གསེར་རྟ་བླ་རུང་ཆོས་སྒར་གྱི་གྲྭ་ངག་ཆུང་ལ་དུས་བཀག་བཙོན་འཇུག་ལོ་བདུན་དང་ཆབ་སྲིད་ཀྱི་ཁེ་དབང་ལོ་གཅིག་བཙན་འཕྲོགས་བྱས་འདུག
ཁུངས་ལྡན་གནས་ཚུལ་འབྱོར་གསལ་ལྟར་ན། གསེར་རྟ་བླ་རུང་ཆོས་སྒར་ནས་ཡིན་པ་གྲྭ་ངག་ཆུང་ ༢༠༠༨ ཕྱི་ཟླ་ ༧ ཚེས་ ༨ ཉིན་སི་ཁྲོན་ཞིང་ཆེན་གྱི་ལྟེ་གནས་ཁྲིན་ཏུའུ་གྲོང་ཁྱེར་ནས་འཛིན་བཟུང་བྱས་པ་དང། ཉེ་བའི་ཆར་དུས་བཀག་བཙོན་འཇུག་ལོ་བདུན་དང། ཆབ་སྲིད་ཀྱི་ཁེ་དབང་ལོ་གཅིག་འཕྲོག་རྒྱུ་བཅས་ཀྱི་ཁྲིམས་ཐག་བཅད་ཡོད་འདུག
ཕྱི་ལོ་ ༢༠༠༨ ཕྱི་ཟླ་ ༧ ཚེས་ ༨ ཉིན་གྱི་དགོང་མོར་ཁྲིན་ཏུའུ་གྲོང་ཁྱེར་དུ་གསེར་རྟ་བླ་རུང་ལྔ་རིག་ནང་བསྟན་སློབ་གླིང་གི་གྲྭ་ངག་ཆུང་དང་། ཁོང་གི་ཕ་གཅིག་གི་སྤུན་མཆེད་རྒན་པ་གྲྭ་བཀྲ་ཕུན། སློབ་གླིང་དེའི་གྲྭ་འགུ་དྲག་བཅས་ཁྲིན་ཏུའུ་གྲོང་ཁྱེར་དུ་སི་ཁྲོན་ཞིང་ཆེན་སྤྱི་བདེ་ཉེན་རྟོག་ཁང་གིས་གསང་བའི་ཐོག་ནས་འཛིན་བཟུང་བྱས་ཡོད་པ་དང༌། སྐབས་དེར་འཛིན་བཟུང་བྱས་པའི་གྲྭ་བཀྲ་ཕུན་དང༌། འགུ་དྲག་གཉིས་རྗེས་སུ་གློད་གྲོལ་བཏང་ཡོད་ནའང༌། གྲྭ་ངག་ཆུང་ལ་ཕྱི་ཕྱོགས་སུ་བོད་ནང་གི་གནས་ཚུལ་ཁྱབ་བསྒྲགས་བྱས་པ་ལ་བརྟེན་ནས་འཇུ་བཟུང་བྱས་པ་ཡིན་ཚུལ་གྱིས་གསང་བའི་ཐོག་ནས་བཀག་ཉར་བྱས་ཏེ་ཉེ་བའི་ཆར་མ་གཏོགས་གཉེན་ཉེ་དང་འབྲེལ་ཡོད་སུས་ཀྱང་ཁོང་གི་གནས་སྟངས་གསལ་པོ་ཤེས་རྟོགས་གང་ཡང་བྱུང་མེད་པ་དང། ཉེ་ཆར་ཤེས་རྟོགས་བྱུང་བའི་སྐབས་ཁོང་ལ་ཡོངས་གྲགས་མིན་པར་གསང་བའི་ཁྲིམས་ཐག་བཅད་ནས་ཟླ་གཉིས་ཙམ་སོང་ཟིན་ཡོད་པ་རེད།
གྲྭ་ངག་ཆུང་ལགས་ནི་ད་ལྟའི་ཆར་རང་ལོ་ ༣༩ ཡིན་པ་དང། ཆོས་རྗེ་མཁན་ཆེན་འཇིགས་མེད་ཕུན་ཚོགས་མཆོག་གི་སྐུ་ཚ་ཡིན་པས་ཆུང་དུས་ནས་བླ་རུང་ཆོས་སྒར་དུ་འཛུལ་ཞུགས་ཀྱིས་ལོ་ཉི་ཤུ་ལྷག་སློབ་སྦྱོང་བྱས་པ་དང༌། བླ་རུང་ཆོས་སྡེའི་ལས་སྣེ་ཆེ་ཆུང་འདྲ་མིན་གྱི་འགན་ཁུར་མྱོང་བ་མ་ཟད། འཇུ་བཟུང་བྱེད་སྐབས་ཀྱང་ཆོས་སྡེ་དེའི་བཟང་སྤྱོད་ལས་ཁང་གི་འགན་ཁུར་བའི་གྲས་སུ་ཡོད་པ་དང། སྐབས་དེར་ཡང་བླ་རུང་ཆོས་སྡེའི་ལས་དོན་ཞིག་གི་ཆེད་དུ་ཁྲིན་ཏུའུ་རུ་ཡོང་བ་ཡིན་འདུག ད་ལྟའི་ཆར་ཁོང་ཁྲིན་ཏུའུ་གྲོང་ཁྱེར་དང་ཧ་ཅང་ཐག་མི་རིང་བའི་ཡ་ཨན་གྱི་བཙོན་ཁང་ཞིག་ཏུ་བཙོན་འཇུག་བྱས་ཡོད་པའི་གནས་ཚུལ་ཐོན་འདུག
གནས་ཚུལ་མཁོ་སྤྲོད་པ་དང་གསར་འགོད་པ་གཉིས་ཀྱི་ངོས་ནས་དེ་ཚོ་གཟབ་
གཟབ་བྱེད་རྒྱུ་གལ་ཆེན་པོ་རེད། དཔེར་ན། འདི་ལོའི་སུམ་ཅུའི་དུས་དྲན་སྐབས་
ཀྱི་གནས་ཚུལ་བསྒྲགས་སྐབས། རྡ་སར་མི་ཆིག་སྟོང་ལས་བརྒལ་བའི་དུས་དྲན་སྲུང་བརྩི་བྱས་རབས་བཤད་བྱུང་།
འདི་དངོས་གནས་བྱས་ན། མི་སྟོང་ཕྲག་བཞི་ནས་ལྔ་བར་ཡོད་ངེས་རེད། དེ་བཞིན་
ནམ་རྒྱུན་༸གོང་ས་མཆོག་གི་གསུང་ཆོས་སྐབས་དང་། རང་གཞུང་གི་་ཚོགས་འདུ་
སོགས་ལ་ཡང་ཆུང་ཆུང་ཉུངཉུང་བྱས་ན་ས་བསྒྲགས་པ་དེ་ཚོ་ཡག་པོ་མི་འདུག། མང་ཉུང་གི་གྲངས་ཀ་ལ་གང་དྲན་དྲན་བྱས་ནས་བཤད་པ་དེ་ཚོ་མཚམས་འཇོག་བྱས་ན་ཡག་པོ་རེད།
རེད།
ངག་ཆུང་ལ་ལོ་དྲུག་གི་ཁྲིམས་ཐག་བཅད་པ་དང། གཞན་ཡང་གསེར་རྟ་གནུབས་ཟུར་དགོན་གྱི་སྤྲུལ་སྐུ་ཞིག་དང་གྲྭ་བ་གཉིས་བཅས་མི་གསུམ་ལ་ལོ་གསུམ་གྱི་ཁྲིམས་ཐག་བཅད་པ་རེད། དེ་བཞིན་དུ་གསེར་རྟ་གོས་རྩ་སྡེ་བའི་གྲྭ་གཡུ་བྷྲུཾ་ལ་ལོ་ལྔ་དང་། ཕ་ཡུལ་གོ་འཇོ་ནས་ཡིན་པའི་གྲྭ་འབུམ་དགའ་ལ་ལོ་ལྔ་དང་། ཕ་ཡུལ་མགོ་ལོག་དཔོན་སྐོར་ནས་ཡིན་པའི་གྲྭ་བ་ཞིག་ལ་ལོ་བཅུ་གཅིག་ལྷག་གི་ཁྲིམས་ཐག་བཅད་པ་དང། ཁོང་ཚོ་ལ་བཙོན་ཁང་དུ་གཅར་རྡུང་དང་མནར་གཅོད་ཚད་མེད་བཏང་སྟེ། ལུས་པོ་སྐྱོན་ཅན་དུ་བཏང་བ་ལྟ་བུ་རེད། གསེར་རྟ་ས་ཆ་གཅིག་ནས་ངས་གོ་ཐོས་ལྟར་ ན་གོང་གི་མི་བདུན་ད་དུང་ཁྲིམས་སུ་ཡོད་ཅིང་། མ་གོ་པ་ཡང་མང་པོ་ཡོད་ངེས་པས་གོ་ཐོས་རྣམས་འདིར་བཤད་པ་ཡིན།
བཙོན་འཇུག་གི་དུས་ཡུན་ལོ་དྲུག་རེད་ཟེར། ཁོང་གར་སོང་ཆ་མེད་དུ་གྱུར་ནས་ད་བར་ལོ་གཅིག་དང་ཟླ་བ་བརྒྱད་ཕྱིན་པ་དང་ལོ་ཕྱེད་ཀྱི་རིང་ཁོང་ལ་བཅར་རྡུང་དྲག་པོ་མི་སྤྱོད་ལས་འདས་པ་བྱས་ཡོད་ཚུལ་བཤད་ཀྱི་འདུག ནག་ཉེས་གཙོ་བོ་གསེར་རྟ་གནུབས་ཟུར་དགོན་པའི་སྤྲུལ་སྐུ་གཅིག་དང་གྲྭ་པ་ཁ་ཤས་ཀྱིས་ ༢༠༠༨ ལོ་ངོ་སྐད་འབོད་དང་སྦྱར་ཡིག་འགྲེམས་སྤེལ་བྱས་པ་དེ་དང་འབྲེལ་བ་ཡོད་ཚུལ་དང་། ཕྱི་ལོགས་སུ་གནས་ཚུལ་མཁོ་སྤྲོད་བྱས་ཡོད་ཅེས་ཉེས་འཛུགས་བྱས་ཡོད།
དེ་རྗེས་དཀར་འོད་ཟུང་ཟད་ཀྱང་མེད་པའི་ཁང་སྟོང་ནག་ཁུང་ཞིག་ཏུ་བཅུག་ནས་ལོ་གཅིག་ལྷག་གི་རིང་ལ་བཞག་པར་བརྟེན་ཉེ་ཆར་ཁོང་གི་སྤེན་མཆེད་དང་འབྲེལ་བ་བྱུང་སྐབས་མིག་གིས་ལམ་ཁ་མཐོང་མི་ཐུབ་པར་ཆགས་ཡོད་ཚུལ་བཤད་ཀྱི་འདུག དེ་མིན་ཕྲའི་གནས་སྟངས་ད་དུང་ཤེས་མི་འདུག
འདི་ནས་དུས་བབ་ཚང་གིས་ལོ་བདུན་ཟེར། ཕ་ཡུལ་ཚང་གིས་ལོ་བདུན་ཟེར། ནོར་ཝེ་ཚང་གིས་ལོ་དྲུག་ཟེར། བང་ཆེན་ཚང་གིས་བདུན་ཟེར། གནས་ཚུལ་སྤྲོད་མཁན་གྱི་མང་གཙོ་དང་འགྲོ་བ་མིའི་ཐབ་ཐང་ཚང་གིས་ལོ་དྲུང་ཟེར། གསར་འགོད་པ་ནོར་པ་རེད་གང་རེད། འདི་ང་ཚོའི་བོད་གྱི་གསར་འགོད་པ་ཚོར་གནས་ཚུལ་ཁུངས་དག་པོ་མེད་པ་དང་རྩད་ཞིབ་བྱེད་གི་མེད་རྟགས་རེད་བསམ་། ཨི་རེད་་་་་་་་
བདེན་དོན་བསྐྱོངས་ན་ཕམ་ཁ་མང་། ང་ཚོ་བོད་ལ་དེ་བས་ཀྱང་མང་ །
ཁོང་སྔ་ལོ་ནས་གོ་ཐོས་མེད་པར་གྱུར། ད་ཆ་གོ་ཐོས་ཤིག་བྱུང་བར་ཡང་དགའ་བ་ཙམ་བྱུང༌། ཡིན་ནའང༌། ཁོང་བཙོན་ཁང་དུ་བཞུགས་དགོས་བྱུང་བ་འདི་བཙན་པོ་དབང་ཡོད་རང་ཆགས་ཡོད། ཡ་ཨན་གྱི་བཙོན་ཁང་ན་བོད་རིགས་ཆབ་སྲིད་བཙོན་པ་མང་པོ་ཞིག་ཡོད་རབས་གོ་ཐོས་བྱུང༌། དེ་ཚོ་བོད་ཀྱི་ས་ཁུལ་སྣ་ཚོགས་ནས་དེར་འཁྲིད་འོང་བ་ཡིན་འདུག་ཟེར་བ་ཞིག་ཀྱང་གོ་རྒྱུ་འདུག