བདུན་ཚིགས་གཉིས་པ་སྲུང་གཙི།

ཟམ་གདོང་གིས་མྱ་ངན་སྲུང་བརྩི་གང་ཡང་བྱ་བརྩི་མེད་ཀྱང་། དེ་ནི་སྤྱི་འཐུས་རྒྱུན་ལས་ཀྱིས་ཞུ་བསྐུལ་བྱས་འདུག དེ་དུས་ཟམ་གདོང་ཡ་ལན་གནང་མི་འདུག སྤྱི་འཐུས་ཀྱིས་བསྐྱར་དུ་སྐུ་སྒེར་ཡིག་ཚང་ལ་ཞུས་འདུག་ སྐུ་སྒེར་ཡིག་ཚང་གིས་བཀའ་ཤག་ཞུ་རོགས་གསུང་འདུག ཡང་བསྐྱར་བཀའ་ཤག་ལ་ཞུ་སྐབས་བཀའ་ཤག་གིས་བཀའ་གནང་དོན། གདན་ཚིགས་གཉིས་པ་སྐབས་སུ་སྐྱབས་མགོན་རིན་པོ་ཆེ་ལ་བརྟན་བཞུགས་ཕུལ་གྱི་ཡོད། དེ་དུས་གཙུག་ལག་ཁང་དུ་མཆོད་འབུལ་ཞིག་བྱེད་ན་འཐུས་ཞེས་བཤད་འདུག གཞུང་འབྲེལ་གྱི་ལས་ཁུངས་ཁག་སྒོ་བརྒྱབ་པ་སོགས་གནང་མི་དགོས་གསུང་འདུག གནས་ཚུལ་འདི་ནི་ཕྲན་གྱི་ངོ་ཤེས་སྤྱི་འཐུས་ཞིག་ལ་ཕྲན་གྱིས་སྐྱོན་བརྗོད་བྱེད་སྐབས་་སུ་བཤད་བྱུང་།

༤༽སུ་ཞིག་གི་རྨི་ལམ་ལ་ཤར་མེད།།

ཁ་སང་གི་མཛེས་སྡུག་གི་སྐྱེ་རྒུ།།
དེ་རིང་གི་ཐལ་རྡུལ་གྱི་ཕུང་པོ།།
སུ་ཞིག་གི་རྨི་ལམ་ལ་ཤར་མེད།།
རང་བྱུང་གི་གནོད་འཚེ་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་སྤྲོ་སྤྱིད་ཀྱི་ཡུལ་མི།།
དེ་རིང་གི་ཤི་གསོན་གྱི་མྱ་ངན།།
སུ་ཞིག་གི་བསམ་ཡུལ་ལ་བྱུང་མེད།།
མི་རྟག་པའི་ཆོས་ཉིད་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་ནང་མི་ཡི་བདེ་སྐྱིད།།
དེ་རིང་གི་མུན་ནག་གི་རླུང་འཚུབ།
སུ་ཞིག་གིས་སྔོན་དཔག་ཙམ་བྱས་མེད།།
འཇིག་རྟེན་གྱི་ཆོས་ཉིད་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་གཅེས་ཕྲུག་གི་བུ་ཆུང་།།
དེ་རིང་གི་དྭ་ཕྲུག་གི་སྡུག་བསྔལ།།
སུ་ཞིག་གི་ལུང་བསྟན་ལ་བབ་མེད།།
གློ་བུར་གྱི་རྐྱེན་ངན་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་བྱམས་ལྡན་གྱི་ཕ་མ།
དེ་རིང་གི་མྱ་ངན་གྱི་མིག་ཆུ།
སུ་ཞིག་གི་རྣམ་རྟོག་ལ་བྱུང་མེད།།
ལྡོག་མེད་ཀྱི་གོད་ཆག་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་འཇོ་སྒེག་གི་ན་ཆུང་།།
དེ་རིང་དུར་ཁྲོད་ཀྱི་ཕུང་པོ།།
སུ་ཞིག་གི་རྨི་ལམ་ལ་ཤར་མེད།།
སྐྱེ་འཆི་ལ་ངེས་མེད་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་སྟག་ཤར་གྱི་ལང་ཚོ།།
དེ་རིང་གི་ཕུང་སྲེག་གི་མེ་ལྕེ།།
སུ་ཞིག་གི་རྟོག་ཡུལ་ལ་བྱུང་མེད།།
སྔོན་བསགས་ཀྱི་ལས་འབྲས་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་ལྷིང་འཇགས་ཀྱི་དགོན་པ།།
དེ་རིང་གི་གྱང་རོ་ཡི་ལྷ་རྟེན།།
སུ་ཞིག་གི་མོ་རྩིས་ལ་བབ་མེད།།
ཆགས་འཇིག་གི་གནས་སྟངས་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་དྲོད་སྐྱིད་ཀྱི་མལ་གདན།།
དེ་རིང་གི་གྲང་རླུང་གི་གཅར་རྡུང་།།
སུ་ཞིག་གི་བསམ་བློ་ལ་འཁོར་མེད།།
སྐྱིད་སྡུག་གི་འགྲོ་འོང་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ སང་གི་ལུས་སེམས་ཀྱི་སྤྲོ་སྣང་།།
དེ་རིང་གི་ལུས་སེམས་ཀྱི་རྨ་ཁ།།
སུ་ཞིག་གིས་རྗེས་དཔྱོད་ཙམ་བྱུང་མེད།།
འཇིག་རྟེན་གྱི་ཆག་སྒོ་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་འབྱོར་ལྡན་གྱི་ཁྱིམ་བདག།
དེ་རིང་གི་རོགས་སྐྱོབ་ཀྱི་འཚོ་བ།།
སུ་ཞིག་གི་བསམ་ཡུལ་ལ་བྱུང་མེད།།
རྟེན་འབྱུང་གི་རྣམ་གཞག་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་སློབ་གྲྭ་ཡི་དཔེ་དེབ།
དེ་རིང་གི་བདག་མེད་ཀྱི་ཤོག་སྙིགས།།
སུ་ཞིག་གི་བློ་ཡུལ་ལ་ཤར་མེད།།
གློ་བུར་བའི་གོད་ཆག་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་དགེ་རྒན་གྱི་སློབ་ཁྲིད།།
དེ་རིང་གི་སློབ་མཚམས་ཀྱི་མྱ་ངན།།
སུ་ཞིག་གི་སྣང་བ་ལ་བྱུང་མེད།།
ངེས་མེད་ཀྱི་སྣང་ཚུལ་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་མཛའ་བརྩེ་ཡི་སྙིང་གཏམ།།
དེ་རིང་གི་སྡུག་བསྔལ་གྱི་ན་ཟུག
སུ་ཞིག་གི་རྨི་ལམ་ལ་ཤར་མེད།།
མི་རྟག་པའི་གནས་ལུགས་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་དགའ་སྐྱིད་ཀྱི་གླུ་དབྱངས།།
དེ་རིང་གི་མྱ་ངན་གྱི་སྨེ་ངག།
སུ་ཞིག་གི་རྨི་ལམ་ལ་ཤར་མེད།།
མི་ཚེ་ཡི་བདེ་སྡུག་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཁ་སང་གི་རྒྱུས་མེད་ཀྱི་མི་སྣ།།
དེ་རིང་གི་ཁྱིམ་གཅིག་གི་འཚོ་བ།།
སུ་ཞིག་གི་རྨི་ལམ་ལ་ཤར་མེད།།
གྱེས་མཇལ་གྱི་ངང་ཚུལ་འདི་ཡ་མཚན།།
ཨོྃ་མ་ཎི་པདྨེ་ཧཱུྃ

ཚུལ་འདི་འདྲ་གློ་བུར་མཐོང་དུས།།
སེམས་སྐྱོ་བའི་མིག་ཆུ་འཆོར་ཡང།།
བདེན་བཞི་ཡི་འཇུག་ལྡོག་བསམ་ན།།
སྔོན་བསགས་ཀྱི་ལས་ལས་མ་འདས།།

ཨོྃ་མ་ཎི་པདྨེ་ཧཱུྃ

འགྲོ་བ་སུ་ཞིག་ཡིན་ཡང་མི་འདོད་སྡུག་བསྔལ་མགོ་ཐོག་ལ་སླེབས་པའི་སྐབས་དཔའ་ཞུམ་དང་ཡིད་ཆད་ངང་མི་སྡོད་པར་
བསླུ་མེད་ལས་འབྲས་ཆོས་ཉིད་ལ་བསམ་བཞིན།།
རྐྱེན་ངན་གྲོགས་སུ་འཁྱེར་བའི་བློ་སྟོབས་ཤིག་ཅི་ནས་ཀྱང་སྐྱེ་ཐུབ་ལ་འབད་རྒྱུ་ནི་ཧ་ཅང་གལ་ཞིང་དེ་
སེམས་ཀྱི་རྨ་ཁ་གསོ་བའི་སྨན་མཆོག་ཡིན་ཏེ། དེ་ཡང་ཇི་སྐད་དུ། སྣོད་བཅུད་སྡིག་པའི་འབྲས་བུས་ཡོངས་གང་སྟེ།།མི་འདོད་སྡུག་བསྔལ་ཆར་ལྟར་བབ་གྱུར་ཀྱང།།ལས་ངན་འབྲས་བུ་ཟད་པའི་རྒྱུར་མཐོང་ནས།།རྐྱེན་ངན་ལམ་དུ་ལོངས་པར་བྱིན་གྱིས་རློབས།།ཞེས་སོ།

ཆབ་སྲིད་དཔྱད་བརྗོད་པ་ཞིག་གིས་སྔར་བརྗོད་པ་ལྟར། བཙན་བྱོལ་བོད་གཞུང་ནི་ཆབ་སྲིད་ལས་སྒོ་གང་གི་ཐད་དུས་རྒྱུན་རྒྱ་ནག་གཞུང་དང་གོམ་གང་གིས་རྗེས་ལུས་ཐེབས་ཀྱིན་འདུག ཅེས་བརྗོད་པ་ལྟར་ཆབ་སྲིད་ཀྱི་ཐིག་ཤིང་ལས་ད་ཐེངས་ཡང་བྱེད་སྒོ་འདི་རྗེས་ལུས་ཐེབས་སོང་། ཡིན་ཡང་། དགེ་རྩའི་དོན་དུ་བསྔོ་བ་ལ་སྔ་རྗེས་ཡོད་མི་སྲིད་པས། སྐྱེ་འཆིའི་སྡུག་བསྔལ་སེལ་གྱུར་དེ་དགེ་བའི་ལམ་སྣ་ཟིན་པར་སྨོན། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ་་་་་་་་་

སྟོབས་ནི་མགོ་འཐོམས། བོད་གཞུང་ནི་ཉལ་ཁུག སྐྱེ་རྒུ་ནི་ཡུལ་ཤུལ་དུ་འགྱུར། གྲ་བ་དང་ཨ་ནི་འཆམ་ས་བརྒྱབ། བོད་གཞུང་དམངས་གཙོ་ཡིན། བཀའ་བློན་གི་བཀའ་སྒུག སྤྱི་མཐུས་གིས་སྤྱི་སེམས་བརྗེད། ཟློས་གར་ཚོགས་པའི་གཞས་བཏང་། ལོ་གསར་ལ་མྱ་ངན་ཞུ། དེ་ལ་བོད་མི་ཚང་མ་དངོས་གནས་མགོ་འཐོམས། ཧ་ཧོ་ས་མ་ཡ་རྒྱ།།

སྐྱོན་གྱི་མ་གོས་སྐུ་མདོག་དཀར། རྫོགས་སངས་རྒྱས་ཀྱི་དབུ་ལ་བརྒྱན།
ཐུགས་བརྗེའི་སྤྱན་གྱིས་འགྲོ་ལ་གཟིགས། སྤྱན་རས་གཟིགས་ལ་ཕྱགས་འཚལ་ལོ།
ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།

སྤྱིར་བཏང་བོད་པའི་ལུགས་སྤྲོལ་ལྟར་ན་ཞག་གསུམ་པ་དང་བདུན་གསུམ་པ་བདུན་པ་སོགས་མཆོད་འབུལ་རྒྱས་པ་བྱས་སྤྲོལ་ཡོད་ལ་ འོན་ཀྱང་བཙན་བྱོལ་གཞུང་གི་རྒྱ་ནག་གཞུང་ལ་གོ་སྐབས་དེ་ཕུལ་ནས་ རྒྱ་ནག་གཞུང་གིས་སྲུང་བརྩི་ཞུས་པའི་རྗེས་སུ་བདུན་ཚིགས་གཉིས་པའི་སྐབས་སུ་སྲུང་བརྩི་མ་ཞུས་ཐབ་མེད་ཆག་སོང་
འོན་ཀྱང་འདས་གྲོངས་སུ་སོང་བའི་སྤུན་ཟླ་རྣམས་ཀྱི་ཆད་དུ་སེར་སྐྱ་གང་མང་ཞིག་ཕེབ་རོག་གནང་
ང་ཚོ་ཟངས་གདུང་བླ་མ་མཁས་ཆེ་སོང་བའི་མི་མང་གི་བདེ་སྡུག་ལ་གཟིགས་པའི་དུས་ཚོད་ཡོད་ནི་མ་རེད་ད།།

ཞུ་མི་ཕོད་ཀྱང་མི་ཞུ་བ་བསྡོད་མི་ཐུབ་འདུག ༧གོང་ས་མཆོག་ལ་བརྟན་བཞུགས་འབུལ་བ་དེ་ལ་དགའ་པོས་པ་ཞིག་ཡིན་ཡང་ཇོ་ནང་གི་ཐོབ་ཐང་རག་ཡག་གིས་ཆེད་དུ་ཡིན་དུས་དགོངས་པ་བཞེས་རོགས་ཞུ། ས་སྐྱ་ནང་ཁུལ་ལ་ད་ལྟའི་ཆར་རྙོག་གྲ་མེད། དེ་ལ་གཞི་མ་བཞག་རོགས། སྔོན་མི་རྩོམ་དགུ་རྩོམ་ཇོནང་སྨོན་ལམ་སྐབས་འདོན་ཡག་གཞན་སྟོང་པ་ཡི་བསྟན་པ་འབར་འགྱུར་ཅིག་ཞེས་བྲིས་ཡོད་དེ་ནི་པཎ་ཆེན་ཤཀྱ་མཆོག་ལྡན་གི་དགོངས་པ་ཡིན་དུས་པཎ་ཆེན་ཤ་མཆོག་ཁོང་ས་སྐྱ་པའི་སྐྱེས་ཆེན་མ་ཡིན་པ་ཁོངས་གང་ཡོད་ལ། སྐུ་ཚེ་རིང་དགོངས་པ་བཞེས་རོགས་ཞུ།།

སྲུང་གཙི། ཞེས། གཙི་འབྲི་སྟངས་འདིའི་ཁུངས་ག་རེ་ཡོད་དམ།
རྒྱ་བོད་ཚིག་མཛོད་མེན་མོ་ལས།
སྲུང་བརྩི། ཁྲིམས་ལུགས་སྲུང་ཞིང་བཀའ་ལ་བརྩི་འཇོག སྲིད་ཇུས་ལ་སྲུང་བརྩི་བྱེད་པ། སྲུང་བརྩི་ཞུ་བ། ཞེས་གསུངས་འདུག་པས། གསུམ་པ་དེ་མི་འཐད་པའི་ཁུངས་གང་ཡོད་དམ།