རྒྱ་ནག་ཞི་ཧྭ་གསར་ལམ་དུ་གནས་ཚུལ་བཀོད་པ་ལྟར་ན། ཟླ་འདིའི་ཚེས་ ༡༢ ནས་ ༡༥ བར་བོད་རང་སྐྱོང་ལྗོངས་མངའ་རིས་ས་ཁུལ་དང་གཞིས་རྩེ། སྤུ་ཧྲིང་། གཉའ་ལམ། འབྲོང་པ་རྫོང་བཅས་སུ་ཁ་བ་ཆེན་པོ་བབ་ཡོད་པ་དང་། མངའ་རིས་ས་ཁུལ་གྱི་གནམ་གཤིས་ཧ་ཅང་ཇེ་འཁྱག་ཏུ་ཕྱིན་ཏེ། ཀོར་ཐིག་འོག་གི་ཚད་ ༢༩ ཙལ་ལ་སླེབས་ཡོད་འདུག དེ་བཞིན་ལམ་ཁ་མང་པོར་གངས་རྩེག་བརྒྱབས་ཏེ་འགྲིམ་འགྲུལ་ལ་འགོག་རྐྱེན་བཟོས་ཡོད་ཚུལ་བཀོད་འདུག འོན་ཀྱང་ས་གནས་མང་ཚོགས་དང་ཕྱུགས་རིགས་ལ་གྱོང་གུད་ཐེབས་ཡོད་མེད་སོགས་ཀྱི་གནས་ཚུལ་མི་འདུག གནས་ཚུལ་དེའི་ནང་མུ་མཐུད་བཀོད་པ་ལྟར་ན། ཕྱི་ཚེས་ ༡༨ ཉིན་ནས་སླར་ཡང་ས་ཁུལ་དེ་དག་ནང་ཁ་བ་འབབ་རྒྱུ་ཡིན་དང་། དེ་དང་མཉམ་དུ་རླུང་འཚུབ་ལྡང་སྟེ་ས་ཁུལ་འགའ་རེ་ཡི་ལམ་ཁ་དང་འབྲོག་པའི་ཕྱུགས་རྭ་བཅས་སུ་གངས་གསོག་རྒྱག་སྲིད་སྟབས། ས་གནས་མི་དམངས་ཀྱིས་དོ་སྣང་དང་གྲ་སྒྲིག་དགོས་པའི་ཉེན་བརྡ་བཏང་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་གྲོགས་ཚོ་འདིར་ངས་དེབ་སྐྱེལ་བྱེད་སྐབས་ནོར་འཁྲུལ་སོང་ནས་ཡི་གེ་གཅིག་ཐེང་ཁ་བཏངས་ཟིན་འདུག དེ་ལ་དགོང་དག་ཞུ་གི་ཡིན།
ཆུ་ཐིགས་སྔོན་མོའི་གསུངས་པ་ནང་བཞིན་རེད། བོད་སྐད་དག་མ་བཤད་མཁན་སུ་ཞིག་ཡིནའང་། ཁ་བ་བབས་ཟེར་བ་མ་གཏོགས་ ༼ གངས་བརྒྱབས ༽ ཟེར་བ་གཞི་ནས་གོ་མ་མྱོང་། དུང་བོད་མི་འགའ་ཞིག་གི་འབྲི་གཡག་སོ་སོ་མི་ཤེས་པར་གཡག་བཞོ་ཟེར་བ་དང་།
མ་ཟད་འབྲི་མར་གཡག་མར་ཟ་སོགས་ཟེར་བ་དངོས་སུ་ཐོས་བྱུང་། གཡག་གི་མར་དང་གཡག་གི་ཆུར་བ་དེ་ད་སྔ་བོད་པ་སུས་ཀྱང་ཟ་མ་མྱོང་བའི་ཟས་ཞིག་ཡིན་སྲིད། ཧ་ཧ་ཧ་
ཡིད་སྐྱོ་བ་ཞིག་ལ་་་་དེང་སྐབས་ཁ་སྐད་ཀྱིས་ཡིག་སྐད་ལ་བཙན་རྒོལ་བྱེད་ཀྱིན་འདུག་་་་་་སྤྱིར་བཏང་གངས་ཟེར་བ་རིའི་རྩེར་ཆགས་པའི་ཁ་བ་ལ་ཟེར་ཞིང་།་ གནམ་ནས་འབབ་དུས་ཁ་བ་དང་རི་རྩེར་ཆགས་དུས་གངས་ཞེས་ཐ་སྙད་མི་འདྲ་བ་ཡོད་ཀྱང་་་ཕལ་སྐད་སྤྱོད་དྲགས་པས་་་དེང་སྐབས་ཚང་མས་གངས་འབབ་ཀྱི་འདུག་ཅེས་་་རྒྱུ་འབྲས་གོ་ལྡོག་འདུག་པས་འདི་ལྟར་བཞག་ན་ནམ་ཞིག་ཡིད་རྟོན་བྱེད་སའི་སྐད་ཡིག་ཅིག་ཡོང་རྒྱུ་མ་རེད་ཡཱ
དྲ་གྲོགས་ ཀརྨ་རྡོ་རྗེ་ལགས།
ཁྱེད་ལ་བཀྲ་ཤིས་བདེ་ལེགས་ཞུ།
རེ་བསྐུལ་ཞིག་ལ་ ཁྱེད་ཀྱི་ངོ་སྤྲོད་བཟོ་བཅོས་རྒྱག་ ཞེས་པ་ནང་ཕེབས་ཏེཁྱེད་ཀྱི་མིང་དེ་བོད་མིང་དུ་འགོད་གནང་ན་ལེགས་པོ་འདུག་ལགས།
ད་ལོ་གངས་དང་ཆུ་ལོག་ས་ཡོམ་སོགས་ཀྱི་གནོད་སྐྱོན་འཚབ་ཆེན་པོ་བྱུང་དང་འབྱུང་བཞིན་པའི་གནས་ཚུལ་མང་གྲགས་ནས་བསམ་བློ་བཏང་ཚད་མི་ཟིན་གི་ད་ག་རེ་བྱེད།
བོད་མི་སྐྱབས་བཅོལ་པ་ཚོས། ཡོ་རོབ་དང་ཨ་རི་སོགས་ལ་ཁ་བའི་གནོད་སྐྱོན་སྐོར་སེམས་ཁྲལ་ཆེར་མི་དགོས་པ་འདྲ་ཡང་། ནམ་ཟླ་དགུན་གསུམ་བོད་ཡུལ་ཁ་བའི་བཟུང་ན་མི་དང་ཕྱུགས་ལ་གནོད་ངེས་ཅན་རེད།
བོད་མི་སྐྱབས་བཅོལ་པ་ཚོས། ཡོ་རོབ་དང་ཨ་རི་སོགས་ལ་ཁ་བའི་གནོད་སྐྱོན་སྐོར་སེམས་ཁྲལ་ཆེར་མི་དགོས་པ་འདྲ་ཡང་། ནམ་ཟླ་དགུན་གསུམ་བོད་ཡུལ་ཁ་བའི་བཟུང་ན་མི་དང་ཕྱུགས་ལ་གནོད་ངེས་ཅན་རེད།
ཡོ་རོབ་དང་ཨ་རི་སོགས་ལ་ཁ་བའི་གནོད་སྐྱོན་སྐོར་སེམས་ཁྲལ་ཆེར་མི་དགོས་པ་འདྲ་ཡང་། ནམ་ཟླ་དགུན་གསུམ་བོད་ཡུལ་ཁ་བའི་བཟུང་ན་མི་དང་ཕྱུགས་ལ་གནོད་ངེས་ཅན་རེད།
བོད་མི་སྐྱབས་བཅོལ་པ་ཚོས། ཡོ་རོབ་དང་ཨ་རི་སོགས་ལ་ཁ་བའི་གནོད་སྐྱོན་སྐོར་སེམས་ཁྲལ་ཆེར་མི་དགོས་པ་འདྲ་ཡང་། ནམ་ཟླ་དགུན་གསུམ་བོད་ཡུལ་ཁ་བའི་བཟུང་ན་མི་དང་ཕྱུགས་ལ་གནོད་ངེས་ཅན་རེད།
ད་ཡིན་ན་ད་ལོ་ཡོ་རུབ་ལ་གངས་འཁྱགས་ཀྱི་རྐྱེན་གྱིས་མི་མང་པོ་འཁྱག་ཤི་ཐེབས། མེ་གླིང་ལ་ཡང་ཁ་བ་ཆེན་པོ་བསྟུད་མར་བབས། བོད་ལ་ཡང་ཁ་བ་ཆེན་པོ་བབས། གོ་ལའི་ཚ་ཚད་འཕར་བཞིན་པའི་ཐོག་ཏུ་གྲངས་ཚད་དེ་ཡང་འཕར་གྱིན་ཡོད་ངེས་རེད། ད་མགྱོག་པར་གནམ་གཤིས་ཚན་རིག་པ་ཚོས་འཁྱགས་པའི་དུས་རབསIce ageཞིག་མགྱོག་པོར་ཤར་རྒྱུའི་ཉེན་བརྡ་གཏང་མི་སྲིད་པ་མ་རེད།
འབྱུང་བ་དགྲར་ལངས་ས་བཅུད་ཉམས་པའི་ཚེ། །སེམས་ཅན་མུ་གེ་ནད་ཀྱིས་ཉེན་པ་ན། །ཡིད་གཉིས་ཐེ་ཚོམས་མེད་པར་གསོལ་བ་ཐོབས། །
ཅེས་དང་། ཁ་ཆར་བུ་ཡུག་འཚུབས་ཤིང་ལམ་འགག་ན༎ཡིད་གཉིས་ཐེ་ཚོམས་མེད་པར་གསོལ་བ་ཐོབས༎ཅེས་པ་དེ་ཚོ་རེ་བཏོན་ན་ཅང་ཕན་ནམ།
སྐྱབས་མགོན་མཁྱེན། གོར་ཐིག་མན་གྱི་ཨང་29་ཟེར་དུས་ཅི་འདྲ་ཞིག་མི་གྲང་ངམ། ད་དུང་གངས་གསོག་བརྒྱབ་ཚེ་ས་ཁུལ་མང་པོར་གནོད་སྐྱོན་ཚབས་ཆེན་འབྱུར་སྲིད་ཀྱི་རེད། འགྲུལ་འགྲིམ་ལམ་ཁ་འགག་སོང་ན་དཀའ་ངལ་འཕྲད་རྒྱུ་ཡིན་པ་མ་ཟད། རྒྱ་བཙོག་འདི་ཚང་གིས་གསང་བ་ཡང་དེ་བས་བྱེད་སླ་བར་འགྱུར་རྒྱུ་རེད།
་་་་་་་་་་་་་་་་་་་་་་་་་་་་་་་་་གྲོགས་་་་་་་་་་་་་་་
ལྷས་གྲོགས་མཛོད། །
འབྱུང་བཞིའི་ལྷ་སོགས་མྱུར་དུ་མཛོད་ཅིག །