མི་ཟེར་བའི་རང་དབང་ལ་ཚད་ཅིག་དགོས་སམ་ཅི།

བསང་ཆུ་འབྲུག་བྷེ་ལགས། སྐུ་ཉིད་ནས་ལན་གནང་བ་དེར་དགའ་ཡོད། རེ་སྐུལ་དེ་ཡང་སེམས་སུ་བཟུང་ཡོད། གང་ཐུབ་ཅིག་ཤུ་རེ་བྱེད་ངེས་ཡིན། ལྷག་པར་དུ་ཉིད་ཀྱིས་ཀྱང་དུས་ཚོད་གང་ཁོམ་ལ་འདི་རུ་ཕེབས་ནས་རང་གི་ཁོག་དུ་སྤས་པའི་བོད་མི་རིགས་ལ་བཅིངས་པའི་མདུན་པ་དེ་རུལ་དུ་མ་བཅུགས་པར་གླེང་མོལ་རེ་བྱེད་རྒྱུ་དེ་ནི་བདག་གིས་ཉིད་ལ་རེ་སྐུལ་ཞུས་པ་ཡིན་ལགས།

གངས་སྒྲོན་ལགས། བདེ་མོ་སྐྱིད་པོ་ཡིན། ཉིད་ནས་དེ་རིང་འཚམ་འདྲི་བྱེད་དུ་འོང་བ་འདིས། ངའི་མིག་ལམ་དུ་རྒྱ་གར་ལྡི་ལིའི་སྣེ་ལེན་ཁང་གི་སྒོ་འགྲམ་གྱི་འུ་ཅག་འདུས་མྱོང་བའི་འཚོ་བ་དེ་མིག་ལམ་དུ་ཤར་མར་མངོན་དེ་འོང་དུས། དེ་རིང་ནི་ཁྱེད་རང་ཁ་སང་གི་བུད་མེད་དེ་ལས་ཀྱང་བརྒལ་བའི་བུད་མེད་གཞན་ཞིག་གི་ཞལ་གཟུགས་བླངས་ཟིན་པ་རྟོགས་ན་ཡང་། ཕྱིར་དྲན་འདིས་ད་དུང་ཡང་། ངས་ཁྱེད་རང་རྡ་ས་ནས་མཇལ་མྱོང་བའི་སྐོར་རེ་ཟུང་དྲན་དུ་བཅུགས་སོང་། གང་ལྟར། འདས་པ་ལ་ཕྱིར་ཡོང་མེད་ལ། ཕྱིར་དྲན་ལ་རིན་ཐང་ཡོད་མེད་ཀྱང་མི་ཤེས། དེ་རིང་ཁྱེད་ཉིད་ཐོག་མར་ངེད་ཚང་དུ་ཡོང་ནས་འཚམ་འདྲི་བྱས་པ་དངོས་ནས་དགའ་བོ་བྱུང་། ཐུགས་རྗེ་ཆེ་ལགས། ཁྱེད་ཀྱིས་དེང་སང་ལས་ཀ་ག་རེ་བྱེད་ཀྱི་ཡོད་དམ། དེ་ཡི་སྐོར་ལ་ལན་སྟབས་བདེ་ཞིག་གནང་བར་དཀའ་ངལ་འདྲ་མེད་ན་གནོང་རོགས་ཞུ།

བསང་ཆུ་འབྲུག་བྷེ་ལགས། ཡུན་རིང་ཞིག་ལ་རིག་རྒྱུ་མཐོང་རྒྱུ་མེད་ཀི དེ་རིང་འདི་ནས་མཐོང་བ་དགའ་ཡོད། བདེ་མོ་ཡིན་བཞག དེང་སང་གང་དུ་ཡོད། ཅི་བྱེད་ཀྱི་ཡོད། དེ་ཡི་སྐོར་ཞིག་གསུང་ན་འགྲིག་གི་ཡོད་དམ། ཡོད་ན་གསུང་རོགས་ཞུ། མི་འགྲིག་ན་མ་གསུང་ཡང་ཆོག

སྙན་ངག་ཡག་པོ་ཞིག་འཁྱོངས་འདུག བརྩེ་དུང་གི་རྒྱལ་སྲས།

བྲག་འགོ་དཀོན་མཆོག་དར་རྒྱས་ལགས། བསྟོད་པ་སྤུས་གཙང་ཞིག་བྱེད་རྒྱུ་རྙེད་ནི་མ་རེད་ལགས། གང་ཡིན་ཟེར་ན་ང་རང་ལ་བསྟོད་བསྔགས་བྱེད་སའི་བྱས་རྗེས་དེ་འདྲ་གང་ཡང་ཡོད་ནི་མ་རེད་ལགས། དཀའ་ལས་མ་རྒྱགས་མ་གཏོགས་རྗེས་སུ་ངས་དཀའ་ལས་བརྒྱབ་ནས་ཁག་སོང་ཟེར་ནས་ང་ལ་ལེ་བདའ་བྱེད་དགོས་ཐུག་ཡོང་། ཧཧཧཧ

རྨེ་རུ་ལགས། ངེད་ཚང་དུ་བོད་ཇ་འཐུང་དུ་ཕེབས་པ་སྤྲོ་ཡོད། ཡིན་ཡང་། ཁོམ་པ་བྱུང་དུས་སུ་ཕེབས་ནས་བསམ་ཚུལ་ཉུང་ངུ་རེ་གསུང་རྒྱུ་མ་བརྗེད་ཅིག་ལགས།

ཞི་མོ་སྐུར་རྒྱུ་ཁས་ལེན་བྱས་དང་ཐལ།།
རིལ་རིལ་ནར་ནར་གང་ཡིན་ཁྱོད་ཀྱིས་ལྟོས།།
ང་ལ་དགོས་པ་འོག་གི་བཟང་ས་ཡིན།།
བཟང་སས་འཆམ་པོ་བྱུང་ན་དེ་གས་ཆོག།

ཅོ་རི་ཉི་མ་ལགས། རྒྱ་དམར་པོའི་རང་དབང་ཚོད་འཛིན་བྱེད་སྟངས་དེ་ནི་དངོས་ནས་གནས་ལུགས་དང་ཡང་མི་མཐུན་པ་ཞིག་ཡིན་མོད། འོན་ཀྱང་། མི་ཁ་ཤས་ཀྱིས་རང་དབང་ཡིན་ན་ཞིག་ཟེར་ནས་གང་འདོད་འདོད་ཅིག་བྱོས་དེ་འོང་དུས། སེམས་སུ་ག་རེ་དྲན་གྱི་འདུག་ལགས།

ཚེར་མ་ལགས། ཨ་ཙ་ཙ། ད་རེབས་དངོས་ནས་ཤུགས་ཆེན་པོ་ཞིག་བཙག་སོང་།

བྲག་འགོ་དཀོན་མཆོག་དར་རྒྱས་ལགས། ཡར་སྐུལ་དང་བསྟོད་བསྔགས་བྱས་པ་དགའ་ནས་ཡོད། ཁ་ཡང་བཙུམ་མ་ཐུབ་པར་བསྡད་ཡོད།

ཁྱད་ཆོས་གསུམ་བགྲངས་པ་ནི་ཐག་གཅོད་མ་ཡིན་པར་ལྟ་ཚུལ་ཉིད་དུ་གོ་བ་ལེན་པར་ཞུ། བོད། ཤ་ཁྲག་རུས་གསུམ་ལགས།

དཔྱད་རིན་ཡོད་པའི་སྙན་ངག་ཅིག་བཞེངས་འདུག

ཨ་རོགས་་་་བོད་ཤ་ཁྲག་རུས་གསུམ་་་་་་་
ཡིན་ཆད་དང་འཁང་ར་་་་མེད་པརར་་་དུས་རབས་ཀྱི་མདུན་དུ་བསྐྱོད་བཞིན་པར་དགའ་བསུ་ཡོད།།།

ལོས་དྲན་ཡ། དེ་དུས་ང་གྲྭ་རྒན་དེ་དང་། ཁྱོད་ཁ་ཡག་བཤད་དེ་ཡིན་མོ་ཨེ་ན། ཧ་ཧ་ཧ་ཧ།
དེང་སང་གནམ་གཤིང་ཧོན་འདའ་གྲང་རྒྱུ་མེད་ཀི ཟིན་བྲིས་རེ་སྤེལ་རྒྱུ་དང་། རིག་པ་རེ་མ་བཏོན་ན་འདུག་མི་ཐུབ་ཀི ཟ་འཁྲུག་འདྲ་ཞིག་ལངས་ཀི་འདུག་ཡ།
ཞི་མོ་དེ་འདྲ་ཞིག་ཡིན་གཅིག་སྐུར་ཡོང་དགོས། དེ་མིན་ངས་ཁྱོད་ལ་མཆན་འདོགས་རྒྱུ་མིན་ལོ། ཧ་ཧ་ཧ་ཧ།

དམྱལ་བ་བོ། ཁྱོས་སྐྱིད་པོ་ཞིག་འདོད་ནོ་ལྟོས། སྐྱིད་པོ་གཏོང་དགོས་པ་ཞིག འགན་འཁུར་མི་དགོས་པ་ཞིག་བསམ་ནོ་ལྟོས།

ཨ་ལ་ཉིད་ནས་ང་རང་ལ་ཁ་བརྡ་རྩོམ་སྒྲིག་པ་ལགས་ཀྱིས་ཁ་བྱང་གནང་བ་དེར་སྐུ་དྲིན་ཆེ། རྗེས་ཕྱོགས་དེ་ལྟར་བྱེད་ངེས་ཡིན། རྡ་སའི་གནམ་གཤིས་གྲང་ན་ཡང་། སྐུ་ཉིད་ནས་ལག་པ་འདར་ཞོར་དུ་ཟིན་བྲིས་ཆད་མེད་སྤེལ་གྱིན་པ་དང་བསམ་ཚུལ་གང་སར་འབྲི་བཞིན་པ་དགའ་ནི་ཞིག་རེད། འདི་ནི་དྲ་བའི་རིག་གནས་ཤིག་གི་ཞབས་འདེགས་རེད། ཨོ་་་ ཡང་ངས་ཁྱེད་ལ་ཁ་ཡག་བཤད་སོང་སྙམ་ན་ཐང་། སྔོན་མ་ཞིག་གྲྭ་རྒན་ཞིག་ནས་ཁ་ཡག་བཤད་ན་མི་དགའ། ཧྲ་གི་ཟེར་ན་དགའ་གི་ཟེར་བ་ཞིག་ཨེ་དྲན་གི

གཤིང་རྒྱད་མ་རེད། གཤིས་རྒྱུད་རེད་དཱ་ཡང། ནོར་མ་ཡོང་མ་གཏོགས། ཞི་མོ་ཤ་ཙ་མ་ཞིག་སྐུར་ན་ཐང་ཡ། ཧ་ཧ་ཧ།

གཅན་བཟོད་རྒྱམ་ལགས། དེང་སང་དངོས་ནས་སྐུ་ཉིད་ལ་སེམས་ངལ་ཆེ་རུ་འགྲོ་བཞིན་ཡོད་པ་འདྲ། གཏམ་དཔེ་ཡང་བཙོག་པ་རྐྱང་རྐྱང་མ་གཏོགས་དྲན་ཡུལ་དུ་མེད་པ་འདྲ། ཧཧཧ

གཅིག་བྱས་ན། དགའ་རོགས་མ་རེག་པའི་སྡུག་བསྔལ་བྱས་དེ་བསྡད་ཡོད་ས་རེད། ད་བྲེལ་བ་མ་བླངས། ངས་ཁྱེད་རང་ལ་སྤྲག་ཐོག་ནས་དགའ་རོགས་མ་ཞིག་སྐུར་ཆོག རྒྱགས་པ་སྐམ་པོ་གང་དགོས་སྔོན་ལ་ཤོད་མ་གཏོགས། རྗེས་སོར་ལེ་བདའ་བྱེད་དགོས་བྱུང་ན་ཡག་པོ་མེད།