མཚོ་བྱང་ཁུལ་ཡོངས་ཀྱི་སློབ་གྲྭ་ཆུང་འབྲིང་ ༡༩༣ ལས་ ༡༥༡ ཇེ་ཉུང་དུ་བཏང་སྟེ། སློབ་གྲྭ་ ༤༢ ཙམ་ལ་གཅིག་བསྡུ་བྱས་ཡོད་འདུག
ཕྱི་ཚེས་ ༡༢ ཉིན་ཀྲུང་གོ་བོད་ཀྱི་དྲ་བས་གནས་ཚུལ་སྤེལ་བ་ལྟར་ན། རྒྱ་ནག་གི་མཐོ་འབྲིང་ཚད་མཐོན་པོས་གཅིག་བསྡུས་བྱེད་པ་དང་དམའ་འབྲིང་ལྟོས་བཅས་ཀྱིས་གཅིག་བསྡུས་བྱེད་པ། སློབ་ཆུང་འོས་འཚམ་གྱིས་གཅིག་བསྡུས་བྱེད་པའི་ལེགས་སྒྲིག་བྱེད་ཐབས་ལ་གཞིགས་ཏེ། མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་གྱིས་ཉེ་ལམ་ཁུལ་ཡོངས་ཀྱི་མཐོ་འབྲིང་དང་རྫོང་བཞིའི་སློབ་གྲྭའི་ཁྲོད་ཡུན་རིང་གི་སློབ་གསོའི་བཀོད་སྒྲིག་ལེགས་སྒྲིག་བྱེད་ཐབས་གཏན་འཁེལ་བྱས་ཤིང་། འཆར་འགོད་ལ་གཞིགས་ན། མཚོ་བྱང་ཁུལ་གྱིས་ཚད་གཞི་མཐོ་བའི་འཛུགས་སྐྲུན་དང་རིམ་པ་བགོས་ནས་བརྟན་བརླིང་ལ་སྐུལ་སྤེལ་བྱེད་པའི་རྩ་དོན་ལ་གཞིགས་ནས་ཁུལ་ཡོངས་ཀྱི་སློབ་གྲྭ་ཆུང་འབྲིང་ ༡༩༣ ༼ ཆེད་ལས་སློབ་གྲྭ་དང་དམིགས་བསལ་སློབ་གྲྭ། བྱིས་གཉོར་ཁང་སོགས་འདུས་མེད། ༽ ཡོད་པ་དེའི་ནང་སློབ་གྲྭ་ ༡༥༡ ཇེ་ཉུང་དུ་བཏང་ནས་སློབ་གྲྭ་ ༤༢ ལ་ལེགས་སྒྲིག་བྱས།
ལེགས་སྒྲིག་བྱས་པའི་སློབ་གྲྭ་ཆུང་འབྲིང་ ༤༢ ནང་མཐོ་རིམ་སློབ་འབྲིང་ ༣ གསར་འཛུགས་བྱེད་རྒྱུ་ཡིན་པ་དང་། ནུབ་མཚོ་གྲོང་རྡལ་དུ་མཚོ་བྱང་ཁུལ་གྱི་མཐོ་རིམ་སློབ་འབྲིང་དང་པོ་འཛུགས་རྒྱུ་དང་མིན་ཡོན་རྫོང་དུ་མཚོ་བྱང་ཁུལ་གྱི་མཐོ་རིམ་སློབ་འབྲིང་གཉིས་པ་འཛུགས་རྒྱུ། མདོ་ལ་རྫོང་དུ་མཚོ་བྱང་ཁུལ་གྱི་མཐོ་རིམ་སློབ་འབྲིང་གསུམ་པ་རྒྱ་བསྐྱེད་དུ་གཏོང་རྒྱུ་བཅས་ཡིན་འདུག
ལེགས་སྒྲིག་བྱས་པའི་དམའ་རིམ་སློབ་འབྲིང་གི་ཁྱབ་ཚུལ་ནི། མིན་ཡོན་རྫོང་དུ་སློབ་གྲྭ་ ༤ དང་ཆི་ལེན་རྫོང་དུ་སློབ་གྲྭ་ ༢ ། རྐང་ཚ་རྫོང་དུ་སློབ་གྲྭ་ ༡། ཧེ་ཡན་རྫོང་དུ་སློབ་གྲྭ་ ༣ བཅས་དང་། ལེགས་སྒྲིག་བྱས་པའི་སློབ་ཆུང་གི་ཁྱབ་ཚུལ་ནི། མིན་ཡོན་རྫོང་དུ་སློབ་ཆུང་ ༡༢ དང་ཆི་ལེན་རྫོང་དུ་སློབ་ཆུང་ ༡༡། རྐང་ཚ་རྫོང་དུ་སློབ་ཆུང་ ༥ ། ཧེ་ཡན་རྫོང་དུ་སློབ་ཆུང་ ༤ བཅས་ཡོད།
མཚོ་བྱང་ཁུལ་གྱིས་མིག་སྔར་ཡོད་པའི་སློབ་གྲྭ་ཆུང་འབྲིང་ལེགས་སྒྲིག་བྱས་རྗེས། ཁུལ་ཡོངས་ཀྱི་སློབ་གསོའི་ཐད་སློབ་གྲྭའི་མལ་ཁང་དང་དགེ་རྒན། སྒྲིག་ཆས་མི་འདང་བ་དང་། མཐོ་འབྲིང་དུ་སློབ་སྦྱོང་བྱེད་དཀའ་བ་དང་སློབ་ཞུགས་སྔོན་གྱི་བྱིས་པ་བྱིས་གཉོར་ཁང་དུ་འགྲོ་དཀའ་བ། སློབ་ཁྲིད་ཀྱི་སྤུས་ཚད་མཐོར་འདེགས་བྱེད་དཀའ་བའི་ ༼ མི་འདང་བ་གསུམ་དང་དཀའ་ཁག་གསུམ་ ༽ གྱི་གནད་དོན་རྩ་བ་ནས་ཐག་གཅོད་བྱས་ཡོད་སྐོར་བཀོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ང་ནི་མདོ་སྟོད་དང་མདོ་སྨད་དབུས་ཟེར་བའི་དབྱེ་བ་བྱེས་པའི་མིང་འདི་དག་ལ་གཏན་ནས་དགའ་བོ་མེད་པའི་མི་ཞིག་ཡིན།བོད་མི་ཡོངས་སྡོག་རྩ་གཅིག་གྱུར་ཡོངས་པའི་འགོག་རྐྱེན་ཞིག་ཏུ་མཐོང་གི་ཡོད།
དབྱངས་བུ་ལགས།ཁྱོད་ལ་གསལ་བྱེད་གང་བྱེད་དགོས་པ་རེད།ཁྱོད་ཀྱི་མདོ་སྟོད་དང་དབུས་ཁུལ་ཐོན་མི་འདུག་ཟེར་ནས་གསལ་བོར་བཤད་ཡོད་པ་དེའི་ཐོག་ནས་ངེས་ཁྱོད་ཀྱི་ཞེན་ཁོག་གི་སྐད་ཆ་རེད་ཟེར་བ་ཡིན།སྤྱིར་དུས་བབས་ཚང་དེ་ལྟར་མིན་ན་ཡང་མི་འགའ་རེ་ཡོད་སྲིད་པ་རེད་ཁྱོད་ལྟ་བུ་མེད་ཟེར་རྒྱུ་ཡིན་ནམ།
དྲ་གྲོགས་གྲྭ་རྒོད་ལགས།
དགོངས་ཚུལ་གསུངས་པར་ཐུགས་རྗེ་ཆེ་ཞུ་རྒྱུ་ཡིན་མོད།གསལ་བཤད་ཞུ་རྒྱུ་འགའ་ཞིག་འདུག་པས་དགོངས་འཇགས་ཡོང་བ་ཞུ།
༡།་་་་་རང་གི་རིགས་ལ་ཞེན་པ་དགོས་ལ་ལྷག་པར་དུ་ཞེན་པ་དཀར་པོ་དགོས་ཀྱི་རེད།མདོར་ན་ལྐུགས་པ་ཞེན་པ་མི་དགོས་པ་ངས་ཤེས་ཀྱི་ཡོད།
༢།་་་་་སྤྱིར་དུས་བབ་ཚང་གི་རྩོམ་སྒྲིག་པས་གཙོས་པའི་ལས་བྱེད་པ་ཡོངས་ནི་ཆོས་གསུམ་དབྱེར་མེད་ཀྱི་བོད་དང་བོད་ཀྱི་ལས་དབང་ལ་ཞེན་པ་དཀར་པོའི་ཁ་ཏག་འཐེན་མཁན་ཡིན་པ་ང་ཚོ་ཚང་མས་མཁྱེན་གསལ་རེད།འོན་ཀྱང་སྐབས་རེ་མི་སུ་ཡིན་ནའང་དྲན་སྐུལ་དགོས་པས་ངས་དེ་སྔ་དྲན་སྐུལ་ཙམ་ཞུས་ཡིན།
༣།་་་་གྲྭ་རྒོད་ཁྱེད་ཀྱི་ངའི་མིང་ཐོག་ལ་མཆན་བུ་འདེབས་ཁུལ་བྱས་འདུག་ཀྱང།ངས་གོ་བས་ཀློག་པ་མ་གཏོགས་དག་ནོར་ཡིག་ནོར་གྱིས་གསལ་པོ་ཞིག་བྱུང་མ་སོང།ཁྱེད་ཀྱིས་ཡང་བསྐྱར་ལན་གཅིག་གཟིགས་ནས་དག་བཅོས་བྱེད་ན་ཕྱིས་སུ་མི་གཞན་ལ་མཆན་བུ་འདེབས་སྐབས་ཕན་ཐོགས་ཡོང་ངེས།
ཐུགས་རྗེ་ཆེ།།
སློབ་གྲྭའི་སྐོར་འདི་ཡག་པོ་རེད་བསམ་གི་འདུག་ཡིན་ཡང་དེའི་ནང་གི་འཛིན་སྐྱོང་ཐལ་གཙང་མ་ཞིག་དང་ཤེས་ཚུལ་སྤྲད་ཕྱོགས་ཐོག་ཡག་པོ་ཞིག་ཡོད་མེད་དེ་གནད་དོན་ཞིག་རེད་བསམ།འོན་ཀྱང་སློབ་མ་རྣམས་ཀྱིས་གྲུབ་འབྲས་ལེན་ཐུབ་པས་འཁོར་ཡུག་ཞིག་ཡིན་ན་དགེ་མཚན་ཞིག་རེད།
དབྱངས་བུ་ཞེས་པ་ཞིག་གི་མདོ་སྟོད་སྨད་དབུས་གསུམ་གྱི་ཞེན་ཁོག་ཐོན་འདུག་པའི་བསམ་བློ་གཏོང་རོགས་ཞུ།ཞེན་ཁོག་བྱེས་ནས་ཕན་ཐོག་གང་ཡང་མེད་དེ་ལས་རང་ཉིད་ཀྱི་གནས་ཚུལ་ཞུ་བའི་ལམ་འགག་ཡོད་པ་མ་རེད་ལོ།
དུས་བབ་ཚང་ལ་གནམ་ལོ་གསར་ཚེས་ལ་བཀྲིས་བདེ་ལེགས་ཞུ་རྒྱུ་ཡིན།
དེ་དང་ལྷན་དུ་དྲི་བ་ཞིག་ཡོད་པ་ཡིན་ད་ཕན་ཁྱེད་ཚང་གི་མདོ་སྨད་དམ་ཨ་མདོ་ཁུལ་གྱི་གནས་ཚུལ་ཅི་རིགས་པ་མང་པོ་སྤེལ་བར་སྙིང་ནས་ཐུགས་རྗེ་ཆེ་ཞུ་རྒྱུ་ཡིན་མོད།མདོ་སྟོད་དང་ལྷག་པར་དབུས་ཁུལ་གྱི་གནས་ཚུལ་སྤེལ་བ་ཧ་ཅང་ཉུང་དོན་དེ་གནས་ཚུལ་མི་ཐོབ་པ་རེད་དམ།་་་ཡང་ན་གང་རེད་ལན་འདེབས་གནང་རོགས་ཞུ།
ཐུགས་རྗེ་ཆེ།།
ལས་གཞི་འདི་ལག་བསྟར་བྱས་པས་བོད་ཁུལ་གྱི་ལས་བྱེད་མང་པོ་ཞིག་ལས་མེད་ཆགས་ཀྱིན་ཡོད། འདི་ཡང་རྒྻ་ནག་གིས་བོད་མི་རིགས་ལ་སྤྲོད་ཀྱིན་པའི་དཀའ་ངལ་གྱི་ཟུར་ཞིག་རེད།
འགྲུལ་བཞུད་སྟབས་མི་བདེ་བའི་རྐྱེན་གྱིས་ས་གནས་མང་པོར་བྱིས་པ་སློབ་གྲྭར་གཏོང་རྒྱུའི་དཀའ་ངལ་ཡོད་པའི་བོད་ཁུལ་ལ་འདི་ལྟར་ལེགས་སྒྲིག་ལ་ཁ་གཡར་ནས་སློབ་གྲྭ་ཉུང་དུ་གཏོང་བའི་བྱ་འགུལ་དངོས་སུ་སྤེལ་བ་འདིས་ནི་འབྱུང་འགྱུར་བོད་ཕྲུག་སློབ་གྲྭར་འགྲོ་རྒྱུ་ཇེ་ཉུང་ལ་འགྲོ་སྲིད་པའི་ཉེན་ཁ་ཡོད་ངེས་པ་རེད།