ཉེ་ཆར་ཕྱི་ཟླ་ ༣ ཚེས་ ༡༤ ཉིན་རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་ཚོས་རྒྱ་གཞུང་ལ་ངོ་རྒོལ་གྱི་ལས་འགུལ་སྤེལ་ཏེ། ད་ཆར་རྒྱ་གཞུང་གིས་བོད་ཡིག་སློབ་འབྲིང་དེའི་སློབ་མ་ཚོ་གང་འདོད་འགྲོ་སྐྱོད་མི་ཆོག་པའི་བཀག་སྡོམ་འོག་བཞག་ཡོད་པ་མ་ཟད། ཕྱི་ཚེས་ ༡༨ ཉིན་རྨ་ཆུ་རྫོང་བོད་ཡིག་སློབ་འབྲིང་གི་སློབ་གཙོ་སྐྱབས་ཆེན་བདེ་གྲོལ་དང་། སློབ་གཙོ་གཞོན་པ་རྡོ་རྗེ་ཚེ་བརྟན་ནམ་རྡོ་རེ། ཕ་ཡུལ་ཀླུ་ཆུ་ནས་ཡིན་པའི་དགེ་རྒན་ཞིག་བཅས་ལ་སློབ་གྲྭར་འགན་འཁུར་མ་ཐུབ་པ་དང་། སློབ་གསོ་འཐུས་ཤོར་དུ་བཏང་བའི་ཉེས་འཛུགས་འོག་ལས་གནས་ནས་ཕྱིར་ཕུད་དང་། རྨ་ཆུ་རྫོང་ཉེན་རྟོག་ལས་ཁུངས་ཀྱི་འགན་འཛིན་བསོད་ཚེ་དང་། རྨ་ཆུ་རྫོང་དྲག་ཆས་དམག་མིའི་འགན་འཛིན་བོད་རིགས་ཤིག་བཅས་ལ་སློབ་མ་ཚོས་ངོ་རྒོལ་སྐབས། དམ་དྲག་དང་ངོ་རྒོལ་བྱེད་མཁན་འཛིན་བཟུང་མ་བྱས་པའི་ཉེས་འཛུགས་འོག་ལས་གནས་ནས་ཕྱིར་ཕུད་བཏང་ཡོད་འདུག གཞན། བོད་ཡིག་སློང་འབྲིང་དེ་གའི་དགེ་རྒན་ ༨ ཙམ་ལ་སློབ་ཕྲུག་ཚོར་སློབ་གསོ་སྤྲོད་སྟངས་དང་བདག་སྐྱོང་གིས་མ་འདང་བའི་ཉེས་འཛུགས་འོག མི་འགྱངས་པར་གནས་དབྱུང་གཏོང་འཆར་ཡོད་པའི་ཛ་དྲག་གི་གནས་སྟངས་ཆགས་ཡོད་འདུག་ལ། དེ་མིན་ཉིན་འདི་འགར་རྨ་ཆུ་རྫོང་ཡོངས་སུ་དམག་མིས་དམ་དྲག་ཤུགས་ཆེན་བྱས་ཏེ། འགྲུལ་བཞུད་བྱེད་མཁན་ཡོངས་ལ་ཞིབ་བཤེར་དོ་དམ་ནན་ཏན་བྱེད་ཀྱིན་ཡོད་འདུག
གོང་གི་གནས་ཚུལ་དེ་འདི་གའི་ཟིན་བྲིས་ཚན་པའི་གཡག་གི་ཟིན་ཐོ་ལས་བཤུས།
རྒྱ་མཚོ་ལགས དགོངས་འཆར་ག་རེ་ཡོད་ན།
tibetan-editors@voanews.com འདི་རྒྱུད་ནས་སྐུར་དང་དགོངས་འཆར་ཉན་དགོས་མཁན་དེ་ཚོར་འབྱོར་གི་རེད།
རྒྱ་མིའི་གཞུང་གིས་འདི་ལྟར་བོད་པའི་ལས་བྱེད་ལ་བརྙས་བཅོས་བྱེད་ཀྱིན་ཡོད་པས། ང་ཚོས་མི་རིགས་ཀྱི་སྣེ་འདྲེན་པ་འདི་ཚོ་བཀའ་ཁྲིའི་འོས་གཞིའི་ཁྲོད་བླངས་ནས་རང་མིར་རང་གི་བདག་པོ་རྒྱག་ཐུབ་པ་ཞིག་གནང་རན་མེད་དམ།
ཨ་རིའི་བོད་ཀྱི་རླུང་འཕྲིན་ཁང་ལ་རེ་བསྐུལ་ཞུ་རྒྱུ། རླུང་འཕྲིན་ཁང་གི་ལས་བྱེད་ཡོངས་ལ་འཚམས་འཚམས་འདྲི་དང་བཀྲ་ཤིས་བདེ་ལེགས་ཡོད། སྤྱིར་ན་ཁྱེད་རྣམས་པའི་ལྷག་བསམ་དང་ཤེས་འཇོན་ལ་ང་ཚོས་རྗེས་སུ་ཡི་རིང་དང་སྔགས་བརྗོད་བྱེད་ཀྱིན་ཡོད། འོན་ཀྱང་ཁྱེད་ལས་ཁུང་གི་ལས་བྱེད་རྣམས་པའི་བོད་ཆས་གྱོན་མི་ཐུབ་པ་གནད་འགག་གང་ལ་ཐུག་ཡོད་དམ། ང་ཚོས་ངོས་ཤུགས་རྒྱུད་གསུམ་ནས་ཁྱེད་ལས་ཁུང་ལ་ཐང་མང་རེ་བསྐུལ་ཞུས་ཡོད་མེད། དེང་སང་བོད་ནང་གི་རླུང་འཕྲིན་ཁང་དང་ཡུལ་ཁ་སོ་སོས་མཛད་སྒོ་ཆེ་ཆུང་ག་འདྲ་ཞིག་འཚོགས་རུང་གཙོ་བོ་བོད་རང་གི་ཐུན་མོང་ཡིན་པའི་བོད་ཆས་གྱོན་དགོས་པ་རྩ་འཛིན་གནང་གི་ཡོད་པ་ཁྱེད་ལས་ཁུང་གི་མ་ཤེས་པ་མིན་ནམ། བཙན་བྱོལ་བོད་གཞུང་གི་དྲ་བརྙན་ཁང་དང་ཨ་ཤེ་རང་དབང་རླུང་འཕྲིན་ཁང་གི་ལས་བྱེད་རྣམས་པར་གཟིགས་དང་ཆོག ༡ སངས་རྒྱས་ཐར། བོད། ༢ དབང་ཆེན་སྐྱབས། བལ་ཡུལ། ༣ རིག་ཁོ། བལ་ཡུལ། ༤ འཇམ་དབྱངས་སོགས་མི་ལྔ་བཅས་ནས།
ཆབ་སྲིད་ཀྱི་ལྟ་བས་ཀླད་པ་བཀབས་ཡོད་པའི་མི་ཚོས་སྐྱབས་ཆེན་བདེ་གྲོལ་གཙོས་པའི་སྙན་ངག་གི་མི་རབས་གསུམ་པ་གཙོས་པའི་བོད་ཀྱི་རྩོམ་པ་པོ་མང་པོར་མི་རིགས་ཀྱི་ལ་རྒྱ་མི་འདུག་ཟེར་ནས་འུ་ཤོབས་མང་པོ་འཐེན་མྱོང་བ་སྔོན་མ་དྲ་ལམ་ཁག་ནས་གང་མང་མཐོང་སོང་ལ། གཞས་གཏོང་མཁན་དང་རྩོམ་འབྲི་མཁན་ཚོས་ངེས་པར་དུ་རྒྱ་ནག་ལ་ངོ་རྒོལ་གྱི་ཚིག་རེ་བེད་སྤྱོད་མ་བཏང་ན་བོད་མི་ཚོས་མི་རིགས་ཀྱི་ལ་རྒྱ་མི་འདུག་ཅེས་དགའ་བོ་བྱེད་ཀྱིན་མེད།
ཡིན་ན་ཡང་མིག་ཆུ་སེམས་ལ་ཉར་ནས་མི་རིགས་ཀྱི་རིག་གནས་རྒྱུད་འཛིྣ་གྱི་ལས་ལ་བྲེལ་བ་ཁོང་ཚོ་སུ་ཡིན་ཡང་རྒྱ་ནག་གི་མིག་ནང་གི་ཚེར་མ་ལ་ཆགས་ཚར་བ་རེད།
སྐྱབས་བཅོལ་བདེ་གྲོལ་གྱིས་རྒྱ་ནག་གི་གནོན་ཤུགས་དང་སུན་བཙེར་ལ་མ་ལྟོས་པར་མཆོད་མེ་རྩོམ་རིག་དྲ་བ་རྒྱ་ནག་གིས་སྒོ་ཇི་ལྟར་བརྒྱབ་ཀྱང་ཐབས་དེ་ལྟར་འཐེན་ནས་ཀློག་མཁན་བརྒྱ་ཕྲག་མང་པོ་དང་རྩོམ་པ་པོ་མང་པོར་གར་སྟེགས་ཡངས་ཤིང་རྒྱ་ཆེ་བ་ཞིག་བཟོས་ཡོད་ལ། རྨ་ཆུ་རྫོང་བོད་རིགས་སློབ་འབྲིང་གི་སློབ་གཙོའི་ལས་ཀའི་ཁྲོད་ནས་བོད་ཀྱི་པྱི་རབས་པ་སྐྱེད་སྲིངས་དང་། ཡང་སློབ་གྲྭའི་ནང་དུ་རིག་རྩལ་ལས་འགུལ་གང་མང་སྤེལ་བཞིན་ཡོད་པ་གོ་ཐོས་མྱོང་། ཡིན་ཡང་རྒྱ་ནག་གིས་ཁོ་ཤི་མིན་གསོན་མིན་གྱི་གནས་སུ་དེད་དེ་ཆབ་སྲིད་ཀྱི་ནག་ཉེས་འོག་ནས་ལས་གནས་ནས་ཕྱིར་སྤས་བཏང་བ་དེ་ཡིས་ཁོང་གི་མི་ཚེ་ནང་དུ་སླར་ཡང་རྐང་པ་འཛུགས་ས་མེད་པར་བཟོས་པ་མ་རེད་དམ། རྒྱ་ནག་འདི་ཚང་མིའི་མི་ཚེ་མུན་ནག་ལ་འདེད་པར་ཐབས་མཁས་པོ་རེད་འདུག
གནས་ཚུལ་ཅུང་ཙམ་ཁ་སྐོང་བྱེད་རྒྱུར། ༼ཕ་ཡུལ་ཀླུ་ཆུ་ནས་ཡིན་པའི་དགེ་རྒན་༽དེའི་མིང་ལ་ཆོས་སྐྱོངས་ཚེ་བརྟན་ཟེར་བ་དང་།༼ རྨ་ཆུ་རྫོང་ཉེན་རྟོག་ལས་ཁུངས་ཀྱི་འགན་འཛིན་བསོད་ཚེ་༽ཟེར་བ་དེ་འགན་འཛིན་གཞོན་པ་དང་ ༼རྨ་ཆུ་རྫོང་དྲག་ཆས་དམག་མིའི་འགན་འཛིན་བོད་རིགས་ཤིག་༽ཟེར་བ་དེ་རྨ་ཆུ་རྫོང་ཉེན་རྟོག་ལས་ཁུངས་ཀྱི་འགན་འཛིན་དང་བོ་ཡིན་འདུག་ལ་ཁོ་རྒྱ་རིགས་ཤིག་ལས་བོད་རིགས་རེད་མི་འདུག རྨ་ཆུ་རྫོང་ཉེན་རྟོག་ལས་ཁུངས་ཀྱི་འགན་འཛིན་ལ་གཙོད་གཉེན་རྟོག་ལས་ཁུངས་ཀྱི་འགན་འཛིན་གཞོན་པ་བཏང་འདུག་ལ་ཁོ་རྒྱ་རིགས་ཤིག་ཡིན་པ་འདྲ་ཟེར། གཞན་རྩོམ་སྒྲིག་པས་གནས་ཚུལ་དུས་ཐོག་སྤེལ་བར་ཐུགས་རྗེ་ཆེ་ཞུ་རྒྱུ་བཅས།
རང་རིགས་ལ་ཁ་ཞེ་གཉིས་མེད་ཀྱི་བོད་མི་ལས་བྱེད་པ་ཚོ་ག་ལུས་རྒྱ་གཞུང་གི་རྒྱང་བུད་གཏོང་ངེས་རེད།
ང་རང་ཚོའི་བཙན་བྱོལ་གཞུང་འདི་སྲ་བརྟན་གཏོང་དགོས་ཀྱིན་ནི་མི་རིགས་ཀྱི་རྩ་དོན་རེད་སྙམ།
ང་ཚོ་བོད་པས་ཞི་བའི་སྒོ་ནས་ཐབས་ཤེས་ཡོད་རྒུ་རྩ་དྲུག་བྱས་ཀྱང་། དྲང་བདེན་ལ་དགའ་བའི་མི་སྣ་ཚོས་དོན་དམ་པའི་བདེན་པའི་རྒྱབ་ལང་བྱེད་ཀྱི་མི་འདུག་ལ། ལྷ་བླ་མ་དཀོན་མཆོག་གིས་ཀྱང་གཟིགས་ཀྱི་མི་འདུག། ཡང་སྙིང་ འཛམ་གླིང་འདིར་བདེན་པ་དང་ཞི་བ་ལ་རིན་ཐང་དང་ནུས་པ་ཡོད་དམ།
ད་ཅི་དྲགས་
སྐྱབས་ཆེན་བདེ་གྲོལ། བོད་ཀྱི་དེང་རབས་རྩོམ་པ་པོ། སྒྲུང་གཏམ་པ་དང་སྙན་ངག་པ། ཕྱི་ལོ༡༩༧༧ལོར་ཀན་ལྷོའི་རྨ་ཆུ་རྫོང་གི་ཁྲོ་ཁོའི་དཔོན་རྒྱུད་ཅིག་ཏུ་སྐྱེས། ཆུང་དུས་ནས་ནང་བའི་ཆོས་དང་རིག་གནས་ལ་དགའ་བས་ཆུ་ཁ་མའི་སློབ་ཆུང་ལོ་རིམ་བཞི་བར་ཐད་ཞུགས་བྱས་ཤིང་དེ་ནས་བཟུང་ལོ་ངོ་དགུའི་རིང་ལ་དགའ་སྐྱོ་གཉིས་ལྡན་གྱི་སློབ་མའི་འཚོ་བ་རོལ། ད་ལྟ་རྨ་ཆུ་རྫོང་བོད་ཡིག་སློབ་འབྲིང་གི་སློབ་གཙོ་དང་མཆོད་མེ་བོད་ཀྱི་རྩོམ་རིག་དྲ་བའི་འགན་འཛིན་པ་ཡིན་ལ་བོད་ཀྱི་དེང་རབས་སྙན་ངག་པའི་ཚོགས་པ་མི་རབས་གསུམ་པ་ཞེས་པའི་ཚོགས་མི་གཙོ་བོ་ཞིག་ཀྱང་ཡིན། འདི་ནི་ཝེ་ཁེ་རིག་མཛོད་ནང་སྐྱབས་ཆེན་སྐོར་གྱི་ངོ་སྤྲོད་དུམ་བུ་ཞིག་རེད། འདི་ལྟ་བུ་མི་རིགས་ཀྱི་རིག་གནས་ལ་རླབས་པོ་ཆེའི་བྱས་རྗེས་འཇོག་བཞིན་པའི་ཤེས་ལྡན་པ་ཞིག་ད་ལྟ་དམར་ཤོག་སྲིད་གཞུང་གིས་འདྲེ་ལག་བརྐྱང་ནས་ཁོང་རང་གིས་ཆེས་དགའ་པོ་བྱེད་སའི་ལས་གནས་དེ་ནས་གནས་དབྱུང་བཏང་བ་རེད། འདི་ནི་རྒྱ་གཞུང་གིས་བོད་ཀྱི་རིག་གནས་མེད་པ་བཟོ་འདོད་པ་དང་མེད་པ་བཟོ་བཞིན་པའི་དཔེ་མཚོན་གསོན་པོ་ཞིག་རེད་ལ། བོད་ཕྲུག་གསོ་སྐྱོང་བྱེད་མཁན་དང་མི་རིགས་ཀྱི་ལ་རྒྱའི་ས་བོན་འདེབས་མཁན་གྱི་སྐྱེ་བོ་ཤེས་རབ་ཅན་རྣམས་རྒྱ་གཞུང་ནས་འབུར་འཇོམས་བྱེད་བཞིན་པའི་ཚབ་མམཚོན་ཞིག་ཀྱང་རེད། ང་ཚོས་སྐྱབས་ཆེན་བདེ་གྲོལ་གཙོས་པའི་ཤེས་ལྡན་པ་འདི་དག་གི་ལས་དབང་སྐོར་འཛམ་གླིང་དུ་ས་བསྒྲག་གནམ་བསྒྲག་བྱས་ནས་ཁོང་ཚོའི་མདུན་ལམ་ལ་སྲུང་སྐྱོབ་བྱེད་རྒྱུ་ནི་བོད་དོན་ལས་འགུལ་ནང་གི་ལས་ཀ་ཆེས་གལ་ཆེ་ཤོས་དེ་ཡིན་པར་འདོད། རྒྱུ་མཚན་ནི་ན་གཞོན་རྣམས་ནི་ང་ཚོའི་མི་རིགས་འདིའི་མ་འོངས་པའི་རེ་བ་ཡིན་པ་དང་། རུས་པའི་རྐང་མ་ཉམས་ཤིང་རྣམ་ཤེས་ཀྱི་གཟུངས་མ་ཤོར་བའི་དགེ་རྒན་འདི་དག་ནི་མི་རབས་གསར་པ་གསོ་སྐྱོང་གནང་མཁན་ཡིན་པས་སོ།
ད་ངོ་མ་འདུག་གི་མ་བཞག་ནི་རེད
བསྟན་པའི་དགྲ་བོ་ཡིན་པ་མ་ཟད་་་་་་་ཤེས་ཡོན་པའི་སྡེའི་དགྲ་བོ་ཡང་རེད་་འདུག་ཡ་