སྐབས་བཅུ་བཞི་པའི་བོད་མི་མང་སྤྱི་འཐུས་གྲོས་ཚོགས་ཚོགས་དུས་དགུ་པར་བོད་ཀྱི་བླ་ན་མེད་པའི་ཆོས་སྲིད་གཉིས་ཀྱི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་གསུང་འཕྲིན་ཐོག་ཉན་ཞིབ་ལས་རིམ་ཞིག་ལ་ཁྲི་ཟུར་དང་བཀའ་ཟུར། སྤྱི་འཐུས་རྣམ་པ་བཅས་ནས་ཆ་ཤས་བཞེས་ཡོད་པ་བཅས་ཀྱི་འོད་སྡེར་བརྙན་པར་ཞིག་ཆ་ཚང་མཐོང་བ་དང༌། དེའི་སྐབས་ཀྱི་སེམས་ནང་གི་འཚོར་བ་ཇི་བྱུང་གསར་གཟིགས་རྣམས་ལ་བསྟན་འདོད་བྱུང༌།
ལོ་རབས་དགུ་བཅུའི་ནང་མང་མོས་འོས་བསྡུའི་ལས་རིམ་གྱི་གྲུབ་འབྲས་ལ་གཞིགས་པའི་བོད་མི་མང་གི་སྤྱི་འཐུས་གྲོས་ཚོགས་ནས་སྤྱི་མོས་ཐོག ཕྱི་ལོ་ ༢༠༠༨ ལོར་དམིགས་བསལ་ཚོགས་ཆེན་ནས་ཆེས་མང་མོས་ཀྱིས་བོད་རྒྱའི་གནད་དོན་ཐོག་སྤྱི་ནོར་༧གོང་༧སྐྱབས་མགོན་ཆེན་པོ་མཆོག་ནས་དུས་བསྟུན་ཡེ་ཤེས་དབྱིངས་བཅད་ཡོང་བའི་སྐུ་དབང་ཆ་ཚང་གསོལ་འདེབས་ཞུས་ཡོད་པ་ཚང་མས་མཁྱེན་གསལ་ལ་བསྐྱར་ལྡབ་ཡང་ལྡབ་ཞུ་དགོས་མེད་པ་དེ་ལྟར་ཡང༌། སྤྱི་འཐུས་ཁག་ཅིག་དང༌། ཁྲི་ཟུར། བཀའ་ཟུར་རེ་ཟུང་བཅས་ཀྱིས་ཟུར་ཟ་དང་ཐེ་ཚོམ་ཡོད་པའི་བཀའ་མོལ་རིང་ཐུང་མི་ཉུང་བ་ཞིག་གནང་བབ་ལ་ང་ཚོ་མི་མང་རྣམས་བློ་འཕམ་ཚད་མེད་བྱུང༌། རྒྱ་གཞུང་ནས་ཡར་ལན་བདག་སྤྲོད་ངོས་འཛིན་ཇི་བཞིན་ཚང་བ་ཇི་ཡོད་ལ་མ་ལྟོས་པར་དབུ་མའི་ཐབས་ལམ་འདི་བོད་རྒྱ་མི་རིགས་གཉིས་ཀྱི་འཕྲལ་ཕུགས་རྒྱང་གསུམ་གྱི་ཁེ་ཕན་ཆེ་ཤོས་ཡིན་སྐོར་ལན་མང་བཀའ་ཕེབས་ཡོད་ནའང༌། ད་རེས་དབུ་མའི་ལམ་ལ་རྒྱ་གཞུང་གིས་བཟང་ལན་གཏན་ནས་མེད་སྟབས་བསྐྱར་ཞིབ་དགོངས་བཞེས་དགོས་སྐོར་ཟེར་བ་དགོས་མེད་ཐེ་ཚོམ་གྱི་གནས་ཚུལ་མ་ཡིན་ནམ།
ལར་ནས་བོད་ཀྱི་རྩ་དོན་སྒྲུབ་ཐབས་ཐད་ཐབས་ལམ་ཇི་ཡོད་བསམ་འཆར་དགོས་སྐོར་ལན་མང་བཀའ་སློབ་ཕེབས་ཡོད་ནའང་ཁྲི་ཟུར། བཀའ་ཟུར་རེ་ཟུང་ནས་སྤྱི་འཐུས་ཀྱི་འགན་དབང་ཡིན་ལུགས་དང༌། སྤྱི་འཐུས་འགའ་རེས་འགན་དབང་གཞན་ཞིག་ལ་ཡོད་པ་ལྟ་བུ་སོགས་གཅིག་ཁག་གཅིག་དཀྲི་བྱེད་པའམ་ཡང་ན་ཟུར་ཟའི་རྣམ་པ་མངོན་པ་མ་ཡིན་ནམ། ༧རྒྱལ་བ་རིན་པོ་ཆེས་སྡིངས་ཆ་སྟོང་པ་བཞག་གནང་ཡོད། ང་ཚོའི་དགྲ་བོ་རྒྱ་དམར་ནས་༧གོང་ས་མཆོག་ལ་མཚན་སྨད་དང་མ་ཡིན་ཡིན་ཚུལ་གྱི་བརྗོད་བབ་ལ་ཧ་ལས་དགོས་པ་གང་ཡང་མེད་དེ་ནི་ཁོ་ཚོའི་ལྟ་བ་དང་དམིགས་ཡུལ་བཅས་རེད། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་བོད་མི་རིགས་ལ་མང་གཙོའི་བདག་དབང་གནང་བ་དང༌། བོད་རྒྱ་གཉིས་སྨན་གྱི་དབུ་མའི་ལམ་གྱི་ཐབས་ལམ་ཞལ་ཞེ་གཉིས་མེད་ཀྱིས་ཕྱག་ལེན་མཛད་པ་སོགས་ལ་རྒྱ་ཕྱོགས་ནས་ད་ཕན་བཟང་ལན་མེད་པར་ཐུགས་ཕམ་ཡོད་པ་གསལ་པོ་མཁྱེན་བཞིན་དུ་བསམ་ཤེས་མེད་པ་གང་ཡིན་ནམ། བོད་ཀྱི་ལོ་རྒྱུས་ལ་༧གོང་ས་སྐུ་ཕྲེང་རིམ་བྱོན་ནང་སྐུ་དབང་དང་སྐུ་ཚེས་མ་ལྡང་པ་མང་པོ་བྱུང་ཡོད་པ་ལས་མཛད་པ་འཕྲིན་ལས་འཐུས་ཤོར་བྱུང་བ་ཚིག་གཅིག་གོ་རྒྱུ་མཐོང་རྒྱུ་མེད་པ་རེད། མདོ་དོན་སྙིང་པོར། བོད་གངས་ཅན་ལྗོངས་སུ་བཀའ་དྲིན་གཞན་ཟླ་བྲལ་བ་༧རྒྱལ་དབང་སྐུ་ཕྲེང་བཅུ་གསུམ་པ་ཆེན་པོ་མཆོག་གིས་དུས་བསྟུན་བསྒྱུར་བཅོས་གནང་དང་གནང་བཞེད་ལ་གདན་ས་གསུམ་དང་ཞི་དྲག་དཔོན་རིགས་ཚོས་བཀའ་དགོངས་ཇི་བཞིན་མ་ཞུས་པར་སོང་ཆུ་སྤྲེལ་ཞལ་གདམས་གནང་ནས་དགོངས་པ་ཆོས་དབྱིངས་སུ་ཐིམས་པ་བཅས་ང་ཚོས་ནམ་ཡང་བརྗེད་ཐབས་ཡོད་མི་སྲིད།
ད་ལྟའི་སྐབས་འདིར་བཙན་བྱོལ་བོད་མིས་ཐད་ཀར་འོས་འདེམས་ཞུས་པའི་བཀའ་བློན་ཁྲི་པ་སྐྱབས་རྗེ་མཁས་དབང་སློབ་དཔོན་ཟམ་གདོང་རིན་པོ་ཆེ་མཆོག་ནས་༧གོང་ས་མཆོག་གི་བཀའ་དགོངས་ཇི་ཡོད་ཕྱག་ལེན་བསྟར་བཞིན་ཡོད་པ་ཟུར་བལྟས་ལེབ་མཐོང་ཉི་ཤར་སྦར་མོས་འཁེབ་ཐབས་མེད་པར་སོང་ང་ཚོས་དགའ་སྤོབས་སྐྱེད་པ་དང་བཅས་རྒྱབ་སྐྱོར་ཞུ་དགོས་པ་མ་ཟད། ཡོང་རྒྱུའི་བཀའ་ཁྲི་དང་སྤྱི་འཐུས་ཐོག་བོད་རིགས་སྤུན་ཟླ་རྣམས་ནས་སྔར་ལྷག་རང་དོན་རང་གཅེས་ཀྱིས་ཐུགས་འཁུར་བཞེས་གལ་ཆེ་བར་མངོན།
༆།། གཞུང་ལམ་གཅིག་ཏུ་བསྐྱོད་བཞིན་པའི་རང་བཙན་འཐབ་རྩོད་པ་དང་བློ་སེམས་མཐུན་པའི་དྲ་གྲོགས་རྣམས་ལ་བཀྲ་ཤིས་བདེ་ལེགས་ཞུ་བ་དང་ཆབ་ཅིག་དམིགས་གསར་ཞུ་འདོད་བྱུང་བ་ཁག་ཅིག་ལྷག་བསམ་རྣམ་དག་ཐོག་ནས་བཤོད་འདོད་བྱུང་། ཕྲན་སྒེར་གྱི་རྣམ་སྤྱོད་ཐོག་ནས་མཐོང་ཚུལ་ནི་བཀའ་ཟུར་བཀྲས་མཐོང་ཆོགས་ལ་བོད་སྤྱིར་པའི་རྩ་དོན་ཆེད་དུ་བྱ་བཞག་བསྒྲུབ་རྒྱུ་སེམས་ཤུག་དང་གཏོང་ཕོད་ཀྱི་ལྟར་བ་གང་ཡང་མེད་པས་རྣམ་འགྱུར་ཞིག་མཐོང་སོང་། འདིར་ཐོག་དགོངས་ཆ་ཡོད་པ་ཞུ།
བོད་ཀྱི་མཛེས་མ་མིང་ཅན་ཁྱོད་ཟམ་གདོང་གླང་གོག་གིས་གསང་ཡུམ་མ་ཡིན་ནམ།
ཕྱི་མིག་ཞིག་ལྟོས་དང་བོད་མི་ཁྱོད་འདྲ་རེ་གཉིས་གྱི་བོད་དོན་རླུང་ལ་གཏོར་བཞིན་འདུག
དུས་བབས་བྱེའུ་ཚང་ལ་ཞུ་རྒྱུ་ནི། ད་ཁྱོད་ཚོའི་བྱེའུ་ཚང་གིས་ཕྱོགས་ཞེན་དང་ལུང་མཚན་གྱི་རྫུན་གཏམ་དག་ག་དུས་མཚམས་བཞག་གོ།
ངས་ཀྱང་ཉན་ཞིབ་ལས་རིམ་ཚོགས་འདུ་ཆ་ཚང་ཞིག་ཉན་རྒྱུ་བྱུང།
ཚོར་སྣང་བྱུང་བ་ནི།་སྤྱི་འཐུས་དང་བཀའ་ཟུར་དབར་གྱི་འཐབ་རྩོད་འདྲ་ཞིག་མཐོང་བྱུང།ད་དུང་ཁོང་གཉིས་ཀྱི་ཁ་འཛིངས་དེའི་ཁྲོད་ནས་མཚམས་རེ་བཀའ་ཤག་དང་ཟམ་གདོང་པཎ་ཆེན་རང་ལ་ཟུར་ཟ་དང་མཚང་འབྲུ་བ་སོགས་གང་ཐུབ་ཐུབ་བྱས་སོང།
འོན་ཏང་ཟམ་གདོང་པཎ་ཆེན་ནི་བཤད་རྩལ་ཡངས་ཤིང་མཁྱེན་རྒྱ་ཆེ་བས་ཚིག་ཉུང་ལ་དོན་ཟབ་པ།་་ལྗིད་ཆེ་ལ་གནད་ལ་འཁེལ་བའི་གསུང་ལན་རེ་རེས་སྤྱི་འཐུས་དང་བཀའ་ཟུར་ཐམས་ཅད་ཁྱུར་མིག་འདྲ་ཞིག་བཏང་སོང་བས་ང་རང་སྙིང་ཚིམས་ནས་བསྡད་ཡོད།་་་་་་་་་་་་
ཁྲི་ཟུར་ཟེར་བ་དེ་བཀའ་བློན་ཁྲི་བ་ལས་ཁྱུར་གནང་བ་རྣམས་བཞུ་བ་ཡིན་ན་དེ་ནི་ད་བར་གཞུང་འགྲེལ་ཡིག་ཆ་དག་ལས་ཁ་གསལ་མེད་པའི་ཐ་སྙད་གསར་པ་ཞིག་རེད། གཞུང་འབྲེལ་ཡིག་ཆ་དག་ལས་བཀའ་བློན་ཁྲི་ཟུར་ཟེར་བ་ལས་ཁྲི་ཟུར་ཟེར་བའི་ཐ་སྙད་སྤྱོད་པ་ད་བར་མ་མཐོང་དེ་ཡང་ངེད་རང་མཐོང་རྒྱ་ཆུང་བས་ལན་པ་ཞིག་ཡིན་ངེས། དེ་ལྟར་མ་ཡིན་ན་ཐ་སྙད་གསར་བཟོ་མང་གྲགས་ན་བོད་ཀྱི་རིགས་གཞུང་ལ་ཕན་ནམ་གནོད་དགོངས་པ་བཞེས་རྒྱུ་གལ་ཆེ་མཐོང༌།
ཉན་ཞིབ་སྡིངས་ཆའི་གཏམ་ཚོགས་ནང་ལ། སྒོ་སྤེ་ཡོན་ཏན་རྒྱ་མཚོས། ་་་དབུ་མའི་ཐབས་ལམ་འདི་བོད་རྒྱ་མི་རིགས་གཉིས་ཀྱི་འཕྲལ་ཕུགས་རྒྱང་གསུམ་གྱི་ཁེ་ཕན་ཆེ་ཤོས་ཡིན་སྐོར་ལན་མང་བཀའ་ཕེབས་ཡོད་ནའང༌། ད་རེས་དབུ་མའི་ལམ་ལ་རྒྱ་གཞུང་གིས་བཟང་ལན་གཏན་ནས་མེད་སྟབས་བསྐྱར་ཞིབ་དགོངས་བཞེས་དགོས་སྐོར་ཟེར་བ་དགོས་མེད་ཐེ་ཚོམ་གྱི་གནས་ཚུལ་མ་ཡིན་ནམ། ་་་ །འདི་ལ་རྒྱབ་སྐྱོར་ཐ་གཅིག་ཏུ་ཡོད།
སློབ་དཔོན་ཟམ་གདོང་རིན་པོ་ཆེ་ངེད་ཚོའི་བཀའ་ཁྲིར་འབྱུང་བ་ནི་བོད་མི་ཚོའི་བསོད་ནམས་རང་རེད།
མ་འོང་པར་སློབ་དཔོན་ཟམ་གདོང་རིན་པོ་ལྟ་བུ་ཞིག་བཀའ་ཁྲིར་བྱུང་ན་ཅི་མ་རུང་་་་་དེ་ཡང་བུད་མེད་བཀའ་ཁྲི་ཞིག་སླེབས་ཐུབ་པ་ན་གང་མིན་ཚད་རེད
ཆོ་ལོ་འདི་དག་དགོས་མཁོ་ལོས་ཡོད། དེང་སང་མི་ཚོ་བླ་མ་དང་། སྤྲུལ་སྐུ། མཁས་དབང་སོགས་ཀྱི་མིང་ཐོབ་དང་གོ་གནས་ལ་རྩོད་ཀྱི་མི་འདུག་གམ། ཟམ་གདོང་རིན་པོ་ཆེར་ཆེ་བསྟོད་དེ་དག་སོ་སོས་འབད་དང་རྩོལ་བས་བསྐྲུན་མི་དགོས་པར་རང་ཆས་སུ་ཡོད་པ་ཡིན་ལ་མིང་དོན་མཚུངས་པ་ཡང་ཡིན་པས་”ཟམ་གདོང་”ཞེས་པའི་སྔ་གཞུག་ལ་ཆེ་བསྟོད་གང་སྦྱར་ཡང་སྐྱོན་དུ་འགྲོ་བར་མ་མཐོང་ངོ་།
དེས་ལས་ལོ་རྒྱུས་རེ་བྲིས་ན་ཡག།
ཡ་གྲོགས་པོ། སྐྱབས་རྗེ། མཁས་དབང་། སློབ་དཔོན། རིན་པོ་ཆེ་སོགས་ནི་དེང་དུས་དགོས་མཁོ་འདུག་གམ།