དེ་རིང་ཕྱི་དྲོར་ཅ་ཆིན་ལེན་གྱིས་ཕྱི་རྒྱལ་དུ་ཡོད་པའི་བོད་རིགས་སྤུན་ཟླས་རྒྱལ་ནང་དུ་མྱ་ངན་ཞུ་བ་དང་ཞལ་འདེབས་འབུལ་བར་ཡོང་བའི་རེ་བ་བཏོན་ཚེ། ཁོ་ཚོའི་ལུགས་མཐུན་གྱི་རེ་བར་རྒྱུས་ལོན་བྱས་ཏེ་དགོས་ངེས་ཀྱི་རོགས་རམ་བྱེད་དགོས་ཞེས་བཤད་འདུག
དེ་རིང་ཕྱི་དྲོའི་ཆུ་ཚོད་ ༧ དང་སྐར་མ་ ༣༣ སྟེང་མཚོ་སྔོན་བོད་སྐད་རླུང་འཕྲིན་ཁང་གིས་ཐེངས་འདིར་ཆེད་གཉེས་བྱས་པའི་ ༧་༡ ས་འགུལ་ཞེས་པའི་ཆེད་གཉེར་དྲ་ཚིགས་སུ་གནས་ཚུལ་སྤེལ་བ་ལྟར་ན། རྒྱ་ནག་ཆབ་སྲིད་ཅུའི་རྒྱུན་ལས་ཨུ་ཡོན་དང་རྒྱལ་ཡོངས་སྲིད་གྲོས་ཀྱི་མགོ་འཛིན་ཅ་ཆིན་ལིན་གྱིས་ཚེས་ ༡༩ ཉིན་མགོ་འཛིན་མཛད་དེ། ཀྲུང་དབྱང་འབྲེལ་ཡོད་སྡེ་ཁག་གི་འགན་ཁུར་བའི་གྲོས་ཚོགས་བསྡུས་ནས། ཚེས་བཅུ་བདུན་ཉིན་གྱི་ཀྲུང་དབྱང་ཆབ་སྲིད་ཅུའི་རྒྱུན་ལས་གྲོས་ཚོགས་ཀྱི་དགོངས་དོན་བརྒྱུད་སྒྲོག་བྱས་པ་དང་། ཕྱོགས་སོ་སོའི་ནུས་པ་བཟང་པོར་བཏོན་ནས་མཚོ་སྔོན་ཡུལ་ཤུལ་ས་འགུལ་གྱི་གནོད་སེལ་རྒུད་སྐྱོབ་དང་མཐུན་སྒྲིལ་བརྟན་འཇགས་བྱ་བར་བཀོད་སྒྲིག་བྱས་སྐོར་བཀོད་འདུག གསར་འགྱུར་དེའི་ནང་མུ་མཐུད་དེ་བཀོད་དོན། ཅ་ཆིན་ལིན་གྱིས་འཐབ་ཕྱོགས་གཅིག་གྱུར་གྱི་ས་འགུལ་གནོད་སེལ་རྒུད་སྐྱོབ་ཁྲོད་ཀྱི་ནུས་པ་སྔར་ལས་བཟང་པོར་འདོན་དགོས་ལ། རིམ་པ་སོ་སོའི་འཐབ་ཕྱོགས་གཅིག་གྱུར་དང་མི་རིགས། ཆོས་ལུགས་སྡེ་ཁག་བཅས་གནོད་འཚེ་ཐེབས་སའི་རིགས་སོ་སོའི་མང་ཚོགས་དང་དགོན་སྡེ། ཆོས་ལུགས་ལས་རིགས་ཀྱི་མི་སྣ་བཅས་ཀྱི་ཁྲོད་དུ་སོང་ནས་གནས་ཚུལ་ལ་རྒྱུས་ལོན་བྱེད་དགོས་ཤིང་། འབྲེལ་ཡོད་སྡེ་ཁག་ལ་མཐུན་སྦྱོར་བྱེད་པ་དང་། མང་ཚོགས་དང་དགོན་པ། གྲྭ་བཙུན་དང་ཇོ་མོ་བཅས་རྩ་འཛུགས་བྱས་ཏེ་རྒུད་སྐྱོབ་དང་རང་སྐྱོབ་བྱེད་དགོས་པར་མ་ཟད། གཞན་ལ་རོགས་རམ་བྱེད་དགོས་པ་དང་། ས་ཆ་སོ་སོའི་དགོན་པ་དང་། གྲྭ་བཙུན། ཇོ་མོ་བཅས་ཀྱིས་འདས་པོ་རྣམས་ལ་སྨོན་ལམ་གསུང་བའི་བྱ་འགུལ་སྤེལ་པར་ཁྲིད་སྟོན་བྱེད་དགོས་ཞེས་གསལ་ཡོད།
ལྷག་པར་དུ་ཐེངས་འདིར་ཅ་ཆིན་ལེན་གྱིས་བཤད་རྒྱུར། ཕྱི་རྒྱལ་དུ་ཡོད་པའི་བོད་རིགས་སྤུན་ཟླས་རྒྱལ་ནང་དུ་མྱ་ངན་ཞུ་བ་དང་ཞལ་འདེབས་འབུལ་བར་ཡོང་བའི་རེ་བ་བཏོན་ཚེ། ཕྱི་རྒྱལ་དུ་ཡོད་པའི་རང་རྒྱལ་གྱི་གཞུང་ཚབ་ཁང་གིས་ལྷག་བསམ་རྣམ་དག་གིས་སྣེ་ལེན་བྱེད་དགོས་ཤིང་། གནོད་སེལ་རྒུད་སྐྱོབ་དང་རྒྱལ་ནང་གི་གནས་ཚུལ་ངོ་མ་མཚམས་སྦྱོར་བྱེད་དགོས་ལ། ཁོ་ཚོའི་ལུགས་མཐུན་གྱི་རེ་བར་རྒྱུས་ལོན་བྱས་ཏེ་དགོས་ངེས་ཀྱི་རོགས་རམ་བྱེད་དགོས་ཞེས་ནན་གྱིས་བསྟན། ཞེས་གསལ་འདུག
ཕྱི་ཚེས་ ༡༧ ཉིན་༧གོང་ས་མཆོག་གིས་ཐེག་ཆེན་ཆོས་གླིང་གཙུག་ལག་ཁང་དུ་གསར་འགོད་གསལ་བསྒྲགས་ཤིག་བསྐྱངས་ཏེ། ཁོང་ཐེངས་འདིའི་ས་ཡོམ་བྱུང་སར་ངོ་བསྐྱོད་གནང་སྟེ། མང་ཚོགས་ཀྱི་རེ་འདོད་བསྐངས་ཏེ་སེམས་གསོ་བྱ་རྒྱུའི་འདུན་པ་ཤིན་ཏུ་ཆེ་ཞེས་གསུངས་ཡོད།
ཁོང་གིས་ད་དུང་། ཐེངས་འདིར་དམིགས་བསལ་བོད་རིགས་ཀྱི་ས་ཁུལ་དང་ལྷག་པར་ཞིང་གཤེགས་༧པཎ་ཆེན་རིན་པོ་ཆེ་མཆོག་དང་ངེད་གཉིས་སྐྱེས་སའི་ཕ་ཡུལ་ཡིན་སྟབས། ས་གནས་ས་ཐོག་གི་རེ་བ་ལྟར་འགྲོ་ཐུབ་ན་བསམ་པའི་རེ་བ་ཡོད་པ་དང་། མི་མང་གི་རེ་འདོད་ལྟར་འགྲོ་ཐུབ་པ་ཡིན་ན། གཞན་སྒྲུབ་མི་ཐུབ་ཀྱང་མི་མང་པོ་ཞིག་གི་སེམས་སུ་སྤོབས་པ་སྐྱེད་པ་དང་སེམས་ཀྱི་སྡུག་བསྔལ་ཆུང་དུ་ཡོང་ཐུབ་པ་ཞིག་བྱ་ཐུབ་ཀྱི་རེད་བསམ་ལ། ང་རང་གིས་ཀྱང་རེ་བ་རྒྱག་གིན་ཡོད། ཅེས་གསུངས་ཡོད།
དེ་བཞིན་དེ་རིང་ཕྱི་དྲོར་ཅ་ཆིན་ལེན་གྱིས་བཤད་པའི་སྐད་ཆ་འདིས་ཕྱི་རྒྱལ་དུ་ཡོད་པའི་བོད་མི་སུ་འདྲ་ཞིག་ཡིན་རུང་། དབྱེ་བཀར་མེད་པར་ཐེངས་འདིར་ས་ཡོམ་གྱིས་གནོད་སྐྱོན་ཐེབས་པའི་ས་ཁུལ་དུ་ཡོང་ཆོག་པ་བསྟན་ཡོད་མོད། ཞིབ་ཕྲའི་གནས་ཚུལ་གང་ཡང་གསེད་དཀྲོལ་བྱས་མི་འདུག
བཀྲ་ཤིས་བདེ་ལེགས།
ཆབ་སྲིད་ཀྱི་གནས་སྟང་ཞིག་གི་ཐོག་ནས་༧རྒྱལ་བ་ཀརྨ་པ་མཆོག་བོད་ལ་ཕེབས་ན་བདེ་པོ་ཞིག་ཡོད་ན་་་་་་་་་གོང་ས་མཆོག་ཕེབས་ཐུབ་ན་ལས་མ་བྱུང་ན་ས་སྐྱ་༧གོང་མ་རིན་པོ་ཆེ་ཕེབས་ཐུབ་ན་གང་འདྲ་འདུག་་་་་་་་་་་་་་
ཤུལ་ལུས་མི་མང་གི་རེ་འདུན་ལྟར་༸གོང་ས་མཆོག་ཕེབས་མ་ཐུབ་ནའང་༸རྒྱལ་དབང་ཀརྨ་པ་ཕེབས་ཐུབ་ཐབས་བྱེད་དགོས་འདུག
http://picasaweb.google.com.au/aenpokyabgon/AllKyegu2010EarthquakePhotos#
འདི་ཟླ་ཕྱི་ཚེས་༢༡ཉིན་གྱིས་ཨ་རི་རླུང་འཕྲིན་གིས་ཀུན་གླེང་ནང་ལ་ཐེ་ཝན་དོན་གཅོད་ཟླ་བ་ཚེ་རིང་ལགས་ནས་གནད་དུ་འཁེལ་བའི་བཀའ་མོལ་ཞིག་གནང་སོང་བ་དེ་ནི་ས་ཡོམ་ཁྲོད་ད་ཕྲུག་རྣམས་ས་གནས་དེ་རང་ལ་གནས་དགོས་པ་གསུང་སོང་དེ་ནི་ཧ་ཅང་གལ་ཆེ་ཡིན།
རྗེས་མ་ཕྱི་ཚེས་༢༣ཉིན་ཀུན་གླེང་གྲོས་མགྲོན་དུ་རྒྱ་གར་བཞུགས་པའི་གྲའུ་དཔོན་རིན་ཆེན་ཚེ་རིང་ལགས་ངེས་པར་དུ་གདན་འདྲེན་གནང་རོགས་ཞུ། གང་ཡིན་ཟེར་ན་ཁོང་ནི་༡༩༥༩སྔོན་ལ་སྐྱེ་རྒུ་མདོ་ཡི་དཔོན་པོ་ཡིན་ལ་རྗེས་སུ་ཡང་ཡང་དེ་ཕྱོགས་ལ་ཕེབས་ཡོད་རེད་ཞུ།།
ད་ལྟ་རྒྱ་མི་རིགས་ཀྱི་གོ་སྐབས་འདི་ལྟ་བུ་སྤྲད་དུས་བོད་དབུས་གཞུང་དེ་གཉིད་ཁུག་ནས་བསྡད་ཡོད་པ་འདྲ། གང་ལྟར་རུང་གོང་ས་མཆོག་ཕེབས་མ་ཐུབ་ཀྱང་བོད་གཞུང་གི་སྐུ་ཚབ་ཞིག་བཏང་ན་ཅི་མ་རུང། དེ་ནི་སྐྱེ་གུ་མདོའི་མི་མང་རྣམས་ལ་སེམས་གསོ་ཆེན་པོ་ཞིག་ཐོབ་སྲིད། དེ་ལྟར་ཕྱིའི་རྒྱལ་ཁབ་རྣམས་ཀྱི་ཀྱང་མཐོང་སྣང་ཡག་པོ་ཞིག་ཡོང་སྲིད་་་་་་་་་་་་་་་་་་
དེ་དོན་བོད་བཙན་བྱོལ་གཞུང་ནས་ཐུགས་བསམ་བཞེས་དགོས་
རྒྱ་ནག་གིས་གསལ་འགྱུར་འདི་འདྲ་གལ་ཆེ་ཞིག་བསྒྲགས་ཡོན་ན་ཡང་
ད་དུང་བཙན་འབྱོལ་གཞུང་དང་གཞུང་འབྲེལ་མ་ཡིན་པའི་ཚོགས་པ་
ཁག་རྣམས་གྲ་བསྒྲིགས་གང་ཡང་མེད་པ་ཁུ་སིམ་མེ་འདི་འདྲ་བྱེད་ནས་སྡོད་འདུག་ན་
རྒྱ་ཕྱོགས་ནས་གསར་བསྒྲགས་སྤེལ་ནས་ཉིན་གསུམ་འགྲོ་ཟིན་པས་མི་འགྱངས་བ་
རྒྱ་ཕྱོགས་ནས་སྐད་ཆ་ངན་པ་གང་ཞིག་བཤད་ཡོང་མི་ཤེས་ལགས་
ད་རེ་གོ་སྐབས་འདི་ལ་གཞུང་དང་གཞུང་འབྲེལ་མ་ཡིན་ཁྱད་པ་དུ་གཞོན་ནུ་ལྷན་ཚོགས་དང་རང་དབང་སློབ་ཕྲུག་ཚོགས་སོགས་ཀྱིས་གོ་སྐབས་འདི་ཆོས་ཟད་སུ་མ་ཤོར་བ་བྱེད་དགོས་
འགའ་རེས་ད་སྐབས་བཙན་བྱོལ་གཞུང་ཁུ་སིམ་སིམ་དུ་བཞུགས་པ་འདི་གཞུང་གིས་རོགས་བྱེད་མ་ཐུབ་ཀྱི་པས་རེད་གསུངས། སུས་ཀྱང་བཙན་བྱོལ་གཞུང་གིས་ཨ་སྒོར་དུང་ཕྱུར་མང་པོས་རོགས་སྐྱོར་དགོས་བཤད་ཀྱི་མེད་ལ་བཀའ་ཁྲིས་སྣེ་འཁྲིད་དེ་སྐུ་ངོ་ཡོད་ཚད་གོད་ཆག་ཕོགས་ཡུལ་དུ་ཕེབས་ནས་ས་རྐོ་རྡོ་སློགས་བྱེད་དགོས་ཀྱི་རེད་དེ་བས་བཤད་མེད། འོན་ཏང་བོད་ཁ་དཔེ་ལ། ཡོད་པོས་རྟ་ཕོ་རྟ་ཕོ། མེད་པོས་ར་ཕོ་རྟ་ཕོ། ཟེར་བ་ལྟར་སེམས་པ་མཚོན་བྱེད་དུ་གང་དྲག་ཅི་དྲག་གིས་གང་ས་ཅི་ཐད་ནས་རོགས་རམས་བྱས་ན་མིའི་སེམས་ལ་ཚོར་བ་ཤུགས་ཆེན་སླེབས་ཀྱི་རེད། ནམ་རྒྱུན་སྐད་ཆ་སྙན་མོ་ཇི་ལྟར་བཤད་ཀྱང་མི་ལ་དཀའ་སྡུག་མྱོང་སྐབས་ཀྱི་ཚོར་བ་ནི་ཧ་ཅང་རྣོ་པོ་དང་ནམ་ཡང་རྗེད་མི་ཐུབ་ཞིག་ཡིན་པ་ནི་རང་བཞིན་ཀུན་གྱིས་ཤེས་གསལ་རེད། དེས་ན་ནམ་རྒྱུན་གྲོགས་ཀྱིས་རོགས་བརྒྱ་བྱས་པ་ལས་དཀའ་སྡུག་སྐབས་དགྲ་ཡིས་རོགས་གཅིག་བྱས་པ་དགའ་ཟེར་བཞིན་ད་སྐབས་ཤུལ་ལུས་མི་མང་གི་སེམས་ལ་བག་ཆགས་གཞག་ཧ་ཅང་སླ་བོ་རེད།
【多維新聞】青海玉樹地震已過去整整一周，地震遇難人數已增至2,064人，中國將4月21日定為全國哀悼日以悼念地震遇難者，官方同時婉拒達賴喇嘛前往災區，明確拒絕國際救援隊入藏救援，并否認了此前境外媒體关于地震遇難人數數据不實的說法。
ཁ་བའི་འོད་མདངས la,
I can understan your feeling.
In fact,The staff of Tibetan government in exile and library are love India and Indian heroes but they do not like Tibet and Tibetan people in Tibet.