ང་ཚོར་མེད་པའི་གྲ་སྒྲིག རྩོམ་སྒྲིག་པའི་གཏམ།

སྤྱིར་ཡིན་ན་གསང་མིང་འོག་ནས་མཆན་འདེབས་མཁན་ཚོར་ལན་འདེབས་བྱ་འདོད་མི་འདུག་ཀྱང་། བསམ་ཚུལ་འདིར་གསལ་བཤད་བྱ་རྒྱུ་དེ་གལ་ཆེན་དུ་བསམ་ནས་ལན་འདི་ཕུལ་བ་ཡིན།

བོད་ཀྱི་མཛེས་མ་ཟེར་བ་ཞིག་གིས་བཤད་དོན། རྔ་བ་ཚེ་རྒྱམ་དང་ཟླ་བ་ཚེ་རིང་། བསྟན་འཛིན་མགོན་པོ། བཀྲ་བྷ། འབའ་བ་སྐལ་བཟང་རྒྱལ་མཚན། ཀུན་དགའ། འཕགས་པ་རྒྱལ་བོ་བཅས་སོགས་རྒྱ་ནག་ཉམས་ཞིབ་པ་ཡིན་བཞིན་དུ་ནག་འགེབ་བྱས་ཚུལ་བཤད་འདུག

༡། ཁོང་ཚོ་སྤྱིར་བཏང་རྒྱ་ཡིག་ཤེས་མཁན་རེད། ཤེས་ཡོན་གྱི་གནས་ཚད་ཀྱང་མཐོན་པོ་ཡོད་མཁན་གྱི་གྲས་རེད། ཡིན་ཡང་། དྲང་པོར་བཤད་ན། རྒྱ་ཡིག་ཤེས་པ་ཙམ་གྱིས་རྒྱ་ནག་ཤེས་གི་ཡོད་ན་ཐའེ་ཝན་གྱི་མི་ཚང་མ་རྒྱ་ནག་ཉམས་ཞིབ་པ་རེ་ཡིན་དགོས་པ་འདྲ། བོད་ནང་གི་རྒྱ་ཡིག་ཤེས་མཁན་ཚང་མ་ཡང་རྒྱ་ནག་ཉམས་ཞིབ་པ་རྐྱང་ཡིན་དགོས་ཀྱི་རེད། དེ་འདྲ་མ་རེད།

༢། གོང་གསལ་མི་སྣ་དག་ནི་བཙན་བྱོལ་བོད་གཞུང་གི་ལས་སྣེ་ཐོག་ནས་རྒྱ་ནག་དང་རྒྱ་རིགས་ཚོའི་ཕྱོགས་ལ་འབྲེལ་བ་ཡོད་པའི་གྲས་རེད། ཡིན་ཡང་། ཁོང་ཚོ་ཆེད་ལས་ཉམས་ཞིབ་པ་དེ་འདྲ་མ་རེད།

༣། གལ་སྲིད་ཁོང་ཚོ་རྒྱ་ནག་ཉམས་ཞིབ་པ་ཡིན་ན། ལོ་འདི་དག་གི་རིང་ལ་ཉམས་ཞིབ་ཀྱི་དཔེ་དེབ་ཚད་ལྡན་དང་སྙན་ཐོ་གྲགས་ཅན་དེ་འདྲ་རེ་སྟོན་རྒྱུ་དགོས་ཀྱང་དེ་འདྲའང་མེད།

༤། ད་དུང་ཚད་གཞི་ངེས་ཅན་ནས་བཤད་ན། དེང་སྐབས་ཀྱི་ཉམས་ཞིབ་པ་དག་ནི་ཆེད་ལས་ཡིན་པ་གང་ཞིག་ལ། རིག་ཚན་གཅིག་སྟེང་གི་ཆེད་ལས་ཉམས་ཞིབ་པ་ཡིན་དགོས་པ་རེད། དཔེར་ན། རྒྱ་ནག་གི་དམག་དོན་ཐོག་ལ་ལྟ་མཁན། དཔལ་འབྱོར་སྟེང་ལ་ལྟ་མཁན། རྒྱ་ནག་གི་རྒྱལ་སྤྱིའི་འབྲེལ་བའི་སྟེང་ལ་ལྟ་མཁན་བཅས་རེ་རེ་བཞིན་དགོས་པ་ལས། སྤྱི་བཤད་ཙམ་གྱིས་ཁུངས་འཁྱོལ་ཁག་པོ་ཡིན།

༥། བདེ་སྲུང་བོད་གནས་ཉམས་ཞིབ་ཀྱི་སྡེ་ཚན་དེའང་ཁུངས་འཁྱོལ་བ་ཞིག་བྱུང་མེད། སྔར་གྱི་ཉམས་ཞིབ་བྱེད་མཁན་ལ་ཆེ་བ་ཕྱིན་ཚར། ཤུལ་ན་ཡོད་མཁན་ནི་བོད་གཞུང་གི་ཡིག་ཆར་མཁོ་བའི་གསར་འགྱུར་བསྡུ་སྒྲིག་བྱེད་མཁན་ལྟ་བུ་རེ་ཡིན། བཀའ་ཁྲི་མཆོག་གིས་ཉམས་ཞིབ་སྡེ་ཚན་འདི་ཁུ་བསྡུ་བྱས་ཏེ། ཉམས་ཞིབ་སྡེ་ཚན་ཆེན་པོ་ཞིག་ལ་བསྒྱུར་རྒྱུའི་དགོངས་ཚུལ་བཏོན་ཡོད་ཀྱང་ད་དུང་ལེགས་འགྲུབ་བྱུང་མེད།

༥། ཉམས་ཞིབ་ཀྱི་སྡེ་ཚན་འདི་ནི་བཙན་བྱོལ་བོད་གཞུང་གི་སྟངས་འཛིན་འོག་ནས་འདུག་པ་ལས། སློབ་གླིང་དག་གི་སྡེ་ཚན་ཁོངས་གཏོགས་རེར་བཙུགས་ན་ལེགས་པར་འདོད། རིམ་བཞིན་སློབ་གླིང་དེ་དག་རང་གི་མཁས་དབང་དང་སློབ་དཔོན་སོགས་ཀྱི་གོ་མིང་དང་བཅས་རང་རྐྱ་འཕེར་བའི་སྒོ་ནས་འདུག་ཐུབ་ན་ལེགས་པར་འདོད།

དེར་བརྟེན་ང་ཚོའི་གྲ་སྒྲིག་ཀྱང་འདི་ལྟ་བུ་ཞིག་ལ་ཁ་ཕྱོགས་ན་འོས་འཚམ་རེད་འདོད་པ་ཡིན།

ང་རེས་གོ་ཚོད་ལྟར་བྱས་ན་དགྱ་ནག་གི་ཕྱོགས་སུ་ཉམས་ཞིབ་བྱེད་མཁན་བཙན་བྱོལ་ནང་སྤྱི་སྒེར་མི་ཉུང་བ་ཞིག་ཡོད་པ་དུས་བབ་ཚང་གིས་ཤེས་ཡོད་ཤག་ཡིན།་མ་ཤེས་རྨོངས་པའི་དབང་གིས་ནན་བཤད་ལ་ངས་ཞུ་རྒྱུ་གང་ཡང་མེད།་ཤེས་བཞིན་ནག་བཀབ་བྱེད་པ་ཞིག་ཡིན་ན་ནི་དུས་བབ་ཚང་གིས་མ་འགྲིག་པ་རེད།་ངས་འདིར་དགྱ་ནག་གི་ཕྱོགས་སུ་ཉམས་ཞིབ་བྱེད་མཁན་དཔེར་མཚོན་རེ་གཉིས་ཞུ་ན།རྔ་མ་ཚེ་རྒྱམ།་ཐེ་ཝན་སྐུ་ཚབ་དོན་གཅོད་བ་རི་ཟླ་བ་ཚེ་རིང།སྤྱི་འཐུས་བསྟན་འཛིན་མགོན་པ།་བཀའ་ཤག་ངེས་མེད་ཁྱབ་ཁོངས་སུ་བཀྲ་ཤིས་རྒྱ་མཚོ།ད་དུང་རྒྱ་ནག་ཉམས་ཞིབ་པ་སྤྱི་འཐུས་འབའ་བ་སྐལ་བཟང་རྒྱལ་མཚན་དང་ཨ་རི་རྒྱ་བོད་འབྲེལ་མཐུད་པ་ཀུན་དགའ་དང་བདེ་སྲུང་ལས་བྱེད་འཕགས་པ་རྒྱའུ་སོགས་ཇི་སྙེད་ཅིག་འདུག
ད་དུང་བོད་གཞུང་གིས་ཆེད་བཙུགས་བྱེད་པ་བོད་གཞུང་བདེ་སྲུང་གི་ཁྱབ་ཁོངས་སུ་དགྱ་ནག་ཉམས་ཞིབ་སྡེ་ཚན་དང་ལན་འདེབས་ཚོགས་ཆུང་ཞེས་པ་ཞིག་ཡོད་པ་གོ་བྱུང་།་དེ་དག་དགྱ་ནག་གི་ཕྱོགས་སུ་ཉམས་ཞིབ་པ་ཚད་ལྡན་ཞིག་ཡིན་དང་མིན།་ཡིན་ན་དུས་བབ་ཚང་གིས་རྩོམ་སྒྲིག་པའི་གཏམ་དེ་བརྗོད་བྱ་སྟོང་པ་ཞིག་ཏུ་གྱུར་བ་དང་།་མིན་ན་ཁོང་ཚོ་ལ་དགྱ་ནག་ཕྱོགས་སུ་ཉམས་ཞིབ་བྱེད་པའི་ཤེས་ཡོན་གང་དང་གང་མ་ཚང་བ་ཡིན།་བོད་གཞུང་གི་དགྱ་ནག་ཉམས་ཞིབ་སྡེ་ཚན་དེ་ཐེབས་ཆག་ཅིག་ཏུ་ངོས་འཛིན་བྱེད་ཀྱི་ཡོད་མེད་བཅས་ལན་ཁ་གསལ་ཞིག་མེད་ན་རྩོམ་སྒྲིག་པའི་གཏམ་དེ་རིན་ཐང་ཅི་ཡང་མེད་པ་མཐོང་བཞིན་འདུག་མ་གཞི་ང་ཚོའི་སྤྱི་ཚོགས་ནང་གཞན་གྱི་སྐྱོན་རྐྱང་རྐྱང་ཐེར་བཏོན་བྱེད་པ་ལས་རང་གི་གནས་བབ་གང་དུ་ཡོད་མེད་ཚོར་མཁན་ཆེས་ཉུང་ཤས་ཡིན་པ་འདོད།

དུས་ནམ་རྒྱུན་དུ། དུས་བབ་རྩོམ་སྒྲིག་པའི་གཏམ་གྱིས། བློ་བསྐྱེད་གསར་བ་ཞིག་དང་ཡང་བསྐྱར་འདང་རྒྱག་ཅིག རིག་པ་བསྒྲིམ་དགོས་པའི་གནད་དོན་ཞིག་དང་གྲ་སྒྲིག་བྱེད་དགོས་པའི་སྔོན་བརྡ་ཞིག ཐབས་ལམ་བཏོན་པའི་རྣམ་གཞག་ཅིག་དང་ཕན་ནུས་ཐོན་པའི་གྲུབ་འབྲས་ཡོད་པ་གཞིར་བཞག་གིས། དུས་རྒྱུན་ཐེངས་དང་པོར་ཀློག་ཀིན་ཡོད་ལ། ཐེངས་འདིའི་རྩོམ་སྒྲིག་པའི་གཏམ་གྱིས་ཀྱང་། འཐུས་ཤོར་དུ་འགྲོ་བཞིན་ཡོད་པའི་གནད་འགག་ཅིག་དང་ངོས་འཛིན་མ་ཐུབ་པའི་གནད་འགག་ཅིག་གི་སྣེ་མོར་འཇུས་ནས། མ་འོངས་པའི་རྗེས་རབས་པ་ཚོའི་འཐབ་ཕྱོགས་ལ་དགོས་པའི་ཐབས་ལམ་ཞིག་དང་མཉམ་འཇོག་དགོས་པའི་གནད་དོན་ཞིག་བསྟན་སོང་བས་ན། ང་ཚོའི་ངོས་ནས་ཀྱང་། སྡུག་ས་ངན་ས་ནས་གྲ་སྒྲིག་དང་མི་ནུས་མ་ཐུབ་པའི་ཕྱོགས་སུ། གཟབ་ནན་བྱེད་དགོས་པ་ཕྱོགས་སྣེ་མང་པོ་ཞིག་གིས་ད་སྐབས་ང་ཚོའི་མི་རིགས་འདི་བཙུར་ཡོང་བ་ཤེས་དགོས། ཤེས་པ་སྤྱི་བམ་པ་ཙམ་གྱིས་མི་འཇོག་པར་ལག་ལེན་གྱི་ཐོག་ནས་གྲུབ་འབྲས་ཡོད་པར་བྱ་དགོས། གྲུབ་འབྲས་དེ་ཡང་གནད་ལ་འཁེལ་ཞིང་དོན་ལ་གནས་པ་ཞིག་ངེས་པར་དུ་ཡིན་དགོས། གང་ལྟར། དུས་ཚོད་ཀྱིས་སྒུག་མི་སྲིད་ལ་ཛ་དྲག་གི་གནས་སྟངས་ཇེ་མང་དུ་འགྲོ་བཞིན་ཡོད་པས་ན། ཚང་མས་ཤེས་ནུས་མཉམ་འབྲེལ་དང་ཁ་ཕྱོགས་གཅིག་གྱུར་བྱ་དགོས་པ་ཤིན་ཏུ་འགངས་ཆེན་ཞིག་མཐོང་ངོ་། གསལ་བཤད། དགོས་དང་གལ་ཞེས་པའི་ཚིག་ཤུགས་དེ་སྐུལ་མ་ཡིན་པ་ལས་བླང་བྱར་ངོས་འཛིན་བྱས་ན་ནོར་བ་ཡིན།

དངོས་གནས་ང་ཚོས་སོ་སོའི་ཁ་གཏད་གཅོག་སའི་མི་ཡིན་ན་འདྲ། རྒྱལ་ཁབ་ཡིན་ན་འདྲ། དེའི་སྐོར་གྱི་གནས་ཚུལ་རྒྱུས་ལོན་དང་ཉམས་ཞིབ་དགོས་རྒྱུ་གལ་ཆེན་པོ་ལོས་ཡིན། མ་གཞི་བཙན་བྱོལ་སྤྱི་ཚོགས་འདིར་རྒྱ་མིའི་གཅིག་གཅིག་རེད་ལབ་དུས། ཚང་མ་སྡུག་ཅག་ཡིན་པར་བརྩིས་ནས་དེ་ལ་ཉམས་ཞིབ་དང་རྒྱུས་ལོན་བྱེད་ཀྱི་མི་འདུག་ག བོད་པ་འདི་ཚོ་ལ་མིག་རྒྱང་རིང་པོ་མི་འདུག

མཚོ་ཚང་བཀྲ་ཤིས་ལགས། ངས་བཤད་པ་དེ་ཐལ་དྲག་མེད་འདོད་ཡོད། བསམ་བློ་ཇི་ལྟར་བཏང་ནའང་སེམས་ལ་གནས་སྟངས་དེ་ལྟ་བུ་ཞིག་འཁོར་ནས་ཡོང་གི་འདུག གལ་སྲིད་ཐལ་དྲག་འདུག་དགོངས་ན་དེའི་རྒྱུ་མཚན་རེ་བཤད་རྒྱུ་གལ་ཆེན་པོ་རེད།

ལུང་རིགས་ཀྱིས་བོད་འདི་རྗེས་ལུས་རེད། བོད་འདི་རྡར་མ་རེད། ཅེས་པའི་ཚིག་འདི་གཉིས་ཅུང་ཐལ་དྲག་མེད་དམ་སྙམ། རྒྱུ་མཚན་ནི་བོད་མི་ཚང་མའི་སེམས་ཁོངས་ན་ཁྲ་ལམ་མེར་ཡོད།

མདོར་ན། རྒྱ་ནག་གི་ཕྱོགས་སུ་ཁ་སྐོར་དུས་བོད་འདི་ཞ་ར་རེད། བོད་འདི་འོན་པ་རེད། བོད་འདི་ལྐུག་པ་རེད། བོད་འདི་རྗེས་ལུས་རེད། བོད་འདི་རྡར་མ་རེད། བོད་འདི་དབང་བོ་སྐྱོན་ཅན་རེད། བོད་འདི་རིག་འཚོ་མི་ཟིན་མཁན་རེད། བོད་འདི་མགོན་མེད་སྐྱབས་མེད་རེད།

གྲོགས་མི་ནག་ལགས། ངོ་མ་རེད་ང་ཚོའི་མི་རབས་འདི་ནས་བཟུང་རྒྱ་ནག་གི་རྒྱལ་རབས་ལོ་རྒྱུས་སྦྱང་དགོས་འདུག་ལ། རྒྱ་ནག་དང་འགྲོགས་འདྲེས་སྟངས་ཟབ་དང་འབྲེལ་བ་ཉེ་རུ་གཏོང་དགོས་པ་འདུག འདི་ལྟར་བྱས་ན་ང་ཚོ་ལ་རྒྱ་ནག་ལས་དགོས་པ་དང་མཁོ་བ་གང་ཞིག་ཡོད་པ་རྒྱུས་མངའ་ཡོད་ཐུབ་ལ། རྒྱ་ནག་གི་ངན་གཤིས་དང་ཆབ་སྲིད་ཀྱིས་སྦས་བའི་ལོག་འགྲེལ་དག་ཀྱང་ཐེ་འདོན་བྱེད་ཐུབ་ལ། རྒྱ་ནག་རིག་པའི་ཚོད་འཛིན་ཚད་རྩིས་དག་ཀྱང་གང་ལ་གང་ཐུབ་ཞིག་ཤེས་ངེས་ཡིན། ད་ལྟ་ང་ཚོ་ལ་ལྟ་བ་ཞིག་ཡོད་པ་ནི་རྒྱ་ནག་གི་ལོ་རྒྱུས་སྦྱང་མི་རུང་བའི་འདུ་ཤེས་དང་། ཤེས་ན་མི་མཁོ་བའི་འདུ་ཤེས། དེ་སྦྱང་མཁན་ནི་རྒྱ་ནག་པ་ཞིག་ཡིན་པའི་འདུ་ཤེས། རྒྱ་ནག་ལ་ལྟ་བ་དག་ནི་དམར་པོའི་རང་ལུགས་ལ་འཛིན་པའི་འདུ་ཤེས་བཅས་ཀྱི་བཀག་རྒྱ་ཞིག་ཡོད་པ་འདི་གཏོར་ནས། བཙན་བྱོལ་བའི་ནང་རྒྱ་ནག་རིག་པའི་སློབ་མ་གསོ་སྐྱོང་བྱ་དགོས་པ་འདུག