བོད་ཀྱི་དཔེ་མཛོད་ཁང་གིས་མི་ལོ་སུམ་ཅུའི་རིང་སྒྲ་འཇུག་ཉར་ཚགས་བྱས་པའི་སྔོན་བྱོན་དམ་པའི་གསུང་ཆོས་དང་བཀའ་སློབ་ཁག་གསར་དུ་སྒྲ་འཇུག་བྱས་ཏེ་འོད་སྡེར་གསར་པ་འགྲེམས་སྤེལ་བྱས་ཡོད་ཟེར།
ཕྱི་ཚེས་ ༢༧ ཉིན་བོད་ཀྱི་དཔེ་མཛོད་ཁང་གིས་འདས་པའི་མི་ལོ་སུམ་ཅུའི་རིང་བསྡུ་སྒྲིག་དང་ཉར་ཚགས་བྱས་པའི་༧གོང་ས་མཆོག་གི་བཀའ་སློབ་དང་གསུང་ཆོས། དེ་བཞིན་སྐྱབས་རྗེ་ཀིརྟི་རིན་པོ་ཆེ་དང་ཀརྨ་རྣམ་གཉིས་གཙོས་བླ་ཆེན་ཁག་དང་ལོ་རྒྱུས་སྨྲ་བ་དང་རིག་གཞུང་སྨྲ་བ་བཅས་ཀྱི་གསུང་བའི་བཀའ་སློབ་ཁག་སྒྲ་འཇུག་བྱས་འི་འོད་སྡེར་དང་། དེ་བཞིན། བོད་ཀྱི་དཔེ་མཛོད་ཁང་གི་ལས་ཟུར་ཟླ་བ་བསམ་གཏན་ལགས་ཀྱིས་བསྡུ་སྒྲིག་བྱས་པའི་འོད་སྡེར་གཉིས་བཅས་དབུ་འབྱེད་གནང་སོང་།དབུ་འབྱེད་མཛད་སྒོའི་སྟེང་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་ཀྱིས་གསར་དུ་སྒྲ་འཇུག་བྱས་པའི་འོད་སྡེར་ཁག་ངོ་སྤྲོད་དང་འོད་སྡེར་གསར་བ་འགྲེམས་སྤེལ་གྱི་དམིགས་ཡུལ་ཐད་གསུང་དོན། འདས་པའི་དུས་ནས་འཕྲུལ་ལས་འཕེལ་རྒྱས་ལ་འགྱུར་བ་ཆེན་པོ་ཕྱིན་པའི་དབང་གིས་སྒྲ་འཇུག་གི་ཡོད་བྱད་མང་པོ་ཞིག་བེད་མེད་དུ་འགྲོ་བཞིན་ཡོད་པ་དང་། ད་ལྟའི་བར་དཀའ་ལས་བརྒྱབས་ཡོད་པའི་འོད་སྡེར་མང་པོ་ཞིག་བརླག་འགྲོ་བའི་ཉེན་ཁ་ཡོད་སྟབས། ཐེངས་འདིར་ང་ཚོ་བོད་ཀྱི་དཔེ་མཛོད་ཁང་གིས་གོང་ཆེན་པོ་དང་རྫིག་པོ་དེ་འདྲ་མ་ཡིན་པར་ཕུགས་རྒྱང་རིང་པོར་དམིགས་ཏེ། ཉན་ཐུབ་པ་དང་བལྟ་བདེ་བའི་ཆེད་དུ་སྔོན་བྱོན་སྐྱེ་བུ་དམ་པ་མང་པོའི་གསུང་བཤད་དང་བཀའ་སློབ་ཁག་ CD འཁོར་ཐག་ ༡༠ ལྷག་སྒྲ་འཇུག་བྱས་ཡོད་ལ། དེའི་ནང་༧གོང་ས་མཆོག་གི་རྡོར་གདན་དུ་བསྩལ་བའི་གསུང་ཆོས་དང་བཀའ་སློབ་ཁག་དང་༧སྐྱབས་རྗེ་ཀིརྟི་རིན་པོ་ཆེས་རྡོ་རྗེ་གདན་དུ་བསྩལ་བའི་ལམ་རིན་ཆེན་མོ།དེ་བཞིན་ ༡༩༨༣ ལོར་ཞྭ་སྒ་པ་དབང་ཕྱུགས་བདེ་ལྡན་མཆོག་གིས་བོད་ཀྱི་སྲིད་དོན་རྒྱལ་རབས་སྐོར་ལ་གནང་བའི་གསུང་བཤད་དང་།འབའ་གཞིས་ཕུན་ཚོགས་དབང་རྒྱལ་དང་བཀྲས་མཐོང་ཐུབ་བསྟན་ཆོས་དར་མཆོག་ནས་སྙན་ངག་མེ་ལོང་མའི་འཆད་འཁྲིད་བཅས་མང་པོ་ཞིག་འདུས་ཡོད་ཅེས་ཐེངས་འདིའི་གསར་དུ་སྒྲ་འཇུག་བྱས་པའི་འོད་སྡེར་ཁག་ངོ་སྤྲོད་གནང་བྱུང་།
དེ་བཞིན་བལ་ཡུལ་གནས་སྡོད་ཟླ་བ་བསམ་གཏན་ལགས་ཀྱིས།བོད་ནང་གི་བོད་མི་ཚོར་དམིགས་ཏེ་ཁོ་རང་ཉིད་ཀྱི་བསྡུ་སྒྲིག་དང་སྒྲ་འཇུག ངོ་སྤྲོད་བྱས་པའི་བཙན་བྱོལ་ནང་ཡོད་པའི་བོད་ཀྱི་ཆོས་རྒྱུད་ཆེན་པོ་བཞི་གཙོས་པའི་བོད་ཀྱི་ནང་ཆོས་བསྟི་གནས་ཁག་ངོ་སྤྲོད་ཀྱི་འོད་སྡེར་དང་།མ་འོངས་པར་བོད་ཀྱི་མི་རབས་རྗེས་མ་དག་གིས་བོད་རང་གི་སྲོལ་རྒྱུན་གྱི་རིག་གནས་དང་ཡུལ་སྲོལ་གོམས་གཤིས་མི་བརྗེད་པར་བྱ་ཆེད་དམིགས་ཏེ་བསྡུ་སྒྲིག་བྱས་པའི་བོད་ཀྱི་ནམ་རྒྱུན་གྱི་ཕྱག་བསྐོར་དང་སྨྱུང་གནས། སྐུ་ཕྱག བསང་གསོལ། ལོ་གསར་རོལ་སྟངས། གཉེན་སྟོན་ལ་སོགས་པའི་བོད་ཀྱི་སྲོལ་རྒྱུན་གྱི་ཡུལ་གོམས་སྲོལ་ལམ་སྟོན་ཞེས་པའི་འོད་སྡེར་གཟིགས་འབུལ་དང་ངོ་སྤྲོད་དང་འབྲེལ་ཁོང་གིས་མ་འོངས་པར་༧གོང་ས་མཆོག་གི་གསུང་ཆོས་དང་བཀའ་སློབ་བསྡུ་སྒྲིག་གྱི་ཕྱག་ལས་གནང་འཆར་ཡོད་པའི་སྐོར་ཡང་འགྲེལ་བརྗོད་གནང་བྱུང་།
ཐེངས་འདིའི་བོད་ཀྱི་དཔེ་མཛོད་ཁང་གིས་གསར་དུ་འགྲེམས་སྤེལ་བྱས་པའི་འོད་སྡེར་ ༡༠དང་ཟླ་བ་བསམ་གཏན་ལགས་ཀྱིས་སྒྲ་འཇུག་དང་བསྡུ་སྒྲིག་བྱས་པའི་འོད་སྡེར་ ༢ བསྡོམས་ ༡༢ ལྷག་ཡོད་པ་དང་།ཐེངས་འདིར་བཙན་བྱོལ་བོད་ཀྱི་གནད་ཡོད་མི་སྣ་དང་ལས་ཁུངས་ཁག་ལ་ཕུལ་རྗེས། བོད་ཀྱི་དཔེ་མཛོད་ཁང་གིས་འོད་སྡེར་རེ་ལ་ཧིན་སྒོར་ ༤༠ བྱས་ཏེ་འགྲེམས་སྤེལ་བྱ་འཆར་ཡོད་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
ཝཝཝཝཝཝཝཝཝ ཀི་རྟི་བླ་མ་ལ་སྐྱབས་རྗེ་ཞིག་མཚན་འདོག་པ་དང་སྐུ་དྲག་རྣམས་ཀྱི་བྲིས་པའི་ཕྱོགས་བཞེན་ལོ་རྒྱུ་ཁག་ཉར་ཚགས་བྱས་པ་ཙམ་མ་གཏོགས་གཞན་གང་བྱེད་ཡོད་པ་གསལ་པོས་འདིར་སྟོན་འདུག།
གངས་སྐྱིད་དཔེ་མཛོད་ཁང་གི་དཔེ་དེབ་བལྟ་ཀློག་དང་གཡར་པོ་གཏོང་པའི་དུས་ཚོད་ལ་འགྱུར་བ་གཏོང་དགོས། དེ་ཡང་གངས་སྐྱིད་ལ་ཡོད་པའི་བོད་གཞུང་ལས་བྱེད་རྣམས་ལ་དཔེ་དེབ་བལྟ་ཀློག་བྱེད་པར་བསྐྱོད་བསམ་མཁན་མང་པོ་འདུག་ཀྱང་། དཔེ་མཛོད་སྒོ་བྱེད་ཀྱི་དུས་ཚོད་དང་ལས་ཁུངས་ཀྱི་དུས་ཚོད་མཉམ་འཁེལ་ཡིན་པས་ལས་བྱེད་རྣམས་ལ་དཔེ་དེབ་ཀློག་རྒྱུ་དང་གཡར་རྒྱུར་དཀའ་ངལ་ཞིག་འཕྲད་འདུག གལ་ཏེ་བོད་ཀྱི་དཔེ་མཛོད་ཁང་འགན་འཛིན་ལྷག་རྡོར་གྱི་སྲིད་བྱུས་བཞིན་ཕྱི་གླིང་བར་སྤྲེལ་ལད་འཁྲབ་བྱེད་ཙམ་ཡིན་ན་གནས་ཚུལ་ཐ་དད་རེད་དོ།།
དགེ་བཤེས་ལྷག་རྡོར་ལགས་ཤེས་ཚད་ཀྱི་སྟེང་ནས་བོད་ཀྱི་དཔེ་མཛོད་ཁང་གི་ངེས་སྟོན་པའམ་འགན་འཛིན་འོས་ངེས་ཡིན་འདུག་ཡིན་ནའང་ཁོང་ལ་ཆོས་ལུགས་ཀྱི་ཐོག་ནས་ཞེན་འགོག་ཤུགས་ཆེ་ཡོད་པ་ཚོད་པག་བྱས་ཐུབ་གོང་གི་འོད་སྡེར་གཅིག་པུ་མ་ཡིན་པ་དཔེ་བདེ་དཔར་བསྐྲུན་སོགས་ཀྱི་སྐོར་ལ་ཞིབ་གཟིགས་ཤིག་གནོངས་དང་།
བོད་ཀྱི་དཔེ་མཛོད་ཁང་གིས་ཡིན་ནམ། ཡང་ན། གསར་ཁང་གིས་གསར་འགྱུར་འགོད་སྟངས་ཀྱིས་མ་འགྲིགས་པ་ཡིན། གོང་གསལ་གྱི་གསར་འགྱུར་ནང་། དེ་བཞིན་སྐྱབས་རྗེ་ཀིརྟི་རིན་པོ་ཆེ་དང་ཀརྨ་རྣམ་གཉིས་གཙོས་བླ་ཆེན་ཁག་དང་ལོ་རྒྱུས་སྨྲ་བ་དང་རིག་གཞུང་སྨྲ་བ་བཅས་ཀྱི་གསུང་བའི་བཀའ་སློབ་ཁག་སྒྲ་འཇུག་བྱས་པའི་འོད་སྡེར་དང་། ཞེས་དང་། ཡང་དེར་༧སྐྱབས་རྗེ་ཀིརྟི་རིན་པོ་ཆེས་རྡོ་རྗེ་གདན་དུ་བསྩལ་བའི་ལམ་རིན་ཆེན་མོ་ཞེས་པ་གོ་བ་ལོན་གྱི་མི་འདུག་ལ། སྐྱབས་རྗེ་ཀིརྟི་རིན་པོ་ཆེས་རྡོར་གདན་དུ་ལམ་རིམ་ཆེན་མོའི་བཀའ་ཆོས་བསྩལ་པ་རེད་དམ། ཁོང་གིས་༸གོང་ས་སྐྱབས་མགོན་ཆེན་པོའི་ལམ་རིམ་གསུང་ཆོས་སྒྲ་འཇུག་གནང་བ་རེད། དཔེ་མཛོད་འགན་འཛིན་ལྷག་རྡོར་ཟེར་བས་འདི་ཙམ་དབྱེ་མཚམས་ཀྱང་གསལ་པོ་ཤེས་ཡོད་མི་འདུག འདི་ལྟར་བལྟས་ན། ལྷག་རྡོར་ཟེར་བས་དཔེ་མཛོད་འགན་འཛིན་གྱི་མིང་ཁུར་བའི་རིང་ཕྱི་ཕྱོགས་སུ་ཁང་བཀོད་ཅིག་གསར་བརྒྱགས་བྱས་པ་མ་གཏོགས། དཔེ་མཛོད་ཀྱི་ནང་དོན་ངོ་མའི་ཐོག་དོ་སྣང་ཁྱོ་ནས་བྱས་ཡོད་ཚོད་མི་འདུག སྒྲ་འཇུག་བྱས་པའི་ངག་རྒྱུན་ལོ་རྒྱུས་དཀོན་རིགས་མང་པོ་ཡོད་ཚོད་འདུག་པ་དེ་ཚོ་མི་འགྱངས་པར་ཕྱི་འགྲེམས་བྱེད་ཐུབ་ན་བཟང་། དཔེ་མཛོད་ཁང་ལ་འདིའི་ཐོག་ལས་ཀ་བྱེད་ཐུབ་པའི་སེམས་ཤུགས་དང་ཤེས་ཚད་ཡོད་ཚོད་མི་འདུག
གསར་འགོད་པ་ལགས་སུ། ་་་ཀརྨ་རྣམ་གཉིས་གཙོས་་་་་་ ཟེར་ན། གང་ཟེར་བགྱིད་ཡོད་རེད།
དགེ་བཤེས་ལགས་ཐུགས་ཁག་མེད་ཡ།
ཕྱོགས་རེས་ལོས་དགོས།
གང་ཡིན་ཞེ་ན་ཐད་བརྐོས་ཡིན་པ་ཡ།
ལམ་རིམ་ལས་གཞན་པ་དག་གིས་སངས་རྒྱས་གིས་གོ་འཕང་ཐོབ་མི་ཐུབ་པ་འདྲ།
གསུང་ཆོས་གནང་ན་ཡང་ལམ་རིམ།
གཞུང་གི་འགྲིམ་སྤེལ་བྱེད་ན་ཡང་ལམ་རིམ།
ཧ་ཧ་ཧ་ཧ་ཧ།
ཡང་མང་པོ་ཞུ་ན་ཁ་བཏང་གི་འདུག་ཟེར་གི་རེད་ཨེ།
ད་དབྱུག་ཤོག
ལས་འབྲས་ཞིག་ཡོད་ངེས་ཡ།
དྲ་གྲོས་སྨར་དྷྲིཟེར་ལ་རྒྱབ་སྐྱོར་ཡོད། ངའི་གྲོགས་པོ་ཝར་ཎ་མཐོ་སློབ་ལ་ཡོད་པ་ཤེས་ཚད་ཧ་ཅང་ལེགས་པ་ཞིག་བཤད་དོན་ལ་གཞིགས་ན། བོད་ཀྱི་དཔེ་མཛོད་ཁང་དུ་ལས་བཞུགས་བྱེད་པར་དགེ་བཤེས་ལྷག་རྡོར་ངོ་ཤེས་དགོས་པ་ལས་ཤེས་ཚད་ཡོད་པ་ཙམ་གྱི་མི་ཕན་ཟེར། ད་ལྟ་དཔེ་མཛོད་ལས་བྱེད་གསར་པའི་ཁོངས་སུ་ཡིག་རྒྱུགས་བཏང་ནས་འདེམས་བསྐོ་ཞུས་པ་དང། དགེ་བཤེས་ལགས་ཀྱི་ཨ་ནི་ངོ་ཤེས་ཀྱིས་ཐད་བསྐོ་བྱས་པའི་གྲངས་འབོར་མང་ཉུང་ཁྱད་པར་ཆེན་པོ་ཡོད་ཚུལ་ཁོང་གིས་གསུངས་སོང།
མི་རིགས་སྤྱི་ལ་ཕན་པའི་མཛད་སྤྱོད་ལ་བསྔགས་བརྗོད་ཡི་རང་དང་འབྲེལ་འབོད་སྐུལ་ཞུ་རྒྱུར། འོད་སྡེར་ཁག་གི་ཐོ་གཞུང་ཞིག་གསུང་ཐུབ་ན་མངག་ཉོ་གནང་མཁན་ཚང་མར་ཕན་ཐོགས་ཡོང་ངེས་ལགས།
རེད་སྤྱི་སྟངས་ཡག་པོ་འདུག འོན་ཀྱང་དགེ་བཤེས་ལྷག་རྡོ་ལགས་ཀྱང་ལོས་ཡོད་ཞེན་འགོག་ཆེན་པོ་ཡོད་འདུག་གང་ཡིན་ཞེ་ན་བོད་ཀྱི་བླ་ཆེན་ཚད་ལྡན་མང་པོ་ཞིག་གིས་འདི་ཕྱི་ལམ་སྟོན་གི་བཀའ་སློབ་དང་གསུང་ཆོས་མང་པོ་བསྩལ་ཡོད་ཡིན་ནའང་འདིའི་ནང་ཀི་རྟེ་རིན་པོ་ཆེའི་ལམ་རིམ་ཆེན་མོ་གཅིག་པུ་མ་གཏོགས་འོད་སྡེར་ནང་མི་འདུག་དེ་ལ་རིགས་པའི་དཔྱད་པར་མཛོད་གྲོགས་པོ་རྣམས་པས།
ཡར་རྒྱས་རེད། དགའ་བསུ་ཡོད།
མི་ལོ་སུམ་ཅུའི་རིང་ལ་རྒྱ་གར་ནང་༧གོང་ས་མཆོག་གཙོ་བྱས་བའི་བོད་ཀྱི་སྐྱེས་ཆེན་མཁས་དབང་མང་པོ་ཞིག་གིས་གསུང་ཆོས་དང་བཀའ་སློབ་སོགས་ཧ་ཅང་མང་པོ་གནང་ཡོད་པ་མ་ཟད་བོད་ཀྱི་དཔེ་མཛོད་ཁང་ལ་སྒྲ་འཇུག་སྡེ་ཚན་ཞིག་ཅང་ཡོད་ཚོད་རེད། ལོ་ངོ་སུམ་ཅུའི་ནང་ CD འཁོར་ཐག་བཅུ་མ་གཏོགས་འདོན་མ་ཐུབ་པ་ཡིན་ན་ཧ་ཅང་ཐབས་སྐྱོ་བོ་རེད། རིག་གཞུང་གཅེས་ཉར་བྱེད་ལྟང་ཚོགས་སྡེ་གཞན་ལས་སྐྱོ་བ་འདུག
ཨོ་རན་ཏྲིད་བོད་ཀྱི་རིག་གཞུང་གཅེས་སྐྱོང་ཁང་ཞེས་པ་ཞིག་ནས་ད་ལོ་སྤྱི་ཟླ་གསུམ་པའི་ནང་སྐུ་སྒེར་གཙོ་བྱས་བའི་རྒྱ་བལ་ནང་དགོན་སྡེ་༢༢ལ་Hard disk GB1000 ཅན་རེ་ཕུལ་འདུག དེས་ནང་དུས་ཡིན་ཆུ་ཚོད་སྟོང་ཕྲག་བཅུ་གཅིག་ལྷག་འདུག་པ་མ་ཟད་ཞ་དཀར་གཡུང་དྲུང་བོན་ནས་རི་བོ་དགེ་ལུགས་པར་གྱི་མཁས་དབང་ཁག་གི་དཔེ་ཁྲིད་དང་། སྨན་རྩིས་ཟློས་གར་ལོ་རྒྱུས་སོགས་སྣ་མཛོམ་རེད་འདུག ཁོང་ཚོའི་སྤྱི་ལོ་༡༩༩༠ནས་མགོ་བརྩམ་དེ་༢༠༡༠བར་ཕྱག་ལས་གནང་འདུག
ཡག་པོ་མི་འདུག་ལབ་ཕྱོགས་རིགས་ཀྱི་སྐད་ཆ་རེད་ཟེར་ཀྱི་རེད་མ་གཏོགས་ཡག་རང་མི་འདུག། དེའི་ནང་ཅུང་ཡག་ཤོས་དེ་སྲིད་དོན་རྒྱལ་རབས་ཀྱི་སྐོར་དེ་ཡིན་ལས་ཆེ།
དགེ་བཤེས་ལྷག་རྡོར་གྱིས་གཙོས་བོད་ཀྱི་དཔེ་མཛོད་ཁང་གི་ལས་བྱེད་ཡོངས་ལ་བཀའ་དྲིན་ཆེ་ཞུ། སྲིད་དོན་རྒྱལ་རབས་ཀྱི་སྐོར་དེ་ཡག་སེ་ཡོད་ན། ཝར་ནཱ་དཔེ་མཛོད་ཁང་དུའང་སྐུ་ངོ་ཞྭ་སྒབ་པས་གསུང་འོད་སྡེར་ཞིག་འདུག་པ་དེ་དང་གཅིག་པ་ཡིན་ནམ། ད་གང་ལྟར་གངས་སྐྱིད་དུ་འོད་སྡེར་ཉོ་བར་འགྲོ་རྒྱུ་ཡིན་དོ།།