རྒྱ་གཞུང་གི་ཉེན་རྟོག་པས་རྩོམ་པ་པོ་གཉིས་ལ་གཅར་རྡུང་བྱས་སྟབས་གཅིག་གི་རྩིབ་རུས་བཅག་ཅིང་ལག་པའི་ཚོར་བ་བརླགས་འདུག གཞན་པ་དེའི་མགོ་དང་ཁ་ལ་རྨས་སྐྱོན་ཚབས་ཆེན་བཟོས་ཡོད་འདུག
ཕྱི་ཚེས་ ༡༧ ཉིན་བོད་ནས་མི་སྣ་ཞིག་གིས་གློག་འཕྲིན་བརྒྱུད་ངྷ་སར་གནས་སྡོད་འཕྲིན་ལས་ལགས་ལ་གནས་ཚུལ་བཏང་བ་ལྟར་ན། ཁ་སྔོན་རྒྱ་དམག་གིས་འཇུ་བཟུང་བྱས་པའི་རྩོམ་པ་པོ་སྒོ་ཡོན་དང་ཧོར་དགེ་འདུན་བཟང་པོ་གཉིས་ལ་ཉེས་མེད་གཅར་རྡུང་བྱས་པའི་རྐྱེན་གྱིས་ཧོར་དགེ་འདུན་བཟང་པོ་ཡི་རྩིབ་རུས་བཅག་ཡོད་པར་མ་ཟད། ལག་གཡོན་མའི་ཐོག་ལྕགས་དབྱུག་གིས་མང་པོར་བརྡུངས་པའི་དབང་གིས་ད་ཆར་ཚོར་བ་མེད་པར་གྱུར་འདུག ད་དུང་སྒོ་ཡོན་གྱི་མགོ་དང་ཁ་ལ་རྨས་སྐྱོན་ཚབས་ཆེན་ཕོག་ཡོད་འདུག
དེར་བརྟེན་ཁོང་གཉིས་ད་དུང་ཡང་རྒྱ་ནག་ཁྲི་འདུ་རུ་སྨན་བཅོས་བྱེད་བཞིན་པ་རེད། ཁོང་གཉིས་འཛིན་བཟུང་དང་རྡུང་རྡེག་གཏོང་དགོས་པའི་རྒྱུ་མཚན་ནི་ ༢༠༠༨ ལོར་བྲག་འགོར་ཞི་རྒོལ་ཆེན་མོའི་སྐབས་སུ་འཛིན་བཟུང་བྱས་པའི་བཙུན་མ་ཨོ་རྒྱན་ལྷ་མོ་བཙོན་གྲོལ་ཐོབ་ཏེ། ཕྱིར་ཕ་ཡུལ་དུ་ལོག་ཡོང་སྐབས་ཁོང་གཉིས་ཐུག་འཕྲད་བྱས་འདུག་པས་ཕལ་ཆེར་དེའི་རྐྱེན་ཡང་ཡིན་སྲིད་པའི་ཚོད་དཔག་བྱེད་ཀྱིན་འདུག སྐབས་དེར་ཨོ་རྒྱན་ལྷ་མོས་ཁྲི་འདུ་རུ་བཙུན་མ་ཚེ་རིང་མཚོ་ཉིན་བཅུའི་རྗེས་སུ་གློད་གྲོལ་གཏོང་གི་ཡོད་པས་དེར་སྒུག་ནས་བསྡད་འདུག
སྤྱི་ཟླ་ ༦ ཚེས་ ༥ ཡི་དགོང་མོའི་དུས་ཚོད་ ༡༡ དང་ ༡༢ ཡས་མས་སུ། ཁམས་ཕྱོགས་ཀྱི་ན་གཞོན་རྩོམ་པ་པོ་སྒོ་ཡོན་དང་ཐུར་རམ་དགེ་འདུན་བཟང་པོ། ཁོང་གཉིས་ཀྱི་སློབ་གྲོགས་གསེར་རྟ་ཤེས་རབ་གསུམ་ཁྲི་འདུ་གྲོང་ཁྱེར་གྱི་བོད་མི་སྡོད་སྒར་ཁྲོམ་གྱི་བྱང་གི་སྲང་ལམ་ཞིག་ཏུ་དགོང་ཟས་ཤིག་ཟ་རུ་ཕྱིན་སྐབས། གློ་བུར་དུ་ཉེན་རྟོག་པའི་རླངས་འཁོར་གཅིག་དང་རླངས་འཁོར་གཞན་འགའ་ཡི་ནང་ནས་དྲག་ཆས་སྤྲས་མེད་པའི་ཉེན་རྟོག་པ་བཅོ་ལྔ་ཡས་མས་ཤིག་བབས་ནས་ཁོང་གསུམ་རུབ་སྟེ། ཁོང་ཚོའི་ལུས་སྟེང་དུ་སྦྲིད་རྫས་ཤིག་གཏོར་རྗེས་ལྕགས་དབྱུག་སོགས་ཀྱིས་མགོ་དང་རྐང་པ་ལ་གང་བྱུང་གཞུས་ནས་དྲན་པ་འཐོར་རྗེས་རླངས་འཁོར་ནང་བཅུག་ནས་ཁྲིམས་ལས་ཁང་ཞིག་ཏུ་ཁྱེར་ཞིང༌། དེ་ནས་རྐང་ལག་བསྡམས་ནས་ཆབ་སྲིད་ཀྱི་ལས་ཀ་ཅི་ཞིག་བྱས་ཡོད་པ་སོགས་ཀྱི་ཚ་འདྲི་དང་གློག་རྒྱུགས་སོགས་ལག་ཆ་འདྲ་མིན་གྱིས་རྡུང་རྡེག་ཚད་མེད་བཏང་བར་མ་ཟད། གཟུགས་པོ་དང་ཁུག་མ། ཁ་པར་དང་པར་ཆས་སོགས་སྔོག་བཤེར་ཡང་བྱས་འདུག ད་དུང་མེ་མདའ་ཐོད་པར་བཙུགས་ཏེ་དྲང་པོར་མ་བཤད་ན་ད་ལྟ་ཉིད་དུ་འདི་ནས་གསོད་ངེས་ཡིན་ལུགས་ཀྱི་འཇིགས་སྐུལ་ཡང་བྱས་འདུག ཁོང་ཚོས་རང་ཉིད་འཇུ་བཟུང་དགོས་དོན་ཅི་ཡིན་མིན་ཉེན་རྟོག་མི་སྣར་ཕར་དྲིས་དུས་སྔར་ལས་ཆེ་བའི་གཅར་རྡུང་བྱེད་པ་ལས་གསལ་བཤད་ཅི་ཡང་བྱས་མི་འདུག
གཟུགས་ཅན་ལུས་ཀྱི་རྩིབ་རུས་བཅག་ན་ཡང་།།
གཟུགས་མེད་སེམས་ཀྱི་སྙིང་རུས་ཇེ་སྲ་རེད།།
དངོས་བདེན་ར་སྤྲོད་བྱེད་རྒྱུ་མེད་ཉིན་མོ།།
ནག་ཉེན་དང་དུ་མི་ལེན་ཁམས་པའི་རྟགས།།
བོད་ཀླ་ཀློ་དང་རྗེས་ལུས་རེད་ཟེར་མཁན་རྒྱ་ནག་སྲིད་གཞུང་ཡིན་ལ།
བོད་ཀླ་ཀློ་དང་རྗེས་ལུས་སུ་སྒྱུར་མཁན་ཡང་རྒྱ་ནག་སྲིད་གཞུང་རང་ལས་མ་འདས།
བོད་ཀྱི་ཤེས་ཡོན་པའི་སྡེ་རྩ་མེད་དུ་གཏོང་བ་དང་བོད་ཀྱི་ཆོས་དང་རིག་གཞུང་།
ཐ་ན་རང་བྱུང་ཁོར་ཡུག་དག་ཀྱང་རེ་རེ་བཞིན་གཤགས་ཀྱང་གཏུབས་ནས་ཁོང་ཚོའི་སྲིད་འབྱོར་ལ་ཁ་གསབ་བྱས་རྗེས་བོད་རྗེས་ལུས་དང་དབུལ་ཕོངས་ཡིན་པའི་གསར་འགྱུར་བཟོ་བཞིན་པ་རེད།
སྒོ་ཡོན་འདི་ཅུང་ཟད་རེ་བ་ཡོད་པའི་རྩོམ་པ་པོ་ཞིག་ཡིན།
ཁོང་གཉིས་ལ་གདུང་སེམས་མཉམ་བསྐྱེད་ཞུ་བཞིན་ཡོད།
རྩོམ་སྒྲིག་པ་ལགས
གནས་ཚུལ་འདི་གཏོང་མཁན་ཕྲན་འབའ་པ་སྐལ་བཟང་འཕྲིན་ལས་ཡིན།
རྩོམ་པ་པོའི་མ་འོངས་པའི་འཚོ་རྟེན་ཡང་མེད་པ་བཟོས་པར་ཅི་དྲག
ཨ་ཨ༌༌༌ཟག་ཚོགས་འདི་ཚང་༌༌༌ ངོ་མ་༌༌