ཕྱི་ཟླ་ ༣ པའི་ཚེས་མགོར་བོད་གཞུང་ཟློས་གར་ཚོགས་པས་ཐའེ་ལན་ཌིའི་རྒྱལ་སར་བོད་ཀྱི་གཞས་སྣ་རིགས་འཁྲབ་སྟོན་བྱ་རྒྱུ་ཡིན་འདུག
ཕྱི་ཚེས་ ༢༦ ཉིན་ ANI དྲ་རྒྱའི་ཐོག་གནས་ཚུལ་སྤེལ་བ་ལྟར་ན། ཕྱི་ཟླ་ ༣ པའི་ཚེས་ ༥ ནས་ ༡༠ བར་བོད་གཞུང་ཟློས་གར་ཚོགས་པས་ཐའེ་ལན་ཌིའི་རྒྱལ་ས་བྷན་ཁོག་གི་སྒྱུ་རྩལ་དང་རིག་གཞུང་ལྟེ་གནས་སུ་བོད་ཀྱི་གཞས་སྣ་འཁྲབ་སྟོན་བྱ་རྒྱུ་ཡིན་འདུག་ལ། དེ་ནི་ཐེབས་རྩ་ཁང་ the Sathirakoses Nagapradipa Foundation ཞེས་པའི་གོ་སྒྲིག་ལྟར་བོད་ཀྱི་ཆོས་རིག་དང་སྒྱུ་རྩལ་སོགས་ཐའེ་ལན་ཌིའི་མི་མང་ལ་ངོ་སྤྲོད་བྱ་ཆེད་ཡིན་འདུག འཁྲབ་སྟོན་ཀྱི་སྐབས་དང་བསྟུན་ནས་བོད་ཀྱི་རིག་གཞུང་ངོ་སྤྲོད་ལས་གཞན་ད་དུང་བོད་དོན་དང་འབྲེལ་བའི་གསུང་བཤད་དང་བགྲོ་གླེང་སོགས་གནང་རྒྱུ་རེད་ལ། བོད་ཀྱི་ཐུན་མོང་མིན་པའི་དཀྱིལ་འཁོར་བཞེངས་སྟངས་དང་ཐང་ཀ དེ་བཞིན་བརྐོས་བཀྲོལ་སྒྱུ་རྩལ་སོཊ་ཀྱང་འགྲེམ་སྟོན་བྱ་རྒྱུ་རེད། ཐེངས་འདིའི་གསུང་བཤད་གནང་མཁན་ལ་༧གོང་ས་མཆོག་གི་གསུང་སྒྱུར་དགེ་བཤེས་དགྲ་འདུལ་མཆོག་དང་བཀའ་ཟུར་རྗེ་བཙུན་པདྨ་མ་སོགས་ཕེབས་ཡོད་འདུག གཞས་སྣ་འཁྲབ་སྟོན་དེའི་འཛིན་བྱང་རིན་པར་ཐའེ་སྒོར་ ༡༠༠༠ སྤྲོད་དགོས་ཀྱི་འདུག་ལ་དེ་མིན་གྱི་འགྲེམས་སྟོན་གཞན་རྣམས་རིན་མེད་དུ་འབུལ་རྒྱུ་ཡིན་འདུག
འདི་ནི་བོད་གཞུང་ཟློས་གར་ཚོགས་པ་ཐའེ་ལན་ཌིར་ཕྱོགས་བསྐྱོད་བྱས་པ་ཐོག་མ་དེ་ཆགས་ཡོད་འདུག
རིག་གཞུང་ཁྲབ་རྒྱུ་དང་རིག་གཞུང་གྱོན་རྒྱུ་ད་དུང་རིག་གཞུང་ཟ་རྒྱུ་སོགས་ཁས་མི་ལེན
ཟློས་གར་ཁྲབ་པ་དང་དེ་ཡང་བོད་མིའི་རིག་གཞུང་ཡིན་པ་ལས་རིག་གཞུང་ཁྲབ་ནི་མ་རེད་འདོད
ཅི་རེད་ལྕགས་ཞྭ་གྱོན་མཁན་ལ་འདི་འདྲའི་དམའ་འབེབས་བྱེད་དོན
རང་དབང་རེད་ཅི་བྱེད་ན་བྱེད་གི་ཞོག
སྐད་ཆ་ཆོ་མེད་ཀྱང་ཀྱང་ཤོད་པ་ལས་ལྕགས་ཞྭ་གྱོན་ཏེ་ངོ་ཚ་ཁྲེལ་དང་བྲལ་བའི་ཀླད་ཆུང་དག་ལ་མ་ནོར་ལམ་བཟང་སྟོན་འགྱུར་ཐབས་ཤེས་བཏང་ན་བཟང་། བོད་གཞུང་ཟློས་གར་གྱིས་ད་བར་ཞབས་འདྲེན་བཞག་པའི་སྐད་ཆ་གོ་ཐོས་གང་ཡང་མ་བྱུང་ལ་དེ་བས་ད་རེས་ཀྱི་ཁྲབ་སྟོན་ལ་གཟབ་གཟབ་གསིག་གསིག་གི་བོད་པའི་རིག་གཞུང་སྤུས་དག་པ་ཞིག་འཁྲབ་ངེས་རེད། བོད་མིའི་ཞབས་འདྲེན་ཟེར་བར་ཞེད་ན་དང་པོ་ལྕགས་ཞྭ་གྱོན་པའི་འདྲེ་དག་བཏུལ་དགོས།
སྤྱོ་ལབ་མུ་མཐུད་ནས་རྒྱབ་ཀྱི་ཡིན་ནོར་འཁྲུལ་ཡོད་ན་ངོས་ལེན་དང་དགོངས་བསེལ་ཡོད།
ག་རེ་ཡིན་ནས་ཡིན་ཁོང་རྣམས་ཀྱིས་བོད་པའི་ཐུན་མིན་རིག་གཞུང་དེ་ཁྱབ་བསྒྲགས་ཡག་པོ་ཞིག་མ་བྱུང་ཡང་ཞབས་འདྲེན་མི་ཞུ་བའི་སྨོན་འདུན་ཞུ།
ཅི་ཞིག་འཁྲབ་རྒྱུ་ཡིན་ནམ
ང་ཉིན་ཞིག་ཟློས་གར་ཁང་དུ་འགྲོ་མྱོང་།་ངོ་མ་བཤད་ནི་ཡིན་་་བོད་གཞུང་ཟློས་གར་ཁང་ཟེར་ན་གཏད་ནས་མི་འོས་འདུག
རྫོངས་ཆུང་ངུ་ཞིག་གི་ཟློས་གར་ཁང་ལ་འགྲན་ཟླ་ཡོང་རྒྱུ་མ་རེད་ཡ་
ངོ་མ་ཐང་ཆད་ཐ་་་་་་་་་་་་སྐད་གྲགས་མ་ཐོབ་ཅིང་ཞབས་འདྲེན་མི་ཞུས་པར་ཤོག
ཟློས་གར་ཚོགས་པས་ཀྱང་ཕྱི་རྒྱལ་ཁག་ལ་ཕེབས་སྐབས་བོད་ནང་གི་སྐྱོ་གར་གཏམ་བརྗོད་ཞིག་འཁྲབ་སྟོན་བྱ་རྒྱུ་གལ་ཆེ་བར་སྙམ།
བོད་གཞུང་ཟློས་གར་ཚོགས་པའི་གླུ་གཞས་དང་འཁྲབ་སྟོན་དགའ་བསུ་གཞི་ནས་མེད། དེའི་རྒྱུ་མཚན་ཁོས་ཚོས་ཐ་ན་བོད་སྐད་ཡག་པོ་ཚམ་ཞིག་ཀྱང་བཤད་ཤེས་ཀྱིན་མེད་ཐོག་ཟློས་གར་ཐེབ་ཆག་ཚམ་དང་གླུ་བྲོ་ཉོབ་ཐོ་ཁ་ཤས་མ་གཏོགས་བལྟ་ས་ཅི་ཡང་མེད་ཡ།
སྔོན་མ་རང་རེ་བོད་དོན་ལ་རྒྱབ་སྐྱོར་བྱེད་མཁན་ནི་ཨེ་ཤེ་ཡའི་གླིང་གི་རྒྱབ་ཁབ་ཁག་ཡིན་མོད། བར་སྐབས་ཤིག་ནས་བོད་དོན་ལ་རྒྱབ་སྐྱོར་བྱེད་མཁན་རྣམས་ནི་ཨ་རི་དང་། ཡོ་རོབ་སོགས་ཀྱི་རྒྱབ་ཁབ་ཡིན་པར་འདུག འོན་ཀྱང་རང་ཅག་གིས་ཨེ་ཤི་ཡའི་གླིང་གི་རྒྱབ་ཁབ་ཁག་དང་འབྲེལ་བ་ཇེ་དམ་དུ་གཏོང་རྒྱུ་ནི་རང་རེ་མ་འོངས་པ་དང་འབྲེལ་བ་དམ་པོ་ཞིག་ཡོད་པར་སྣང་། རྒྱུ་མཚན་དེ་ལ་བརྟེན་ནས་ཐེངས་འདིའི་འཁྲབ་སྟོན་དེ་ཡང་ལེགས་ཕྱོགས་ཀྱི་གནས་ཚུལ་ཞིག་ལ་བརྩིས་ཆོག