ཟླ་འདིའི་ཕྱི་ཚེས་ ༡༨ ཉིན་བོད་མིའི་དབུ་ཁྲིད་སྤྱི་ནོར་༧གོང་སྐྱབས་མགོན་ཆེན་པོ་མཆོག་དང་ཨ་རིའི་སྲིད་འཛིན་ཨོ་བྷ་མ་རྣམ་གཉིས་ཨ་རིའི་ཕོ་བྲང་དཀར་པོའི་ནང་མཇལ་འཕྲད་གནང་གིན་ཡོད་པའི་གོ་སྐབས་དང་བསྟུན་ཏེ། རྔ་པ་སྒོ་མང་དགོན་པའི་དགེ་འདུན་པ་ཚོ་འདུ་འཛོམས་རྒྱས་སྤྲོས་ཆེན་པོ་བྱས་ཤིང་། ཉིོན་དེའི་དགོང་མོ་རྒྱ་སྒོར་བཞི་ཁྲི་ ༤༠༠༠༠ ལྷག་གི་ཤོག་སྦག་སྒྲོན་སྒྲོན་ཡོད་འདུག དེ་མིན་རྔ་པ་སྒོ་མང་དགོན་པའི་དགེ་འདུན་པ་རྣམས་གཙོས་པའི་རྔ་པ་ས་ཁུལ་གྱི་དགོན་གྲོང་མང་པོ་ཞིག་གིས་ད་ལོའི་ལོ་གསར་ལ་རྒྱས་སྤྲོས་འདུ་འཛོམས་གང་ཡང་མེད་པར་ཉམས་ཆུང་གི་ལོ་གསར་སྟབས་བདེ་རེ་བྱས་ཏེ། ་རྐང་བཙུགས་ནས་ལོ་གསར་གྱི་ཚེ་བཞི་ཉིན་དེ་༧གོང་ས་མཆོག་དང་ཨ་རིའི་སྲིད་འཛིན་རྣམ་གཉིས་མཇལ་འཕྲད་བྱེད་པའི་ཉིན་མོ་དང་སྟབས་བསྟུན་ཏེ། ཤོག་སྦག་སྒྲོན་པ་སོགས་ཀྱི་དགའ་སྤྲོའི་རྣམ་འགྱུར་ཤུགས་ཆེན་བསྟན་ཡོད་འདུག ཉིན་དེར་རྒྱ་གཞུང་གི་ཉེན་རྟོག་པ་དང་དམག་མི་མང་པོ་དགོན་གྲོང་གཉིས་གཙོས་པའི་ས་ཚིགས་མང་པོར་འགྲེམས་འཇོག་བྱས་ཏེ་དམ་དྲག་ཤུགས་ཆེན་བྱེད་ཀྱིན་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དུས་བབ་ནང་གི་དྲ་གྲོགས་ཚང་མ་ཁ་བརྡའི་ནང་དུ་བོད་རང་བཙན་གྱི་ཆེན་དུ་འོས་ཤོག་བླུགས་པར་ཕེབས་རོགས། དྲ་ཐག་འདི་ཡིན།
http://www.khabdha.org/?p=6688&cpage=1#comment-23383
དྲ་གྲོགས་ཚོ། མགྱོགས་པོར་འོས་བླུགས་པར་ཕེབས་རོགས། གོང་གི་དྲ་ཐག་ནང་དུ་དྲ་ཤར་གསུམ་ཡོད་པའི་དཀྱིལ་མ་དེ་ལས་དབྱིན་ཡིག་གི་Quick Vote ཞེས་པ་ལས་yes སྟེང་གནོན་དགོས་པ་ཡིན།
རྒྱ་གར་གྱི་ཉིན་གུང་དུས་ཚོད་༡།༤༥་ཐོག་བོད་རང་བཙན་ལ་རྒྱབ་སྐྱོར་བྱེད་མཁན་བརྒྱ་ཆའི་༩་དང་། ཁ་གཏད་བརྒྱ་ཆའི་༩༡་རེད་འདུག འགྱོགས་པོར་འོས་བླུགས་པར་ཕེབས་རོགས། ཕན་ཚུན་ལ་བརྡ་ལན་སྤྲོད་རོགས།
རྗེས་རངས་ཡོད་། ་གོ་སྐབས་དེ་འདྲ་བླངས་སྟེ་ལས་འགུལ་སྤེལ་པར་བོད་མིའི་ལྷག་བསམ་དང་སྙིང་སྟོབས་ཕྱིར་བསྟན་པ་རེད། ངོ་མས་ཐུགས་རྗེ་ཆེ
ཤོག་སྦག་འཚེ་མེད་ཞི་བའི་འགུལ་ལ་བེད་སྤྱད་པ་ནི། ཤིན་ཏུ་འོས་ཤིང་འཚམ་ལ་རང་གི་སྙིང་སྟོབས་འོད་དང་སྒྲས་གཟུགས་སུ་ཤར་བ་རེད། བཀའ་དྲིན་རྗེས་དྲན་ཞུ་འོས་སོ། །
འོས་ལངས་དང་སྨར་ངྷི་གཉིས་ལ་སེམས་ཤུགས་ཡོད་པ་ལས། དོན་གྱི་གནད་གོ་ཐུབ་པའི་མི་བུ་གཉིས་མ་རེད་འདུག།
དགེ་འདུན་ཆོས་འཕེལ་གྱིས།
སྙིང་བ་ཐམས་ཅད་ལྷ་ཡི་སྲོལ་དུ་བར྄ྩི།
གསར་བ་ཐམས་ཅད་བདུད་ཀྱི་འཕྲུལ་དུ་སེམས། འདི་ལ་བསམ་བློ་ཞིག་གཏོང་རོགས།
ཤོག་སྤག་རྒྱག་པ་གནའ་སྲོལ་མ་ཡིན་པ་བདེན་མོད། གནའ་སྔ་མོར་བོད་ལ་ཤོག་སྤག་མེད་པས་རེད། བསང་གསོལ་གཏོང་སྐབས་མེ་མདའི་ཁ་གནམ་ལ་གཏད་ནས་འཕེན་སྲོལ་ཡོད་པ་དེ་ཁྱེད་གཉིས་ཀྱིས་ལོས་ཤེས།
ཤོག་སྤག་རྒྱག་སྲོལ་དེ་དེངས་རབས་སྔོན་ཐོན་མི་རིགས་ཀྱི་སྲོལ་རེད། འདི་ནི་བོད་ནང་དུ་ཡོད་པའི་བོད་མིའི་བསམ་བློ་སྔོན་ཐོན་ཡིན་པའི་རྟགས་མཚན་རེད། དུས་ཉེར་གཅིག་པའི་ནང་དུ་སླེབ་ཡོད་མ་བརྗེད་རོགས།
ཤོག་སྤག་གི་མེ་ལྕེ་མ་རེད།
སྙིང་སྟོབས་ཀྱི་འོད་སྣང་རེད།
ཤོག་སྤག་གི་སྡུར་སྒྲ་མ་རེད།
སེམས་ཤུགས་ཀྱི་འཕར་སྒྲ་རེད།
སྐྲག་མི་དགོས་ས་ཤིག་ལ་བསྡད་ནས་ཁ་རྒྱག་པ་བཤད་རྒྱུ་དེ་ལས་སླ་བོ་མ་རེད་དམ།
རྒྱ་རྡེའུ་དགེ་འདུན་ལགས ཁ་སང་ཀྱི་ཟུར་ཟའི་ཚིག་ཅིག་གི་ཁྱེད་ལ་བློ་བསྐྱེད་ཡག་པོ་ཞིག་རྙེད་ཡོད་པ་འདྲ
ལམ་ཁ་གུ་དོག་མོ་ཞིག་ལ་འགྲོ་ཟེར་མཁན་ལ་སྐྱ་སེར་གང་ཡིན་རུང་ཡིད་ཆེས་མེད་ཞེས་པའི་ཚིག་འདི་ལ་གོ་བ་གཏིང་ཟབ་ས་ནས་རྙེད་འདུག ངོ་མ་དགའ་ཡོད ། སེམས་ཅན་དགའ་ན་དགེ་བ་ཡིན་ཞེས་པ་ལྟར བདག་གི་དཀའ་ལས་ཆུང་ཆུང་ཞིག་གིས་དགེ་བ་རླབ་ཆེན་ཞིག་བསགས་སོང་
རྒྱ་རྡེའུའི་དགེ་འདུན།
བོད་ནང་ཀི་ལས་འགུལ་ལ་རྗེས་སུ་ཡིད་རིང་ཡོད ། མ་ཎི་འདོན་པ་དང་ཤོག་སྤག་བསྒྲོན་པ་རང་ཁྱིམ་དང་མཆོད་བཤམས་སོགས་གཙང་སྦྲ་བྱི་དོར་བྱེད་པ་ནི་དུས་ཚོད་ངེས་ཅན་ཞིག་ལ་ཁེལ་ན་བོད་ཀྱི་འཐམ་རྩོད་ཀྱི་ངོ་རྒོལ་ཤུགས་ཤིག་རེད །
ངོ་རྒོལ་དེས་རྒྱ་ནག་གི་སྲིད་ཇུས་གཏིང་ཟབ་ས་ནས་སྤྲུག་གིན་འདུག
ཆོག་གི་ཆོག་གི་་་་མི་རབ་སྔ་མ་དག་གི་བྱེད་ལུགས་སོགས་པྱི་རབ་པའི་རྒྱུན་སྲང་བྱེད་རྒྱུ་གལ་ཆེན་རེད་་འོན་ཀྱང་མིའི་ཡ་རབ་སྤྱོད་བཟང་སོགས་མདོར་ན་དགོས་ངེས་ཀྱི་ལུགས་སྲོལ་དང་ལྷན་དུ་དུས་རབ་འདིའི་རྗེས་སུ་བསྐྱོད་རྒྱུ་ལས་་་མི་རབ་སྔ་མ་ཚོའི་ཡོད་ཚད་ལ་འཇུས་བདད་ན་བཟང་ནི་མ་རེད་ཡ་་་་་་དཔེར་ན་རང་ཉིད་ལ་ཡོད་པའི་བཅའ་དངོས་ཕན་ཡོད་ཕན་མེད་ཚང་མ་རང་ཉིད་ཀྱི་བཅའ་དངོས་ཡིན་པ་རྒྱུ་མཚན་དུ་བྱས་ནས་ཉལ་ཚག་བྱས་བ་དང་གཅིག་མཚུངས་རེད་་་་་
དྲྭ་གྲོགས་སེམས་ཁྲལ་སོགས་ལ་གསལ་བཤད་ཞུས་རྒྱུ་ཞིག་ལ།
ཡོད་ཚད་དེང་རབས་ཀྱི་ཕྱོགས་སུ་བསྐོར་མི་དགོས་ལ་སྲོལ་རྒྱན་གྱི་ལུགས་སྲོལ་ཡིན་ན་དེང་སང་བླང་མི་རུང་པ་གཏན་ནས་མིན། བོད་རང་གི་ངོ་བོ་དང་ཁྱད་ཆོས་མཚོན་པའི་དགའ་སྤྲོའི་རྣམ་པ་འདྲ་མིན་ཡོད་པ་ཁྱེད་ཚོ་ཤེས་ཀྱི་མེད་དམ་གལ་སྲིད་ཁྱེད་ཅག་མ་མཁྱེན་ཚེ་ངས་རིམ་པ་གཤམ་དུ་
གསལ་འདེབས་ཞུས་ཆོག
འོས་ལངས་དང་སྨར་སྡྰི་གཉིས་ཀྱི་བཤད་སྟངས་དེ་ལས་རྒྱུ་འབྲས་དང་ཆེས་འགལ་བའི་བློ་ཕམ་རེད། ཤོག་སྦག་བརྒྱབ་ནས་དགའ་སྟོན་བྱེད་པ་རྒྱལ་སྤྱི་ཐོག་གི་བྱེད་སྟངས་ཞིག་ཡིན་པ་ལས། རྒྱ་ནག་ཙམ་གྱི་མ་རེད། སྔ་མོ་བོད་པས་བསང་གསོལ་སོགས་ཀྱི་སྐད་ཆེན་པོས་ཀུ་འདེབས་པ་དང་ལྷ་རྒྱལ་འཐེན་སྲོལ་ཡོད་པ་རེད། དེ་ནས་ཀུ་སྒྲ་ལས་ཀྱང་སྐད་སྒྲ་ཆེ་བའི་མེ་མདའ་དང་ཤོག་སྦག་སོགས་བརྒྱག་སྲོལ་དར་བ་རེད། ཤོག་སྦག་བརྒྱག་པ་དེ་བོད་ཀྱི་གནའ་སྲོལ་མ་རེད་དེ། དེ་ནི་དེང་དུས་ཀྱི་རྒྱལ་སྤྱི་གོམས་སྲོལ་དང་མཐུན་པའི་བོད་པའི་གོམས་སྲོལ་གསར་བ་ཞིག་རེད། གོམས་གཤིས་གསར་བ་རྣམས་སྔར་མེད་པས་བོད་སྲོལ་མ་རེད་ཟེར་ན། ད་ཡོད་ཀྱི་བོད་པའི་ཕྲུ་གུ་གསར་དུ་སྐྱེས་པ་རྣམས། སྔ་མོའི་བོད་ཀྱི་མི་འབོར་ནང་མེད་པར་གསར་དུ་སྐྱེས་ཡོད་སྟོབས། ཕྲུ་གུ་འདི་ཚོ་གནའ་བོའི་བོད་མིའི་གྲངས་འབོར་ནང་མེད་པས་བོད་མི་མ་རེད་ཟེར་འདོད་དམ། གོམས་སྲོལ་གསར་བ་དང་རྙིང་བའི་ཁྱད་པར་ཙམ་མི་དབྱེ་བར་བླུན་གཏམ་བཤད་མཁན་འོས་ལངས་སོགས་སྙིང་རྗེ།
སྙིང་སྟོབས་མཚོན་པའི་ཤོག་སྦག་ཡིན་གྱི་རྒྱ་ཕྲུག་དགའ་བའི་དགའ་སྟོན་མིན༎
ནང་སེམས་མཚོན་པའི་ཤོག་སྦག་ཡིན་གྱི་ཅོལ་ཆུང་གཞན་རྗེས་འབྲང་བ་མིན༎
གཉེན་གྲོགས་དགའ་སྐྱེད་ཤོག་སྦག་ཡིན་གྱི་མགོན་ལ་རྒྱབ་གཏོད་བྱས་པ་མིན༎
དགྲ་བོ་སྐྱེང་པའི་ཤོག་སྦག་ཡིན་གྱི་འདོ་མེད་ཕོ་ཡི་གཏོང་འཕོད་མིན༎
དུས་ལ་བབས་པའི་ཤོག་སྦག་ཡིན་པས་ཀུན་ནས་སྤོར་ཞིག་དཔའ་རྒོད་ཚོ༎
དགག་བྱ་ཆེ་ཡང་དགོས་པ་གཙོ༎ བོད་ལ་ཤོག་སྦག་བཀྲིས་ཤོག།
བཀྲ་ཤིས་བདེ་ལེགས། དཔེ་ཡག་པོ་རེད། བསྔགས་བརྗོད་ཡོད།
གཡག་རྒོད་ནི་བོད་ཀྱི་གཡག་རྒོད་རང་རེད་་་གསུང་བ་བདེན་ཡ་་་་་་་་འགའ་ཞིག་གི་བོད་ཀྱི་ལུགས་སྲོལ་མ་བྱས་པ་དང་ཡང་རྒྱའི་ལུགས་བྱས་ནས་བླུན་པོ་དང་བློ་ཕམ་ཡོད་ཚུར་་བཤད་པ་དེ་་ངོ་མ་ནང་སྐྱོན་བཤད་རྒྱུ་རྫོགས་སོང་བ་རེད་་ཧ་ཧ་ཧ་ཧ་དགོད་རྒྱུ་ཡོང་གི་ཡ་་་་་་་རྒྱའི་ལུགས་སྲོལ་བོད་པས་བེད་སྤྱོད་བྱེད་མི་ཆོག་པ་མིན་ལ་བོད་ཀྱི་ལུགས་སྲོལ་མིན་པས་ངེས་བ་ཡང་མེད་འདོད་་་་ཡང་གཅོག་བཤད་ན་་་་གང་ཞིག་བོད་པའི་བེད་སྤྱོད་གཏོང་དགོས་ངེས་ཀྱི་བྱ་དངོས་གསར་བ་རེ་ཐོན་ཚེ་འདི་བོད་ཀྱི་གནའ་སྔ་མོའི་ལུགས་སྲོལ་ལ་མེད་ཟེར་ནས་དུས་ཐོག་གྱི་བེད་སྤྱོད་མ་བྱས་ན་་་་་ཧ་ཧ་་་ད་དུང་ཤེས་དགོས་བ་ཞིག་ལ་་གནའ་སྔ་མི་ནས་བསང་གསོལ་སོགས་གཏོང་སྐབས་མེ་མདའ་སོགས་བེད་སྤྱོད་བྱེད་སྲོལ་ཡོད་པས་ཤོག་སྤག་ཡང་དེའི་རིགས་ཅིག་ལ་དངོས་འཛིན་བྱས་ན་རེད་་་་་་ད་དུང་ངེའི་བསམ་ན་བྱེད་ལས་དེ་ཤིན་ཏུ་བཟང་གི་འདོད་་་རྒྱུ་མཚན་་ནམ་འགྱུར་འདི་རྒྱ་ལ་བལྟན་དགོས་བས་ཤོག་སྤག་བེད་བྱེད་དེ་དགའ་སྟོན་བྱས་བ་དེས་དམིགས་བསལ་གྱི་ཁོང་ཚོ་ལ་ཚོལ་བ་ཞིག་སྤྲོད་ཐུབ་ཡོད་འདོད་་་་་་
དམིགས་གསལ་བཀྲ་ཤིས་བདེ་ལེགས་ཞུ། ཡིན་ནའང་དགའ་སྤྲོའི་རྣམ་པ་དེ་བོད་རང་གི་མཐུན་མིན་གྱི་ལུགས་སྲོལ་ཐོག་ནས་མ་བྱེད་པ་བློ་ཕམ་བྱུང་།
རྔ་བའི་སེར་སྐྱ་མི་དམངས་ལ་ཐུགས་རྗེ་ཆེ་ཞུ་བ་དང་། ཁྱོད་ཚོའི་མཛད་རྗེས་ལ་བསྔགས་བརྗོད་ཞུ། བོད་རྒྱལ་གྱུར་ཅིག རྔ་བ་སེར་སྐྱ་མི་དམངས་རྒྱལ་གྱུར་ཅིག
གོ་ཐོས་ལ། རྔ་ཡུལ་མི་མང་གིས་ལོ་གསར་སྐབས་ལོ་གསར་གྱི་དུས་སྟོན་མ་བྱས་པ་དེར་རྗེས་སུ་ཡི་རངས་ཞུས་ཡོད། ཡིན་ན་ཡང་། གོང་ས་མཆོག་དང་ཨོ་སྦ་མ་གཉིས་ཀྱི་མཇལ་འཕྲད་དེའི་ཆེད་དུ་རྒྱ་ལུགས་ཀྱི་ཤོག་སྦག་མང་པོ་སྒྲོན་ཏེ་དགའ་ཉམས་བསྟན་པ་ནི། བླུན་པོ་འཕྱུག་ན་འདོམ་གང་གི་དཔེ་ལྟར་སོང་འདུག་བསམ།
༄༅། ཕ་ཡུལ་མི་མང་གི་སྙིང་སྟོབས་དང་སེམས་ཤུགས་ལ་དོ་ཟླ་བྲལ། བར་སྣང་འཕྱུར་བའི་མེ་འོད་དེ་ནི། གཞིས་བཞུགས་བོད་མའི་སེམས་ཤུགས་ཀྱི་མེ་ལྕེ་རེད།