མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

༧གོང་ས་མཆོག་གིས་ལོ་སར་ལ་འཚམས་འདྲི་གནང་བ།

བོད་ཀྱི་དུས་བབ།
༢༠༡༠/༠༢/༡༤
Share on FacebookShare on TwitterShare on EmailShare on Whatsapp
 
བོད་ལྕགས་སྟག་ལོའི་ལོ་གསར་ཚེས་གཅིག་ཉིན་༧གོང་ས་མཆོག་གིས་གཞིས་བྱེས་བོད་མི་ཡོངས་དང་། ཧི་མ་ལ་ཡའི་རི་རྒྱུད་ཀྱི་ཆོས་གྲོགས། སོག་པོའི་ཕྱི་ནང་གཉིས་སུ་ཡོད་པའི་ཆོས་གྲོགས་ཚོར་དེང་དུས་ཤེས་ཡོན་དང་། ལྷག་པར་བོད་ཀྱི་ནང་དོན་རིག་པའི་སྐོར་ལ་སློབ་སྦྱོང་བྱ་རྒྱུའི་བཀའ་སློབ་གསུང་བཤད་གནང་ཡོད།
 
བོད་ལྕགས་སྟག་ལོའི་ལོ་སར་ཚེས་གཅིག་དང་ཕྱི་ཚེས་ ༡༤ ཉིན་གྱི་ཞོགས་པའི་ཆུ་ཚོད་ ༧ སྟེང་༧གོང་ས་མཆོག་ཐེག་ཆེན་ཆོས་གླིང་གཙུག་ལག་ཁང་གི་ཡང་སྟེང་དུ་ཆིབས་བསྒྱུར་བསྐྱངས་ཏེ། དཔལ་ལྡན་འདོད་ཁམས་དབང་ཕྱུག་མའི་ཚེས་གཏོར་རྟེན་འབུལ་སོགས་ཆོས་ཕྱོགས་ཀྱི་ཆོ་ག་ཕྱག་ལེན་ཁག་གི་ཚོགས་མགོན་དུ་བཞུགས་པ་དང་། ཆོས་ཕྱོགས་ཀྱི་མཛད་སྒོ་ཁག་ལེགས་པར་གྲུབ་རྗེས་ཐེག་ཆེན་ཆོས་གླིང་གཙུག་ལག་ཁང་གི་གཤམ་འོག་ཏུ་ཕེབས་ཏེ།
འདི་ལོའི་ལོ་སར་ཚེས་གཅིག་ཉིན་མོར་གཞིས་ལུས་རྒྱ་ཆེའི་མང་ཚོགས་གཙོས་རང་དབང་ལུང་པའི་ནང་ཡོད་པའི་བོད་མི་སྐྱབས་བཅོལ་བ་རྣམས་ལ་ལོ་སར་གྱི་འཚམས་འདྲི་གནང་ཡོད། ལོ་སར་ཚེས་གཅིག་ཉིན་༧གོང་ས་མཆོག་གིས་བཀའ་སློབ་གསུང་བཤད་གནང་དོན། དེ་རིང་གནམ་ལོ་གསར་ཚེས་ཉིན། བོད་ནང་ལོགས་སུ་ཡོད་པའི་གཞིས་ལུས་རྒྱ་ཆེའི་མི་མང་དང་རང་དབང་ལུང་པའི་ནང་ཡོད་པའི་ཡུལ་གྲུ་ཁག་གི་བོད་མི། ང་ཚོ་བོད་གངས་ཅན་ལྗོངས་ཀྱི་ཆོས་དང་རིག་གཞུང་གཅིག་པ་ཡིན་པའི་ཧི་མ་ལ་ཡའི་རི་རྒྱུད་ཀྱི་ཆོས་གྲོགས་སེར་སྐྱ་ཕོ་མོ་ཡོངས། དེ་བཞིན་སོག་པོའི་ཕྱི་ནང་དུ་ཡོད་པའི་ང་ཚོ་བོད་ཀྱི་ཆོས་དང་རིག་གཞུང་གཅིག་པ་ཡིན་པའི་ཆོས་གྲོགས་ཕོ་མོ་ཡོངས་ལ་ལོ་སར་གྱི་གོ་སྐབས་འདི་བརྒྱུད་ནས་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན། ཞེས་ལོ་སར་ལ་འཚམས་འདྲི་གནང་ཡོད་ལ།
ཁོང་གིས་མུ་མཐུད་དེ་བཀའ་སློབ་གནང་དོན། གཞིས་ལུས་རྒྱ་ཆེའི་མི་མང་ནི་ང་ཚོ་བོད་ཀྱི་དོན་གྱི་བདག་པོ་དེ་རེད། གཞིས་ལུས་རྒྱ་ཆེའི་མི་མང་གི་ས་ཁུལ་མང་བོ་ཞིག་ཏུ་ང་ཚོས་སྡུག་བསྔལ་དྲན་གསོ་བྱེད་དགོས་པའི་དུས་ཚོད་ཅིག་ལ་ངོས་འཛིན་གྱིས། ང་ཚོར་ལོ་སར་སྐབས་དགའ་དགའ་སྤྲོ་སྤྲོ་མ་བྱེད་རོགས་ཟེར་ནས་བསམ་ཚུལ་ཐོན་བསྡད་ཡོད་པ་དང་། ཕ་གིར་དཀའ་ངལ་དངོས་སུ་འཕྲད་ནས་ལོ་ནས་ལོ་བསྟུད་དེ། སྙིང་སྟོབས་དང་སེམས་ཤུགས་འགྱུར་བ་མེད་པ་བྱས་ཏེ་སྡོད་མཁན་གྱི་གཞིས་ལུས་མི་མང་གིས་དེ་ལྟ་བུའི་སེམས་ཐག་བཅད་ཡོད་སྟབས། ང་ཚོ་རང་དབང་ལུང་པའི་ནང་ཡོད་མཁན་ཚོས་ཀྱང་དགའ་དགའ་སྤྲོ་སྤྲོའི་རྣམ་པ་མེད་པའི་ཐོག་ནས་ལོ་སར་གཏོང་གི་ཡོད་ཅིང་།  སྤྱིར་བཏང་ལོ་སར་སྐབས་དགའ་དགའ་སྤྲོ་སྤྲོའི་རྣམ་པ་བྱེད་ཀྱིན་ཡོད་ནའང་། ད་ལོར་ཆོས་ཕྱོགས་ཀྱི་བྱེད་སྒོ་ཁག་ལས་གཞས་ཞབས་བྲོ་འཁྲབ་ཀྱིན་མེད་ལ། དེ་རིང་གི་མཛད་སྒོ་ལྟ་བུར་མཚོན་ནའང་ཆོས་ཕྱོགས་ཀྱི་མཛད་སྒོ་ཁོ་ན་ལས་གང་ཡང་ཡོད་པ་མ་རེད་ཅེས་དང་། ཡང་ཁོང་གིས་ང་ཚོ་འདིར་ཡོད་མཁན་ཚོ་འཕྲལ་སེལ་རང་དབང་ལུང་པའི་ནང་སླེབས་བསྡད་ཀྱིན་ཡོད་ནའང་། རྩ་བའི་ང་ཚོའི་བོད་ཀྱི་གནད་དོན་དེ་ཐབས་སྐྱོ་བོ་ཞིག་གི་སྟེང་དུ་ཡོད་པ་དེ་མ་བརྗེད་པ་དང་སེམས་ལ་བཅང་སྟེ། གཙོ་བོ་བོད་ནང་དུ་ཡོད་པའི་གཞིས་ལུས་རྒྱ་ཆེའི་མི་མང་དེ་ལྷག་བསམ་སྙིང་སྟོབས་བརྟན་པོ་ཞིག་གི་སྟེང་དུ་བསྡད་ཡོད་པ་དང་། ང་ཚོ་རང་དབང་ལུང་པའི་ནང་ཡོད་པའི་བོད་མི་ཚོ་ཡང་ལྷག་བསམ་སྙིང་སྟོབས་ཞིམ་པ་མེད་པ་ཞིག་དགོས་པ་རེད་ཅེས་གསུངས་ཡོད།
 
དེ་བཞིན་ལོ་སར་སྐབས་འདིར་ཁོང་གིས་བོད་མི་ཚོས་ཤེས་ཡོན་ཐོག་ལ་དོ་སྣང་དང་འབད་བརྩོན་བྱེད་དགོས་པའི་སྐོར་ལ་བཀའ་སློབ་གནང་དོན།
ལོ་གསར་བ་འདིའི་ནང་གཞིས་ལུས་རྒྱ་ཆེའི་མི་མང་དང་རང་དབང་ལུང་པའི་ནང་ཡོད་པའི་བོད་མི། དེ་བཞིན་ཧི་མ་ལ་ཡའི་རི་རྒྱུད་ཀྱི་ཆོས་གྲོགས་ཚོ་དང་སོག་པོ་ཕྱི་ནང་གི་ཆོས་གྲོགས་ཚོ་སུ་ཡིན་ནའང་། ངས་སློབ་སྦྱོང་གི་ཕྱོགས་ལ་དོ་སྣང་དང་འབད་བརྩོན་བྱེད་རོགས་ཞེས་ལབ་སྙིང་འདོད་སོང་། ང་ཚོས་ཤེས་ཡོན་སློབ་སྦྱོང་བྱེད་རྒྱུར་སྡེ་ཚན་ལྟ་བུར་ཕྱོགས་གཅིག་ནས་དེང་དུས་ཤེས་ཡོན་ཐོག་ལ་ཚང་མས་ཡིད་གཟབ་བྱས་ཏེ། གང་ཐུབ་ཐུབ་ཀྱིས་དོ་སྣང་བྱེད་དགོས་པ་དང་། ལྷག་པར་དུ་གཞོན་སྐྱེས་ཚོ་ཡིན་ན་སློབ་སྦྱོང་ཐོག་སོ་སོ་རང་ཉིད་རང་སྐྱ་འཕེར་བ་དང་ཆེད་ལས་པ། རིག་གཅིག་རྐང་འཛིན་པ་བྱེད་ཐུབ་པ་ཞིག་གི་སེམས་ཤུགས་བསྐྱེད་དེ་འབད་བརྩོན་བྱེད་རོགས་ཞེས་དང་། ང་རང་ཚོར་སངས་རྒྱས་ཀྱི་ཆོས་དང་རིག་གཞུང་འབྲེལ་བསྡད་པའི་ཆོས་དང་རིག་གཞུང་དམིགས་བསལ་གྱི་ཕྱུག་པོ་ཞིག་ཡོད་པ་རེད། བསྟན་པ་ཡོངས་སུ་རྫོགས་པ། ཐེག་པ་ཆེ་ཆུང་ལྔ་དང་བཅས་པ་ཆ་ཚང་བ་ཞིག དེ་ཡང་ཤེས་སྒྲུབ་ཟུང་དུ་འབྲེལ་བའི་ཐོག་ནས་བསྟན་པ་འཛིན་སྐྱོང་སྤེལ་གསུམ་བྱེད་ཐུབ་པ་དེ། ང་ཚོ་བོད་ཀྱི་ཆོས་རྒྱལ་བཀའ་དྲིན་ཅན་ཚོ་དང་ལྷག་པར་དུ་མཁན་སློབ་ཆོས་གསུམ་གྱི་ཐུགས་རྗེ་བཀའ་དྲིན་ལ་བརྟེན་ནས།  དེ་འདྲའི་བསྟན་པ་ཡོངས་སུ་རྫོགས་པ་ཤེས་སྒྲུབ་ཟུང་འབྲེལ་གྱི་ཐོག་ནས་འཛིན་སྐྱོང་སྤེལ་གསུམ་བྱེད་ཐུབ་པའི་ཕྱག་སྲོལ་བཟང་བོ་ཞིག་ཡོད་བསྡད་སྟབས། ང་ཚོས་སློབ་སྦྱོང་བྱ་རྒྱུ་དེ་གལ་ཆེན་པོ་ཞེ་དྲག་རེད། རྣམ་དཀར་དགེ་བ་བསྒྲུབ་ཟེར་བ་ཞིག་ང་ཚོ་ཚང་མས་བཤད་བསྡད་ཀྱིན་ཡོད་ནའང་། རྣམ་དཀར་དགེ་བ་བསྒྲུབ་རྒྱུར་དགེ་བའི་ངོ་བོ་གང་ཡིན་པ་དང་དགེ་བ་དེ་བསྒྲུབ་རྒྱུའི་དམིགས་ཡུལ་གང་ཡིན་པ། དམིགས་ཡུལ་དེ་བསྒྲུབ་རྒྱུར་ཀུན་སློང་ག་རེ་ཞིག་དགོས་ཀྱི་ཡོད་པ། དེ་ཐམས་ཅད་རྒྱུ་དང་འབྲས་པའི་རྟེན་འབྲེལ་ཡིན་སྟབས། རྟེན་འབྲེལ་གྱི་རང་བཞིན་གང་འདྲ་ཞིག་ཡིན་པ་དེ་ང་ཚོ་ཚང་མས་ཤེས་པའི་ཐོག་ནས། དགེ་བ་བསྒྲུབ་གི་ཡོད་ན། དགེ་བ་དེ་མིང་དོན་མཚུངས་པ་ཞིག་ཡོང་གི་ཡོད་པ་རེད།
དམིགས་ཡུལ་གང་ཡིན་པའང་མ་ཤེས། དགེ་བའི་ངོ་བོ་གང་ཡིན་པའང་མ་ཤེས། ཀུན་སློང་གང་འདྲ་ཞིག་དགོས་ཀྱི་ཡོད་པ་དེ་ཡང་མ་ཤེས་པའི་ཐོག་ནས་ཕྱག་འཚལ་སྐོར་གསུམ་བྱས་ནའང་། དེ་ཙམ་གྱིས་དགེ་བ་རླབས་ཆེན་པོ་ཡོང་གི་མ་རེད། དེར་བརྟེན་ང་ཚོ་བོད་ཀྱི་ཆོས་དང་རིག་གཞུང་གཅིག་པ་ཡིན་པའི་ཆོས་གྲོགས་ཚོ་ཡིན་ནའང་། སངས་རྒྱས་ཀྱི་ཆོས་ཟེར་བ་དེ་གང་འདྲ་ཞིག་ཡིན་མིན་ཐོག་དོ་སྣང་གནང་རོགས། དེ་ངས་འབོད་བསྐུལ་ཞུ་སྙིང་འདོད་བྱུང་།
 
དེ་མིན་ང་ཚོས་བོད་ལ་སྤྱིར་བཏང་ངོས་འཛིན་བྱེད་སྟངས་ནང་རིག་གནས་ཆེ་བ་ལྔ་དང་ཆུང་བ་ལྔ་ཟེར་གྱིན་ཡོད་ཅིང་། དེ་དག་ནང་གི་གཙོ་བོ་ནི་ནང་དོན་རིག་པ་ཡིན་ཞིང་། ནང་དོན་རིག་པ་དང་ཚད་མ་རིག་པ་གཉིས་ལ་ཆ་བཞག་ན་ཧ་ལམ་འཛམ་བུ་གླིང་གི་ཁྱད་ནོར་ལྟ་བུར་ངོས་འཛིན་བྱེད་ཆོག་གི་རེད། ཡང་སྒོས་ནང་དོན་རིག་པའི་སྐོར་ལ་ཧ་ཅང་གི་ཕྱུག་པོ་ཡོད་པ་རེད། རང་ཉིད་ལ་ཧ་ལམ་འཛམ་བུ་གླིང་གི་གཅེས་ནོར་ཟེར་ནས་ལབ་ཐུབ་པའི། ནང་དོན་རིག་པ་གཏིང་ཟབ་པོ་ཞིག་ཡོད་བསྡད་པ་དེ་ང་ཚོ་བོད་མི་སྒེར་པ་མི་རེ་ངོ་རེ་བྱས་ཏེ་སྦྱང་ནས་ཤེས་པ་ཞིག་བྱུང་ན། ཤེས་ཡོན་ཟེར་བ་དང་ཤེས་རིག་ཟེར་བ་དེ་སོ་སོའི་ཕྱི་ལ་ཚང་རྒྱུ་ཞིག་མིན་པར་སྦྱང་ཏེ་ཤེས་རྒྱུད་ལ་ཚང་དགོས་པ་ཞིག་ཡིན་སྟབས། སྦྱང་ནས་ཤེས་དགོས་པ་རེད་མ་གཏོགས། སྨོན་ལམ་བརྒྱབས་ནས་ཤེས་གི་མ་རེད།
དེར་བརྟེན་ཚང་མས་དེང་དུས་ཀྱི་ཤེས་ཡོན་དང་ང་ཚོར་གནའ་ནས་ཡོད་བསྡད་པའི་ཤེས་ཡོན་གཉིས་ལ་དོ་སྣང་བྱེད་དགོས་པ་དང་། དེ་ཡང་རིག་གནས་ཆེ་ཆུང་བཅུའི་ནང་ནས་གཙོ་ཆེ་ཤོས་ནང་དོན་རིག་པའི་སྐོར་ལ་སློབ་སྦྱོང་བྱ་རྒྱུ་གལ་ཆེན་པོ་རེད་ཅེས་གསུངས་ཡོད།
 
མཇུག་མཐར་ཁོང་གིས་འཛམ་བུ་གླིང་འདིའི་སྟེང་ང་ཚོར་ཆོས་ཕྱོགས་དང་བོད་ཀྱི་བདེན་དོན་འཐབ་རྩོད་ཀྱི་གྲོགས་པོ་མང་བོ་ཞིག་ཡོད་པར་དེ་རིང་གི་གོ་སྐབས་འདི་བརྒྱུད་དེ་འཚམས་འདྲི་བཀྲ་ཤིས་བདེ་ལེགས་ཞུ་གི་ཡོད། ཐུགས་རྗེ་ཆེ་ཞེས་གསུངས་ཡོད།

འབྲེལ་ཡོད་གསར་འགྱུར།

རྒྱ་ནག་དང་རྒྱལ་སྤྱིའི་ཆབ་སྲིད་འགྱུར་ལྡོག རེ་བ་དང་གདོང་ལེན་གླེང་བ། ༢༠༢༣།༠༦།༨-༡༠ དུས་བབ་ཀྱི་པར།
Mobile App

རྒྱ་ནག་གི་བཙན་གནོན་མྱོང་བཞིན་པའི་མི་རིགས་མི་འདྲ་བས་མ་འོངས་ནུས་པ་མཉམ་སྤུང་གི་གཞི་རྟེན་འཚོལ་གྱི་འདུག

ཆུ་ཚོད་ ༧ སྔོན་ལ།
Advertisement for App

ཏཱ་ལའི་བླ་མ་མཐོ་རིམ་སློབ་གཉེར་ཁང་གི་སྐབས་གཉིས་པའི་འབུམ་རམས་སློབ་མ་གསར་བསྡུའི་གསལ་བསྒྲགས།

ཆུ་ཚོད་ ༩ སྔོན་ལ།
Sikyong Penpa Tsering and the members of the Tibetan Parliament’s Standing Committee with the diplomats of the US Embassy, Photo : TibetDotNet
Mobile App

བཀའ་སྤྱི་གཉིས་ཀྱིས་རྒྱལ་ས་ལྡི་ལིར་བོད་དོན་ཞུ་གཏུགས་ལས་འགུལ་སྤེལ།

ཆུ་ཚོད་ ༡༣ སྔོན་ལ།
Mobile App

བོད་ཀྱི་འདས་དོན་གྱི་བསམ་ཚུལ་འགའ་གླེང་བར་བྱ།

༢༠༢༣/༠༦/༠༧
བྷི་ཧར་མངའ་སྡེའི་ཟམ་ཆེན་ཞིག་ལ་གློ་བུར་རྡིབ་སྐྱོན་བྱུང་།
Mobile App

བྷི་ཧར་གྱི་ཟམ་ཆེན་ཞིག་ལ་གློ་བུར་དུ་རྡིབ་སྐྱོན་བྱུང་།

༢༠༢༣/༠༦/༠༥
League of Social Democrats leader Chan Po-ying, center, argues with police before being taken away in Hong Kong’s Causeway Bay shopping district on 4th june 2023.Photo :AFP
Mobile App

དྲུག་བཞིའི་དོན་རྐྱེན་ལ་རྗེས་དྲན་ཞུ་མཁན་མང་པོ་ཞིག་བཙན་འཁྲིད་བྱས་འདུག  

༢༠༢༣/༠༦/༠༥

མཆན། 21

  1. གངས་མྱུག says:
    ལོ་ 13 སྔོན།

    ལོ་གསར་ལ་བཀྲ་ཤིས།

    Reply
  2. རྒྱ་རྡེའུའི་དགེ་འདུན། says:
    ལོ་ 13 སྔོན།

    སྟོབས་ལགས་ཀྱི་གསུང་བ་བདེན་གི་ཡ། འོན་ཀྱང་སྐྱོ་ནི་ཞིག་རེད་་་་ཡང་གཅིག་བཤད་ན་རང་དབང་ན་འཚོ་བཞིན་པའི་བོད་མི་ཚོའི་སྒོམས་ལམ་གསུམ་ལ་ཉམ་ལེན་རེད་བྱེད་རྒྱུ་ལས་གཞན་མི་འདུག་ག་་་་་་སྐྱིད་སྡུག་མཉམ་མྱོང་གི་གོ་དོན་འདི་ཙམ་ཡིན་ནམ

    Reply
  3. ཁ་བ་སྐམ་པོ། says:
    ལོ་ 13 སྔོན།

    ཤ་ཁྲག་གི་འབྲེལ་བ་གྲུབ་པའི་སྤུན་ཟླ་ཡོངས་ལ་ལོ་གསར་བའི་ནང་བཀྲ་ཤིས་ཞུ།
    རིན་པོ་ཆེས་གསུང་བ་ལྟར་སོ་སོའི་རིག་གཞུང་ལ་འཐམ་ཁྱུད་བྱེད་པ་གལ་་་་་་་་་་
    ཐུགས་ལ་བརྣག་རོགས་ཞུ་ཞུ་་་དེ་རིང་ང་མི་ཁོམ་དེ་བདེ་མོ།

    Reply
  4. སྨར་དྷཱིཿཟེར། says:
    ལོ་ 13 སྔོན།

    ལོ་གསར་པའི་འཚམས་འདྲིའི་ཚབ་ཏུ་ཅོ་ཉི་དང་ཚུལ་འོད་གཉིས་ཀྱི་གླིང་སྒྲུང་མི་ཉུང་བ་སྐོར་གཅིག་དཔར་ཤུས་གནང་འདུག་ལེགས་སོ་ཡོད་སླར་ཡང་རྒྱ་ཆེ་མང་ཚོགས་ཡོངས་ལ་འཚམས་འདྲི་བཀྲིས་བདེ་ལེགས་གྲངས་མེད་ཞུ།

    Reply
  5. གསེར་རྟ་ཚུལ་ཁྲིམས་འོད་ཟེར། says:
    ལོ་ 13 སྔོན།

    དྲ་གྲོགས་རྒྱལ་ཞེན་ལྷག་བསམ་གྱིས་མངོན་པར་ཕྱུག་པའི་བོད་ཅོ་རི་ཉི་མ་མཆོག་ལ་བོད་མེ་སྟག་གནམ་ལོ་གསར་བཞད་ཀྱི་དགའ་སྟོན་རྟེན་འབྲེལ་ལ་འཚམས་ཞུའི་བཀྲ་ཤིས་བདེ་ལེགས་གྲངས་མེད་དང་སྦྲགས་གླུ་ལན་དུ་ཆེད་དུ་ཕུལ།
    གླུ་ཕ་རྒྱུད་ནམ་མཁའ་སྟོང་པའི་གླུ།།
    སྟོང་ཆེན་སྐྱེ་འགག་བྲལ་བའི་གླུ།།
    ཨ་ལ་ཐེངས་གསུམ་འགུག་པའི་གླུ།།
    ལྷ་གོང་མ་ངོ་སོ་བསྟོད་པའི་གླུ།།
    ཐ་ལ་འགྲོ་དྲུག་འདྲེན་པའི་གླུ།།
    མ་འགྲོ་དྲུག་ཐར་ལམ་འགོད་པའི་གླུ།།
    གླུ་འདི་གླུ་ངོ་མ་ཤེས་ན།།
    བོད་ལྕགས་སྟག་གནམ་ལོའི་གད་རྒྱངས་ཡིན།།
    ས་འདིའི་ས་ངོ་མ་ཤེས་ན།།
    ལྷོ་ཞི་བདེ་རྒྱ་མཚོའི་ཉེ་འགྲམས་རེད།།
    ཕོ་ང་ངོ་ཁྱེད་ཀྱིས་ཤེས་ཚོད་ཡིན།།
    སྲོག་དམར་བོ་འབེན་ལ་བཞག་དགོས་ཀྱང།།
    མི་རྫུན་མར་ངོ་རྒོལ་བྱེད་མཁན་ཡིན།།
    མི་བདེན་པར་རྒྱབ་སྐྱོར་བརྩོན་མཁན་ཡིན།།
    འདི་རང་བསྟོད་མིན་ཏེ་དངོས་གནས་ཡིན།།
    རྒྱ་དམར་བོས་བོད་ཁམས་དྲག་གནོན་དང།།
    བོད་ཁ་བ་ཅན་གྱི་ཆགས་འཇིག་འདི།།
    སེམས་བསམ་ཞིང་བསམ་ན་གདུང་ཤུགས་ཀྱིས།།
    ལུས་ཡ་ཁོག་སྙིང་ཆུང་གས་ཉིན་ཆེ།།
    བོད་སྣོད་བཅུད་འཇོམས་པའི་སྲིད་བྱུས་དང།།
    ཕྱིའི་རྒྱབ་ཁབ་མགོ་བོ་སྐོར་ཐབས་ཀྱི།།
    རྒྱ་དམར་བོའི་གཡོ་འཕྲུལ་ཆུ་ཆེན་འབུམ།།
    སྐམ་ཐུབ་པའི་མེ་དཔུང་དཀོན་པར་གྲགས།།
    རྗེ་སྐྱབས་མགོན་༧རྒྱལ་བའི་དགུང་ནའི་བབ།།
    བོད་གཞིས་བྱེས་དགྲ་རྒོལ་སྟོབས་ཤུགས་དང།།
    ལྷོ་འཛམ་གླིང་བདེན་རྫུན་གོ་ཟློག་སོགས།།
    ཕྱོགས་ཀུན་ནས་ཉེན་ཁའི་གཡང་ན་ཡོད།།
    དོན་དེ་ཚོ་སྙིང་གི་དཀྱིལ་བཅང་ཏེ།།
    བོད་སྒང་བས་དཔའ་མཛངས་འགྱུར་མེད་ཀྱིས།།
    ཁྱེད་རྒྱལ་གཅེས་ཅོ་རི་ཉི་མ་སོགས།།
    ངེད་མི་རེས་སྤྱི་བའི་རྩ་དོན་ཆེད།།
    ལས་བྱས་རྗེས་རེ་རེ་འཇོག་བརྩོན་དང།།
    བོད་གངས་རིའི་དད་འདུན་མ་བརླགས་ན།།
    མགོན་༧རྒྱལ་བའི་ཐུགས་བསྐྱེད་རྒྱ་མཚོའི་རླབས།།
    བོད་གངས་ཅན་སྐྱེ་འགྲོའི་ལས་དབང་དང།།
    འབྲལ་མི་སྲིད་གཏན་དུ་འགྲོགས་ནས་ཡོད།།
    ལོ་གཉིས་སྟོང་སྔོན་ནས་རང་བཙན་གྱི།།
    དོན་ལོ་རྒྱུས་ལྡན་པའི་གངས་ཅན་འདི།།
    རྒྱ་དམར་བོས་རང་སྣང་གང་དྲན་དུ།།
    དུས་གཏན་དུ་དྲག་པོས་གནོན་ཐབས་མེད།།
    སྤྱིར་དེང་དུས་རྫུན་མ་བྲིན་པ་འདི།།
    སྐབས་ཤིག་ལ་ནག་པོའི་གཡོ་འཕྲུལ་ལས།།
    དུས་གཏན་དུ་རྒྱ་དམར་རྫུན་མདའ་འདིས།།
    བོད་གངས་ཅན་སོད་པའི་རེ་བ་མེད།།
    བོད་རྒྱལ་ཁའི་མེ་དཔུང་མྱུར་འབར་ཤོག།
    ཁྱེད་ཅོ་རི་ཉི་མ་ལ་སོགས་པར།།
    གླུ་འཁྲུལ་བ་སོང་ན་མཐོལ་ལོ་བཤགས།།
    ངལ་འཆལ་བ་སོང་ན་བཟོད་པར་གསོལ།།

    Reply
  6. karma dorje says:
    ལོ་ 13 སྔོན།

    སྙིང་སྟོབས་ཞིམ་པ་མེད་པ་་་་ ལ་ཞུམ་པ་མེད་པ།
    རྒྱུ་དང་འབྲས་པའི་རྟེན་འབྲེལ་ཡིན་སྟབས་་་་ ལ་རྒྱུ་དང་འབྲས་བུའི་རྟེན་འབྲེལ་་་ ལྟ་བུའི་དག་བཅོས་མི་དགོས་པར་གསར་འགོད་པ་ལ། ལོ་གསར་ལ་་བཀྲ་ཤིས་བདེ་ལེགས་དང་སྦྲགས་ལོ་གསར་པའི་ནང་ལ་ཡིག་ནོར་ཉུང་ལ་གཏམ་བཟང་གང་འཁོད་ཡོང་བའི་རེ་སྨོན་ཞུ།

    Reply
  7. རིག་འཛིན། says:
    ལོ་ 13 སྔོན།

    བླ་མེད་མགོན་སྐྱབས་དམ་པར་སྐུ་ཚེ་ཡུན་རིང་རྟེན་པའི་གསོལ་འདེབས་མཆོག་གསུམ་ལྷ་ལ་ཡང་ཡང་ཞུ་བཞིན་ཡོད་་་་་་

    Reply
  8. གཡག་རྒོད says:
    ལོ་ 13 སྔོན།

    བོད་ལྕགས་སྟག་ལོའི་གནམ་ལོ་གསར་ཚེ་ལ་བཀྲ་ཤིས་བདེ་ལེགས། རྒྱལ་བ་ཡིད་བཞིན་གྱི་ནོར་བུའི་སྐུ་ཚེ་ཁྲི་ལོ་བརྟན་པ་དང་། བོད་གཞིས་བྱས་གཉིས་ལྷན་དུ་འཛོམས་ཏེ། བོད་ཡུལ་ལ་བདེ་སྐྱིད་ཀྱི་ཉི་མ་ཤར་བའི་སྨོན་ལམ།

    Reply
  9. ཅོ་རི་ཉི་མ། says:
    ལོ་ 13 སྔོན།

    ལོ་གསར་ལ་བཀྲ་ཤིས་ལོ་ལེགས་ཞུ།

    ༄༅། །་གླུ་ཨ་ལ་ངག་གི་འགུག་ལུགས་རེད། གླུ་ཐ་ལ་གླུ་ཡི་ལེན་ལུགས་རེད།
    གླུ་རེ་རེ་མི་ལེན་བཀའ་མེད་རེད། རེ་རེ་མི་ལེན་མཚར་མེད་རེད། སྐྱིད་ན་ཇ་ཆང་མཚར་གླུ་རེད།
    སྡུག་ན་རང་སེམས་གསོ་གླུ་རེད། ངས་དེ་རིང་གླུ་ཞིག་ལེན་དེ། ལོ་གསར་པའི་རང་སེམས་གསོ་གླུ་ཡིན།

    1.དབུས་གཙང་ཆོས་ཀྱི་ཆོལ་ཁ་ནས། ཕོ་བྲང་དམར་པོའི་གཞི་དཀྱུལ་ལ། རྗེ་དར་མ་འུག་སྡེ་བཙན་པོ་ལགས།
    བོད་ཁ་བ་ཅན་གྱི་མི་རིགས་འདིར། ཐུགས་རྗེ་སྤྱན་གྱིས་ཨེ་གཟིགས་ལགས། གཟིགས་ན་དགོང་པར་ཅི་འདྲ་ཡོད།
    2.མདོ་སྟོད་མི་ཡི་ཆོལ་ཁ་ནས། གླིང་དཔའ་རྟུལ་སུམ་ཅུའི་གཞི་དཀྱུལ་ལ། དཔའ་མི་འགྱུར་མདན་མ་བྱང་ཁྲ་ལགས།
    དགྲ་དམར་པོ་དཔང་ཤུགས་ཆེ་ལུགས་དེར། ཐུགས་རྗེ་སྤྱན་གྱིས་ཨེ་གཟིགས་ལགས། གཟིགས་ན་དཔང་རོགས་ཅི་འདྲ་ཡོད།
    3.མདོ་སྨད་རྟ་ཡི་ཆོལ་ཁ་ནས། རིག་པའི་དཔའ་བོའི་གཞི་དཀྱུལ་ལ། སྡུག་བཙོན་པ་དགེ་འདུན་ཆོས་འཕེལ་ལགས།
    བོད་གངས་ཅན་དབུ་མའི་གཞུང་ལམ་འདིར། ཐུགས་རྗེ་སྤྱན་གྱིས་ཨེ་གཟིགས་ལགས། གཟིགས་ན་ལམ་སྟོན་ཅི་འདྲ་ཡོད།

    ས་འདི་ཡི་ས་ངོ་ཨེ་མཁྱེན་་ལགས། ས་འདི་ཡི་ཡིན་ལུགས་ཞུ་པས་ན། ས་རང་ཡུལ་མ་རེད་མི་ཡུལ་རེད།
    མགོ་སེར་པོ་མི་ཡི་ས་ཆ་རེད། རྒྱུ་ལོངས་སྤྱོད་ཕུན་སུམ་ཚོགས་ས་རེད། མི་ཀུན་ལ་རང་དབང་ཡོད་ས་རེད།
    ང་འདྲ་ང་ངོ་ཨེ་མཁྱེན་ལགས། ང་འདྲ་ཡིན་ལུགས་ཞུ་པས་ན། བོད་གངས་ཅན་རང་དབང་ཡོད་པའི་དུས།
    ས་བདག་ཚང་གི་བུ་སྐལ་ཡིན། དུས་དེང་སང་བཤད་ན་ཡིད་རེ་མུག ས་མཐའ་འཁྱམས་བའི་སྐྱབས་བཅོལ་ཡིན།
    འདིར་ནས་གསན་་དང་བོད་མི་རྣམས། གསན་དང་ཞུ་རྒྱུ་འགའ་རེ་ཡོད། ཞུ་ཟེར་ལེ་དམ་ཆོས་མི་འདུག་སྟེ།
    ཚིག་གསུམ་འདྲ་མ་ཨེ་འདྲ་ཡོད།

    1.བོད་ཁ་བ་ཅན་གྱི་མི་རིགས་འདི། ལ་མཐོ་པོའི་རྩེ་གྱི་ཉི་མ་འདྲ། ཉི་མ་ལ་རྒྱབ་ནུབ་བཞིན་འདུག
    དེ་ལ་དགོངས་པ་ཅི་འདྲ་ཡོད། དེ་བསམ་བཞིན་ཅོ་རི་ཡིད་རེ་སྐྱོ། ཡིད་སྐྱོ་བ་དགུང་ཁའི་དར་ལྕེ་རེད།
    སེམས་སྐྱོ་བ་ལུང་སྟོང་ཤོག་ཁྱེར་རེད།
    2.བོད་ཁ་བ་ཅན་གྱི་སྐད་ཡིག་འདི། ཆུ་སྔོན་མོའི་དཀྱུལ་གྱི་ལྦུ་བ་འདྲ། ཡུན་མི་རིང་ལྦུ་བ་ཡལ་བཞིན་འདུག
    དེ་ལ་དགོངས་པ་ཅི་འདྲ་ཡོད། དེ་བསམ་བཞིན་ཅོ་རི་ཡིད་རེ་སྐྱོ། ཡིད་སྐྱོ་བ་དགུང་ཁའི་དར་ལྕེ་རེད།
    སེམས་སྐྱོ་བ་ལུང་སྟོང་ཤོག་ཁྱེར་རེད།
    3.བོད་གངས་ཅན་དབུ་མའི་གཞུང་ལམ་འདི། རི་མཐོ་པོའི་རྩེ་་གྱི་རྐང་ལམ་འདྲ། རི་མཐོ་པོའི་རྩེ་ལ་འགྲོ་མི་ལ།
    རྟ་འདོ་ལུ་རྡོག་རྩ་གཅིག་བསྒྲིལ་མེད། དེ་ལ་དགོངས་པ་ཅི་འདྲ་ཡོད། དེ་བསམ་བཞིན་ཅོ་རི་ཡིད་རེ་སྐྱོ།
    ཡིད་སྐྱོ་བ་དགུང་ཁའི་དར་ལྕེ་རེད།་སེམས་སྐྱོ་བ་ལུང་སྟོང་ཤོག་ཁྱེར་རེད།
    གླུ་གོ་ན་རྣ་བ་ཡུལ་ལ་གསོལ། མ་གོ་གླུ་ལ་ཡང་ཞུ་མེད། བོད་མིའི་ཡིད་ལ་དེ་ལྟར་ཞོགས། སྐུ་ཚེ་བརྟན་པའི་སྨོན་ལམ་ཡོད།

    Reply
  10. སྟོབས་ says:
    ལོ་ 13 སྔོན།

    ཕྱིར་འོང་མི་སྲིད་པའི་ལོ་ཟླ་ཞིག་བཞུད་སོང་། མིག་ཆུ་དང་སྐྱོ་གདུང་རུམ་ནས་ཕེབས་སོང་ ། གཅིག་སྒྲིལ་དང་ལ་རྒྱའི་སྤོབས་པ་ལོ་སྐལ་ལ་གནང་ནས་ཕེབས་སོང་། ས་བྱིའི་བདེན་དོན་གྱིས་ཨག་སྐད་གནམ་ས་འགུལ་དུས །ས་གླང་འདིར་དཔའ་འཛངས་ཀྱི་དབྱེ་ཐག་གཡུལ་ས་ནས་བཅད་སོང་ ། རྐྱེན་དེས་ལྕགས་སྟག་ལོའི་ལོ་སར་ལ་སྤྲོ་བ་མེད ། འཛུམ་མདངས་མེད ། རང་ས་བསྲུང་བའི་དཔའ་བོ། ཁྱེད་ཚོའི་ལུས་སྟེང་ན་ཁྲག་དམར་གྱིས་གཤེར་པའི་ན་ཟུ ག་གི་རྨ་དག་་ ང་ཚོའི་རིག་ཡོད ། ཤུལ་དུ་ལུས་པའི་དྲྭ་ཕྲུག་ཚོའི་ངུ་སྒྲ་ཐོས་ཡོད ། ཡོད་ཚད་ང་ཚོའི་ཤེས་ཡོད། སུ་ཞིག་གི་ཆེད་དུ་མིག་ཆུ་འདོན་གྱིན་ཡོད ། དྲ་གྲོགས་ཚོ ། འདས་ཟིན་པའི་་ལོ་ཟླ་ལ་་ཕྱིར་དྲན་ཐང་གཅིག་གིས་བསྡོམས་རྩིས་ཤིག་གནང་རོགས་ཞུ་

    Reply
  11. སྟོབས་ says:
    ལོ་ 13 སྔོན།

    ་དེ་རིང་བོད་ལྕགས་སྟག་ལོ་གསར་དུ་བཞད་པའི་ལོ་སར་ཚེ་གཅིག་འདི་ལ་༧་གོང་ས་མཆོག་གི་སྐུ་ཚེ་བསྐལ་བརྒྱར་བརྟན་པའི་སྨོན་འདུན་དང་བཅས་བཀྲིས་བདེ་ལེགས་གྲངས་མེད་ཞུ ། སེམས་དང་བསམ་པའི་འཁོར་མཐུན་པའི་དྲྭ་གྲོགས་ཕོ་མོ་ཡོངས་ལའང་ལོ་སར་བཀྲིས་བདེ་ལེགས་ཞུ

    Reply
  12. སྨར་དྷཱིཿཟེར། says:
    ལོ་ 13 སྔོན།

    ཨོ་བོད་མི་དམངས་སྤྱི་འཐུས་གཏེར་སྟོན་མགོ་བདེ་གླིང་པ་ཡང་འདིར་ཕེབས་པ་འཚམས་འདྲི་བཀྲ་ཤིས་བདེ་ལེགས་ཞུ། ད་དུང་མུད་ཐུད་་་་་་་་་་་་་་་་་་་་་་་་་་་་་་་་

    Reply
  13. སྨར་དྷཱིཿཟེར། says:
    ལོ་ 13 སྔོན།

    སྐྱབས་སུ་མཆི། གངས་རི་རྭ་བའི་སྐོར་བའི་ཞིང་ཁམས་ན། །ཕན་དང་བདེ་བར་མ་ལུས་འབྱུང་བའི་གནས། །སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི། །ཞབས་པད་སྲིད་མཐའི་བར་དུ་བརྟན་འགྱུར་ཅིག །ལོ་འདིའི་ནང་ཁོང་གི་ཐུགས་བཞེད་མཐའ་དག་ལྷུན་གྱི་འགྲུབ་པ་ཤོག

    Reply
  14. གསེར་རྟ་ཚུལ་ཁྲིམས་འོད་ཟེར། says:
    ལོ་ 13 སྔོན།

    གཞིས་བྱེས་བོད་མི་ཡོངས་ལ་བོད་རབ་གནས་ལྕགས་སྟག་གནམ་ལོ་གསར་བཞད་ཀྱི་དགའ་སྟོན་རྟེན་འབྲེལ་ལ་འཚམས་ཞུའི་བཀྲ་ཤིས་བདེ་ལེགས་གྲངས་མེད་དང། ཁ་བ་གངས་ཅན་པའི་བདེན་མཐའ་མྱུར་དུ་གསལ་བའི་སྨོན་འདུན་ཤུགས་དྲག་བཅས་གུས་ཕུལ།།

    Reply
  15. གསེར་རྟ་ཚུལ་ཁྲིམས་འོད་ཟེར། says:
    ལོ་ 13 སྔོན།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    Reply
  16. གསེར་རྟ་ཚུལ་ཁྲིམས་འོད་ཟེར། says:
    ལོ་ 13 སྔོན།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    Reply
  17. གསེར་རྟ་ཚུལ་ཁྲིམས་འོད་ཟེར། says:
    ལོ་ 13 སྔོན།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    Reply
  18. གསེར་རྟ་ཚུལ་ཁྲིམས་འོད་ཟེར། says:
    ལོ་ 13 སྔོན།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    ཐུབ་དབང་སྤྱན་གཟིགས་འཇམ་དབྱངས་གསང་བདག་སོགས། །
    རྒྱལ་ཀུན་སྲས་དང་སྲུང་མར་བདེན་བདར་མཐུས།།
    ༧སྐྱབས་མགོན་བསྟན་འཛིན་རྒྱ་མཚོའི་ཞབས་བརྟན་ཞིང།།
    གང་བཞེད་འཕྲིན་ལས་མྱུར་དུ་རྒྱས་གྱུར་ཅིག།

    Reply
  19. སྐལ་བུ་ says:
    ལོ་ 13 སྔོན།

    ༸གོང་ས་མཆོག་སྐུ་ཚེ་ཁྲི་ཁྲག་ནས་ཁྲེ་ཁྲག་རྟེན་པ་ཤོག།

    Reply
  20. སྐལ་བུ་ says:
    ལོ་ 13 སྔོན།

    ༸གོང་ས་མཆོག་སྐུ་ཚེ་ཁྲི་ཁྲག་ནས་ཁྲེ་ཁྲག་རྟེན་པ་ཤོག།

    Reply
  21. ཆུ་ཐིགས་སྔོན་མོ། says:
    ལོ་ 13 སྔོན།

    ཨོ་་་་ཡ་་་་་་ད་ཡིན་ན་གསལ་བོ་གོ་སོང་་་དངོས་སུ་ཡོད་པ་དང་ཁྱད་པར་མི་འདུག་་་་་་
    ཨ་ཨ་ཨ་་་ཇི་འདྲའི་མི་མང་བ་ལ་་་་

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist