ཅོ་རི་ཉི་མ་ནས།
༄༅། །དུས་བབ་དྲ་ཐོག་གི་ཟིན་བྲིས་པ་སྤུན་ཡོངས་ཀྱི་དྲུང་དུ། དམ་བཅའ་གཅིག་འཇོག་འདོད་པ་ནི།
ང་ཅོ་རི་བོད་ཡིག་གི་དག་ཆ་སྐྱོ་དང་རིག་གནས་ཀྱི་ཤེས་ཚོད་དམའ་བ་མི་ཚེའི་ཉམས་མྱོང་སོགས་ཕུན་སུམ་ཚོགས་པའི་ལག་ཆ་ཅི་ཡང་མེད་ཀྱང་། ཟིན་བྲིས་དྲ་མིག་ཅིག་སྒོ་འབྱེད་བྱེད་རྒྱུ་ཡིན།
རྒྱུ་མཚན་ནི། ཁྱེད་རྣམ་པའི་་མཉམ་དུ་་ང་རང་ཚོའི་སྤྱི་དོན་འདིར་རྩོད་པ་རྒྱག་འདོད་པ་དང་སྒྲུབ་བྱེད་བཀོད་འདོད་པ་བརྗེ་ལེན་བྱེད་འདོད་པས་ཡིན། ང་ཅོ་རི་དགའ་ས་ཡང་བོད་མི་རིགས་འདིར་ཡིན་ལ་ང་ཅོ་རི་ཁོང་ཁྲོ་ཟ་ས་ཡང་བོད་མི་རིགས་འདིར་ཡིན། བོད་མི་རིགས་འདི་མེད་ན་ང་ཅོ་རི་འཛམ་གླིང་འདིར་གསོན་པོ་གནས་ཀྱང་དགའ་རྒྱུ་དང་སྐྱིད་རྒྱུ་ཅི་ཡང་མེད། ང་ཅོ་རིས་བོད་མི་རིགས་འདིར་བརྗེད་ཐབས་མི་འདུག་ལ་བོད་མི་རིགས་འདིར་སྐྱུར་ནས་འགྲོ་ས་མི་འདུག
བོད་མི་རིགས་འདི་ནི་ང་ཅོ་རི་ཤི་ན་རྣམ་ཤེས་འཁོར་ས་རེད་འདུག་ལ་གསོན་ན་སྐྱིད་སྡུག་འདྲེས་ས་རེད་འདུག བོད་མི་རིགས་འདི་དང་མཉམ་དུ་ལུས་དང་དྲི་མ་བཞིན་དུ་མཉམ་འགྲོ་དང་ཆུ་དང་འོ་མ་བཞིན་དུ་མཉམ་འདྲེས་བྱེད་ནས་མི་ཚེ་ལྷག་མ་འདི་བསྐྱལ་ཐུབ་པའི་རེ་བ་དང་ཡིད་ཆེས་བྱེད་བཞིན་ཡོད་ལགས།
ང་ཅོ་རིའི་མིག་མདུན་དུ་མཐོ་མི་དྲག་དང་དམའ་སྤྲང་ལུས་གཉིས་ལ་གུས་ཞབས་ཞུ་སྟངས་གཅིག་པ་ཡིན། མཐོ་མི་དྲག་ཟེར་ནས་ངོ་དགའ་བཤད་མི་ཐུབ་ལ་དམའ་སྤྲང་ལུས་ཟེར་ནས་མཐོང་ཆུང་བྱེད་མི་འདོད།
ཁྱེད་རྣམ་པའི་མདུན་ནས་བསླབ་བྱ་ཞུ་སྟངས་ནི་དངོས་ཡོད་གནས་ཚུལ་དང་དངོས་སྟོབས་རིག་པའི་སྒྲུབ་བྱེད་བཀོད་དུས་དང་ལེན་ཞུ་བ་མ་གཏོགས་གཞན་ཁས་ལེན་ནམ་ཡང་བྱེད་མི་ཐུབ།
དུས་བབ་ཟིན་པ་སྤུན་ཟླ་སུ་རུང་ཞིག་གི་ཟིན་བྲིས་ཁང་མིག་སྒོ་འབྱེད་བྱ་སྟངས་ལམ་སྟོན་གནང་རོགས་ཞེས་རེ་བ་དང་ཞུ་རྒྱུ་ཡིན།
འཐབ་གྲོགས་གཅན་ཐིགས་ལགས་དང་མཁས་དབང་གཅན་རྒྱལ་གཉིས་ཀྱིས་དགོངས་ཚུལ་གསུངས་པར་ཐུགས་རྗེ་ཆེ།
མ་ཟད་གཅན་ཐིགས་ཁྱེད་ཀྱིས་རྗེས་སུ་ངའི་བྲིས་པ་རྣམས་ལ་ཞིབ་དག་རེ་དང་ནོར་བཅོས་རེ་བྱེད་ན་ངས་ཁྱེད་རང་ཁ་དོན་མཚུངས་པའི་མི་ཞིག་ངོས་ལེན་བྱེད་ཆོག
གཅན་ཐིགས་ཁྱེད་ཀྱིས་དག་ཡིག་སྦྱང་སྟངས་གསུངས་པར་དངོས་གནས་རེད།
དེ་མིན་རྩ་བའི་བརྗོད་བྱ་ལ་སྐྱོན་འཛུག་བྱེད་འདོད་དུས་ཡིག་ནོར་དང་ཡིག་ནོར་ཟེར་ན་འདི་ནི་གནང་སྟངས་ཡང་དག་པར་ཞིག་མ་རེད་འདོད།
ཐུགས་རྗེ་གཟིགས།
ཅོར་ཉིའི་ཟིན་བྲིས་སྒོ་འབྱེད་རྩིས་ཡོད་པ་བཟང་གི ཡང་ཁྱོད་ཀྱིས་གོང་དུ་བཤད་པའི་སྐད་ཆ།
༼༼སེམས་གཙང་མའི་ལ་རྒྱ་ཡོད་མཁན་ལ།
ཚིག་རྩུབ་པོ་བེད་པའི་གནོད་མི་སྲིད།༽༽
ཞེས་པ་འདི་ཁྱོད་རང་གཙོས་དྲ་གྲོགས་ཚང་མའི་སེམས་ལ་འཛིན་རྒྱུ་མཁྱེན།
སེམས་ཤུགས་ཀྱིས་ཕེབས་པར་དགའ་བསུ་ཡོད་་་་་་ཡིག་ནོར་ཕྱོགས་རིམ་གྱིས་ཡར་རྒྱས་བཏང་ན་ཡོང་ངེས་རེད་་་་་་ད་དུང་སེམས་གཏམ་ཞིག་གིས་སྔུན་བསུས་ཏེ་་་་་དམ་བཅའ་ཞིག་དང་བཀའ་བཀྱོན་ཞིག་སྦྲགས་ནས་དྲ་ཁང་འདིར་འཛུལ་བྱུང་་་་་་
དྲ་གྲོགས་ལགས་ཡིག་ནོར་ནི་དུས་ཚོད་ཐུང་ཐུང་ཞིག་གི་ནང་དུ་གཙང་སེལ་ཐུབ་རྒྱུ་ཞིག་མིན་པས་རྒྱུན་ལྡན་ཉམས་འཇོག་བྱས་ནས་ཡར་རྒྱས་གཏོང་དགོས་པ་ཞིག་རེད་་་་་་དེར་བརྟེན་རྟག་པར་དག་ཡིག་ཅིག་དང་མ་འབྲལ་བ་བྱེད་རྒྱུ་དེ་ཧ་ཅང་གལ་ཆེ་་་་་་ཐེ་ཚོམ་ཡོད་པའི་ཐ་སྙད་གཅིག་བྱུང་ན་དག་ཡིག་བཀླགས་ནས་ཐེ་ཚོམ་བཅད་ན་གཞི་ནས་ཡར་རྒྱས་ཀྱི་ལམ་ཁར་ཕྱོགས་པ་ཡིན་པས་ནམ་རྒྱུན་དག་ཡིག་དང་འགྲོགས་ནས་ཕེབས་རོགས
ངའི་ཟིན་གཅིག་སྒོ་འབྱེད་ཚར་དུས་དེང་རྒྱུན་གྱི་དྲ་གྲོགས་ཚོས་ཁྱི་འབོད་ཕག་འབོད་འདྲེ་འབོད་བྱས་ལ་དགའ་བ་རྣམས་གཅིག་རྗེས་གཉིས་མཐུད་ནས་ཕེབས་རོགས་ཞུ།
སེམས་གཙང་མ་རིགས་ཀྱི་ལ་རྒྱ་དགོས།
ཚིག་རྩོག་པ་རྩོད་པའི་མཛེས་རྒྱན་དགོས།
སེམས་གཙང་མའི་ལ་རྒྱ་ཡོད་མཁན་ལ།
ཚིག་རྩུབ་པོ་བེད་པའི་གནོད་མི་སྲིད།
ཧཧཧཧ
ཤ་རུས་པ་འདྲེས་པའི་སྤུན་གྲོགས་ལགས། ཐུགས་རྗེ་ཆེ།