ཕྱི་ཚེས་ ༣ ཉིན་རྒྱ་ནག་ཕྱི་འབྲེལ་ལྷན་ཁང་གི་མགྲིན་ཚབ་པ་མཱ་ཀྲའོ་ཞི་ཡིས། ཨ་རིའི་སྲིད་འཛིན་ཨོ་བྷ་མས་མིང་དང་རྣམ་པ་གང་འདྲ་ཞིག་གི་ཐོག་ནས་ཏཱ་ལའི་བླ་མ་དང་ཐུག་འཕྲད་བྱས་ཀྱང་། ཀྲུང་གོས་ཕྱོགས་ནས་མཐའ་གཅིག་ཏུ་ངོ་རྒོལ་བྱ་རྒྱུ་ཡིན་པ་མ་ཟད། སྔར་ལོའི་ཟླ་ ༡༡ ནང་ཨོ་བྷ་མ་ཀྲུང་གོར་ཡོང་སྐབས། ཨ་རིའི་མངའ་ཁོངས་ནས་བོད་མི་ཚོས་ཀྲུང་གོར་ངོ་རྒོལ་གྱི་བྱ་སྤྱོད་སྤེལ་དུ་མི་འཇུག་རྒྱུའི་རེ་འདུན་བཏོན་ཡོད། ཅེས་དང་། ཀྲུང་དབྱང་གིས་ཏཱ་ལའི་བླ་མ་དང་དེའི་རྗེས་འབྲངས་པར་འཛིན་པའི་རྣམ་འགྱུར་ལོ་ངོ་ ༥༠ ལྷག་གི་གོང་ནས་གསལ་བོ་བཟོས་ཟིན་ལ། “དྲན་ཐོ” ( འབྲེལ་མོལ་ཐེངས་བརྒྱད་པའི་སྐབས་རྒྱ་གཞུང་ལ་སྤྲད་པའི་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར། ) ལ་འཛིན་པའི་རྣམ་འགྱུར་ཡང་ལོ་ ༡ ལྷག་གོང་ནས་ཁ་གསལ་བྱས་ཡོད། དེར་གསལ་ལ་མི་གསལ་བའི་ཆ་གང་ཡང་ལྷག་མེད། ཐེངས་འདིར་རྒྱ་རི་སོགས་ཀྱིས་སྔར་གྱི་ནོར་འཁྲུལ་ལ་ཡོ་བསྲང་བྱ་རྒྱུ་ལས་ “དྲན་ཐོ” ཡི་ནང་དོན་བསྐྱར་བཤུ་བྱས་ཏེ། རྐང་བཙུགས་ཏེ་མགོ་རྙོག་གི་ “འཆད་འགྲེལ” ( འབྲེལ་མོལ་ཐེངས་དགུ་བའི་སྐབས་རྒྱ་གཞུང་ལ་སྤྲད་པའི་དོན་ཚན་བདུན་ཅན་གྱི་ཚིག་ཐོ། ) དེ་འདྲ་བཟོ་རྒྱུ་འོས་འགན་མ་རེད། ཅེས་གསར་འགོད་པའི་དྲི་བར་ལན་འདེབས་བྱས་འདུག
ཀྲའོ་ཞིས་ཡིས་བོད་གནད་དོན་ནི་བོད་མིདམངས་ཀྱི་ཐག་ཆོད་རྒྱུ་རེད་མགཏོགས་༧གོང་ས་མཆོག་དང་མི་སྐེར་ཐག་ཆོད་བྱེད་ཐུབ་མ་རེད་ཟེརབ་དང་སྦྲགས་བགད་མོ་ཉམས་བཅས་ཏྭ་ལའི་བླ་ལོ་༧༥་ལ་སླེབས་ཟིན་ེརད་བའི་ཚིགས་འདིས་བོད་མི་ཚོ་མཐོང་ཆུང་བཏང་སོང་བ་
ཧ་ཧ་ རྒྱ་ནག་རྒྱལ་ཁབ་ཆེན་མོའི་སྲིད་གཞུང་གི་མགོ་ཁྲིད་དེ་ཚོས། ད་སྐབས་གོས་ས་མཆོག་ཨ་རིའི་སྲིད་འཛིན་ལ་མཇལ་འཕྲད་ཅིག་བྱེད་པ་ལ་དེ་འདྲའི་སེམས་ཁྲལ་ཅི་ལ་དགོས། གནས་ཚུལ་འདི་ལ་བལྟས་ན་རྒྱ་ནག་རྒྱལ་ཁབ་ཆེ་ཡང་སྲིད་གཞུང་གི་སྙིང་སྟོབས་དང་ནུས་པ་བརྟན་པོ་མེད་པའི་རྟགས་ཅིག་མ་རེད་དམ། སུ་ཞིག་ལ་འཇིགས་སྐྲག་ཅི་ཙམ་ཡོད་ན་ནུས་པ་དང་སྙིང་སྟོབས་དེ་ཙམ་ཞན་རུ་འགྲོ་བཞིན་ཡོད་པའི་རྟགས་ཡིན།
ཕར་ཆེན་རྒྱ་གཞུང་འདི་ད་སྐབས་ལོ་རེ་ནས་ལོ་རེ་བཞིན་སྤྱི་ཚོགས་ལ་འཇིགས་སྐྲག་ཆེ་རུ་འགྲོ་བཞིན་ཡོད་པ་འདི་དངོས་གནས་དོན་བདག་གལ་ཆེན་པོ་ཞིག་རེད།
ད་བར་སྐུ་ཚབ་ཐེངས་དགུ་སོང་བའི་དོན་དངོས་ལས་ར་སྤྲོད་གསལ་བོ་བྱུང་ཡོད་པ་བཞིན། ཤོག་ལྷེ་བཅུ་གསུ་ཅན་གྱི་བསམ་འཆར་ཡིག་ཆའམ་དྲན་ཐོ་དེ་རྒྱ་གཞུང་གིས་གོ་བ་མ་ལོན་པ་དེ་འདྲ་ཞིག་ཡིན་སྲིད་ཀྱི་མ་རེད། ཟམ་གདོང་བླ་མས་རྒྱ་གཞུང་དེ་གངས་ཅན་སྐྱིད་གཞུང་ལྟ་བུ་ཞིག་དང་གངས་ཅན་སྐྱིད་གཤོངས་ཀྱི་ལས་བྱེད་པའི་ཤེས་ཚད་ལྟ་བུ་ཞིག་ལ་བརྩིས་ནས་འབྲེལ་མོལ་རྒྱུད་མཐུད་ན་ནོར་འཁྲུལ་ཆེན་པོ་རེད་བསམ། གུས་ཡ་མཚན་པ་ཞིག་ལ་སྐུ་ཚབ་ཚོགས་པ་དང་བོད་གཞུང་གིས་ད་དུང་རྒྱ་གཞུང་གི་སྲིད་ཇུས་དང་བྱེད་བབ་ལ་རྒྱུས་ཅུང་ཟད་ཀྱང་མ་ལོན་པ་ཡིན་ནམ། བཀའ་ཁྲི་རིན་པོ་ཆེས་རྒྱ་མི་རིགས་ཀྱི་གཤིས་ཀ་དེ་རྒྱ་གར་གྱི་གཤིས་ཀ་ལྟ་བུ་ཞིག་ལ་ཆ་བཞག་ནས་འབྲེལ་མོལ་གནང་ན་ནི་ཤིན་ཏུ་ནས་ནོར་འཁྲུལ་ཚབས་ཆེན་རེད་བསམ།