རླངས་འཁོར་ནང་དུ་ག་ལེར་མགྲོན་པོ་རྣམས་འགྲོ་བཞིན་ཡོང་བཞིན་ཡོད་པ་དང་། བློ་བཟང་གིས་རང་གི་རྐུབ་སྟེགས་ཀྱི་ཨང་གྲངས་ལ་བལྟས་དེ་རྐུབ་སྟེགས་སྟེང་དུ་བསྡད་མ་ཐག དེ་སྔོན་ཕྱི་ནས་འཕྲད་པའི་ཕོ་གསར་དེ་ནི་རྐུབ་སྟེགས་རྒྱབ་ལོག་ཞིག་དུ་འགྲོ་བཞིན་ཡོད་པ་དང་། བུད་མེད་དེ་ནི་ཁོ་རང་གི་མདུན་སྟེགས་སྟེང་དུ་བསྡད་པ་དེར་ཅུང་ཙམ་ཡ་མཚར་སྐྱེ་ན་ཡང་། གང་ཡང་མ་དྲིས་པར་རླངས་འཁོར་འགྲོ་བར་སྒུག་པ་རེད།
རླངས་འཁོར་སོང་ནས་ཅུང་མ་འགོར་བར། བློ་བཟང་གིས་རང་གི་གསར་དུ་ཉོས་པའི་ཤིང་ཏོག་སྐམ་པོ་ཁུག་མ་དེ་ཡི་ཁ་ཕྱེ་ནས་མདུན་སྟེགས་་སྟེང་གི་བུད་མེད་དེར་ཤིང་ཏོག་བཞེས་རོགས་ཞེས་བཤད་དུས་སུ། མདུན་སྟེགས་སྟེང་གི་བུད་མེད་དེས་བཀའ་དྲིན་ཆེ་ཟེར་བཞིན་རྐང་ཁ་ཤས་ཤིག་ལས་མ་བླངས་པ་རེད། སྐབས་དེ་ཡི་ངང་ཚུལ། བློ་བཟང་གི་འགྲམ་གྱི་རྒྱ་གར་བ་དེས་མཐོང་ནས། བློ་བཟང་ལ་ཁྱེད་གཉིས་མི་རིགས་གཅིག་པ་རེད། ལམ་བར་དུ་ཁ་བརྡ་འདྲ་བྱས་དེ་སོང་ན་ཡང་སྟབས་བདེ་བོ་ཡོད་ངེས་རེད། ཁོ་མོ་འཐད་པ་ཡིན་ན་ངས་ཁོ་མོའི་འདུག་ས་བརྗེ་བོ་བརྒྱབ་ཆོག་ཞེས་བཤད་པ་རེད།
བློ་བཟང་གིས་རང་གི་མདུན་སྟེགས་སྟེང་གི་བུད་མེད་དེར་དེ་ལྟར་བཤད་དུས། བུད་མེད་དེ་དགའ་སྣང་དང་བཅས་དེ། ཡིན་དང་ཡིན། དེ་འདྲའི་སྟབས་ལེགས་པ་ཞིག་ལ། ང་རང་རླངས་འཁོར་མི་འཕྲོད་པའི་སྒང་ལ་འདུག་རོགས་བོད་མི་ཞིག་ཡིན་ན་ལོས་དགའ་ཟེར་ནས་བློ་བཟང་གི་འགྲམ་ནས་སྒེའུ་ཁུང་འགྲམ་དུ་བཙོག་པ་རེད།
བློ་བཟང་གིས་རང་གི་འགྲམ་དུ་སླེབས་མ་ཐག་པའི་བུད་མེད་དེ་ལ། རྒྱབ་ལོག་གི་ཕོ་གསར་དེ་དང་ཁྱེད་གཉིས་མིང་སྲིང་ཡིན་ཟེར་ནས་དེ་སྔོན་ཕྱི་ལོག་ནས་ཁ་བརྡ་བྱེད་སྐབས་སུ་བཤད་སོང་མོད། འོན་ཀྱང་། ཁྱེད་གཉིས་ཀྱི་འདུག་སྟེགས་ལ་བར་ཐག་དེ་འདྲ་ཞིག་ཆད་དོན་གང་རེད་ཅེས་དྲིས་པ་དེར། ཁོ་མོས་དེ་ནི་སྐབས་དེར་འཛིན་བྱང་ཉོ་སྐབས་སུ། འཛིན་བྱང་བཙོང་མཁན་གྱིས་དེ་རིང་འགྲོ་མཁན་ཡིན་ན་འདུག་སྟེགས་ལྷན་དུ་ཡོད་པ་རེག་གི་མི་འདུག་ཟེར་ནས་བཤད་ཀྱང་། ངའི་ཕུ་བོ་ཨ་རི་ནས་ཆེད་དུ་ང་རང་རྒྱ་གར་དུ་བསྐྱེལ་དུ་ཡོང་བ་ཡིན་དུས། ཁོ་རང་ལ་དུས་ཚོད་ཀྱང་མང་བོ་མེད་སྟབས། ངེད་གཉིས་ཀྱིས་རླངས་འཁོར་འཛིན་བྱང་དེ་ལྟར་ཆགས་པ་རེད་ཅེས་བཤད་པ་རེད།
ཁོ་གཉིས་དུས་ཚོད་གཅིག་ལྷག་གི་རིང་དུ་ཕན་ཚུན་ལ་ཁ་བརྡ་བྱས་པའི་ཕན་ཚུན་ལ་རྒྱུས་མངའ་གང་ཙམ་ཞིག་བླངས་ཟིན་པ་དང་། བློ་བཟང་གིས་ད་ནི་བུད་མེད་དེ་ནི་ལམ་བར་ནས་ངས་བདག་སྐྱོང་མི་བྱེད་ཐབས་མེད་ཆགས་འདུག་སྙམ་ནས། ཁོ་མོ་ལ་ཁྱེད་རང་གི་འདུག་སྟེགས་ཕྱི་ལོག་གི་ཕུ་བོ་དང་ལྷན་དུ་བརྗེ་བོ་རྒྱག་དགོས་པ་ཡིན་ན་ངས་བརྗེ་བོ་བརྒྱབ་ཆོག ཁྱེད་རང་ངས་ལྷན་དུ་བདེ་བོ་འདྲ་མེད་ན་ཞེས་འཁང་ཆུང་དང་བཅས་པ་བཤད་པ་རེད།
བུད་མེད་དེ་ཡི་མིང་ལ་མཚམས་སྐྱིད་ཟེར་གྱི་ཡོད་པ་དང་། ཕུ་བོའི་མིང་ལ་ཟླ་བ་ཟེར་གྱི་ཡོད་པ་རེད། བུད་མེད་མཚམས་སྐྱིད་ཀྱིས་བློ་བཟང་ལ། ཕུ་བོ་རྒྱབ་ལོག་དུ་ཨ་ཁུ་ངོ་ཤེས་དེ་དང་ལྷན་དུ་སྐྱིད་པོ་བྱས་དེ་བསྡད་འདུག ང་རང་ཁྱེད་རང་དང་ལྷན་དུ་བསྡད་ན་མི་བདེ་གང་ཡང་མི་འདུག ངས་ཁྱེད་རང་ལ་ལམ་བར་དུ་དཀའ་ལས་གཏོད་ན་ཐང་། ང་རང་གཏན་ནས་རླངས་འཁོར་མི་འཕྲོད་ཅེས་བཤད་དུས། བློ་བཟང་གིས་ནུ་མོ་མཚོ་མོ་སྐྱིད་དྲན་ཞོར་དུ། མི་སྐྱོན་མི་སྐྱོན། ངས་རང་གི་གང་ཐུབ་ཞིག་ཁྱེད་རང་ལ་རོགས་ལོས་བྱེད་ཅེས་ལན་བཏབ་པ་རེད།
ལམ་བར་ཞིག་ནས་ཟ་མ་ཟོས་རྗེས་སུ་མཚན་བཀང་བོར་བློ་བཟང་གིས་བུད་མེད་མཚམས་སྐྱིད་སྐྱོར་ནས་རང་ཉིད་འགུལ་བསྐྱོད་ཡག་པོ་ཞིག་ཀྱང་རྒྱག་རོགས་མ་གཅོད་པར་ནམ་འཕུད་པ་རེད། ཕྱིར་ཉིན་ཞོགས་པ་སྔ་བོ་ཁོང་ཚོ་ཟ་མ་ཟ་ས་ཞིག་དུ་འབྱོར་དུས་སུ། བློ་བཟང་གིས་རྐང་བ་སྤྲུད་ཡོད་ཀྱང་། གང་ཡང་མ་བཤད་པར་ག་ལེར་ཁོང་ཚོ་ལྷན་དུ་ཞོགས་ཟས་ཟ་རུ་སོང་བ་རེད།
ཉིན་ཞག་གསུམ་བཞི་ཞིག་གི་ལམ་བར་ནས་བློ་བཟང་གིས་བུད་མེད་མཚམས་སྐྱིད་སྐྱོར་ནས་རྒྱ་གར་རྒྱལ་ས་ལྡི་ལུ་རུ་འབྱོར་ནས། ཁོང་ཚོ་གསུམ་ལྷན་དུ་རྒྱ་གར་བོད་ཀྱི་གཞིས་གྲོང་མན་ཅང་ཀྲེ་ལར་རུ་སོང་བ་དང་། དེ་ནས་བློ་བཟང་གིས་ཁོ་རང་ལ་དོན་དག་གཞན་ཞིག་ཀྱང་ཡོད་པ་དང་། སང་ཉིན་མ་གཏོགས་མི་འགྲོ ཁྱེད་གཉིས་འགྲོ་འདོད་ཡོད་ན་རླངས་འཁོར་རེག་མིན་ལྟོས་པ་ཡིན་ན་འགྲིག་གི་རེད། ང་རང་གི་མགྲོན་ཁང་ཞིག་གླས་འདོད་འདུག ཁྱེད་གཉིས་དེ་རུ་ཡོང་ནས་གཟུགས་པོ་རེ་དཀྲུས་དེ་ངལ་གསོ་བརྒྱབ་ནས་སོང་བ་ཡིན་ན་འགྲིག་གི་རེད་ཅེས་བཤད་པ་རེད།
བུད་མེད་མཚམས་སྐྱིད་དངོས་ནས་ལམ་བར་ནས་སྐྱུག་པ་སྐྱུག་ནས་ཟ་མ་ཡང་ཟ་མ་ཐུབ་པར་ཉིན་ཞག་ཁ་ཤས་ཤིག་སོང་ཡོད་སྟབས། དངོས་ནས་གཟུགས་པོ་ཡང་སྐྱོ་རུ་སོང་ཡོད་པ་དང་། དངོས་ནས་ལྡི་ལུ་རུ་ངལ་གསོ་ཞིག་བྱེད་འདོད་ཡོད་པ་དེ་བློ་བཟང་ལ་བཤད་ཀྱང་། མཚམས་སྐྱིད་ཀྱི་ཕུ་བོ་ཟླ་བ་ལ་དུས་ཚོད་ཀྱི་འདང་གི་མེད་རབས་བཤད་དེ་དགོང་མོ་དེར་ཁོ་གཉིས་ལམ་ལ་ཆས་པ་རེད།
བློ་བཟང་གིས། བུད་མེད་མཚམས་སྐྱིད་ལ་བདེ་མོ་བྱོས། ང་ཚོ་རྡ་ས་ནས་ཐུག་གི་རེད། ང་རང་ཉིན་གཉིས་ཀྱི་རྗེས་སུ་རྡ་སར་འབྱོར་ངེས་ཡིན། དེ་དུས་ང་རང་ཁྱེད་དང་ཐུག་འཕྲད་བྱེད་དུ་ཡོང་ཆོག་ཞེས་བཤད་དེ་ལམ་འཇུག་བྱས་པ་རེད། བུད་མེད་མཚམས་སྐྱིད་ཀྱིས་བློ་བཟང་ལ་ངས་རྡ་ས་ནས་ཁྱེད་རང་ལ་སྒུག་འདུག་ཟེར་ནས་བཤད་དེ་ཁོ་མོའི་ཕུ་བོ་ཟླ་བ་དང་འགྲོགས་ནས་ཕྱིན་པ་རེད།
བློ་བཟང་གིས་ཁོ་གཉིས་ཕྱིན་རྗེས་སུ། གོན་པ་ཚང་མ་ག་ལེར་འཕུད་དེ་རང་གི་གཟུགས་པོ་ཞིག་དཀྲུ་དགོས་བསམ་ནས་རྐང་ལམ་འཕུད་དུས་སུ། ཁོ་རང་གི་རྐང་པ་སྐྲངས་དེ་ཡོད་པ་གཞི་ནས་ཤེས་པ་དང་ཁོ་རང་གིས་རང་གི་རང་ལ་ལྟ་ཞོར་ཁེར་དགོད་ཅིག་བྱེད་ཞོར་དུ་དཀྲུས་ཁང་ནང་དུ་སོང་ནས་ཆུ་སྒོ་ཕྱེ་བ་རེད།
མུ་འགོད།
སྤུན་ཟླ་ཁྱེད་ཅག་ཚང་མ་འདི་རུ་ཕེབས་ནས་རང་རང་གི་བསམ་ཚུལ་ལྷུག་པོར་བརྗོད་པ་དགའ་ཡོད། རྗེས་ཕྱོགས་ཀྱང་བལྟས་དེ་འདུག ཕེབས་རྐྱང་བྱོས།
ཤ་ཁྲག་ལགས་མ་མཇལ་ཡིན་རིང་། ད་ཅི་བྱ་རྩིས་ཡོད་
དེང་སང་གོ་རྒྱུ་ཚོ་རྒྱུ་མི་འདུག་ཨ་ཧཧཧཧཧཧཧ
བློ་བཟང་གིས་སྔོན་མ་བན་སྡེ་མཚོ་ཡང་མེ་འཁོར་ནང་དུ་ཡག་མདོག་དང་བཟང་མདོག་བྱས་ནས་སླུ་ཁྲིད་བྱས་པ་རེད།
ད་ཡང་མཚམས་སྐྱིད་ལགས་ཡང་ཕྱེ་ཁ་འགུག་ཚར་སོང་།
བློ་བཟང་འདི་ནི་སྟུ་ཡི་དོན་དུ་རྐང་པ་སྐྲངས་ན་འང་ཧ་མི་གོ་བ་འདི་འདྲ་འདོད་སྨྱོ་རང་རེད་ད།ཧཧཧཧཧཧཧཧ
ཨོ་་་་་ད་ཁོང་ཚོ་མི་རིང་བར་རྡ་སར་འབྱོར་རྒྱུ་རེད་ལ། ཡ ཡ ངས་སྒུག་ནས་བསྡད་ཡོད། ཟ་མ་རེ་བཟའ་ཡ། ཧ ཧ ཧ
སྐུ་ཞབས་ལགས། བོད་ཡིག་ཞུ་དག་བྱེད་པའི་སྐོར་ནས་ཁྱེད་ལ་ལན་སྐུར་ཡོད། འཕྲོད་སོང་ངམ།