ཡུལ་སྐད་འགྲན་བསྡུར།

བཀྲ་ཤིས་དོན་གྲུབ་ལགས། ཡུམ་སྐད་མ་རེད་ཡུལ་སྐད་རེད། ཡུམ་སྐད་ཟེར་ན་བོད་སྐད་ལ་གོ་བ་དང་ཡུལ་སྐད་ཟེར་ན་ཡུལ་ལུང་སོ་སོའི་སྐད་ལ་གོ། དེ་གཉིས་ལ་སྤྱི་བྱེ་བྲག་གི་ཁྱད་པར་ཡོད་རེད།

གོང་གི་བྱ་བཞག་འདི་འདྲ་གཉེར་བ་ལ་བསྟོད་བསྔགས་ཞུ་དགོས་པ་ཤ་སྟག་རེད། འོན་ཀྱང་བསམ་གཞིགས་བྱེད་དགོས་པ་ཞིག་ལ་དོན་ངོ་མའི་ལན་ལེན་ཐོག་ལ་ལྷ་ས་ནས་ས་སྐྱེས་རྡོ་སྐྱེས་ཡིན་པའི་དབུས་པ་གཙང་མ་ཞིག་གིས་ཐབས་ལམ་ཅི་འདྲ་ཞིག་སྤྱད་ཀྱང་ཁམས་དང་ཨ་མདོའི་ཡུལ་སྐད་སྒྲ་དག་གསལ་གསུམ་ཐོན་པའི་སྨྲ་བརྗོད་ཅིག་ཡོད་མི་སྲིད། དེ་བཞིན་དུ་ཁམས་དང་ཨ་མདོའི་ས་སྐྱེས་རྡོ་སྐྱེས་ཞིག་གིས་ཀྱང་འབད་པ་ཅི་ཙམ་བྱས་རུང་ལྷ་ས་བའི་དབུས་སྐད་ལྟ་བུ་ཞིག་བཤད་མི་ཐུབ་པ་ཁ་ཚོན་བཅད་ནས་བཤད་ཐུབ། ༼ཨ་མདོ་ཞིག་ལ་གཞི་བཞག་༽དེའི་ཐད་དུ་འདི་ལྟར་གང་ཟག་ག་གེ་མོས་བཤད་ཐུབ་ཀྱི་འདུག་ཅེས་བརྗོད་ན་དེ་ཡང་ཞིབ་ཏུ་བརྟགས་ཏེ་དབུས་པ་ཞིག་དང་བསྡུར་ན་ཧེ་བག་ཆེན་པོ་ཡོད།

ལས་འགུལ་དེ་འདྲའི་རིགས་དེ་དུས་སྐབས་འདིར་གནད་དུ་ཁེལ་བའི་བྱ་བ་ཞིག་རེད།
བཙན་བྱོལ་ནང་དུ་འང་ལས་འགུལ་དེ་འདྲ་སྤེལ་ཐུབ་པ་བྱེད་དགོས་ངེས་རེད།

ཡུལ་སྐད་རེད་དམ་ཡུམ་སྐད་རེད་།

ལས་དེ་ལ་གུས་པས་ཡི་རངས་བསྔགས་བརྗོད་ཞུ་བཞིན་ཡོད་པ་མ་ཟད།
ང་ཚོས་རང་དབང་ལུང་པའི་ནང་དུ་འདི་ལྟ་བུའི་འགུལ་འགའ་རེ་སྤེལ་མི་ཐུབ་པ་དེ་རྒྱུ་རྐྱེན་གང་ལ་ཐུག་ཡོད་པ་རེད། ཞེས་དྲི་བ་ཞིག་ཀྱང་རང་བཞིན་གྱིས་འདོན་དགོས་བྱུང་སོང་།

འབྲོག་ཁྱི་ལགས་ཀྱིས་གསུངས་པ་བདེན་པ་རེད། ཡིན་ཡང་། ང་ནང་བཞིན་ཡིག་ནོར་འབྲི་མཁན་ཞིག་རེད། དེ་ནི་སེམས་པ་སྐྱོ་བ་ཞིག་ལོས་ཡིན། སེམས་ཤུགས་ནི་སླད་མེད་རེད་འདུག

བསེ་རུ་ལགས་ཀྱི་ལྷག་བསམ་ལ་ནམ་ཡང་འགྱུར་བ་མེད་པ་དེར་དངོས་ནས་དགའ་བོ་ཡོད་ལ། མུ་མཐུད་དུ་ཤུ་རེ་བྱེད་རོགས་ཞུ།

གངས་མྱུག་ལགས་ཀྱི་སྐད་ཆ་དེ་ནི་བོད་མི་མི་ཉུང་བ་ཞིག་གི་སེམས་ཁོང་དུ་འཁོར་ནས་མི་ཉུང་བ་ཞིག་གསུངས་ཟིན་པ་རེད་དེ། བཤད་མཁན་ང་ལྟ་བུ་ལས་སྒྲུབ་མཁན་བསེ་རུ་ལྟ་བུ་རེ་གཉིས་ལས་མེད་སོང་བ་དེ་ནི་གྱོང་རྒུད་དུ་ཆགས་ཡོད་པ་རེད།

“ཡི་གེ་འབྲི་ཀློག་སྐབས་སུའང་དག་ཆར་དོ་སྣང་སྤྲོད་དགོས་པའི་བསླབ་བྱ་ལམ་སྟོན་གནང་ཡོད་འདུག་”ཞེས་པའི་ལམ་སྟོན་བསླབ་བྱ་འདིས་བོད་ནང་དུ་ཡང་ཡིག་ནོར་གྱི་དཀའ་ངལ་དེ་ཇེ་ཆེར་འཕྲད་ཀྱིན་ཡོད་པ་རྟོགས་ཐུབ། དེར་བརྟེན།
བོད་ཕྱི་ནང་གཉིས་ཀའི་ཤེས་ཡོན་ཅན་ཚོས་ཡིག་ནོར་ལ་ཐུགས་གཟབ་མ་གནང་ན། ནམ་ཞིག་ང་ཚོའི་མིག་མདུན་དུ་སྣང་བ་ནི་ཡིག་ནོར་དང་། སེམས་ངོགས་སུ་འཆར་བ་ནི་དོན་ལོག་ནག་ནོག་གི་རི་མོ་འབའ་ཞིག་ཏུ་འགྱུར་སྲིད། །