ཆོས་ལུགས་སྤྱི་འཐུས་མེད་དུ་མི་རུང་ཚུལ་བརྒྱ་ཁ་གཅིག་གཅོག་མ། སྤོབས་པ་མཐའ་ཡས།

ཡ་གཅིག་སླེབ་འདུག འོན་ཀྱང་རྩོད་རྙོག་འདུམ་འགྲིག་ལ་གྲོས་ཚོགས་ཀྱི་ཞབས་སྟེགས་བེད་སྤྱོད་དགོས་པའི་ངེས་པ་མི་འདུག མ་མཐར་ཡང་དེས་འདུམ་འགྲིག་བྱས་པའི་སྣང་ཚུལ་གང་བྱུང་མེད་ཟེར།

དེའི་སྐོར་ངས་ཚར་བརྒྱ་ཐམ་པ་བཤད་པ་ཡིན། གཞན་གྱིས་ཀྱང་བཤད་འདུག ད་དུང་མ་གོ་མ་ཤེས་ན་དེ་མ་ཤེས་དགོས་པའི་རྒྱུ་མཚན་གཞན་ཞིག་ཡོད་པ་རེད། འོ་ཀྱང་སྐུ་ཉིད་ནས། ཆོལ་ཁ་ཆོས་རྒྱུད་གང་ཡིན་ཡང་ལོ་རྒྱུས་ཐོག་གི་རྩོད་རྙོག་མེད་པ་གང་ཡང་མིན།ཞེས་དང༌། རྩ་དོན་དང་ཆབ་སྲིད་ལངས་ཕྱོགས་ཀྱི་ཐད་ནས་ད་ལྟའི་ཆར་གལ་ཆེན་ཡིན་མིན་ཡང་བསམ་བློ་གཏོང་རྒྱུ་ཡོད་པ་ཞིག་རེད། ཞེས་པ་དེ་ཕལ་ཆེར་རང་གི་དྲི་བ་དེའི་ལན་ཆོག་པ་འདུག

རིག་པ་སྤུངས་མཁན་ཚོའི་ནང་ནས་ཆོས་རྒྱུད་སྤྱི་འཐུས་མེད་དུ་མི་རུང་བ་གསུངས་མཁན་མང་ནའང་གནད་དུ་འཁེལ་བའི་གླེང་སློང་མཁན་གཅིག་ཀྱང་བྱུང་མི་འདུག ཚང་མས་རྩ་བ་བོར་ནས་ཡལ་ག་གླེང་བ་འདྲ་བོ་འདུག་

དེང་སང་རང་གི་ལན་མ་ཐེབས་པའི་སྐབས་གོ་རྒྱུ་མི་འདུག བྲི་ཤེས་ཀྱི་མི་འདུག་ཟེར་ནས་གཡོལ་འགྲོ་མཁན་མང་པོ་འདུག ཁྱེད་དེ་འདྲ་ཞིག་མིན་པར་ཤོག

དམངས་གཙོ་འོས་བསྡུའི་ནང་ས་གནས་ཀྱི་འོས་བསྡུ་འགྲོ་སྟངས་དེ་སྤྱི་འགྲོས་དང་ཁྲིམས་ལུགས་ལ་མཐུན་པ་ཞིག་རེད།ཟེར།

ཨ་རི་ལྟ་བུ་ལོ་ཉིས་བརྒྱ་ལྷག་མང་གཙོ་འགྲོ་ནང་འགྲོ་ཚར་མཁན་ཚོས་ཀྱང་མི་འབོར་ལ་མི་ལྟ་བར་ཞིང་ཆེན་རེ་ནས། ད་དེ་ཚོས་སྔོན་མ་ནང་བྲིས་ཡོད་ལྟོས།

འོན་ཀྱང་ས་གནས་གཅིག་ནས་སྤྱི་འཐུས་འདེམས་སྐབས་འགྲོ་ལུགས་གཉིས་དང་འདེམས་ལུགས་གཉིས་དགོས་དོན་གང་ཡིན་ནམ། གནད་དེ་ད་དུང་སེལ་ཐུབ་མེད།ཟེར།

འོས་གཅིག་དང་གཅིག་ཀྱི་རྪོག་དྲ་ཡོང་བ་ཡིན་ཙང་རེད།

དམངས་གཙོའི་འོས་བསྡུ་སྐབས་གཙོ་བོ་འོས་བསྡུའི་གནས་ལུགས་གཙོ་བོར་བཟུང་རྒྱུ་ལས་གནས་སྟངས་གཙོ་བོར་བཟུང་ནས་འོས་བསྡུའི་གནས་ལུགས་ལ་འགྱུར་བ་གཏོང་བ་དེ་གནས་ལུགས་ཤིག་ཡིན་མིན་མི་ཤེས།ཟེར།

དེའི་དོན་ཡག་པོ་ཞིག་ཤེས་མ་སོང༌། དགོངས་དག

ཆོས་རྒྱུད་ལ་དམིགས་བསལ་ཀྱི་ཞབས་སྟེགས་ཟུར་འདོན་གནང་དགོས་དོན་གང་ཡིན་ནམ།ཟེར།
རྡོག་རྡོག་བཤད་མ། ལོ་རྒྱུས་ཐོག་ཆོས་ལུགས་གཅིག་གིས་གཞུང་བཟུང་པའི་ལོ་རྒྱུས་དེ་མེད་པ་བཟོ་ཆེད་རེད། ཆོས་ལུགས་གཞན་ཡི་མ་རང་བ་དང་འཁོན་དུ་འཛིན་དེ་མེད་པ་བཟོས་ནས་རང་གཞུང་ལ་ཤ་གཞེན་དང་དགའ་ཞེན་ཡོང་ཆེད་རེད།

ད་ང་གཅིག་པུས་བཤད་ན་ལན་པོ་རང་མི་འདུག འགྲོ་ཡི་ཡིན།
ཚང་མ་དགོངས་པ་མ་ཚོམ། ང་ཚོ་ཚང་མས་བོད་རྒྱལ་ཁབ་གཅིག་དང་མི་རིགས་གཅིག་གི་འབྱུང་འགྱུར་བཤད་ཀྱི་ཡོད་པ་རེད་བསམ།

ད་དུང་བཤད་རྒྱུ་ཡོད།
གྲོས་ཚོགས་ནང་རྩོད་པ་བྱེད་པ་དེ་རྒྱུ་མཚན་ཡིན་ན། ཁྱོད་ཚོས་ཆབ་སྲིད་ཚོགས་པའི་ངོས་ནས་འཐུས་མི་ཡོང་དགོས་པ་ཟེར་བ་དེ་ཡང་གཅིག་མཚུངས་རེད། རྒྱ་གར་ཆབ་སྲིད་ཚོགས་པ་དེ་ཚོ་རྩོད་བརྒྱབ་ནས་ཁ་སང་རང་གྲོས་ཚོགས་ནང་མགོ་ལ་རྐུབ་བཀྱག་ཀྱང་གཞུ་རེས་བྱས་སོང༌། འོ་ན་རྒྱ་གར་ནང་ཆབ་སྲིད་ཚོགས་པའི་གཞུང་བཟུང་བ་དང་འཐུས་མི་ལངས་པ་དེ་མེད་པར་བཟོ་དགོས་སམ། ཐེ་དབན་དང་སིང་ག་པུར་གྲོས་ཚོགས་ཡིན་ན་ལོ་རེ་ཉུང་མཐར་འཁྲུག་པ་ཐེངས་གཅིག་རེ་མ་ཤོར་བ་མེད་ཟེར། དེ་ཚོ་རྒྱ་རིགས་རེད། རྒྱ་ནག་དམར་པོ་ནང་བཞིན་བྱེད་དགོས་པ་ཡིན་ནམ། རྒྱ་ནག་གཞུང་གིས་ཀྱང་མི་མང་ལ་དེ་ཚོ་བསྟན་ནས་གུན་བྲན་ཡག་ལུགས་བཤད་ཀྱི་ཡོད་པ་རེད།
གུང་བྲན་གྲོས་ཚོགས་ནང་འཁྲུག་པ་ཤོར་མྱོང་མེད། ཁོང་ཁྲོ་བྱས་པ་ཡང་མཐོང་རྒྱུ་མེད། འཐུས་མི་མང་ཆེ་བ་གཉིད་ཁུག་ནས་སྡོད་བཞིན་ཡོད། འོ་ན་དེ་འདྲ་ཞིག་དགོས་པ་རེད་དམ།

ད་དུང་བཤད་རྒྱུ་ཡོད། འོས་ཤོག་གཅིག་དང་གཉིས་ཟེར་བ་རང་ནས་མི་དེ་ཧར་ཚ་པོ་ཞིག་ལས་ཞིབ་ཚགས་པོ་ཡག་པོ་ཞིག་ཤེས་ཀྱི་མེད་པར་མཐོང་ཐུབ། འོས་གཅིག་དང་གཉིས་མ་རེད། ཐེངས་གཅིག་དང་གཉིས་རེད། གྲ་པ་ཨ་ནེ་ཚོས་འོས་ཐེངས་གཉིས་བླུག་པ་དང་སྐྱ་བོ་ཚོས་ཐེངས་གཅིག་བླུག་པ་རེད། འོན་ཀྱང་འོས་གཞི་ལ་གྲ་པ་ཚོས་མི་གཅུ་གཉིས་གདམ་ཆོག་པ་དང༌། སྐྱ་བོ་ཚོས་མི་བཅུ་བདམས་པ་རེད། དེར་བརྟེན་ཆོས་འཐུས་འོས་བླུག་མཁན་ཚོས་ཆོལ་འཐུས་འོས་མ་བླུག་ན་གྲ་པ་རྣམས་ལ་གྱོང་ཆེན་པོ་རག་གི་ཡོད་རེད། སྐྱ་བོ་ཚོས་རང་གི་འཐུས་ཚབ་མི་བཅུ་བདམ་ཆོག་པ་གྲ་པ་ཚོས་མི་གཉིས་ལ་བདམ་མི་ཆོག་པ་ཆགས་ཀྱི་རེད། དེ་ལས་གྲ་པ་དང་ཨ་ནེ་ཚོས་ཆོལ་འཐུས་བརྒྱད་ལས་བདམ་མི་ཆོག་པ་བཟོས་ན་ལས་སླ་ཤོས་དེ་རེད། དེ་ནས་ཁེ་ཕམ་གཅིག་ཀྱང་ཐུག་གི་མ་རེད།
མ་གཞི་ནས་འོས་མང་ཉུང་གི་སྐོ་བཤད་དགོས་ན་རྒྱ་བལ་བོད་མིས་རང་གི་འཐུས་ཚབ་མི་བཅུ་བདམ་ཆོག་པ་ལ་ཨ་རི་བོད་མི་ཚོས་མི་གཅིག་ལས་བདམ་ཆོག་གི་མེད། དེ་བཞིན་ཨོ་སི་ཀྲོ་ལི་ཡ་དང་ཐེ་དབན་བོད་མི་ཚོས་མི་གཅིག་ཀྱང་གདམ་ཆོག་གི་མེད་པ་དེ་ཚོ་ཚིག་གཅིག་མ་བཤད་པ་ག་རེ་ཡིན་ན། ཕྱི་སྡོད་བོད་མི་རང་དབང་ལག་དེབ་ཡོད་མཁན། འོས་གཅིག་ཀྱང་བླུག་མི་ཆོག་གི་གྲངས་འབོར་དེ་བཙན་བྱོལ་ནང་གི་གྲ་པའི་སྡོམ་འབོར་ལས་མང་བ་ཡོད།

གསལ་བཤད་ཕྲན་བུ་བྱེད་རྒྱུར། ཆོས་ལུགས་ཀྱི་སྤྱི་འཐུས་མི་དགོས་གསུང་མཁན་ཚོས་གོང་དུ་བཤད་པའི་ཉེན་ཁའི་རང་བཞིན་(མཆན་སྔོན་མའི་ནང་ཆོལ་ཁ་དང་ཆོས་ལུགས་སྤྱི་འཐུས་མེད་པ་བཟོས་ན་དེའི་སང་ཉིན་དང་ལོ་རྗེས་མ་འཕྲད་སྲིད་པའི་ཉེན་ཁ་)དེ་ཚོ་ལ་ལན་རེ་རྒྱོབ་དང༌། གཅིག་བྱས་ན་ང་རང་གི་ལྟ་ཚུལ་དེ་ནོར་ཡོད་སྲིད། གདེང་ཚོད་ཡོད་པའི་གནས་ལུགས་དང་རྒྱུ་མཚན་བཤད་རྒྱུ་འདུག་ན་ང་ཡང་ཁྱོད་ཀྱི་རྗེས་སུ་ཡིན།

དེ་མིན་ཆོས་ལུགས་ཀྱི་སྤྱི་འཐུས་ག་གེ་མོས་གཅིག་བྱས་སོང། གཅིག་ལབ་སོང་ཟེར་བ་དེ་རྒྱུ་མཚན་རྣམ་དག་མ་རེད། ཆོས་ལུགས་དང་ཆོལ་ཁའི་འཐུས་ཚབ་ཡོད་པ་དེ་ག་རང་ཆབ་སྲིད་ཀྱི་ཐོག་ནས་གལ་ཆེན་པོ་ཡིན་པ་ལས། མི་དེས་ག་རེ་བྱས་མིན་དེ་དེ་ཙམ་གལ་ཆེན་པོ་མ་རེད། མི་གཅིག་གཉིས་ཀྱིས་གང་ཡང་བྱེད་ཐུབ་ཀྱི་མ་རེད། དེ་ལས་སྤྱི་འཐུས་ཚང་མ་སངས་རྒྱས་པ་ཡིན་ན་ཡང༌། བོད་ཀྱི་ཆབ་སྲིད་ལ་ཕན་ཐོགས་མིན་སུས་ཤེས།

འོན་ཀྱང་སྤྱི་འཐུས་གང་འདྲ་ཞིག་ཡིན་ཀྱང་ཡག་པོ་ཞིག་དགོས་པ་དེར་ངོ་རྒོལ་བྱེད་ཀྱིན་མེད། ཡིན་དང་ཡིན། འོན་ཀྱང་མིའི་རིགས་ཀྱི་རྩོད་རྙོག་ལ་འཐབ་རྩོད་བྱེད་མཁན་དེ་འདོད་ཆགས་ཞེ་སྡང་ཡོད་མཁན་ཀྱི་མི་ཞིག་ཡིན་དགོས་པ་ལས། ཁྲོ་ཆགས་དགའ་སྡུག་མེད་པའི་བྱང་ཆུབ་སེམས་པ་ཞིག་གིས་ལས་ཀ་དེ་ཕལ་ཆེར་གནང་མདོག་ཁ་པོ་མ་རེད།

དེ་ལས་ཀྱང་ཆོས་ལུགས་ཀྱི་སྤྱི་འཐུས་དེ་ཚོ་གསོད་དགོས་ཕུད་དགོས། རྡུང་དགོས་གསུང་མཁན་དེ་ཚོའི་གྲས་སྤྱི་འཐུས་ནང་སླེབས་པ་ཡིན་ན། ཨི་ནས་རྙོག་དྲ་ལུང་པ་གང་སློང་རྒྱུ་ཡིན་པ་གཏན་ཁེལ་བ་རེད།

ཤཀྱྰ་མི་བོ་ལགས། མ་གཞི་ངས་སྔོན་ནས་འདིའི་སྐོར་ལ་བསམ་གཞིག་མང་པོ་བྱེད་མ་མྱོང་། ཉེ་ཆར་ཞིག་ནས་མང་པོ་ཞིག་གིས་ཆག་ཆེ་ཉམས་ང་ཚང་མ་ཆོས་ལུགས་སྤྱི་འཐུས་ཀྱི་སྟེང་དུ་འགེལ་བའི་ཚ་རླབས་འདྲ་ཞིག་འཕྱུར་སོང་། ངས་ཐོག་མར་ཁོང་ཚོས་བཤད་བཞིན་པ་དེ་ལ་རྒྱུ་མཚན་ཞིག་ཡོད་རྒྱུ་རེད་བསམ་ནས་རང་ཉིད་དེའི་ནང་དུ་འཚུལ་ཞུགས་བྱེད་པ་ཉུང་དུ་བཏང་། ཁོང་ཚོས་བཤད་ཀྱིན་བཤད་ཀྱིན་སྐད་ཆ་དྲང་པོ་མ་ཡིན་པ་ལྟ་བུ་དང་། མཚམས་རེར་བོད་མི་རིགས་ཀྱི་སེམས་ཁམས་ལ་ཆ་རྒྱུས་མེད་པ་ལྟ་བུ། ལྷག་པར་ཡང་མང་པོ་ཞིག་གིས་ཆོས་རྒྱུད་འདི་ཚོའི་བར་ན་བསམ་བློ་མི་མཐུན་པ་ཡོད་པས་འདི་ཚོ་གྲོས་ཚོགས་ནང་དུ་མེད་ན་ལེགས་ཟེར་བ་ལྟ་བུའི་མང་གཙོའི་ནང་དོན་དང་། ནུས་པ། རིན་ཐང་སོགས་ཀྱང་ཡག་པོ་ཞིག་ཤེས་ཀྱིན་མེད་པ་ལྟ་བུ། རྒྱལ་བ་རིན་པོ་ཆེའི་དགོངས་གཞི་དང་བོད་མི་རིགས་རྡོག་རྩ་གཅིག་སྒྲིལ་ལ་དེ་ཙམ་བསམ་གཞིག་མེད་པའི་སྐད་ཆ་མང་པོ་ཞིག་ཐོས་བྱུང་བས་ངས་འདི་འབྲི་ཁུལ་བྱས་པ་ཡིན། སྤྱིར་བཏང་ང་ལ་མཚོན་ན་རང་གི་སྐབས་བབ་ཀྱི་འདོད་དོན་ལ་རྒྱབ་སྐྱོར་དུ་འགྲོ་བའི་རྒྱལ་བ་རིན་པོ་ཆེའི་གསུང་ཚིག་དུམ་བུ་རེ་རྒྱབ་རྩར་དྲངས་ནས་རང་དང་བསམ་ཚུལ་མི་མཐུན་པ་ཚོའི་མགོར་ནག་ཉེས་གནམ་སར་མི་ཤོང་བ་རེ་འགེལ་འདོད་ངོ་མ་མེད། ཡིན་ན་ཡང་ཆོལ་ཁ་དང་ཆོས་ལུགས་ཡོངས་སུ་རྫོགས་པའི་སྐུ་ཚབ་ཡོད་པའི་གྲོས་ཚོགས་ཤིག་བཙུགས་པ་དེ་ནི་རྒྱལ་རིན་པོ་ཆེའི་ཐུགས་རྗེ་ཐབས་མཁས་ཀྱི་ཕྱག་རྗེས་ཡོད་ན་མེད་ན་གཅིག་ཡིན་པས་དེ་ལ་རྒྱབ་སྐྱོར་དུ་འགྲོ་བའི་ཚིག་གཅིག་ལས་ཤོད་མ་ཐུབ་རུང་ཤོད་དགོས་པ་འདུག་སྙམ་པ་འདི་ཡང་ངས་རྩོམ་ངན་འདི་འབྲི་ཁུལ་བྱས་པའི་དམིགས་ཡུལ་གཅིག་ཡིན།
མང་པོ་ཞིག་གིས་སྤྱི་འཐུས་སྒེར་ངོས་ནས་འཇོན་ཐང་མེད་པ་དང་། རང་ཚུགས་མེད་པ། ཡོན་ཏན་མེད་པ། སྤྱོད་པ་མི་ལེགས་པའི་རྒྱུ་མཚན་ཙམ་དྲངས་ཡོང་གིན་འདུག་མོད་དེ་གང་ཟག་གི་སྐྱོན་ཡིན་པ་ལས་ལམ་ལུགས་ཀྱི་སྐྱོན་ཞིག་མ་རེད།
གསར་བརྗེ་སྐྱབས་ལགས། ཁྱེད་ཀྱིས་གནད་འགག་ཅན་གྱི་དྲི་བ་གཅིག་པོ་དེ་ལ་ངས་ལན་གསལ་པོ་ཞིག་འདེབས་ཤེས་མ་སོང་། དེ་ག་ཙམ་གྱི་གཞན་ཁ་འགོག་བྱེད་ཀྱི་ལན་ཞིག་ནི་འདེབས་འདོད་མ་བྱུང་། རྗེས་སུ་ཁྱེད་ཀྱིས་ཀྱང་བསམ་གཞིག་གནོང་། ངས་ཀྱང་བསམ་གཞིག་བྱེད་ཁུལ་བྱེད། སྤྱིར་ན་དགོན་པའི་སྒྲིག་འཛུགས་འོག་གི་མི་ཚོར་འོས་ཤོག་གཉིས་ཀྱི་ཐོབ་ཐང་དེ་མང་གཙོ་དང་མི་མཐུན་པ་དངོས་གནས་ཡིན་ན་ཡང་ཆོས་འཐུས་མེད་པར་བཟོ་དགོས་པ་ཞིག་མ་རེད། ཆོས་འཐུས་འདེམས་མཁན་ཆོལ་ཁའི་སྤྱི་འཐུས་འདེམས་མི་ཆོག་པ་བཟོས་ན་དེ་གས་འགྲིགས་ཡོད་པ་རེད་བསམ།

ད་ལམ་ཧོར་ཁྲ་དང་། སྤྱང་ཁུ། གླག་རྒོད་གསུམ་གྱིས་སྤྱན་དཀྱུས་རིང་བའི་དགོངས་འཆར་གསུངས་འདུག་པས། དངོས་ཡོད་དུ་མཐོང་ནས་རྒྱབ་སྐྱོར་ཞུ་བཞིན་ཡོད།

ལྷག་པར་དུ་”ལོ་རྗེས་མ་ལ་དེ་ལ་ལུང་ཚན་དང་ཆོས་ལུགས་གང་ཞིག་མེད་པ་དེའི་མི་མང་ནས། ང་ཚོའི་འཐུས་ཚབ་སུ་ཡང་མེད་པའི་གཞུང་ཞིག་ངོས་ལེན་གྱི་མིན་ཟེར་ན། སྐབས་དེར་ལན་ག་རེ་རྒྱག་གམ། དེ་ལྟར་མི་ཡོང་བའི་གདེང་ཚོད་ཇི་ལྟར་ཡོད་དམ། ལོ་རྒྱུས་ཐོག་བྱུང་མ་མྱོང་བ་རེད་ཟེར་རམ། ག་རེ་བྱས་ན་བྱས་ཟེར་རྒྱུ་ཡིན་ནམ།” ཞེས་གསུངས་པ་དེ་དངོས་གནས་བསམ་ཤེས་མཛད་དེ་གསུངས་འདུག་ལ། དངོས་ཡོད་དུ་དེ་ལྟར་མ་བྱུང་བ་ཡང་མིན་ཏེ། ཚོགས་པ་བཅུ་གསུམ་ཟེར་བ་དེ་གནད་དོན་དེ་ལ་ཐུག་ནས་བྱུང་བ་ཡིན་ཞིང་། ༦༠ནང་དུ་སྐྱབས་བཅོལ་གཞུང་འདི་ཆོས་བརྒྱུད་གཅིག་སྟེ་དགེ་ལུགས་དང་། ཆོལ་ཁ་གཅིག་སྟེ་དབུས་གཙང་དུ་བྱུང་བས་དེའི་ཁ་ཐད་དུ་ཚོགས་པ་བཅུ་གསུམ་ཟེར་བ་དེ་ལངས་པ་མིན་ནམ། འདིར་དོན་མེད་ཀྱི་ཅ་ཅོ་སྒྲོག་པའི་གསར་བུ་ཅོལ་ཆུང་ཚོས་འདི་ཡི་སྐོར་ལ་སློབ་སྦྱོང་བྱོས་ལ། དེ་ནས་མ་འོངས་པའི་སྐོར་གྱི་སྐད་ཆ་ཤོད། ངས་སྔ་ས་ནས་ཆོས་བརྒྱུད་སྤྱི་འཐུས་མི་དགོས་རབས་འདི་གྲུབ་མཐའ་གཅིག་ཁོ་ནས་སྐབས་འཚོལ་བྱས་ནས་གླེང་རྒྱུ་ཞིག་མ་རེད་ཅེས་བཤད་ཡོད། དངོས་གནས་མི་མཁོ་བར་ཐུག་ན་ཆོས་བརྒྱུད་ཚང་མས་ནང་གྲོས་ཀྱིས་འགོག་རྒྱུ་ཞིག་ལས་གྲུབ་མཐའ་ཡན་འགར་བས་ཁེ་ལ་དམིགས་ནས་འུར་ཟིང་རྒྱག་རྒྱུ་ཞིག་མིན་ཏེ། སོ་སོ་དང་གྲུབ་མཐའ་གཅིག་པའི་དོལ་ཚོགས་དེ་ཚོ་གླགས་མི་འཁེལ་ན་ཤིན་ཏུ་ཐ་དད་ཅིང་སྔོན་ནས་ནད་རྙིང་གིས་ཟིན་པའི་གྲུབ་མཐའ་གཞན་རྣམས་ཧ་ཧ་ཧ་ཧ། ད་དེ་ཚོ་མ་གླེང་།

འདིར་སྤོབས་པ་མཐའ་ཡས་ཁྱོད་ཀྱིས་གང་ཡང་ཤེས་ཀྱི་མི་འདུག་ཟེར་ནས་བུད་འགྲོ་མཁན་དེ་ཚོས་ཆོས་བརྒྱུད་སྤྱི་འཐུས་མི་དགོས་ལབ་ན་ང་ཚོའི་གྲུབ་མཐའ་ལ་ཁེ་བཟང་ཡོད་པས་ཁྱོད་ཀྱིས་ཤེས་ཀྱི་མི་འདུག་ཟེར་གྱི་ཡོད་པ་འདྲ། དེ་མིན་གནས་ལུགས་བཤད་ཀྱང་ད་དུང་ཁྱོད་ཀྱིས་ཤེས་ཀྱི་མི་འདུག་ཟེར་དོན་ཅི།

ངས་མཆན་འདི་ཚོ་ཚང་མ་ཀློག་གིན་ཡོད་ཀྱང་མཚར་སྣང་སྐྱེས་དགོས་པ་ཞིག་ནི་འདིར་ཆོས་བརྒྱུད་སྤྱི་འཐུས་མི་དགོས་རབས་གླེང་མཁན་ཕལ་ཆེ་བས་ཆོལ་ཁའི་སྤྱི་འཐུས་མི་དགོས་རབས་གླེང་དུས་ཁོ་ཚོ་གཟབ་ནན་གྱིས་སྡོད་ཅིང་། ད་དུང་གོ་སྐབས་བྱུང་ན་ཇོ་ནང་གླེང་གིན་འདུག་པས། འདི་ལ་ངེས་པར་དུ་བསམ་བློ་གཏང་དགོས་འདུག་པ་ད་དུང་ཡང་བཤད་ཀྱིན་ཡོད། འདི་ཚོ་ལ་སྐྱོན་ཞིག་ལྷག་འདུག དམིགས་ཡུལ་ཡག་ག་ཞིག་ཁྱོན་ནས་མ་རེད། ཡང་ཡང་ཁ་སང་གི་གྲོས་ཚོགས་ཞེས་གླེང་དོན་ནི་གཅིག་བྱས་ན་སྐབས་འཚོལ་བྱ་འདོད་པ་དང་། དེ་མིན་ན་ཁ་སང་གི་གྲོས་ཚོགས་ལས་ན་ཚ་ཞིག་ལྷག་འདུག་པ་གསལ་པོ་རེད།

སྤོབས་པ་ལགས་ཀྱི་རྩོམ་ཡིག་འདི་ཞིབ་ཚགས་པོའི་ཐོག་ནས་བཀླགས་པ་ཡིན། བསམ་བློ་ཡང་ནས་བསྐྱར་དུ་བཏང་བ་ཡིན། འོན་ཀྱང་དྲ་གྲོགས་འགས་གསུངས་པ་བཞིན་བོད་མི་དང་ཆོས་ལུགས་ཀྱི་འབྲེལ་བ། བོད་ཀྱི་ལོ་རྒྱུས་དང་ཆོས་ལུགས་ཀྱི་འབྲེལ་བ། བོད་ཀྱི་རིག་གཞུང་དང་ཆོས་ལུགས་ཀྱི་འབྲེལ་བ། སྤྱི་ཚོགས་སམ་མི་སྒེར་དང་ཆོས་ལུགས་ཀྱི་འབྲེལ་བའི་གནད་གསལ་བོར་གསུངས་པ་ལས། ཆོས་རྒྱུད་སྤྱི་འཐུས་ཚོའི་དགོས་གལ་གནད་དུ་འཁེལ་བ་གང་ཡང་གསུངས་མི་འདུག མ་གཞི་གནད་དོན་འདི་རིགས་གླེང་སྐབས་ཆོས་ཀྱི་ཆེ་བ་དང་དེའི་ཁྱབ་ཚད་ལས་སྤྱི་འཐུས་ཀྱི་ངོ་བ་དང་ལས་འགན་གཙོ་བོར་བཞག་ནས་གླེང་དགོས་པར་འདོད།

འཛམ་གླིང་ནང་གྲོས་ཚོགས་སུ་ཆོས་ལུགས་མི་སྣ་ཕེབས་པ་མང་པོ་རེད། འོན་ཀྱང་དེ་དག་ཕེབས་སྟངས་སོ་སོའི་ཆོས་ལུགས་དང་གྲུབ་མཐའ། ཆོས་རྒྱུད་ཀྱི་ངོ་བོ་ཐོག་ནས་མ་ཡིན་པར་དམངས་གཙོའི་དགོས་མཁོ་དང་མི་སྒེར་གྱི་འཇོན་ནུས་ཀྱི་ཐོག་ནས་ཕེབས་པ་ཤ་སྟག་རེད། བོད་དང་ཆོས་ལུགས་ཀྱི་འབྲེལ་བ་གཏིང་ཟབ་པོ་རེད། ལྷག་པར་དུ་མི་འབོར་གྱི་ཆ་ནས་གྲྭ་བཙུན་གྱིས་བརྒྱ་ཆའི་གང་འཚམ་ཟིན་ཡོད། དགོས་མཁོ་དང་འཇོན་ནུས་ལྡན་ན་གྲོས་ཚོགས་སུ་ཆོས་ལུགས་མི་སྣ་ཕེབས་པར་ལམ་ཁ་རྒྱ་ཆེན་པོ་རེད། ཟམ་གདོང་རིན་པོ་ཆེ་འདི་ལྟར་གྲོས་ཚོགས་དང་བཀའ་ཁྲིར་ཕེབས་པ་མ་ཡིན་ནམ།

གྲོས་ཚོགས་ཀྱི་གྲུབ་ཆ་ལ་ཆོས་རྒྱུད་བཞག་ཡོད་པ་འདིའི་གནད་ད་དུང་ཤེས་མ་སོང་། ལྷག་པར་དུ་ཆོས་རྒྱུད་ཁག་གི་གྲྭ་བཙུན་ཚོར་འོས་ཤོག་གཉིས་ཀྱི་ཐོབ་ཐང་ཡོད་པ་འདིའི་གནད་ཡང་གསལ་བོར་ཤེས་མ་སོང་། དམངས་གཙོའི་གྲོས་ཚོགས་དང་། དམངས་གཙོའི་འོས་བསྡུའི་ཐོབ་ཐང་ནང་འདི་འདྲ་དཀོན་པོ་རེད། སྤོབས་པ་ལགས་ཀྱིས་གནད་དུ་འཁེལ་བའི་གསུང་ཞིག་འབྱོན་པར་ཡིད་ཆེས་ཡོད།

ཐུགས་རྗེ་ཆེ།

སྤོབས་པ་མཐའ་ཡས་ཀྱིས་བཤད་པ་རྒྱུ་མཚན་ཨོ་ཙམ་འདུག ཀུ་རེ་ཡིན། ངོ་མ་བདེན་པ་རེད་འདུག ངས་སྔ་མོ་ནས་ཁོ་ཚོའི་འདོད་དོན་མི་འགྲུབ་པ་ཤེས་ཡོད་པས་བགག་སྒྲུབ་འདྲ་བྱེད་ཁུལ་བྱས་མེད། ཁོ་ཚོ་འགའ་ཞིག་གིས་ནི་བེ་རི་འཇིགས་མེད་ཀྱིས་”ང་ལ་རྐུབ་བཀྱག་འདི་མེད་ཀྱང་ཁྱད་མེད” ལབ་རབས་ཀྱི་ལུང་ཞིག་དྲངས་ནས་ཆོས་མཐུས་མི་དགོས་ཚུལ་འཆད་བཞིན་འདུག་མོད། ང་རྒན་བེ་རི་ལགས་ལ་མི་དགའ་དོན་མེད་ཀྱང་དེ་ལྟར་ནི་གདེང་འཇོག་བྱས་པ་མཐོ་དྲགས་སོང་བ་རེད། རྒན་ཁོང་ག་ཚོད་མཐོ་ཡང་ཆོས་བརྒྱུད་གཅིག་གི་མཐུས་མི་རེད་ལ་དུས་ཡུན་སྐབས་གཅིག་གི་སྤྱི་མཐུས་རེད། ཁོང་ལ་ཆོས་མཐུས་དགོས་མི་དགོས་ཀྱི་ཐག་བཅད་པའི་དབང་ཆ་ག་བར་ཡོད།

སྤོབས་པ་ལགས། ཆོས་རིག་ལས་ཁུངས་འདིས་གཞུང་གི་ཚབ་བྱེད་པ་ལས་མི་མང་གི་ཚབ་བྱེད་ཐུབ་ཀི་མ་རེད་སོགས་ཀྱི་ཐད་ལ། ཆོས་འཐུས་འདི་ཚོས་དགོན་པ་གྲྭ་ཚང་གི་གྲྭ་མང་ཚོའི་ཚབ་བྱེད་དགོས་པ་བདེན་པ་རེད་མོད། འོན་ཀྱང་ཁོ་ཚོས་བརྩད་དང་རྩོད་བཞིན་པ། དགོན་པ་གྲྭ་ཚང་གི་བསླབ་པ་སློབ་གཉེར་ཕྱོགས་ལ་གཞུང་གི་འདི་དང་དེ་ཡིས་རྒྱབ་སྐྱོར་དགོས་ལུགས་དང་། ཆོས་འཆད་ཉན་གྱི་ཕྱོགས་ལ་འདི་འདྲ་དང་དེ་འདྲའི་རོགས་ལམ་དགོས་ལུགས་སོགས་ཅི་ཡང་བཤད་མ་མྱོང་ལ་འཆད་ཀིན་ཡང་མི་འདུག་གཱ
ཡང་ང་ཚོར་ཆོས་ལུགས་འདྲ་མཉམ་ངོ་མ་ཞིག་དང་རིས་སུ་མ་ཆད་པའི་ཆོས་ལུགས་པས་ཆབ་སྲིད་ལ་ཇུས་གཏོགས་བྱེད་དུ་འཇུག་རྒྱུ་ཡིན་ཚེ་ཆོས་འཐུས་འདི་མེད་ཐབས་མེད་པ་ཞིག་རེད་ཅེས་པ་ནི་ངའི་བསམ་པ་དང་ལྡོག་ཟླ་རེད། ངས་བཤད་བཞིན་པ་ནི་གོང་མཚུངས་བཞིན་ཆོས་འཐུས་དེ་ཚོས་དགོན་པའི་དགོས་མཁོ་དང་ཆོས་འཆད་ཉན་སོགས་ཀྱི་ཐད་ནས་བརྩད་དང་རྩོད་མི་རྒྱག་པར་གཞི་ཆགས་ཅིག་མ་མིག་དང་བོད་ཀྱི་ས་ཁུལ་ཅིག་མ་མིག་སོགས་ཞིབ་འཇུག་མེད་པའི་འོབ་ཚོད་རྐྱང་བཤད་བསྡད་འདུག་ཟེ་རགི་ཡོད་ལ། དེ་བས་ན། དམིགས་གསལ་གྱི་ཆོས་རྒྱུད་རེར་ཆོས་འཐུས་གཉིས་རེ་ཡོད་པའི་ལམ་ལུགས་འདི་ཡང་མི་དགོས་པར་བཤད་ཀིན་ཡོད། འོན་ཀྱང་སྤྱི་འཐུས་གདམས་པར་མི་མང་དང་གཅིག་མཚུངས་ཀྱི་ཐོབ་ཐང་གི་ལམ་ནས་འོས་འཕེན་རྒྱུ་དང་། དེ་ཡང་སྐྱ་སེར་དབྱེར་གྱིས་ཆོལ་འཏུས་སུ་འོང་ཆོག་རྒྱུ་ལས། དམིགས་གསལ་གྱིས་ཆོས་འཐུས་གཉིས་རེ་འདི་དགོས་དོན་མི་འདུག་ལ། དམངས་གཙོའི་ལུགས་དང་ཡང་མི་མཐུན་པར་འདོད། གལ་སྲིད་འདི་ལྟར་ཆོས་འཐུས་གཉིས་རེ་མུ་མཐུད་ཡོང་ན། འབྱུར་འགྱུར་ཇོ་ནང་དང་བོ་དོང་། ད་དུང་བོད་པ་ཁ་ཆེ་དང་དེ་ནས་བོད་པའི་ཡེ་ཤུ་སོགས་ཀྱིས་ཀྱང་ཆོས་འཐུས་ཀྱི་ཐོབ་ཐང་དགོས་པར་རྩོད་ལེན་བྱ་ངེས་ཡིན་ལ། གལ་སྲིད་ཆོས་འཐུས་འདི་ངེས་པར་དུ་དགོས་ན། ཇོ་ནང་དང་བོ་དོང་གཉིས་ལའང་ཆོས་འཐུས་གཉིས་མེད་ཀྱང་གཅིག་ཅི་ལ་མི་དགོས་པའམ་མི་སྟེར་བ་ཡིན་ནམ། དེང་གི་ཆོས་འཐུས་གཉིས་རེ་ཡོད་པའི་ལམ་ལུགས་འདི་ཇི་ལྟར་བྱུང་བ་དང་། ཆོས་ཁུངས་ཀྱི་མི་གྲངས་མང་ཉུང་གིས་ཀྱང་མིན་པ་གསལ་བོ་ཡིན་ན། ཆོས་འཐུས་ཤེས་དམིགས་གསལ་གྱིས་དགོས་བ་གལ་ཆེན་དུ་མ་མཐོང་བ་དེ་ཡིན།
ཡང་དེ་རིང་གི་ཆོས་རིག་ལས་ཁུངས་འདི་རྒྱ་དམར་གཞུང་གི་ནང་བསྟན་མཐུན་ཚོགས་དང་ཁྱད་པར་ཆེན་པོ་ཡོད་མེད་གང་ལྟར་ཀྱང་། ངས་བཤད་བཞིན་པ་ནི། དེ་རིང་གི་ཆོས་རིག་ལས་ཁུངས་འདིས་འབྱུར་འགྱུར་གང་འདྲ་བྱེད་དགོས་པའི་སྐོར་གྱི་རྨོངས་འཆར་མཆན་གོང་མའི་ནང་ཅུང་ཙམ་ཞུས་ཚར་ཡོད་པས་དེར་བསྐྱར་གཟིགས་ཤིག་གནང་རྒྱུ་མཁྱེན།

སྤོབས་པ་ལགས་བཀག་ནས་ཁོག་གི་མེད་པ་རིག་ན་སེམས་ནས་དགའ་སོང༌།

བདེན་དོན་སྲོག་ཏུ་བྱས་ཤིང་དྲང་ཚུགས་གཞི་ལ་བཞག་པ། ལོ་རྒྱུས་ཀྱི་རང་བཞིན་ལྷག་ཏུ་ལྡན་པའི་ལེགས་རྩོམ་འདི་ཉིད་གཟབ་ནན་ཆེན་པོས་ཐེངས་གཅིག་བཀླགས་པ་ཡིན། དཔེ་མི་སྲིད་པའི་ཡག་པོ་འདུག དཔེ་མི་སྲིད་པའི་དགའ་བོ་བྱུང༌།

གཅན་བཟོད་རྒྱམ་ལགས། ཆོས་རིག་ལས་ཁུངས་ཟེར་བ་དེ་རྒྱ་དམར་གཞུང་གི་ནང་བསྟན་མཐུན་ཚོགས་དང་ཁྱད་པར་ཆེན་པོ་མེད་པ་ཞིག་རེད། འདིའི་གཞུང་གི་ཚབ་བྱེད་ཐུབ་པ་ལས་མི་མང་གི་ཚབ་བྱེད་ཐུབ་ཀྱི་མ་རེད། འདི་གཞུང་གིས་བསྐོ་བཞག་བྱས་པ་ལས་མི་མང་གིས་ཡར་བསྐོ་བཞག་བྱས་པ་ཞིག་མ་རེད། གང་ཡིན་ཞེ་ན་འདི་གཞུང་གིས་ཆོས་ལུགས་དང་འབྲེལ་བའི་ལས་དོན་སྒྲུབ་པའི་བརྒྱུད་ལམ་ཞིག་ཡིན་པ་ལས་ཆོས་ལུགས་པས་གཞུང་ལ་སྟངས་འཛིན་བྱེད་པའི་བརྒྱུད་ལམ་ཞིག་མ་རེད། ང་ཚོར་ཆོས་ལུགས་འདྲ་མཉམ་ངོ་མ་ཞིག་དང་རིས་སུ་མ་ཆད་པའི་ཆོས་ལུགས་པས་ཆབ་སྲིད་ལ་ཇུས་གཏོགས་བྱེད་དུ་འཇུག་རྒྱུ་ཡིན་ཚེ་ཆོས་འཐུས་འདི་མེད་ཐབས་མེད་པ་ཞིག་རེད། ངས་བསམ་ཚུལ་འདི་དྲྭ་ངོས་སུ་བཏང་བ་ནས་བཟུང་འདིའི་སྟེང་ནས་དོག་སློང་རྒོལ་རྩོད་བྱེད་མཁན་སུ་ཞིག་བྱུང་ཡང་རང་གི་ཤེས་ཚོད་ཀྱི་ལན་འདེབས་དང་དོག་སེལ། ད་དུང་རང་གི་བསམ་ཚུལ་སྟེང་ན་ནོར་འཁྲུལ་ཅི་ཡོད་ངོས་ལེན་གཙང་མ་བྱེད་འཆར་གྱིས་འདིར་བསྒུགས་ནས་བསྡད་ཡོད། གྲོགས་པོ་ཚོའི་ཁྲོད་ན་ལ་ལ་ཞིག་གིས་ངས་གངགཡང་ཤེས་མི་འདུག་ཙམ་བརྗོད་ནས་བུད་སོང་ན་ནི་ངོས་ལེན་ག་འདྲ་བྱེད་དགོས་པ་དང་ལན་ག་འདྲ་འདེབས་དགོས་པ་ཡང་ཤེས་ཀྱིན་མི་འདུག

གྲོགཚོ་ས་པོ་དུས་ཚོད་ཡོད་ན་འདི་ལ་གཅིག་གཟིགས་
http://www.youtube.com/watch?v=cSw1WCGttYM

རེད་། རེད། སྤོབས་པ་མཐའ་ཡས་ལགས་ཀྱིས་གསུངས་པ་བདེན་པ་རེད། ཕྱོགས་གཞན་ཞིག་ཞུ་ན། སྔར་ཁ་ཤས་ཀྱིས་བཙན་བྱོལ་གཞུང་དེ་དགེ་ལུགས་པའི་གཞུང་རེད། ཅེས་རྙོག་གླེང་བྱེད་མཁན་བྱུང་མྱོང་བ་རེད། དེར་བརྟེན་ནང་བསྟན་ཆོས་བརྒྱུད་བཞི་དང་བོན་པོའི་ཆོས་ལུགས་ཀྱི་སྤྱི་འཐུས་ལྔ་ཡོད་ན། སྔར་ལྟར་ཆོས་བརྒྱུད་གཅིག་གིས་གཞུང་འཛིན་མི་ཐུབ་པ་དང་། གཞུང་འདི་ཆོས་བརྒྱུད་གཅིག་གི་གཞུང་རེད་ཅེས་ཁ་འདོགས་བྱེད་ས་མེད་པ་ཆགས་ཐུབ་བགྱིད་ཡོད་རེད།

ངས་འདིར་ལན་འདེབས་དགོས་ས་ཁ་ཤས་ཤིག་འདུག ཐོག་མར་ཁང་གསར་རྡོ་རྗེ་ལགས་ཀྱིས་རྒྱ་གར་ལ་ཆོས་ལུགས་སྤྱི་འཐུས་མེད་ན་འགྲིགས་ས་ནས་བོད་ལ་དགོས་དོན་ག་རེ་རེད་ཟེར་དེར་བསམ་བློ་གཏང་དགོས། རྒྱ་གར་ལ་ཆོས་ལུགས་དར་ཤུགས་ཆེན་པོ་ཡིན་པ་དང་ཆོས་ལུགས་ཀྱི་འཐུས་མི་མེད་ན་ཡང་འགྲིགས་འདུག་ཟེར་བ་དེ་འགྲིགས་མི་འདུག རྒྱ་གར་འགྲིགས་མེད། རྒྱ་གར་ནི་ཆོས་ལུགས་བར་གྱི་འཐབ་འཁྲུགས་དང་རྩོད་རྙོགས་ཆེ་ཤོས་ཀྱི་ཡུལ་ཞིག་ཡིན རྒྱ་གར་གཞུང་འདིས་ཆོས་ལུགས་ཡོངས་སུ་རྫོགས་པའི་ཚབ་བྱེད་ཐུབ་གྱིན་ཡོད་ན་ཁ་ཆེའི་དྲག་སྤྱོད་པའི་དམིགས་འབེན་དུ་འགྱུར་དོན་ཡང་ག་ལ་ཡོད། སིག་གི་ངོ་རྒོལ་དྲག་གནོན་བྱེད་དགོས་ཡང་ག་ལ་ཡོད། ཆོས་ལུགས་བར་གྱི་འཐབ་འཁྲུགས་དང་དྲག་སྤྱོད་ཡོང་དགོས་དོན་དེ་ཡང་ཡུལ་དེའི་སྲིད་གཞུང་གི་འཛིན་སྐྱོང་ལ་སྐྱོན་ཡོད་ན་ཡོད་གསལ་པོ་ཡིན། མདོར་ན་སྲིད་གཞུང་འདིས་ཆོས་ལུགས་ཚང་མའི་སྐུ་ཚབ་བྱེད་ཐུབ་ཀྱིན་མེད་པའི་མཐོང་ཕྱོགས་ཡོད་ནས་སྐྱོན་དེ་རིགས་ལྷགས་ཀྱིན་ཡོད་པ་རེད།

སྤོབས་པ་མཐའ་ཡས་ལགས། དངོས་གནས་རྒྱུ་མཚན་ལྡན་པ་གང་འཚམས་བྲིས་འདུག ཡིན་ནའང་དྲ་ཚིགས་འདིར་ཁྱེད་ལ་བདེན་ཁ་སྟེར་མཁན་ཉུང་ཉུང་ཡིན་རྒྱུ་རེད།

ཡིན་ནའང་བདེན་པ་ལ་འཇིགས་པ་མེད།
བདེན་པ་ལ་ཉམས་པ་མེད།
རྒྱུ་སྟོབས་ཆེ་བའི་རྒྱ་ནག་བོད་ཀྱི་བདེན་པ་ལ་འཇིགས་པར་ལྟོས་དང་།

ཡ་ ད་ངོ་ཚོ་ལ་ཆོས་ལུགས་གི་གྲོས་ཚོགས་ཞིག་དགོས་ན་ ཆོས་ལུགས་བཀའ་ཤགས་ནི་ཡོད་གི་ ད་ཆོས་ལུགས་གི་ཁྲིམས་ཁང་ཞིག་དགོས་ དེ་ནས་ང་ཚོའི་ ཆོས་ལུགས་གི་དམང་གཙོ་ཀ་བ་གསུམ་ཟེར་བ་ཞིག་ཛམ་གླིང་གི་མིག་མདུན་ལ་བསྟོན་ཐུབ་པ་ཞིག་དགོས་

ཁང་གསར་གྱི་བསམ་ཚུལ་ལ་རྒྱབ་སྐྱོར་ཡོད།

ཁར་གསར་རྡོ་རྗེ་དང་ང་གཉིས་བསམ་ཚུལ་འདྲ་བོ་འདུག་པས།

དེ་རིང་སྤོབས་པ་མཐའ་ཡས་དང་ཁ་སང་ཐུབ་བསྟན་རྒྱལ་མཚན་གཉིས་ལ་སེམས་གཏིང་ནས་རྒྱབ་སྐྱོར་ཡོད་ད་དུང་མུ་མཐུད་ཡོང་བས་རེ་བ་ཡོད།

སྐུ་ཉིད་ཀྱི་དགོངས་འཆར་ལ་གུས་བརྩི་ཡོད།

འགོ་འཛུགས་ཀྱི་དུམ་བུ་དེ་ཡག་པོ་བྲིས་འདུག བར་དང་མཇུག་སྡོམ་དེ་ཚོ་འཐད་ལྡན་དུ་མ་མཐོང་། ཆོས་རྒྱུད་སྤྱི་འཐུས་མི་དགོས་ཟེར་མཁན་ཚོ། ལྟ་ལོག་དང་གུང་ཁྲན་གྱི་རྒྱུག་ཁྱི། ཡང་ན་མཐོང་རྒྱུ་ཆུང་ཆུང་རེད་མདོག་མདོག་བཤད་པ་དེ་ཚོས། རྩོམ་གྱི་སྙིང་པོ་གཞན་གྱི་ཡིད་ལ་འཇུག་པར་སྐྱོན་མ་གཏོགས་ཕན་ཐོགས་མེད། བཤད་སྟངས་དེ་ཀ་ད་ལྟའི་ཆོས་རྒྱུད་ཀྱི་སྤྱི་འཐུས་ཚོའི་བཤད་སྟངས་རེད།

དངོས་ཡོད་ཀྱི་གནད་འགག་ནི། ཆོས་རྒྱུད་སྤྱི་འཐུས་མེད་པ་བཟོས་ན། བོད་ཀྱི་ཆོས་རྒྱུད་རྣམས་མེད་པར་འགྲོ་ས་རེད་རང་འཇགས་གནས་ས་རེད། ཆོས་ལུགས་རྣམས་འདྲ་མཉམ་ཞི་མཐུན་ཡོང་ས་རེད་མཉམ་མེད་ནང་འཁྲུག་ཡོང་ས་རེད། བོད་ཀྱི་ཆབ་སྲིད་ལ་ཕན་ས་རེད་གནོད་ས་རེད། དེ་དག་བཤད་ཐུབ་ན་ལེགས།

ད་དུང་བོད་ལས་ཀྱང་ཆོས་དད་ཆེ་ཞིང་ཆོས་དར་ཤུགས་ཆེ་བའི་རྒྱ་གར་ནང་དུ་ཆོས་ལུགས་སྤྱི་འཐུས་མེད་ཀྱང་འགྲིག་པ་འདི་ཅི་རེད། འདི་ཚོར་ཡང་བསམས་དགོས།

ངས་ནང་ཆོས་ཀྱིས་བོད་མིའི་སྤྱི་ཚོགས་སུ་ནུས་པ་ངེས་ཅན་ཐོན་དང་འདོན་བཞིན་ཡོད་པར་ངོས་ལེན་བྱེད་བཞིན་ཡོད། འོན་ཀྱང་དེ་དང་ཆོས་ལུགས་ཀྱི་སྤྱི་འཐུས་དབར་འབྲེལ་བ་ཡོད་པ་ཞིག་མཐོང་གི་མེད།

དེ་བཞིན་ཆོས་རྒྱུད་སྤྱི་འཐུས་ཡོད་པ་དེར་དགེ་མཚན་ཡང་ཡོད་པ་ཤེས་ཀྱི་ཡོད། འོན་ཀྱང་དེའི་སྐྱོན་ཆ་ཡང་མཐོང་གི་འདུག མ་འོངས་ཕུགས་རྒྱང་རིང་པོར་བསམས་ན། དེ་བས་ཀྱང་ཉེན་ཁར་མཐོང་གི་འདུག

མང་གཙོའི་ལམ་དུ་འགྲོ་བར་འབྱུང་འགྱུར་འདིས་སྐྱོན་ཆེ་ཤོས་བྱེད་ངེས་རེད་ལ། ༸རྒྱལ་བ་རིན་པོ་ཆེ་མ་བཞུགས་པའི་སྐབས་སུ་འདི་ནི་ཁང་པའི་ནང་འབར་རྫས་བཞག་པ་ལྟ་བུ་རེད་སྙམ།

སྲིད་དོན་པ་ཚོས་འདས་པའི་ལོ་ ༥༠ ནང་ཆོས་ལུགས་ཀྱི་སྤྱི་འཐུས་བེད་སྤྱོད་བཏང་ཡོད། མ་འོངས་པར་དེ་བས་ཀྱང་རང་རང་གི་འདོད་པ་སྒྲབ་སྤྱད་དུ་བཀོལ་གྱི་རེད།

རྩོམ་ཡིག་གི་མིང་ཙམ་ལས་ཚིག་གཅིག་ཀྱང་ཀློག་མེད། མ་ཀློག་ན་ག་རེ་བཤད་སྲིད་པ་མ་ཤེས་པ་མི་འདུག འདིར་ཆོས་ལུགས་སྤྱི་འཐུས་དགོས་ན། གྲྭ་བཙུན་ཚོར་ཆོས་འཐུས་ལས་ཆོལ་ཁའི་སྤྱི་འཐུས་ལ་འོས་ཤོག་འཐེན་རྒྱུ་ཐོབ་ཐང་ཡོད་མི་རུང་སྙམ། ཆོས་འཐུས་སུ་འདྲ་འདེམས་མིན་གྲྭ་བཙུན་ཚོས་ཐག་ཆོད། དེ་ནས་ཆོལ་ཁའི་སྤྱི་འཐུས་ལ་གྲྭ་བཙན་ཚོས་ཇུས་གཏོགས་མ་བྱས་ན་ཡོང་གི་འདུག་གམ།
མདོ་དོན་གྲྭ་བཙུན་ལ་ཐོབ་ཐང་གཉིས་དགོས་ཟེར་གྱི་ཡོད་མ་རེད་དམ། ཆོས་འཐུས་དགོས་མིན་མ་གླེང་སྔོན་ལ་མི་སྐྱ་ཚོར་གྲྭ་བཙུན་གྱི་ཐོབ་ཐང་གི་ཕྱེད་ཀ་མ་གཏོགས་མེད་པ་འདི་ག་འདྲ་བྱས་ནས་ཐག་གཅོད་དམ། མི་སྐྱ་ཚོའི་སྡུག་གྱོང་རེད་ཟེར་གྱི་ཡིན་ནམ། ཡང་ན་གྲྭ་བཙུན་ཚོའི་ཁེ་བཟང་དང་བསོད་ནམས་རེད་ཟེར་རྒྱུ་ཡིན་ནམ།
གཙོ་བོ་མི་གཅིག་ལ་འོས་ཤོག་གཉིས་ཀྱི་ཐོབ་ཐང་ཡོད་པ་འདི་དང་པོ་ཐག་གཅོད་མི་འདུག་གམ།

དབྱངས་བུ་ལགས།

རྩོད་འདོད་ཡོད་ན་་་་རིམ་བཞིན་ཡིན་ད་་་་་་་་་་་་སྤོབས་པ་མཐའ་ཡས་ལགས་ཀྱི་བསམ་ཚུལ་ཀློག་ནས་ལོ་དང་ཟླ་བ་འགྲོ་ཡོད་པར་ལས་དེ་རིང་གཞི་ནས་མཐོང་བ་མིན།

དེ་ལུགས་ཤེས་པ་གྱིས།

དྲ་གྲོགས་སྤོབས་པ་མཐའ་ཡས་ལགས་ཀྱིས་རྩོམ་ཡིག་ཅིག་སྦེལ་དགའ་པོ་བྱུང་བ་མ་ཟད་རྒྱུ་མཚན་ཡང་དག་ཅིག་ཡོད་ངེས་སྙམ།

དུས་ཚོད་ཀྱིས་རྐྱེན་པའི་ཞིབ་ཀློག་ཐུབ་མ་སོང་་་་་་་་ཞིབ་ཀློག་ཚར་དུས་སྒྲུབ་བྱེད་ཀྱིན་ཡིན། སྤོབས་པ་ལ་རྟེན་འབྲེལ་ཞུ།

ཚར་གཅིག་ཞིབ་ཏུ་བཀླགས་པ་ཡིན།