ནོར་ཝེ་རུ་སློབ་སྦྱོང་གནང་བཞིན་པའི་བོད་རིགས་སློབ་མ་དཔལ་ལྡན་རྒྱལ་ལ་རྒྱལ་སྤྱིའི་སྙན་ངག་འགྲན་བསྡུར་ཞིག་གི་སྐབས་སུ་ཨང་གསུམ་པའི་བྱ་དགའ་ཐོབ་འདུག
ཨེ་ཊ་ལིའི་གྲོང་ཁྱེར་ཌོས་ཡ་ནོའི་ Duino ནང་ཐེངས་དྲུག་པའི་རྒྱལ་སྤྱིའི་སྙན་ངག་འགྲན་བསྡུར་ཞིག་སྐོང་འཚོགས་བྱས་པའི་ནང་། ནོར་ཝེ་འཛམ་གླིང་མཉམ་འབྲེལ་མཐོ་སློབ་ཁང་དུ་རྒྱལ་སྤྱིའི་མཐོ་སློབ་ International Baccalaureate programme ཐོག་མཐོ་སློབ་འགྲིམ་བཞིན་པའི་བོད་རིགས་སློབ་མ་དཔལ་ལྡན་རྒྱལ་གྱིས་ཨང་གསུམ་པ་བླངས་འདུག ཁོའི་སྙན་ངག་གི་ཁ་བྱང་ལ་རང་བཙན་ཞེས་བཏགས་ཡོད་པ་དང་རྒྱལ་ཁབ་མི་འདྲ་བ་ ༩༠ ལྷག་གི་འགྲན་ཞུགས་པ་ ༡༠༠༠ ཙམ་གྱི་ཁྲོད་ནས་འདེམས་ཐོན་བྱུང་ཡོད་འདུག འགྲན་བསྡུར་དེའི་ཁྲོད་ཨང་དང་པོའི་བྱ་དགའ་ཁེ་མ་རོན་རྒྱལ་ཁབ་ཀྱི་སློབ་ཕྲུག་ཅིག་གིས་བླངས་པ་དང་ཨང་གཉིས་པ་ཨེ་ཊ་ལིའི་རྒྱལ་ཁབ་ཀྱི་སློབ་ཕྲུག་ཅིག་གིས་བླངས་ཡོད་འདུག
སྙན་ངག་འགྲན་བསྡུར་འདི་ཕྱི་ཚེས་ ༡༩ ནས་ ༢༡ བར་ཨེ་ཊ་ལིའི་གྲོང་ཁྱེར་ཌོས་ཡ་ནོའི་ Duino ནང་དུ་སྐོང་འཚོགས་བྱས་ཡོད་པ་དང་། རྒྱལ་ཁབ་མི་འདྲ་བ་ ༡༥ ཙམ་གྱི་སྐུ་མགྲོན་ཁག་ཅིག་མཉམ་ཞུགས་བྱས་ཡོད་འདུག འགྲན་བསྡུར་སྐབས་ཀྱི་སྙན་ངག་བཟང་ཤོས་དང་སྙན་ངག་འགྲེལ་བཤད་ The best poems and the poetry sessions སོགས་འདི་ལོའི་ཕྱི་ཟླ་དགུ་བའི་ནང་དེབ་དང་ DVD འོད་སྡེར་དུ་ཕྱོགས་སྒྲིག་བྱ་རྒྱུ་ཡིན་འདུག་ལ། སྐབས་དེའི་དབུ་འབྱེད་མཛད་སྒོའི་སྐབས་སུ་ཐེངས་འདིར་བྱ་དགའ་ཐོབ་མཁན་རྣམས་ཀྱང་མཉམ་ཞུགས་བྱ་རྒྱུ་ཡིན་འདུག
སྙན་ངག་དང་གདུང་སེམས་མཉམ་སྐྱེད་ཅེས་པའི་ཚོགས་པ་འདིའི་ཚོགས་གཙོ་ Gabriella Valera Gruber ལགས་ཀྱིས་སྙན་ངག་འགྲན་བསྡུར་འདི་ནི་འཛམ་གླིང་གི་ན་གཞོན་རྣམས་ལ་ཧ་ཅང་གིས་གལ་ཆེན་ཆགས་ཡོད་ཅིང་། ང་ཚོར་རྒྱལ་ཁབ་མི་འདྲ་བ་ ༩༠ ལྷག་ནས་སྙན་ངག་འབྱོར་བ་དང་སྙན་ངག་གི་འགྲེལ་བཤད་རང་རང་གི་མི་རིགས་ཀྱི་སྐད་ཡིག་ནང་བརྒྱབ་ཡོད། དཔལ་ལྡན་རྒྱལ་གྱི་སྙན་ངག་དེ་སྙན་ངག་ཆིག་སྟོང་ལས་བདམས་ཐོན་བྱུང་བ་རེད་ཅེས་གསུངས་ཡོད། སྙན་ངག་དང་གདུང་སེམས་མཉམ་སྐྱེད་ཅེས་པ་ནི་ཕྱི་ལོ་ ༢༠༠༦ ལོའི་ཟླ་ ༦ ཚེས་ ༥ ཉིན་དབུ་བརྙེས་པ་དང་། ལོ་ལྟར་རྒྱལ་སྤྱིའི་སྙན་ངག་འགྲན་ཚོགས་ཤིག་ལ་སྲུང་གཙི་བྱས་ཏེ་རྒྱལ་ཁབ་མི་འདྲ་བ་ཁག་གི་གསར་སྐྱེས་སྙན་ངག་པ་དག་འདེམས་སྒྲུག་བྱེད་ཀྱིན་ཡོད་འདུག
དཔལ་ལྡན་རྒྱལ་བོད་ནས་སྐྱེས་ཤིང་བཙན་བྱོལ་དུ་འབྱོར་རྗེས་ངྷ་ས་བོད་ཕྲུག་ཁྱིམ་སྡེར་སློབ་གཉེར་གནང་བ་དང་། འཛིན་གྲྭ་བཅུ་བ་ཐོན་རྗེས་ནོར་ཝེའི་ནང་ཡོད་པའི་ Red Cross Nordic United World College ཞེས་པའི་ནང་རྒྱལ་སྤྱིའི་མཐོ་སློབ་ཐོག་སློབ་སྦྱོང་བྱ་རྒྱུའི་སློབ་ཡོན་ཐོབ་སྟེ། ནོར་ཝེར་བསྐྱོད་དེ་སློབ་སྦྱོང་གནང་བཞིན་པ་དང་། སློབ་གྲྭ་དེ་ནི་ནོར་ཝེ་གཞུང་དང་སི་ཝེ་ཌན། ཌེན་མག ཧྥིན་ལན་ཌི། ཨེ་སི་ལན་ཌི་བཅས་ཀྱིས་ཐུན་མོང་ཐོག་རོགས་སྐྱོར་འཛིན་སྐྱོང་བྱེད་ཀྱིན་པའི་མཐོ་སློབ་ཁང་ཞིག་ཡིན་འདུག
སྙན་ངག་པ་དཔལ་ལྡན་རྒྱལ་ལགས།
སྤྲོ་སེམས་རབ་ཏུ་ཁོལ་བའི་ངང་ནས་བཀྲ་ཤིས་བདེ་ལེགས་ཞུ་ཞུ།
དཔལ་ལྡན་རྒྱལ་ལ་རྒྱལ་སྤྱིའི་སྙན་ངག་འགྲན་བསྡུར་གྱི་སྐབས་སུ་བྱ་དགའ་ཨང་གསུམ་པ་ཐོབ་པར་དགའ་བསུ་ཞུ། སློབ་སྦྱོང་ཡག་པོ་བྱས་པའི་འབྲས་རྟགས་རེད།
མི་མཐུད་ནས་ཤུགས་རྒྱོབ་་་་་་་་་་་་་་་་་་་་་་་་་་གངས་ཅན་པ་ཞིག་ཡིན་པའི་ཆ་ནས་དགའ་པོ་བྱུང་།
ཁོང་གི་སློབ་སྦྱོང་འབྲས་བུ་དབྱར་མཚོ་བཞིན་རྒྱས་པར་ཤོག
དཔལ་ལྡན་རྒྱལ་ལྟ་བུའི་ཤེས་ཡོན་པ་ནི་ང་ཚོ་གངས་ཅན་བོད་མིས་བསྔགས་བརྗོད་དང་ཡི་རང་གི་གནས་སུ་འཁུམས།
ངས་ཕ་ཡུལ་རྔ་བ་མི་མང་གི་ཚབ་བྱས་ནས་ཁྱེད་ལ་རྟེན་འབྲེལ་ཞུས་པ་ཡིན། ང་ཚོ་རྔ་བ་ས་ཁུལ་ནས་འདི་ལྟ་བུའི་མི་བུ་སྐོར་ཞིག་ཡར་ལངས་བཞིན་ཡོད་པ་ངོ་མ་དགའ་ལེ་ཞིག་རེད།
དགུ་ཚིགས་སྐྱ་མོ།
དྲ་གྲོགས་སེམས་བཟང་གིས་གསུངས་པ་བཞིན་ཕལ་ཆེར་ཁྱེད་གཞན་གྱི་ངན་བྱུས་འོག་ཏུ་ཚུད་ནས་རབ་རིབ་ཀྱིས་མིག་སླད་པ་འདྲ།
ང་ཚོ་བོད་པས་སོ་སོ་རང་རིག་གི་མི་རིགས་ལ་རྒྱ་དང་། ཆོས་དང་རིག་གཞུང་གི་ཆེད་དུ་ཐ་ན་སོ་སོར་དབང་བའི་རྩ་ཆེའི་སྲོགས་ཀྱང་འཕང་མེད་བཏང་དང་གཏོང་བཞིན་པའི་རྒྱལ་གཅེས་དཔའ་བོ་དཔའ་མོ་རྣམས་ཀྱི་རྣམ་ཤེས་ལ་ཁྱོད་ཀྱིས་སྐད་ཆ་འདི་ལྟབུ་བཤད་ཐུབ་པ་ནི་ངོ་ཚ་འཁྲེལ་མེད་ཀྱི་སོ་སོ་སྐྱེ་པོའི་རང་མདངས་ཡོངས་སུ་བསྟན་པ་རེད།
གཅིག་བྱས་ན་ཁྱེད་ཀྱིས་བཤད་པ་བཞིན་བོད་རིགས་ཁ་ཤས་ཡོད་ཤས་ཆེ། འདི་ནི་འགྲོ་བ་མིའི་སྤྱི་ཚོགས་ཚང་མར་ཡོད་པ་ཞིག་རེད་མ་གཏོགས་ང་ཚོ་བོད་པར་དམིགས་ཀྱིས་བྱུང་བ་ཞིག་མ་རེད། གཉིས་ནས་ངས་བསམ་ཚོད་བྱས་ན་ཁྱེད་རང་མི་ངན་དེ་ཚོའི་རིགས་དང་གྲོགས་འདྲིས་མང་ཙམ་བྱས་པའི་རྐྱེན་གྱིས་མཐོང་ཚུལ་ངན་པ་དེ་དག་བྱུང་བ་རེད།
ལྷག་དོན་གཞིས་བཞུགས་བོད་མི་སྤྱི་དང་ཡང་སྒོས་དགེ་འདུན་པ་རྣམས་དང་། སློབ་གྲྭ་ཁག་གི་སློབ་མ་ཚོས་གཞུམ་པ་མེད་པའི་ལྷག་བསམ་དང་སྙིང་སྟོབས་ལ་མིག་ལེགས་པར་ཕྱེ་སྟེ་ལྟོས་དང་། དེ་རིང་ཤི་དང་སང་ཉིན་ཤི་ལ་མ་བལྟོས་པར་སོ་སོའི་མི་རིགས་ཆེད་དུ་རང་སྲོགས་བློས་གཏོང་བྱེད་ཀྱི་མི་འདུག་གམ།
བསམ་བློ་ཡག་ཡག་པོ་བཏང་་་་་་མིག་རྒྱང་བསྲིངས་་་་་་་ཕྱོགས་ཐམས་ཅད་ལ་གཞིགས་ཏེ་སྐད་ཆ་བཤད་ན་མི་མཛེས་སམ།།
དྲྭ་གྲོགས་དགུ་ཚིགས་སྐྱ་མོ་ལགས། བདེ་སྡུག་གི་ཚོར་བ་ཡོད་པ་ནི་སེམས་ཀྱི་ཆོས་ཉིད་ལས་བོད་པ་གཅིག་པུའི་ཁྱད་ཆོས་མ་རེད་ལ། ཚན་རིག་པས་འཛམ་གླིང་གི་མི་རྣམས་སྤྲེའུ་ལས་གྱུར་པར་བཤད་པས་བོད་པ་གཅིག་པུའི་ངན་མཚང་ཞིག་ག་ལ་ཡིན། ནོར་ཝེ་ནས་བོད་ཕྲུག་ཅིག་ལ་བྱ་དགའ་ཐོབ་པར་སེམས་དགའ་བ་རེད་མ་གཏོགས་ཧང་སངས་པ་མ་རེད། བྱ་དགའ་ཕྲན་བུ་ཞིག་ཡིན་མིན་ནི་འགྲན་བསྡུར་ནང་རྒྱལ་ཁབ་མི་འདྲ་བ་ ༩༠ ལྷག་གི་འགྲན་ཞུགས་པ་ ༡༠༠༠ ཙམ་ཞུགས་པ་ལས་འདེམས་ཐོན་བྱུང་བས་གསལ་ཡོད། མི་གཅིག་ལ་རྟགས་མ་ཆེན་པོ་དང་མང་པོ་འཐོབ་མཁན་བོད་རིགས་ལས་ལྷག་པ་སུ་འདུག་རྒྱལ་སྤྱིའི་ཐོག་ལྟོས་དང་། དེས་ན་ཁྱོད་ཀྱི་བཤད་སྟངས་འདིར་བལྟས་ན་རྒྱ་གཞུང་གིས་བཤད་པའི་རྫུན་གཏམ་རྣམས་ཡིད་ལ་ཡག་པོ་འཇགས་ཡོད་མདོག་འདུག །
དཀར་བློ་བཟང་། བདག་ནི་བོད་པ་ཚང་ལ་ཡོན་ཏན་ཅི་མང་ཞི་འཛོམ་དགའ་མཁན་ཞིག་ཡིན་མ་གཏོགས། མཐོང་ཆུང་དང་བརྙས་བཅོས་བྱེད་མཁན་ཞིག་གཞི་ནས་མིན་ལགས།
འོན་ཀྱང་བོད་པ་ཚང་གི་འདས་པའི་མི་རབས་མང་པོ་ལོ་རྒྱུས་ལྡན་པའི་མི་རིགས་
འདྲ་འདྲའི་ནང་ནས་མི་འདྲ་བ་གཤིས་རྒྱུད་བཟང་ལ་རང་བཞིན་དྲང་པ་དང་། བྱམས་དང་སྙིང་རྗེ་ཆེ་ལ་བཟོད་བསྲན་ལྡན་པ། ལས་རྒྱུ་འབྲས་དཔང་པོར་འཛིན་ཅིང་དཀར་ཕྱོགས་ལ་བརྩོན་པའི་མི་རབས་དེ་ནུབ་རིའི་རྩེ་གི་ཉི་ཟེར་བཞིན་ནུབ་ལ་ཉེ་ཞིང་། དེ་ལས་ལྡོག་པའི་རྫུན་དང་གཡོ་རྒྱུའི་གང་བ། རྒྱུ་འབྲས་གོ་ལོག་དུ་ལེན་མཁན། རང་དོན་ནང་གི་ཚེ་འདི་དོན་གཅིག་པུ་ལ་བརྩོན་མཁན། རང་རིགས་དང་རྒྱལ་ཞེན་མེད་པར་ཁྱི་གུ་ནང་བཞིན་ཁ་ཟས་ཞིག་གང་ནས་རག་ན་དེ་མ་གཏོགས་བསམ་བློ་གཞན་པ་བཏང་མི་ཐུབ་མཁན་ཞིག་ཆགས་བཞིན་ཡོན་ན་སེམས་པ་སྐྱོ་བའི་གནས་ཞིག་རེད། དེས་ན་ང་རྒྱལ་དང་སྟོང་གཏམ་མ་བཤད་བོད་མིའི་སྤྱི་ཚོགས་ལ་ཞིག་འཇུགས་དང་རྗེས་ལོན་གྱིས།
ཚིགས་སྐྱ་མོ།
ང་ཚོ་དྲ་གྲོགས་ཚོ་ཁྱེད་ཀྱིས་བཤད་པ་ལྟར་གྱི་མགོ་བོ་སླ་པོ་ཞིག་གཏན་ནས་མ་རེད། ད་རེས་ཀྱི་བྱ་དགའ་དེ་ཆེ་ཆུང་ག་ཚོད་ཡིན་མིན་ཁྱེད་ཀྱིས་གསར་འགྱུར་གྱི་ནང་དོན་ལ་ཡག་པོ་བལྟས་ན་ཤེས་ངེས་རེད། ད་དུང་ཁྱེད་ཀྱིས་ང་ཚོའི་མི་རྒྱུད་ལ་སྤྲེའུ་རྒྱུད་པ་ཡིན་པའི་རྟགས་ཞིག་རེད། ཅེས་མཐོང་ཆུང་བྱེད་རྩིས་བྱས་འདུག ང་ཚོ་བོད་པ་ཚང་གི་མི་རྒྱུད་ཕ་སྤྲེའུ་བྱང་ཆུབ་སེམས་དཔའ་ལས་རྒྱུད་པའི་ལོ་རྒྱུས་ལྡན་པའི་མི་རིགས་ཞིག་ཡིན་པས་མི་རིགས་འདྲ་འདྲའི་ནང་ནས་མི་འདྲ་བ་ཞིག་ཆགས་ཡོད། དཔེར་ན་ང་ཚོ་བོད་པ་གཤིས་རྒྱུད་བཟང་ལ་རང་བཞིན་དྲང་པ་དང་། བྱམས་དང་སྙིང་རྗེ་ཆེ་ལ་བཟོད་བསྲན་ལྡན་པ། ལས་རྒྱུ་འབྲས་དཔང་པོར་འཛིན་ཅིང་དཀར་ཕྱོགས་ལ་བརྩོན་པའི་མི་རིགས་ཤིག་ཡིན་པས་སུ་འདྲ་ཞིག་ལའང་ངོ་གནོང་དགོས་དོན་མེད།
ཁྱེད་ཀྱིས་སྤྱིར་བྱ་དགའ་སོགས་ཐོབ་མ་མྱོང་བའི་ནང་རྟགས་ཕྱི་ལ་བུད་པ་རེད། ཅེས་བཤད་འདུག འོ་ན་བཀའ་དྲི་ཞུ་རྒྱུར། ཁྱོད་ཀྱིས་བཤད་པ་ལྟར་གྱི་བྱ་དགའ་ཕྲན་བུ་དེ་ལས་ལྷག་པའི་བྱ་དགའ་ཆེན་པོ་ཁྱེད་ལ་་ག་ཚོད་ཐོབ་མྱོང་ཡོད་དྲ་གྲོགས་ཚོར་གསུངས་དང་།
དཔལ་ལྡན་རྒྱལ་ལགས་ལ་སྙན་ངག་འགྲན་བསྡུར་གྱི་བྱ་དགའ་ཐོབ་པར་སྙིང་ནས་དགའ་སྤྲི་དང་ཡི་རངས་བྱེད། མུ་མཐུད་ནས་ཤུགས་རོགས་ཞེས་ཀྱང་སྐུལ་ལོ།།
གཟིགས་དང་བོད་པ་འདི་ཚོ་འུར་ལང་ཁ་ཅི་འདྲའི་སླ་བ་ལ། དགའ་ཁ་སྐྱེན་ལ་སྡུག་སླ་བ་འདི་ནི་དངོས་གནས་སྤྲེའུ་རྒྱུད་པ་ཡིན་པའི་རྟགས་ཞིག་རེད། ནོར་ཝེ་ནས་བོད་ཕྲུག་ཅིག་ལ་བྱ་དགའ་ཕྲན་བུ་ཞིག་ཐོབ་པ་ལ་ཧང་སངས་རྒྱུ་ཅི་ཡོད། སྤྱིར་བྱ་དགའ་སོགས་ཐོབ་མ་མྱོང་བའི་ནང་རྟགས་ཕྱི་ལ་བུད་པ་རེད།
བུ་ཁྱེད་ལ་སྙིང་ནས་སྨཽན་་།
ནོར་ཝེ་རུ་སློབ་སྦྱོང་གནང་བཞེན་པའི་དཔལ་ལྡན་རྒྱལ་དེ་སུ་ཡིན་ན། ངའི་བསྡོད་གནས་ནོར་ཝེ་ན་ཡིན། འདིར་བོད་རིགས་སློབ་མ་མང་པོ་ཡོད་ཀྱང་དཔལ་ལྡན་རྒྱལ་ཟེར་མཁན་ཞིག་རྩ་ན་མིན་པ་བརྟེན་ཁེས་རེད། དེ་འདྲ་ཡིན་ཙམ་སྙན་ངག་བྱ་དགའ་རེགས་མཁན་དེ་སུ་ཡིན་ནམ།
རྟེན་འབྲེལ་ཞུ་་་་ཕོ་རྒོད་ལགས།།
ངེད་བོད་པ་ཚང་གི་རྒྱན་རེད་ཡ
དཔལ་ལྡན་ལགས་ཀྱིས་ཐེངས་དེར་བྱ་དགའ་ཐོབ་པ་ལ་འཚམས་འདྲི་བཀྲིས་བདེ་ལེགས་ཞུ། ད་དུང་མུ་མཐུད་ནས་བརྟུན་པ་བསྐྱེད་དེ་ཡབ་མེས་ཀྱི་ཆོས་དང་རིག་གཞུང་ལ་ཞབས་ཞུ་གནང་བའི་འདུན་པ་སྙིང་དབུས་ལ་འཆང་པར་ཞུ།
ཨ་ལ་ལ་ ཕོ་རྒོད་པོ་དཔལ་ལྡན་ལགས་ཀྱིས་ཞབས་རྗེས་བཞག་འདུག
འབྱུང་འགྱུར་འདི་དང་འདི་ལྟ་བུ་མང་བ་ཤོག་ཨ་
དཔལ་ལྡན་རྒྱལ་ལ་རྒྱལ་སྤྱིའི་སྙན་ངག་འགྲན་བསྡུར་གྱི་སྐབས་སུ་བྱ་དགའ་ཨང་གསུམ་པ་ཐོབ་པར་དགའ་བསུ་ཞུ། སློབ་སྦྱོང་ཡག་པོ་བྱས་པའི་འབྲས་རྟགས་རེད།
དྲྭ་གྲོགས་ཕུན་ཚོགས་ཟེར་བ་འདི་ལ་སེམས་པ་ཐང་པོ་རང་གདའ་མེད་པ་འདྲ། དགོས་པ་དཔལ་ལྡན་རྒྱལ་གྱི་སྐོར་ལ་གང་འབྲི་རྒྱུ་མེད་པར་མི་དགོས་པ་བོད་ལྗོངས་ཆ་འཕྲིན་ལྟེ་གནས་ཀྱི་དྲ་ཚིགས་སུ་རྒྱལ་བ་རིན་པོ་ཆེར་སྐྱོན་འཛུགས་བྱས་པ་ཞིག་དཔེ་བཤུས་ཀྱིས་བཀོད་བཞག །
དཔལ་ལྡན་རྒྱལ་ལ་རྒྱལ་སྤྱིའི་སྙན་ངག་འགྲན་བསྡུར་གྱི་སྐབས་སུ་བྱ་དགའ་ཨང་གསུམ་པ་ཐོབ་པར་དགའ་བསུ་ཞུ། སློབ་སྦྱོང་ཡག་པོ་བྱས་པའི་འབྲས་རྟགས་རེད།
དྲྭ་གྲོགས་ཕུན་ཚོགས་ཟེར་བ་འདི་ལ་སེམས་པ་ཐང་པོ་རང་གདའ་མེད་པ་འདྲ། དགོས་པ་དཔལ་ལྡན་རྒྱལ་གྱི་སྐོར་ལ་གང་འབྲི་རྒྱུ་མེད་པར་མི་དགོས་པ་བོད་ལྗོངས་ཆ་འཕྲིན་ལྟེ་གནས་ཀྱི་དྲ་ཚིགས་སུ་རྒྱལ་བ་རིན་པོ་ཆེར་སྐྱོན་འཛུགས་བྱས་པ་ཞིག་དཔེ་བཤུས་ཀྱིས་བཀོད་བཞག །
ཀྲུང་གོའི་ཆེད་མཁས་པས་ཏཱ་ལའི་ཡིས་བཏོན་པའི་བོད་ཁུལ་ཆེན་མོ་ཞེས་པ་དེ་རྩ་ ཁྲིམས་དང་འགལ་ནས་འདུག་ཅེས་བརྗོད་པ།
ད་ལྟ་བོད་ལྗོངས་ཆ་འཕྲིན་ལྟེ་གནས་ཀྱི་དྲ་ཚིགས་སུ་བཀོད་དོན།
ཀྲུང་གོའི་སྤྱི་ཚོགས་ཚན་རིག་གླིང་གི་དྲུང་ཡིག་ཆེན་མོ་གཞོན་པ་དང་།ཀྲུང་གོའི་མི་རིགས་རིག་པའི་སློབ་ ཚོགས་ཀྱི་ཚོགས་གཙོ་ཧའོ་ཧྲི་ཡོན་གྱིས་ཚེས་༢༤ཉིན་པེ་ཅིང་ནས་འདི་སྐད།ཏཱ་ལའི་ཡིས་བཏོན་པའི་བོད་ཁུལ་ཆེན་ མོ་ཞེས་པ་དེ་སྤྱི་ཁོག་ནས་བལྟས་ན་མི་རིགས་རང་སྐྱོང་ལྟར་དུ་སྣང་ཡང་།ངོ་བོའི་སྟེང་ནས་བཤད་ན་རང་བཙན་ བྱེད་འདོད་ཀྱི་རེ་ངན་བཅངས་ཡོད་པ་རེད།དེ་བས་ཀྲུང་གོའི་རྩ་ཁྲིམས་དང་མི་རིགས་ས་ཁོངས་རང་སྐྱོང་གི་ཁྲིམས་དང་འགལ་ནས་འདུག་ཅེས་བརྗོད།ཏཱ་ལའི་ཡིས་བཏོན་པའི་བོད་ཁུལ་ཆེན་མོ་ཞེས་པའི་ལྟ་བ་དེས་བོད་ལྗོངས་དང་ཟི་ཁྲོན།མཚོ་སྔོན།ཀན་སུའུ་ཞིང་ཆེན་སོགས་ཀྱི་བོད་པ་འདུས་སྡོད་ཁུལ་དུ་རང་སྐྱོང་གཙང་མ་བྱེད་རྒྱུ་དེ་ཡིན། ཀྲུང་གོའི་བཅའ་ཁྲིམས་དང་མི་འགལ་བའི་སྒོ་ནས་རང་སྐྱོང་ལག་བསྟར་བྱེད་པ་ཞེས་པའི་བརྗོད་སྟངས་འདིའི་ཐད།ཧའོ་ཧྲི་ཡོན་གྱིས་ཉིན་དེར་ཚོགས་པའི་རྒྱལ་ཁབ་ཕྱི་ནང་གི་གསར་འགོད་པའི་བསམ་བློ་བརྗེ་རེས་བྱེད་སྒོའི་སྟེང་འདི་ལྟར།ཀྲུང་གོའི་མི་རིགས་ས་ཁོངས་རང་སྐྱོང་ལམ་ལུགས་ནི་མི་རིགས་ཀྱི་རྒྱུ་རྐྱེན་དང་ས་ཁོངས་ཀྱི་རྒྱུ་རྐྱེན་གཉིས་ཟུང་དུ་འབྲེལ་བའི་ལུགས་ཤིག་ཡིན་པ་ལས།མི་རིགས་རང་སྐྱོང་མ་ཡིན་ཞེས་དང་།ཏཱ་ལའི་ཡིས་བཏོན་པའི་བོད་ཁུལ་ཆེན་མོ་ཞེས་པ་ནི་ངོ་བོའི་སྟེང་རང་བཙན་བྱེད་པའི་རེ་ངན་བཅངས་ཡོད་པས།ཀྲུང་གོའི་བཅའ་ཁྲིམས་དང་འགལ་ནས་ འདུག་ཅེས་སོགས་བརྗོད་པ་རེད།
ཁོང་གིས་ད་དུང་། ཀྲུང་གོར་མི་རིགས་ས་ཁོངས་རང་སྐྱོང་ལམ་ལུགས་ལག་བསྟར་བྱས་པར་ལོ་རྒྱུས་ཀྱི་ རྨང་གཞི་བརྟན་པོ་ཡོད་ཅིང་།ལམ་ལུགས་འདི་ལག་བསྟར་བྱས་ནས་ལོ་༦༠འཁོར་བའི་རིང་མི་རིགས་སོ་སོའི་འདྲ་མཉམ་ཁེ་དབང་ལ་སྲུང་སྐྱོབ་དང་གྲངས་ཉུང་མི་རིགས་ས་ཁུལ་གྱི་སྤྱི་ཚོགས་དང་དཔལ་འབྱོར་གོང་དུ་སྤེལ་བའི་ཐད་བྱེད་ནུས་གལ་ཆེན་ཐོན་ཡོད་པའི་སྐོར་བརྗོད་པ་རེད།
ཁོང་གིས།བོད་ལྗོངས་དང་ཞིན་ཅང་སོགས་ཀྱི་ས་ཆར་གནད་དོན་རེ་འགའ་ཡོད་མོད།འོན་ཀྱང་དེ་དག་ནི་ཀྲུང་གོའི་མི་རིགས་གནད་དོན་གྱི་ཕྱོགས་གཙོ་བོར་འགྱུར་མི་སྲིད་ལ།གནད་དོན་དེ་དག་ནི་ཀྲུང་གོའི་ཁེ་ཕན་གཙོ་བོ་དང་འབྲེལ་བ་ཆེ་ན་ཡང་། ཀྲུང་གོའི་མི་རིགས་གནད་དོན་གྱི་བརྗོད་བྱ་གཙོ་བོར་འགྱུར་མི་སྲིད་ཅེས་ དང་། ཡང་ཅིག་བརྗོད་ན། ཀྲུང་གོའི་མི་རིགས་ཀྱི་གནད་དོན་གཙོ་བོ་ནི་སྤྱི་ཚོགས་དང་དཔལ་འབྱོར་འཕེལ་རྒྱས་ཀྱི་གནད་དོན་ཡིན་པ་ལས་ཁ་བྲལ་བའི་གནད་དོན་མིན་ཞེས་བཤད་པ་རེད།
ཁོང་གིས་མི་རིགས་ས་ཁུལ་གོམ་གང་མདུན་སྤོས་ཀྱིས་གོང་དུ་འཕེལ་བར་སྐུལ་འདེད་གཏོང་བའི་བྱེད་ཐབས་བཏོན་ནས།སྤྱི་ཚོགས་དང་དཔལ་འབྱོར་གྱི་འཕེལ་རྒྱས་དེ་མི་རིགས་ས་ཁོངས་རང་སྐྱོང་ལམ་ལུགས་རྒྱུན་འཁྱོངས་དང་འཐུས་ཚང་དུ་གཏོང་བའི་དངོས་པོའི་འགན་སྲུང་དུ་འགྱུར་བ་བྱེད་ དགོས་པའི་བསམ་འཆར་བཏོན་པ་རེད། ཞེས་བཀོད་འདུག
འདི་ཡང་གངས་ཕྲུག་ཞིག་གི་བརྩོན་ཤུགས་ལགས་པས་ངས་རབ་ཏུ་དགའ་བའི་ཐེ་བོང་སྒྲིང་བཞིན་ཡོད། ཡིན་ན་ཡང་བྱ་དགའ་འདི་ཁྱེད་ཀྱིས་འཛམ་གླིང་ལ་བོས་པའི་འབོད་སྒྲ་དང་པོ་དེ་ཡིན་པས་དེ་ལས་ཆེ་བའི་འབོད་སྒྲ་ཞིག་ལ་ངས་ངང་སྒུག་བྱས་ནས་ཡོད་དོ།།
དཔལ་ལྡན་རྒྱལ་ལགས་ལ་འཚམས་འདྲིའི་བཀྲ་ཤིས་བདེ་ལེགས་ཞུ་བ་དང་ཆབས་ཅིག ང་ཚོ་བོད་རིགས་ན་གཞོན་ཚང་མས་ཁོང་ལྟ་བུར་ཁ་མིག་ཡར་ལྟ་བྱེད་རྒྱུ་གལ་ཆེར་མངོན།
ཨ་མའི་བུ་ལ་ཡོན་ཏན་ཡོད་ན།
དགའ་ལྡན་འཁྲི་ལ་བདག་པོ་མེད།
བུ་རྒྱོད་པ་དཔལ་ལྡན་རྒྱལ་ལགས་ཀྱིས་སྙན་ནང་འགྲན་བསྡུར་གྱི་ཨང་གསུམ་པ་ཐོབ་པར་རྟེན་འབྲེལ་ཞུ།