མཉམ་འབྲེལ་རྒྱལ་ཚོགས་ཀྱི་གནམ་འགཤིས་འགྱུར་ལྡོག་ཐད་ཀྱི་ཚོགས་ཆེན་དེ་མགོ་བཙུགས་ཡོད་ལ། ཚན་རིག་པ་སྐོར་ཞིག་གིས་ཚོགས་ཆེན་དེ་ནི་འགྲོ་བ་མིའི་ལོ་རྒྱུས་ཁྲོད་གལ་ཆེ་ཤོས་སུ་གྱུར་བའི་ཚོགས་ཆེན་དེ་ཡིན་པར་བཤད་ལ། ཚོགས་ཆེན་དེ་ཕྱི་ཚེས་ ༧ ཉིན་ཌན་མག་གི་རྒྱལ་ས་ཁོ་པེན་ཧ་གྷན་དུ་ཚུགས་ཡོད་པ་དང་། རྒྱལ་ཁབ་ ༡༩༢ ཀྱི་འཐུས་མི་རྣམས་འཛོམས་ཏེ་གོ་ལའི་གནམ་གཤིས་འགྱུར་ལྡོག་གི་ཐད་བདུན་ཕྲག་གཉིས་རིང་ཚོགས་འདུ་འཚོགས་རྒྱུ་ཡིན་འདུག
བདུན་ཕྲག་རྗེས་མའི་ནང་དུ་འཛམ་གླིང་གི་དབུ་ཁྲིད་ ༡༠༠ ལྷག་ཚོགས་ཆེན་འདིའི་སྟེང་ཞུགས་ཏེ་མཐའ་མཇུག་གི་ཐག་གཅོད་གནང་ཐབས་ལ་བགྲོ་གླེང་གནང་རྒྱུ་རེད།
ཐེངས་འདིའི་ཚོགས་ཆེན་སྟེང་དུ་ཞུགས་པར་སྙན་ཞུ་འབུལ་མཁན་མི་ ༣༤༠༠༠ ཡོད་པ་དང་། གསར་འགོད་པ་ ༣༥༠༠ ཡིས་ཚོགས་ཆེན་དེ་གསར་འགོད་བྱ་རྒྱུར་ཐོ་འགོད་བྱས་ཡོད་འདུག
ཚོགས་ཆེན་གྱི་ནང་དོན་གཙོ་བོ་རྣམས་ནི་ཡར་རྒྱས་ཆེ་བ་དང་ཡར་རྒྱས་འགྲོ་བཞིན་པའི་རྒྱལ་ཁབ་དག་གིས་ཁར་བྷོན་དུད་རླངས་ཉུང་དུ་གཏོང་ཐབས་དང་། ཡར་རྒྱས་འགྲོ་བཞིན་པའི་རྒྱལ་ཁབ་དག་གིས་གནམ་གཤིས་འགྱུར་ལྡོག་གི་ཐད་ནུས་པ་ཤུགས་ཆེར་འདོན་ཐབས་སུ་དཔལ་འབྱོར་གྱི་མཐུན་འགྱུར་གནང་རྒྱུ། འཛམ་གླིང་གི་ནགས་ཚལ་གཅོད་འབྲེག་དེ་ ༢༠༣༠ ལོ་ནས་གཏན་འགོག་ཡོང་ཐབས་སུ་ཁར་བྷོན་ཚོང་དོན་གྱི་ལས་རིམ་སྒྲིག་རྒྱུ་སོགས་ཡིན་འདུག
ཁོ་པེན་ཧ་གྷན་གྱི་ཚོགས་ཆེན་འདི་ནི་ ༡༩༩༧ ལོར་གནམ་གཤིས་འགྱུར་ལྡོག་ཐད་ཊོག་ཀྱོའི་ཆིངས་དོན་བཞག་པ་དེར་སྟིང་གནོན་བྱ་རྒྱུ་དེ་ཡིན་ལ། ཊོག་ཀྱོའི་ཆིངས་དོན་དེ་ནི་ ༢༠༡༢ ལོ་ནས་ནུས་མེད་ཆགས་ཀྱིན་ཡོད་འདུག
ཚོགས་ཆེན་དབུ་འབྱེད་དུ་ཌན་མག་སྲིད་བློན་དང་མཉམ་འབྲེལ་རྒྱལ་ཚོགས་ཀྱི་གནམ་གཤིས་འགྱུར་ལྡོག་གི་ཆེད་ལས་པ་སོགས་ཀྱིས་གསུང་བཤད་གནང་ཡོད་ལ། ཚོགས་ཆེན་འདིར་ཞུགས་རྒྱུའི་ཁས་ལེན་བྱས་མཁན་ཁྲོད་དུ་ཨ་རིའི་སྲིད་འཛིན་དང་དབྱིན་ཇིའི་སྲིད་བློན། ཧྥ་རན་སིའི་སྲིད་འཛིན། རྒྱ་གར་གྱི་སྲིད་བློན་བཅས་ཡོད་པ་རེད།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
ཐེངས་འདིར་གནམ་གཤིས་འགྱུར་ལྡོག་གི་ཉེན་ཁ་ཤེས་པའི་གང་ཟག་མི་ཉུང་བ་ཞིག་གིས་བཟང་ཕྱོགས་ཀྱི་རེ་བ་ཆེན་པོ་ཞིག་བྱེད་ཀྱིན་ཡོད་ནའང་། འབྱུང་འགྱུར་གྱི་ཚོད་དཔག་ཙམ་ལས། ད་དུང་ཉེན་ཁ་ཆེ་བ་དེ་རང་ཐོག་ཏུ་དངོས་སུ་སླེབ་མེད་སྟབས། རང་གི་སྲིད་སྟེགས་ཙམ་ལ་གཙིགས་འཛིན་བྱེད་པའི་ཆབ་སྲིད་པ་དེ་ཚོས་དོན་ཕན་ཡོད་པའི་ལག་བསྟར་ཞིག་བྱེད་ཁག་པོ་རེད། ཉེན་ཁ་ཆེ་བ་རང་ཐོག་ཏུ་དངོས་སུ་སླེབ་སྐབས་ང་ཚོའི་འཇིག་རྟེན་འདི་ཕལ་ཆེར་ཚར་བ་རེད། ཇི་འདྲའི་སྐྱོ་བ་ལ་ཨང་།
ལགས་སོ་ཁྱད་ཀྱི་བཀའ་ཉན་འདོད་འདུག
ད་ཡིན་ན་མི་ཉག་སྐལ་བཟང་ཐུགས་ཁྲོས་ཚར་འདུག ཨ་ཁ་ཁ། ང་བོད་དོན་དགའ་དྲག་ནས་བོད་མེད་ཀྱང་བོད་ཡིག་འབྲི་འདོད་ཤུགས་ཆེན་འདུག
སྐལ་བཟང་ལགས། གནམ་གཤིས་འགྱུར་ལྡོག་སྐོར་ལ་དྲི་བ་ཞིག་འདོན་འདོད་འདུག
གནམ་གཤེས་འགྱུྲ་ལྡོག་ཟེར་བ་འདི་མི་ཚོའ་བཤད་དོན་ལྟར་ན། བཟོ་གྲ་སོགས་ནས་བྱུང་བའི་དུག་རླངས་མང་་བ་དང་གནམ་གཤེས་ཚ་གྲང་ཆ་མི་བསྙོམ་དོན་བཤད་ཀྱི་འདུག དེ་ལྟར་ན་འདི་འགྱུར་ལུགས་གང་འདྲ་ཡིན་ན།
ད་དུང་དུས་ཡུན་རིང་པོ་ཞིག་ནང་ཁྱེད་རང་དྲ་ཐོག་ན་ཁྱོན་ནི་མཇལ་རྒྱུ་མི་འདུག བོད་སྤྱི་ལ་བསམ་པའི་བསམ་ཚུལ་རྣོ་ངར་ཅན་རེ་སྤེལ་བའི་རེ་སྒུག་རི་ལྟར་ཆེ།
དྲ་གྲོགས་བྲག་འགོ་དཀོན་མཆོག་དར་རྒྱས་ལགས། གལ་ཏེ་བོད་ཡིག་མཁོ་སྤྱོད་ཀྱི་མཐུན་རྐྱེན་མི་འདུག་ན་དབྱིན་ཡིག་འབྲི་རྒྱུར་ཨུ་ཚུགས་རྒྱག་དགོས་མ་རེད། ནམ་ཞིག་བོད་ཡིག་མཁོ་སྤྱོད་ཡོད་སའི་ས་ཆ་ཞིག་ན་སླེབས་པ་ན་བོད་ཡིག་གི་ལམ་ནས་རང་གི་བསམ་ཚུལ་ཇི་མ་ཇི་བཞིན་འབྲི་ཆོག་གིན་རེད། ཁྱོད་ཀྱིས་དབྱིན་ཡིག་བྲིས་པ་དེས་ཁྱེད་རང་གི་དབྱིན་ཡིག་ཤེས་ཚད་འཇལ་བྱེད་ལྟ་བུ་ཞིག་མཐོང་གིན་འདུག དབྱིན་ཡིག་ལ་ཡང་དབྱིན་ཡིག་གི་བརྡ་སྤྲོད་འགྲོ་སྟངས་ཤིག་ཡོད་རྒྱུ་རེད། རྗེས་མ་ནས་དབྱིན་ཡིག་གི་མཆན་འབྲི་མཚམས་འཇོག་གྱིས། ངའི་རེ་བ་ཡིན། བོད་ཡིག་གི་ཚགས་ཤོག་རིགས་ནང་དབྱིན་ཡིག་མ་ཕྲིས་ན་བཟང་ཞེས་བསམ་ཚུལ་ཙམ་ཡིན།
i will come tomorrow ….today don’t have Tibetans.
i think its so importent and please consider to worlds season. take care