༧གོང་ས་མཆོག་གི་ཕྱིར་ཨོ་སི་ཊི་ལི་ཡའི་ནང་ཕེབས་ཏེ་ཕྱི་ཚེས་ ༩ ཉིན་རྒྱལ་སྤྱིའི་ཆོས་ལུགས་མཐུན་ཚོགས་ཀྱི་མཇུག་སྡོམ་མཛད་སྒོའི་སྟེང་གསུང་བཤད་གནང་རྒྱུ་ཡིན་འདུག
ཕྱི་ཚེས་ ༤ ཉིན་༧གོང་ས་མཆོག་ཨོ་སི་ཊོ་ལི་ཡའི་རྒྱལ་ས་ནས་ནིའུ་ཛི་ལན་ཌིའི་ནང་ཆིབས་བསྒྱུར་གྱིས་ཉིན་གསུམ་རིང་མཛད་འཕྲིན་བསྐྱངས་ཡོད་པ་དང་། མཛད་འཕྲིན་གྱི་ཉིན་མཐའ་མའི་ཉིན་དེར་༧གོང་ས་མཆོག་གིས་ནིའུ་ཛི་ལན་ཌིར་ཡོད་པའི་བཙན་བྱོལ་བོད་མི་ ༡༥༠ ལྷག་ལ་མཇལ་ཁ་གནང་སྟེ་བཀའ་སློབ་གནང་ཡོད་འདུག་ལ། ༧གོང་ས་མཆོག་གིས། ཕྱི་རྒྱལ་དུ་ཡོད་པའི་བོད་རིགས་ཚོས་བོད་ནང་གི་བོད་མི་ཚོའི་སྐུ་ཚབ་མཚོན་ཐུབ་པའི་ནུས་པ་འདོན་དགོས་ལ། བོད་ནང་གི་བོད་མི་ཚོའི་དཀའ་སྡུག་ལ་སེམས་ཁུར་བྱ་དགོས་པ་རེད། འཛམ་གླིང་ཡུལ་གྲུ་གང་སར་གནས་པའི་བཙན་བྱོལ་བོད་མི་ཚོས་རང་གི་རིག་གཞུང་སྲུང་སྐྱོབ་དང་རྒྱུན་འཛིན་བྱ་རྒྱུ་ཙམ་དུ་མ་ཟད། ལྷག་པར་ཕ་མ་དེ་དག་གིས་རང་གི་བུ་ཕྲུག་རྣམས་ལ་བོད་ནང་གི་ད་ལྟའི་གནས་སྟངས་དང་བཙན་བྱོལ་སྤྱི་ཚོགས་ཀྱི་གནས་བབ་སྐོར་གྱི་སློབ་གསོ་སྤྲོད་དགོས་པ་དང་། དེང་དུས་ཀྱི་ཤེས་ཡོན་ཁོ་ན་མིན་པར་བོད་སྐད་དང་བོད་ཡིག་སློབ་སྦྱོང་སྤྲོད་དགོས་ཞེས་དེར་ཡོད་བཙན་བྱོལ་བོད་མི་ཚོར་བཀའ་སློབ་གནང་ཡོད་པ་མ་ཟད། སློབ་དཔོན་ཀླུ་སྒྲུབ་ཀྱིས་མཛད་པའི་བྱང་ཆུབ་སེམས་འགྲེལ་སྐོར་གྱི་གསུང་ཆོས་གནང་ཡོད་འདུག་ལ། རྒྱ་རིགས་དད་ལྡན་པ་ ༢༠ ལ་མཇལ་འཕྲད་ཀྱིས་ཆོས་ལུགས་དང་འབྲེལ་བའི་དྲི་བ་དྲིས་ལན་དང་བཀའ་སློབ་གནང་ཡོད་པ་རེད།
༧གོང་ས་མཆོག་གིས་ཉིན་གསུམ་རིང་གི་ནིའུ་ཛི་ལན་ཌིའི་མཛད་འཆར་ཡོངས་སུ་གྲུབ་སྟེ་ཕྱི་ཚེས་ ༧ གྱི་ཞོགས་པར་ཕྱིར་ཨོ་སི་ཊོ་ལི་ཡར་ཆིབས་བསྒྱུར་བསྐྱངས་ཤིང་། ཚོགས་པ་ཁག་གི་གནད་ཡོད་མི་སྣ་དང་བརྙན་འཕྲིན་བརྒྱུད་ལམ་ཁག་ཅིག་གི་བཅར་འདྲི་དང་ལེན་གྱིས་མཛད་འཆར་སྐྱོང་བཞིན་ཡོད་ལ། ཆོས་ལུགས་གནད་ཡོད་མི་སྣ་ཁག་ཅིག་ལ་མཇལ་འཕྲད་ཀྱིས་ཆོས་ལུགས་ཕན་ཚུན་ལ་མཐུན་སྒྲིལ་བྱ་དགོས་པའི་སྐོར་ལ་བཀའ་སློབ་གནང་ཡོད་པ་རེད།
དེ་རིང་༧གོང་ས་མཆོག་ཨོ་སི་ཊི་ལི་ཡའི་མངའ་སྡེ་ཊ་སུ་མ་ནི་ཡ་ Tasmania ཡི་གྲོང་ཁྱེར་ཧོར་བྷོར་ཊིའི་ Hobart ནང་ཡོད་པའི་སློབ་ཆེན་ཞིག་གི་མི་ལོ་ ༢༠ འཁོར་བའི་མཛད་སྒོའི་སྟེང་ཆིབས་བསྒྱུར་གནང་སྟེ་གཏམ་བཤད་གནང་རྒྱུ་ཡིན་པ་དང་། སང་ཉིན་ནས་༧གོང་ས་མཆོག་གྲོང་ཁྱེར་མེལ་བྷོན་ནང་གི་སྐབས་ལྔ་བའི་རྒྱལ་སྤྱིའི་ཆོས་ལུགས་ལྷན་ཚོགས་ཀྱི་ཚོགས་ཆེན་སྟེང་གདན་ཞུ་གནང་བ་བཞིན་དེར་ཕེབས་ཏེ་མཇུག་སྡོམ་གསུང་བཤད་གནང་རྒྱུ་ཡིན་འདུག
ཐེངས་འདིའི་ཚོགས་ཆེན་སྟེང་རྒྱལ་ཁབ་ ༨༠ ལྷག་གི་ཆོས་ལུགས་འདྲ་མིན་གྱི་སྐུ་ཚབ་གཙོས་ཁྱོན་མི་ ༨༠༠༠ ལྷག་འདུ་འཛོམས་བྱུང་སྟེ། གནམ་གཤིས་འགྱུར་ལྡོག་དང་གདོད་མའི་མི་རིགས་ཀྱི་ཐོབ་ཐང་། དེ་བཞིན་ཆོས་ལུགས་བར་གྱི་འབྲེལ་ལམ་སོགས་ཀྱི་བརྗོད་གཞིའི་ཐོག་སྐོང་ཚོགས་གནང་བ་ཞིག་ཡིན་འདུག་ལ། ཕྱི་ཚེས་ ༡༠ ཉིན་༧གོང་ས་མཆོག་གིས་འཛམ་གླིང་ཞི་བདེ་ཅེས་པའི་བརྗོད་གཞིའི་ཐོག་གཏམ་བཤད་གནང་རྒྱུ་ཡིན་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཕྱི་རྒྱལ་ཡུལ་གྲུ་ཁག་ཏུ་བཞུགས་པའི་བོད་རིགས་ཤེས་ལྡན་པ་རྣམས་དང། ལྷག་པར་ཕ་མ་རྣམས་ལ་དམིགས་བསལ་གྱི་རེ་བ་ཉག་གཅིག་ནི། གོང་དུ་༸གོང་ས་མཆོག་གིས་བཀའ་སློབ་ཇི་འདྲ་ཕེབས་པ་དེ་བཞིན་གནང་ཐུབ་པ་བྱ་རྒྱུ་དང། ལྷག་པར་རང་ཉིད་ཀྱི་བུ་ཕྲུག་རྣམས་ཀྱི་འདུན་ལམ་འདི་བཞིན་འཕྲོ་བརླག་མི་འགྲོ་ཕྱིར་། ནུས་པ་གང་ཡོད་ཀྱིས་མི་རིགས་གཅིག་དང་རྒྱལ་ཁབ་གཅིག་ལ་ཕན་ཐོགས་པ་ཞིག་བཟོ་མ་ཐུབ་ནའང། རང་ཁ་རང་གི་གསོ་ཐུབ་མཁན་ཞིག་དང་བོད་མི་རིགས་ཀྱི་མཚན་ཤས་ལ་དོ་ཕོག་མི་གཏོང་མཁན་ཞིག་ཅི་ནས་ཀྱང་བཟོ་ཐུབ་པ་བྱ་རྒྱུ་དེ་ཡིན།
P-wôh-ºhÅ-ÁÛ-ÅôP-ÅôP-z¼-z=-ÁÛÅ-zhï-¾ïGÅ-ŸÝüü
བདེན་གི་དངོས་་ནས་བདེན་གི ང་ལ་ཡང་དེ་འདྲའི་བསམ་ཚུལ་ཐེངས་མང་ཤར་མྱོང་ཡོད་ཀྱང་། དོ་སྣང་བྱེད་མཁན་དག་ནི་རྒྱུན་དུ་དོ་སྣང་ཡོད་པ་དེ་ཡིན་པར་གླེང་ཆོག་པ་ཡིན། དེ་མིན་འུ་ཅག་གིས་ནང་དུ་ཁྲིམས་ལྟ་བུ་ཞིག་དང་། བོད་མིས་བོད་ཡིག་མི་སློབ་པ་དང་བོད་མིས་བོད་སྐད་མི་བཤད་པ་དེར་བསླབ་བྱ་རྒྱག་དགོས་བྱུང་བ་ཡིན་ན། ད་ནི་དངོས་ནས་མི་རིགས་ཤིག་འཇིགས་གྲབས་ཡོད་པ་དེར་མི་རིགས་དེས་སེམས་འཁུར་གྱི་འདང་གི་མེད་པ་བསྟན་པ་རེད།
མི་བདེན་རྒྱུ་ཅི་ཡོད། ངས་གསར་འགྱུར་ལྟ་ཀློག་བྱེད་མཁན་གྱི་གྲངས་ཚད་བསྡུར་གྱི་ཡོད་མ་གཏོགས་མཆན་འགོད་མཁན་ཡོད་མེད་རྩོད་ཀྱི་མེད།
ཨ་རི་དང་རྒྱ་ནག་ལྟ་བུར་མཚོར་ན་དྲ་རྒྱའི་སྟེང་གསར་འགྱུར་གལ་ཆེན་ཞིག་ཐོན་ཚེ་ཆ་སྙོམས་སྐར་མ་རེར་ཀློག་མཁན་མི་གྲངས་ཉེར་ལྔ་རེ་ཡོང་གི་ཡོད། འོན་ཀྱང་ང་ཚོའི་སྤྱི་ཚོགས་ནང་སྐར་མ་རེར་མི་གྲངས་གསུམ་ལས་མེད། མི་གསུམ་པོ་དེ་ཡང་ཆ་སྙོམས་ཀྱི་གྲངས་ཚད་མ་ཡིན་པ་ལོས་ཤེས།
དཔེར་ན་གཤམ་གྱི་རྩོམ་ཡིག་དང་མཆན་བུ་འདི་ཚོས་ཤེས་ནུས།
༧ཏཱ་ལའི་བླ་མའི་དྲ་ཚིགས་སྟེང་ད་དུང་བོད་ཡིག་མེད་ཟེར།
༢༠༠༩/༡༢/༠༤ བསམ་འཆར། (༣༦)
མཛངས་མ་བསྟན་འཛིན་ཆོས་འཛོམས་ཀྱི་འབོད་སྐུལ།
༢༠༠༩/༡༢/༠༡ བསམ་འཆར། (༣༢)
ངའི་དེབ་དེ་གཉིས་དཔར་བསྐྲུན་གནང་རོགས།
༢༠༠༩/༡༢/༠༥ བསམ་འཆར། (༣༨)
བོདད་ཀྱི་བུད་མེད་ཚོར་ཐོབ་ཐང་འདུག་གམ།
༢༠༠༩/༡༡/༢༦ བསམ་འཆར། (༢༧)
ཁོང་གི་རྨི་ལམ་གྱི་མཐའ་རྒྱ་སྙེག་པ།
༢༠༠༩/༡༡/༣༠ བསམ་འཆར། (༣༡)
འདི་ཚོའི་ནང་དུ་མི་སྒེར་རྐྱང་དང་ཡང་ན་མི་རེ་གཉིས་ཀྱིས་སྒེར་རྩོད་བྱས་དང་བྱེད་པ་རེད།
ཁྱེད་ཀྱིས་བཤད་པ་བདེན་ནམ་སྙམ། དྲ་ཐོག་འདིར་མཆན་བུ་འགོད་པ་དང་ལྟ་ཀློག་བྱེད་ས་མང་ཤོས་དེ་དཀྲོགས་གཏམ་གྱི་རང་བཞིན་དང་མི་སྒེར་དང་ཚོགས་པ་གང་ཞིག་ལ་ཁ་རྡུང་གཏོང་པའི་སྐོར་ཞིག་ཡིན་དགོས་པ་རེད། འདི་ང་རང་གི་ཟིན་བྲིས་ཐར་ཐོར་ནང་གི་མཆན་བུ་མང་ཤོས་དེ་ཡང་འདི་འདྲའི་སྐོར་ལ་བྲིས་པའི་རྩོལ་འཆལ་དེ་ཚོས་ཟིན་འདུག་པས་ཤེས་ནུས། ཁ་ཕྱོགས་འདི་ནད་ཡམས་ཤིག་དང་ཨ་ན་མ་ན་རེད་ཡ།
༸གོང་ས་མཆོག་གི་མཛད་འཕྲིན་ཁ་གསལ་བཀོད་པའི་གསར་འགྱུར་འདི་སྤེལ་ནས་སྐར་མ་ 40 ཙམ་ཕྱིན་སོང་ནས་ཀློག་མཁན་ཁྱན་བསྡོམས་སྐུ་མགྲོན་ 13 མ་གཏོགས་ཕེབས་མ་སོང༌། ཁ་སྔོན་༸གོང་ས་མཆོག་གི་གསུང་འཕྲིན་དྲ་ཐོག་ནས་བོད་ཕྱི་ནང་གཉིས་སུ་མཐོང་ཐུབ་ཀྱི་མི་འདུག་ཞེས་ཚ་ཚ་འུར་འུར་གྱིས་གསུང་སྐད་སྐྱོན་སོང༌། བོད་ནང་དུ་ལྟ་ཀློག་ཐུབ་ཀྱི་ཡོད་མེད་ཆ་མ་མཆིས་ཀྱང་བཙན་བྱོལ་ནང་དུ་སྐར་མ་40 རིང་ཀློག་མཁན་ 13 ལས་མེད་པ་ནི་རྒྱལ་སྤྱིའི་བསྡོམས་ཚིག་ལྟར་ན་ཧ་ཅང་ཉུང་ཉུང་རེད།