སྐད་རིགས་ཆེས་མང་ཤོས་ཀྱི་བོད་ཀྱི་གསོ་རིག་དྲ་བ་ཞིག
དུས་རབས་ཉེར་གཅིག་པའི་ནང་འདིར་བོད་ཀྱི་སྐད་ཡིག་གི་དྲ་བ་གསར་བ་གསར་བ་གཅིག་རྗེས་གཉིས་མཐུད་ཀྱིས་ཐོན་བཞིན་པ་འདི་དག་ནི་བོད་མི་དང་སྐད་ཡིག་གི་ཚེ་སྲོག་ལྷན་དུ་སྦྱར་བ་ཞིག་ཏུ་མ་ཟད། བོད་ཡིག་གི་རིན་ཐང་ཡང་སྔོན་ཐོན་གྱི་སྐད་ཡིག་གཞན་དག་དང་འགྲན་ཟླར་ཆས་ནུས་པའི་བདེན་དཔང་ངོ་མར་འགྱུར་གྱིན་ཡོད། འདིའི་ཁྲོད་དུ་གང་ཟག་སྒེར་བ་ཞིག་གི་ངོས་ནས་ནུས་པ་ཆེས་ཆེར་ཐོན་བཞིན་པ་ནི་བློ་བཟང་སྨོན་ལམ་ལགས་ཡིན་པར་འདོད། གློག་ཀླད་རིག་པ་ཆེད་སྦྱོང་གི་མི་སྣ་གང་མང་དགོས་རྒྱུ་ནི་བོད་ཀྱི་སྐད་ཡིག་དང་རིག་གཞུང་དར་ཁྱབ་འགྲོ་མིན་གྱི་རྩ་དོན་ཞིག་རེད།
དེའི་མཚུངས་སྐད་ཡིག་གཞན་དག་གི་ལམ་ནས་བོད་ཀྱི་རིག་གཞུང་ངོ་སྤྲོད་དང་ཁྱབ་སྤེལ་གཏོང་རྒྱུ་འདི་ཡང་ཆེས་གལ་འགངས་ཆེ་བ་ཞིག་རེད། བོད་ཅེས་པ་ཇི་ལྟར་འཚོ་གནས་དང་ཡར་རྒྱས་སུ་འགྲོ་མིན་ནི་བོད་ཀྱི་རིག་གཞུང་འདི་ཉིད་ཅི་ཙམ་གྱིས་ཁྱབ་རྒྱ་ཆེ་རུ་གཏོང་ཐུབ་མིན་ལ་རག་ལས་ཡོད། གལ་ཏེ་དེང་གི་གློག་འཕྲུལ་རིག་པ་སྣ་ཚོགས་དང་ལྷན་དུ་བོད་ཀྱི་རིག་གཞུང་དར་སྤེལ་གཏོང་ཐུབ་ན། རིག་གནས་གཞན་གྱི་བཙན་འཛུལ་དང་ཤན་ཤུགས་ཟེར་བ་དག་ལ་སེམས་ཁྲལ་བྱེད་དགོས་དོན་མེད་ལ། བོད་ཀྱི་རིག་གཞུང་མ་ཉམས་བདག་སྐྱོང་ཟེར་བའང་ཆེས་མིང་དོན་དང་ལྡན་པར་འགྱུར། དེ་བས་བོད་ཀྱི་རིག་གཞུང་སྲུང་སྐྱོབ་ཅེས་པ་འདི་བོད་ཡིག་ཁོ་ནར་བརྟེན་དགོས་པའི་བསམ་ཚུལ་གྱི་ས་མཚམས་ལས་བརྒལ་དགོས། ཁོ་བོས་ནི་བོད་ཡིག་དང་བོད་སྐད་མ་ཤེས་ཀྱང་སྐད་ཡིག་གཞན་གྱི་ཐོག་ནས་བོད་ཀྱི་རིག་གཞུང་བདག་སྐྱོང་ཐུབ་ཚེ་དེ་ནི་དེང་རབས་ཀྱི་བོད་མི་ཚད་ལྡན་ཅིག་ཏུ་ཁས་ལེན་ན་འདོད།
ཉེ་ཆར”རྒྱལ་སྤྱིའི་བོད་ཀྱི་གསོ་རིག་གླིང”ཞེས་པའི་དྲ་གསར་ཞིག་སླེབས་འདུག་པ་འདི་སྐད་རིགས་བརྒྱད་ཀྱི་ནང་ལ་བསྒྱུར་ཚར་འདུག་ལ་ད་དུང་རིང་མིན་སྐད་རིགས་བདུན་གྱི་ནང་ལ་ཐོན་གྱིན་འདུག་པས་འདི་ནི་ཚོགས་སྡེ་གཅིག་གི་ངོས་ནས་བཟོས་པའི་སྐད་རིགས་ཆེས་མང་ཤོས་ཀྱི་བོད་ཀྱི་རིག་གཞུང་ངོ་སྤྲོད་ཀྱི་དྲ་བ་དང་པོ་དེ་ཡིན་པར་འདོད། དྲ་བའི་ཁ་བྱང་ནི། ( www.sorig.net དང་ www.iattm.net )
བོད་གཞུང་གི་དྲ་བ་དེ་སྐད་རིགས་བརྒྱད་ལྡན་ཞིག་ཡིན་མོད། ད་དུང་སྐད་རིགས་གང་མང་མང་གི་ནང་དུ་སྒྱུར་གལ་ཆེ། དེ་མིན་ཕ་ཡུལ་དང་བོད་གནས་བསྐྱར་ཞིབ། རང་བཙན་སོགས་ཀྱང་སྐད་རིགས་གང་མང་ནང་སྒྱུར་གལ་ཆེའོ། བོད་ཡིག་ཁོ་ནའི་དྲ་བ་བོད་ཕྱི་ནང་གཉི་གར་མང་ཙམ་ཡོད་པའི་ནང་བོད་ཀྱི་དུས་བབ་དང་ཁ་བརྡ་གཉིས་ནི་ཁྱབ་ཆེ་ཤོས་ཀུན་གྱིས་དགའ་མོས་བྱེད་ས་ཞིག་ཆགས་ཡོད། ༸རྒྱལ་བ་རིན་པོ་ཆེའི་བོད་དྲ་འདི་ཡང་ཤིན་ཏུ་ལེགས་ལ་དགོས་ཕན་གཞན་ལས་ཆེ། གཞན་ཡང་གངས་ལྗོངས་ཕོ་ཉ་དང། ལྷག་དཀར་དམ་བཅའ། སྐྱ་རེངས། མདོ་སྨད་དྲ་བ། དགེ་སློབ་གླེང་སྟེགས་སོགས་ཀྱི་དྲ་གསར་འདི་རིགས་གང་མང་དགོས་གལ་ཆེ། ལྷག་པར་དགེ་སློབ་གླེང་སྟེགས་ནི་བོད་ཀྱི་སློབ་གསོའི་སྐོར་གྱི་དྲ་བ་ལེགས་ཤོས་ཤིག་ཏུ་འགྱུར་རྒྱུར་རེ་བ་ཆེ། སྤྱིར་ཡིན་ན་ཤེས་རིག་ལས་ཁུངས་ངོས་ནས་འདི་འདྲ་ཞིག་གནང་དགོས་པ་ཆགས་ཡོད། གང་ལྟར་འདི་དག་ལ་རོགས་སྐྱོར་གནང་རྒྱུ་ཧ་ཅང་གལ་ཆེའོ།། ༢༠༡༠།༦།༢༦།
སྨན་རྩིས་ཁང་ནས། རབ་གནས་ལྕགས་སྟག་ལོའི་་ལོ་ཐོ་བསྡུས་པ། བོད་རྒྱལ་ལོ་ ༢༡༣༧
ནང་ལ་ཉིན་པ་ཡིན་ཚད་ལ་བྱེད་མི་རུང་བ་རེར་བཀོད་པ་འདི་དེང་དུང་བོད་མིར་མཁོ་གནད་ཅན་ཞིག་ཡིན་ནམ། དཔྱད་འཇོག་དགོས་ངེས་འདུག
སྨན་པ་ཉི་ཟླ་ལྕེ་ནག་ཚང་གི་གསོ་རིག་ཚོགས་པ་འདི་ཡུ་རོབ་ནང་ལ་རླུང་རྟ་དར་གྱིན་འདུག ཁོང་གི་ཤེས་འཇོན་དག་ལ་དཔེ་ལྟ་འོས། ངོ་མ་བོད་ཀྱི་རིག་གཞུང་འདི་ལྟར་རྒྱུན་འཛིན་དང་ཁྱབ་སྤེལ་བྱ་རྒྱུ་ནི་དེང་རབས་བོད་ཀྱི་རིག་གནས་དར་སྥེལ་དང་མི་རིགས་ཀྱི་རིག་གནས་ཀྱིས་མིའི་རིགས་ལ་ཞབས་འདེགས་ཞུ་ཚུལ་བཟང་པོ་ཞིག་རེད་ཨང། ང་ཚོས་འདི་ལྟར་སྐད་རིགས་དུ་མའི་ནང་དུ་བོད་གསོན་ཐབས་ལ་འབད་དགོས། འདི་ནི་བོད་ཀྱི་ཚེ་སྲོག་ཇི་སྲིད་གནས་ཐབས་ཤིག་ཀྱང་རེད།
རྒན་ལྷ་མོ་ལགས།
དྲ་ཐོག་ཏུ་དགོངས་ཚུལ་དང་ལམ་སྟོན་རྒྱུན་མར་གནང་བཞིན་འདུག
ཐུགས་རྗེ་ཆེ་ལགས།
གོ་ཚོད་ཞིག་ལ་རྒན་ལགས་ཕྱིར་གང་མགྱོགས་ཕེབས་རྒྱུ་རེད་ཟེར།
དངོས་འབྲེལ་ཡིན་ནམ།
རྒན་ལགས་ག་དུས་རྒྱ་གར་ཏུ་ཕེབས་རྒྱུ་ཡིན་ནམ།
རྒན་ལགས་ཀྱི་རླབས་ཆེན་ལས་དོན་འགྲུབ་པར་སྨོན།
རེ་རྒན་ལགས། ད་དུང་ཚང་མས་ཡག་ཐོག་ཡག་བརྩེགས་ཀྱིས་ཕུན་སུམ་ཇེ་ཚོགས་དང་། བཀོད་སྤྱོད་སྟབས་བདེ། དཔུང་མཉམ་གཤིབ་ཀྱིས་འཛམ་གླིང་འདི་མགོ་ནས་ལངས་དགོས།