མ་སུ་རི་ནས་བྱིས་པ་བརྒྱད་ཕྱིར་བོད་དུ་གཏོང་ཕྱིར་བལ་ཡུལ་སྣེ་ལེན་ཁང་དུ་བསྐྱལ་ཡོད་པའི་སྐབས་འདིར། བལ་ཡུལ་ཉེན་རྟོག་པས་ཀྱང་བོད་ནས་རྒྱ་གར་དུ་བྲོས་ཡོང་མཁན་བྱིས་པ་ཚོ་ཕྱིར་རྒྱ་ནག་ལ་རྩིས་སྤྲོད་བྱ་འཆར་བྱས་ཡོད་འདུག
སང་ཉིན་ཏེ། ཕྱི་ཟླ་ ༦ པའི་ཚེས་ ༢༠ ཉིན་ནི་འཛམ་གླིང་སྐྱབས་བཅོལ་ཉིན་མོ་ཡིན་ལ། འཛམ་གླིང་གི་སྐྱབས་བཅོལ་བ་ཀུན་གྱི་ནང་ནས་ཉེན་ཁ་ཆེ་ཤོས་ནི་ཧི་མ་ལ་ཡའི་འཁྱགས་ཀླུང་དང་། རྒྱ་ནག་གི་མཐའ་མཚམས་དམག་མིའི་མེ་མདའི་སོ་ཁ་ནས་འབྲོ་བཞིན་པའི་བོད་རིགས་རྣམས་ཡིན། ལོ་ལྟར་བོད་མི་ ༣༠༠༠ ཙམ་རེས་ཉེན་ཁ་བརྒྱུད་ནས་རྒྱ་གར་དུ་ཡོང་གིན་ཡོད།
རྒྱལ་སྤྱིའི་བོད་དོན་ལས་འགུལ་ཁང་གིས་ཕྱི་ཚེས་ ༡༨ ཉིན་གནས་ཚུལ་སྤེལ་བ་ལྟར་ན། ཟླ་འདིའི་ནང་དུ་བོད་ནས་རྒྱ་གར་དུ་བྲོས་བྱོལ་ལ་ཡོང་མཁན་བྱིས་པ་གཉིས་ཚུད་པའི་བོད་མི་བདུན་བལ་ཡུལ་ཉེན་རྟོག་པས་འཇུས་ཏེ་བཙན་ཤེད་ཀྱིས་ཕྱིར་རྒྱ་ནག་ལ་རྩིས་སྤྲོད་བྱ་རྩིས་བྱས་པ་དང་། མཐའ་མ་དེར་ཁོང་ཚོ་ཉེན་རྟོག་པའི་ལག་ནས་བྲོས་བྱོལ་གྱིས་བལ་ཡུལ་གྱི་ཤིང་ནགས་ཤིག་གི་ནང་དུ་ཉིན་ཁ་ཤས་རིང་སྦས་སྐུང་བྱས་ཡོད་འདུག
ཁོང་ཚོའི་ནང་དུ་ལོ་ ༧ ཅན་གྱི་བུ་མོ་ཞིག་དང་ལོ་ ༡༢ ལ་སོན
་པའི་བུ་ཞིག་བཅས་ཡོད་ལ། ཁོང་ཚོ་ཤིང་ནགས་ནག་ཡུན་རིང་ལྷག་སྟབས་ན་ཚ་ཕོག་ཡོད་པ་དང་། བྱིས་པ་དེ་གཉིས་ཛ་དྲག་གིས་སྨན་ཁང་དུ་སྐྱེལ་དགོས་པའི་ཚད་དུ་ཡོད་པ་ལྟར་མཐའ་མ་དེར་བལ་ཡུལ་གྱི་རྒྱལ་ས་ཀ་ཐུ་མན་གྲུར་འབྱོར་ཡོད་འདུག
རྒྱལ་སྤྱིའི་བོད་དོན་ལས་འགུལ་ཁང་གིས་བརྗོད་དོན། བལ་ཡུལ་ནང་དུ་ཆབ་སྲིད་ཀྱི་བར་བརྒལ་ཞིག་འགྲོ་བཞིན་པའི་སྐབས་སུ་པེ་ཅིན་གྱིས་བལ་ཡུལ་གཞུང་དང་མཐའ་མཚམས་དམག་མི། ཁྲིམས་ལུགས་མི་སྣ། མི་སེར་སྤྱི་ཚོགས་བཅས་ལ་འཐབ་བྱུས་རང་བཞིན་གྱི་ཤུགས་རྐྱེན་སྤྲོད་བཞིན་པ་ནི་བོད་མི་ཚོར་མཚོན་ན་འཛིན་བཟུང་དང་། ཕྱིར་རྩིས་སྤྲོད་སོགས་ཀྱི་ཐད་ནས་ཉེན་ཁ་ཆེན་པོ་རེད་ཅེས་དང་། རྒྱ་ནག་གི་ཉེན་རྟོག་པ་དག་གིས་བལ་ཡུལ་གྱི་ས་ཁོངས་ནང་དུའང་དྲག་པོའི་སྦྱོར་བ་རྩོམ་སྲིད་པའི་སེམས་ཁྲལ་བྱ་མཁན་ཡོད་པ་རེད་ཟེར།
རྒྱལ་སྤྱིའི་བོད་དོན་ལས་འགུལ་ཁང་གིས་བཤད་དོན། རྒྱ་ནག་གི་དྲག་ཆས་ཉེན་རྟོག་པ་རྣམས་བལ་ཡུལ་ས་མཚམས་ཀྱི་ཕར་ཕྱོགས་སུ་མཐོང་གི་འདུག་ལ། དེ་དག་གིས་བོད་མི་སྐོར་ཁག་དེ་འཚོལ་བཞིན་ཡོད་སྐོར་གོ་ཐོས་བྱུང་ཡོད་འདུག
༢༠༠༨ ལོར་བོད་ནང་ཞི་བའི་ངོ་རྒོལ་བྱུང་བ་ནས་རྒྱ་ནག་གཞུང་གིས་བོད་ས་གང་སར་དམ་དྲག་བྱས་པ་དང་། ལྷག་པར་དུ་བལ་བོད་མཐའ་མཚམས་སུ་དམག་མི་འཕར་སྣོན་བྱས་པ་སོགས་ཀྱི་དབང་གིས་བོད་ནས་རྒྱ་གར་ལ་བཙན་བྱོལ་དུ་ཡོང་བའི་གྲངས་འབོར་ཡང་མར་ཆག་ཡོད་པ་རེད།
མཆན། གོང་གསལ་པར་འདི་དག་ནི་ནང་པ་ལའི་དོན་རྐྱེན་སྐབས་ཀྱི་འདྲ་པར་དང་། བོད་ནས་བཙན་བྱོལ་དུ་ཡོང་མཁན་ནད་པར་གྱུར་བ། དེ་བཞིན་བོད་ནས་བལ་ཡུལ་སྣེ་ལེན་ཁང་དུ་བདེ་གླགང་ངང་འབྱོར་བའི་བྱིས་པ་སྐོར་ཞིག་གི་པར་བཅས་ཡིན། པར་འདི་དག་ནི་གྷོ་གྷལ་པར་མཛོད་ནས་བླངས་ཏེ་འདིར་བཀོད་པ་ཡིན།
གསར་འགྱུར་འབྲི་མཁན། ལུང་རིགས་རྒྱལ།
ཨ་རིག་འགྱུར་མེད་ལགས་ཀྱི་ཟིན་བྲིས་ལས། བལ་ཡུལ་དུ་སྤྲོད་ཟིན་པའི་སློབ་ཕྲུག་དེ་རྣམས་གལ་སྲིད་རྒྱ་གར་དུ་ཕྱིར་ལོག་ན་ཉེས་རྟོག་པར་རྩིས་སྤྲོད་རྒྱུ་ཡིན་ཟེར་སློབ་གྲའི་ཞོག་ཚོགས་སྐབ་གསལ་བསྒྲགས་བྱས་སོང་ཟེར། ང་ནི་ཧང་སངས་སོང་། ཡང་དེའི་ནང་གི་ཕྲུ་གུ་ཅིག་ལོ་༡༡་རེད་ཟེར། ལོ་༡༡་གི་ཕྲུ་གུར་འཕྲིག་སྤྱོད་གི་ནུས་པ་ཨེ་ཡོད་ན།
བཀུར་འོས་སྤྱི་མཐུས་རྣམ་པས་རྒྱ་བལ་གང་དུ་ཕ་མ་མེད་པའི་དྭ་ཕྲུག་དེ་དག་ལ་ཐུགས་ཁུར་གནང་བ་ནི་དགོས་ངེས་ཤིག་དང་ལས་འགན་ཤིག་རེད། ད་དུང་འཛམ་གླིང་རྒྱལ་ཁབ་ཚད་ལྡན་དང་། ཕ་མ་མཉམ་དུ་ཡོད་པ་རྣམས་ལ་ཡང་ཕལ་ཆེར་ཐོས་མྱོང་མེད་པའི་ལྐུག་པའི་བསྒྲིགས་གཞི་དེ་གནས་བབ་དང་མཐུན་པ་ཞིག་མ་བྱུང་ན། གསར་འབྱོར་གྱི་ཕྲུག་གུ་མི་ཉུང་བ་ཞིག་ལ་ད་དུང་དཀའ་ངལ་མུ་འཐུན་འཕྲད་པ་གཏན་ཁེལ་རེད། དེང་སང་གྲྭ་བཙུན་གྱི་དགོན་པ་མང་ཆེ་བ་ལས་ཀྱང་རང་རེའི་རྒྱ་བལ་དུ་ད་ཕྲུག་གི་སློབ་གྲྭ་འདི་རྣམས་བསྒྲིག་གཞི་དམ་ཐུབ་པའི་རྒྱུ་མཚན་ནི། དེ་དག་གི་ཕ་མ་རྒྱ་བལ་གང་དུ་མེད་པའི་རྒྱུ་མཚན་གྱིས་ལོས་ཡིན།
གལ་སྲིད་འཁྲིགས་སྤྱོད་བྱས་པར་བརྟེན་ཕྲུག་གུ་ཆགས་པ་ཡིན་ན། སློབ་གྲྭ་ལས་དོན་དགོས་པ་དངོས་ཡོད་གནས་ཚུལ་ཡིན་རུང་དེ་དག་ཀྱང་དམིགས་གསལ་གྱི་སློབ་གྲྭར་གཏང་ཐུབ་ན་ཤིན་ཏུ་ལེགས རང་དབང་ལུང་པའི་རྒྱལ་ཁབ་ཡར་རྒྱས་ཅན་རྣམས་ཀྱི་སྒྲིགས་གཞི་ལ་གཟིགས་དང་། དེ་དག་གིས་སློབ་འབྲིང་སྐབས་སུ་ཕྲུག་གུ་བྱུང་ན། དེ་དག་དམིགས་གདམས་ག་ཡོད་པའི་སློབ་གྲྭ་གཏང་སྲོལ་འདུག
རང་རེ་བཙན་བྱོལ་འདི་ལ་ཡང་དམིགས་གསལ་གྱི་སློབ་གྲྭ། ཕྲུག་གུ་དེ་དེ་བཞིན་གྱི་མི་ཚེ་ཆུད་ཟོས་མི་འགྲོ་བའི་ཆེད་དུ་འཛུགས་ཐུབ་ན་ཤིན་ཏུ་ལེགས
ད་ལྟའི་གནས་ཚུལ་འདི་ནི། རྒྱལ་ཁབ་གཞན་དང་མི་རིགས་གཞན་གྱིས་ཐོས་ན། རྗེས་ལུས་དང་སྒེར་གཅོད་རིང་ལུགས་དེ་ད་དུང་ལག་ལན་བསྟར་གྱིན་ཡོད་པ་ཤེས་ཀྱི་རེད་ལ། ང་དང་ང་འདྲ་བའི་བོད་མི་རིགས་ལ་དུང་པའི་གཞོན་ནུ་རྣམས་ཀྱིས་ཐོས་སྐབས་སྙིང་ལ་ཤིན་ཏུ་ནས་མི་བཟོད་པའི་ན་ཚ་སྤྲད་ཀྱིན་འདུག
མཆོག་ཏུ་སྐུར་འོས་སྤྱི་འཐུས་གསེར་རྟ་ཚུལ་ཁྲིམས་འོད་ཟེར་ལགས་ཐུགས་རྗེ་ཆེ། ད་དུང་ཤུགས་རྒྱོབ་རོགས། ངའི་གཏམ་བཟང་སྒུག་ནས་སྡད་ཡོད།