ཉེ་ཆར་རྒྱ་ནག་ཧྲིན་ཀྲིན་གྲོང་ཁྱེར་ཕྱི་ཕྱོགས་རིག་གནས་བརྗེ་རེས་མཐུན་ཚོགས་དང་། རྒྱང་བསྒྲགས་བརྙན་འཕྲིན་ཚན་པ། རིག་གནས་སྒྱུ་རྩལ་ལྷན་ཚོགས། གློག་བརྙན་འཕྲིན་མཐུན་ཚོགས་བཅས་ཀྱི་གོ་སྒྲིག་འོག རྒྱ་ནག་རྒྱལ་ཡོངས་གློག་བརྙན་དང་། བརྙ་འཕྲིན་ཟློས་གར་འགྲན་བསྡུར་ཐེངས་གཉིས་པ་དེ་རྒྱ་ནག་ཧྲིན་ཀྲིན་གྲོང་ཁྱེར་ནས་བསྡུས་ཡོད་པ་དང་། ཐེངས་འདིའི་བྱ་འགུལ་ཁྲོད་བོད་ཀྱི་གློག་བརྙན་འཁྲབ་ཁྲིད་པ་དང་། གར་ཆུང་སྐྱུ་རྩལ་པ་ཞི་བདེ་ཉི་མས་ཕབ་སྐྲུན་བྱས་པའི་༼ རྟ་མགྲིན་བཟང་མོ ༽ ཞེས་དེར་དངོས་བྲིས་གློག་བརྙན་གྱི་བྱ་དགའ་ཨང་གཉིས་པ་དེ་ཐོབ་ཡོད་འདུག
གློག་བརྙན་འདི་ལས་སློབ་གྲྭར་འགྲོ་མ་ཐུབ་པའི་བོད་རིགས་བུ་མོ་རྟ་མགྲིན་བཟང་མོ་ཟེར་བ་ཞིག་གིས་རང་ཁྱིམ་དང་རྒྱང་ཐག་སྤྱི་ལེ་སུམ་ཅུའི་མཚམས་སུ་ནོར་ནག་ཁྱུ་ཞིག་དང་མཉམ་དུ་ཁེར་རྐྱང་གི་འཚོ་བ་རོལ་བཞིན་པ་གཞིར་བྱས་ཏེ། ཁོ་མོའི་ཞུ་དལ་བག་ཕེབས་ཀྱི་གཤིས་ཀ་དང་བཟོད་སྒོམ་ངང་རིང་གིས་བསྐྱལ་བའི་འཚོ་བ། མི་དང་རང་བྱུང་ཁམས་བར་གྱི་ཞི་མཐུན་གཅེས་འཛིན་སོགས་མངོན་པར་མཚོན་ཡོད་འདུག ཐེངས་འདིར་དཔྱད་འདེམ་པ་དག་གིས་བོད་རིགས་གཞོན་ནུ་མ་རྟ་མགྲིན་བཟང་མོའི་འཚོ་བ་ལས་བོད་པའི་འབྲོག་ཕྱོགས་ཀྱི་འཚོ་བ་དངོས་མ་ཞིག་གི་ད་ཡོད་ཀྱི་གནས་ཚུལ་དང་། ཕུན་སུམ་ཚོགས་པའི་ནང་སེམས་ཀྱི་འཇིག་རྟེན་མཐོང་ཚོར་ཐུབ་པ་དང་། ད་དུང་གློག་བརྙན་འདིའི་གཞན་དང་མི་མཚུངས་བའི་སྒྱུ་རྩལ་གྱི་ཐབས་ལམ་དང་མཚོན་སྟངས་གསར་བ་སོགས་ཀྱི་དགེ་མཚན་ལ་གཅིག་མཐུན་གྱི་བསྔགས་བརྗོད་དང་། གདེང་འཇོག་ཐོབ་སྟེ་དངོས་བྲིས་གློག་བརྙན་གྱི་བྱ་དགའ་ཨང་གཉིས་པ་དེ་སྤྲད་ཡོད་འདུག
བོད་རིགས་སྒྱུ་རྩལ་པ་ཞི་བདེ་ཉི་མས་ད་བར་ཁ་ཤག་དང་གར་ཆུང་། གཏམ་བརྗོད། གླུ་གཞས། རྡུང་ལེན་སོགས་ཀྱི་བརྩམས་ཆོས་མང་པོ་ཞིག་བཏོན་ཡོད་ལ། ལྷག་པར་དུ་འཁྲབ་གཞུང་དང་འཁྲབ་ཁྲིད། འཁྲབ་སྟོན་སོགས་བྱས་པའི་གློག་བརྙན་༼ བྱུ་རུའི་སྐེ་རྒྱན ༽ དང་། ༼ རྫི་གླུ ༽ ༼ ཁྱིམ ༽ བརྙན་འཕྲིན་ཟློས་གར་ ༼ མོ་སྟོན་ཕག་མགོ ༽ ༼ ལམ ༽ ༼ རྟ་མགྲིན་བཟང་མོ ༽ སོགས་ཕབ་སྐྲུན་བྱས་མྱོང་ལ། ལྷག་པར་དུ་བརྙན་འཕྲིན་ཟློས་གར་ ༼ བྱུ་རུའི་སྐེ་རྒྱན་ ༽ དང་། ༼ མོ་སྟོན་ཕག་མགོ ༽ གཉིས་ལ་སྤྱི་ཚོགས་ནང་དགའ་བསུ་ཆེན་པོ་ཐོབ་ཡོད། ཁོའི་བརྩམས་ཆོས་སྣ་ཚོགས་ལ་རྒྱལ་ཁབ་དང་ཞིང་ཆེན་རིམ་པའི་བྱ་དགའ་གང་མང་ཐོབ།
དང་ཐོག་ངས་ཞི་བདེ་ཉི་མ་ལགས་ལ་སླད་མེད་ཀྱི་དགའ་བསུ་དང་སྒྲགས་ཏེ་ད་དུང་མུ་མཐུད་ནས་མདུན་བསྐྱོད་ཀྱི་གོམ་འགྲོས་རེ་བྱེད་ཐུབ་པའི་རེ་བ་འབོད་སྐུལ་ཤུགས་ཆེ་ཡོད།
ཨ་ཁུ་ཞི་བདེར་བཀྲ་ཤིས་བདེ་ལེགས་ཞུ་བ་དང་ཆབས་ཅིག མ་འོངས་མུ་མཐུད་བོད་གངས་ཅན་གྱི་གཟིགས་མོ་བའི་སྤྱན་སྔར་མོ་སྟོན་ཕག་མགོ་དང་རྟ་མགྲིན་བཟང་མོ་ལྟ་བུའི་དགོད་སྒྲུང་བརྙན་འཕྲིན་དང་འཁྲབ་གཞུང་བརྩམ་ཆོས་གང་མང་སྟོན་ཐུབ་པའི་རེ་བ་དང་ཡིད་ཆེས་ཡོད།
ངས་དེ་རིང་ཞི་བདེ་ཉི་མའི་པར་འདི་མཐོང་མ་ཐག་《ཨ་ཁུ་སྤྱང་ཁུ་ལ་སློབ་སྦྱོང་བྱེད་དགོས》པའི་ཁོང་གི་སྙན་ངག་དེ་དྲན་སོང་།
རྟེན་འབྲེལ་ཞུ། བྱ་བ་ལམ་འགྲོ་ཡོང་བར་སྨོན།
ཞི་བདེ་ཉི་མའི་ཀྱག་ཀྱོག་གི་རྐང་ལམ་རིང་མོའི་ཁྲོད་’སྡང་སྡིག་’གི་ལན་ཆག་མང་པོ་མྱངས་ཡོད་པས།་ད་ནི་ཁོ་ལ་འདི་ལྟ་བུའི་གཟི་བརྗིད་ཀྱི་མིང་བྱང་རིང་པོ་ཞིག་ཐོབ་འོས་ལ་ཐོབ་ཀྱང་དགོས་ཨང་།འདིས་ནི་ང་ཚོར་མི་ཟེར་བ་འདིས་ཅི་ཡང་འཇོན་ལ་ཅི་ཡང་བསྒྲུབ་ཐུབ་པོ་ཞེས་པའི་བློ་ས་གསར་བ་ཞིག་ཕུལ་བ་མ་ཡིན་ནམ།
བཀྲ་ཤིས་བདེ་ལེགས།
ཨ་ཁུ་ཞི་བདེ་ཉི་མ་ལགས་ཀྱིས་དཀའ་སྤྱད་ཀྱི་འབྲས་བུ་དངོས་སུ་སྨིན་པ་ལ་སེམས་གཏིང་ནས་་དགའ་བསུ་ཡོད།བོད་རིགས་སྒྱུ་རྩལ་པ་འདི་འདྲའི་མང་པོ་བྱུང་ན་དགའ་པ་ལ།
ཞི་བདེ་ཉི་མ་ནི་བོད་ཀྱི་གློག་བརྙན་འཁྲབས་སྟོན་པ་ཨང་དང་པོ་ཡིན་ངེས་རེད།
ཁོས་བོད་སྐད་བཤད་སྐབས་སྨྲ་ལྕེ་བདེ་ལ་བོད་སྐད་གཙང་མ་གཙང་སྐྱང་དང་། མ་ཟད་བོད་རིགས་སྤྱི་ལ་ཕན་པའི་བསླབ་བྱ་དང་རིག་གནས་སོགས་དངོས་སམ་བརྒྱུད་ནས་ཕན་ཐོག་ངེས་པའི་འཁྲབས་གཞུང་བསྒྲིགས་འཛུགས་ལེགས་པོ་ཡོད།
ཨ་ཁུ་སྤྱང་ཁ་ལ་བཀྲ་ཤིས་བདེ་ལེགས་ཞུ
དངོས་གནས་དགའ་འོས་པ་ཞིག་རེད ་ སྒྱུ་རྩལ་བ་ཁོང་ལ་འཚམས་འདྲིའི་བཀྲ་ཤིས་བདེ་ལེགས་ཞུ། མ་འོངས་པའི་ལས་དོན་ཐམས་ཅད་གེག་མེད་ལམ་ལྷོང་ཡོང་བའི་སྨོན་འདུན་ཞུ།
ཞི་བདེ་ཉི་མར་བྱ་དགའ་ཐོབ།།
དེ་ལ་བཀྲ་ཤིས་རྟེན་འབྲེལ་ཞུ།།
བརྙ་འཕྲིན་མ་དག་བརྙན་འཕྲིན་དག།
ཞུ་དལ་མ་དག་ཞི་དུལ་དག།
དེས་ན་དུས་བབ་རྩོམ་སྒྲིག་པས།།
བཟོ་བཅོས་ཐུགས་ལ་འདོགས་འཚལ་ཞུ།།
བཅོས་པའི་རེ་བ་སྔོན་ནས་ཤི།
མ་བཅོས་སེམས་འདིས་ཞུ་བར་སྐུལ།།
སྒྱུ་རྩལ་བ་ཞི་བདེ་ཉི་མ་ལགས་ཀྱི་མ་འོངས་བྱ་གཞག་ཚང་མ་ལམ་ལྷོང་ཚུལ་བཞིན་ཡོང་བའི་སྨོན་འདུན་དང། ཐེངས་འདིའི་ཁོང་གི་རྒྱལ་ཁ་ལ་འཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ།
གལ་སྲིད་ཁོང་བཙན་བྱོལ་ནང་བཞུགས་ཡོད་ན་ཁོང་གིས་ང་ཚོའི་སྤྱི་ཚོགས་འདིའི་ནང་དུ་སྒྱུ་རྩལ་ལྡན་པའི་གློག་བརྙན་འཁྲབ་སྟོན་སོགས་སྤྱི་ཚོགས་ལ་ཞབས་འདེགས་ག་ཚོད་ཅིག་ཞུ་ཐུབ་བམ། ཁོང་འདྲ་བ་ང་ཚོའི་བཙན་བྱོལ་ནང་དགོས་མཁོ་འདུག་གམ། དྲ་གྲོགས་ཚོ།
ད་དུང་བྱ་དགའ་གང་མང་ཐོབ་པའི་སྨོན་འདུན་ཞུ།
སྙན་ངག་ཨ་ཁུ་ཞི་བདེ་ཉི་མས་གློག་བརྙན་བྱ་དགའ་བླངས་པར་སེམས་གཏིང་ནས་རྟེན་འབྲེལ་ཞུ།
སྐྱུ་རྩལ་པ། སྒྱུ་རྩལ་པ།
ཞི་བདེ་ཉི་མས་སྒྱུ་རྩལ་དང་ཡུན་རིང་འགྲོགས་པའི་མཐར།
དེ་རིང་འདི་ལྟར་སྙན་པའི་གྲགས་པ་འབར་སྐབས།
རང་ཉིད་ཀྱི་མི་ཚེའི་དཀའ་སྡུག་གི་ཁྲོད་ནས།
མི་ཚེའི་རིན་ཐང་དང་སྤོབས་པ་ཞིག་རྙེད།
དེ་རིང་བོད་རིགས་སྒྱུ་རྩལ་པ་ཁོང་ལ་གྲུབ་འབྲས་འདི་ལྟར་ཐོབ་པར་སྙིང་དབུས་ནས་བཀྲ་ཤིས་བདེ་ལེགས་ཞུ།།
ཞི་བདེ་ཉི་མ་ལགས་ཀྱིས་ལས་དོན་འདིར་ལམ་ལྷོངས་བྱུང་བ་དེར་དགའ་བསུ་ཡོད།
ཞི་བདེ་ཉི་མ་ལགས་ལ་ཐེངས་འདི་བྱ་དགའ་ཨང་གཉིས་པ་ཐོབ་པར་སྙིན་དབུས་ནས་འཚམས་འདྲི་གྲངས་མེད་ཞུ།
གློག་བརྙན་འདི་རྒྱ་སྐད་དང་བོད་སྐད་གང་ཡིན་ནམ།