ང་ཚོ་བོད་པའི་སྐད་ཀྱི་ནང་དུ་ཁ་སྐད་དང་ཡིག་སྐད་ཐ་དད་དུ་ཡོད། ཁ་སྐད་དེ་ལུང་ཚན་སོ་སོའི་ཐུན་མོང་མ་ཡིན་པའི་བེད་སྤྱོད་ཀྱི་སྐད་དང་། ཡིག་སྐད་དེ་བོད་རིགས་ཡོངས་རྫོགས་ཀྱིས་རྒྱ་ཁྱབ་ཏུ་བེད་སྤྱོད་པའི་སྐད་ཡིན་སྟབས། དེ་ནི་བོད་ཀྱི་སྐད་ཡིག་གི་ཕུན་སུམ་ཚོགས་པའི་ཡན་ལག་ཅིག་དང་། བོད་ཀྱི་སྐད་ཡིག་གི་ཡོན་ཏན་ཞིག་ཡིན་པར་མཁས་པ་གོང་མ་ཚོས་ངོས་འཛིན་གནང་ཡོད་ལ། ང་ཡང་དེ་ལྟར་ངོས་འཛིན་བྱེད་མཁན་གྱི་གྲས་ཡིན་ཟེར།
ཁ་སང་ཕྱི་ཚེས་ ༢༡ ཉིན་གྱི་རྒྱལ་སྤྱིའི་སྐད་ཡིག་གི་ཉིན་མོ་དང་བསྟུན་ཏེ། བོད་སྐད་ཡིག་རྒྱུན་འཛིན་ཚོགས་པ་དང་བོད་སྐད་ཡིག་གཅེས་སྐྱོང་ལས་འགུལ་པ་གཉིས་མཉམ་འབྲེལ་ཐོག་བོད་ཀྱི་སྐད་ཡིག་སྲུང་སྐྱོབ་དང་རྒྱུན་འཛིན། དག་ཐེར་བཅས་ཀྱི་ཐད་ལས་འགུལ་ཞིག་སྤེལ་ཡོད། ཉིན་དེའི་ཞོགས་པར་བཞུགས་སྒར་ངྷ་རམ་ས་ལ་ཁུལ་གྱི་ཚོང་ཁང་ཁག་ཅིག་གི་སྒོ་བྱང་གི་ཡི་གེར་དག་བཅོས་དང་། ཉིན་རྒྱབ་ངྷ་ས་ཡོངས་གླིང་སློབ་གྲྭའི་ཚོགས་ཁང་དུ་༼ བོད་ཀྱི་སྐད་ཡིག་གླེང་བ ༽ ཞེས་པའི་བརྗོད་གཞིའི་ཐོག་བགྲོ་གླེང་ཞིག་འཚོགས་ཡོད། བགྲོ་གླེང་དེའི་སྟེང་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་དང་ཤེས་རིག་ཟུང་དྲུང་ཀརྨ་སྨོན་ལམ་མཆོག སཱ་ར་མཐོ་སློབ་ཀྱི་དགེ་རྒན་ཆེན་མོ་བསོད་ནམས་རྒྱལ་མཚན་མཆོག་བཅས་ཀྱིས་བོད་ཕྱི་ནང་གཉིས་སུ་ཕྱིའི་སྐད་ཡིག་ནང་གི་མིང་ཚིག་གསར་བ་བོད་ཡིག་ཏུ་སྒྱུར་སྟངས་དང་། བོད་སྐད་ཡིག་གི་བརྡ་སྤྲོད་བཅས་ཀྱི་སྐོར་ལ་གཏམ་བཤད་དང་ཚོགས་ཞུགས་པ་དག་གི་དྲི་བར་ལན་འདེབས་གནང་ཡོད།
བགྲོ་གླེང་གི་ཐོག་མར་བོད་སྐད་ཡིག་རྒྱུན་འཛིན་ཚོགས་པ་དང་བོད་སྐད་ཡིག་གཅེས་སྐྱོང་ལས་འགུལ་པ་གཉིས་ཐུན་མོང་གིས་བསྒྲགས་གཏམ་ཞིག་སྤེལ་བའི་ནང་བཀོད་དོན། སྐད་ཡིག་དེ་མི་རིགས་ཀྱི་བླ་སྲོག་ཡིན་པ་ནི། འཛམ་གླིང་གི་མི་རིགས་ཞིབ་འཇུག་ཆེད་མཁས་པས་རྙེད་པའི་སྡོམ་ཚིག་ཡིན་ལ། མི་རིགས་ཤིག་གི་ཆོས་སྲིད་རིག་གསུམ་གྱི་འཇུ་ཐག་ཁོ་ནའང་འདི་ཉིད་ཡིན་པས། ཁྱེད་ཀྱིས་ཁ་ཚ་དགོས་གཏུགས་ཀྱིས་མི་རིགས་འདི་ལ་བྱས་རྗེས་དང་ཞབས་ཞུ་རེ་ཞུ་འདོད་དམ། ད་དུང་འཆི་བཞིན་པའི་བོད་མི་རིགས་ཀྱི་ཤེས་རིག་ལ་ཚེ་སྲོག་གསར་བ་ཞིག་སྦྱིན་འདོད་དམ། གལ་སྲིད་ཁྱེད་ཀྱིས་དེ་ལྟར་བྱ་འདོད་ཚེ། དེའི་ནུས་ཤུགས་དེ་དུས་ནམ་ཡང་ཁྱེད་དང་ཁ་མ་བྲལ་བར་རང་ཆས་སུ་ཡོད། དེ་ནི་ཁྱེད་རང་ཉིད་ཀྱིས་བོད་སྐད་གཙང་མ་ཞིག་བཤད་རྒྱུ་དེ་རེད། གང་ལྟར་ང་ཚོས་སྡུག་སྐད་ཤོར་བ་དང་འཁང་ར་བྱས་པ་ཙམ་མ་ཡིན་པར་བོད་པ་རང་ཉིད་ཀྱི་ངོས་ནས་མ་བསྐུལ་དང་བླང་ཐོག སེམས་ཐག་གཙང་བཅད་དང་ལྷག་བསམ་རྣམ་དག་གིས་རང་གིས་རང་ལ་དམ་བཅའ་བཞག་སྟེ། ཡུལ་གྲུ་གང་དུ་སླེབས་ཀྱང་བོད་ཀྱི་སྤྱི་ཚོགས་ཁྲོད་བོད་སྐད་གཙང་མ་བཤད་སའི་ཁོར་ཡུག་བསྐྲུན་ཐབས་ལ་འབད་བརྩོན་བྱ་རྒྱུ་དང༌། རང་ཉིད་ནས་མགོ་བཙུགས་ཏེ་རང་ཉིད་ལ་བསྒྱུར་བཅོས་བྱ་རྒྱུ་དེ་དམིགས་ཡུལ་གཙོ་བོ་ཡིན། དེ་ལྟར་ལེགས་འགྲུབ་བྱུང་ཚེ་གཞན་གྱི་བཙན་འོག་ཏུ་མི་ལོ་སྟོང་ཕྲག་དུ་མར་གནས་དགོས་ཀྱང་བོད་མི་རིགས་ཀྱི་ཚེ་སྲོག་ནམ་ཡང་འཆད་མི་སྲིད། ང་ཚོས་གོ་སྐབས་འདི་བརྒྱུད་དེ་ཤ་རུས་གདུང་རྒྱུད་གཅིག་པའི་བོད་རིགས་སྤུན་ཟླ་ཡོངས་ལ་སྙིང་ནས་རེ་སྐུལ་ཞུ་རྒྱུར། ང་ཚོ་འདིར་འཛོམས་ནས་བོད་ཀྱི་སྐད་ཡིག་སྐོར་ལ་བགྲོ་གླེང་བྱས་པ་ཙམ་གྱིས་ང་ཚོས་ལས་འགན་འགྲུབ་སོང་བ་མིན་པར། མ་མཐར་ཡང་དེ་རིང་འདིར་ཕེབས་པའི་བགྲོ་གླེང་བ་རྣམ་པ་གཙོས་ཚོགས་ཞུགས་པ་ཡོངས་ཀྱིས། ད་ནས་བཟུང་བོད་སྐད་གཙང་མ་ཞིག་བཤད་རྒྱུ་དང༌། བོད་མི་རིགས་ཀྱི་སྐད་ཡིག་འདི་འཇིག་ཉེན་ལས་བསྐྱབ་པའི་ཆེད་དུ་མི་རེ་རེས་རང་ས་ནས་འགན་འཁུར་རྒྱུའི་རེ་སྐུལ་སྙིང་ནས་ཞུ་བཞིན་ཡོད་ཅེས་བཀོད་འདུག
བསྒྲགས་གཏམ་ནང་མུ་མཐུད་ལས་འགུལ་སྤེལ་སྟངས་སྐོར་དོན་ཚན་གསུམ་བཀོད་དོན། དང་པོ། རང་ཉིད་བོད་མི་ཞིག་ཡིན་པའི་ཆ་ནས་མི་རིགས་ལ་བཅིངས་བའི་བརྩེ་སེམས་དང་ཤ་ཞེན། སེམས་ཤུགས་སོགས་ཀྱིས་བོད་ཀྱི་རྩ་དོན་ཆེད་དམིགས་ཏེ་བོད་རིགས་གྲོགས་པོ་དང༌ནང་མི། བོད་མི་སུ་འདྲ་ཞིག་དང་འཕྲད་སྐབས་རང་ངོས་ནས་བོད་སྐད་གཙང་མ་ཞིག་བཤད་རྒྱུ། གཉིས་པ། གལ་སྲིད་ཁྱེད་རང་ཕ་མ་བུ་ཕྲུག་ཅན་ཡིན་ཚེ་རང་ཉིད་ཀྱིས་ལས་འགན་ཅི་ལྕོགས་ཀྱིས་ཕྲུ་གུའི་མདུན་དུ་བོད་སྐད་གཙང་མ་བསྐྱོན་ཏེ། ཕྲུ་གུའི་རྒྱུད་ལ་བག་ཆགས་བཟང་པོ་འཇོག་རྒྱུ་དང༌། བོད་སྐད་དེ། དང་པོ་ཁྱིམ་སྤྱོད་སྐད་ཡིག་དང༌། དེ་ནས་རིམ་བཞིན་སྤྱི་ཚོགས་ཡོངས་ལ་ཁྱབ་ཐུབ་པ་བྱ་དགོས། གསུམ་པ། བླ་མ་དང་མཁན་པོ། སློབ་དཔོན་དང་དགེ་བཤེས། བཙུན་པ་དང་བཙུན་མ། སྐུ་ངོ་དང་ལས་བྱེད། མཁས་དབང་དང་སློབ་དགེ མཐོ་སློབ་དང་འབྲིང་སློབ་སོགས་ཡིན་ཚེ། རང་ཉིད་ཀྱིས་བོད་ཀྱི་སྤྱི་ཚོགས་ཁྲོད་མིག་དཔེ་བཟང་པོ་བསྟན་ནས་ལམ་སྟོན་དང་སྣེ་ཁྲིད་ཀྱིས་ནུས་པ་བཏོན་ཏེ། བོད་སྐད་གཙང་མ་བསྐྱོན་པའི་ཁོར་ཡུག་བསྐྲུན་ཐབས་ཐད་ཕྱོགས་ཡོངས་ནས་འབད་བརྩོན་བྱ་རྒྱུ་བཅས་སོ། ། ཞེས་བཀོད་འདུག
སྐབས་དེར་ཤེས་རིག་ཟུང་དྲུང་ཀརྨ་སྨོན་ལམ་ལགས་ཀྱིས་བོད་ཕྱི་ནང་གཉིས་ཀྱི་མིང་ཚིག་གསར་སྒྱུར་ཐད་ཀྱི་གནད་དོན་སྐོར་གསུངས་དོན། བོད་ཕྱི་ནང་གཉིས་སུ་ཐ་སྙད་བསྒྱུར་སྟངས་སྐོར་ལ་དཀའ་ངལ་ཆེན་པོ་ཞིག་འཕྲད་ཀྱིན་ཡོད། དེ་སྔ་ཆོས་རྒྱལ་ཚོའི་སྐབས་ལ་བཀའ་བསྟན་ཡོངས་རྫོགས་བོད་སྒྱུར་བྱས་ཀྱང་། སྐབས་དེར་བོད་ཕྱི་ནང་གཉིས་ཟེར་བ་ཡོད་པ་མ་རེད། སྒྲིག་དང་ཁྲིམས་ཀྱི་བཀོད་ཁྱབ་གཅིག་གི་འོག་ཏུ་ཕྱིན་ཡོད། འོན་ཀྱང་ང་དགུ་ལོའི་རྗེས་ནས་བོད་ཕྱི་ནང་གཉིས་ཆགས་ཤིང་། སྐད་ཡིག་གཅིག་གྱུར་ཡིན་པའི་མི་རིགས་ཤིག་དུམ་བུ་གཉིས་ཆགས་ཏེ། བཙན་བྱོལ་ནང་གི་བོད་མི་ཚོས་རྒྱ་གར་དང་མཉམ་དུ་འཚོ་བ་སྐྱེལ་དགོས་དུས་རྒྱ་གར་སྐད་དང་དབྱིན་སྐད་ཀྱི་ཤན་ཤུགས་དང་། བོད་ནང་གི་བོད་མི་ཚོ་རྒྱ་མི་དང་མཉམ་དུ་གཤིབ་དགོས་སྟབས་རྒྱ་སྐད་ཀྱི་ཤན་ཞུགས་ཏེ། བོད་སྐད་ལ་མི་རིགས་གཞན་པའི་སྐད་ཡིག་གསུམ་གྱིས་བཙན་འཛུལ་ཐེབས་ཡོད། བོད་ཕྱི་ནང་གཉིས་སུ་གྱེས་པའི་རྗེས་ལ་བོད་ནང་ལ་ཤུགས་རྐྱེན་ཆེ་ཤོས་ཆབ་སྲིད་དང་འབྲེལ་བའི་ཚིག་རེད། བོད་པའི་སྐད་ཀྱི་གཤིས་ཀའི་སྟེང་རྩ་བ་ནས་མེད་པ་ཞིག་ལ། དཔེར་ན། བོད་ནང་དུ་༼མིས་བཟོས་འཁོར་སྐར་༽ལྟ་བུ་བསྒྱུར་འདུག རང་བྱུང་མ་ཡིན་པ་དང་རང་བཞིན་མ་ཡིན་པ་ཡོངས་རྫོགས་ལ་མིས་བཟོས་ལབ་པ་ཡིན་ན། བོད་ཕྱི་ལོགས་ཀྱི་ང་ཚོས་དེ་ཁས་ལེན་གི་མ་རེད། དབྱིན་ཡིག་གི་ artificial ཟེར་བ་དེའི་ཚབ་ལ་དེ་སྔ་ནས་བོད་ནང་བཅོས་མ་ཟེར་བ་ཞིག་ཡོད་ཡོད་པ་རེད། མིས་བཟོས་པ་ཡོངས་རྫོགས་ལ་མིས་བཟོས་ལབ་པ་ཡིན་ན། ནམ་ཞིག་དབྱིན་ཡིག་ནང་གི་ man made ཟེར་བ་ཞིག་བྱུང་ན་ཅི་ཞིག་གདགས་རྒྱུ་ཡིན། དེ་ལྟར་བྱས་པ་ཡིན་ན་སྐད་ཡིག་འཕེལ་རྒྱས་ལ་གནོད་གི་རེད། དེ་བཞིན་བཙན་བྱོལ་ནང་ཆོས་རིག་ཟེར་བ་དེ་ལ་བོད་ནང་དུ་སློབ་གསོ་ཟེར་གྱིན་འདུག དེ་ནི་གཞན་གྱི་ཤུགས་རྐྱེན་རེད་ཟེར་དཀའ་ཡང་ཕྱོགས་གཉིས་བར་འབྲེལ་འདྲིས་མེད་པས་རེད། བཟང་ཕྱོགས་ཤིག་ལ་དེང་སྐབས་བོད་ནང་རླུང་འཕྲིན་དང་བརྙན་འཕྲིན། དྲ་ཚིགས་སོགས་ཀྱི་བརྒྱུད་ལམ་གྲངས་ཇེ་མང་དང་སྤུས་ཇེ་ལེགས་སུ་སོང་བ་དང་བསྟུན་ཏེ། གནས་སྟངས་ངོ་མ་དེ་ཧ་གོ་བ་དང་ཕན་ཚུན་བརྗེ་ལེན་བྱས་པ་སོགས་ཀྱིས་གཅིག་གྱུར་དང་འཕེལ་རྒྱས་ལ་རོགས་འདེགས་ཐུབ་ཀྱིན་འདུག་ཅེས་གསུངས་སོང་།
བཀའ་ཁྲི་ཟམ་གདོང་རིན་པོ་ཆེ་མཆོག་གིས་བོད་པར་ཡིག་ཐོག་གི་སྤྱི་སྐད་ཅིག་དང་ལུང་ཚན་སོ་སོར་ཕལ་སྐད་རེ་ཡོད་པ་ནི་སྐྱོན་མིན་པར་བོད་སྐད་ཡིག་གི་ཕུན་སུམ་ཚོགས་པའི་ཡན་ལག་ཡིན་སྐོར་གསུངས་དོན། བོད་པ་ཚོས་རྒྱུན་ལྡན་སྐད་ཆ་བཤད་བསྡད་པའི་ཁ་སྐད་དང་། བརྡ་དག་དང་མཐུན་པ་བྱས་ཏེ་ཡིག་ཐོག་ལ་འབྲི་བཞིན་པའི་ཡིག་སྐད་གཉིས་བར་ཁྱད་པར་ཞིག་ཡོད། ཁྱད་པར་དེ་དགེ་མཚན་རེད་ཟེར་མཁན་ཡོད་ལ། བོད་སྐད་ཡིག་གི་ཞན་ཆ་རེད་ཟེར་མཁན་ཡང་ཡོད། མི་རིགས་གཞན་དང་རྒྱལ་ཁབ་གཞན་གྱི་སྐད་ལའང་ཁ་ནས་བཤད་པའི་སྐད་དང་། ལག་ནས་བྲིས་པའི་སྐད་གཅིག་པ་ཡིན་པ་ཡོད་ལ་ཁ་ཁ་ཡིན་པའང་ཡོད། ང་ཚོ་བོད་པའི་སྐད་ཀྱི་ནང་དུ་ཁ་སྐད་དང་ཡིག་སྐད་ཐ་དད་དུ་ཡོད། ཁ་སྐད་དེ་ལུང་ཚན་སོ་སོའི་ཐུན་མོང་མ་ཡིན་པའི་བེད་སྤྱོད་ཀྱི་སྐད་དང་། ཡིག་སྐད་དེ་བོད་རིགས་ཡོངས་རྫོགས་ཀྱིས་རྒྱ་ཁྱབ་ཏུ་བེད་སྤྱོད་པའི་སྐད་ཡིན་སྟབས། དེ་ནི་བོད་ཀྱི་སྐད་ཡིག་གི་ཕུན་སུམ་ཚོགས་པའི་ཡན་ལག་ཅིག་དང་། བོད་ཀྱི་སྐད་ཡིག་གི་ཡོན་ཏན་ཞིག་ཡིན་པར་མཁས་པ་གོང་མ་ཚོས་ངོས་འཛིན་གནང་ཡོད་ལ། ང་ཡང་དེ་ལྟར་ངོས་འཛིན་བྱེད་མཁན་གྱི་གྲས་ཡིན། ལུང་ཚན་སོ་སོའི་ཕལ་སྐད་དེའི་དབང་གིས་ཁ་གྲགས་མ་ཐག་ཁོང་དབུས་པ་རེད། ཁོང་ཨ་མདོ་བ་རེད་ཟེར་ནས་ངོས་འཛིན་བྱེད་ཐུབ་སྟབས་མི་རིགས་ཀྱི་ངོས་འཛིན་དང་། ལུང་ཚན་གྱི་ངོས་འཛིན་གཉིས་ཀ་ཡོད་པའི་ཁྱད་ཆོས་ཡོད་སྟབས། དེ་དག་མེད་པ་བཟོ་དགོས་པ་ཞིག་དང་། དེས་བོད་ཀྱི་སྐད་ཡིག་རྒྱུན་འཛིན་ལ་གནོད་པ་ཞིག་ལ་ངོས་འཛིན་བྱེད་ཀྱིན་མེད་ཅེས་གསུངས་བྱུང་།
ཁོང་གིས་མུ་མཐུད་དུ་བོད་སྐད་ཡིག་གི་རིན་ཐང་སྐོར་གསུངས་དོན། སྐད་ཆ་བཤད་དུས་སོ་སོའི་ལུང་ཚན་གྱི་སྐད་ཆ་བཤད་ན་འགྲིག་གི་རེད། འོན་ཀྱང་། ཡིག་ཐོག་ལ་འབྲི་དུས་ཚང་མས་གཅིག་གྱུར་གྱིས་འབྲི་དགོས་པ་རེད། མི་རིགས་དེའི་སྐད་དང་མི་རིགས་དེའི་ཡི་གེ་གཉིས་གཅིག་གྱུར་གནས་ཐུབ་དགོས་པ་ཧ་ཅང་གལ་ཆེན་པོ་རེད། དེ་མེད་པར་གྱུར་ན་འགྲོ་བ་མིའི་རིགས་སྤྱི་ཡོངས་ལ་དོ་ཕོག་ཆེན་པོ་འགྲོ་གི་རེད། ལྷག་པར་དུ་སངས་རྒྱས་ཀྱི་བསྟན་པ་ཆ་ཚང་ཧ་ལམ་ཉམས་རྒྱུའི་ཉེན་ཁ་ཡོད། སྤྱིར་བཏང་བོད་ཀྱི་སྐད་དེ་ཧ་ཅང་གི་རྙིང་པ་རེད། བོད་དུ་འགྲོ་བ་མི་ག་དུས་བྱུང་བ་དེ་དུས་ནས་དར་བའི་སྐད་ཅིག་རེད། སངས་རྒྱས་ཀྱི་གསུང་དུ་བོད་ཀྱི་སྐད་ཟེར་བ་ཞིག་དངོས་སུ་གསུང་ཡོད་པ་མཇལ་མ་སོང་མོད། གངས་ཅན་པ་དང་གངས་ཅན་ལྗོངས་ཟེར་བ་དེ་འདུལ་བ་དང་མདོ་སྡེ་སོགས་སུ་ཡང་ཡང་བསྟན་ཡོད། སམ་ཊི་ཏའི་བསྟན་བཅོས་ནང་བོད་ཀྱི་སྐད་ཅེས་ཐོག་མར་ཐོན་ས་དེ། ཆོས་རྒྱལ་ཟླ་བ་བཟང་པོས་བརྩམས་པའི་འགྲེལ་ཆེན་འཆི་མེད་འོད་ཀྱི་ནང་དུ་བོད་ཀྱི་སྐད་ཅེས་གསལ་བོར་བསྟན་ཡོད། དེ་ནི་རྒྱ་གར་ནང་ཡོད་པའི་སམ་ཊི་ཏའི་རིག་པའི་གཞུང་ལུགས་ཤིག་རེད། གཞུང་དེ་བརྩམས་ནས་ལོ་ཉིས་སྟོང་བརྒྱ་ལྷག་འགྲོ་བཞིན་ཡོད། དུས་དེ་ནས་བོད་སྐད་ཡོད་སྟབས་བོད་ཡིག་ཀྱང་ཡོད་དགོས་པ་རེད། སྐད་དང་ཡི་གེ་གཉིས་ཁ་བྲལ་ཐབས་ཡོད་པ་མ་རེད། སྐད་དེ་སྲུང་བྱེད་ཡི་གེ་རེད། འོན་ཀྱང་ཡིག་གཟུགས་དེ་ཐོན་མིས་བརྩམས་པ་ཞིག་ཡིན་རྒྱུ་རེད་མ་གཏོགས་ཐོན་མིའི་སྔོན་ལ་རིག་པའི་གཞུང་ལུགས་དང་མཐུན་པའི་ཡིག་གཟུགས་ཡོད་པ་ཞིག་མཐོང་མ་སོང་ཞེས་གསུངས་བྱུང་།
མཇུག་མཐར་ཁོང་གིས་ཐ་སྙད་རིགས་བོད་སྒྱུར་བྱེད་སྐབས་སྒྲ་སྒྱུར་བམ་གཉིས་སོགས་གཞི་རྩར་འཇོག་དགོས་སྐོར་གསུངས་དོན། ང་ཚོའི་བོད་ཀྱི་སྐད་ཡིག་དེ་ཧ་ཅང་གི་ཚད་མཐོན་པོ་དང་གཏིང་ཟབ་པོ་ཞིག་རེད། མི་ཁ་ཤས་ཀྱིས་བོད་ཀྱི་སྐད་ཡིག་ཡར་རྒྱས་སུ་གཏོང་དགོས་ཟེར་མོད། བོད་ཀྱི་སྐད་ཡིག་འདི་ལ་ཡར་རྒྱས་གཏོང་རྒྱུ་ལྷག་ཡོད་པ་མ་རེད། ཡར་རྒྱས་ཟེར་བའི་སྐབས་སུ་སྐད་ཡིག་དེའི་སྤུས་ཀ་ཡག་ཏུ་གཏོང་རྒྱུ་དང་། སྐད་ཡིག་དེའི་བརྡ་སྤྲོད་རིག་པར་སྔར་མེད་པ་གསར་དུ་སྣོན་པ་རྒྱག་པ་དེ་འདྲ་ལ་ཟེར་གྱིན་ཡོད། ང་ཚོའི་སྐད་ཡིག་དེ་ཡར་རྒྱས་མཐར་ཕྱིན་པ་སོང་ཡོད་པ་ཞིག་ཡིན། འོ་ན། ང་ཚོའི་སྐད་ཡིག་ལ་ཡར་རྒྱས་གཏོང་རྒྱུ་གཅིག་ཀྱང་ལྷག་མེད་དམ་ཟེར་ན་དེ་ཡང་མ་རེད། དངོས་པོ་གསར་པ་ཐོན་པ་དང་མཉམ་དུ་མིང་གསར་བ་སླེབས་གི་རེད། དེ་དག་ཡར་འཇུག་བྱ་དགོས། འཛམ་གླིང་གི་སྐད་ཡིག་ཚང་མ་གཅིག་མཚུངས་རེད། དེ་འཇུག་ལུགས་འཇུག་སྟངས་ཆ་ཚང་བོད་རང་གི་རིག་པའི་གཞུང་ལུགས་ནང་བསྟན་ཡོད། ང་ཚོས་འདི་ལྟར་བྱས་ན་ཡག་པོ་འདུག དེ་ལྟར་བྱས་ན་ཡག་པོ་འདུག་ཅེས་རྩོད་པ་རྒྱག་དགོས་པ་མ་རེད། སློབ་དཔོན་གོང་མ་ཚོས་གསུང་བཞག་པའི་སྒྲ་སྒྱུར་བམ་པོ་གཉིས་པའི་ནང་གི་ལམ་སྟོན་ལྟར་ཕྱིན་ན་ཡག་གི་རེད། ཅེས་གསུངས་བྱུང་།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
འདི་རླུང་གཡུག་སྟངས་ཤིག་རེད།
བཙན་བྱོལ་ནང་གི་རྒན་པ་ཚོ་ཆུང་ཐལ་དྲག་སོང་། ཡངས་ཤིང་རྒྱ་ཆེ་བའི་བོད་ཡུལ་མཐོང་གི་མེད་པ་འདྲ། བཙན་བྱོལ་ལུང་བ་ཆུང་ཆུང་ལག་མཐིལ་འདྲ་བོ་འདིས་བོད་ཀྱི་ཚབ་བྱེད་མི་ཐུབ་ལ། བཙན་བྱོལ་ནང་གི་༼མཁས་དབང་༽ཚོ་བོད་ཀྱི་མཁས་པའི་ཚད་གཞིར་མི་འོས།
དེ་བས།
ཡངས་པའི་རྒྱལ་ཁམས་མ་མཐོང་བའི།།
ས་མཐའི་བླུན་པོར་རང་མཐོང་ཆེ།།
ཁྲོན་པའི་ཆུ་ལ་འགྱིང་བ་ཡི།།
རུས་སྦལ་རྒྱ་མཚོའི་གཏམ་གྱིས་ཤི།།
ཞེས་པའི་ལེགས་བཤད་འདི་སྐྱེས་སུ་ཕུལ་ལོ།།
རང་ཉིད་ཀྱི་ཕོ་བ་གསོ་སའི་ལས་གཞི་འདི་འདྲ་ངོ་མ་ཡིད་ཐང་ཆད་སོང་། རྗེས་ཕྱོགས་ནས་ངོ་མ་སུ་ལ་ཡིད་ཆེས་དགོས་སམ།
དེ་མིན་དེང་སང་མཐར་མི་འགའ་ཞིག་གིས། དབུས་ཀྱི་ཕལ་སྐད། ལ་དྭགས་ཀྱི་ཕལ་སྐད་ལ་སོགས་སྣང་བ་གང་དྲན་གྱི་སྐད་མཛོད་དང་གླེབས་བམ་སྡེབ་པ་འདིའི་རིགས། བརྒྱ་ལ་དར་སྲོལ་ཆེ་རུ་སོང་ན། ཡུལ་སོ་སོའི་ཕལ་སྐད་མི་འདྲ་བའི་རྐྱེན་གྱིས། བོད་ཀྱི་སྤྱི་སྐད་ཡང་དུམ་བུར་ཆད་དེ། ནམ་ཞིག་ན་ཡུལ་སོ་སོའི་སྐད་དང་ཡི་གེ་ཕན་ཚན་བརྡ་མི་འཕྲོད་པ་ཞིག་འོང་ངེས་ལ། སྐད་ཡིག་སོ་སོར་གྱེས་པས། བསམ་འཁྱེར་དང་སྤྱོད་ལམ་སོགས་ཀྱང་ཐ་དད་དུ་སོང་སྟེ། མཐར་བོད་ཀྱི་རྒྱལ་ཁབ་རྩ་བ་ཉིད་ནས་སིལ་བུར་འཐོར་བའི་རྐྱེན་དུ་འགྲོ་བ་ལགས་ གོང་གི་གསུང་འདིའི་གོ་དོན་ནི། དབུས་དང་ལ་དྭགས་སོགས་ཡུལ་སོ་སོའི་ཕལ་སྐད་ཀྱི་སྒོ་ནས་སྐད་མཛོད་དང་གླེགས་བམ་འབྲི་བའི་དར་སྲོལ་ཆེ་རུ་སོང་ན། ཡུལ་དེ་དག་གི་ཕལ་སྐད་མི་འདྲ་བའི་དབང་གིས་ 《ཡིག་སྐད་དེ་བོད་ཀྱི་སྤྱི་སྐད་ཡིན་པ་ལ་》 དེ་ལྟ་བུའི་སྤྱི་སྐད་དུ་གྱུར་པའི་ཡིག་སྐད་དེ་ཡང་དུམ་བུར་ཆད་དེ། ནམ་ཞིག་ཡུལ་སོ་སོའི་སྐད་མི་འདྲ་བའི་སྟེང་ལ་ཡི་གེ་ཡང་མི་འདྲ་བ་ཆགས་ཏེ། ནམ་ཞིག་ཡུལ་སོ་སོའི་སྐད་བརྡ་མི་འཕྲོད་པ་མ་ཟད་ཡི་གེ་ཡང་བརྡ་མི་འཕྲོད་པ་ཞིག་ཡོང་ངེས་ཞེས་པ་འདི་རེད་ལ། ཟམ་གདོང་རིནཔོ་ཆེ་ནས་ཀྱང་ཡུལ་སོ་སོ་སྐད་མི་འདྲ་བ་ལ་སྐྱོན་མེད་ཀྱང་། ཡི་གེ་གཅིག་གྱུར་དགོས་པ་གསུང་པ་མིན་ནམ།
གསར་འགོད་པ་ལགས། ནོར་བཅོས་བྱེད་དགོས་པ་གལ་ཆེན་གསུམ་འདུག
1 བོད་ནང་དུ་སློབ་གསོ་ཟེར་བ་དེ་གོ་ཡུལ་ནི་ཆོས་རིག་མིན་པར་ཤེས་རིག་ཡིན།
2 འགྲེལ་ཆེན་འཆི་མེད་འོད་མིན་པར་དྲི་མེད་འོད་རེད།
3 སྒྲ་སྒྱུར་བམ་གཉིས་ཞེས་པ་སྒྲ་སྦྱོར་བམ་གཉིས་ཡིན།
གཞན་ཡང། མིས་བཟོས་འཁོར་སྐར་ནི་རྒྱ་སྐད་ཀྱི་人造卫星 ཞེས་པ་ཐད་བསྒྱུར་བྱས་པའི་ཚིག་རེད། དེ་འདྲ་མང་པོ་ཡོད་པ་རེད། ད་བཅོས་དཀའ་རྒྱུ་རེད།
སྐུ་ངོ་ལུང་རྟོགས་ལགས་ལ་ཕྱག་གསུམ་འཚལ།
དགེ་ཆོས་ཀྱི་དགོངས་པར་བོད་ཀྱི་ཁ་སྐད་འདི་བོད་ཀྱི་སྐད་ཡིག་གཏོར་བའི་ནད་འབུ་ཞིག་ངོས་འཛིན་བྱས་ཀྱིན་ཡོད།
ཟམ་གདོང་གིས་བོད་ཀྱི་ཁ་སྐད་འདི་བོད་ཀྱི་སྐད་ཡིག་གི་ཡོན་ཏན་འདོད་བཞིན་ཡོད་པའི་དགོངས་ཚུལ་གཅིག་པ་ག་འདྲ་རེད་དམ།་་་་སྐུ་ངོ་ལུང་རྟོགས་ལགས།
ཧ་མི་གོ་མཁན་དེ་ཧམ་པ་ཚ། གཉིད་མི་ཡོང་མཁན་ལ་ནམ་ཐག་རིང་ཟེར་བ་གོ་མྱོང་ངམ།
ཅོ་རི་ལགས། དགེ་ཆོས་དང་ཟམ་གདོང་གཉིས་དགོང་པ་གཅིག་དང་དབྱངས་གཅིག་རེད་འདུག་གོ མགོ་མ་ཚོས་གོང་ནས་ལྕེ་ལ་མ་སྙབས་པར་ཡག་པོ་ཞིག་གཟིགས་དང་། དགོང་པ་མ་ཚོམ།
བོད་ཀྱི་སྐད་ཡིགབསྲུང་སྐྱོབ་ཆེད་ལས་འགུལ་དཔེལ་བར་སྙིང་ཐག་པ་ནས་དགའ་བསྲུ་ཞུ།
བཙན་བྱོལ་བོད་ཀྱི་བཀའ་བློན་ཁྲི་པ་མཆོག་གིས་བོད་ཕྱི་ནང་གཉིས་ཀྱི་བོད་མིའི་བོད་ཡིག་གི་ཤེས་ཚད་མ་མཁྱེན་པ་དང་བོད་ཀྱི་སྐད་ཡིག་འདི་སློབ་དགོས་པའི་བོད་མི་རྣམས་ཀྱི་ལྟོ་གོས་བོད་ཡིག་ལ་བརྟེན་ནས་སྒྲུབ་ཐུབ་ཀྱིན་མེད་པའི་གནས་སྟངས་ལ་བསམ་གཞི་མ་བྱས་པའི་བཀའ་མོས་གནང་འདུག
1.བོད་ཀྱི་སྐད་ཡིག་འདི་ལྟོ་གོས་ཅན་གྱི་སྐད་ཡིག་ཞིག་ལ་བསྒྱུར་མ་ཐུབ་ན་བོད་ཀྱི་སྐད་ཡིག་འདི་དགོན་སྡེ་ལྷ་ཁང་ནང་དུ་རྒས་ནས་ཤི་འགྲོ་བ་འདི་ཡང་དངོས་ཡོད་དུ་འདོད།
2.བོད་ཀྱི་སྐད་ཡིག་འདིའི་ནང་དུ་དེང་རབས་གསར་པའི་ལག་ཤེས་དང་རིག་གནས་ལ་སོགས་བསྒྱུར་དགོས་དུས་བོད་ཀྱི་སྐད་ཡིག་ནང་དུ་དེང་རབས་གསར་པའི་ཐ་སྙད་གསར་པ་རྣམས་ཀྱི་འདང་ངེས་དགོས་ཀྱིན་རེད་འདོད།
3.བཀའ་ཁྲིས་འདོད་པར་ལྟར་དངོས་པོ་གསར་པོ་རེ་ལ་བོད་པའི་མིང་ལྷག་རེ་འདོགས་ནས་དེང་རབས་གསར་པའི་ལག་ཤེས་དང་རིག་གནས་བོད་ཡིག་ནང་དུ་བསྒྱུར་གྱིན་ཡིན་ཟེར་ན། དང་པོ་མིང་ལྷག་འདོགས་པའི་འདོད་རྒྱལ་མཁན་པོ་རང་ཉིད་ཀྱིས་མིང་ལྷག་འདོགས་སའི་དངོས་པོ་དེ་ངོ་ཤེས་ཀྱིས་གལ་ཆེ།
4.དཔེར་ན་མོ་ཊ་བཟོ་བསྐྲུན་བྱས་པའི་ལག་ཤེས་རིག་གནས་བོད་ཡིག་ནང་དུ་བསྒྱུར་དུས་མོ་ཊའི་ནང་གི་ཅ་དངོས་རྣམས་ལ་མིང་རེ་འབྲུ་ཀྱི་ཡོད་དགོས།མོ་ཊའི་ནང་གི་ཅ་དངོས་རྣམས་མ་ཤེས་ན་འདོད་རྒྱལ་མཁན་པོས་མིང་ལྷག་འདོགས་མི་ཐུབ།
5.དངོས་པོ་གསར་པ་རེ་ལ་མིང་ལྷག་རེ་འདོགས་ནས་བོད་ཀྱི་སྐད་ཡིག་འདི་སྤྱི་ཚོགས་ནང་དུ་བེད་སྤྱོད་བྱེད་འདོད་པའི་མཁས་དབང་རྣམས་ཀྱིས་གོ་ལའི་སྤྱི་ཚོགས་ཀྱི་ཐ་སྙད་གསར་པའི་ཁྱབ་ཕྱོགས་དང་མ་འོང་འགྲོ་བ་མིའི་སྤྱོད་བྱ་རིག་གཞུང་གཅིག་འགྱུར་དང་ཆས་གོས་ལུགས་སྲོལ་སོགས་གཅིག་འགྱུར་རུ་སླེབས་ཡོང་བ་མ་ཤེས་པའི་རྐྱེན་གྱིས་རེད་འདོད།
ང་ལ་ཡང་སྙིང་རྗེ་ནི་ཞིག་ཡོད་གི་འདོད་་་་འོན་ཀྱང་མ་བསམ་ས་ནས་ཁོང་ཁྲོ་སྟོབས་ཆེད་ཞིག་ལངས་འདུག་་་མི་བཟང་གི་ཡ་་་་་་རང་སྐྱོན་ཁས་བླང་ན་བཟང་ནི་རེད་་ངའི་མ་ཤེས་པ་ཤེས་པས་ཕྱིར་འདིར་འོང་བ་ལས་གཞན་ཅི་ཡང་མིན་ཨེ་གོ་ཐ་་་་་ནད་ཡམས་འདི་བཅོས་ཐབས་གཞན་ལ་འདྲི་བ་ལས་རང་ཉིད་ཀྱི་ཕྲན་གྱི་གང་ནོར་བ་བཅོས་ན་ཁྱེད་ཀྱི་གསུང་བ་ལྟར་ཉམས་ཐག་པའི་སེམས་ཅན་བདག་ལ་ཕན་པ་མ་ཟད་ཁྱེད་ལ་ཡང་དགེ་མཚན་ཡོད་ནི་རེད།ངོ་མ་ཡིན།།།འོན་ཀྱང་སྟོངས་གཏམ་སྟོབས་ཆེན་རེ་བཤད་རྒྱུ་ལས་གཞན་གང་ཡང་མེད་ནི་མིན་ན།དེ་སྔོན་འདི་ཚོ་གནད་འགག་དང་ཡིག་ནོར་སོགས་གནད་འགག་མིན་ཚུལ་ཞིག་བཤད་ཀུན་བཤད་ཀུན་ད་ཡིག་ནོར་ཐོག་ལ་འབབ་ཚུལ་ལ་ལྟས་ན་ཁ་སང་འདུ་ཤེས་འདུ་ཤེས་ཞེས་འདུ་ཤེས་མང་བོ་ཞིག་འབྲི་ཁུལ་བྱས་པ་མ་གཏོགས་དོན་ལ་སྟོངས་སོང་བ་རེད་དམ་་་་་ཧ་ཧ་ངའི་ཁྱེད་ཀྱི་མ་མཁྱེན་པ་ཞིག་སྔ་མོ་ནས་ཤེས་ཡོད་་་་་་་་་་རང་རློམ་ཆེ་བའི་སྐྱེས་བུ་དེ་ཡོན་ཏན་གྱི་ཀོང་བུ་ཞིག་གཏད་ནས་མིན་པ་ཤེས་ཡོད།
གལ་སྲིད་འཛམ་གླིང་འདིའི་སྟེང་གི་ཅ་དངོས་ཡོད་ཚད་ཚང་མ་ལ་བོད་མིང་རེ་འདོགས་དགོས་པའི་དབང་དུ་གཏོང་ན་་་་་་་་་་་་ག་དུས་ཅ་དངོས་གསར་པ་རྣམས་ལ་བོད་མིང་བཏགས་ཐུབ་པ་ཡོང་གིན་རེད་དམ།
འཛམ་གླིང་སྟེང་གི་གྲངས་ལས་འདས་པའི་ཅ་དངོས་གསར་པ་རྣམས་ལ་བོད་ཀྱི་མིང་ལྷག་བཏགས་ནས་བཏགས་ཚད་ཡོད་དམ།༔
གལ་སྲིད་བཏགས་ཚད་ཡོད་པའི་དབང་དུ་གཏོང་ཡང་བོད་མི་རྣམས་ཀྱིས་སྔར་ཡོད་ཀྱི་བོད་ཡིག་འདི་ཡག་པོ་ཤེས་ཀྱིན་མེད་པ་དེའི་སྟེང་དུ་ཁ་ལ་གོམ་པ་མེད་པའི་མིང་ལྷག་གྲངས་ལས་འདས་པ་ཞིག་སུས་སློབ་ཐུབ་ཀྱིན་རེད་དམ།
དཔེར་ན་ཁ་ནས་ལབ་དུས་་་་་་ཀྲོ་མ་ཀྲོ་་་་་་ཡིག་ཐོག་ཏུ་འབྲུ་དུས་ལྡུམ་སྒོང་ཞེས་པ་འདི་འདྲ་བའི་ཐ་སྙད་གསར་པ་རྣམས་ཀྱིས་རྐྱེན་བྱེད་ནས་བོད་ཡིག་དང་བོད་མི་བར་ཐག་རིང་དུ་སོང་བ་རེད་འདོད།
སློབ་དཔོན་ཟམ་གདོང་རིན་པོ་ཆེ་གཙོ་བཙན་བྱོལ་བོད་ཀྱི་མཁས་དབང་རྣམ་པ་ལ་བཀྲ་ཤིས་བདེ་ལེགས་ཞུ་བ་དང་ཆ་གཅིག་ཤི་བཞིན་པའི་བོད་ཀྱི་སྐད་ཡིག་སྐོར་རུ་དོན་ཅུང་ཟད་ཞུ་འདོད་པ་ནི།
བོད་སྡེ་པ་གཞུང་གི་བཙོན་པ་དགེ་ཆོས་ཀྱིས་གསུངས་ལས། དེ་མིན་དེང་སང་མཐར་མི་འགའ་ཞིག་གིས། དབུས་ཀྱི་ཕལ་སྐད། ལ་དྭགས་ཀྱི་ཕལ་སྐད་ལ་སོགས་སྣང་བ་གང་དྲན་གྱི་སྐད་མཛོད་དང་གླེབས་བམ་སྡེབ་པ་འདིའི་རིགས། བརྒྱ་ལ་དར་སྲོལ་ཆེ་རུ་སོང་ན། ཡུལ་སོ་སོའི་ཕལ་སྐད་མི་འདྲ་བའི་རྐྱེན་གྱིས། བོད་ཀྱི་སྤྱི་སྐད་ཡང་དུམ་བུར་ཆད་དེ། ནམ་ཞིག་ན་ཡུལ་སོ་སོའི་སྐད་དང་ཡི་གེ་ཕན་ཚན་བརྡ་མི་འཕྲོད་པ་ཞིག་འོང་ངེས་ལ། སྐད་ཡིག་སོ་སོར་གྱེས་པས། བསམ་འཁྱེར་དང་སྤྱོད་ལམ་སོགས་ཀྱང་ཐ་དད་དུ་སོང་སྟེ། མཐར་བོད་ཀྱི་རྒྱལ་ཁབ་རྩ་བ་ཉིད་ནས་སིལ་བུར་འཐོར་བའི་རྐྱེན་དུ་འགྲོ་བ་ལགས་ཞེས་གསུངས་པ་དེ། བོད་སྡེ་པ་གཞུང་གི་བཀའ་བློན་ཁྲི་པས་མཐོང་ཆུང་བྱས་པར་འདི་ནི་བོད་ཀྱི་སྐད་ཡིག་གི་ཚེ་སྲོག་སྐྱོབ་པ་མ་ཡིན་པ་ཚེ་སྲོག་ལ་རྒོལ་བ་ཞིག་ཡིན་པ་མིག་མཐོང་ལག་ཟིན་རེད།
མ་ཟད་ཐ་སྙད་གསར་པའི་རིགས་རྣམས་སྒྲ་སྒྱུར་བྱས་དགོས་གསུངས་པའི་ལན་དུ་འབྲེལ་ཐག་འདི་ནས་གཟིགས་རོགས་ཞུ https://tibettimes.net/wordpress/news.php?cat=5&cp=6&&id=1794
རྒྱ་རྡེའུའི་དགེ་འདུན།
ཁྱེད་ངོ་མ་ཀླེན་པ་སྙིང་རྗེ་ཞིག་རེད ། མཆན་འབྲི་མི་ཤེས་རུང་ཡིག་ནོར་གྱི་་ཁེངས་པའི་ལན་ཐུང་ཐུང་རེ་འདེབས་པའི་ངང་ཚུལ་འདི་ལ་ལྟས་ན་ངས་ངོ་མ་སྙིང་རྗེ་གི ཉམས་ཐག་གི་འགྲོ་བ་ཟེར་བ་འདི་ཚོ་གཞན་སུ་ཡོད ། ད་དུང་ཁ་རྩོད་རྒྱག་རྒྱུའི་མཆན་རེ་འབྲི་ཁུལ་བྱས ། དེ་མ་སྲིད་ཡིག་ནོར་དགུ་བརྩེགས་ཅན་དེ་རང་ཉིད་ཀྱི་རྣམ་དཔྱོད་ཀྱིས་རྩལ་ལས་ཐོན་པའི་རྩོམ་ཚུལ་ཁྱད་འཕགས་ཤིག་དུ་ངོས་བཟུང་ནས་རང་རློམ་ཆེ་བའི་སྤྱོད་ཚུལ་འདི་མཐོང་ན་ངས་མི་བཟོད་ཀི དྲ་གྲོགས་ཚོ་ནད་ཡམས་འདི་ལས་ཐར་ཐམས་སུ་བྱེད་སྒོ་གང་འདྲ་ཞིག་སྤེལ་དགོས་ན་ལན་རེ་གསུང་རོགས
སྐུ་ངོ་ཞེས་པའི་ཚིག་གི་འབྱུང་ཁུངས་ལ་དཔྱད་པ།
ངས་འོལ་ཚོད་ལ་ནི། སྐུ་ངོ་ཞེས་པའི་ཚིག་གི་འབྱུང་ཁུངས་ལ་སྐྱུག་དྲོ་བའི་སྒྲུང་ཞིག་ནི།
༸གོང་ས་ལྔ་བ་ཆེནཔོས་ཆོས་སྲིད་ཐུགས་འགན་བཞེས་ནས་བཟུང་། སྔར་བོད་གཞུང་གི་ལས་བྱེད་སྐྱེས་པ་དེ་ཡི་བཟའ་ཟླ་མོ་ཡིས་ཉལ་སའི་ནང་ནས་རང་གི་ཟླ་བོར། ༸སྐུ་མདུན་ཞེས་པའི་སྐུ་ངོ་མ་དེ་ཁྱོད་རང་རེད། ཅེས་སོགས་ནོར་སྲེད་ཀྱི་ཚིག་ཅིག་ཡིན་ངེས།
སྲས་སྐུ་བཀྲ་ཤིས་མཆོག་དང་ལགས།
ལྕམ་སྐུ་སྒྲོལ་མ་མཆོག་དང་ལགས། ཀྱིས་མི་འཐུས་པ་མེད།
ལས་བྱེད་གཤིས་ཀ་ངན་དུ་ཕྱིན་ན་ཚིག་དེ་ཡང་བཟང་དྲགས་པ་དང་མཐོ་དྲགས་པའི་དུས་ཅིག་ཤར་སྲིད།
རྟེན་བྲེལ་ཞུ།།བྱ་བཞགས་རླབས་ཆེན་རེད།།་ཁྱོདདང་ཁོས་བཤད་པ་བདེན་མིན་གྱི་ཕན་པ་ཆེར་མེད་པས་ཕྲན་གྱི་བསམ་ཚུར་ཐུང་ངུ་ཞིག་ཞུས་ན་འདོད། ཚོགས་པ་གཉིས་ཀྱི་སྐུ་ངལ་ལ་མ་འཛེམ་པར་ལས་བྱ་ཙག་ཙུག་ཕྱོགས་གང་སར་བྱས་སོང་བས་བཀའ་དྲིན་ཆེ་ཞུ།།འོན་ཀྱང་རླབས་ཆེན་གྱི་བྱ་བ་འདི་གནད་ཁེལ་ས་ཞིག་ནས་འགོ་འཛུག་ཐུབ་མི་འདུག་འདོད། ཚོགས་འདུའི་འགྲོ་གླེང་སོགས་ལ་དགག་བྱ་མེད་ཀྱང་དེ་ཙམ་གྱི་ཕན་ཐོག་ཆེར་མ་མཐོང་བས་གནད་ཁེར་ས་ཞིག་ནས་འགོ་འཛུག་དགོས་བ་འདོད།།་བྱ་བ་འདི་རླབས་ཆེན་ཡིན་པས་གཞུང་མང་གཉིས་ཀྱི་འགན་ཁུར་དགོས་བ་མ་ཟད་ལྷག་པར་དུ་ཤེས་རིགས་ནས་འགན་ཁུར་དགོས་བ་འདོད།། ངའི་བསམ་བློ་ཅི་ཙམ་བཏང་ཀྱང་ལམ་ཁ་གཉིས་ལས་མ་མཐོང་།་བོད་ཁྱིམ་སློབ་གྲ་དང་ཕྲུག་གུའི་རྩེད་ཆས་གཉིས་རེད་།་༡ བོད་ཁྱིམ་ལ་བོད་ཡིག་སོགས་ཡོད་ཟེར་སྲིད་ཀྱང་དེའི་མི་ཆོག རྩེད་ཆས་ཞེས་བ་ དཔེར་ན་ཕྲུག་གུའི་རྩེད་ཆས་གཟུགས་མཐོང་འཕྲུར་ཆས་དང་པར་རིས་ཡོད་པས་ཕྲུག་གུའི་ཀློག་དེབ་སོགས་བོད་སྐད་དང་བོད་ཡིག་ལ་བསྒྱུར་དགོས།།།ཡང་པར་ཡོད་པས་ཕྲུག་གུའི་ཀློག་དེབ་འགའ་རེ་ཡོད་ཀྱང་དེའི་ནང་གི་ཐ་སྙད་དག་ཕྲུག་གུ་ལ་མི་མཚམ་པ་ཞིག་རེད།།།བསམ་ཚུར་ཆུང་ངུ་ཞིག་ཡིན།།།།།།
རྟེན་བྲེལ་ཞུ།།བྱ་བཞགས་རླབས་ཆེན་རེད།།་ཁྱོད་ཁོས་བཤད་པ་བདེན་མིན་གྱི་ཕན་པ་ཆེར་པས་ཕྲན་གྱི་བསམ་ཚུར་ཐུང་ངུ་ཞིག་ཞུས་ན་འདོད། ཚོགས་པ་གཉིས་ཀྱི་སྐུ་ངལ་ལ་མ་འཛེམ་པ་ལས་བྱ་ཙག་ཙུག་ཕྱོགས་གང་སར་བྱས་སོང་བས་བཀའ་དྲིན་ཆེ་ཞུ།།འོན་ཀྱང་རླབས་ཆེན་གྱི་བྱ་བ་འདི་གནད་ཁེལ་ས་ཞིག་ནས་འགོ་འཛུག་ཐུབ་མི་འདུག་འདོད། ཙོགས་འདུའི་འགྲོ་གླེང་སོགས་ལ་དགག་བྱ་མེད་ཀྱང་དེ་ཙམ་གྱི་ཕན་ཐོག་ཆེར་མ་མཐོང་བས་གནད་ཁེར་ས་ཞིག་ནས་འགོ་འཛུག་དགོས་བ་འདོད།།་བྱ་བ་འདི་རླབས་ཆེན་ཡིན་པས་གཞུང་མང་གཉིས་ཀྱི་འགན་ཁུར་དགོས་བ་མ་ཟད་ལྷག་པར་དུ་ཤེས་རིགས་ནས་འགན་ཁུར་དགོས་བ་འདོད།། ངའི་བསམ་བློ་ཅི་ཙམ་བཏང་ཀྱང་ལམ་ཁ་གཉིས་ལས་མ་མཐོང་།་བོད་ཁྱིམ་སློབ་གྲ་དང་ཕྲུག་གུའི་རྩེད་ཆས་གཉིས་རེད་།་༡ བོད་ཁྱིམ་ལ་བོད་ཡིག་སོགས་ཡོད་ཟེར་སྲིད་ཀྱང་དེའི་མི་ཆོག རྩེད་ཆས་ཞེས་བ་ དཔེར་ན་ཕྲུག་གུའི་རྩེད་ཆས་གཟུགས་མཐོང་འཕྲུར་ཆས་དང་པར་རིས་ཡོད་པས་ཕྲུག་གུའི་དེབ་སོགས་བོད་སྐད་དང་བོད་ཡིག་ལ་བསྒྱུར་དགོས།།།ཡང་པར་ཡོད་པས་ཕྲུག་གུའི་ཀློག་དེབ་འགའ་རེ་ཡོད་ཀྱང་དེའི་ནང་གི་ཐ་སྙད་དག་ཕྲུག་གུ་ལ་མི་མཚམ་པ་ཞིག་རེད།།།བསམ་ཚུར་ཆུང་ངུ་ཞིག་ཡིན།།།།།།
བཀའ་ཁྲིའི་གསུང་བ་ཇི་བཞིན ཡུལ་སྐད་སོར་བཞག་ཐོག་བརྡ་སྤྲོད་ཡི་གེ་དང་སྤྱར་ནས་བྲིས་པ་ནི་བརྡ་སྤྲོད་གཞུང་ལུགས་ལ་གཏོར་བཤིགས་བྱེད་ཀྱི་གསལ་བོ་ཤེས་དགོས །
ང་ཚོ་བོད་སྤྱི་ལ་དབང་བའི་ཁ་སྐད་ཞིག་ཆགས་སུ་འཇུག་པ་ལ་ཐོན་མི་བརྡ་སྤྲོད་རྨང་གཞི་རུ་མ་བཟུང་བར་ཐུན་མོང་ཁ་སྐད་ཞིག་ཡོང་ཐབས་མེད་པ་ཞིག་རེད །
རྩོམ་ཡིག་དང་ཡིག་བསྐུར་སོགས་གང་ཡིན་རུང་ཡི་གིའི་ལམ་ནས་བརྡ་སྤྲོད་བྱེད་པ་ལ་ཡུལ་ལུང་ཁ་སྐད་དང་མ་འདྲེས་པར་བརྡ་སྤྲོད་གཞུང་ལུགས་ཀྱི་དགོངས་དོན་ཇི་བཞིན་འབྲི་ཅི་ནི་ཧ་ཅིང་གལ་འགེངས་ཆེ
བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་གསུང་པ་བཞིན། བོད་ཆོལ་ཁ་གསུམ་ལ་སྐད་རིགས་མི་འདྲ་བ་དུ་མ་ཡོད་ཀྱང་སོ་སོར་ཡུལ་སྐད་ལ་ལོངས་སྤྱོད་ན་ནོར་འཁྲུལ་གང་ཡང་མེད། འོན་ཀྱང་ཡིག་ཐོག་ཏུ་བྲིས་སྐབས་སོ་སོའི་ཕལ་སྐད་དུ་བྲིས་ན་དེ་ནི་རིག་གཞུང་གཏོར་གཤིབ་བཏང་མཁན་དུ་མཐོང་། མ་འོངས་པར་བོད་རིགས་ཡོད་དོ་ཅོག་གིས་བོད་ཀྱི་བརྡ་དག་མཐུན་པར་བྲིས་ན་ལེགས་པར་སྙམ་མོ།།
རང་མི་རིགས་ཀྱི་སྐད་ཡིག་ལ་གཅེས་འཛིན་དང།བཀོལ་སྤྱོད་ཀྱིས་རྒྱུན་འཛིན་མཐའ་འཁྱོངས་བྱེད་པའི་བྱ་འགུལ་སྤེལ་བ་ནི་རང་རིགས་ལ་དུང་ཞེན་དང་བློ་དཀར་རང་གྱི་བྱ་བ་རླབས་པོ་ཆེ་ཡིན་པས་དགའ་བསུ་ཡོད།་
རང་མི་རིགས་ཀྱི་སྐད་ཡིག་ལ་གཅེས་འཛིན་དང།བཀོལ་སྤྱོད་ཀྱིས་རྒྱུན་འཛིན་མཐའ་འཁྱོངས་བྱེད་པའི་བྱ་འགུལ་སྤེལ་བ་ནི་རང་རིགས་ལ་དུང་ཞེན་དང་བློ་དཀར་རང་གྱི་བྱ་བ་རླབས་པོ་ཆེ་ཡིན་པས་དགའ་བསུ་ཡོད།་
བོད་སྐད་སྐོར་བཀའ་མོལ་གནང་གི་ཡོད་ཙང་བསམ་ཚུལ་ཞིག་ཞུ་འདོད་བྱུང་། བོད་རྗེ་སྲོང་བཙན་སྒམ་པོའི་བཀོད་སྒྲིག་འོག་ཐོན་མི་སམ་བྷོ་ཊས་སྐུ་ངལ་འཛེམས་མེད་ཀྱིས་བོད་ཀྱི་སྐད་ཡིག་གསར་གཏོད་མཛད་དེ་བོད་ཧྲིལ་པོས་མ་ཚད་པར་ཧི་མ་ལ་ཡའི་རི་རྒྱུད་མི་རིགས་དང་བཅས་པས་འབྲི་ཐུབ། ཀློག་ཐུབ། གོ་ཐུབ་པའི་སྐད་ཡིག་འདི་བེད་སྤྱོད་མི་བྱེད་པར་སློབ་གྲ་མེད་པའི་ལུང་ཁུག་ཆུང་ཙག་གི་ལོག་སྐད་ལ་དང་དོད་ཀྱིས་བེད་སྤྱོད་གཏོང་ཐབས་བྱས་ན་དེང་སང་༧གོང་ས་སྐྱབས་མགོན་ཆེན་པོས་བསྟོད་བསྔགས་མཛད་བཞིན་པའི་བོད་ཀྱི་སྐད་ཡིག་འདི་ཁུངས་གཏུགས་ས་མེད་པའི་སྐད་ཡིག་སླ་པོ་ཞིག་ཆགས་ཀྱི་མ་རེད་པས།། དེ་བཞིན་བཀའ་འགྱུརདང་། བསྟན་འགྱུར། བོད་ཀྱི་མཁས་པ་མང་པོས་མཛད་པའི་བསྟན་བཅོས་དེ་ཚོ་ཡང་ལོག་སྐད་འདྲེས་པའི་དཔེ་ཆ་ཞིག་ཏུ་འགྱུར་དགོས་པ་ཆགས་ཀྱི་མ་རེད་པས།། ལོག་སྐད་ནི་བོད་རྒྱ་ཁྱབ་ལ་གྲངས་ལས་འདས་པ་ཡོད་པ་ཚང་མས་མཁྱེན་གསལ་རེད། དེ་ནི་བོད་ལ་སློབ་གྲ་མང་པོ་མེད་པའི་སྐྱོན་དང་། འགྲུལ་བཞུད་ཀྱི་མཐུན་རྐྱེན་ལེགས་པོ་མེད་ཙང་ཕན་ཚུན་འབྲེལ་གཏུགས་ཡང་ཡང་མེད་པའི་སྐྱོན་ལས་བྱུང་བའི་ཞན་ཆ་ཞིག་ཡིན་པ་ལས་ལེགས་ཆ་ཡིན་པར་ངོས་ལེན་བྱེད་མཁན་ཨེ་ཡོད།
ཡང་མང་གཙོའི་སྤྱི་ཚོགས་ནང་རན་པོའམ། འཚམས་པོ་མེད་པའི་ཐ་སྙད་ཕྱིས་སུ་དར་ཁྱབ་བྱུང་བ་སྐུ་ངོ་དང་། སྐྱེ་དམན་སོགས་གྲལ་རིམ་དང་། ཕོ་མོ་དབྱེ་འབྱེད་སོགས་ཀྱི་མིང་ཚིག་དེ་གྲས་ལ་དང་དོད་མ་བྱས་ན་ལེགས་པ་མེད་དམ། དེའི་སྐོར་ ༡༩༦༠ ནང་ལ་༧གོང་ས་སྐྱབས་མགོན་ཆེན་པོ་མཆོག་ནས་བོད་གཞུང་དགའ་ལྡན་ཕོ་བྲང་དམངས་གཙའི་ལམ་ལུགས་སུ་བསྒྱུར་གནང་མཛད་རྗེས་འགོ་བརྗོད་སྐུ་ངོ་ཞེས་པ་འདི་འགྱུར་བཅོས་དགོས་པའི་བཀའ་སློབ་ཀྱང་སྩལ་ཡོད། དེ་བཞིན་ཞྭ་སྒབ་པ་བདེ་ལྡན་དབང་ཕྱུག་མཆོག་གིས་བརྩམས་བསྒྲིགས་གནང་བའི་བོད་ཀྱི་སྲིད་དོན་རྒྱལ་རབས་ནང་གཞུང་ཞབས་པ་མཐོ་དམའ་མང་པོའི་མཚན་བཀོད་ཡོད་ཀྱང་ཆབ་སྲིད་ཀྱི་དགོས་མཁོར་གཟིགས་ཏེ་འགོ་བརྗོད་སྐུ་ངོ་ཞེས་པ་མཐོང་རྒྱུ་མི་འདུག། དེ་བཞིན་བོད་ནང་དུ་གནས་དུས་ལ་བརྟེན་ནས་སེར་སྐྱ་ཕོ་མོ་སྐྱིད་སྡུག་དྲག་ཞན་དང་། གོ་གནས་མཐོ་དམའ་མེད་པར་གུས་ཞབས་ཀྱི་ཚུལ་དུ་མིང་གི་འགོ་བརྗོད་དང་། མིང་ཚབ་ཏུ་རྒན་ལགས་དང་། སྐུ་ཞབས་ཟེར་བ་ལས་སྐུ་ངོ་ཟེར་མཁན་སུ་ཡང་མི་འདུག། འོན་ཀྱང་ང་ཚོ་རང་དབང་ལུང་པར་ཡོད་པའི་མི་རབས་རྒན་པ་ཚོར་གོམས་གཤིས་ཀྱི་ཆ་ནས་དེ་སྔ་སྐུ་ངོ་ཞུ་ཡུལ་གྱི་བགྲེས་སོང་ཚོར་སྐུ་ངོ་མི་ཞུ་ཐབས་མེད་ཀྱི་ཚོར་བ་ཞིག་ཡོང་གི་ཡོད་པ་དངོས་ཡོད་གནས་ཚུལ་རེད། གལ་སྲིད་མི་རབས་གསར་པ་ཚོས་ཆབ་སྲིད་ཀྱི་དགོས་མཁོར་བསམས་ཏེ་སྐུ་ངོ་གསར་པ་མ་བཟོས་ན་མི་རབས་རྙིང་པ་རྫོགས་ལ་ཉེ་བས་དཀའ་རྙོག་མི་འདུག། མ་གཞི་ནས་གུས་ཞབས་ཀྱི་ཚུལ་དུ་འགོ་བརྗོད་དང་། མིང་ཚབ་ཏུ་སྐུ་ཞབས་ཞེས་སེར་སྐྱ་ཕོ་མོ་དྲག་ཞན་མཐོ་དམའ་མེད་པར་འཇུག་ཏུ་འོས་པའི་ཐ་སྙད་སྔ་དུས་ནས་ཡོད་བཞིན་པ་འདི་དག་བེད་སྤྱོད་བྱས་ན་མ་འོ ས་པ་ག་རེ་འདུག་གམ། ཨ་རིའི་སྲིད་འཛིན་ལ་སྐུ་ཞབས་ཨོ་བྷ་མ་ཟེར་གྱི་ཡོད་པ་ལས་སྐུ་ངོ་ཨོ་བྷ་མ་ཟེར་གྱི་མི་འདུག་ག། དེ་བཞིན་བུད་མེད་དང་། ཆུང་མར་སྐྱེ་དམན་ཟེར་རྒྱུར་དང་དོད་མི་བྱེད་པར་རང་རེའི་སྐད་ཡིག་ནང་སྔ་དུས་ནས་ཡོད་བཞིན་པ་བུད་མེད་ལ་བུད་མེད་དང་། ཆུང་མར་ཆུང་མའམ། ཕོ་མོ་གཉིས་ཀར་འཇུག་ཏུ་འོས་པ་བཟའ་ཟླ་དང་། བཟའ་ཚང་སོགས་དོན་དངོས་དང་མཐུན་པའི་ཐ་སྙད་དེ་ཚོ་ཁ་རྒྱུན་དུ་འཇགས་ན་དགེ་མཚན་ཆེ་བ་མ་ཡིན་ནམ།། ཤེས་འཇོན་གང་ཡང་མེད་པའི་རྒས་འཁོག་ལས་མེད་ང་ལ་དུས་ཚོད་མང་པོ་ཡོད་ཙང་དུས་ཚོད་སྐྱེལ་བ་དང་། དྲན་ཤེས་མ་བརླག་པའི་ཆེད་དུ་སྐད་ཆ་མང་པོ་བཤད་པ་འདྲ་ཞིག་ཆགས་སོང་ཡང་དགོངས་འགལ་མེད་པ་ཞུ།། ཐུགས་རྗེ་ཆེ།།
བོད་སྐད་ཡིག་རྒྱུ་འཛིན་ཚོགས་པ་ཚང་མའི་དགོངས་པར་སྔ་གསལ་བཞིན་རེད། འདིར་གཟིགས་དང་། བོད་སྐད་ཡིག་གཅེས་སྐྱོང་ལས་འགུལ་ཚོགས་པའི་ལོ་རྒྱུས་རགས་ཙམ་འདུག
( ང་ཚོ་བོད་སྐད་ཡིག་གཅེས་སྐྱོང་ལས་འགུལ་པ་ཟེར་བ་འདི་ནི། བོད་སྐད་གཙང་མར་བསྐྱོན་པའི་ལས་འགུལ་འདི་ཐོག་མར་ཕྱི་ལོ་ ༢༠༠༨ ཟླ་ ༡༠ ཚེས་ ༡༨ ཉིན་བྷེལ་རྗེམ་གྱི་གྲོང་ཁྱེར་ཨན་ཁྲི་ཝེར་ཕན་ནང་བོད་མི་བརྒྱད་ཀྱིས་མགོ་བཙུགས་ཏེ་རིམ་བཞིན་ཨ་རི་དང་ཇར་མན་ནེ། ཧྥ་རིན་སི། ཧོ་ལན། དབྱིན་ཇི། རྒྱ་གར། བལ་ཡུལ། བོད་བཅས་པར་བོད་མི་གཅིག་གིས་གཅིག་ལ་བསྐུལ་མ་བྱས་ཏེ། གཅིག་གིས་གཉིས། གཉིས་ཀྱིས་བཞི་དང༌། བཞི་ཡིས་བརྒྱད་སོགས་གོམ་པ་རིམ་འཛེགས་ཀྱིས་ལོ་གཅིག་དང་ཕྱེ་ཀའི་རིང༌། བོད་མི་འབུམ་གཉིས་ ༢༠༠༠༠༠ ཡས་མས་ཀྱིས་བོད་སྐད་གཙང་མ་སྨྲ་བའི་དམ་བཅའ་བཞག་སྟེ། བོད་སྐད་བཤད་སའི་ཁོར་ཡུག་གསར་བ་ཞིག་ལ་གོམ་ཁ་སྤོ་བཞིན་ཡོད་ཟེར། )
བོད་སྐད་ཡིག་རྒྱུན་འཛིན་ཚོགས་པ་དང་བོད་སྐད་ཡིག་གཅེས་སྐྱོང་ལས་འགུལ་ཚོཚོགས་པ་གཉིས་ཀྱི་ཚོགས་མི་ཡོངས་ལ་བཀྲ་ཤིས་བདེ་ལེགས་ཞུ་བ་ཡིན་ལ། ཁྱེད་ཅག་གི་གཡོ་མེད་ཀྱི་སྙིང་སྟོབས་དང་འགྱུར་མེད་ཀྱི་ལྷག་བསམ་ལ་རྗེས་སུ་ཡི་རངས་ཞུ་བ་ཡིན། མ་འོངས་མུ་མཐུད་རྒྱུན་སྐྱོང་དང་ཧུར་བརྩོན་བྱ་བར་ཡིད་ཆེས་ཡོད། བཀྲ་ཤིས་བདེ་ལེགས།
སྐད་ཡིག་བགྲོ་གླེང་གནང་བར་བསྔགས་བརྗོད་ཞུ།
ཨ་ཧ་བོ། ངའི་དགེན་ལགས་ཀྱི་སྐེད་རག་ནས་ཤོར་བསྡད་འདུག ཁྱེད་ཚོས་དྲི་བ་འདྲི་རྒྱུ་མང་སོང་ནི་ཆེས་ཡིན་རེ། ཧ་ཧ་ཧ།
ཤེས་རིག་ཟུང་དྲུང་ཀརྨ་སྨོན་ལམ་ལགས།
ཁྱེད་ཀྱིས་འདིར་བཀོད་པའི། ༼ བོད་པའི་སྐད་ཀྱི་གཤིས་ཀའི་སྟེང་རྩ་བ་ནས་མེད་པ་ཞིག་ལ། དཔེར་ན། བོད་ནང་དུ་ “མིས་བཟོས་འཁོར་སྐར” ལྟ་བུ་བསྒྱུར་འདུག རང་བྱུང་མ་ཡིན་པ་དང་རང་བཞིན་མ་ཡིན་པ་ཡོངས་རྫོགས་ལ་མི་བཟོས་ལབ་པ་ཡིན་ན། བོད་ཕྱི་ལོགས་ཀྱི་ང་ཚོས་དེ་ཁས་ལེན་པ་མ་རེད། དབྱིན་ཡིག་གི་ artificial ཟེར་བ་དེའི་ཚབ་ལ་དེ་སྔ་ནས་བོད་ནང་བཅོས་མ་ཟེར་བ་ཞིག་ཡོད་ཡོད་པ་རེད། མིས་བཟོས་པ་ཡོངས་རྫོངས་ལ་མིས་བཟོས་ལབ་པ་ཡིན་ན། ནམ་ཞིག་དབྱིན་ཡིག་ནང་དུ་ man made ཟེར་བ་ཞིག་བྱུང་ན་ཅི་ཞིག་གདགས་རྒྱུ་ཡིན། ༽
དང་པོ། མིས་བཟོས་འཁོར་སྐར་ཞེས་པའི་ཚིག་ཏེ་བོད་སྐད་ཀྱི་གཤིས་ཀའི་སྟེང་རྩ་བ་ནས་མེད་པ་ག་ལ་ཡིན། དེ་བོད་རང་གི་སྐད་དག་མ་རེད། གལ་དེ་ཁྱེད་ཀྱིས་བོད་པའི་སྐད་ཀྱི་གཤིས་ཀའི་སྟེང་རྩ་བ་ནས་མེད་པ་ཞེས་པ་དེ་ དབྱིན་སྐད་ཐོག་གི་ satellite ལ་ཟེར་ན་དེ་ནི་བོད་སྐད་ཞིག་རེད་སྙམས་མཁན་སུ་ཡང་མེད་པ་ཤེས་དགོས། man made ཟེར་བ་དེ་སྔར་ནས་དབྱིན་སྐད་ཐོག་ལ་བེད་སྤྱོད་བྱེད་བཞིན་པའི་ཚིག་ཅིག་རེད་ དེས་ན་ཁྱེད་ཀྱིས་ནམ་ཞིག་དེ་འདྲ་འབྱུང་ན་ཅི་ལ་ཟེར། དེ་ཡང་མིས་བཟོས་ཞེས་བསྒྱུར་ཆོག དོན་གཅིག་མིང་གི་རྣམ་གྲངས་ཟེར་བ་དེ་ཁྱེད་ཀྱི་ཀོ་ཨེ་མྱོང་ལགས།
རྗེས་སུ་ཡི་རངས་ཡོད། ཆོལ་གསུམ་བོད་མིས་རྡོག་རྩ་གཅིག་སྒྲིལ་ཐོག་ལག་ལེན་གནང་རོགས་ཞེས་སེམས་ཁོངས་རུས་པའི་གཏིང་ནས་འབོད་བསྐུལ་ཞུ་བཞིན་ཡོད།
ཞོར་དུ་ང་ལ་ཀརྨ་སྨོན་ལམ་ལགས་སུ་དྲི་བ་ཞིག་འདུག
“་མིས་བཟོས་འཁོར་སྐར” ཟེར་པའི་ཐ་སྙད་དེ་འགྲིག་གི་མི་འདུག་ལབ་འདུག། འོ་ན་སྐུ་ངོ་རང་གི་མིང་ཚིག་ག་རེ་བཟོས་ཡོད་དམ། ལན་གསལ་པོ་ཞིག་གནང་རོགས།
ང་ཁྱོད་ཁོ་སོགས་གསུམ་གའི། བོད་ཀྱི་སྤྱི་སྐད་འབྲི་སྟངས།
ངས་བོད་དོན་ཆེད་དུ་
སྔ་དྲོར་སྨོན་ལམ་བརྒྱབས་པ་ཡིན།
ད་ལྟ་དར་ལྕོག་འཛུགས་བགྱིད་ཡོད།
དགོང་དྲོར་སྨོན་ལམ་བརྒྱབ་བགྱི་ཡིན།
ཁྱོད་ཀྱིས་བོད་དོན་ཆེད་དུ་
སྔ་དྲོར་སྨོན་ལམ་བརྒྱབས་པ་རེད།
ད་ལྟ་དར་ལྕོག་འཛུགས་བགྱིད་འདུག
དགོང་དྲོར་སྨོན་ལམ་བརྒྱབ་བགྱི་རེད།
ཁོས་བོད་དོན་ཆེད་དུ་
སྔ་དྲོར་སྨོན་ལམ་བརྒྱབས་པ་རེད།
ད་ལྟ་དར་ལྕོག་འཛུགས་བགྱིད་འདུག
དགོང་དྲོར་སྨོན་ལམ་བརྒྱབ་བགྱི་རེད།
སྐྱེས་བུ་དང་བོ་་གཉིས་པ་་གསུམ་པའི། ཡིན་ཡོད་་རེད་འདུག་གིས། འདས་ད་ལྟ་མ་འོངས་པའི་ཁྱད་པར་གསལ་སྟོན་ཡོད་པ་མ་ནོར་བ་ཕྱེ་དགོས།
གོང་གི་ཚོགས་པ་གཉིས་ཀྱིས་སྤེལ་བའི་ལས་འགུལ་ལ་ཞེ་གཏིང་ནས་དགའ་བསུ་དང་ལྷག་པར་དུ་བོད་སྐད་གཙང་མར་རྒྱག་རྒྱུར་གོམ་པ་མཉམ་སྤོ་ཞུ་གི་ཡིན།
བོད་སྐད་ནི་བྱ་ཚིག་དང་ཚིག་ཕྲད་ཁྱད་ཚིག་སོགས་བརྡ་སྤྲོད་ཀྱི་ཆ་ནས་ཁོ་ལག་ཡོངས་སུ་རྒྱས་ཟིན་པ་ཞིག་ཡིན་མོད། དེང་བཙན་བྱོལ་ནང་དུ་བོད་རིགས་སྤྱི་དང་ལྷག་པར་གཞོན་སྐྱེས་ཚོའི་ནང་མི་ཉུང་བ་ཞིག་གིས་མིང་ཚིག་ཙམ་མ་ཟད་ཚིག་ཕྲད་ཀྱང་ཧིདྡཱི་ཡི་ཚིག་ཕྲད། བྷཱི།ཏཀ་ ལྟ་བུ་སྤྱོད་བཞིན་ཡོད་པ་འདི་ཚོ་གཟིགས་ཤིང་དུས་ནས་དུས་སུ་སྟངས་འཛིན་དགོས་ངེས་རེད།
བོད་ཀྱི་སྐད་ཡིག་གླེང་ནས་གྲུབ་འབྲས་གང་ཐོན་ཡོད་དམ།
བོད་ཀྱི་སྐད་ཡིག་དེ་ཡར་རྒྱས་མཐར་ཕྱིན་པ་སོང་ཡོད་པ་ཞིག་ཡིན་ནའང་། སྔར་སྐད་གསར་བཅད་གནང་བའི་དགོས་པ་ཤེས་དགོས་པ་གཅིག ཁ་སྐད་ཡིག་ཐོག་ཏུ་འཁོད་པའི་ནང་ལ་མ་དག་རྒྱུན་འཇགས་གཙང་སེལ་དགོས་པ་དང་གཉིས། ཡིག་སྐད་ཀྱི་བརྒྱུད་ནས་བོད་མདོ་དབུས་ཁམས་གསུམ་དང་སྟོད་ལ་དྭགས་ལ་སོགས་པའི་བོད་རིགས་སྤྱི་ཡོངས་ལ་ཁྱབ་ཐུབ་པའི་སྤྱིའི་ཁ་སྐད་ཅིག་གཏན་འབེབས་ཀྱིས་འགྲེམ་སྤེལ་སློབ་སྟོན་བྱེད་ཐུབ་ན། བོད་ཀྱི་བཀའ་བསྟན་ནམ་བཀའ་བརྟན་ཀློག་ཡ་ལ་ཕན་པ་མ་གཏོགས་གནོད་སྲིད་ཨ་ཡོང་། སྲིད་གཞུང་གཅིག་གིས་དེ་ལྟར་གཏན་འབེབས་ལ་མཛད་དཀའ་བྱུང་སྲིད་ཀྱང་། ཤེས་ཡོན་ཚོགས་པ་ཅིག་གིས་བྱེད་སྒོ་བཙུགས་ནས་ཡར་རྒྱས་ཕྱིན་ནས་བོད་རིགས་སྤྱི་སྐད་ཅིག་བྱུང་ན། བོད་ཀྱི་ཡུལ་སྐད་ཁ་ཤས་ཉམས་ནའང་ཕངས་དགོས་ཨེ་ཡོད་སྙམ།
བོད་ཀྱི་སྐད་ཡིག་ནང་ལ་མིང་གསར་རྣམས་བསྒྱུར་བཟང་ཞན་བསྡུར་ནས་མིང་ཚིག་གསར་པ་ཡག་ག་དེ་ལ་སྤྱི་ཚོགས་ཀྱིས་རྒྱབ་སྐྱོར་བེད་སྤྱོད་བྱས་མ་བྱས་ལ་རག་ལས་པ་རེད།