རྙིང་མའི་དབུ་འཛིན་ཁྲི་ཐོག་ལྔ་པ།

༸སྐྱབས་རྗེ་འཁྲུལ་ཞིག་རིན་པོ་ཆེ་མཆོག་སྔ་འགྱུར་རྙིང་མིའི་དབུ་འཛིན་ཁྲི་ཐོག་ལྔ་པར་ཕེབས་པར་མཚམས་འདྲི་དང་བཀྲ་ཤིས་བདེ་ལེགས་ཞུ། ཞུ།

ད་ཡིན་ན་ཞེ་ཆེན་རབ་འབྱམས་ཀྱིས་ལྐོག་གཡོ་ངན་པ་དག་མངོན་དུ་གྱུར་འདུག་ད། སྔ་འགྱུར་རྙིང་མ་པ་སྔོན་གྱི་ལོ་རྒྱུས་ཡག་པོ་ཡོད་ད། ད་ཆབས་སྲིད་ཀྱི་ཚོགས་པ་ཆེན་པོ་ཞིག་ཆགས་འདུག་ད།
རྙིང་བསྟན་སྤྱི་ལ་བསམ་བློ་རེ་གཏོང་རྒྱུ་ཁ་དྲོ། མ་དགོན་དྲུག་ལ་གྲོས་བྱོས། བུ་དགོན་འབུམ་ཕྲག་མང་པོའི་བསམ་པ་མ་དཀྲུག་

བླ་མའི་སྐུ་ཚེ་བརྟན་པ་དང་། །
བསྟན་པ་ཡུན་རིང་འབར་གྱུར་ཅིག །

རྙིང་མའི་དབུ་འཛིན་ཁྲི་ཐོག་ལྔ་པ་སྐྱབས་རྗེ་འཁྲུལ་ཞིག་རིན་པོ་ཆེ་མཆོག་གིས་མཛད་པ་འཕྲིན་ལས་གོང་ནས་གོང་དུ་འཕེལ་པ་དང་སྐུ་ཚེ་བསྐལ་རྒྱལ་བརྟན་པའི་སྨོན་འདུན་གྲངས་མེད་ཞུ། མ་གཞི་རིན་པོ་ཆེ་ལ་མཇལ་མྱོང་མེད་ནའང་མཚན་ཐོས་པ་ཙམ་གྱིས་ཡིད་ཆེ་དང་དགའ་སྤྲོ་བརྗོད་ལས་འདས།

གོ་གསུམ་ལོའི་ལོ་མཇུག་ལ་ང་རང་ཤར་ཁུམ་པོ་བརྒྱུད་ནས་བཙན་བྱོལ་ལ་ཡོང་། ལམ་བར་ན་དགོན་པ་ཞིག་འདུག་པ་དེར་སོང་བས་དགོན་བདག་བླ་མ་བཞུགས་འདུག་པའི་སྐབས་འཁེལ། ངའི་རོག་པ་གཉིས་དང་ང་ཚོས་བླ་མར་མཇལ་ཁ་ཞུས་བར་ཞབས་ཞུ་བ་ཞིག་གིས་ཁོང་གི་གཟིམ་ཆུང་ནང་ལ་ཐད་ཀར་ཁྲིད་སོང་། ཁ་བཏགས་ཤིག་ལས་ཅི་ཡང་མེད་པའི་མཇལ་བ་གསུམ་ཁོང་གི་མདུན་དུ་བཅར་བས། ཁོང་གིས་ཞལ་འཛུམ་དང་བརྩེ་བ་ཆེན་པོས་ང་ཚོར་འཚམས་འདྲི་བྱས་སོང་། ཁོང་ནི་༧སྐྱབས་རྗེ་འཁྲུལ་ཞིག་རིན་པོ་ཆེ་མཆོག་རེད། དེ་དུས་ང་ཚོས་ཨམ་སྐད་མཁྲེགས་པོ་དེ་ལས་ཅི་ཡང་མི་ཤེས་བས་ཁ་བརྡའི་གོ་སྐབས་མེད་ནའང་། ང་ཚོ་རྒྱ་གར་ལ་འགྲོ་གིན་ཡོད། ང་ཚོར་ལམ་ཁྲིད་མེད་ལ་ལམ་རྒྱུས་ཀྱང་མེད་པས། རིན་པོ་ཆེས་ང་ཚོ་ཐུགས་ལ་འཛིན་རོགས་ཞེས་ཞུས་བར། ཁོང་གིས་ཨམ་སྐད་མ་མཁྱེན་པར་མདུན་འདུག་གྲྭ་བ་ཞིག་ལ་དྲིས་བས། གྲྭ་བ་དེས་ཕྱག་མོ་གསུང་ཟེར་གྱིན་ཡོད་ས་རེད་ཅེས་བས། རིན་པོ་ཆེས་འཕྲེང་བ་བླངས་ནས་ཕྱག་མོ་གཟིགས་ནས་ང་ཚོར་འདི་རུ་ལམ་ཁ་གཉིས་ཡོད་མོད། ལམ་གཅིག་ནས་སོང་ན་ཉེན་ཁ་འདུག་པས་དེ་རུ་མ་འགྲོ་འདི་རུ་སོང་ཞེས་ལམ་སྟོན་བྱས་བ་མ་ཟད། ང་ཚོར་ཕྱག་མདུད་རེ་དང་རྩམ་པ་ཁུག་མ་གང་སྤྲད་སོང་། དགོང་མོ་དེར་ང་ཚོར་དགོན་པའི་ནང་དུ་ཟ་མ་བྱིན་པ་མ་ཟད་ཉལ་ཆོས་སྤྲད་པས་རྒྱག་ཚད་འཐུང་ནས་གཉིད་སྐྱིད་པོ་ཞིག་ཉལ་བ་ཡིན། ཕྱི་ཉིན་སྔ་མོར་ལང་ནས་འགྲོ་རྩིས་བྱེད་སྐབས་ངའི་སྐེ་ལ་མདུད་པའི་རིན་པོ་ཆེའི་ཕྱག་མདུད་ཀྱི་མདུད་པ་ཁྲོལ་ནས་བོར་སོང་བས། ངས་ས་བཙལ་རྡོ་བཙལ་བྱས་ཀྱང་མ་བརྙེད། དེ་ནས་ངའི་སེམས་ལ་རྣམ་རྟོག་སྐྱེས་ནས་ཡང་བསྐྱར་བླ་མའི་གཟིམ་ཁང་གི་མདུན་ལ་སོང་ནས་ཁོང་གི་ཞབས་ཞུ་བ་དེ་སྒོར་ཡོང་བར་བསྒུགས། སྟབས་ལེགས་ནས་སྐ་མའ་འགའ་ལས་སྒུག་མ་དགོས་བར་གྲྭ་བ་ཞིག་སྒོར་བུད་པས་ངས་ཁོ་ལ་གུས་ཞབས་དང་བཅས། སྐུ་ཞབས་ལགས། ཁ་སང་རིན་པོ་ཆེས་གནང་བའི་ཕྱག་མདུད་དེ་བོར་ཟིན་པས་ང་ལ་ཡང་བསྐྱར་ཕྱག་མདུད་ཅིག་གི་གནང་སྦྱིན་ཡོང་བ་ཞུ་ཞེས་ཨམ་སྐད་ཀྱིས་ཞུ་བ་བྱས་བས། གྲྭ་དེས་སྐར་མ་འགའི་རྗེས་ནས་རིན་པོ་ཆེའི་ཕྱག་མདུད་ཅིག་ང་ལ་སྤྲད་སོང་། འདི་ནི་ང་རང་སྐྱབས་བཅོལ་ལ་ཡོང་བའི་ལམ་བར་ནས་༧སྐྱབས་རྗེ་འཁྲུལ་ཞིག་རིན་ཆེ་མཆོག་གིས་ཐུགས་བརྩེ་བ་ཆེན་པོས་ང་རང་སྐྱབས་འོག་ལ་བཟུང་བའི་ཉིན་དང་པོ་དེ་ཡིན་ལ་ཉིན་མོ་འདི་ངས་ནམ་ཡང་དྲན་གྱིན་ཡོད།

དཔལ་ལྡན་བླ་མ་ཞི་བར་གཤེགས་པ་རྣམས་ཀྱི་ཐུགས་དགོངས་རྫོགས་པ་དང་། ད་ལྟར་ཞལ་བཞུགས་པ་རྣམས་ཀྱི་སྐུ་ཚེ་བརྟན་པ་དང་། ལྷག་པར་དུ་སྐྱབས་རྗེ་འཁྲུལ་ཞིག་རིན་པོ་ཆེ་སྐུ་ཚེའི་རྡོ་རྗེའི་རང་ཁམས་སུ་བརྟན་ནས་རླབས་ཆེན་ཐུགས་ཀྱི་གཞེད་དོན་མཐའ་དག་གེག་མེད་ཡིད་བཞིན་དུ་འགྲུབ་པའི་སྨོན་འདུན་དང་། བཀྲ་ཤིས་བདེ་ལེགས་ཞུ་རྒྱུ་ཡིན

བཀྲ་ཤིས་བདེ་ལེགས་ཞུ་བ་དང་ཆབས་ཅིག། སྐུ་ཚེ་བརྟན་པའི་སྨོན་འདུན་ཞུ།

༧སྐྱབས་རྗེ་འཁྲུལ་ཞིག་རིན་ཆེ་མཆོག་ཤར་ཁུམ་ཁོ་བརྒྱུད་ནས་ཡོང་བའི་གསར་འབྱོར་ཚོར་བཀའ་དྲིན་ཆེན་པོ་ཡིན། བླ་མ་ཐུགས་གཤིས་འཇམ་པོ་དད་པ་རང་ཤུགས་ཀྱིས་སྐྱེས་བ་ཞིག་འདུག ཁོང་གིས་ང་ལའང་ཕྱག་མདུད་ཅིག་གནང་ནས་ལམ་སྟོན་བྱས་བ་མ་ཟད་ཞགས་གཅིག་ལ་དགོན་པར་སྣེ་ལེན་བྱས་ཤིང་ཁ་ལག་རྒྱག་ཚད་གནང་བ་བརྗེད་མེད་ཡིན། སྐུ་ཚེ་བརྟན་པར་ཤོག

རྙིང་མའི་དབུ་འཛིན་ཁྲི་ཐོག་ལྔ་པ་སྐྱབས་རྗེ་འཁྲུལ་ཞིག་རིན་པོ་ཆེ་མཆོག་གིས་མཛད་པ་འཕྲིན་ལས་ཡར་ངོས་ཟླ་བ་ལྟར་རྒྱས་པའི་བཀྲ་ཤེས་སྨོན་འདུད་ཞུ་