སི་ཊེ་སི་ ལིར་ནིར། གཡང་འབུམ་རྒྱལ་གྱིས་བསྒྱུར།
དེང་སང་བརྡ་འཕྲུལ་ཚན་རིག་གི་སྟབས་བདེའི་བྱེད་ཐབས་ལ་བརྟེན་ནས་ནང་པའི་རྒྱུན་མཁོའི་ཆོས་སྤྱོད་ཞལ་འདོན་ཁག་ཅིག་ལག་འཛིན་ཁ་པར་སྟེང་ནམ་དགོས་སྐབས་ཐོག་ཉན་ཐུབ་པ་བྱུང་ཡོད་པ་དགའ་སྤོབས་སྐྱེ་འོས་པ་ཞིག་རེད་སྙམ། སྤྱིར་ཨེ་ཁ་པར་ iPhone ཐོག་ནས་བེད་སྤྱོད་བྱ་རྒྱུ་ཡོད་པའི་དྲ་འཇུག་ applications གཞན་དང་བསྡུར་ན་ནང་པའི་འདི་དག་ཧ་ཅང་ཉུང་ངུ་ཡིན།
www.buddhistapps.com དྲ་ཁང་གིས་སྨན་བླའི་ཆོ་ག་ Menla Rituals དང་ཉིན་རེའི་ནང་པའི་གསོལ་འདེབས་ Daily Buddhist Prayers ། མི་ལ་རས་པའི་མགུར་གླུ་ Songs of Milarepa བཅས་བཟོ་བཀོད་བྱས་ཏེ་རྒྱ་ཆེའི་ནང་པ་ཚོར་ཨེ་ཁ་པར་ iPhone ཐོག་ནས་བེད་སྤྱོད་བྱ་རྒྱུ་བཟོས་ཡོད། དེ་དག་ Apple Store ནས་སོ་སོའི་ཨེ་ཁ་པར་ iPhone ཐོག་འཇུག་འགོད་བྱེད་ཐུབ། སྨན་བླའི་ཆོ་ག་ནི་རིན་མེད་དང་། ཉིན་རེའི་ནང་པའི་གསོལ་འདེབས་དང་མི་ལ་རས་པའི་མགུར་གླུ་གཉིས་ལ་ཨ་རིའི་ནང་ཨ་སྒོར་ ༡།༩༩ སྤྲོད་དགོས་པ་རེད།
ཨེ་ཁ་པར་ iPhone ཐོག་གི་སྨན་བླའི་ཆོ་ག
སྨན་བླའི་ཆོ་ག་འདི་འཛམ་གླིང་ཡུལ་གྲུ་གང་སར་གནས་འཁོད་དད་ལྡན་ནང་པ་ཚོའི་དགོས་མཁོར་དམིགས་ཏེ་ད་ལོའི་ཕྱི་ཟླ་ ༤ ནས་ཨེ་ཁ་པར་ iPhone ཐོག་རིན་མེད་ཀྱིས་འཇུག་འགོད་བྱེད་ཐུབ་པ་བྱུང་ཡོད་པས། ལས་འཆར་འདིའི་སྦྱིན་བདག་ནི་ཨ་རིའི་བྱང་དཀྱིལ་གྲོང་ཁྱེར་ཨོ་མ་ཧ་ Omaha རུ་གནས་འཁོད་ཌལ་ཝི་ཌི་ ལིར་ནིར་ David Lerner དང་ཁོང་གི་སྐུ་ཟླ་སི་ཊེ་སི་ ལིར་ནིར་ Stacy Lerner གཉིས་ཡིན།
ཌལ་ཝི་ཌི་ནི་མིའི་སྤྱི་ཚོགས་ཀྱི་ཡར་རྒྱས་བྱ་གཞག་དང་སྤྱི་ཚོགས་ཀྱི་དཀའ་རྙོག་སེལ་བར་སྨན་པའི་གསར་གཏོད་རང་བཞིན་གྱི་ཐབས་དང་རིག་པ་འཚོལ་སྒྲུག་དང་ངོ་སྤྲོད་བྱེད་པར་བརྩོན་མཁན་གྱི་མི་སྣ་ཞིག་ཡིན། ཁོང་གིས་ཕྱི་ལོ་ ༢༠༠༡ ལོར་ David & Stacy Lerner Foundation ཐེབས་རྩ་ཁང་གསར་འཛུགས་བྱས་ཏེ་མི་རྣམས་བཟང་ཕྱོགས་ཀྱི་འགྱུར་བ་འགྲོ་ཚུལ་དང་མི་སྒེར་གྱི་ཤེས་ཡོན་བཟང་སྤྱོད་ཡར་རྒྱས་འགྲོ་ཐབས། ཚོགས་སྡེ་ཁག་གི་སྒྲིག་འཛུགས་སྲ་བརྟན་གོང་འཕེལ་ཡོང་ཐབས། སྤྱི་ཚོགས་སྤྱི་ཡོངས་ཕྱོགས་གང་ཐད་ནས་ཡར་རྒྱས་ཡོང་བར་རང་ནུས་གང་ལྕོགས་ཀྱིས་ཞབས་འདེགས་གང་ཐུབ་ཞུ་མཁན་ཞིག་ཡིན་པར་བརྟེན་ཁོང་གི་ཐེབས་རྩ་ཁང་གིས་ Feeding America དང་ Teen Living Programs ། GirlScouts of America སོགས་ཀྱི་སྤྱི་ཚོགས་ཞབས་ཞུའི་རོགས་ཚོགས་དང་། Children’s Health Fund དང་ Children’s Defense Fund སོགས་འཕྲོད་བསྟེན་ཞབས་ཞུའི་རོགས་ཚོགས། Roosevelt University-Chicago College of Performing Arts དང་ International House of Blues Foundation ། Omaha Performing Arts Society སོགས་སྒྱུ་རྩལ་ཞབས་ཞུའི་སློབ་གཉེར་ཁང་། Lowell Observatory དང་ Project Exploration། Museum of Science and Industry ། MD Anderson Cancer Center སོགས་ཚན་རིག་དང་སྨན་དཔྱད་ཞིབ་འཇུག་ཁང་། Seva Foundation དང་ Doctors Without Borders/Médecins Sans Frontières (MSF) ། Amnesty International ། Tibet Center ། Shambhala International ། Konchok Foundation སོགས་རྒྱལ་སྤྱིའི་རོགས་ཚོགས་དང་ཆོས་ཚོགས། Natural Resources Defense Council དང་ Land Trust Alliance ། National Park Foundation སོགས་ཁོར་ཡུག་སྲུང་སྐྱོབ་ལས་ཁུངས་བཅས་གཞུང་སྒེར་ལས་ཁུངས་དང་སློབ་གཉེར་ཁང་མང་པོ་ཞིག་ལ་དཔལ་འབྱོིར་དང་དངོས་ཤུགས་ཀྱི་རྒྱབ་སྐྱོར་མི་དམན་པ་ཕུལ་དང་འབུལ་མུས་ཡིན་ལ། བོད་དུ་སློབ་གྲྭ་དང་སློབ་མའི་སློབ་གསོའི་ཁོར་ཡུག་ཡར་རྒྱས་གོང་འཕེལ་ཆེད་བྱས་རྗེས་ཀྱང་གང་ལེགས་ཕུལ་ཡོད།
ཡིན་ནའང་ཌལ་ཝི་ཌི་ཡིས་འདི་ལྟར་སྤྱི་ཚོགས་ལ་སྨན་པའི་བྱ་བ་རླབས་ཆེན་གང་མང་ཞིག་བསྒྲུབ་བཞིན་པའི་དུས་དཀྱིལ། ཕྱི་ལོ་ ༢༠༠༧ ལོར་ཁོང་ལ་འབྲས་ནད་ཀན་སར་ཡོད་པ་ངོས་འཛིན་བྱུང་ཞིང་། དེ་ནས་བཟུང་རྒྱུན་པར་ན་ཟུག་དང་མནར་སྡུག་འོག་རང་འཁྲིའི་ལས་འགན་བསྒྲུབ་ཞོར་ཉིན་རེའི་འཚོ་བ་སྐྱེལ་དགོས་བྱུང་བས། རང་ཉིད་ཀྱི་ལུས་སེམས་གཉིས་ཞི་བདེ་དང་ལྷོད་ཡངས་ཡོང་བ། ལྷག་པར་དུ་གཉིད་སྐྱིད་པོ་ཞིག་ཁུག་ཆེད་རང་ཉིད་ཀྱི་ཨེ་ཁ་པར་ iPhone ཐོག་གི་ཉིན་རེའི་ནང་པའི་ཆོས་སྤྱོད་ཞལ་འདོན་ལ་ཉན་པར་དགའ་།
ཨེ་ཁ་པར་ iPhone ཐོག་གི་ཉིན་རེའི་ནང་པའི་གསོལ་འདེབས།
ཉིན་རེའི་ཆོས་སྤྱོད་ཞལ་འདོན་འདི་དག་མཉམ་དུ། ཁོང་གིས་རང་ཉིད་ཀྱི་ནད་གཞི་དྲག་སྐྱེད་དང་སེམས་ལ་སྐྱིད་སྣང་དང་ཞི་བདེ། ཆོས་ཕྱོགས་ནས་ཡིད་རྟོན་རུང་བའི་སྐྱབས་གནས་འཚོལ་ཆེད་སྨན་བླའི་སྐུ་འདྲ་དེ་སོ་སོའི་ལུས་དང་འབྲེལ་མེད་ཀྱིས་མཉམ་འཁྱེར་བྱེད་ཀྱི་ཡོད་པས། ཉིན་གཅིག་ཁོང་གི་བསམ་བློར་ཉིན་རེའི་ནང་པའི་ཆོས་སྤྱོད་ཞལ་འདོན་བཟོ་སྐྲུན་གནང་མཁན་གྱིས་ཨེ་ཁ་པར་ iPhone ནང་དུ་སྨན་བླའི་ཆོས་སྤྱོད་ཞལ་འདོན་ཞིག་འཇུག་སྒྲིག་བྱེད་ཐུབ་ན་ཅི་མ་རུང་སྙམ།
ཁོང་གིས་ www.buddhistapps.com དྲ་ཁང་གི་ཐུབ་བསྟན་ལགས་ལ་འབྲེལ་བ་བྱས་ཏེ་སྨན་བླའི་ཆོས་སྤྱོད་ཞལ་འདོན་བཟོ་ཐུབ་མིན་བལྟས། གླེང་མོལ་ཐུང་ངུ་ཞིག་བྱས་པ་དང་ཁོང་གཉིས་འདོད་ཐོག་གཅིག་ཏུ་བབས་ཏེ་ཌལ་ཝི་ཌི་ཡི་རེ་འདུན་འགྲུབ་པར་རྟེན་འབྲེལ་གང་ལེགས་བྱུང་སྟེ། ཌལ་ཝི་ཌི་ཡིས་ཨེ་ཁ་པར་ iPhone སྟེང་གི་སྨན་བླའི་ཆོས་སྤྱོད་ཞལ་འདོན་འདི་ཡིས་མི་འབོར་གྲངས་མེད་ཅིག་ལ་ཕན་ཐོགས་ཡོང་རྒྱུ་དང་རང་ཉིད་ཀྱིས་འདིའི་ཐད་ཀྱི་རྒྱུ་གྲོན་སྦྱོར་ཐུབ་པར་རེ་སྨོན་བྱས་ཤིང་དང་དེའི་ཐད་བསམ་བློ་ཡང་ཡང་བཏང་།
རིམ་བཞིན་ཌལ་ཝི་ཌི་ཡི་རྨི་ལམ་མངོན་འགྱུར་བྱུང་ཞིང་། ཨེ་ཁ་པར་ iPhone སྨན་བླའི་ཆོས་སྤྱོད་ཞལ་འདོན་འདི་དངོས་སུ་འགྲུབ་པར་དགའ་སྤྲོ་དང་རེ་བས་ཁེངས་པར་གྱུར། བཀྲ་ཤིས་པའི་རྟེན་འབྲེལ་དང་བཅས་ཕྱི་ཟླ་ ༤ ཚེས་ ༡༨ རེས་གཟའ་ཕུར་བུ་(ཁོང་གི་སྐུ་ཟླའི་སྐྱེས་སྐར) ཉིན་ཐུབ་བསྟན་དང་ཆི་ཀ་གྷོ་ཡི་ཨེ་རི་ཀི་ Eric ཡི་རོགས་རམ་ལ་བརྟེན་ནས་ཉེ་འབྲེལ་གྲོགས་པོ་དང་ནང་མི་ཁག་ཅིག་གི་མཉམ་དུ་ཌལ་ཝི་ཌི་ཡིས་སྨན་ཁང་གི་ཉལ་ཁྲིའི་སྟེང་ནས་ཨེ་ཁ་པར་ iPhone སྨན་བླའི་ཆོས་སྤྱོད་ཞལ་འདོན་གྱི་གཟུགས་བརྙན་དེ་དྲ་ངོས་ནས་དངོས་སུ་མཐོང་བར་གྱུར། ཌལ་ཝི་ཌི་ཡི་སེམས་ལ་རང་ཉིད་འཇིག་རྟེན་འདི་ནས་མ་བྲལ་གོང་ལས་འཆར་འདི་དོན་སྨིན་བྱུང་སོང་ཞེས་དགའ་བས་ཁེངས་ཤིང་མིག་ལ་མཆི་མས་བརླན་ཞོར། ཁོང་གིས་ངའི་ཆེད་བྲིས་པའི་སྨོན་ཚིག་དེ་ཐུབ་བསྟན་གྱིས་ཀློག་སྐྱོར་བྱས་པར་དམིགས་བསལ་གྱིས་དགའ་སྤྲོ་སྐྱེས། ཡིན་ནའང་ཕྱི་ལོ་ ༢༠༡༠ ཟླ་ ༤ ཚེས་ ༡༡ ཉིན་ཌལ་ཝི་ཌི་ཁོང་འཇིག་རྟེན་འདི་དང་གཏན་བྲལ་བྱས་སོང་མོད་ཁོང་གི་བློ་རིག་ནས་ཐོན་ཞིང་རྒྱུ་གྲོན་སྦྱར་བའི་ཨེ་ཁ་པར་ iPhone སྨན་བླའི་ཆོས་སྤྱོད་ཞལ་འདོན་འདི་མི་ཚེ་ནས་མི་ཚེ་བར་ཕན་ཐོགས་པའི་རྒྱུ་རུ་འགྱུར་བར་སྨོན།
བྱ་བ་འདི་ནི་དངོས་གནས་དུས་དང་མཐུན་པའི་འགྲོས་ཞིག་ཡིན་སོ་འདུག་དེ་འདྲའི་སྙིགས་དུས་དེར་དི་འདྲའི་བྱ་བ་ནི་ཡོང་བར་ཧང་སང་རྒྱུ་མེད་པར་མ་ཡོང་བར་ཧང་སང་དགོས་པ་ཞིག་རེད།
དུས་སྙིགས་མར་སླེབས་སྐབས། མཆོད་མེ་གློག་མེ་ཅན། ཁ་འདོན་གློག་འདོན་ཅན། ཆོས་པ་ཚོང་ཀླད་ཅན། སྡོམ་པ་གནས་སྐབས་ཅན། མང་པོ་མང་པོ་འདུག་གཱ
བསྟོད་ཚོགས་ཚགས་པར་བརྒྱུད་ནས་འདི་ལ་བཀའ་དྲིན་ཞུ། འོན་ཀྱང་ཞལ་འདོན་རང་གིས་འདོན་མི་ཐུབ་པའི་རིགས་ལ་ཕན་ཐོག་ཡོད་ན་་
ཡང་ཆོས་སེམས་ལ་སྦྱར་མཁན་གྱི་རིགས་ལ་དེ་ཙམ་རེད།
འདི་ཡང་གོ་ན་འདོད་ཅིང་དགའ་འོས་པའི་གསར་འགྱུར་ཞིག་རེད། ཆོས་ཀྱི་སྒྲ་དབྱངས་སྙན་པ་ལྟ་བུའི་སེམས་བསྐྱེད་ཅེས་བྱང་ཆུབ་ཀྱི་སེམས་བསྐྱེད་ཞིག་ཡོད་པ་རེད། དེ་རྗེས་མཐུན་པ་ཞིག་སྦྱིན་བདག་གཉིས་ཀྱིས་མགྱོགས་པོར་བསྐྱེད་ཐུབ་རྒྱུ་རེད། ཡིན་ནའང་། མི་ལ་རས་པའི་མགུར་འབུམ་ཉོ་དགོས་པ་དེ་དཀལའ་མོ་རེད་ལ།