བཀའ་བློན་ཁྲི་པའི་འོས་ཆོས་གླེང་སྟངས་དེ་སྤྱི་ཚོགས་ཀྱི་ཐག་ཉེར་སྙེགས་ཤིང་། ད་ནི་མིང་འདོན་མཛུབ་འཛུགས་ཀྱིས་རང་རང་གི་འོས་མི་དག་གླེང་བའི་ཕྱོགས་སུ་གོམ་པ་སྤོ་བཞིན་པ་ནི་དགའ་འོས་པ་ཞིག་རེད་སྙམ་དུ་འདོད། མང་པོ་ཞིག་གིས་ད་དུང་ཡང་ཆ་རྐྱེན་གྱི་སྟེང་ལ་ཆ་རྐྱེན་བསྣན་ནས་དཀའ་ལས་སྐུ་ངལ་ཇེ་མང་དུ་གཏོང་བ་ལྟ་བུར་འདུག་སྟེ། ཡིན་ངོ་མ་ནི། ང་ཚོས་བརྒྱ་བཤད་སྟོང་དུ་བགྲངས་ཀྱང་རུང་གི། ཡོས་ལ་འབབ་རྒྱུ་རྩམ་པའི་དཔེ་ལྟར། མི་གྲངས་འབུམ་གཅིག་ལྷག་ཡོད་པའི་བཙན་བྱོལ་སྤྱི་ཚོགས་ཀྱི་དཀྱིལ་འཁོར་ནང་འདི་ནས་ཐད་ཀར་འོས་འདེམས་སྐབས་གསུམ་པའི་བཀའ་ཁྲི་དེ་རྙེད་པ་བྱེད་དགོས་ལ། རྙེད་དུ་ཡོད་པ་ཞིག་ཀྱང་ཆགས་ཡོད། ད་ལྟ་ང་ཚོས་དཀའ་ངལ་ཞིག་གི་ངོ་བོ་ནས་གླེང་གིན་ཡོད་པ་ནི། ཨ་ཡོད་ནང་གི་ད་ཡོད། སྒོ་ངའི་ནང་གི་སེར་རིལ་བཙལ་གྱིན་ཡོད་པ་ཞིག་ཏུ་འདུག་གོ།
གླེང་སྟངས་དག་ལ་ཞིབ་ཀྱིས་ཉན་པ་ཡིན་ན། མང་ཆེ་བས་ཤེས་ཡོན་དགོས་པ། སྙིང་སྟོབས་དགོས་པ། འཇོན་ཐང་དགོས་པ། ཉམས་མྱོང་དགོས་པ་སོགས་དགོས་པ་མང་པོ་ཞིག་བགྲངས་ཀྱིན་ཡོད་པ་འདི་ཚང་མ་མི་གཅིག་ལག་གཅིག་ལ་ཚང་བ་བྱུང་ན་དགོས་རྒྱུ་མཐར་ཐུག་དེ་ཡིན་ནའང་། དེ་ནི་གཅིག་ལ་འཛོམས་རྒྱུ་ཤིན་ཏུ་ནས་ཁག་པོ་ཆགས་ཡོད། དགོས་རྒྱུའི་དབང་དུ་བྱས་ན་ནི། འདི་ཚོ་གཞིར་བཞག་ད་དུང་ཡང་ལེགས་པའི་ཆ་ལག་ཅི་ཡོད་ཆ་ཚང་གཅིག་ལ་འཛོམས་པ་ཡིན་ན། དེ་ལས་དགའ་བ་དང་བཟང་བ་ཅི་ཡོད་དེ། ཚང་མ་གཅིག་ལ་ཚང་རྒྱུ་ནི་ཤིན་ཏུ་ནས་དཀའ་བ་ཆོས་ཉིད་ཀྱིས་ཀྱང་གཏན་ལ་ཕབ་སྟེ་ཡོད་པ་དེ་བས་ན། ད་ལྟའི་ང་ཚོའི་ལྟ་སྟངས་ཁག་ལས་རིགས་གཅིག་ནི་གནས་སྟངས་དང་འཚམ་པ་ཞིག་ཆགས་ཀྱི་མེད་པ་ཡིན་སྟབས། སྤྱི་ཚོགས་དང་ཡང་ཁ་ཐག་རིང་དུ་གྱེས་ཏེ་ཡོད་པ་ལྟ་བུའི་མུར་འདུག
ལར་ནས་ད་ལྟའི་གནས་སྐབས་འདིར། མཁས་མི་མཁས། འཇོན་མི་འཇོན། དཔའ་མི་དཔའ་བཤད་ན། མཁས་དབང་ཟམ་གདོང་རིན་པོ་ཆེ་ལས་གཞན་གྱི་བཀའ་ཁྲི་ཞིག་མི་རག་པར་ཐག་བཅད་ཆོག་པ་ལྟ་བུ་རེད། ཡིན་ནའང་། ཁོང་གིས་བཀའ་ཁྲི་གནང་རྒྱུན་མི་ལོ་དགུའི་ཡུན་དེར་ཕྱིར་མིག་ཅིག་བལྟས་པ་ཡིན་ན། ཤེས་ཡོན་སྲིད་བྱུས་གསར་པ་ཞིག་གཏན་ལ་ཕབ་པ་དེ་དང་དེ་ཚུལ་ལག་ལེན་ངོ་མའི་བབ་དང་སྦྲེལ་ནས་ཚོད་ལྟ་བྱ་སའི་སློབ་གྲྭ་གསར་པ་ཞིག་བཙུགས་པ་དེ་བྱས་རྗེས་སུ་ངོས་འཛིན་ཞུས་ཆོག་ལྟ་བུར་ཡོད་པ་ལས། གཞུང་གི་དཔལ་འབྱོར་རྟེན་གཞི་མང་པོ་ཞིག་སྒོ་བརྒྱབ་པ། གཞོན་ནུ་ལྷན་ཚོགས་ཁ་བྲལ་བར་ངོས་འཛིན་དང་གོང་ས་མཆོག་གི་ཆིབས་བསུར་ཡོང་རྒྱུ་བཀག་མྱོང་བ། བོད་དོན་རྒྱ་ནག་གི་རྩ་ཁྲིམས་སྒྲོམ་གཞིའི་འོག་ལ་བསྐྱལ་བ་སོགས་ནི། བྱས་རྗེས་ཤིག་མ་རེད་ཟེར་མཁན་དག་གི་ལྟ་སྟངས་དེས་བལྟས་པ་ཡིན་ན། རེ་བ་བརྒྱབ་པ་ནང་བཞིན་ཅིག་བྱུང་ཡོད་མེད་དེ་དཔྱད་པ་གཏོང་དགོས་པ་གང་ཡང་མ་རེད།
བཀའ་བློན་ཁྲི་པར་ཤེས་ཡོན་ཅན་ཞིག་ནི་དགོས་ཐག་ཆོད་དགོས་པ་རེད། ཡིན་ནའང་། མཁས་དབང་ཞིག་ངེས་པར་ཡིན་དགོས་པ་དེ་འདྲ་གང་ཡང་མ་རེད། ཡིག་ན་གཅིག་དང་མིན་ན་གཉིས་ཀྱིས་མཁས་དབང་ཞིག་ཡིན་དགོས་ཀྱི་མ་རེད། མཁས་དབང་ཡིན་པ་ཙམ་གྱིས་བག་ཆགས་གང་ཡང་འཇོག་ཐུབ་ཀྱི་མ་རེད། ངའི་ལྟ་སྟངས་ལ། བཀའ་བློན་ཁྲི་པ་ནི། གཞན་གྱི་སློབ་སྟོན་དང་། ཉམས་མྱོང་བསྡུ་བཞེས་ཀྱི་བསམ་བློ་ཡོད་མཁན་ཞིག་ཡིན་ན་དེས་འགྲིག་གི་རེད་འདོད། གཙོ་ཆེ་ཤོས་ནི་བཀའ་བློན་ལས་རོགས་དེ་ཚོ་རེད། དེ་ཚོའི་སྐོར་ཡང་ད་ལྟ་ནས་གླེང་སློང་ཤུགས་ཆེན་པོ་བྱེད་དགོས་པ་ཞིག་རེད། བཀའ་བློན་ལས་རོགས་དེ་ཚོའི་ཤེས་འཇོན་ཆ་ཚང་བསྡོམས་པ་ཡིན་ན། གཞི་ནས་བཀའ་ཤག་ཚད་ལྡན་ཅིག་ཡོང་གི་ཡོད་པ་ཡིན་ན། ད་གཟོད་ང་ཚོས་རེ་བ་རྒྱག་ཡུལ་ཞིག་ཆགས་རྒྱུར་ཚོམ་པ་མི་དགོས་པ་ལྟ་བུ་རེད།
ཤེས་ཡོན་གྱིས་མ་འདང་ན་མིའི་ས་ནས་སློབ་སྟོན་ཞུས་ཆོག་གི་རེད། ཉམས་མྱོང་གིས་མ་འདང་ན་གཞན་ནས་ཉམས་མྱོང་དང་མན་ངག་ཞུས་ཆོག་གི་རེད། ཐབས་ཤེས་ཀྱིས་ཕོངས་པ་ཡིན་ན། ཐབས་ཤེས་ཀྱི་ལམ་སྟོན་ཞུས་ཆོག་གི་རེད། དེ་ཚོ་རང་ལ་འདང་ངེས་ཡོད་ན་རབ་དང་། འདང་ངེས་མེད་ནའང་གཞན་ནས་བླངས་ཆོག་གི་རེད། ཡིན་ནའང་། ལྷག་བསམ་དང་ཤ་ཚ། སེམས་ཤུགས་དང་སྤོབས་པ་ནི་གཞན་ནས་གཡར་པོ་ཞུ་རྒྱུ་གང་ཡང་ཡོད་པ་མ་རེད། དེ་ནི་སོ་སོར་ངེས་པར་ཡོད་དགོས་པའི་གཞི་རིམ་གྱི་ཆ་རྐྱེན་ལྟེ་བ་དེ་རེད། ང་ཚོས་བཀའ་ཁྲིའི་འོས་ཆོས་གླེང་སྐབས་འདི་ཚོའི་གལ་ཆེ་ཆུང་ལ་བལྟ་དགོས་ཀྱི་འདུག མཐོ་ས་མཐོ་ས་ཞིག་ལ་བལྟས་པ་སྐྱོན་གང་ཡང་མ་རེད་དེ། གཞི་རྩའི་རྨང་གཞི་དེ་ངེས་པར་ངོས་ཟིན་པ་ཞིག་དགོས་པར་འདོད།
མཇུག་འདིར་ཞུ་རྒྱུ་གཅིག་བསྡད་ཡོད། ངས་བཀའ་ཁྲིའི་སྔོན་འགྲོའི་འོས་ཤོག་དེ་གཞོན་སྐྱེས་གཉིས་ལ་འཕེན་འདོད་ཡོད། ངའི་སྔོན་འགྲོའི་འོས་གཞི་ནི། ཚོགས་གཙོ་སྤེན་པ་ཚེ་རིང་དང་། བློ་བཟང་སེང་གེ་གཉིས་ཡིན། དངོས་གཞིའི་འོས་མིའི་ནང་ཁོང་གཉིས་ཀྱི་གཅིག་སླེབས་ཐུབ་པའི་ཡིད་ཆེས་བྱེད་ཀྱི་ཡོད། ཅི་སྟེ་ཁོང་གཉིས་ཀྱི་སུ་ཡང་མ་སླེབས་པ་ཡིན་ན། ང་ལ་འོས་ཤོག་འཕེན་ཡུལ་གཞན་གང་ཡང་མེད། གང་ལྟར་ནའང་། ངས་ནི་རྒན་རབས་པ་ཚོར་སྤྱི་སེམས་དང་ཤ་ཚ་ཡོད་ན། གཞོན་སྐྱེས་ཚོར་སྣེ་ཁྲིད་དང་། ལམ་སྟོན་གནང་ནས་ཟུར་བཞུགས་གནང་བའི་རེ་བ་རྒྱག་གི་ཡོད། རྒན་རབས་པ་ཞིག་ངེས་པར་ཡིན་དགོས་པའི་ལྟ་ཚུལ་འདོན་མཁན་ཚོ་དང་ངའི་བསམ་ཚུལ་ལོགས་ཀར་གྱེས་གཞིའང་འདི་ཁོ་ནར་ཐུག་ནས་ཡོད།
ངས་བསམས་ན། ད་རེས་རྒན་རབས་པ་དང་གཞོན་རབས་པའི་བར་གྱི་ལྟ་སྟངས་འཁྲུག་ཆ་དོད་པོ་ཆགས་ཀྱི་རེད། ད་ཐེངས་ཀྱི་འོས་འདེམས་འདིའི་ནང་། སྔོན་འགྲོའི་འོས་འཕེན་གྱི་གྲངས་ཀ་དང་དངོས་གཞིའི་འོས་འཕེན་གྱི་གྲངས་ཀ་ལ་སྔར་གྱི་འོས་འདེམས་གནས་སྟངས་དག་ལས་ཀྱང་ཁྱད་པར་ཆེན་པོ་ཤོར་ངེས་རེད་སྙམ་དུ་འདོད་དོ།།
བཀའ་ཁྲིའི་འོས་མིར་ལྷག་བསམ་དང་ཤ་ཚ། སེམས་ཤུགས་དང་སྤོབས་པ་ཡོད་ན། དེའི་སྟེང་དུ་ཤེས་ཡོན། ཉམས་མྱོང་དང་ཐབས་ཤེས་བཀའ་ཁྲིའི་དུས་སུ་གཞན་ལས་ལེན་ཆོག་ཟེར།
དེས་ན་གཟབ་གདོང་རིན་པོ་ཆེའི་བཀའ་ཟུར་ཕེབས་སྐབས་ལ་འབྱུང་འགྱུར་བཀའ་ཁྲིའི་སློབ་སྟོན་པའི་གོ་ས་ཞིག་ བསྐྲུན་ཐུབ་ན་དགེ་མཚན་ཆེ་བ་མི་མཐོང་ངམ། ཀུན་གྱིས་སོམས་ལ་ཕན་ན་འབད་འབུངས་གནོངས་རོགས་ཞུ།
ཤེས་ཡོན་དང་ལྷག་བསམ་མིག་དང་རྣ་བ་ཡིན་ན། སེམས་ཤུགས་དང་སྤོབས་པ་རྐང་བ་དང་ལག་པ་ཡིན་པས། ཆ་ཚང་འཛོམས་དགོས་ཀྱི་འདུག
གྲ་གྲོགས་ཚོ། ང་ཚོའི་ངེས་པར་དུ་འཛུབ་མོ་རང་ཉིད་ལ་གཏད་དེ་རང་ཉིད་ཀྱི་སེམས་པ་དེ་ཕྱོགས་གང་དུ་ཡང་མི་གཏོགས་པའི་ཐིག་ཚད་ཡག་པོ་ཞིག་བྱས་ཏེ། སྐྱོན་རྐྱང་རྐྱང་མི་བཙལ་བར་ལེགས་པའི་ཆ་རྣམས་་ཕྱོགས་སྡོམས་བྱས་ཏེ།གཞི་ནས་གང་ཞིག་བཀའ་སྤྱི་གཉིས་ལ་ཆ་སྐྱེན་ལྡན་མིན་ལ་བསམ་གཞིག་བྱེད་རྒྱུ་གལ་ཆེན་དུ་མཐོང་། དེ་ལྟར་མིན་པར་གཞན་རྗེས་འབྲེང་བ་སོགས་བྱས་ན་རང་ཉིད་ཀྱི་མང་གཙོའི་རང་དབང་ལོང་སུ་སྤྱོད་མ་ཐུབ་པ་རེད་ལ། རང་ཉིད་ལ་ཡོད་བཞིན་པའི་རྣམ་དཔྱོད་དང་འགན་ཁུར་ཡང་རང་ཉིད་ཀྱིས་བེད་སྤྱོད་གཏོང་མ་ཐུབ་པ་རེད།
གང་ལྟར་སྤྱི་སེམས་དང་འགན་ཁུར་ཟེར་བ་འདི་གཞི་ལ་བཞགས་ཏེ་འོས་འཕེན་རྒྱུ་ནི་གལ་ཆེན་ནང་གི་དོན་ཆེན་རེད། དེ་ལྟར་བྱས་ན་བྱས་སུ་རང་ལ་འགྱོད་པ་ཡང་ཡོང་མི་སྲིད་པར་མ་ཟད་ ༸གོང་ས་མཆོག་གིས་ང་ཚོར་རེ་བ་ཆེན་པོའི་སྒོ་ནས་དམངས་གཙོའི་ལམ་ཆེན་དུ་འགྲོར་བཅུག་པ་ལ་ཡང་ཁེ་ཕན་མི་མཐོང་ལག་ཟིན་ཞིག་སྟོན་རྒྱུ་ཡོད་པ་རེད། ཚང་མས་ཐུགས་ལ་ཞོག
གྲ་གྲོགས་ཚོ། ང་ཚོའི་ངེས་པར་དུ་འཛུབ་མོ་རང་ཉིད་ལ་གཏད་དེ་རང་ཉིད་ཀྱི་སེམས་པ་དེ་ཕྱོགས་གང་དུ་ཡང་མི་གཏོགས་པའི་ཐིག་ཚད་ཡག་པོ་ཞིག་བྱས་ཏེ། སྐྱོན་རྐྱང་རྐྱང་མི་བཙལ་བར་ལེགས་པའི་ཆ་རྣམས་་ཕྱོགས་སྡོམས་བྱས་ཏེ།གཞི་ནས་གང་ཞིག་བཀའ་སྤྱི་གཉིས་ལ་ཆ་སྐྱེན་ལྡན་མིན་ལ་བསམ་གཞིག་བྱེད་རྒྱུ་གལ་ཆེན་དུ་མཐོང་། དེ་ལྟར་མིན་པར་གཞན་རྗེས་འབྲེང་བ་སོགས་བྱས་ན་རང་ཉིད་ཀྱི་མང་གཙོའི་རང་དབང་ལོང་སུ་སྤྱོད་མ་ཐུབ་པ་རེད་ལ། རང་ཉིད་ལ་ཡོད་བཞིན་པའི་རྣམ་དཔྱོད་དང་འགན་ཁུར་ཡང་རང་ཉིད་ཀྱིས་བེད་སྤྱོད་གཏོང་མ་ཐུབ་པ་རེད།
གང་ལྟར་སྤྱི་སེམས་དང་འགན་ཁུར་ཟེར་བ་འདི་གཞི་ལ་བཞགས་ཏེ་འོས་འཕེན་རྒྱུ་ནི་གལ་ཆེན་ནང་གི་དོན་ཆེན་རེད། དེ་ལྟར་བྱས་ན་བྱས་སུ་རང་ལ་འགྱོད་པ་ཡང་ཡོང་མི་སྲིད་པར་མ་ཟད་ ༸གོང་ས་མཆོག་གིས་ང་ཚོར་རེ་བ་ཆེན་པོའི་སྒོ་ནས་དམངས་གཙོའི་ལམ་ཆེན་དུ་འགྲོར་བཅུག་པ་ལ་ཡང་ཁེ་ཕན་མི་མཐོང་ལག་ཟིན་ཞིག་སྟོན་རྒྱུ་ཡོད་པ་རེད། ཚང་མས་ཐུགས་ལ་ཞོག
་་་ཤེས་ཡོན་གྱིས་མ་འདང་ན་མིའི་ས་ནས་སློབ་སྟོན་ཞུས་ཆོག་གི་རེད། ཉམས་མྱོང་གིས་མ་འདང་ན་གཞན་ནས་ཉམས་མྱོང་དང་མན་ངག་ཞུས་ཆོག་གི་རེད། ཐབས་ཤེས་ཀྱིས་ཕོངས་པ་ཡིན་ན། ཐབས་ཤེས་ཀྱི་ལམ་སྟོན་ཞུས་ཆོག་གི་རེད། དེ་ཚོ་རང་ལ་འདང་ངེས་ཡོད་ན་རབ་དང་། འདང་ངེས་མེད་ནའང་གཞན་ནས་བླངས་ཆོག་གི་རེད། ཡིན་ནའང་། ལྷག་བསམ་དང་ཤ་ཚ། སེམས་ཤུགས་དང་སྤོབས་པ་ནི་གཞན་ནས་གཡར་པོ་ཞུ་རྒྱུ་གང་ཡང་ཡོད་པ་མ་རེད། དེ་ནི་སོ་སོར་ངེས་པར་ཡོད་དགོས་པའི་གཞི་རིམ་གྱི་ཆ་རྐྱེན་ལྟེ་བ་དེ་རེད། ་་་་། ཟེར།
སྔོན་འགྲོའི་སྐབས་སུ་བཀའ་སྤྱི་གཉིས་ཀྱི་འོས་འདེམས་རང་གིས་གང་བསམ་དེ་ལོས་ཡིན། ཡིན་ན་ཡང། དངོས་གཞིའི་སྐབས་སུ་གལ་ཏེ་ཁྱོད་ཀྱི་མི་དེ་འོས་ཁོངས་ལ་མེད་ན་ཁྱོད་ཀྱིས་འོས་ཁོངས་སུ་ཡོད་པ་དག་ལས་གདམ་དགོས། འདི་དམངས་གཙོའི་འགྲོ་སྟངས་རེད་ལ། དགོས་ཕན་ཡང་ཡོད་པ་རེད། གལ་ཏེ་ཁྱོད་ཀྱིས་ཨུ་ཚུགས་ཀྱིས་འོས་མ་བླུགས་ན་ཡང་དམངས་ཀྱིས་བདམས་པ་དེ་རང་བཀའ་སྤྱི་གཉིས་ཆགས་ཀྱི་རེད་ལ། ཁྱོད་ཀྱིས་ངོས་ལེན་ཡང་མི་བྱེད་ཀ་མེད་རེད། དེ་བས་ཚང་མས་བླུན་པོའི་ཨུ་ཚུགས་མ་རྒྱག་རོགས།
དབུས་གཙང་ཆོལ་ཁའི་བཀའ་སྤྱིའི་འོས་གཞིར་གྲགས་པའི་ཤོག་ལྷེ་དེ་གཉིས་ནང་། མི་མང་ནས་ཐད་ཀར་འོས་འདེམས་བྱས་པའི་བཀའ་སྤྱི་ཡིན་པར་བརྗོད་ཡོད། སྤྱི་འཐུས་མི་ཉི་ཤུ་ནས། སྟོད་པ་བཅུ་དང་། གཙང་པ་དྲུག ཀོང་པོ་གཉིས། ཕན་པོ་གཉིས་བཅས་རེད།
དེའི་མགོ་བརྗོད་དུ། མིང་མང་ནས་ཐད་ཀར་འོས་འདེམས་བྱས་ཞེས་བཀོད་ཡོད་ཀྱང་། དབུས་གཙང་ཆོལ་ཁའི་རྒྱུན་ལས་མི་མང་གི་ཐད་ཀར་འོས་འདེམས་ཡིན་ན་མ་གཏོགས། མང་པོ་ཞིག་གིས་དབུས་གཙང་མི་མང་གིས་ཐད་ཀར་འོས་འདེམས་བྱས་ཞེས་པར་ངོས་འཛིན་བྱེད་ཀྱི་མེད་པ་འདྲ།
ཁོང་ཚོས་རྒྱུ་མཚན་འདྲེན་རྒྱུར། དབུས་གཙང་མི་མང་གིས་ཐད་ཀར་འོས་འདེམས་བྱས་ཡོད་ན། སྔོན་ཚུད་ནས་ས་གནས་གང་སར་ཡོད་པའི་དབུས་གཙང་མི་མང་ཚོར། བརྒྱུད་ལམ་འདྲ་མིན་ཐོག་ནས། འོས་བསྡུའི་གསལ་བསྒྲགས་བྱེད་དགོས་ཀྱང་། དེ་ལྟར་ཅི་ཡང་བྱུང་མེད་ཟེར།
དེར་བརྟེན། འོས་གཞིར་སླེབས་པ་རྣམས་ཇི་ལྟར་ཡིན་ནའང་། འོས་གཞིར་སླེབས་སྟངས་ཀྱི་བརྒྱུད་རིམ་སྟེ། འོས་འདེམས་བྱེད་ཕྱོགས་ཀྱི་ལམ་ལུགས་འདི་བརྒྱ་ཁ་གཅིག་ཆོད་ཡིན་པར་བརྗོད།
ད་རེ་བཀའ་ཁྲི་འདི་ད་དུང་མུ་མཐུད་དེ་སློབ་སྟོན་དང་ཉམས་མྱོང་སློབ་སྦྱོང་བྱེད་མཁན་ཞིག་ལ་ཞབས་སྟེགས་སྤྲད་པ་ཡིན་ན་བོད་མིའི་གནས་སྟངས་དང་༸གོང་ས་མཆོག་གི་དགོང་བབ་སོགས་གང་ལ་སླེབས་འགྲོ་བའི་གནས་སྟངས་ལ་བསམ་གཞིག་ནནཏན་བྱས་ཏེ། འོས་ཤོག་འཕེན་དགོས་པ་རང་དབང་ལུང་བའི་བོད་མི་སྤྱི་བོ་གནམ་བསྟན་ཡོངས་ལ་ལོ་རྒྱུས་ཀྱིས་བསྐུལ་བའི་ལས་འགན་གཡོལ་ཐབས་མེད་པ་ཞིག་ཡིན་པ་ངོས་ཟིན་དགོས་པ་སྔོན་འགྲོའི་ཆ་རྐྱེན་ལྟ་བུར་སྣང་།
གང་ལྟར་རྒན་གཞོན་པར་ལྟ་སྟངས་ལ་ཁྱད་པར་ཡོད་སྲིད་ལ་། ཡོད་ཀྱང་དགོས་ངེས་རེད། མ་ཟད་དེ་གཉིས་ཀྱི་བར་ལ་འཁྲུག་ཆ་དོད་པོ་ཡང་ཆགས་སྲིད་པ་ཞིག་ཡིན་སྟབ།
ང་ཚོའི་ངེས་པར་དུ་འཛུབ་མོ་རང་ཉིད་ལ་གཏད་དེ་རང་ཉིད་ཀྱི་སེམས་པ་དེ་ཕྱོགས་གང་དུ་ཡང་མི་གཏོགས་པའི་ཐིག་ཚད་ཡག་པོ་ཞིག་བྱས་ཏེ། སྐྱོན་རྐྱང་རྐྱང་མི་བཙལ་བ་ལེགས་པའི་ཆ་རྣམས་་ཕྱོགས་སྡོམས་བྱས་ཏེ།གཞི་ནས་གང་ཞིག་བཀའ་སྤྱི་གཉིས་ལ་ཆ་སྐྱེན་ལྡན་མིན་ལ་བསམ་གཞིག་བྱེད་རྒྱུ་གལ་ཆེན་དུ་མཐོང་ྲ
དེ་ལྟར་མིན་པར་གཞན་རྗེས་འབྲེང་བ་སོགས་བྱས་ན་རང་ཉིད་ཀྱི་མང་གཙོའི་རང་དབང་ལོང་སུ་སྤྱོད་མ་ཐུབ་པ་རེད་ལ།རང་ཉིད་ལ་ཡོད་བཞིན་པའི་རྣམ་དཔྱོད་ཟེར་བ་དེ་ཡང་རང་ཉིད་ཀྱི་བེད་སྤྱོད་གཏོང་མ་ཐུབ་པ་རེད།
གང་ལྟར་སྤྱི་སེམས་ཞེས་པ་འདི་གཞི་ལ་བཞགས་ཏེ་འོས་འཕེན་རྒྱུ་ནི་གལ་ཆེན་ནང་གི་དོན་ཆེན་རེད། དེ་ལྟར་བྱས་ན་བྱས་སུ་རང་ལ་འགྱོད་པ་ཡང་ཡོང་མི་སྲིད་པ་རེད། སེམས་གཏམ་ཞིག་ལས་གཞན་གང་ཡང་མིན་
བདེན་པ་རང་རེད ཆབ་སྲིད་གཡོ་སྒྱུ་འཁྲབ་ཤེས་པ། ནང་པའི་ཆོས་ལ་ཉམས་ལན་ཡོད་པ། ཅི་གསུངས་བཀའ་སྒུབ་བྱེད་ཤེས་པ། རང་དབང་ཅན་གྱི་ཆབ་སྲིད་ཀྱི་ལྟ་གྲུབ་དགོས་པ། བོད་ནང་གི་བོད་མིས་རང་བཙན་ཟེར་བ་ལ་ཉན་དགོས་པ། ཕྱི་ལོག་བོད་ཀྱིས་དབུ་མའི་ལམ་ཟེར་ན་ཡང་བསམ་ཤེས་དགོས་པ། དགོས་་་་་་་་་་་་་་་་་་་་་་་་་
དྲ་གྲོགས་བསྟན་འཛིན་ཚེ་དཔག་ལགས། ཡིད་ཆེས་ཟེར་ན་ཡང་འདྲ་རང་དབང་ཟེར་ན་ཡང་འདྲ། རང་ཉིད་ཀྱི་བསམ་ཚུལ་ནི་རང་ཉིད་ཁོ་ན་ཡིན་སྟབས། དེ་གཞན་ཀྱིས་དང་ལེན་དང་འདོད་བློ་ཡོད་མེད་དེ་ཡང་བསམ་བློ་ལ་ཐུག་ཡོད་པ་རེེད། གོང་བརྗོད་ལས་རང་ཉིད་ཀྱི་བསམ་ཚུལ་དང་ལྟ་བའི་ཐོག་ནས་གཞོན་སྐྱེས་ཞིག་འདེམས་དགོས་པ་དེ་ཉིད་ཀྱི་འདོད་བློ་ཡིན་མོད། ཡིན་གཅིག་གཞོན་སྐྱེས་ཤིག་ཡིན་དགོས་དོན་འདི་ཡང་ཡིན་ནམ། རྒན་རབས་ནང་ན་ཉིད་ཀྱི་གོང་བརྗོད་འདོད་བློ་ཡོད་པའི་མི་འདྲ་བ་ཞིག་ཡོད་ན་དེ་མི་འདེམས་པ་གང་ཡིན་ནམ། འདི་ནི་ཞར་བྱུང་དྲི་བ་ཞིག་ལས་གཞན་གང་ཡང་མིན། ལངས་ཕྱོགས་ལ་གསལ་བཤད་ཞིག་བྱུང་ན་བསམ་པ་དེ་ངའི་འདོད་བློ་ཡིན། སྤྱིར་བཤད་ན་བཀའ་ཁྲི་ནི་ཤེས་འཇོན་ལྡན་པ་དང་། ལྷག་བསམ་ཡོད་པ། ཉམས་མྱོང་ཡོད་པ་ཞིག་ཡིན་དགོས་པ་ནི་སྤྱིར་བཏང་གི་ཆ་རྐྱེན་ཞིག་རེད་བསམ། དེ་ལས་བཀའ་ཁྲི་ནི་དེ་དག་ཚང་བའི་སྒང་ལ་ཁྱད་ཆོས་ལྷག་མ་ཞིག་དགོས་པ་འདུག