སྤྱིན་བདག་མི་དགོས། གྲྭ་བ་མི་བྱེད། {དངོས་སྒྲུང་།} ང་ལྔ།

བློ་བཟང་། དངོས་ནས་ཁྱེད་རང་གིས་ང་རང་ལ་སྣང་བ་འགྲོ་ཡི་འདུག་གམ་ཟེར་ནས་བློ་བཟང་གིས་རང་གི་ངོ་གདོང་ལ་བལྟ་བཞིན་པའི་ཚུགས་ཀ་དེ་ནི་དངོས་ནས་བཟོད་དཀའ་བ་ལྟ་བུའི་ངང་། བན་སྡེ་འཚོས་ག་ལེར་མགོ་བོ་བྲང་ཁར་གཏད།

བློ་བཟང་གིས་རང་ཉིད་ལ་བུད་མེད་འདི་འདྲའི་མཛེས་མ་ཞིག་གིས་སེམས་ཁོང་གི་གཏམ་བཤད་འགོ་བརྩམས་པ་དེར། དངོས་ནས་ངོ་ལྡོག་ཤེས་ཐུབ་མེད་པ་ནི། སྐྱེ་བ་ཞིག་གིས་རང་ཉིད་ཀྱི་རང་ཚུགས་ཡོད་ཚད་སྐད་ཅིག་དེ་ཉིད་ལ་མི་ཤོར་ལ་རང་དབང་ཞིག་གང་དུ་ཡོད་ཨང་སྙམ་བཞིན། ང་ལ་དངོས་ནས་ཁྱེད་རང་ལྟ་བུ་ཞིག་ཐོབ་པར་རྨི་ལམ་ནང་དུ་ཡང་གཏོང་མྱོང་མེད། ཁྱེད་རང་ནི་དངོས་ནས་འཛུམ་མདངས་ཀྱི་ཕྱུག་པ་མ་ཟད། གཤིས་ཀ་ཡག་པ། བརྩེ་སེམས་ལྡན་པ། ཁྱེད་རང་ལྟ་བུ་ཞིག་ང་རང་གི་མི་ཚེའི་གྲོགས་དུ་ཐོབ་ན་དངོས་ནས་ང་རང་ལོས་དགའ་ཟེར་ཞོར་དུ། ག་ལེར་ཁོ་མོའི་སྐེ་རུ་འཐམ།

བན་སྡེ་འཚོས་ཀྱང་། དངོས་ནས་རང་དབང་ཡོངས་སུ་བྲལ་བའི་མི་ཞིག་ལ་གཏན་ནས་གཡོལ་ས་མེད་པ་བཞིན། བློ་བཟང་གི་སྐད་ཆ་དེས་ཡོངས་སུ་བཟི་ནས། འུ་གཉིས་ལ་དངོས་ནས་ལས་ཤིག་ཡོད་པ་མིན་ན་འདི་ལྟར་ཐུག་རྒྱུ་མ་རེད། ང་ཁྱེད་རང་ལ་ཡིད་ཆེས་ཡོད་ལ། ཁྱེད་རང་གི་འདོད་པ་ཡོད་ན་ནི། ང་རང་ཁྱེད་ཀྱི་བཟའ་ཚང་བྱེད་རྒྱུར་འདོད་པ་ཡོད།

བློ་བཟང་གི་བན་སྡེ་འཚོས་སྐད་ཆ་དེས་སེམས་པའི་དབྱིངས་རིམ་སུ་འཇའ་མཚོན་ཤར་བ་ལྟར། ཆེས་ཡིད་དུ་འོང་བ་ཞིག་དུ་གྱུར་ནས། ག་ལེར་མོ་རང་རང་གི་ཉལ་ཁྲིའི་སྟེང་དུ་མར་གནན། དེ་དུས་དངོས་ནས་དུས་ཚོད་ཀྱང་ཏག་ཏག་ཞིག་ཆགས་ཀྱི་ཡོད་པ་འདྲ། སྐར་ཚོགས་ཀྱང་ག་ལེར་སྒེའུ་ཁུངས་ལས་བཞུར་ནས་འོང་གི་ཡོད་པ་མ་ཟད། སྲང་བར་གྱི་གློག་སྒྲོན་ཡང་ཁྲ་ལྷམ་མེར་འགྲོ་བཞིན་པ་དེས་ཁོ་གཉིས་ལ་དགའ་བསུ་ཞུ་བ་དང་ཁྱད་པར་མེད་པ་ལྟ་བུ་ཞིག་ཆགས།

བློ་བཟང་ག་ལེར་བན་སྡེ་འཚོས་སྟེང་དུ་བུད་ནས། ཁོ་མོའི་ཆེས་མཛེས་སྡུག་གི་ཞལ་རས་སྟེང་ལ་འོ་ཞིག་བསྐྱལ་ནས། དངོས་ནས་ཁྱེད་རང་མཛེས་མ་རེད། ངའི་སེམས་པ་ཡང་ལྷོག་ལྷོག་ལྡིང་གྱིན་འདུག འདི་ལ་བལྟས་ན། ང་རང་ཁྱེད་ལ་སྐྲག་སྣང་ཞིག་སྐྱེ་ཡི་འདུག་པ་འདྲ་ཟེར་ཞོར་དུ་བགད་མོ་ཞིག་དང་བཅས། ག་ལེར་རང་གིས་གོན་པ་འཕུད་དེ། བན་སྡེ་འཚོ་ལ་གོན་པ་འཕུད་པར་འབོད་སྐུལ་ཞུས་པ་ལྟར། མོས་ཀྱང་ག་ལེར་གོན་པ་རེ་རེ་བཞིན་ཉལ་གོས་ཀྱི་འོག་ནས་ངོ་ཚ་དང་བཅས་དེ་འཕུད།

སྐར་ཆ་ཁ་ཤས་ཤིག་གི་རིང་དུ་བློ་བཟང་གིས་མོ་རང་ལ་འཁྲིག་པ་སྤྱོད་རྒྱུའི་གྲ་སྒྲིག་བྱས་ན་ཡང་། མཇེ་ངན་གཏན་ནས་ཡར་མ་བླངས་སྟབས། ཁོ་རང་དངོས་ནས་རང་གིས་རང་ལ་ཡིད་གཏན་ནས་མ་ཆེས་པར། འདི་ག་རེ་བྱུང་བ་ཡིན་ནམ། དངོས་ནས་ང་རང་བུད་མེད་འདི་ལ་སྐྲག་གི་ཡོད་པ་ཡིན་རྒྱུ་མ་རེད། དེ་འདྲ་ཡིན་ཡང་མཇེ་ངན་འདི་མི་བླངས་དོན་གང་རེད་སྙམ་བཞིན། ག་ལེར་ཁོ་མོའི་འོ་འཛིན་ལ་རེག་པར་བརྩམས་དུས་སུ། བན་སྡེ་འཚོས། དེ་འདྲ་མ་བྱེད། ང་དངོས་ནས་ཟ་འཁྲུག་བླངས་ཀྱི་འདུག ནུ་མ་ལག་པ་མ་ཐུག དངོས་ནས་བདེ་བོ་མི་འདུག་ཞེས་བློ་བཟང་ལ་ཀུ་རེ་དང་བཅས་དང་ཞུ་བ་བྱས་པ་ལྟར། ཁོས་ཀྱང་ནུ་ཁེབས་ཀྱང་རང་འཇག་བཞག

བན་སྡེ་འཚོས། བློ་བཟང་གིས་མཇེ་ངན་གཏན་ནས་ཡར་མི་བླངས་པ་དེར་བཟོད་བསྒོམ་བྱེད་མ་ཐུབ་པར། མོ་རང་གིས་འདས་པའི་གཏམ་རྒྱུད་དེ་བློ་བཟང་ལ་བཤད་འགོ་བཙུགས། བློ་བཟང་། ང་རང་ལ་གསང་བ་ཞིག་ཡོད་པ་རེད། དེ་ཁྱེད་རང་ལ་མ་བཤད་པ་ཡིན་ན། ཕལ་ཆེར་འུ་གཉིས་ལུས་འབྲེལ་བྱེད་ཐུབ་པ་མ་རེད་ཅེས་བཤད་དུས། བློ་བཟང་དངོས་ནས་ཧ་ལས་པ་དང་བཅས། ཡིད་ཆེས་དཀའ་བའི་གནས་ཚུལ་དེར་ཉན།

བན་སྡེ་འཚོས། ང་རང་ཆུང་དུས་སུ་ང་ཚོའི་སྡེ་བའི་ནང་ནས་བཤད་སྲོལ་འདི་འདྲ་ཞིག་ཡོད་པ་རེད། ང་རང་ལ་གཉན་གྱི་བདག་པོ་བརྒྱབ་ཡོད་པ་རེད་ཟེར་ནས་གླེང་གི་ཡོད་ལ། སྤྱིར་བཏང་གི་སྐྱེ་ཕོ་རབས་སུ་ཞིག་ཡིན་ཡང་། ང་རང་ལ་ལག་པ་འཆིང་ཐུབ་མཁན་ཡོད་པ་མ་རེད། ལོ་ངོ་གསུམ་གྱི་གོང་དུ་ང་རང་ལ་དགའ་རོགས་འདས་པོ་ཞིག་ཡོད་མྱོང་བ་དེ་ངས་ཁྱེད་རང་ལ་བཤད་པ་དེ་ཡིན། ཁོ་དང་ངེད་གཉིས་དེང་ཐོག་ལྷན་དུ་བསྡོད་དུས་ཀྱང་། ཁོ་བོས་གཏན་ནས་ང་རང་ལ་ལུས་འབྲེལ་འཇོག་མ་ཐུབ་པར་མཚན་མོ་ཁ་ཤས་ཤིག་སོང་བ་རེད། ཡིན་ཡང་། ཁོ་རང་གིས་མུ་མཐུད་དུ་ང་རང་དང་ལྷན་དུ་ཉལ་བ་རེད། རྗེས་སུ་ངས་ཁོ་རང་ལ་གསང་བ་དེ་བཤད་པའི་མཚན་མོ་དེར་ངེད་གཉིས་ཀྱིས་ལུས་འབྲེལ་འཇོག་ཐུབ་པ་རེད།

ཨ་རོགས། ཁྱེད་རང་གང་དུ་འགྲོ་མཁན་ཡིན་ཟེར་ནས་མི་ཞིག་གིས་བློ་བཟང་ལ་སྐད་བཏང་། དེ་དུས། བློ་བཟང་ཕྱིར་དྲན་གྱི་ཀློང་ནས་བུད་དེ་རྐང་འཁོར་སྟེང་ནས་ཕྱིར་མིག་ཞིག་བལྟས་དུས་སུ། སྤག་སྤག་ཞོན་མཁན་གྱི་ཕོ་གསར་ཞིག་གིས་ཁོ་རང་ལ་འབོད་ཀྱི་ཡོད་པ་དེར་བལྟས།

མི་དེས། ཁྱེད་རང་འཇིགས་གྲོལ་ཚང་གི་བུ་རྒྱ་གར་དུ་ཡོད་པ་དེ་མ་རེད་དམ་ཟེར་ནས་དྲིས་དུས། བློ་བཟང་གིས། ཡིན། ཁྱེད་རང་སུ་ཡིན། ང་ཁྱེད་རང་གི་མི་ཤེས་ན་ཐང་། ཡིན་ཡང་། ཁྱེད་ཚང་གི་ཕ་རྒན་དང་ངེད་གཉིས་བཟང་ས་ཡག་པོ་ཞིག་ཡིན། ང་རང་སྡེ་བ་འདིའི་ནང་གི་ཡིན། ཆར་བ་ཐང་རེག་བར་དུ་ངེད་ཚང་ལ་སོང་ནས་ངལ་གསོས་དེ་སོང་ན། བློ་བཟང་གིས་མགོ་ལ་ཕུར་ཕུར་ཞིག་བྱེད་ཞོར་དུ། མིན་མིན། བཀའ་དྲིན་ཆེ། ད་ནི་གོན་པ་བརློན་པ་བཟོས་ཚར་འདུག སྐར་མ་ཁ་ཤས་ཤིག་གི་ནང་དུ་ཐོན་རྒྱུ་རེད།