ཐེངས་འདིར་མ་སུ་རིར་སློབ་མ་བཅུ་ཕྱིར་འབུད་དང་དེའི་ཐག་གཅོད་བྱེད་སྟངས་ཐད། མི་སྣ་སྐོར་ཞིག་ལ་སྐད་ཆ་དྲིས་སྐབས། སློབ་གྲྭའི་སྒྲིག་འཛུགས་དང་འགལ་ན་ཐག་གཅོད་གང་འདྲ་བྱས་ཀྱང་ཆོག་མོད། ཕྱིར་འབུད་ཟེར་བ་འདི་ངེས་པར་དུ་མེད་པར་བཟོ་དགོས་ཀྱི་འདུག་ལ། ཕྲུ་གུའི་མདུན་ལམ་གཏན་ནས་བརླག་རུང་གི་མི་འདུག་ཟེར།
འདི་གའི་གསར་འགོད་པས་ཕྱི་ཚེས་ ༢༨ ཉིན་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ལས་རོགས་འཇམ་དཔལ་སྨོན་ལམ་ལགས་སུ། ཐེངས་འདིར་མ་སུ་རིར་སློབ་མ་བཅུ་ཕྱིར་འབུད་བཏང་བ་དང་དེའི་ཐག་གཅོད་བྱེད་སྟངས་ཐད་ཁོང་སྒེར་གྱི་ལྟ་ཚུལ་ཅི་ཡིན་སྐད་ཆ་དྲིས་པར་གསུངས་དོན། སྤྱིར་བཏང་སློབ་གྲྭ་ཞིག་གི་ནང་དུ་གནད་དོན་བྱུང་དུས་ཐག་གཅོད་བྱེད་དགོས་པ་རེད། ཡིན་ནའང་། ཐེངས་འདིར་ཐག་གཅོད་བྱེད་སྐབས་སློབ་གྲྭ་ནས་ཕྱིར་འབུད་བཏང་བར་མ་ཟད། བལ་ཡུལ་དུ་བསྐྱལ་ཏེ་ཕྱིར་བོད་དུ་གཏོང་རྩིས་རེད་ཟེར་བས། ཐག་གཅོད་བྱེད་སྟངས་དེ་ཧ་ཅང་གི་ཚད་མཐོ་དྲགས་འདུག་ཅེས་དང་། ཡང་ཁོང་ལ་ཐེངས་འདིར་ཕྲུ་གུ་དེ་ཚོ་མཉམ་དུ་ཁྱིམ་ཚང་གི་ཕ་ཚབ་མ་ཚབ་གཉིས་ཀྱང་ཕྱིར་འབུད་བཏང་ཡོད། སློབ་གསོའི་སྡེ་ཁག་ཅིག་གི་ངོས་ནས་ཕ་ཚབ་མ་ཚབ་ལས་ཀྱང་དགེ་རྒན་དང་ལས་བྱེད་ཀྱི་སློབ་གསོའི་སྤུས་ཀ་གནད་འགག་ཏུ་མཐོང་བས། ཁྱེད་ལ་འདིའི་ཐད་ནས་དགོངས་ཚུལ་ཅི་ཡོད་ཅེས་དྲིས་པར། ཁོང་གིས་གསུངས་དོན། ཕ་ཚབ་མ་ཚབ་དེ་གཉིས་ཕྱིར་འབུད་བྱེད་དོན་ཁྱིམ་ཚང་དང་ཐད་ཀར་འབྲེལ་བ་ཡོད་སྟབས་ཁོང་གཉིས་ཕྱིར་འབུད་བཏང་བ་རེད། ཡིན་ནའང་། གནས་ཚུལ་འདི་རྒྱུན་རིང་བོའི་གནས་ཚུལ་ཞིག་ཡིན་སྟབས། ཕ་ཚབ་མ་ཚབ་གཅིག་པུ་མིན་པར་སློབ་གྲྭའི་ནང་གི་དགེ་རྒན་དང་འབྲེལ་ཡོད་ལས་བྱེད་ཡོངས་ལ་འགན་ཡོད་པ་གསལ་བོ་རེད་ཅེས་གསུངས།
བོད་ཀྱི་རྩོད་རྙོག་འདུམ་འགྲིག་ལྟེ་གནས་ཁང་གི་འགན་འཛིན་ཀརྨ་ལེགས་བཤད་ལགས་ཀྱིས། སློབ་ཕྲུག་ཅིག་གི་ངོས་ནས་ནོར་འཁྲུལ་ཡོང་གི་རེད་མོད། ནོར་འཁྲུལ་དེ་ཡོ་བསྲང་བྱེད་དགོས་པ་ལས་ཕྱིར་འབུད་གཏོང་བ་ནི་གནད་དོན་ཐག་གཅོད་བྱེད་པའི་ཐབས་ལམ་མ་རེད། དཔེར་ན། ཐེངས་འདིར་ཕྱིར་འབུད་བཏང་བའི་སློབ་ཕྲུག་འདི་ཚོ་དང་ཐོག་ནས་ལམ་ནོར་དུ་ཕྱིན་ཡོད་སྟབས། ལམ་ནོར་ལྡོག་ཤེས་དང་ཐག་གཅོད་ལེགས་པོ་བྱེད་དགོས་པ་ལས་སློབ་གྲྭ་ནས་ཕྱིར་འབུད་བཏང་བ་དེས། ཁོང་ཚོའི་མི་ཚེ་གང་བོར་ལམ་ནོར་དུ་འགྲོ་རྒྱུའི་ཉེན་ཁ་ཡོད་པ་ལྟ་བུ་རེད། དེར་བརྟེན་སློབ་གྲྭ་ནས་ཕྱིར་འབུད་གཏོང་བ་དང་ཉེས་རྡུང་གཏོང་བ་སོགས་བྱེད་མི་དགོས་པར། མིའི་རྣམ་དཔྱོད་བེད་སྤྱོད་བཏང་སྟེ་ཁོང་ཚོའི་ནོར་འཁྲུལ་ཡོ་བསྲང་བྱེད་པ་དང་། མི་ཚེར་ཕན་ཐོགས་འབྱུང་རྒྱུར་ཐབས་ལམ་སྣ་ཚོགས་ཡོད་རྒྱུ་རེད་དྲན་ཡོད་ཅེས་གསུངས། ཡང་ཁོང་གིས་ཐེངས་འདིར་བྱུང་བའི་གནད་དོན་འདིའི་རྩ་བ་ཏན་ཏན་སློབ་གསོ་དང་ལམ་སྟོན་གྱིས་མ་འདང་བར་བྱུང་བ་རེད། དཔེར་ན་གནད་དོན་འདི་ཉིན་གཅིག་གི་སྐད་ཆ་མ་རེད། ལོ་གཉིས་ཀྱི་སྐད་ཆ་རེད། ལོ་གཉིས་ཀྱི་སྐད་ཆ་ཡིན་ན་ལོ་དང་པོའི་ནང་དུ་ག་རེ་བྱས་ནས་ཐག་གཅོད་མ་བྱུང་བ་རེད། སྐབས་དེར་ཐག་གཅོད་བྱུང་ཡོད་ཚེ་མང་ན་སློབ་ཕྲུག་གཉིས་དང་གསུམ་ཡིན་སྲིད། ཡིན་ནའང་། འཛིན་སྐྱོང་གི་ངོས་ནས་ནོར་འཁྲུལ་གཅིག་ཀྱང་མེད་པ་ལྟར་ནོར་འཁྲུལ་ཚང་མ་ཕྲུ་གུ་ཚོའི་མགོར་དེད་ན་སློབ་གྲྭའི་སྒྲིག་འཛུགས་དེ་སྐྱོ་རུ་འགྲོ་བ་ལས་བཟང་དུ་འགྲོ་གི་མ་རེད་ལ། སྤྱི་ཚོགས་ཀྱི་གནས་སྟངས་ཀྱང་འདི་ལྟ་བུའི་སྟེང་ནས་ཡར་རྒྱས་འགྲོ་གི་མ་རེད་ཅེས་གསུངས།
གྷོ་པལ་པུར་བོད་ཁྱིམ་དུ་ལོ་དགུའི་རིང་དགེ་རྒན་གྱི་ཕྱག་ལས་གནང་མྱོང་བའི་དགེ་རྒན་ཟུར་བ་འོད་ཟེར་ལགས་ཀྱིས་གསུངས་དོན། སྤྱིར་བཏང་ཕྲུ་གུ་དེ་ཚོ་སྒྲིག་གཞི་དང་འགལ་ཡོད་པ་བདེན་པ་རེད་མོད། ངས་བལྟས་ན་སློབ་ཕྲུག་ཚོ་སློབ་གྲྭའི་སྒྲིག་འཛུགས་དང་འགལ་བར་ཧང་སང་གི་མི་འདུག འཛིན་སྐྱོང་དང་དགེ་རྒན་གྱི་ངོས་ནས་སློབ་ཕྲུག་ཅིག་གིས་ནོར་འཁྲུལ་བཟོས་སྐབས་དེ་མེད་པ་བཟོ་དགོས་པ་དེ་འགན་ཆགས་ཡོད་པ་ལས། སློབ་མ་དེ་ཚོར་དང་ཐོག་ནས་ནོར་འཁྲུལ་མེད་པའི་དབང་དུ་བཏང་ཚེ་དགེ་རྒན་ལས་བྱེད་ཀྱི་རྒྱབ་སྐྱོར་བྱེད་དགོས་པའི་ངེས་པ་དེ་ཙམ་མེད། དེར་བརྟེན་ཐེངས་འདིའི་ཐག་གཅོད་བྱེད་སྟངས་འདི་བྱེད་ཐལ་ཅུང་ཆེན་པོ་ཤོར་འདུག ལྷག་པར་དུ་གནད་དོན་འདིའི་འབྱུང་རྐྱེན་ངོ་མ་དེ་བུ་མོ་གཅིག་དེར་ཐུག་འདུག བུ་མོ་དེ་ཕྱིར་འབུད་གཏོང་བ་དང་ཡང་ན་སློབ་གྲྭ་གཞན་ཞིག་ལ་བརྗེ་སྤོར་བྱས་ན་འགྲིག་གི་འདུག་ལ། བྱེད་ཐབས་སྣ་ཚོགས་ཡོད་པས་སློབ་ཕྲུག་གི་ཉེས་པ་གཙང་སེལ་བྱེད་པར་བརྩོན་པ་དང་། དེ་མིན་གྱི་སློབ་ཕྲུག་གཞན་རྣམས་ལ་བྱས་ཉེས་ཀྱི་ལྕི་ཡང་ལྟར་ཐག་གཅོད་བྱས་ན་འགྲིག་འདུག ང་ཚོས་ད་ལྟའི་གནས་སྐབས་འདིར་ཕྲུ་གུ་གཅིག་གི་མི་ཚེ་འཕྲོ་བརླག་ཏུ་བཏང་ནའང་། དེ་ཧ་ཅང་གི་ཕངས་པོ་རེད་ཅེས་གསུངས།
ད་ལྟ་མཐོ་རིམ་སློབ་གྲྭར་འགྲིམ་བཞིན་པའི་མཐོ་རིམ་སློབ་མ་འབྲོང་བུ་ཟླ་བ་ལགས་ཀྱིས། ངས་སྤྱིར་བཏང་ནས་ཕྱིར་འབུད་ཟེར་བའི་གནད་དོན་འདི་འགྲིག་མེད་པ་ཞིག་ཏུ་མཐོང་གི་ཡོད། ནམ་རྒྱུན་བཤད་བསྡད་པ་ལྟར་གཞོན་སྐྱེས་ཚང་མར་བོད་ནང་དུ་སློབ་སྦྱོང་གི་གོ་སྐབས་དེ་ཙམ་རག་གི་མེད་པས། བོད་གཞིས་ཀྱི་ཕ་མ་མང་བོས་རང་གི་བྱིས་པ་ཚོ་བཙན་བྱོལ་དུ་བཏང་ན། མདུན་ལམ་དང་ཡར་རྒྱས་ཤིག་འགྲོ་གི་རེད་བསམ་གི་ཡོད། དེ་ལྟར་བཙན་བྱོལ་ལ་རེ་བ་ཞིག་བཅངས་ནས་བཏང་ཡོང་དུས་ང་ཚོས་ཀྱང་དེ་ལ་བསྟུན་ཏེ། སྒྲིག་འགལ་གང་ཞིག་བྱུང་བར་བརྟེན་ནས་ཕྱིར་འབུད་གཏོང་བ་འདི་འགྲིག་གི་མི་འདུག འདི་ནི་སློབ་གསོའི་གནས་ཚུལ་དམའ་བ་དང་སྐྱོ་བོ་ཡིན་པའི་རྟགས་གསལ་བོ་རེད་ཟེར།
རྩོམ་པ་པོ་དང་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ལོ་རྒྱུས་རྩོམ་སྒྲིག་པ་ལྷ་ཆབ་སྦྱིན་པ་ལགས་ཀྱིས། ངས་ཉེ་ཆར་གནས་ཚུལ་འདི་ཐོག་མར་བོད་ཀྱི་དུས་བབ་དྲ་རྒྱ་བརྒྱུད་ནས་ཤེས་རྟོགས་བྱུང་། སྐབས་དེར་མཆན་ཅི་ཞིག་བརྒྱབས་ཡོད་ཟེར་ན། སློབ་མ་ཕྱིར་འབུད་གཏོང་བ་ལས་སློབ་སྤྱི་ཕྱིར་འབུད་གཏོང་དགོས་ཀྱིན་འདུག སློབ་སྤྱིས་མ་འཇོན་པ་མ་གཏོགས་བོད་ཁྱིམ་སློབ་གྲྭ་གཞན་ཁག་ནའང་། སློབ་མ་མང་བོ་འདུག སྡེ་ཁག་མང་བོ་འདུག ཡིན་ནའང་། སློབ་གྲྭ་གཞན་ཁག་ཏུ་འདི་ལྟ་བུའི་གནས་ཚུལ་ཅིའི་ཕྱིར་འབྱུང་གི་མེད་པ་རེད་དམ། དེ་ཐད་ཀར་དུ་བདག་སྐྱོང་བྱེད་མཁན་དང་ཁྲིམས་དང་སྒྲིག་གཞི་ལག་བསྟར་བྱེད་མཁན་གྱིས་མ་འཇོན་པ་ལས། སློབ་མ་གཅིག་པུའི་ནོར་འཁྲུལ་རེད་ཅེས། སློབ་མ་གཅིག་པུར་ཁྲིམས་ཆད་བཅད་ན་འགྲིག་གི་མི་འདུག་ཟེར་ནས་བྲིས་ཡོད་ཅེས་གསུངས།
གནད་དོན་འདིའི་ཐད་དུ་བོད་ཀྱི་དུས་བབ་དྲ་ཐོག་ཏུ་རཱ་ལོ་འབོད་པས་རྩོམ་ཡིག་ཅིག་སྤེལ་ཏེ། རྒྱལ་སྤྱིའི་ཁྲིམས་དང་འགྲོ་བ་མིའི་ཐོབ་ཐང་གི་རྩ་དོན་ལྟར་ན། བྱིས་པ་ལ་རྒྱལ་མཚམས་མེད་ལ། ཁོང་ཚོ་གང་དུ་འགྲོ་ན་རང་དབང་ཡིན་སྟབས། བོད་རིགས་བྱིས་པ་ཚོ་ཕྱིར་རང་གི་ཕ་མའི་འགྲམ་དུ་ལོག་བཅུག་པ་འདི་རྒྱལ་སྤྱིའི་ཁྲིམས་ཐོག་ནས་འགྲིག་བསྡད་ཡོད། ཅེས་དང་། གལ་སྲིད་ཐེངས་འདིར་བོད་གཞུང་གིས་བྱིས་པ་དེ་ཚོ་ཕྱིར་རང་རང་གི་ཕ་མའི་འགྲམ་དང་སོ་སོའི་ཕ་ཡུལ་ལ་ལམ་འཇུག་བྱས་པ་དེ་རྒྱ་ལག་ཏུ་རྩིས་སྤྲོད་བྱས་པར་ངོས་འཛིན་བྱ་རྒྱུ་ཡིན་ཚེ། བོད་གཞུང་གིས་བོད་རིགས་ཚོ་རྒྱ་ནག་གི་ལག་ལ་རྩིས་སྤྲོད་བྱས་པར་གྲངས་ཀ་མེད། བོད་གཞུང་གིས་བོད་ནས་ཡོང་བའི་གཞོན་སྐྱེས་ཚང་མ་ཕྱིར་རྒྱ་ནག་ལ་རྩིས་སྤྲོད་བྱས་ཡོད། དཔེར་ན། གསོག་སྒར་སློབ་གྲྭའི་སློབ་མ་དང་འཛིན་གྲྭ་ཁུངས་མ་འཁྱོལ་མཁན་བོད་ཁྱིམ་གྱི་བྱིས་པ་ཚང་མ་ཕྱིར་བོད་དུ་ལོག་དགོས་པའི་སྲིད་བྱུས་བཟུང་ཡོད་པར་མ་ཟད། ད་བར་དུ་བོད་གཞུང་གིས་བྱིས་པ་དེ་དག་ལ་སོ་སོའི་ཕ་ཡུལ་བར་དུ་འདང་ངེས་པའི་ལམ་གྲོན་ཡང་སྤྲོད་ཀྱི་ཡོད། འདི་དག་ཀྱང་བཤད་ཕྱོགས་བརྗེ་ན་རྒྱ་ནག་ལ་རྩིས་སྤྲོད་བྱས་པ་ཡིན་པས་ཁྱབ་དགོས་པ་རེད། ཅེས་སྤྱི་ཚོགས་ནང་ཐེངས་འདིར་འཛིན་སྐྱོང་བཀའ་ཤག་གིས་སློབ་ཕྲུག་འདི་ཚོ་ཕྱིར་རྒྱ་ལག་ཏུ་བཞག་སྐོར་བསམ་ཚུལ་མང་བོ་ཡོད་པར་གསལ་འགྲེལ་མཛད་ཡོད།
དེ་བཞིན་བོད་ཀྱི་དུས་བབ་དྲ་ངོས་སུ་སྤོབས་པ་མཐའ་ཡས་ལགས་ཀྱིས་ཀྱང་། ཐེངས་འདིར་མ་སུ་རིའི་སྒྲིག་འགལ་སློབ་ཕྲུག་ཕྱིར་འབུད་བཏང་བ་དེར་རྒྱབ་རྩ་བྱེད་མཁན་འདི་འདྲ་མང་པོ་ཞིག་ཡིད་པ་དེ་ཡ་མཚན་དགོས་པ་ཞིག་རེད། ཚོགས་པ་སྒྲིག་འཛུགས་གང་ཡིན་ན་ཡང་ཕྱིར་འབུད་བྱེད་འོས་པའི་སྒྲིག་གཞི་ཞིག་དང་འགལ་ན་ཕྱིར་འབུད་བྱེད་པ་དེ་རྒྱུན་ལྡན་རེད། དེ་ཧ་ལས་དགོས་པ་ཞིག་མ་རེད། བཙན་བྱོལ་ནང་ནས་ཚོགས་པ་སྒྲིག་འཛུགས་གང་རུང་ནས་ཕྱིར་ཐོན་ཚེ་བོད་དུ་འགྲོ་མཁན་ཚོར་ལམ་གྲོན་ཁ་གསབ་ཞིག་ཀྱང་སྣེ་ལེན་ཁང་བརྒྱུད་ནས་ཐོབ་ཀྱིན་ཡོད་པ་རེད། དེ་ཡང་ང་ཚོའི་ཚོགས་པ་སྒྲིག་འཛུགས་ཚོའི་བཀའ་དྲིན་ཡིན་པ་ལས་སློབ་གྲྭ་གཞན་ནས་སྒྲིག་འགལ་མཁན་ཕྱིར་ཕུད་སྐབས་ལམ་གྲོན་སྟེར་མཁན་ཞིག་དཀོན་པོ་རེད། བོད་དུ་འགྲོ་མཁན་ཡིན་རུང་མིན་རུང་ཁེ་བཟང་ལ་བསམ་ནས་ལམ་གྲོན་དེ་ལེན་མཁན་མང་པོ་རེད། ཅེས་ཁོང་རྣམ་གཉིས་ཀྱིས་མང་ཚོགས་ཀྱི་སྐད་ཆ་ཙམ་ཡིན་པར། གནད་དོན་འདིའི་ཕྱོགས་ངོས་གཞན་ནས་ཀྱང་གླེང་སློང་གནང་ཡོད།
གང་ལྟར་ཐེངས་འདིར་མ་སུ་རི་བོད་ཁྱིམ་སློབ་གྲྭར་བྱུང་བའི་གནད་དོན་འདིའི་ཐད་དུ་ལྟ་ཚུལ་མི་མཐུན་པ་ཁག་ཅིག་ཡོང་བཞིན་པ་ནི། སྤྱི་ཡོངས་ནས་སྒྲིག་ཁྲིམས་འོག་ཏུ་ཡོད་ཀྱང་བུ་བུ་མོ་མང་ས་ནས་ཕན་ཚུན་ལ་ལུས་འབྲེལ་བྱེད་པ་ལྟ་བུ་ཡོང་གི་རེད་ཅེས་པ་དང་། འདི་ལྟ་བུའི་གནད་དོན་རིགས་ཚབས་ཆེན་རེད། སློབ་མ་སྤྱི་བྱིངས་ཀྱི་གནས་སྟངས་ལ་གཞིག་སྟེ་ཐག་གཅོད་ནན་པོ་བྱེད་དགོས་ཞེས་པ། ཡང་སློབ་གྲྭ་གཞན་ཁག་ན་དེ་ལྟ་བུའི་གནད་དོན་མང་བོ་འབྱུང་གི་མི་འདུག་པས་འདི་སློབ་གསོས་མ་འདང་བའི་སྐྱོན་རེད་ལྟ་བུ་སྤྱི་ཡོངས་ཀྱི་སྐད་ཆ་བཤད་མཁན་དང་། ཡང་ཐེངས་འདིའི་ཐག་གཅོད་བྱེད་སྟངས་སྐོར་ལ། སློབ་མར་ཉེས་པ་ལྕི་ཡང་གི་གོ་རིམ་ལྟར་ཐག་གཅོད་དགོས་ནའང་སློབ་མ་དེ་དག་གི་མདུན་ལམ་ཆེད་སློབ་གྲྭ་ནས་ཕུད་ཉན་གི་མ་རེད་ཅེས་དང་། ཉེས་པ་ལྕི་ཡང་གི་གོ་རིམ་ལྟར་རེ་ཟུང་ཕུད་ན་འགྲིག་ཀྱང་། ཚང་མ་ཕུད་པ་འགྲིག་མི་འདུག་ཟེར་བ་དང་། སློབ་གྲྭ་ནས་ཕུད་པ་འགྲིག་ཀྱང་བོད་དུ་སྐྱེལ་རྩིས་བྱས་པ་འགྲིག་མི་འདུག་ལྟ་བུ་དག་ཡིན།
འདིའི་ཐད་དུ་ད་ལྟ་བཀའ་ཤག་གིས་གནང་སྟངས་ལ་བལྟས་ན། ཐེངས་འདིའི་ཐག་གཅོད་རང་བཞིན་འགལ་འཛོལ་ཤོར་ཡོད་ཐོག གོམ་གང་ཕྱིར་ནུར་གྱིས་གོམ་པ་གསར་པ་ཞིག་སྤོ་རྒྱུ་ཡིན་གསུངས་ཡོད་སྟབས། ད་ནི་མང་ཚོགས་ཀྱིས་བཀའ་ཤག་གིས་གོམ་པ་གསར་པ་དེ་ཇི་ལྟར་སྤོ་མིན་ལ་ལྟ་རྒྱུ་དེ་རེད།
གསར་འགོད་པ། ཨ་རིག་འགྱུར་མེད།
དྷ་སྟེང་བོད་ཁྱིམ་གྱི་ཕྱིར་འབུད་ཅེས་པའི་ཚིག་བརྗོད་དེ་སྒྲིག་གཞི་ལས་ཕྱིར་འཐེན་བྱས་པའི་རྐྱེན་གྱིས་དེང་སང་སུ་ཇ་དང་དེ་འདྲ་ན་སློབ་ཕྲུག་དེ་ཚོ་ཡར་མར་འཁྱམས་ནས་འཛིན་སྐྱོང་གི་སྐད་ཤོར་གྱི་ཡོད་པའི་གནས་ཚུལ་གོ་ཐོས་འདུག བཙན་བྱོལ་གྱི་གནས་སྟངས་ལ་ལྟོས་ནས་འཇམ་རྩུབ་གཉིས་ཀྱི་སྒྲིག་གཞི་དགོས་པ་གལ་ཆེན་པོ་རེད།
རྟ་ནག་སྐལ་བཟང་ལུང་རིགས་ཟེར་བ་དེས་ག་རེ་བཤད་པ་རེད་། དེ་ནི་སྙོ་གཏམ་འདྲ་པོ་འདུག། མ་སུ་རིའི་སློབ་གྲ་དེ་ནི་བོད་ཀྱི་རབ་བྱུང་པའིདགོན་པ་བཞིན་མདོ་དང་འདུལ་བ་ཉམས་སུ་ལེན་ས་འདྲ་བོ་དང་ སློབ་ཕྲུག་ཚོ་མདོ་དང་འདུལ་བ་ཉམས་སུ་ལེན་མཁན་འདྲ་བོ་བཤད་འདུག། འདི་དག་ནི་སྐབས་སུ་མ་འབྲེལ་བའི་བསམ་ཚུལ་རེད།
ཡང་ཁོང་གིས་། སློབ་ཕྲུག་གནས་བྱུང་གཏོང་བའི་སྐོར་འདི་ནི་གནས་ཚུལ་ཆུང་ཆུང་རེད་ཟེར། ངས་བསམ་པར་འདི་ནི་གནས་ཚུལ་ཆུང་ཆུང་ཞིག་གཏན་ནས་མིན་། གང་ཡིན་ཞེ་ན་། ལོ་ཚད་ཅོ་བརྒྱད་མ་ལོང་པའི་ཕྲུག་གུ་ལ་ཁྲིམས་ཆད་བཏང་བ་དང་། ཁྲིམས་ཆད་དེ་ཡང་ཕྲུག་གུ་སློབ་གྲ་ནས་ཕྱིར་ཕུད་པ་མ་ཚད་བཙན་བྱོལ་སྤྱི་ཚོགས་ནས་ཕྱིར་འཕུད་ཐོག་བཀའ་ཤག་དང་ཤེས་རིགས་ལས་ཁུངས་དེ་བཞིན་མ་སུ་རིའི་སློབ་གྲ་ནས་ཐག་བཅད་ཟིན་པ་ཡོངས་གྲགས་རེད། དེ་ལྟར་མི་ན་ཕྲུག་གུ་ཚོ་བལ་ཡུལ་བར་དུ་ག་རེ་
བྱས་ནས་ཕུད་པ་རེད། དེ་ཕྱིར་འདི་ནི་གནས་ཚུལ་ཆུང་ཆུང་མིན་པར་འདོད།
གཞན་ཡང་ང་ཚོས་རྒྱ་ནག་ལ་ལོ་ཚད་མ་ལོང་པའི་བྱིས་པ་ལ་ཁྲིམས་བཅད་མི་རུང་ཞེས་ལོ་ངོ་མང་པོའི་རིང་སྐད་འབོད་བྱས་པ་དེ་ལ་བསམ་བློ་ཞིག་གཏང་རོགས།
ཉམས་མྱོང་དང་ཤེས་ཡོན་ཅན་རྣམས་ཀྱིས་མ་སུ་རི་སློབ་གྲྭའི་དོན་རྐྱེན་སྐོར་ཇི་ལྟར་ནན་བཤད་གནང་བ་དེ་དག་ལ་གཡག་ཞྭ་རས་རྩྭ་བཟའ་མཁན་རྭ་ལོ་དང་སྤོབས་པ་མཐའ་ཡས་གཉིས་ཀྱིས་གང་གཟབ་གཟབ་ངང་ཐེངས་འགའ་ཞིག་བཀླགས་ཏེ་མི་རིང་བར་ཉོམ་ཆུང་ལ་རྒྱབ་སྐྱོར་དང་བདེན་པར་རྒྱབ་ལངས་ཐུབ་པའི་རེ་བ་ཡོད། གཞན་ཞུ་རྒྱུ་གང་ཡང་མེད། གང་བཤད་དགོས་ཚད་ནི་བཤད་ཟིན་པ་ཡིན། རྡོ་སེམས་ངོ་བོ་གཅིག་པའི་མི་རྣམས་ལ་བཤད་ཀྱང་འབྲས་མེད་ཡིན་པ་ཤེས་ནས་ཐལ།
སློབ་དབྱུང་བཏང་བ་འགྲིག་འདུག། སློབ་རྭ་ལ་དེ་འོས་ཀྱི་སྒྲིག་གཞི་ཡོད་པས་འགྲོ་བ་མིའི་ཐོབ་ཐང་སྨྲ་བརྗོད་རང་དབང་གླེང་ས་མེད།
ཉེ་ཆར་སློབ་རྭ་ག་གེ་མོ་ཞིག་ཏུ་འཁྲིག་སྲེད་ཀྱི་དོན་རྐྱེན་ཕལ་བ་ཞིག་བྱུང་བ་ལ་བརྟེན་ནས་ཤེས་ཡོན་གྱི་སྡེ་རུ་བསྙད་པའི་བཙན་བྱོལ་རྩོམ་འབྲི་བ་དང་།གསར་འགྱུར་ལས་རིགས་པ་རྣམས་ཀྱིས་ཀྱང་ཆུང་ཆུང་ཆེན་པོ་དང་།ཆེན་པོ་ཤིན་ཏུ་ཆེན་པོའི་ངོ་བོར་སྦྱར། སྦྱར་ནས་འབྱོར་མ་འབྱོར་གང་ལྟར་ཡང་། བྱུང་བ་ཕྲན་བུ་དེ་དོན་རྐྱེན་གླིང་ལ་གྲགས་པ་ཞིག་ཏུ་བསྒྱུར་ཅི་ཐུབ་བྱས། དེ་ལྟར་ཡིན་འོས་ཏེ།ཁོ་ཚོར་གནད་དོན་ཆེན་པོ་ཞིག་གླེང་བའི་ཤེས་རབ་ཀྱིས་དབུལ་ལ།རྣམ་དཔྱོད་ཀྱིས་ཕོངས་པས་ག་དུས་ཡིན་ནའང་ས་སྙི་སའི་གྲོ་མ་རྐོ་བ་རེད།
༢
སྤྱིར་དེང་དུས་བོད་ཀྱི་ཡི་གེ་བ་དག་དང་།སྒོས་སུ་བཙན་བྱོལ་རྩོམ་འབྲི་བཏགས་པ་བ་རྣམས་ནི་གཞལ་བྱའི་གནས་གང་ལའང་འཇལ་བྱེད་ཤེས་རབ་ཀྱི་སོ་ཁ་ཤིན་ཏུ་རབ་ཏུ་རྟུལ་བ་དང་རྡུགས་པའི་རྣམ་པ་ཅན་ཡིན་པས། དུས་རྣམ་ཀུན་ཏུ་རང་སྐྱོན་འཆབ་པ། གཞན་སྐྱོན་བསྔོགས་པ།ཁ་ཟེར་གཏོང་བ།བསམ་བཞིན་དུ་གླགས་འཚོལ་བ།ཉེས་ལ་ཆགས་པ།རིང་ལ་སྡང་བ་སོགས་སྤྱིར་བཏང་གི་མི་དཀྱུས་མ་ཞིག་ལའང་ཡོད་མི་འོས་པའི་བསམ་བློ་བཙོག་པོ་དེས་བྱང་ཁོག་བརླམས་ནས་ཡོད།
༣
དེ་བས་ཐེངས་འདིའི་འཁྲུག་སྲེད་ཀྱི་ཉེར་ལེན་ལས་སློབ་དབྱུང་བཏང་བའི་དོན་རྐྱེན་ཆུང་ཆུང་འདི་ཡང་ཤིན་ཏུ་ནས་ཆེན་པོ་ཞིག་ཡིན་པའི་ཟོལ་དུ་སྦྱར་ནས། དགོས་མེད་མཁོ་མེད་ཀྱི་གླེང་རྙོག་རྫོབ་པོ་དག་དྲ་ངོས་དག་ཡོངས་སུ་ཁེངས་པར་བྱས། མི་བུ་གང་ཞིག་ཚོགས་སྡེ་ག་གེ་མོ་ཞིག་གི་ཚོགས་མིར་གྱུར་ཚར་རྗེས་ཚོགས་མི་བྱིངས་ཀྱིས་འགན་ལེན་བྱས་པའི་ཀུན་སྤྱོད་སྒྲིག་གཞི་དང་འགལ་ན་ཀུན་སྤྱོད་བརྡབ་བཤིག་གི་ཉེས་པ་བཀལ་ལོས་ཆོག། བཀལ་ན་འོས་ཤིང་འཚམས་པ་ཞིག་རེད།
༤
འགྲོ་བ་ཀུན་པོའི་རང་རྒྱུད་ན་གཉུག་མར་གནས་པའི་འདོད་སྲེད་ཀྱི་སེམས་བྱུང་དེ་དགག་ན་འགོག་མི་ཐུབ་པ་ཞིག་ཡིན་པ་ནི་སུ་ཡིས་བསྙོན་ནུས་ཏེ་མི་ནུས་སོ།།འགོག་མི་ཐུབ་པ་རྒྱུ་མཚན་དུ་བྱས་ནས་ཀུན་སྤྱོད་ཀྱི་བསྲུང་བྱ་དག་རྩིས་མེད་དུ་གཏང་དགོས་ན།ཀུན་སྤྱོད་གཙོ་བོར་སྟོན་པའི་འདུལ་བའི་གླེང་འབུམ་ཆེན་མོའང་མཁོ་མེད་རེད་ལ།རུང་བ་ཐོག་ཏུ་འཁྱོལ་བ་དང་མ་རུངས་པ་ཚོད་འཛིན་པའི་ཡོངས་ཁྱབ་གསལ་བསྒྲགས་འགྲོ་བ་མིའི་ཐོབ་ཐང་ཡང་དགོས་མེད་རེད།
༥
ནུབ་ཕྱོགས་པའི་ཆགས་སྲེད་རིག་གནས་དང་།གངས་ཅན་པའི་ཀུན་སྤྱོད་རིག་གནས་གཉིས་ལ་དུས་རྣམ་ཀུན་ཏུ་མཚུངས་ཆོས་རྩ་བ་ནས་མི་འདུག་པས། ང་ཚོས་ང་ཚོར་ཡོད་པའི་ཀུན་སྤྱོད་རིག་གནས་ཀྱི་མཛེས་པ་མ་བརླགས་ན་ཡག་པོ་རེད། སློབ་རྭ་ནི་མིའི་ཀུན་སྤྱོད་དང་ཤེས་རབ་བཙོ་སྦྱང་བྱེད་ས་ཡིན་དགོས་པ་དང་།ལྷག་པར་ཀུན་སྤྱོད་སྣེ་ཁྲིད་ཀྱི་སྟོན་པ་༸གོང་ས་མི་ཡི་དབང་བོས་དབུ་ཁྲིད་པའི་སློབ་རྭ་ཞིག་ཡིན་ན་ངེས་པར་དུ་དེ་ལྟར་ཡིན་འོས།
༦
འཁྲིག་སྲེད་བརྟེན་པ་ནི་ལུས་ཀྱི་ཀུན་སྤྱོད་དང་འབྲེལ་ཅིང་།མི་གསོད་པ་བཞིན་གྱི་འགོག་འོས་ཀུན་སྤྱོད་ཀྱི་ཁོངས་སུ་མི་གཏོགས་ནའང་།འཁྲིག་སྲེད་ཀྱི་ལས་བགྱི་བ་ལ་ཡུལ་དང་དུས་དང་གནས་ལ་བལྟ་དགོས་པ་ནི་གངས་ཅན་པའི་ཀུན་སྤྱོད་རིག་གནས་ཁོ་ན་ལ་དངའ་བའི་ཁྱད་ཆོས་ཤིག་ཡིན་པས་ནུབ་ཕྱོགས་པའི་ཆགས་སྲེད་རིག་གནས་ཀྱིས་རྒྱས་འགེབས་མ་བྱས་ན་ཤིན་ཏུ་ནས་བཟང་སྙམ།
༧
གསར་འགྱུར་རྩོམ་འབྲི་བ་ཁ་ཤས་ཀྱིས་ཐེངས་འདིའི་འཁྲུག་སྲེད་དོན་རྐྱེན་ལ་བརྩེ་དུང་གི་ཐ་སྙད་སྦྱར་ནས་གླེང་འདུག་ནའང་། འདི་ནི་སྲེད་པ་ལས་བརྩེ་བ་ཞེས་པ་ཡེ་ནས་མི་འཇུག་པས།འདོད་སྲེད་མངོན་གྱུར་པའི་སྒོ་འགོག་པ་ནི་བོད་པ་ཚང་གི་མི་ཆོས་ཀུན་སྤྱོད་རིག་གནས་ཀྱི་ངོས་ནས་བལྟས་ན་འོས་ཤིང་འཚམས་པ་ཞིག་ཏུ་ཁོ་བོས་འདོད།དེ་བས།ཐེངས་འདིར་སློབ་དབྱུང་བཏང་བ་ནི་ཀུན་སྤྱོད་དག་ཐེར་བྱས་ཡིན་པས་ལས་ཀ་བྱས་སྟངས་དེ་འགྲིག་འདུག་ཅེས་ཁོ་བོས་སྨྲ།
༨
སློབ་རྭ་འདི་གཅིག་བུ་མ་ཡིན་པར་ད་དུང་བཙན་བྱོལ་གྱི་ཤེས་ཡོན་སྡེ་ཁག་སོ་སོ་ན་དུད་ནག་འཇིབ་པ། ས་དཀར་རྔུབ་པ། འཁྲིག་སྲེད་བརྟེན་པ་སོགས་ཐལ་དྲགས་པའི་ཀུན་སྤྱོད་དག་སྣོད་ཞབས་བརྡོལ་གྱི་ཆུ་བཞིན་དུ་བཞུར་དང་བཞུར་གྱིན་འདུག་པས། དགག་དགོས་ན་དེ་ཁོག རྩོད་དགོས་ནའང་དེ་རྩོད།
༩
བཙན་བྱོལ་གྱི་དྲ་ཚིགས་རྩོམ་འབྲི་བ་དག་ལ་མཚན་ཉིད་ཅིག་ཀྱང་ཞོར་ནས་བསྟན་ན་དགོས་ཆེ་སྙམ་ཏེ།དཀྱེལ་ཡངས་ཀྱི་བསམ་བློ་དང་དཔྱོད་ཤེས་ཀྱི་རིག་པས་སྟོངས་པ་གང་ཞིག ཆོས་ཆོལ་རིས་གཅོད་དང་། རང་རྒྱལ་གཞན་ཕམ་གྱི་ལོག་རྟོག་ཅན་དེ་བཙན་བྱོལ་གྱི་དྲ་ཚིགས་རྩོམ་འབྲི་དག་གི་མཚན་ཉིད་དོ།།
ཀྱེ་མ་འཇིག་རྟེན་གྱི་ཁམས་ལ་ཡོངས་མི་སྲིད་པ་མ་རེད་ཡིན་ན་ཡང་སློབ་ཕྲུག་ཕྱིར་འབུད་བྱེད་ན་མི་ལེགས་སོ་དེང་སང་སློབ་ཁང་མང་ཆེས་ཤོས་སྟོང་པ་ཆག་འདུག་ཁྱེད་རང་རྣམས་པ་ཚོ་བསམ་ལོ་ཡག་པོབཏང་ན་ལེགས་དགེ་རྒན་གྱིས་དགེ་ཕྲུག་ལ་འཁྲིག་པ་སྤྱོད་ནས་སྡད་ཡོད་དེ་རྣམས་ཁྲིམ་འགལ་ཡིན་པ་ལ་མཚུངས་པའི་ཕྱིར་རོ།
ཉེས་པ་ཚང་མ་ཕྲུག་གུའི་ཐོག་ལ་གཡོག་དེ་ནས་ཕ་ཚབ་དང་མ་ཚབ་ལ་གཡོག།
རྒྱུ་མཚན་ནི་རྒྱབ་རྟེན་མེད་པས་ཡིན།
ཉེས་པ་ཆེ་བའི་སློབ་སྤྱི་དང་སློབ་དགེ་རྣམས་ཉེས་མེད་ཁུངས་སུ་བཞག་།
འདི་དག་ནི་གནའ་བོའི་སྐུ་དྲག་ལམ་ལུགས་ཀྱི་བྱེད་སྟོངས་རེད།
གལ་ཏེ་མ་སུ་རི་སློབ་གྲྭས་ཕྱིར་ཕུད་བྱས་པའི་སློབ་ཕྲུག་དེ་དག་གི་ཁྲོད་དུ་ང་ཡང་ཐེ་ཡོད་པའི་དབང་དུ་བཏང་ན། ངས་སྐད་ཆ་འདི་འདྲ་ཞིག་བཤད་ས་རེད། གལ་ཏེ་འགྲིགས་འགལ་གྱིས་འཁྲིག་སྤྱོད་བྱེད་མཁན་ཚང་མ་ཕྱིར་འབུད་གཏོང་དགོས་པའི་དབང་དུ་བཏང་ན། འོ་ན་སློབ་དགེ་སློབ་ཕྲུག་བུ་མོ་དག་ལ་གསང་སྟབས་ཀྱིས་འཁྲིག་པ་སྦྱོད་མཁན་ཚོ་ཅིས་ཕྱིར་ང་ཚོ་ལྟར་ཕྱིར་འབུད་བྱ་མི་དགོས་པ་རེད། ཁྱེད་བོད་གཞུང་བཀའ་བློན་ཁྲི་བ་དང་སློབ་གྲྭའི་དབུ་འཛིན་ཚང་འཛོམས་ཐོག་གྲོས་ཐག་འདི་བཅད་དེ། ངེད་ཅག་འཁྲིག་པ་སྤྱོད་མཁན་དག་རྒྱང་འབུད་གཏོང་རྒྱུར་གཏན་ཁེལ་བ་ཡིན་ན། འོ་ན་ང་ཚོས་འཁྲིག་པ་སྤྱོད་པ་ཙམ་གྱིས་ང་ཚོ་བོད་གཞུང་གི་སྐྱབས་འོག་ཏུ་མ་ཚུད་པ་ཨེ་རེད། བོད་གཞུང་ཞེས་པ་འདི་དགེ་འདུན་འདུལ་བའི་ཁྲིམས་ལྟར་ཐག་གཅོད་བྱེད་མཁན་གྱི་ཚོགས་པ་ཞིག་རེད་དམ། ཡང་ན་ངེད་ཅག་ཁྱིམ་པ་བའི་སྡེ་ཚུད་པའི་དམངས་གཙོའི་ཚོགས་པ་ཞིག་རེད། མདོར་ན། བོད་གཞུང་ཞེས་པ་འདི་ད་རུང་འདུལ་ཁྲིམས་གཞིར་རྩར་འཛིན་པའི་དགེ་འདུན་པའི་ཚོགས་པ་ཞིག་ཡིན་ན། ང་ཚོ་ལ་ཅི་ནས་ཀྱང་འཇིག་རྟེན་ཁྱིམ་པ་པའི་ཁམས་དང་མཐུན་པའི་བོད་གཞུང་ཞིག་དགོས་ཞེས་སྐད་གསེང་མཐོན་པོས་བསྒྲགས་ངེས་ཡིན། དེ་མིན་ཁྱེད་ཅག་གིས་རང་སྣང་གང་དྲན་གྱིས་ངེད་ཅག་བྱིས་པ་ཀླད་ལོག་ཁག་ཅིག་ལ་མཐོང་ཆུང་བྱས་པ་ཡིན་ན། ང་ཚོས་ཀྱང་ནམ་ཞིག་ཁྱེད་ཅག་ལ་དགྲ་ཤ་ཞིག་ལེན་ངེས་ཡིན། རྒྱུ་མཚན་ནི། གནད་དོན་འདིས་ང་ཚོའི་འབྱུང་འགྱུར་ཐག་གཅོད་བྱེད་བཞིན་པས་ཡིན། སྤྱིར་བུད་མེད་བསྟེན་པ་དང་འཁྲིག་པ་སྤྱོད་པ་ནི་འགྲོ་བ་མི་ཡོད་དོ་ཅོག་གི་རང་བཞིན་ལྷན་སྐྱེས་སུ་གྲུབ་པའི་གཤིས་ཀ་ཞིག་ལས། དེ་ལ་དམིགས་བསལ་གྱིས་རྒྱང་ཕུད་གཏོང་དགོས་པའི་ངེས་པ་ཡེ་ནས་མ་མཆིས། གོ་ཐོས་སུ་ཁྱེད་བཀའ་བློན་ཁྲི་བས་ཀྱང་འདྲ་མིན་སྣ་ཚོགས་ཤིག་བྱས་ཡོད་པའི་ནས་ཚུལ་མང་པོ་འདུག་ཀྱང་། དེ་ནི་སྐད་ཆའི་ཟུར་ཙམ་ལས་ཡོངས་སུ་བཤད་དགོས་དོན་མ་མཆིས། གང་ལྟར། ཁྱེད་ཅག་གིས་ང་ཚོ་ལྟར་འགྲིག་འགལ་གྱིས་འཁྲིག་པ་སྤྱོད་མཁན་ཚང་མ་ཕྱིར་འབུད་གཏོང་རྒྱུ་ཡིན་ན། འོ་ན། སུ་ཇ་བོད་ཁྱིམ་སློབ་གྲྭའི་སློབ་ཕྲུག་རྣམས་ཆོས་ཅན། གུང་གསེང་ནམ་ཡིན་དུ་ཕྱི་ལོག་ལ་འཁྲིག་པ་སྤྱོད་དུ་འགྲོ་བཞིན་འདུག་པས། ཁོང་ཚོ་ཡང་ཕྱིར་འབུད་གཏོང་དགོས་པར་ཐལ། ད་དུང་གྷོ་པ་པུར་དང་རྡ་སྟེང་བོད་ཁྱིམ་སློབ་གྲྭའི་བུད་མོ་དག་ཆོས་ཅན། ཁོ་ཚོ་མང་ཆེ་བའི་དགའ་རོགས་གྲྭ་པ་དང་དགོན་པར་གནས་པའི་དགེ་འདུན་པའི་སྡེ་ཡིན་པས། ཕྱོགས་གཉིས་ཀ་ཅི་ནས་ཀྱང་ཕྱིར་འབུད་གཏོང་དགོས་པར་ཐལ། གལ་ཏེ་མི་འདོད་ན། ཞེས་དཔེ་མཚོན་རྣམས་རིམ་བཞིན་འགོད་ངེས་ཡིན།
མ་སུ་རིར་སློབ་མ་ཕྱིར་འབུལ་བྱས་པ་དེ་འགྲིག་འགལ་བྱས་ཡོད་ན་སློབ་མ་ཚོ་ཉེས་
བ་ཡོ་བསྲང་བ་བྱེད་ལས་དགོས་ཀྱང་། བོད་ནང་སྐྱེད་དགོས་ན་ངོ་མ་ཉེན་ཁ་ཞིག་
ཡིན་པ་རེད། བོད་ནང་གི་ཕྱི་ལ་བཟོང་བའི་ཡིད་ཆེས་ཅུང་ཙམ་ཡང་བརླགས་
མི་རུང་ལ། འདི་ད་ཐང་གནད་དོན་ཞིག་རེད་ཡང་གཅིག་བཤད་ན་སློབ་མ་
ཚོ་མ་འོངས་བའི་རྐང་འཛིན་པ་ལས་གཞན་གང་ཡང་མིན།
ཕྱི་འབུད་གཏངཟེར་བ་དེ་སློབ་ཕྲུག་ཚོས་མདུན་ལམ་ལ་བསམ་གཞིག་མ་བྱས་པའི་ཐལ་དྲག་པའི་བྱ་སྤྱོད་ཞིག་ཡིན་ཕྱིན་ཆད་དེའི་རིགས་མི་བྱེད་པའི་རེ་སྐུལ་ཡོད།
དེ་སྔོན་བོད་ནང་དུ་གནས་ཚུལ་འདི་རིགས་མང་པོ་བྱུང་མྱོང། ཡིན་ན་ཡང་སློབ་མ་ཕྱིར་ཕུད་པའི་ཆད་པ་ཧ་ཅང་ཉུང། བུ་མོ་ཚོར་ཕྲུ་གུ་ཆགས་ན་རང་འགུལ་གྱིས་ཕྱིར་འབུད་དགོས། གནས་ཚུལ་འདི་རིགས་ཀྱི་མིང་ལ་ཕོ་མོ་ངན་འབྲེལ་ཟེར་བ་རེད། སློབ་མ་དེ་དག་དགེ་སློབ་ཚང་འཛོམས་ཀྱི་ཚོགས་ཆེན་ཐོག་ནས་སྐྱོན་བརྗོད་དང་རང་སྐྱོན་ངོས་ལེན་བྱེད་འཇུག་གི་རེད། ངོ་ཚ་དང་བཅས་པའི་ཆད་པ་དེས་གཞན་དག་ལ་ཕན་གྱིན་ཡོད།
བཙན་བྱོལ་བོད་གཞུང་ནི་རང་དབང་དམངས་གཙོ་དང་དེང་རབས་ཀྱི་ཁོར་ཡུག་ཡངས་པོར་གནས་ཡོད་པས་ལྷག་པར་དུ་ཡང། སློབ་གྲྭའི་སློབ་གསོའི་ལམ་ལུགས་འདི་གནའ་དེང་ཟུང་འབྲེལ་གྱི་ཡ་རབས་མིག་དཔེའི་རྒྱན་དུ་འགྱུར་བ་ཞིག་བྱ་རྒྱུ་གལ་ཧ་ཅང་ཆེ། སློབ་མ་ཕྱིར་འཕུད་ཀྱི་ཆད་པ་འདི་རིགས་སྒེར་སྤྱི་གཉིས་ལ་ཕན་ལས་གནོད་ཆེ་བར་འགྱུར་བས། ཤེས་རིག་ལས་ཁུངས་ནས་སློབ་གྲྭ་ཡོངས་ལ་གཅིག་གྱུར་གྱི་སྒྲིག་ལམ་ཞིག་གཏན་འཁེལ་གྱིས་ཀུན་སྤྱོད་སློབ་གསོའི་སྤུས་ཚད་མཐོར་འདེགས་བྱ་རྒྱུ་གལ་ཆེའོ།
ཕྱིར་ཕུད་པ་འོས་འཚམ་མ་རེད། ཕྱིར་འཕུད་ཟེར་བ་མེད་པར་བཟོ་དགོས་ཞེས་པ་ལ་འགྲིག་རྟགས་ཡོད།
འཇམ་དཔལ་སྨོན་ལམ་ལགས། ཀརྨ་ལེགས་བཤད་ལགས། དགེ་རྒན་ཟུར་བ་འོད་ཟེར་ལགས་བཅས་ལ་
ང་ཡ་མཚན་གིའདུག
སློབ་གྲྭ་བ་ཡིན་པས་ཕྱིར་འབུད་བཏང་ན་ག་ལ་འགྲིག་འོན་ཀྱང་ཕྱིན་ཆད་དེ་འདྲ་མི་ཡོངས་པའི་ཆེད་ཆད་ལས་ཞིག་བྱེད་དགོས་འདོག་ཁ་བོ་རེད།དེ་ཚོ་སྤྱིར་ཡིན་ན་འགྲོ་བ་ཡོངས་རྫོགས་དགའ་ས་ཡང་དེ་རེད།ནག་ཉེས་རྩི་ས་ཡང་དེ་རེད།ཧ་ཅིང་གི་ཚབ་ཆེན་ཞིག་མ་རེད་བསམ་གི་ཡོད།གང་ཡིན་ཞེ་ན་འཁྲིག་སྤྱོད་ཟེར་བ་དེ་བྱས་ནས་ང་ཚོ་ཡང་འོང་བ་ཡིན་པས་ཚབ་ཆེན་ཞིག་ག་ལ་ཡིན།དེ་དག་ཚབ་ཆེན་ཞིག་ཡིན་ན་འགྲོ་བ་འདི་དག་ཡོངས་སུ་རྫོགས་པ་གང་ནས་བྱུང་བ་རེད།ཆད་ལས་བྱེད་མི་དེ་ཡང་དེ་བཞིན་རེད།
བསམ་བློ་མ་ཟིན་པའི་སློབ་མ་འགའ་རེས་ནོར་འཁྲུལ་ཞིག་ཤོར་བ་ཙམ་གྱིས་བཙན་བྱོལ་བོད་མིའི་སྤྱི་ཚོགས་ཁྲོད་ནས་རྒྱང་འབུད་དམ་ཕྱིར་འབུད་གཏོང་བར་ངོ་རྒོལ་མཐའ་གཅིག་ཏུ་ཡོད། བཙན་བྱོལ་བོད་པའི་སྤྱི་ཚོགས་ལ་ཆ་མཚོན་ན་གཞུང་འབྲེལ་དང་གཞུང་འབྲེལ་མིན་པའི་སློབ་གྲྭ་གང་རུང་ནས་ཕྱིར་འབུད་བཏང་བ་ཡིན་ན་ཕལ་ཆེར་ཕྱོགས་མང་པོ་ཞིག་ནས་ཕྱིར་འབུད་བཏང་ཚར་བ་རེད། སློབ་གྲྭ་ནས་ཕྱིར་འབུད་བྱས་པ་དེས་མི་ཚིམས་པར་ད་དུང་རྒྱ་བལ་གཉིས་ནས་ཀྱང་ཕྱིར་གཏོང་གི་ཡིན་ཟེར་གྱིན་ཡོད་སྐད། ཁྱོད་ཚོས་དགྲ་བོ་ལ་དེ་འདྲ་གནག་པོ་ཐུབ་ཀྱི་ཡོད་དམ། ཉམས་ཆུང་སློབ་མ་དེ་ཚོར་དེ་འདྲ་བཟོ་དགོས་འདུག་གམ། མི་ལ་ནོར་འཁྲུལ་མེད་ཅིག་སུ་ཡོད་རེད། སློབ་གྲྭ་དེའི་མ་འོངས་པར་བསམས་ནས་བྱས་པ་ཡིན་ཟེར་ན། སློབ་གྲྭ་དེ་སུའི་ཆེད་དུ་བརྒྱབ་པ་རེད་དམ། བོད་ཕྲུག་ཚོའི་ཆེད་དུ་ཨེ་རེད། རེད་ན་ཁ་སང་སློབ་མ་དེ་ཚོའང་བོད་ཕྲུག་མ་རེད་དམ། གནས་ཚུལ་དེ་ཙམ་ལ་ཐབས་ཤེས་ཤིག་བཏོན་ནས་སློབ་མ་དེ་ཚོའི་མ་འོངས་པ་ལ་དོ་ཁུར་མ་བྱས་པར་དངོས་གནས་ཡིད་འཕང་སོང།
རྒྱ་མིའི་བོད་ལ་བཟུང་བའི་རྩ་ཁྲིམས་དེ་ཚོ་རྒྱ་སྤྱིའི་ཁྲིམས་དང་འགལ་འགལ་བ་རེད། དེས་ན་སློབ་ཕྲུག་དེ་ཚོ་ཀྱང་ཁྲིམས་འོག་ལ་འགྲོ་རྒྱུ་ཉག་གཅིག་རེད། བུ་དགུ་དང་མཉམ་དུ་ཉལ་ན་བཙལ་བྱོལ་ནས་ཕུད་དགོས་ན་ད་ལྟ་ས་གནས་ཁག་འགའ་ཞིག་ལ་ཡོད་པའི་བོད་པའི་བུ་མོ་ཞང་ཚོང་མ་དེ་ཚོ་ཀྱང་བོད་ལ་ཕྱིར་འབུད་གཏང་དགོས་པ་དེ་བོད་གཞུང་གི་རྩ་ཁྲིམས་རེད་དམ། ??????????
ང་རང་སློབ་གྲྭའི་ནང་དུ་ལས་བྱེད་མཁན་ཞིག་ཡིན་ཞིངསློབ་གྲྭའི་་སྒྲིག་ལམ་ལ་ཐད་ཀར་འབྲེལ་བ་ཡོད་པའི་མི་ཞིག་ཡིན། འོན་ཀྱང་སློབ་གྲྭ་ནས་ཕྱིར་འབུད་བྱས་པ་ནི་དབང་འཛིན་པ་དག་གིས་བོད་མི་ཞིག་གི་འགན་འཁུར་མ་བླངས་པ་རེད། རྒྱུ་མཚན་ནི་སློབ་ཕྲུག་དེ་དག་གད་རྙིག་ཡིན་ན་རྫབ་དོང་གཡུག་ཆོག་ལ་དེ་ནས་རྩ་མེད་གཏོང་གི་རེད། གལ་སྲིད་ད་བར་དུ་ཁྱེད་ཅག་གི་དབང་འོག་ཏུ་བཞག་ནས་ནོར་འཁྲུལ་བྱུང་ཡོད་ན་ནོར་འཁྲུལ་དེ་ཡོ་གསོང་བྱེད་པའི་ལས་འགན་ཁྱེད་ཅག་ལ་མེད་ན་སུ་ལ་ཡོད། ཁྱེད་ཅག་གིས་རང་གི་བུ་ཕྲུག་གིས་ནོར་འཁྲུལ་དེ་འདྲ་ཞིག་བྱས་ན་ཁྱིམ་ནས་ཕུད་དེ་བདག་མེད་དུ་གཡུག་རྒྱུ་ཡིན་ནམ།
སློམ་ཁང་ནང་དུ་འཁྲུག་སྤྱོད་པ་ནི་ཕག་ལས་ཀྱང་ངན། བུ་མོ་དེ་ནི་ཕྱིར་འབུད་བྱེད་ན་ཧ་ཅང་བཟང།
སློབ་ཕྲུག་རེ་རེ་བཞིན་དེ་ལྟ་བུའི་ཚ་འདྲི་བྱས་པ་ཡིན་ན་འཕྲིག་སྤྱོད་མི་མྱོང་མཁན་ག་ཚོད་ཡོད་ན། དེ་ཚང་མ་ཕྱིར་འབུད་རྒྱུ་ཡིན་ནམ། ཕྱིར་ཕུད་པ་མ་ཟད་ད་དུང་ཕྱིར་བསྐྱལ་བ་དེས་མ་འོང་སློབ་ཕྲུག་རྣམས་ཀྱི་ཀུན་སྤྱོད་ལ་མི་ཕན་པ་མ་ཚད། སློབ་ཕྲུག་མང་པོའི་སེམས་ལ་ཕོག་ཐུགས་ཆེན་པོ་བྱུང་འདུག
ད་གངས་བུ་ལྷག་བསམ་གྱི་སྐད་ཆ་ལ་ནང་འགལ་ཡོང་གིན་འདུག མཚམས་རེ་ལ་བྱིས་པ་ལ་ཁྲིམས་གཅོད་བྱེད་མཁན་ཞིག་མེད་ཟེར་གྱིན་འདུག མཚམས་མཚམས་ལ་སློབ་ཕྲུག་ཚོ་བོད་དུ་ལོག་ན་རྒྱ་དམག་གིས་བཟུང་འགྲོ་གི་རེད་ཟེར་གྱིན་འདུག མ་གཞི་སློབ་མ་འདི་ཚོའི་ན་ལོ་བཅོ་བརྒྱད་ལ་སོན་ཡོད་མཁན་འདུག་ཟེར་བཞིན་ཡོད་པ་མ་རེད་དམ། ཁྱོད་ཚོས་སློབ་ཕྲུག་གི་མདུན་ལམ་མདུན་ལམ་ཟེར་ནས་གླེང་རུང་བུ་མོ་དེ་ལྟ་བུ་ཡིན་ན་ཤེས་ཡོིན་གྱིས་མདུན་ལམ་འཚོལ་མཁན་གྱི་མི་ཞིག་རེད་འདུག་གམ། བུ་དགུ་དང་མཉམ་དུ་ཉལ་ཟེར་བ་དེ་ཧང་སངས་དགོས་པ་ཞིག་མ་རེད་དམ། ད་དུང་མ་ཤེས་ས་ན་ག་ཚོད་མང་པོ་ཞིག་ཡོད་མེད་སུས་ཤེས། ཧ་ཅང་ཉེན་ཁ་ཆེན་པོ་རེད།
གནམ་ལྕགས་ནི་གནམ་ལྕགས་རང་རེད་རྒྱབ་སྐྱོར་ཡོད།
ཨོ་ལེ་།།།བསམ་བློ་རྒྱ་ཆེ་ས་ནས་བཏང་འདུག་
གསར་འགོད་པ་ལ་ཐུགས་རྗེ་ཆེ་ཞུ་རྒྱུ་ཡིན།
སྤྱི་ཚོགས་ཐོག་ལ་གནས་དོན་དེའི་ཐད་བསམ་ཚུལ་མང་དག་ཞིག་ཡོང་བཞིན་ཡོད། སྒྲིག་འཛུགས་ནང་གསལ་བཞིན་ཕྱིར་འབུད་བྱས་པར་རྒྱབ་སྐྱོར་ཡོད་ཡིན་ཡང་ཕྱིར་བལ་ཡུལ་སྣེ་ལེན་ཁང་དུ་བསྐྱལ་ཏེ་བོད་དུ་གཏོང་རྩིས་རེད་ཟེར་བས་དེ་ནི་ཧ་ཅང་གི་ཚད་མཐོ་དྲགས་པའི་ཐག་གཅོད་ཞིག་རེད། ཚོགས་པ་ཞིག་ནང་བསྡད་ཚེ་ངེས་པར་དུ་ཚོགས་པ་དེའི་སྒྲིགས་ཁྲིམས་འཁུར་དགོས། གོང་ས་མཆོག་གིས་ག་དུས་ཡིན་ཡང་ཡུལ་ཆུ་གཏུང་ན་ཡུལ་ཁྲིམས་འཁུར་དགོས་པའི་བཀའ་སློབ་གནང་གིས་ཡོད།
བོད་ལྗོངས་ཆ་འཕྲིན་ལྟེ་གནས་ལས། གནས་ཚུལ་བཟང་པོ་ཞིག་འདུག
གྲྭ་བློ་བཟང་སྨོན་ལམ་ལགས་ཀྱིས་ཉི་ཧོང་གི་ཨོ་ཐ་ནེས་མཐོ་སློབ་ཁང་དང་ཀུ་ཤུ་གློག་ཀླད་བཟོ་གྲྭ་གཉིས་དང་མཉམ་འབྲེལ་ཐོགསྨོན་ལམ་བོད་ཡིག་གསུམ་ipadསོགས་སུ་བེད་སྤྱོད་ཐུབ་རྒྱུའི་ཚོད་ལྟ་བྱས་པ་ལེགས་འགྲུབ་བྱུང་འདུགཕྱི་ཚེས་༢༤ཉིན་གྱི་གངས་ཅན་སྐྱིད་གཤོངས་ནི་དབྱར་གྱི་ཚ་སྨུག་གིས་བཏུམས་འདུག་ལ།ང་བོད་ཀྱི་ཚན་རིག་པ་གྲྭ་བློ་བཟང་སྨོན་ལམ་ལགས་ཀྱི་སར་ཐོན་དུས།ཁོང་ནི་རང་གིས་ཡུན་རིང་འབད་བསྒྲུབ་བྱས་པའི་ལས་དོན་ཞིག་ལེགས་འགྲུབ་བྱུང་སྟེ་གདོང་ན་རྒྱལ་ཁའི་འཛུམ་མདངས་ཀྱིས་ཁེངས་འདུགབལྟས་ཚོད་ཀྱིས་ཁོང་ལ་དེ་རིང་གི་ཚ་གདུང་འདིས་ངལ་དུབ་གང་ཡང་སྟེར་གྱིན་མེད་པའི་སྣང་བ་འཆར།དེ་ཡང་ཡིན་ཏེ་ཉིན་འདི་ནི་ཁོང་གིས་ཉི་ཧོང་དུ་རྟེན་གཞི་བྱས་པའི་ཨོ་ཐ་ནེས་མཐོ་སློབ་ཁང་OtaniUniversityདང་ཀུ་ཤུ་བཟོ་གྲྭAppleInc. གཉིས་དང་མཉམ་འབྲེལ་ཐོགiphoneཁ་པར་དང་ipadདང་།ipodབཅས་སུ་རྒྱལ་སྤྱིའི་གཅིག་གྱུར་ཨང་སྒྲིག་ཐོག་ཡོད་པའི་སྨོན་ལམ་བོད་ཡིག་གསུམ་པ་ཚོད་ལྟ་ལེགས་འགྲུབ་བྱུང་སྟེ།བོད་སྐད་ཡིག་འདི་བཞིན་འཛམ་གླིང་གི་དེང་རབས་ཀྱི་ཐོན་རྫས་གསར་བའི་ནང་དུ་བེད་སྤྱོད་གཏོང་ཐུབ་པར་གྱུར་བས་ཡིན།
ཁོང་གིས་སྤྲོ་སེམས་འཁོལ་བའི་ངང་གསུངས་དོན།ཉེ་ཆར་ངས་ཉི་ཧོང་ཨོ་ཐ་ནེས་མཐོ་སློབ་ཁང་དང་ཀུ་ཤུ་གློག་ཀླད་བཟོ་གྲྭ་གཉིས་དང་མཉམ་འབྲེལ་ཐོགཡུན་རིང་ཚོད་ལྟ་བྱས་པ་བརྒྱུད་ད་ལྟ་སྨོན་ལམ་བོད་ཡིག་གསུམ་པ་དེང་རབས་ཀྱི་ཐོན་རྫས་གསར་བ་iphoneདང་ipadདང་།ipod བཅས་སུ་ནང་འཇུག་ལེགས་འགྲུབ་བྱུང་ཡོད་པས།འཕྲུལ་ཆས་འདིའི་རིགས་ནང་ད་ནས་བཟུང་བོད་ཡིག་བེད་སྤྱོད་གཏོང་རྒྱུར་དཀའ་ངལ་གང་ཡང་མེད་ཅེས་དང་།མཉེན་ཆས་དེ་དག་ནང་བོད་ཡིག་ལེགས་འགྲུབ་བྱུང་སྟབས།རྗེས་ཕྱོགས་iphoneཁ་པར་ནང་ཡིག་ཆ་བསྔོག་པ་དང་དྲ་རྒྱ་བསྔོག་པ།ཡིག་ཆ་ཡར་མར་ཕབ་ལེན་བྱེད་པ་སོགས་བྱེད་ཐུབ་ཀྱིན་ཡོད།དེར་བརྟེན་དེས་གློག་ཀླད་ལྟར་བོད་ཡིག་དྲ་རྒྱ་སོགས་སྤྱོད་རྒྱུར་ཧ་ཅང་གི་སྟབས་བདེ་བོ་ཆགས་ཡོད་པས།སྤྱི་ཡོངས་ཀྱི་ཆ་ནས་འདིས་མ་འོངས་པར་ང་ཚོར་ཕན་ཐོགས་ཆེན་པོ་ཡོང་གི་རེད།ཅེས་གདེང་ཚོད་ཆེན་པོས་གསུངས།ཡིན་ནའང་།ཁོང་གིས་དེང་སྐབས་གོང་གསལ་ཐོན་རྫས་དེ་དག་བོད་སྤྱི་ཚོགས་སུ་ད་དུང་དེ་ཙམ་གྱིས་ཁྱབ་རྒྱ་ཆེན་པོ་མིན་སྟབས།བོད་མི་ཚང་མས་བེད་སྤྱོད་གཏོང་ཐུབ་མིན་ཐད་ད་དུང་དུས་ཡུན་གང་འཚམ་འགོར་སྲིད་པའི་ཚོད་དཔག་གནང་གི་འདུག
ཁོང་གིས་མུ་མཐུད་དེ་གསུངས་དོན།གནས་སྐབས་རིང་བོད་མི་ཚོས་ཐོན་རྫས་གསར་བ་འདི་དག་བེད་སྤྱོད་གཏོང་ཐུབ་མིན་བཤད་ཁག་པོ་རེད།ཡིན་ནའང་།རིམ་གྱིས་བོད་མི་ཚོས་ཐོན་རྫས་འདིའི་རིགས་སྤྱོད་རྒྱུར་ཧ་ཅང་གལ་ཆེན་པོར་ཆགས་ཡོད།ལྷག་པར་དུ་ipadལྟ་བུར་མཚོན་ན་འཛམ་གླིང་ནང་སྐད་གྲགས་ཆེ་བའི་ཐོན་རྫས་གསར་ཤོས་ཀྱི་ཅ་ལག་རེད།དེར་བརྟེན་དེའི་ནང་དུ་བོད་ཡིག་ཏག་ཏག་ཅིག་བེད་སྤྱོད་གཏོང་ཐུབ་ཚེ་བོད་སྐད་ཡིག་ཐད་ནས་དགེ་མཚན་ཆེན་པོ་ཡོང་གི་རེད་ཅེས་གསུངས།དེས་ནི་ཁོང་གིས་ད་བར་སྨོན་ལམ་བོད་ཡིག་དང་པོ་དང་གཉིས་པ།གསུམ་པ།གཞན་ཡང་སྨོན་ལམ་བོད་ཀྱི་ཐུན་མོང་སྐད་གདངས་སོགས་རིམ་བཞིན་བཟོས་ཏེ།བོད་སྐད་ཡིག་འདི་ཡང་འཛམ་གླིང་གི་རྒྱལ་ཁབ་གཞན་ཁག་གི་སྐད་ཡིག་དང་དཔུང་པ་མཉམ་གཤིབ་བྱ་ཐུབ་པའི་སྐད་ཡིག་ཅིག་ཆགས་རྒྱུར་འབད་བརྩོན་གནང་གིན་ཡོད་སྟབས།བོད་སྐད་ཡིག་ལ་བཅངས་པའི་དུང་ཞེན་མཚོན་འདུགགང་ལྟར་འདི་ནི་ཁོང་གིས་ལོ་སྔོན་མའི་ལོ་མགོར་སྨོན་ལམ་བོད་ཡིག་གསུམ་པ་དང་སྨོན་ལམ་བོད་ཀྱི་ཐུན་མོང་སྐད་གདངས་གཉིས་བཟོ་སྐྲུན་ལེགས་འགྲུབ་བྱུང་རྗེས།བོད་སྐད་ཡིག་འདི་བཞིན་རྒྱལ་སྤྱི་རང་བཞིན་ཅན་དང་དུས་རབས་རང་བཞིན་ཅན།དེང་རབས་ཀྱི་ཐོན་རྫས་ཆེས་གསར་བའི་བརྡ་འཕྲིན་རིགས་སུ་བེད་སྤྱོད་བྱེད་རྒྱུའི་བྱ་བ་ཧུར་ཐག་གིས་བསྒྲུབས་ཏེ། ལེགས་འགྲུབ་བྱུང་བ་ཐོག་མ་དེ་ཆགས་ཡོད།
ཁོང་གིས་ད་དུང་།གོང་གསལ་ཐོན་རྫས་དེ་དག་ནང་དུ་སྨོན་ལམ་བོད་ཡིག་ཙམ་མིན་པར་མི་རིང་བར་ལེགས་འགྲུབ་འབྱུང་ལ་ཉེ་བའི་སྨོན་ལམ་ཚིག་མཛོད་ཀྱང་རིམ་གྱིས་འཇུག་གཏན་འཁེལ་ཡོད། ཅེས་གསུངས།སྨོན་ལམ་ཚིག་མཛོད་ཆེན་མོ་ནི་ལོ་སྔོན་མའི་ཟླ་༧ནས་མགོ་བརྩམས་ཏེ་ད་བར་ལོ་གཅིག་རིང་བསྒྲིགས་པའི་དབྱིན་བོད་ཚིག་མཛོད་ཅིག་ཡིན་ལ།དེའི་ནང་དུ་བོད་དབྱིན་ཚིག་མཛོད་༼བོད་དབྱིན་ཚིག་མཛོད་རྐྱང་པ་༽དང་དབྱིན་བོད་ཚིག་མཛོད་༼བོད་ཡིག་གི་ནང་དོན་དབྱིན་ཡིག་ནང་ཡོད་པ་༽བོད་དབྱིན་ཚིག་མཛོད་༼དབྱིན་ཡིག་གི་ནང་དོན་བོད་ཡིག་ནང་ཡོད་པ་༽ །གསར་བྱུང་ཚིག་མཛོད་སོགས་ཡོད་ལ།ཚིག་མཛོད་དེའི་ནང་བོད་དབྱིན་གྱི་ཐ་སྙད་ཉིས་འབུམ་ལྷག་ནང་འཇུག་བྱེད་བཞིན་པ་དང་།ཚོད་དཔག་བྱས་པ་ལྟར་ན་འདི་ལོའི་ལོ་མཇུག་བར་དུ་དངོས་སུ་སྤྱི་ཚོགས་ཁྲོད་འགྲེམ་ཐུབ་པ་བྱུ་རྒྱུ་ཡིན་འདུག
མི་རིང་བར་ཚིག་མཛོད་འདིའི་སྐོར་ལ་བོད་རིག་པའི་མཁས་དབང་ཁག་ཅིག་གདན་ཞུས་ཀྱིས་བགྲོ་གླེང་དང་གྲོས་བསྡུར་བྱ་རྒྱུ་ཡིན་པ་དང་།དེ་ལྟར་བྱེད་དོན་ཚིག་མཛོད་འདི་ང་མི་སྒེར་བ་ཞིག་གི་ལྟ་བ་དང་ལངས་ཕྱོགས་ཙམ་མིན་པར།ཡོངས་གྲགས་ཅན་ཞིག་ཏུ་ཆགས་ཐུབ་ཆེད་ཡིན་ཞེས་གསུངས།ཚིག་མཛོད་དེའི་ཁྱད་ཆོས་གཙོ་བོ་བོད་ཡིག་གི་མིང་ཚིག་ཅིག་གི་གོ་དོན་བཙལ་སྐབས།ཚིག་དེའི་གོ་དོན་བཙལ་བདེ་བ་དེ་ཡིན།དཔེར་ན།༼གྲངས་༽ལྟ་བུ་ཞིག་འཚོལ་བཤེར་བྱེད་སྐབས།གྲངས་ཞེས་པའི་བོད་ཡིག་དེ་དབྱེ་འདེམས་Selectབྱས་རྗེས།བོད་དབྱིན་གང་གི་ནང་དུ་ཚིག་དེའི་གོ་དོན་བཙལ་དགོས་ནའང་།བོད་ཡིག་གི་གོ་དོན་དགོས་ན་བོད་ཡིག་སྟེང་ནས་འདེགས་གནོན་དང་།དབྱིན་ཡིག་གི་གོ་དོན་དགོས་ན་དབྱིན་ཡིག་སྟེང་ནས་འདེགས་གནོན་བྱས་རྗེས།གྲངས་ཞེས་པའི་ཚིག་གི་གོ་དོན་རང་ཤུགས་ཀྱིས་བཙལ་ཡོང་བ་དེ་རེད།དེ་བཞིན་ཚིག་མཛོད་འདིའི་སྟེང་དུ་གདམ་ག་ཞེས་པ་ཞིག་ཡོད་ཅིང་།དེའི་སྟེང་ནས་ཡིག་གཟུགས་ཆེ་ཆུང་རང་གིས་གང་འདོད་ལྟར་བསྒྲིག་ཆོག་པར་མ་ཟད། རྒྱབ་ལྗོངས་ཀྱི་ཚོན་མདོག་སོགས་ཀྱང་རང་གིས་གདམ་ཆོག
མཇུག་མཐར་ཁོང་གིས།ང་ཚོས་དེང་རབས་ཀྱི་འཕྲུལ་ཆས་གསར་བའི་རྗེས་ཟིན་ཐུབ་པ་བྱ་རྒྱུ་གལ་ཆེན་པོ་ཡིན་སྟབས།ཐེངས་འདིའི་ཚོད་ལྟ་ལེགས་འགྲུབ་འདི་ང་ཚོས་དེང་རབས་ཀྱི་འཕྲུལ་ཆས་གསར་བའི་རྗེས་ཆོད་རྒྱུའི་ཐེམ་སྐས་དང་པོ་བརྒལ་ཟིན་པའི་དཔེ་མཚོན་ལྟ་བུ་རེད་ཅེས་གསུངས།གྲྭ་བློ་བཟང་སྨོན་ལམ་ལགས་ལོ་སྔོན་མར་ཉི་ཧོང་ནང་རྟེན་གཞི་བྱས་པའི་ཀུ་ཤུ་རྟགས་ཅན་གྱི་གློག་ཀླད་བཟོ་གྲྭ་དང་།ཨོ་ཐ་ནེས་མཐོ་སློབ་ཁང་གཉིས་སུ་ཆེད་ཕེབས་ཀྱིས་ཀུ་ཤུ་རྟགས་ཅན་གྱི་གློག་ཀླད་ནང་།རྒྱལ་སྤྱིའི་གཅིག་གྱུར་ཨང་སྒྲིག་ཐོག་ཡོད་པའི་སྨོན་ལམ་བོད་ཡིག་གསུམ་པ་ལྡུག་རྒྱུར་མཉམ་འབྲེལ་གནང་སྟེ།ཕྱི་ལོ་༢༠༡༡ལོ་ནས་བཟུང་ཀུ་ཤུ་རྟགས་ཅན་གྱི་གློག་ཀླད་ནང་སྨོན་ལམ་བོད་ཡིག་རང་ཆས་སུ་ཡོད་པ་བྱ་གཏན་འཁེལ་ཡོད་པ་དང་།ཐེངས་འདིར་ཁོང་གིས་གོང་གསལ་ཐོན་རྫས་གསར་བ་དག་ཏུའང་སྨོན་ལམ་བོད་ཡིག་གསུམ་པ་ཚོད་ལྟ་ལེགས་འགྲུབ་བྱུང་སྟེ།འབྱུང་འགྱུར་གྱི་ལོ་ཟླའི་ནང་བོད་མི་རྣམས་ཀྱི་རང་རང་གི་ལག་ཁྱེར་ཁ་པར་ལས་བོད་ཡིག་གི་དྲ་རྒྱ་སྔོག་པ་དང་ཡིག་ཆ་ཉར་ཚགས་བྱེད་པ་སོགས།བོད་ཡིག་བཀོལ་སྤྱོད་བྱེད་པ་སོགས་ལ་དཀའ་ངལ་མེད་པ་བྱ་རྒྱུ་ཡིན་འདུགཡང་ཁོང་གིས།དེང་སྐབས་ད་དུང་གོང་གསལ་ཚོགས་པ་གཉིས་དང་ང་ཚོས་མི་རིང་བར་ལེགས་འགྲུབ་འབྱུང་བ་ཉེ་བའི་སྨོན་ལམ་ཚིག་མཛོད་ཆེན་མོ།ཀུ་ཤུ་རྟགས་ཅན་གྱི་གོང་གསལ་ཐོན་རྫས་སོགས་ཀྱི་ནང་དུ་རང་ཆས་སུ་སྒྲིག་རྒྱུར་འབད་བརྩོན་བྱེད་ཀྱིན་ཡོད་ལ།གོང་གསལ་ཚོགས་པ་གཉིས་ཀྱིས་སྨོན་ལམ་ཚིག་མཛོད་ཆེན་མོར་དམིགས་བསལ་གྱི་ཐུགས་སྣང་གནང་གི་འདུག་ཅེས་གསུངས།
དེ་ལྟར་སྤྱིར་བཏང་བའི་གྲྭ་རྐྱང་དཀྱུས་མ་ཞིག་གི་གནས་བབ་ནས་དེང་རབས་ཀྱི་ཚན་རིག་པ་ཞིག་ཏུ་གྱུར་བའི་གྲྭ་བློ་བཟང་སྨོན་ལམ་ལགས་ཀྱིས།ཕྱོགས་སྣ་སྒོར་མོ་ནས་བོད་སྐད་ཡིག་འདི་བཞིན་བརྡ་འཕྲིན་དུས་རབས་ཀྱི་རྗེས་ཆོད་རྒྱུར་རླབས་ཆེ་ཞིང་ལོ་རྒྱུས་ཀྱི་དོན་སྙིང་ལྡན་པའི་བྱ་བཞག་བསྐྱངས་དང་སྐྱོང་བཞིན་པ་ཡིན་ལ།ཁོང་གིས་ད་དུང་མ་འོངས་པར་བོད་དབྱིན་ཡག་པོ་ཡོད་པའི་ལས་རོགས་པ་བྱུང་ན།ཀུ་ཤུ་རྟགས་ཅན་གྱི་གློག་ཀླད་ནང་གི་མཉེན་ཆས་ཡོད་ཚད་བོད་ཡིག་ཐོག་བཟོ་ཐུབ་པ་བྱ་རྒྱུའི་དམིགས་འདུན་ཡང་བཅངས་འདུག
འདི་བའི་ཐོག་ནས་ངའི་དྲྭ་གྲོགས་སྤོབས་པ་མཐའ་ཡས་དང་རྭ་ལོ་སོགས་ལ་སྐད་ཆ་ཞིག་བཤད་ཀྱི་ཡིན་གང་ཡིན་ཟེར་ན་ཁྱེད་གཉིས་ཀྱི་མི་ཁ་ཤས་ཀྱིས་བོད་གཞུང་ལ་ཉེས་འཛུག་བྱེད་ཀྱི་འདུག་གསུང་གི་འདུག་དེ་བདེན་པ་ཡིན་ན་། བཀའ་ཤག་གི་གོམ་པ་གསར་པ་ཞིག་སྤོ་རྒྱུ་ཡིན་གསུང་དགོས་དོན་གང་ཡིན་ནམ། ད་དུང་ཁྱེད་གཉིས་ལ་ཞུ་ཡ་གཅིག་ལ་སློབ་ཕྲུག་དེ་ཚོའི་ནང་ནས་རྒྱ་གར་ནང་ལ་ཕ་མ་སྤུན་འཆེད་མེད་མཁན་དེ་ཚོ་བོད་ལ་ལོག་གཏང་ཡ་ཡིན་ཟེར་བ་དེ་མ་སུ་རིའི་སློབ་སྤྱིའི་ལས་ཚབ་པ་དགེ་འདུན་རིན་ཆེན་ལགས་ཀྱི་སྐད་ཆ་རེད། བོད་ལ་གཏང་ཚར་དུས་ད་ལྟའི་བོད་ཀྱི་གནས་སྟང་ག་འདྲ་ཞིག་ཏུ་ཡོད་མེད་གསལ་པོ་རེད། ཕ་མ་དེ་ཚོའི་ང་ཚོའི་བུ་ཕྲུག་དེ་ཚོ་རྒྱ་གར་སླེབས་ཡོང་རེད་ཟེར་ནས་བདག་པོ་རྒྱོབ་ཆོག་ཆོག་དེ་འདྲ་ཨེ་ཡོད་ན་རྒྱ་དམགས་ཁ་ཤས་གཅིག་གི་རླང་འཁོར་༼ཡེའུ་ཡེའུ་༽ཟེར་མཁན་ཞིག་གཏང་ནས་ལམ་ཐོག་ཏུ་འགྱོག་པོ་སླེབས་ཚེ་བོད་མི་མི་ཉུང་བ་ཞིག་གི་སེམས་ལ་ད་དཀོན་མཆོག་མཁྱེན་སུ་ཟིན་ཡ་ན་ཟེར་ནས་སྡད་ཡོད་རེད། ད་དུང་སྤོབས་པ་ལགས་ཀྱི་ཡུལ་ཁྲིམས་ཀྱི་སྐོར་བཤད་འདུག་འོ་ན་སློབ་ཕྲུག་ལོ་༡༤ ༡༥སོགས་ལ་ཁྲིམས་ཐག་བཅད་པ་དེ་ག་འདྲ་ཞིག་ཡིན་ན།
ངས་རང་གི་ཟིན་བྲིས་སུ་སློབ་ཕྲུག་བུ་མོ་དེར་ཚ་འདྲི་བཏང་བ་ཚད་ལས་བརྒལ་བའི་ནོར་འཁྲུལ་རེད་ཅེས་བརྗོད་ཡོད། ཉིན་དེའི་ཁོང་མོའི་འཁྲིག་པ་སྤྱོད་རོགས་དང་ཁོང་མོ་གཉིས་སློབ་གྲྭའི་སྒྲིག་གཞི་ལྟར་ཕྱིར་འབུད་གཏོང་དགོས་ཀྱང་། བུ་མོ་དེར་ཚ་འདྲི་བཏང་ནས་སྔ་མའི་ལོ་རྒྱུས་དག་སྔོག་ནས་ཐག་ཞོར་འབྲང་འདྲུད་བྱས་པ་ནི་རྩ་བ་ནས་འགྲིག་མེད།
དེ་ལྟར་ཚ་འདྲི་བཏང་ན། མ་སི་རིའི་སློབ་མ་འཛིན་གྲྭ་བདུན་པའི་ཡར་འདབས་ཀྱི་བརྒྱ་ཆའི་བརྒྱད་བཅུ་ཕྱིར་འབུད་གཏོང་དགོས་པ་ཆགས་ངེས། དེ་ནི་ཤིན་ཏུ་ནོར་འཁྲུལ་རེད།