ཁ་སང་བོད་མདོ་ཁམས་མི་ཉག་ནགས་ཕྲན་ནས་འབྱོར་བའི་གནས་ཚུལ་ལྟར་ན། ཕྱི་ཟླ་ ༥ པའི་ཚེས་ ༡༢ ཀྱི་ནུབ་མོར་ཟི་ཁྲོན་མི་ཉག་ནགས་ཕྲན་ལྷ་རི་ཐང་གི་རྒྱ་གཞུང་གིས་བཙན་དབང་འོག་གསར་རྒྱག་བྱས་པའི་སྡོད་ཁང་ ༥༢ ཅན་གྱི་གྲོང་གསར་དཀྱིལ་དུ་བསྒྲེངས་ཡོད་པའི་རྒྱ་ནག་གི་རྒྱལ་དར་མར་ཕབས་ཏེ། མེར་བསྲེགས་བྱས་ཡོད་པ་དང་། དེ་དང་མཉམ་དུ་མའོ་ཙེ་ཏུང་དང་ཅང་ཙེ་མེན། ཧུ་ཅེན་ཐོའི་བཅས་ཀྱི་འདྲ་པར་ཁ་ཤས་ཀྱང་མེར་བསྲེགས་བཏང་ཡོད་འདུག ས་གནས་ཡུལ་མི་ཚོར་གནས་ཚུལ་དེའི་སྐོར་སྐད་ཆ་དྲིས་སྐབས། དེ་ནི་སྤྱི་ཟླ་ ༥ པའི་ཚེ་ ༡༤ ཉིན་སི་ཁྲོན་ཞིང་ཆེན་གྱི་མཐོ་རིམ་མགོ་ཁྲིད་ཁག་ཅིག་མི་ཉག་ནགས་ཕྲན་ལྷ་རི་ཐང་དུ་རྒྱ་གཞུང་གི་བཙན་དབང་འོག་གསར་རྒྱག་བྱས་པའི་གྲོང་གསར་དེ་ལ་ལྟ་སྐོར་དུ་ཡོང་གི་ཡོད་པར་ངོ་རྒོལ་བྱས་པ་རེད་ཟེར།
མིང་བརྗོད་འདོད་མེད་པའི་ཡུལ་མི་དེས་བཤད་དོན། དེའི་སྔོན་ཙམ་ལ་ས་གནས་སྲིད་གཞུང་གིས་གྲ་སྒྲིག་ཚོགས་འདུ་ཞིག་ཚོགས་ཏེ། གྲོང་གསར་དེར་སྡོད་ཁང་ ༥༢ ཡོད་པའི་ནང་ཁྱིམ་ཚང་བཅུ་བཙན་དབང་གིས་སྤོ་བཅུག་སོང༌། ད་དུང་ཁོང་ཚོར་ཁུལ་རིམ་པའི་དཔོན་རིགས་ཚོར་བཀའ་དྲིན་ཞུ་དགོས་པ་དང༌། རང་རང་གི་ཁྱིམ་དུའང་གྲ་སྒྲིག་ཡག་པོ་བྱ་དགོས། གལ་སྲིད་རང་ཉིད་ལ་མར་ཆུར་དང་འབྲུ་རིགས་སོགས་ཀྱི་ཆ་རྐྱེན་མེད་ན། གཉེན་ཉེ་རྣམས་གཡར་ནས་དོ་བོ་མང་པོ་བརྩིགས་དགོས་པའི་བཀའ་བཏང་ཡོད་པ་རེད། ཡིན་ན་ཡང་དེང་སྐབས་འབྲོག་པ་རྣམས་འབྲོག་ལས་བྱེད་དུ་འགྲོ་དགོས་པ་དང་། གཞན་པ་ཚོ་ཞོར་ལས་བྱེད་དུ་འགྲོ་དགོས་སྟབས་དེ་འདྲ་བྱེད་རྒྱུའི་དུས་ཚོད་ཡོད་པ་མ་རེད། ལྷག་པར་དུ་རང་ལ་མེད་པའི་དངོས་པོ་གཞན་ལ་གཡར་རྒྱུ་ཡང་དཀའ་ལས་ཁག་པོ་ཡོད་སྟབས། ང་ཚོའི་གྲོང་པའི་རྒྱལ་མཚན་དང་། ཁོང་གི་བཟའ་ཟླ་སྒྲོན་གསལ་གཉིས་ཀྱིས་དེ་འདྲ་བྱ་ཐབས་རྩ་བས་ནས་ཡོད་པ་མ་རེད་ཟེར་ནས་ངོས་ལེན་བྱས་མེད། དེའི་ཕྱི་ཉིན་ཡང་བསྐྱར་ལས་བྱེད་གཉིས་ཁོང་ཚོའི་སར་སོང་སྟེ། ད་ཐེངས་ཀྱི་ལས་དོན་ལ་གྲུབ་འབྲས་བྱུང་ན་རྗེས་སུ་གཞུང་གིས་གཟིགས་རྟོགས་ཡག་པོ་ཡོད་པ་དང༌། ལྷག་པར་རྒྱལ་མཚན་དང་སྒྲོན་གསལ་གཉིས་ཀྱི་བུ་ཕྲུག་སློབ་གྲྭར་ཡོད་པ་དེའི་ལོ་འཁོར་རྒྱུག་སྤྲོད་ཡག་པོ་ཡོང་རྒྱུ། རྗེས་སུ་གོ་གནས་ཆེན་པོ་ཐོབ་པར་ཕན་ཐོགས་ཡོད་ཚུལ་སོགས་བཤད་འདུག ཅེས་དང་།
ཁོས་མི་མཐུད་དུ་བརྗོད་དོན། ལས་བྱེད་དེ་གཉིས་ཀྱིས་ཇི་ལྟར་བཤད་ཀྱང་རྒྱལ་མཚན་བཟའ་ཟླ་གཉིས་ཀྱིས་ངོས་ལེན་བྱས་ཡོད་པ་མ་རེད། སྒྲོན་གསལ་གྱིས་ཁོ་རང་གཉིས་ལ་རྒྱ་སྒོར་གཅིག་གི་རོགས་སྐྱོར་མ་སྤྲད་ཀྱང་ཆོག དཀོན་མཆོག་དང་འགལ་བའི་སྐྱག་རྫུན་བཤད་དེ་རྒྱུ་འབྲས་མེད་པའི་ལས་ཀ་བྱ་རྒྱུ་མིན་ཅེས་བཤད་རྗེས། ཕྱི་ཉིན་སྨན་ཁང་དུ་འགྲོ་དགོས་པར་ཁ་གཡར་ནས་ཕྱི་ལོགས་སུ་ཕྱིན་སོང་། དེའི་རྐྱེན་གྱིས་ཁོང་གཉིས་ལ་ཉིན་འགའི་སྔོན་ལ་གཞུང་གིས་རོགས་སྐྱོར་ཡིན་ཁུལ་གྱི་སྤྲད་པའི་ཁྱིམ་ཆས་དང་ཅ་དངོས་རེ་ཟུང་ཡོད་པ་རྣམས་ས་གནས་སྲིད་གཞུང་གིས་ཕྱིར་བསྡུ་བྱས་སོང༌། ང་ཚོས་ཁོང་གཉིས་རྗེས་སུ་ག་འདྲ་ཆགས་ཡོང་སེམས་ཁྲལ་བྱེད་ཀྱིན་ཡོད། དེ་ རྗེས་ལ་རྒྱལ་དར་དང་། ཏང་གི་མགོ་ཁྲིད་ཚོའི་འདྲ་པར་མེར་བསྲེགས་པའི་གནས་ཚུལ་དེ་བྱུང་པ་རེད། གནས་ཚུལ་དེ་ལས་བྱེད་ཚོས་གསང་བ་བྱས་ཏེ། སུ་ལའང་བཤད་མི་ཆོག་པ་བྱས་པ་རེད། མ་གཞི་ནས་གྲོང་གསར་ལྷ་རི་ སྡེ་བ་ཟེར་བ་དེར་འདུག་མཁན་ཞིག་ཡོད་པ་མ་རེད། འོན་ཀྱང་། ང་ཚོས་སྐབས་རེ་དེར་བསྡད་ཡོད་ཁུལ་གྱིས་མེ་གཏོང་བ་དང་ལས་ཀ་བྱེད་པའི་རྣམ་པ་སྟོན་དགོས་ཀྱི་ཡོད་པ་རེད། ཅེས་བརྗོད་སོང༌། ཟླ་ ༥ པའི་ཚེས་ ༡༤ ཉིན་ཁུལ་རིམ་པའི་དཔོན་རིགས་ཁག་ཅིག་ལྟ་བསྐོར་ལ་འཁྱུག་ཙམ་འབྱོར་ནས་ཕྱིན་ཡོད་འདུག་ཀྱང་། དཔོན་རིགས་དེ་ཚོའི་མིང་དང་གོ་གནས་གང་ཡིན་སོགས་འབྲོག་པ་མང་ཚོགས་ཀྱིས་ཤེས་མི་འདུག མི་ཉག་ནགས་ཕྲན་སྡེ་བ་ཟེར་བ་དེ་ནི། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ། རྟའུ་རྫོང་། ལུང་འདུས་ཤང་། ༼ལུང་བསྟན་ཤང་།༽ ནགས་ཕྲན་སྡེ་བ་འམ་ལུང་འདུས་ཟེར་བ་དེ་རེད།
བོད་ནང་གི་དཔའ་བོ་དཔའ་མོ་འདི་ཚོ་ལ་ནམ་ཡང་ཡི་རང་ཞུ་རྒྱུ་ལས་ཅི་ཡོད། རང་དབང་བརྩོད་མཁན་ལ་སྙིང་སྟོབས་ཞིག་དགོས་པ་ལས། ལས་ལྷ་པོས་རང་དབང་ཐོབ་པའི་ལོ་རྒྱུས་སུ་ལ་ཡོད། དེས་ན་སྙིང་སྟོབས་ཞུམ་པ་མེད་པ་ནི་རང་དབང་སྒྲུབས་པའི་ཆ་རྐྱེན་ཨང་དང་པོ་ཡིན་པར་མདོད།
བོད་མདོ་ཁམས་མི་ཉག་ནགས་ཕྲན་གྱི་དཔའ་བོ་དཔའ་མོ་རྣམས་པ་ཁྱོད་ཚོས་བཅང་བའི་ལྷག་བསམ་རྣམ་དག་ལ་རྗེས་སུ་ཡིད་རིང་ཡོད་། ང་ཚོའི་སྐྱིད་སྡུག་ནམ་ཡང་མཉམ་མྱོང་ཡིན།
ཅོོ་རི་ཉི་མཟེར་བ ཁྱོད་ཀྱིས་ཐོག་མར་སུམ་རྟགས་དག་གསུམ་ཡག་པོ་ཞིག་ཤེས་པར་བྱས་ནས་འདིར་ཕེབས་ན་ཡག་ས་རེད།
ཟི་ཁྲོན་ཞེས་མ་བྲིས་ན་དཀར་མཛེས་ས་ཁུལ་འདིར་ཆུང་དྲག་ནས་ཤེས་ཀྱི་མ་རེད་དྲན་སོང་ངམ། ཏྲེ་ཧོར་ཁམས་པ་ཟེར་བ་འདིའི་ས་ཆ་སུད་སི་རྒྱལ་ཁབ་ལས་ཆེ་བ་ཡོད་པས་གསར་འགོད་རྣམས་ཀྱིས་ཟི་ཁྲོན་ཞེས་པའི་ཚིག་འདིར་མ་སྦྱར་ཀྱང་མི་ཚང་མས་རྟོགས་ཐུབ་ཀྱིན་རེད་སྙམ།
ཉིན་གཉིས་གསུམ་གྱི་སྔོན་ནས་གསར་འགྱུར་སུ་ཡིས་བཀོད་པ་ཡིན་ནའང་གསར་འགོད་པའི་མིང་བྲིས་སོང་ཡང་དེ་རིང་མིང་བྲིས་མི་འདུག་པས་སུ་ལ་ལབ་དགོས་པ་ཡིན་ཧ་གོ་མ་སོང་།
ཟི་ཁྲོད་མི་ཉག་ཞེས་བྲིས་པ་དེར་ཡག་པོ་མ་རེད། གསར་འགོད་པ་ཞིག་གིས་ངོས་ནས་མཁྱེན་དགོས་པ་ཞིག་རེད།
གཞི་ལུས་བོད་རྒྱ་ཆེན་མི་དམངས་ཀྱི་སེམས་ལ་ཡོད་པ་བོད་རང་དབང་རང་བཙན་དང་རྒྱལ་བ་རིན་པོ་ཆེན་ཁྲི་ལ་འཁོར་དགོས་པའི་རེ་འདུན་ཡོད་པར་གསལ་པོ་རེད། མ་ཡིན་ཡིན་ཁུལ་མ་རེད་དངོས་ཡོད་གནས་ཚུལ་རེད།
ཨ་ཨ་།དུས་ནམ་ཡང་རྩེད་སྤྱད་ལས་མི་འདུག་སྙིང་རྗེ་ཡང་ཚར་སོང་།
ཏག་ཏག་རེད། དཀོན་མཆོག་གསུམ། བསྲེགས་དགོས་རེད། བཅོམས་དགོས་རེད། གཏོར་དགོས་རེད།
ད་ལོ་བོད་མདོ་ཁམས་མི་ཉག་ནགས་ཕྲན་ལྷ་རི་ཐང་དུ་གསར་རྒྱག་པའི་གྲོང་གསར་དེ་ལས་འཕྲོས་ནས་གནས་ཚུལ་མང་པོ་ལྷག་སོང་ཡཱ།
བོད་མདོ་ཁམས་མི་ཉག་རེད་རེད། ཟི་ཁྲོན་མི་ཉག་མ་རེད། གལ་སྲིད་ཟི་ཁྲོན་ངེས་པར་དུ་འབྲི་དགོས་ཀྱི་ཡོད་ན། ད་ལྟ་རྒྱ་ནག་གཞུང་གིས་ཆ་བགོས་ལྟར་ན་ཟི་ཁྲོན་མི་ཉག་ནགས་ཕྲན་འབྲོག་སྡེ་རུ་ཞེས་འབྲི་དགོས་པ་རེད། འདི་ལ་ཆབ་སྲིད་ཀྱི་གནད་འགགཡོད་པ་རེད་བསམ་གྱི་ཡོད། བོད་པས་རྒྱ་གཞུང་གིས་ཆ་བགོས་ལ་ངོས་ལེན་མེད་པའི་ཁུལ་མ་རེད་དམ། གཅིག་ཤོད་དང་།