ཨེ་ཤེ་ཡ་རང་དབང་རླུང་འཕྲིན་ཁང་ལ་རྒྱ་གར་ལྷོ་ཕྱོགས་མོན་གྷོ་ཀྲི་ས་གནས་(ཨམ་སྐད) དང ཨོ་སི་ཀྲི་རེ་ལི་ཡ (དབུས་སྐད)། ཐའེ་ཝན་(ཁམས་སྐད)། བཅས་སུ་ས་གནས་གནས་ཚུལ་མཁོ་གཏོང་གནང་མཁན་གསར་འགོད་པ་གསུམ་དགོས་པའི་ས་མིག་གསལ་བསྒྲགས།
དགོས་ངེས་ཆ་རྐྱེན།
༡ ཁོངས་སོ་སོའི་སྐད་གདངས་ལ་བྱང་ཆ་ཡོད་པའི་ཐོག་མ་མཐར་བོད་ཡིག་གི་ཤེས་ཚད་མཐོ་སློབ་ཐོན་པའམ། ཡང་ན་མཐོ་སློབ་གྱི་ཤེས་ཚད་ཡོད་པ་ཁུངས་ལྡན་ར་སྤྲོད་ཐུབ་པ།
༢ དབྱིན་ཡིག་དང༌། རྒྱ་ཡིག ཧིན་རྡི་གང་རུང་གི་ཤེས་ཚད་རང་སྐྱ་འཕེར་ངེས་ཡོད་པ།
༣ བོད་ཕྱི་ནང་དང༌། རྒྱ་ནག རྒྱ་གར། རྒྱལ་སྤྱིའི་གནས་སྟངས་སོགས་ལ་ཤེས་ཚད་གང་ལེགས་ཡོད་པ།
༤ དྲང་བདེན་དང་ཕྱོགས་ལྷུང་མེད་པར་ཁྱོན་ཡོངས་ཀྱི་གནས་ཚུལ་མཁོ་སྒྲུབ་བྱེད་ཐུབ་པ།
༥ སྲིད་གཞུང་དང༌། ཆབ་སྲིད་ཀྱི་ཚོགས་པ། ཆོས་ལུགས་སྡེ་ཁག་གང་རུང་དང་མ་འབྲེལ་བར་གསར་འགོད་པའི་ངོ་བོར་གནས་ཐུབ་པ།
གོང་གསལ་ས་མིག་གསུམ་གྱི་གང་རུང་ཐོག་ལས་ཀ་བྱེད་འདོད་ཡོད་ཚེ་གཤམ་གསལ་ཁ་བྱང་ཐོག་སློབ་ཐོན་ལག་འཁྱེར་དང་དོ་དག་གི་ལོ་རྒྱུས། གསར་འགོད་པའི་ལས་ཀ་བྱེད་འདོད་པའི་རྒྱུ་མཚན་དང་དམིགས་ཡུལ་མདོར་བསྡུས་ཞིག་བཅས་ཕྱི་ལོ་༢༠༡༠ ཕྱི་ཟླ ༦ཚེས ༡༥ འགྱངས་མེད་གློག་འཕྲིན་ཁ་བྱང་ Email: chhonzomd@rfa.org བརྒྱུད་ནས་ངེས་འབུལ་ཡོང་བ་དགོངས་འཇགས་ཞུ།
གསར་འགོད་ཀྱི་ས་མིག་དུ་གུས་པའི་སྙན་ཞུ་མྱུར་འཕྲིན་འགྱུར་ནས་གཏོང་ཡོད་ཀྱང་ད་ལྟ་བར་དུ་འབྱོར་ལེན་ཙ་ན་མི་འདུག ཁྱེད་རྣམས་པའི་དེ་དག་དོ་སྣང་ཡོད་པའི་ཐོག་འགན་འཁུར་བཞེས་དགོས།
གསར་འགོད་པ་ཞེས་པ་དེ་གལ་ཆེན་པོ་ཡིན་པས་གང་བྱུང་མི་ཞིག་མིན་པར་དེ་ཐད་གཟབ་དགོས་གལ་ཤིན་ཏུ་ཆེ།
ཆ་རྐྱེན་དེ་ང་ལ་འཛོམས། ངའི་ཁམས་ སྐད། ཨམ་སྐད། དབུས་སྐད། རྒྱ་རོང་སྐད། གསེར་རྟ་སྐད། ཅེས་ལ་བྱང་ཆུབ་པ་ཡིན། ད་དུང་དབྱིན་རྒྱ་ཧིན་གསུམ་གྱི་སྐད་ཡིག་ལ་འང་མི་ཆོག་རྒྱུ་མེད། ཕྱོགས་རིས་འཐེན་འཁྱེར་ངོ་མི་ཤེས།
སྦས་ཡིབ་གསང་གསུམ་དྲན་མི་ཤེས།
མདོར་བསྡུས་ན་གསར་འགོད་པ་འདི་གསུམ་གྱི་གཅིག་ང་གཏན་ཁེལ་རྒྱུ་རེད། མི་ཞུན་ཤོག་དང་ངེད་གཉིས་ཀྱིས་ཐོ་འགོད་བྱེད་ཡ།
གསར་འགོད་པའི་ས་མིག་སྟོང་པ་གསལ་བསྒྲགས་བྱེད་པ་སྙིང་ནས་དགའ་བསུ་ཡོད།
ཡིན་ནའང་སྐབས་འཚོལ་རིང་ལུགས་པར་གོ་སྐབས་མ་ཤོར་བ་ཡིད་གཟབ་བྱེད་དགོས་གལ་ཆེ་ཡིན།
ཤེས་ཡོན་དང་ཉམས་མྱོང་ཡོད་མེད་ལ་མ་ལྟོས་པར་འཚང་ཀ་བརྒྱབ་རྒྱུ་ནི་བོད་པའི་གོམས་གཤིས་རེད།
དེར་བརྟེན་འཚང་སྙན་འབུལ་མི་རྣམས་ལ་གསར་འགོད་པའི་ལས་རིགས་དང་འབྲེལ་བའི་ཤེས་འཇོན་ལྡན་མིན་ཞིབ་འཇུག་བྱེད་གལ་ཆེ།་
ལས་མེད་ཅིག་རག་ན་ཡག་པོ་ད་ལོས་ཡིན་མོད།ལས་མེད་ཡིན་པར་སྙིང་རྗེ་བསྒོམ་ཏེ་མི་འཇོན་པ་ཞིག་བྱུང་ན་གྱོང་རེད་ཡ།གནས་ཚུལ་འདི་ལྟ་བུ་ནི་ང་ཚོའི་སྤྱི་ཚོགས་ཀྱི་གཞུང་སྒེར་ལས་ཁང་ཁག་ཏུ་མཐོང་རྒྱུ་མང་པོ་ཡོད།
གང་ལྟར་ལས་རིགས་དེ་ཤེས་ཚད་དང་ཉམས་མྱོང་ཡོད་པ་ཞིག་གི་ལག་ཏུ་རག་ན་ཡག་གི་མ་གཏོགས།ངོ་ཤེས་ཡིན་ཟེར་ནས་ཡི་གེ་བཀླག་ཤེས་ལ་མ་ཤེས་པ་ཞིག་གི་ལག་ཏུ་བཞག་དུས།རང་གཞན་གཉིས་ཕུང་བའི་རྒྱུ་ཡིན་པས་རླུང་འཕྲིན་ཁང་གི་འགན་ཡོད་མི་སྣས་གཟབ་གཟབ་བྱས་ན་ལེགས།
རླུང་འཕྲིན་ཁང་འདི་བོད་གཞིས་ལུས་མི་མང་གི་རྣ་བ་གཏོད་ས་གཅིག་པུ་ཡིན་ཞེས་སྔོན་ཆད་བོན་རྒྱ་ལགས་ལའང་ཞུ་རྒྱུ་བྱུང་བས།འདི་ལ་ཉམས་མྱོང་ཏོག་ཙམ་མེད་ན་མི་མང་དེ་དག་གི་རེ་བ་འཕྲོ་བརླག་ཏུ་གཏོང་ཉེན་ཆེ་བས་ཤིན་ཏུ་གཟབ་དགོས་ཀྱི་འདུག
གནས་ཚུལ་དེ་ཚོ་བདེན་པ་ཨེ་ཡིན་ན།ངོ་མ་བདེན་པ་ཡིན་ན་ཐབས་སྐྱོ་བོ་ཞིག་རེད།
དྲ་གྲོགས་འགའ་ཞིག་གིས་བཤད་པ་བཞིན་དངོས་ཡོད་གནས་ཚུལ་ཡིན་ན་དངོས་གནས་ཐབས་སྐྱོ་བོ་རེད། ང་ཚོའི་རང་ཡུལ་དགྲ་ལག་ཏུ་ཤོར་ནས་མིའི་ཡུལ་དུ་སྡོད་པའི་རིང་ལ་ཡང་ལས་ངན་འབའ་ཞིག་ལ་ཕྱོགས་ན།
མ་འོངས་པར་རང་ཡུལ་ལོངས་སུ་སྤྱོད་རྒྱུ་བྱུང་ཡང་རྙོག་ཁྲའི་རང་བཞིན་ལས་ཐར་ཐབས་ཨེ་ཡོད།
ཐོས་དགའ་ཟེར་བ་ཞིག་གིས་བཤད་པའི་སྐད་ཆ་དེ་བདེན་པ་རེད། ང་ལའང་དེའི་སྐོར་ནས་ཉམས་མྱོང་ཡོད། ངས་ཀྱང་དེའི་སྐོར་ནས་མང་བོ་ཞིག་ཧ་གོ་ཡོད།
ས་མིག་སྟོང་པ་འདི་གལ་ཆེན་རང་བཞིན་གྱི་ལས་དོན་ཞིག་རེད། འུ་ཚོའི་བཙན་བྱོལ་བའི་ཁྲོད་ན་ཤེས་བྱ་ཡོན་ཏན་འཛོམས་པའི་མི་རེ་ཟུང་ཡོད་ནའང་ ། ལས་མེད་རྐྱང་རྐྱང་གིས་འཚོ་བ་རོལ་ཐབས་བྱས་ནས་བསྡད་ཡོད་པས་མི་འདི་ཚོ་ལ་གོ་སྐབས་འཐོབ་པའི་སྨོན་ལམ་འདེབས།
ཧ ཧ ཧ ཨ་རོ་ཨ་རིག་དགེ་མཐོང་གལ་སྲིད་ཁྱོད་ལ་ཚོགས་པ་དེའི་ནང་ངོ་ཤེས་པ་ཡོད་ན་ས་མིག་དེ་རེག་ནོ་ཁོ་ཐག་ཡིན། དེ་མིན་ན་དཀའ་ནི་རེད།
ཆབ་སྲིད་ཚོགས་པ་དང་སྲིད་གཞུང་ཆོས་ལུགས་སྡེ་ཁག་གང་རུང་དང་མ་འབྲེལ་བ་
ཞིག་དགོས་ཀྱང་དཔེ་ཤག་གི་ཕྱོགས་སུ་མ་ལྷུང་བ་ཞིག་བྱུང་ན་ལྷ་རབས་དེ་ཡིན་ད་ལྟ་བར་དུ་གསར་འགོད་པའི་ཁོག་ལ་དཔེ་ཤག་ཤོར་བའི་རྒྱུ་མཚན་གྱི་ཚགས་ཤོག་ཐོག་
ཡིན་ན་འདྲ་རླུང་འཕྲིན་སོགས་གང་རུང་དཔེ་ཤག་སུས་མང་བ་སྤྲོད་ན་དེའི་གནས་
ཚུལ་རྒྱས་ཤིང་རྒྱས་པ་འཁོད་ཐུབ་དེ་མིན་གནས་ཚུལ་འབུལ་ཡང་གནས་བསྡུས་ཤིག་
ལས་གཏན་ནས་ཐོན་མི་ཐུབ།
གསལ་བསྒྲགས་བཏང་ཁུལ་བྱས་པ་ཞིག་ལས་དོན་དངོས་སུ་ངོ་ཤེས་ཤིག་འཐེན་གྱི་རེད། ང་ཚོའི་ཁོར་ཡུག་ནང་ལས་ཀ་དྲི་ངན་ཅན་དེ་རིགས་ཀྱི་ཁྱབ་དང་ཁྱབ་བཞིན་པ་རེད།
སྐྱབས་མགོན་ཨཱ་ལ་དང་ཡེ་ཤེས་ཀྱིས་ང་ལ་གོ་སྐབས་གནངས་སོང་། ཐུགས་རྗེས་ཆེ།
ང་ཡང་བྱེད་འདོད་ཡོད་ཀྱང་།
གསར་འགོད་པ་བྱེད་འདོད་ཡོད་ལ་བྱེད་དགོས་པའི་རྒྱུ་མཚན་དེ་བས་ཀྱང་ཡོད། འོན་ཀྱང་ཕྲན་ལ་ཆ་རྐྱེན་གཉིས་མི་ཚང་བས་རང་བཞིན་གྱིས་ཕྱིར་འཐེན་བྱས་པ་ཡིན། གོ་སྐབས་འདི་དྲ་གྲོགས་ཚོས་ཤོར་མི་ཉན་ཡ།