བསམ་འགྲུབ་རྒྱ་མཚོ་ལགས་ཀྱིས་ཁ་སང་ལྷ་ལྡན་གཙུག་ལག་ཁང་གི་མདུན་ཐང་དུ་ངོ་རྒོལ་སྐད་འབོད་བྱས་མཐར་རྒྱ་གཞུང་གིས་འཛིན་བཟུང་བཙན་འཁྲིད་བྱས་འདུག
ངྷ་སར་གནས་བཞུགས་བློ་བཟང་ཐོས་བསམ་དང་བསྟན་པ་དར་རྒྱས་གཉིས་ཀྱིས་འདི་གའི་གསར་ཁང་ལ་གནས་ཚུལ་མཁོ་སྤྲོད་གནང་བ་ལྟར་ན། ཁ་སང་ཕྱི་ཚེས་ ༢ ཉིན་གྱི་ཕྱི་དྲོའི་ཆུ་ཚོད་ ༣ དང་སྐར་མ་ ༢༠ ཡས་མས་སུ་རང་ལོ་ ༢༨ ཡིན་ཞིང་། ཕ་ཡུལ་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་མདའ་བཞི་ནས་ཡིན་པའི་བསམ་འགྲུབ་རྒྱ་མཚོས་ལྷ་སའི་ལྷ་ལྡན་གཙུག་ལག་ཁང་གི་མདུན་ཐང་དུ་༧རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་པ་དང་། པཎ་ཆེན་ཆུང་སྲིད་རིན་པོ་ཆེ་མྱུར་ཏུ་གློད་གྲོལ་གཏོང་དགོས། རྒྱ་ནག་གིས་ཐེངས་འདིའི་སྐྱེ་རྒུ་མདོའི་ས་ཡོམ་གོད་ཆག་བྱུང་ཡུལ་ནས་བོད་མི་མང་པོ་ཞིག་ཕྱིར་ཕུད་བཏང་བ་དེ་དག་ལ་ས་གནས་ས་ཐོག་ཏུ་ངོ་བསྐྱོད་ཀྱིས་རོགས་སྐྱོར་བྱེད་དུ་འཇུག་དགོས་ཞེས་དུས་ཡུན་སྐར་མ་ ༥ རིང་ངོ་རྒོལ་སྐད་འབོད་བྱས་མཐར་ཉེན་རྟོག་མི་སྣ་བདུན་ལྷག་འབྱོར་ཏེ་འཛིན་བཟུང་བཙན་འཁྲིད་བྱས་ཡོད་འདུག་ཅེས་བརྗོད་བྱུང་ལ། གནས་ཚུལ་འགྲེལ་བརྗོད་པས་མུ་མཐུད་ངོ་སྤྲོད་གནང་དོན། སྤྱིར་ཁོས་པཎ་ཆེན་ཆུང་སྲིད་རིན་པོ་ཆེའི་འཁྲུངས་སྐར་གྱི་ཉིན་མོ་དང་སྟབས་བསྟུན་ཏེ་ངོ་རྒོལ་སྐད་འབོད་བྱ་འཆར་ཡོད་ཚུལ་འདུག་མོད། རྒྱུ་རྐྱེན་གང་མང་ཞིག་གི་དབང་གིས་ལེགས་འགྲུབ་བྱུང་ཐུབ་མེད་ནའང་། ཁ་སང་སྐད་འབོད་ཀྱི་སྐབས་སུ་ཁོས་བོད་ཀྱི་རྒྱལ་དར་ཆེན་པོ་ཞིག་རྒྱབ་ལ་གོན་ཡོད་པ་དང་། རྒྱལ་དར་ཞིག་ལག་ཏུ་འཕྱར་ཏེ་སྐད་འབོད་བྱས་ཏེ་འཛིན་བཟུང་བྱས་འདུག་ལ། ད་ལྟའི་ཆར་གང་དུ་བཀག་ཉར་བྱས་ཡོད་མེད་སོགས་ཀྱི་གནས་ཚུལ་གོ་རྒྱུ་མི་འདུག་ཅེས་འགྲེལ་བརྗོད་གནང་བྱུང་།
བསམ་འགྲུབ་རྒྱ་མཚོ་ལགས་ནི། མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་མདའ་བཞི་སྡེ་བ་ནས་སྐྱེས་ཤིང། ཕྱིས་སུ་མདའ་བཞི་རྫོང་ཞབས་དྲུང་སྒར་ཐོག་དགོན་དུ་ལོ་ ༤ རིང་སློབ་གཉེར་གནང་རྗེས། ༢༠༠༧ ལོའི་ཕྱི་ཟླ་ ༡༡ པའི་ནང་བཙན་བྱོལ་ཏུ་འབྱོར་ཏེ་ཤེས་རབ་དགའ་ཚལ་སློབ་གླིང་དུ་ལོ་ ༡ མ་ཟིན་ཙམ་དུ་སློབ་གཉེར་གནང་འདུག་ལ། ༢༠༠༩ ལོའི་ཕྱི་ཟླ་ ༣ པའི་ནང་ཕྱིར་རང་ཡུལ་ཏུ་ལོག་སྐབས་རྒྱ་གཞུང་གིས་རྒྱ་གར་ནང་གནས་སྡོད་བྱས་པ་དང་༧གོང་ས་མཆོག་གི་བཀའ་སློབ་ཀྱི་དཔེ་ཆ་བོད་ནང་ཁུར་ཡོང་བའི་ཉེས་མིང་འོག་ཟླ་ ༧ རིང་གྲྭ་བཞི་བཙོན་དུ་དུས་བཀག་བཙོན་འཇུག་བྱས་ཡོད་འདུག
བདེན་དོན་ཞེས་བཅོས
དངོས་གནས་སྤོབས་པ་ཆེན་པོ་རེད། འདི་ལྟ་བུས་མི་བུ་རེ་རེས་ཀྱང་བོད་ཀྱི་བདེན་ལ་ཁག་ཁུར་བྱས་ཡོད་པར་མཚོན་གི
སྐབས་འདི་དང་འབྲེལ་བ་དེ་ཙམ་མེད་པ་ཞིག་སྟེ། བོད་པའི་གཞས་པ་གྲགས་ཅན་བཀྲས་ཆུང་ལགས་ནས་གཙོ་ཁྲིད་བྱས་པའི་བོད་པའི་ལོ་རྒྱུས་སྟེང་གི་བོད་རིགས་བྱིས་པའི་གླུ་གཞས་ཆེད་བསྒྲིགས་འོད་སྡེར་སེམས་གཞས་ཞེས་པ་དེ་མི་འགྱངས་པར་བྱང་ཨ་རིའི་བོད་རིགས་འདུས་སྡོད་ས་ཁུལ་གྱིས་གཙོས་པའི་སྤྱི་ཚོགས་སྟེང་འགྲེམ་སྤེལ་དང་སྐོར་སྐྱོད་བྱེད་རྒྱུ་རེད། གནས་ཚུལ་གསལ་བོ་གཤམ་གྱི་དྲ་རྒྱ་ལས་ཤེས་ཐུབ།
http://www.semshae.org
ཕྱུར་བའི་ཞེས་བཅོས་རོགས། དགོང་པ་མ་འཛོམས།
དཔའ་བོ་བསམ་འགྲུབ་རྒྱ་མཚོ་ལགས། དངོས་གནས་དཔའ་བོ་མིང་དོན་མཚུངས་པ་ཞིག་རང་རེད་ཁྱོད་ཀྱི་ཡ་ཆུང་སྙིང་ཁོང་ནས་འགོག་མེད་དུ་ཕྱུར་རེ་བ་དང་རྨིལ་ལམ་ཡོད་ཆད་མྱུར་སྒྲུབ་པའི་སྨོན་འདུན་ཞུ༎ དཀའ་སྡུག་བཟོད་སྲན་བསྐྱེད་དེ་རང་གི་སེམས་ནང་གི་དམ་བཅའ་ནམ་ཡང་ལྷོད་མ་འཇུག ཁྱེད་རྒྱབ་ཏུ་གངས་སེངྒི་རུ་དར་བསྒྲིགས་ནས་ཡོད། དཔའ་བོ་ལགས༎ ༎
དཔའ་བོ་ཟེར་བ་རེད། རང་དབང་དང་དྲང་བདེན་གྱི་ཆེད་དུ་སྲོག་འདོར་མཁན་ཚང་མར་སྙིང་ནས་རྗེས་སུ་ཡི་རངས་ཡོད། ཏུགས་རྗེ་ཆེ་དཔའ་བོ་བསམ་འགྲུབ་རྒྱ་མཚོ་ལགས། ཁྱོད་ཀྱི་དོན་མྱུར་འགྲུབ་ཡོང་བར་ཤོག
བུ་དཔའ་བོ་ཟེར་ན་ཁྱོད་འདྲ་དགོས། སེམས་གཏིང་ནས་སྨོན་མདུན་ཁྱོད་ལ་ཞུ། ནང་ཕུ་ནུའི་སྟེང་གི་དཔའ་རྒོད་ཚོ། བུ་དཔའ་བོ་མ་རེད་ཞབས་འདྲེན་རེད།
ཟླ་ཤས་རྗེས་ནས་ག་་ཅིག་ཟིག་ནས་ཡོང་ནས་ཨོ་སུ་ཌི་ལི་ཡར་ཆབ་སྲིད་བཙོན་མ་ཡིན་ཟེར་ནས་ཐོ་རྒྱག་གི་བསླེབས་མི་ཡོང་ངམ། གོང་གི་དེའི་གཅིག་ཡང་དེ་འདྲ་འདུག་ག་ ཧ་ཧ་ཧ་།
༄༅ྲ ལྷ་སའི་སྐད་འབོད་གསར་ཤོས་མ་རེད། ལྷ་སར་སྐད་འབོད་གསར་ཤོས་བྱས་པ་རེད་ཧ་ཧ་ཧ་
བསམ་འགྲུབ་རྒྱ་མཚོའི་བསམ་པ་ལྷུན་གྱི་འགྲུབ་བར་ཤོག
རྒྱལ་གཅེས་དཔའ་བོ་བསམ་འགྲུབ་ལགས་ཁྱེད་ལ་ཉེས་རྡུང་ཚབ་ཆེན་མི་ཕོག་པའི་སྨོན་ལམ་ཐག་རིང་གི་ཡུལ་ནས་འདེབས་བཞིན་ཡོད
ཐབས་ཤེས་གཞན་གང་ཡང་མི་འདུག
བསམ་འགྲུབ་རྒྱ་མཚོ་ལགས་བཀའ་དྲིན་ཆེ།ཡིན་ཡང་ཁྱོད་ཀྱིས་ལྷ་ས་དེ་ལྷ་ས་ཞིག་མིན་པ་སྔ་མོ་ནས་ཤེས་ཚར་ན་འགྲིག་ཨང་།
ཁྱེད་ཀྱི་སྙིང་སྟོབས་ང་ཡི་རྣ་ཁར་ལྷུང་དུས་རེ་བའི་སྤྲོ་བ་འཕེལ་ན་ཡང་།ཁྱེད་སྤྱང་ཀི་ཡི་ལག་ཏུ་ཐེབས་པའི་སྐྱོ་གར་གྱིས་ང་ནི་སྨྱོན་ལ་ཁད་དུ་བསྐྱལ།
ཉེས་བརྡུང་རེག་པའི་མ་ཚད་སྲོག་ལའང་ཉེན་ཁ་སླེབ་ཚར་།
བུ་སྙིང་སྟོབས་ཅན་འདི་འདྲ་ཡོད་པའང་ངོ་མཚར་ཆེ་།
དམར་ཡག་སྟག་གི་རིགས་རྒྱུད་མངོན་སུམ་དུ་འདུག་།
གུང་ཁྲན་ཏང་སྐྱིད་པོ་མི་འཇོག་སེམས་ཐག་རེད་
ད་སྙིང་རྗེ་ཉེས་བརྡུང་ཚད་མེད་ཞིག་རེག་པ་ལ་ཐེ་ཚོམ་མེད།
དཔའ་བོ་བསམ་འགྲུབ་རྒྱ་མཚོ་ལགས། ཁྱེད་ཀྱི་དྲང་བདེན་ཀྱི་འབོད་སྒྲ་ནི་སེམས་ནང་གི་འབོད་སྒྲ་ངོ་མ་ཞིག་རེད། ཁྱེད་ཀྱིས་གཏམ་བརྗོད་རང་དབང་བེད་སྤྱོད་བྱས་པ་ཙམ་་ལས་ཁྲིམས་འགལ་གྱི་བྱ་བ་གང་ཡང་བྱས་མི་འདུག་པས།
རྒྱ་གཞུང་གིས་ཁྱེད་ཀྱི་ལུས་སྲོག་ལ་གནོད་འཚེ་ཅི་ཡང་བྱེད་མི་འོས་ཀྱང་། ད་ཕན་རྒྱ་གཞུང་གིས་ཁྲིམས་འགལ་གྱིས་ཉེས་མེད་བོད་མི་བསད་ཚར་བ་རྣམས་ཀྱི་མིང་ཐོ་འདི་དག་ལ་ལྟོས་དང་། http://tibet.net/tb/atpd/pubs/bodmekyiduk/death%20list.pdf
སྔོན་ཆད་རི་པིན་གྱིས་རྒྱ་མི་དམར་བསད་བྱས་པ་བཞིན་རྒྱ་དམར་གཞུང་ནི་དངོས་གནས་སྨྱོ་ཡོད་པར་རྟོགས་ཐུབ། དེ་བས་རྒྱ་ནག་དང་འགལ་བའི་ཚོགས་པ་ཐམས་ཅད་མཐུན་སྒྲིལ་ཆིག་སྒྲིལ་་བྱས་ནས་མངོན་ལྐོག་གཉིས་ནས་ཐབས་མཁས་ཀྱིས་བྱ་འགུལ་སྤེལ་དགོས་པའི་དུས་ཡིན།