རྒྱ་ནག་གི་དམར་ཤོག་གསར་བརྗེ་བ་རྒན་པ་བཞི་ཡིས་ལོའུ་ཞོ་པོ་ལ་དྲང་བདེན་གྱི་ཁྲིམས་བཤེར་བྱ་དགོས་པ་དང་། རྒྱ་ནག་ལ་ཆབ་སྲིད་ཀྱི་བཅོས་སྒྱུར་དགོས་སྐོར་གྱི་སྙན་ཞུ་ཕུལ་འདུག
དམར་ཤོག་རྒན་རབས་པ་བཞི་དེས་ད་ལྟའི་དམར་ཤོག་གི་མགོ་ཁྲིད་ཚོར་ལོའུ་ཞོ་པོ་ལ་ལོ་ ༡༡ གི་བཙོན་འཇུག་ཁྲིམས་ཐག་བཅད་པ་དེ་དྲང་བདེན་བྱུང་མ་སོང་སྟབས། ངེས་པར་དུ་བསྐྱར་དུ་ཁྲིམས་བཤེར་བྱ་དགོས་སྐོར་གྱི་སྙན་ཞུ་ཞིག་ཀྲུང་དབྱང་གི་མགོ་ཁྲིད་ཚོའི་མིང་ཐོག་ལ་ཕུལ་འདུག
ཁོང་བཞི་ནི་དམར་ཤོག་ཚོགས་པའི་ནང་དུ་ནམ་རྒྱུན་བསམ་བློ་གུ་ཡངས་པོ་གཏོང་མཁན་གྱི་གྲས་ཡིན་པར་བཤད། ཁོས་ཚོས་ནམ་རྒྱུན་རྒྱ་ནག་གི་ཆབ་སྲིད་བཅོས་སྒྱུར་སྐོར་ལ་སྐུལ་འདེད་བྱེད་ཀྱི་ཡོད་ཚུལ་རྒྱ་ནག་གི་རྩོམ་པ་པོའི་མཐུན་ཚོགས་ཀྱི་ཚོགས་གཞོན་ པ་ཊི་རེ་ཀུ་ པོན་ ཞུ་བ་ཞིག་གིས་ཨེ་པེ་གསར་ཁང་ལ་བཤད་འདུག
ཁོང་ཚོས་ཞུ་ཡིག་དེའི་ནང་དུ་དམིགས་བཀར་གྱིས་ལོའུ་ཞོ་པོ་གློད་དགོས་པར་བཤད་མེད་ཀྱང་། ཞུ་ཡིག་དེའི་དམིགས་ཡུལ་སྐོར་ལ་བརྗོད་དོན། ཞུ་ཡིག་དེ་ནི་ལོའུ་ཞོ་པོ་ཡི་བཅད་ཁྲ་དེར་བསྐྱར་ཞིབ་ཀྱིས་ལོའུ་ཞོ་པོ་ཉེས་མེད་ཡིན་པ་དག་འབུལ་དང་བཅས་གློད་གྲོལ་ཡོང་ཆེད་དང་། རྒྱལ་ཁབ་ཀྱི་རྩ་ཁྲིམས་དང་འགྲོ་བ་མིའི་སྨྲ་བརྗོད་རང་དབང་ལ་སྲུང་སྐྱོབ་བྱེད་པའི་ཆེད་དུ་ཡིན་ཅེས་དམར་ཤོག་རྒན་རབས་པ་ ཧུ་ཧྥང་གིས་བཤད་འདུག ཁོང་ནི་ཞུ་ཡིག་དེར་མཚན་རྟགས་འགོད་མཁན་གྱི་གཅིག་ཡིན་ཅིང་། ཁོང་ནི་ཀྲུང་གོའི་སྤྱི་ཚོགས་ཚན་རིག་ཁང་གི་ཆེད་ཞུས་ཉམས་ཞིབ་ཚོགས་ཆུང་གི་ཚོགས་མི་ཡིན་འདུག
ཞུ་ཡིག་དེ་དངོས་སུ་འབྲི་མཁན་ནི་ཧུ་ཅི་ཝེ་ཞུ་བ་ཞིག་ཡིན་འདུག་ལ། ཁོང་ནི་རྒྱ་ནག་གི་མི་དམངས་ཉིན་རེའི་ཚགས་པར་གྱི་སྤྱི་ཁྱབ་རྩོམ་སྒྲིག་པ་ཟུར་པ་ཞིག་ཡིན་འདུག ཚགས་པར་འདི་ནི་གུང་ཁྲན་ཏང་གི་བསྒྲགས་གཏམ་སྤེལ་ས་དེ་ཡིན།
གཞན་པ་གཉིས་ནི། ཞིན་ཧྭ་གསར་ཁང་གི་སྔར་གྱི་སྤྱི་ཁྱབ་རྩོམ་སྒྲིག་གཞོན་པ་ལི་ཕུ་ཞུ་བ་དང་། ཞིབ་ཧྭ་གསར་ཁང་གི་གསར་འགོད་པ་ཟུར་པ་ ཏེ་ཧྭང་ཞུ་བ་བཅས་ཡིན་འདུག ཁོང་རྣམས་ནི་ད་ཆར་ལོ་ ༨༠ དང་ ༩༠ ནང་ཡོད་མཁན་རྐྱང་ཡིན་འདུག་ལ། ཁོང་ཚོའི་ལོ་ཚོད་ཀྱི་དབང་གིས་ཞུ་ཡིག་འདི་ཕུལ་ཀྱང་ཉེས་འགེལ་བཙོན་འཇུག་མི་བྱེད་པའི་ཚོད་དཔག་བྱེད་བཞིན་ཡོད་འདུག
ད་ལྟའི་ རྒྱ་གཞུང་ དེ། མགོ་རུལ་ སྣ་བས་ མ་ཚོར་བ་ ཞིག་ ཡིན་ཀྱང་། མགོ་ རུལ་མྱོང་མཁན་ འགས་ ཚོར་བ་ ནི། དགའ་བསུ་ ཞུ་འོས་པའི་ གནས་རེད།
ཁོང་རྣམ་པ་བཞིས་ལོའུ་ཞོ་པོ་ལ་རྒྱབ་སྐྱོར་གནང་བ་ཞིག་མ་ཡིན་པར།དྲང་བདེན་ལ་རྒྱབ་སྐྱོར་གནང་བ་ཞིག་ཡིན་ན།མཐའ་མའི་རྒྱལ་ཁ་ཁོང་རྣམས་ཀྱི་རེད།
དེས་ན་ཁོང་རྣམས་ལོ་ན་རྒས་ཀྱང་།དྲང་བདེན་གྱི་སེམས་པ་རྒས་མེད་པར་རང་སོར་གནས་འདུག་པར་དགའ་སྤྲོ་ཆེ།
ད་ཅི་ཞིག་ཡིན་ཡང་བཞུ་ཐབས་བྱ་དགོས་པ་རེད།་ ཕལ་ཆེར་རང་ཞིར་འགྲོ་ས་རེད
དམར་ཤོག་རྒན་པ་མ་གླེང་།
རྒན་པའི་སེམས་པ་རྣོ་ཡིན།
རྣོ་དེ་བཞུ་རྒྱུ་ཡིན་ན།
ཁྲོ་ཟངས་འཁོལ་མས་མི་དོ།