རྒྱ་ནག་གཞུང་གིས་གཞིས་ཀ་རྩེའི་གནམ་ཐང་གི་བསྒྱུར་བཀོད་ལས་རིགས་ཡོངས་སུ་གྲུབ་སྟེ་དངོས་སུ་ཤར་གཏོང་བྱ་རྒྱུ་ཡིན་ཟེར།
ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། སྔར་ལོའི་ཕྱི་ཟླ་ ༤ པའི་ཚེས་ ༢༩ ཉིན་ནས་བཟུང་རྒྱ་གཞུང་གིས་བོད་རང་སྐྱོང་ལྗོངས་གཞིས་ཀ་རྩེ་ས་ཁུལ་ཏུ་མ་དངུལ་རྒྱ་སྒོར་དུང་ཕྱུར་ ༤༨༩ ལྷག་གི་འགྲོ་གྲོན་བཏང་སྟེ། གནམ་ཐང་འཛུགས་སྐྲུན་ལས་གཞི་དངོས་སུ་འགོ་བརྩམས་ཡོད་པ་དང་། ལོ་གཅིག་རིང་གི་འཛུགས་སྐྲུན་ལས་རིམ་ཡོངས་སུ་གྲུབ་ལ་ཉེ་སྟབས། འདི་ལོའི་ཕྱི་ཟླ་ ༡༠ པའི་ནང་འཛུགས་སྐྲུན་ལེགས་འགྲུབ་དང་དངོས་སུ་འགྲུལ་གཏོང་བྱ་རྒྱུ་ཡིན་ཚུལ་བརྗོད་ཡོད་འདུག ས་བབ་ཀྱི་མཐོ་ཚད་ལ་རྨི་ ༣༧༨༢ ཡོད་པའི་གཞིས་ཀ་རྩེའི་ཞི་བདེའི་གནམ་གྲུ་འབབ་ཐང་དེ་ནི་གཞིས་ཀ་རྩེ་གྲོང་ཁྱེར་དང་བར་ཐག་སྤྱི་ལེ་ ༤༨ ཡི་མཚམས་སུ་ཡོད་པ་དང་། ཐེངས་འདིའི་འཛུགས་སྐྲུན་ལས་གཞི་ཡོངས་སུ་གྲུབ་རྗེས་བོད་ལྗོངས་ཀྱི་དམངས་སྤྱོད་གནམ་གྲུ་འབབ་ཐང་ཨང་ལྔ་པ་རུ་བགྲང་གི་ཡོད་འདུག
༢༠༠༡ ལོའི་ཡར་སྔོན་དུ་ལྷ་སའི་ནང་གོང་དཀར་གནམ་ཐང་དང་ཆབ་མདོ་གནམ་ཐང་གཉིས་ལས་མེད་ཀྱང་། ཕྱིས་སུ་འཛུགས་སྐྲུན་གྱི་གཞི་ཁྱོན་ཆེ་རུ་བཏང་སྟེ། ཉིང་ཁྲིའི་སྨན་གླིང་གནམ་ཐང་དང་ཆབ་མདོའི་སྤང་མདའ་གནམ་ཐང་། མངའ་རིས་གནམ་ཐང་སོགས་བསྟུད་མར་གསར་འཛུགས་དང་ལས་གཞི་ཡོངས་སུ་གྲུབ་ཡོད་པར་མ་ཟད། འདི་ལོ་ཕྱི་ཟླ་ ༧ པའི་ཚེས་ ༡ ཉིན་ནས་བཟུང་གནམ་གྲུ་དངོས་སུ་འགྲུལ་བཞུད་བྱ་འཆར་ཡོད་འདུག་ལ། རྒྱ་ནག་གི་གྲོང་ཁྱེར་ཁོན་མེན་ནས་ལྷ་ས་བར་གྱི་མཁའ་ལམ་སླར་གསོ་ཡོངས་སུ་གྲུབ་སྟེ། ཉེ་བའི་དུས་ནས་བཟུང་ཉིན་རེར་ཐེངས་རེར་འགྲུལ་བཞུད་ཀྱིས་རྒྱ་རིགས་མང་པོ་དབོར་འདྲེན་བྱེད་ཀྱིན་ཡོད་འདུག
ཡག་པོ་འདུག་རྗེས་མ་བོད་ལ་འགྲོ་ན་བདེ་པོ་ཡོད་རེད།
ཡག་པོ་རེད་བོད་རྒྱ་གཉིས་ཀྱི་གཙོའི་སྐུ་མགྲོན་ཚོ་སྟབས་བདེ་བཟོས་ཡོད་པ་འདྲ།
དེ་རིང་ཞོགས་པ་རྒྱ་གར་དུས་བབ་ཚགས་ཤོག་(The Times of India)མདུན་ངོས་སུ་” རི་རྒྱལ་ཇོ་མོ་གླང་མ་ནས་རྒྱང་ཐག་ཀི་ལོ་མི་ཊར་ ༡༠༠ ན་ཡོད་པའི་རྒྱ་ནག་གི་ཞི་བདེ་གནམ་ཐང།་” (China’s ‘Peace’ airport 100km from Mt Everst) ཞེས་གོ་བརྗོད་དུ་འཁོད་པའི་གནས་ཚུལ་སྤེལ་འདུག སྔར་རྒྱུན་ཚགས་ཤོག་དོ་སྣང་ཆེན་པོས་ཚགས་ཤོག་བཀླགས་པ་བརྒྱུད། གོང་གི་གསར་འགྱུར་ནང་དེ་ལྟར་འཁོད་འདུག ༼གནམ་ཐང་འདིས་རི་འཛེགས་རུ་ཁག་ལས་གཞན་པ་བཀྲ་ཤིས་ལྷུན་པོ་དགོན་པར་གནས་བསྐོར་མང་པོ་འདྲེན་རྒྱུའི་རེ་སེམས་བཅངས་བཞིན་ཡོད། དེ་ཡང་དགོན་པ་དེ་ནི་ཉེ་འཆར་རྒྱ་ནག་མི་མང་འཐུས་ཚོགས་ཀྱི་ཚོགས་གཙོ་བསྐོ་བཞག་བྱུང་བ་པཎ་ཆེན་རིན་པོ་ཆེའི་གདན་ས་རེད། ཞེས་དང། མུ་མཐུད་ནས།
པཎ་ཆེན་རིན་པོ་ཆེ་ནི་བཙན་བྱོལ་ན་ཡོད་པའི་ཏཱ་ལའི་བླ་མར་ཐ་དད་གཅོག་བྱེད་ཀྱི་ལྡེ་མིག་ངོ་མ་རེད། ཅེས་གསལ་འདུག