ང་ཚོས་དུས་དྲན་སྲུང་གཙི་ཁོ་ན་མ་ཡིན་པར་༧གོང་ས་མཆོག་གི་ཐུགས་རྗེ་བཀའ་དྲིན་གང་འདྲ་ཡིན་མིན་དྲན་གསོ་དང་། ཁོང་གི་ལམ་སྟོན་འོག་ལ་ཤར་སྐྱོད་བྱ་རྒྱུའི་འདུན་པ་དང་ཆོད་སེམས་བརྟན་པོ་ཞིག་བཅང་དགོས་ཟེར།
ཟླ་འདིའི་ཕྱི་ཚེས་ ༡༠ ཉིན་ནི་༧གོང་ས་མཆོག་གིས་ནོ་སྦེལ་ཞི་བདེའི་གཟེངས་རྟགས་བཞེས་ཏེ་མི་ལོ་ ༢༠ འཁོར་བའི་དུས་དྲན་གྱི་ཉིན་མོ་དང་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོར་འཁེལ་ཡོད་སྟབས། བཞུགས་སྒར་ངྷ་རམ་ས་ལ་གཙོས་པའི་ས་གནས་གང་སར་ཡོད་པའི་ཚོགས་པ་ཁག་གིས་ཉེ་ཆར་ནས་དུས་དྲན་འདིར་གྲ་སྒྲིག་གང་ལེགས་བྱེད་ཀྱིན་ཡོད་འདུག་ལ། སྔར་ལོ་བོད་ནས་བྲོས་བྱོལ་ཏུ་འབྱོར་བའི་ཆབ་སྲིད་བཙོན་པ་དཀར་མཛེས་ཁུལ་གྱི་སྔོ་རིད་ཚེ་རིང་རྡོ་རྗེ་དང་མ་འདུས་མགོན་པོ་གཉིས་གཙོས་པའི་ཆབ་སྲིད་བཙོན་པ་ཁག་ཅིག་གིས་སྒེར་ངོས་ནས་འགྲོ་གྲོན་བཏང་སྟེ་བོད་ཆོལ་གསུམ་གྱི་གཞས་སྣ་དང་ཞབས་བྲོ། སྔར་ལོའི་ཞི་རྒོལ་དང་འབྲེལ་བའི་གཏམ་བརྗོད་སོགས་ཟླ་གཅིག་ལྷག་གི་རིང་སྦྱོང་བརྡར་དང་གྲ་སྒྲིག་གང་ལེགས་བྱས་ཏེ་༼བོད་མིའི་སྐྱིད་སྡུག་མཉམ་མྱོང་༽ཅེས་པའི་རིག་རྩལ་འཁྲབ་སྟོན་ཞིག་ཞི་བདེའི་གཟེངས་རྟགས་དང་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་དང་སྟབས་བསྟུན་གྱིས་བོད་གཞུང་ཟློས་གར་དུ་རིན་མེད་དུ་གཟིགས་འབུལ་བྱ་འཆར་ཡོད་པ་རེད།
ཚོགས་པ་དང་མི་སྒེར་གང་རུང་གིས་༧གོང་ས་མཆོག་གིས་ནོ་སྦེལ་ཞི་བདེའི་གཟེངས་རྟགས་ཀྱི་སྐབས་འདིར་གྲ་སྒྲིག་གང་ལེགས་བྱེད་ཀྱིན་ཡོད་སྟབས། བཙན་བྱོལ་བོད་གཞུང་གི་ངོས་ནས་ཉིན་དེར་དམིགས་བསལ་གྱིས་གྲ་སྒྲིག་དང་འཆར་གཞི་གང་འདྲ་ཡོད་མེད་འདི་གའི་གསར་འགོད་པས་བཀའ་དྲུང་མི་འགྱུར་རྡོ་རྗེ་ལགས་སུ་བཀའ་འདྲི་ཞུས་པར་ཁོང་གིས། ང་ཚོས་ལོ་ལྟར་དུས་དྲན་སྲུང་གཙི་བྱེད་ཀྱིན་ཡོད་པ་ལྟར་འདི་ལོ་ཡང་འཆར་ཅན་གྱི་མཛད་སྒོ་འཚོགས་ཀྱིན་ཡོད་པ་རེད། དེའི་སྟེང་བཀའ་ཤག་གི་གཏམ་བཤད་དང་། བོད་མི་མང་སྤྱི་འཐུས་ལྷན་ཚོགས་ཀྱི་གཏམ་བཤད་སོགས་ཡོད་པ་རེད་ལ། དེ་བཞིན་གཞུང་ཞབས་ལས་ཁུངས་ཀྱི་མ་ལག་ཁག་ཏུ་མི་ལོ་ ༢༥ རིང་ཞབས་ཞུ་གནང་ཡོད་པའི་གཞུང་ཞབས་ལས་བྱེད་ཚོར་གཟེངས་རྟགས་འབུལ་བ་དང་། མི་སྒེར་དང་ཚོགས་པ་ཁག་གིས་བོད་དོན་དང་འབྲེལ་བའི་གནས་ཚུལ་སྤྱི་དང་ལྷག་པར་བོད་པའི་ཆོས་དང་རིག་གཞུང་། སྐད་ཡིག་སོགས་བཙན་བྱོལ་གཞུང་གི་ལྟ་གྲུབ་དང་དགོངས་གཞིར་མ་འགལ་བར་གསར་གཏོད་བྱས་པའི་རིགས་དབུ་འབྱེད་གནང་རྒྱུ་སོགས་འཆར་ཅན་གྱི་མཛད་སྒོ་ལས་མཛད་རིམ་འཕར་མ་དེ་འདྲ་ད་ལྟའི་ཆར་བཀའ་དྲུང་ཡིག་ཚང་ལ་འབྱོར་མ་བྱུང་། ཡིན་ནའང་། ཉིན་འདི་ནི་༧གོང་ས་མཆོག་གིས་ཞི་བདེ་གཟེངས་རྟགས་བཞེས་པའི་དགའ་སྟོན་གྱི་ཉིན་མོ་ཁོ་ན་མ་ཡིན་པར་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་དང་འཁེལ་བའི་དུས་དྲན་ཞིག་ཆགས་ཡོད་སྟབས་ང་ཚོའི་ངོས་ནས་ཀྱང་འཆར་ཅན་གྱི་མཛད་སྒོ་འཚོགས་རྒྱུ་ཡིན་ཅེས་དང་། ཡང་ཁོང་གིས། ༧གོང་ས་མཆོག་ལ་ནོ་སྦེལ་ཞི་བདེའི་གཟེངས་རྟགས་ཕུལ་བ་དེ་ང་རང་ཚོ་བོད་མི་རིགས་ཀྱི་ལོ་རྒྱུས་ནང་ཐོག་མ་ཆགས་ཡོད་པ་དང་། ཕྱོགས་གཅིག་ནས་རྒྱལ་བ་རིན་པོ་ཆེས་ལོ་ནས་ལོར་བསྟུད་དེ་འཚེ་མེད་ཞི་བའི་ཐོག་ལ་སྐུ་ལས་སྐྱོན་བཞིན་པ་དེ་འཛམ་གླིང་རྒྱ་ཆེའི་མང་ཚོགས་ཀྱིས་ངོ་ཤེས་པ་ཆགས་ཡོད་པའི་རྣམ་པ་ཞིག་ཆགས་ཡོད་པར་བརྟེན། ང་ཚོའི་ངོས་ནས་ཀྱང་དེ་དང་འབྲེལ་བའི་དུས་དྲན་སྲུང་གཙི་བྱ་རྒྱུ་དེ་གལ་ཆེན་པོ་རེད། ང་ཚོས་དུས་དྲན་སྲུང་གཙི་ཁོ་ན་མ་ཡིན་པར་ང་ཚོའི་མང་ཚོགས་ཀྱི་ངོས་ནས་ཀྱང་༧གོང་ས་མཆོག་གི་ཐུགས་རྗེ་བཀའ་དྲིན་གང་འདྲ་ཡིན་མིན་དམིགས་བསལ་དྲན་གསོ་དང་། ཁོང་གི་ལམ་སྟོན་གནང་བའི་འོག་ལ་ཤར་སྐྱོད་བྱ་རྒྱུའི་འདུན་པ་དང་ཆོད་སེམས་བརྟན་པོ་ཞིག་བཅང་རྒྱུ་གལ་ཆེན་པོ་རེད་ཅེས་གསུངས་བྱུང།
ངོ་མ་ཁ་བྱང་དེ་དང་འབྲེལ་བའི་དྲན་བསྐུལ་ཞིག་བྱས་ན། འཛམ་གླིང་ཞི་བདེ་དེ་དོན་གྱི་ཞི་བདེ་ཞིག་སྲུང་གཙི་བྱ་ཆེད་དུ། རྣམ་ཀུན་དམར་ཟས་སམ་ཤ་ཁྲག་རོལ་མཁན་ཞིག་ལ་མཚོན་ནའང་། དུས་ཆེན་འདི་མིང་དོན་མཚུངས་པ་ཞིག་ཏུ་སྲུང་བར་དེ་རིང་ནས་ཡིད་ཀྱི་དམ་བཅར། དུས་རྒྱུན་དང་མ་འདྲ་བར་དཀར་སྐྱོང་དང་། དགེ་སྦྱོར་གྱི་ལས་ཕྲན་བུ་ཡིན་ཡང་བསྒྲུབ་པར་སྨོན་པ་ཙམ་རེ་ཚུན་ཆད་གནང་བར་འབོད་བསྐུལ་ཡང་ཡང་ཞུ།
ནམ་ཡང་ང་ཚོས་བཀྲིན་རྗེས་དྲན་བྱེད་རྒྱུ་ནི་གལ་ཆེན་ནང་གི་དོན་ཆེན་ཡིན་པ་མ་ཟད་བཀའ་སློབ་ལག་ལེན་དུ་བསྟར་རྒྱུ་ནི་དེ་བས་ཀྱང་གལ་ཆེ།
གོང་གི་ངའི་མཆན་ནང་གི་འཁྲབ་ཞུང་གི་མིང་ནོར་འདུག་པས་ (སྐྱིད་སྡུག་མཉམ་མྱོང་) ལ་བཅོས་རོགས་ཞུ།
ལུང་རིགས་ལགས། ངས་བསམ་ཚུལ་ལྟར་བྱས་ན་འཆར་ལོའི་ཟླ་བདུན་པའི་ནང་བོད་མིའི་རྩ་དོན་ཐད་གཏམ་བཟང་ཞིག་ཐོས་རྒྱུ་རེད།
འཛམ་གླིང་ཞི་བདེའི་ཉིན་མོ་ཟེར་བ་ཞིག་ཡོད་པ་རེད་དམ། སང་ཉིན་ནི་འགྲོ་བ་མིའི་ཐོབ་ཐང་གི་ཉིན་མོ་རེད།
སང་ཉིན་ནི་༸ གོང་ས་མཆོག་ལ་འཛམ་གླིང་ཞི་བདེའི་གཟེངས་རྟགས་ཆེན་མོ་ཐོབ་ནས་མི་ལོ་ཧྲིལ་པོ་༢༠ འཁོར་བའི་དུས་དྲན་གྱི་ཉིན་མོ་ཞིག་ཡིན་སྟབས་ངས་དེ་རིང་ནས་༸ གོང་ས་སྐྱབས་མགོན་ཆེན་པོ་མཆོག་སྐུ་ཁམས་བཟང་ཞིང་སྐུ་ཚེ་ཞབས་པད་ཡུན་རིང་བརྟན་ཅིང་རླབས་ཆེན་ཐུགས་ཀྱི་བཞེད་དོན་ཐ་དག་གེགས་མེད་ལྷུན་གྱིས་འགྲུབ་པའི་སྨོན་ལམ་འདེབས་རྒྱུ་ཡིན།
སྟོང་ཉིད་སྙིང་རྗེ་ཟུང་དུ་འཇུག་པའི་ལམ། །ཆེས་ཆེར་གསལ་མཛད་གངས་ཅན་བསྟན་འགྲོའི་མགོན། །ཕྱག་ན་པདྨོ་བསྟན་འཛིན་རྒྱ་མཚོ་ལ། །གསོལ་བ་འདེབས་སོ་བཞེད་དོན་ལྷུནའགྲུབ་ཤོག །
མདེལ་གུ་མཁྱེན་བརྩེའི་གསོལ་འདེབས་ལྟར་༸ གོང་ས་མཆོག་གི་གསུང་།
ཕྱག་ན་པདྨོའི་བྱིན་རླབས་བདུད་རྩིའི་རྒྱུན། །བདག་སོགས་སྙིང་གི་ཟུངས་སུ་རྟག་སྨིན་ཅིང་། །བཀའ་བཞིན་སྒྲུབ་པའི་མཆོད་པས་རབ་བསྙེན་ནས། །ཀུན་བཟང་མཆོད་མཆོག་རྒྱ་མཚོར་མཐར་སོན་ཤོག །
བོད་རིགས་ཡོངས་ཀྱིས་༸ རྒྱལ་བའི་བཀའ་བཞིན་བསྒྲུབ་དགོས་གདམས་པ།
རབས་འབྱམས་རྒྱལ་བ་ཀུན་གྱི་མཛད་པའི་འཁུར། །སྙིང་སྟོབས་ཕྲག་པར་བཟུང་བའི་རླབས་ཆེན་གྱི། །འཕྲིན་ལས་ཀུན་ཕན་ནམ་མཁའི་སྙིང་པོ་ཅན། །བཞེད་པ་ཇི་བཞིན་ལྷུན་གྱིས་འགྲུབ་གྱུར་ཅིག །
རྒྱལ་བའི་ཡོངས་འཛིན་རྣམ་གཉིས་ཀྱི་གསུང་།
ཕྱི་ཟླ་༡༢ ཚེས་༢ ཉིན་ཁམས་སོག་རྫོང་གི་བཙུན་མ་ཆོས་སྒྲོན་རང་ལོ་༤༨ དང་། བསྟན་འཛིན་དར་རྒྱས་རང་ལོ་༢༡ ནོར་བུ་བཟང་པོ་རང་ལོ་༡༧ ཡིན་པ་བཅས་ལྷ་སའི་ཇོ་ཁང་སྒོ་འགྲམ་ནས་འཛིན་བཟུང་བྱས་འདུག ཁོང་རྣམས་ལྷ་སའི་ཇོ་ཁང་སྒོ་འགྲམ་དུ་ཕྱག་འཚལ་མཁན་སྤུན་མཆེད་རྣམས་ལ་ཁ་ལག་ སྐྱེལ་བར་འགྲོ་སྐབས་གློ་བུར་དུ་འཛིན་བཟུང་བྱས་ཡོད་འདུག ཉིན་ཤས་རིང་ཁོང་རྣམས་གར་སོང་མེད་པར་གྱུར་ནས་སྤུན་མཆེད་རྣམས་ཀྱིས་ས་ཕྱོགས་ གང་སར་བཙལ་སྐབས་ལྷ་སའི་སྤྱི་བདེ་མི་སྣས་ནག་ཆུ་ས་ཁུལ་བཙོན་ཁང་ཞིག་ལ་ཡོད་རེད་ ཅེས་ལན་ཙམ་སྤྲད་ཡོད་འདུག
སང་ཉིན་སྔ་དྲོའི་དུས་ཚོད་བརྒྱད་པ་དགུ་བ་ཙམ་ནས།
ད་མཐོ་དཔོན་ཚོས་མགོ་ནས་མར་ལ་འཁོར་ནས་གཏམ་བཤད།
དམའ་མོ་ང་འདྲ་ཚོས་ཞོལ་ཁ་ཡར་ལ་འཁོར་ནས་གསུང་ཉན།
བར་བར་ནས་བྱིས་པ་སྣབས་ལུག་ཚོས་ཁ་ལ་ཟས་སྣ་འདྲ་མིན་ཟ་བཞིན།
བཏུང་བ་སྣ་ཚོགས་ཚོགས་འཐུང་།
རྒན་རྒོན་ཚོས་མིག་ནས་མཆུ་མ་འདོན་ཞིང་། ཁ་ཙོ་མོ་རོ་རོ་ཁ་ནས་མ་ཎི་འདོན་བཞིན། སེམས་སྐྱིད། ཡིད་དགའ།
ད་བོད་གཞུང་ཟློས་གར་ཁང་གི་གསར་བུ་གསར་མོ་ཚོས་གཙོས་བོད་གཞུང་གི་གཞུང་ཞབས་ཚོས་ཀྱང་རང་རང་གང་ནུས་ཀྱིས། སྐྱིད་པའི་གླུ་ལེན་བཞིན། དགའ་བའི་བྲི་འཁྲབ་བཞིན། གཙུག་ལག་ཁང་ཟེར་ནོ་ཚ་ཚ་འུར་འུར་ཞིག་གི་གཏོང་ནི་མ་རེད་ན་ཡུམ་འདོན།
ཡ་ཉིན་གུང་ཙམ་རང་རང་གི་གཞིས་ཁྱིམ་དྲོ་རྒྱུ་མེད་ཀྱང་དྲོ་ཁུལ་བྱེད་བཞིན། ཡོད་ནི་ཚོས་ཟས་སྣ་འཐུང་སྣ་མང་པོ་བསྒྲིགས་ཏེ།
ལ་ཤོས་ཚོས་གླུ་ལེན་གར་རྩེ་རེ་བྱས། མང་མང་ཚོས་ཆང་འདྲ་འཐུང་། སྐད་ཆ་འདྲ་མིན་བཤད་བཞིན། རབ་ཏུ་བཟི་བར་བྱས། ལ་ལ་རེས་རང་གིས་ཟས་ཟས་ཐམས་ཅད་ཕྱིར་ལ་སྐྱུགས།
ཨོ་ཡ་ཡ་ཡ། ད་འདི་མོ་འདི་མང་ནི་རེད་དྲ། བཤད་ཁོམ་མེད་ཀི མི་བདེན་འདོད་ན་སང་ཉིན་མིག་གིས་རིག་རྒྱུ་རེད།
ད་ཐེངས་ཀྱི་གླེང་རྙོག་འདི་ངེས་པར་དུ་གསལ་བོ་གནང་དགོས་པ་ཞིག་རེད། ལུང་རིག་རྒྱལ་གྱིས་ད་ཐེངས་ཀྱི་མཆན་བུ་སྐོར་ཞིག་ནག་བསུམ་བཏང་བློ་ཕམ་ཡོད། ང་རང་ཉིན་འགའི་སྔོན་ལྷོ་ཕྱོགས་ནས་རྡི་ལི་བརྒྱུད་རྡ་སར་ཡོང་བ་ཡིན། འདིའི་བར་ནས་ངོ་ཤེས་པ་མང་བོ་ཞིག་ལ་ཐུག་སོང་ལ། སྐད་ཆ་གཅིག་པ་གཅིག་རྐྱང་བཤད་ཀྱིན་འདུག དེང་སང་བོད་པའི་སྤྱི་ཚོགས་ནང་བོད་ཀྱི་རྩོམ་པ་པོའི་མཐུན་ཚོགས་འབྲེལ་ནས་ལྷ་མོ་སྐྱབས་དང་ཀུན་ཐར་དོན་འགྲུབ་གཉིས་ཀྱིས་ནག་ཚོང་རྒྱག་གིན་ཡོད་པའི་གླེང་གཞི་གསར་བ་ཞིག་ཚུགས་ཡོད་པ་ངོ་མ་རེད། རྩོམ་པ་པོ་མཐུན་ཚོགས་ཀྱིས་ཨ་མདོ་ཁྲི་ཀ་ནས་ཡིན་པའི་གནམ་ལྷ་ཟེར་བ་ཞིག་ལྐོག་ཚོང་ལྟ་བུར་ཕོ་ལེན་གྱི་ཚོགས་འདིར་བཏང་ཡོད་པ་དང་། ཁོང་ད་ལྟ་ཕྱིར་མ་ཡོང་བར་ཧྥ་རན་སིར་བསྡད་ཡོད་པ་རེད་ཟེར། ཡང་ཀུན་ཐར་དོན་འགྲུབ་ཀྱིས་ལོ་འགའི་སྔོན་ཨང་ལན་དུ་སྙན་ངག་འདུ་ཚོགས་ཤིག་འཚོགས་བོད་ཀྱི་རྩོམ་པ་པོའི་ཚོགས་མིའི་འགྲོན་ཤོག་མི་གཞན་དུ་བཙོང་ཡོད་པའི་སྐད་ཆ་འདུག བོད་རྩོམ་པ་པོའི་མཐུན་ཚོགས་འདི་འཛུགས་མཁན་བླ་བྲང་སྐལ་བཟང་། ལྷ་མོ་སྐྱབས་སོགས་མི་སྐོར་ཞིག་ལྐོག་འབྲེལ་གྱིས་རྒྱང་འཕུད་བཏང་སྟེ། ཁུངས་ལུང་ཡོད་མེད་ཀྱི་སྐད་ཆ་མང་བོ་ལབ་ནས་ད་ལྟ་བོད་ཀྱི་རྩོམ་པ་པོ་མཐུན་ཚོགས་ཀྱི་ལག་ནས་འཕྲོག་ཐུབ་པ་བྱུང་ཡོད་པ་རེད། ད་ཁོང་ཚོའི་བྱ་སྤྱད་ལ་བལྟས་ན་བླ་བྲང་སྐལ་བཟང་ལས་སྡུག་ཏུ་སོང་ཡོད་པ་ཞིག་མཐོང་སོང་། ལྷ་མོ་སྐྱབས་དང་ཀུན་ཐར་དོན་འགྲུབ་སོགས་ཀྱི་སྐབས་ཕྱི་རྒྱལ་དུ་བཏང་བ། ཐུབ་བསྟན། ཟླ་བ་ཚེ་རིང་། བསམ་གཏན། བཀའ་ཐུབ་རྒྱལ་གྱི་ཆུང་མ་སོགས་རེད། ཁོང་ཚོ་ཐོག་དང་པོར་རྩོམ་པ་པོའི་མཐུན་ཚོགས་ནང་དུ་ཧིན་སྒོར་འབུམ་གཅིག་འཇོག་རྒྱུ་བྱས་ཡོད་ཀྱང་། ཁ་ཤས་ལག་ནས་སྒོར་འབུམ་གཅིག་རེ་ཡང་ལེན་ཐུབ་མེད་ཚོད་འདུག འདི་ཚོར་སྐད་ཆ་འདྲི་དགོས་པ་ཞིག་རེད། རྩོམ་པ་པོ་མཐུན་ཚོགས་བོད་སྤྱི་དང་ཚོགས་མི་ཚོར་ཐོབ་ཐང་ཡོད་པའི་ཚོགས་པ་ཞིག་ཡིན་ན། ངེས་པར་དུ་འདིར་ཞིབ་འཇུག་ཡག་པོ་གནང་དགོས་པ་ཞིག་རེད། ཡང་ལྷ་མོ་སྐྱབས་དང་ཀུན་ཐར་དོན་འགྲུབ་གཉིས་ཀྱི་སྒེར་གཉེར་ལྟ་བུ་ཡིན་ན། གནས་ཚུལ་གཞན་རེད། དེ་མིན་བོད་མི་རིགས་ལ་བརྙས་བཅོས་མ་གཏོང་བཞིན་བཟོ་འདྲ་བོ་ཞིག་མཐོང་སོང་བས། མཚམས་འཇོག་དང་གསལ་བཤད་ཡག་པོ་བྱས་ན་ཡག་པོ་རེད་འདོད། ཚེ་རིང་བཀྲ་ཤིས་ཀྱི་མཆན་བུ་ལེབ་བཤུས་བྱས།
ད་ལོའི་ཕྱི་ཟླ་ ༡༡ པའི་ཚེས་ ༡༠ ཉིན་མཉམ་འབྲེལ་རྒྱལ་ཚོགས་ཀྱི་འཐུས་མི་རྒྱལ་ཁབ་ ༡༩༢ ཀྱིས་ལོ་རེའི་ཕྱི་ཟླ་ ༧ པའི་ཚེས་ ༡༨ ཉིན་ནི་རྒྱལ་སྤྱིའི་ནེལ་སོན་མན་ཌ་ལའི་ཉིན་མོར་གཏན་འཁེལ་བྱས་འདུག བདུན་པའི་ཚེས་་༡༨ ནི་ཁོང་གི་འཁྲུངས་སྐར་ཉིན་མོ་རེད།
བདུན་པའི་ཚེས་ ༦ ནི་༧གོང་ས་མཆོག་གི་འཁྲུངས་སྐར་ཉིན་མོ་རེད།
བདུན་ནི་གྲངས་ཀ་ཡ་མཚན་ཞིག་ཡིན་པ་སྔོན་ཆད་ཅིག་ལ་ངས་དུས་བབ་གསར་ཤོག་སྟེང་བྲིས་ཡོད།
བདུན་པ་ལ་བསོད་དེའི་གྲངས་ཀ་ཡང་ཟེར་གི་རེད།
ད་ང་ལ་བསམ་བློ་གཞན་ཞིག་འཁོར་གི་འདུག དེ་ག་རེ་ཡིན་མིན་ཚོད་དཔག་རེ་གནང་རོགས།
སང་ཉིན་ནས་ཉིན་གསུམ་གྱི་རིང་བོད་མི་སྤྱི་བོ་གནམ་བསྟན་ཡོངས་ནས་༸གོང་ས་མཆོག་ལ་ནོར་སྦེལ་ཞི་བདེའི་གཟེངས་རྟགས་ཕུལ་ནས་ལོ་ངོ་ཉི་ཤུ་འཁོར་བའི་དུས་དྲན་སྲུང་རྩི་ཞུ་རྒྱུ་མཁྱེན་གསལ་ལྟར་ན། དྲ་གྲོགས་ཚོས་སྐྱ་རེངས་ཟིན་བྲིས་སྟེང་༸གོང་ས་མཆོག་ལ་འཚམས་འདྲིའི་བསྟོད་ཚིག་སོགས་རེ་གཉིས་ལས་མ་བྱུང་ཡང་གནང་རོགས།
སྐུར་ཡུལ་
kyareng@gmail.com
ཟིན་བྲིས་ཀྱི་དྲ་ཚིག་ཁ་བྱང་
http://kyareng.blogspot.com/
སྤུན་ཟླ་ཚོ། སང་ཉིན་ཕྱི་དྲོ་ཚོུད་དྲུག་པ་ཙམ་ལ་བོད་གཞུང་ཟློས་གར་དུ་བོད་ནས་གསར་དུ་ཕེབས་པའི་ཆབ་སྲིད་བཙོན་ཟུར་གཉིས་ཀྱིས་དང་བླངས་ཀྱི་སྒོ་ནས་ (གདུང་སེམས་མཉམ་སྐྱེ་ )ཞེས་པའི་ལ་རྒྱའི་ཟློས་གར་ཞིག་འཁྲབ་སྟོན་གནང་རྒྱུ་རེད་འདུག་པས་བོད་མི་གང་མང་མང་ཕེབས་ཐུབ་པའི་རེ་བ་ཞུ། ཐུགས་རྗེ་ཆེ།
གསོལ་འདེབས།
ང་ཡི་བླ་མ་བླ་མའི་མཆོག་ཡིན།།
སྙིང་རྗེའི་ལྟ་གྲུབ་ད་ལྟའི་བརྒྱན་ཡིན།།
རུས་མེད་བརྩེ་བ་ཅན་གྱི་མགོན་ཡིན།།
ཤི་ན་གསོན་ན་རེ་ས་ཁྱོད་ཡིན།།