང་ལ་ཁས་ལེན་བྱས་པའི་ལས་དོན་ཅི་ཡང་འགྲུབ་མེད་སྟབས། ང་རང་ཧ་ཅང་བློ་ཕམ་སྐྱེས་ཡོད།༽ཅེས་ཨུ་ཐུག་གིས་དྲིས་འདུག རྩོམ་པ་པོའི་མཐུན་ཚོགས་ཀྱི་དྲིན་ཆེན་ཚོ། འདི་འདྲ་གནང་མི་རུང་ཡ།
ཡང་བོད་ཀྱི་རྩོམ་པ་པོའི་མཐུན་ཚོགས་ལ་བླ་བྲང་སྐལ་བཟང་གཉིས་པ་ཞིག་འབྱུང་བཞིན་ཡོད་པ་འདྲ་ད་ཁོ་ཚོ་ལ་རེ་བ་མེད་ཀི་ཡ
དེབ་དེ་གཉིས་པར་སྐྲུན་མ་བྱེད་པའི་རྒྱུ་མཚན་གང་ཡིན་ནམ། པན་བོད་ཀྱི་ཚོགས་པ་ཡང་རྒྱ་ནག་གི་གནོན་ཤུགས་ལ་སྐྲག་པ་མ་ཡིན་ནམ།