རྒྱ་ནག་གི་གསར་ལམ་ཁག་ཏུ་གནས་ཚུལ་ཐོན་པ་ལྟར་ན། སྟོད་མངའ་རིས་དགུན་ས་གནམ་གྲུ་ཐང་གི་འཛུགས་སྐྲུན་ཡོངས་སུ་གྲུབ་སྟེ། སང་ཉིན་ཟླ་ ༧ ཚེས་ ༡ ཉིན་གནམ་གྲུ་དངོས་སུ་གཏོང་མགོ་འཛུགས་རྒྱུ་ཡིན་པ་དང༌། ལྷ་ས་ནས་མངའ་རིས་གནམ་ཐང་བར་ཆུ་ཚོད་ཕྱེད་ཙམ་ནང་སླེབས་ཐུབ་ཅིང་སྤྱི་ལེ་ ༡༠༩༨ ཙམ་ཡོད་འདུག གཟའ་མིག་དམར་དང་པ་སངས་བཅས་གཟའ་འཁོར་རེ་ཐེངས་གཉིས་རེར་གཏོང་འཆར་ཡོད་པ་དང༌། ལྷ་ས་ནས་མངའ་རིས་བར་གྱི་གནམ་གྲུའི་འཛིན་བྱང་ལ་རྒྱ་སྒོར་ ༢༥༩༠ ཡིན་འདུག
བོད་རང་སྐྱོང་ལྗོངས་འོག་གི་གནམ་ཐང་བཞི་བ་དང༌། འཛམ་གླིང་ཡོངས་ཀྱི་ས་བབ་མཐོ་ཤོས་ཨང་གསུམ་པའི་གནམ་ཐང། མཚོ་ངོས་ནས་མཐོ་ཚད་སྨི་ ༤༢༧༨ ཡོད་པའི་མངའ་རིས་དགུན་ས་གནམ་ཐང་གི་འཛུགས་སྐྲུན་ཆེད་རྒྱ་སྒོར་དུང་ཕྱིར་ ༡༦ ལྷག་བཏང་ཡོད་འདུག་ལ། ད་ཆར་ལོ་གསུམ་ལྷག་རིང་གི་འཛུགས་སྐྲུན་ལས་གཞི་ཡོངས་སུ་རྫོགས་ཏེ། སྔར་ལོའི་ཕྱི་ཟླ་ ༡༠ ཚེས་ ༡༣ ཉིན་ཚོད་ལྟའི་གནམ་གྲུ་དང་པོ་འཕུར་སྐྱོད་བྱས་ཡོད་ཅིང་། ད་ལོའི་ཟླ་ ༤ ཚེས་ ༨ ཉིན་ཚོད་ལྟ་གཉིས་པ་དང༌། ཟླ་ ༥ ཚེས་ ༢༨ ཉིན་ཚོད་ལྟ་གསུམ་པ་ལེགས་འགྲུབ་བྱུང་སྟེ། སང་ཉིན་ཏེ་ཕྱི་ཟླ་ ༧ ཚེས་ ༡ ཉིན་དམངས་སྤྱོད་འགྲུལ་སྐྱེལ་གནམ་གྲུ་ཐོག་མ་དེ་འཕུར་སྐྱོད་བྱ་རྒྱུ་ཡིན་འདུག
རྒྱ་གཞུང་གིས་བོད་རང་སྐྱོང་ལྗོངས་གཅིག་པུའི་འོག་ཏུ་ད་ཆར་གནམ་གྲུ་འབབ་ཐང་ཆེན་པོ་ ༤ ཙམ་བརྒྱབ་ཡོད་ཅིང་། གཞིས་རྩེ་གནམ་ཐང་རྒྱག་མུས་ཡིན་འདུག གནམ་ཐང་དེ་དག་ནི། ལྷ་སའི་གོང་དཀར་གནམ་གྲུ་འབབ་ཐང་དང་ཆབ་མདོ་སྤང་མདའ་གནམ་གྲུ་འབབ་ཐང༌། ཉིང་ཁྲིའི་སྨན་གླིང་གནམ་གྲུ་འབབ་ཐང༌། མངའ་རིས་དགུན་ས་གནམ་གྲུ་འབབ་ཐང༌བཅས་ཡིན་ཞིང་། གཞིས་ཀ་རྩེའི་ཞི་བདེའི་གནམ་གྲུ་འབབ་ཐང་ཐད། རྒྱ་སྐོར་དུང་ཕྱུར་ ༤༨༩ ཙམ་བཏང་སྟེ་འཛུགས་སྐྲུན་ལས་གཞི་སྒྲུབ་མུས་ཡིན་ཞིང་། ད་ལོའི་ཕྱི་ཟླ་ ༡༠ ཡས་མས་ནང་ཡོངས་སུ་འགྲུབ་རྒྱུ་ཡིན་འདུག
གསར་འགོད་པ། དོན་འགྲུབ་བཀྲ་ཤིས།
བོད་ནང་ལ་བོད་ཀྱི་སྒོ་་ཕྱུགས་ལས་རྒྱ་རིགས་མང་བ་མི་ཡོང་བའི་སྨོན་འདུན་ཞུ།
མངའ་རིའི་འབྲོག་ས་དེ་རུ་ལུག་ལས་རྒྱ་མི་མང་བའི་དུས་ལ་སླེབ་བཞིན་འདུག
འབྲོག་པ་རྣམས་རྒྱ་མའི་ལག་གཡོག་ཏུ་གྱུར་དུས་ཡོད་ཚད་ཚ་བ་རེད།
མངའ་རིས་གནམ་ཐང་སྐྲུན་དེ་ས་གནས་མི་དམངས་ལ་འཚོ་བའི་ལམ་བུ་གསར་པ་ཞིག་འཚོལ་ཐུབ་པའི་རེ་བ་བྱེད་བཞིན་ཡོད།
ཕྱི་ཡར་རྒྱས་གྱི་ངོ་བོ། ནང་གཏོར་རླག་གི་རྩ་བ།
སྣང་ཚུལ་འདི་རིགས་དུས་རབས་ཀྱི་འགྱུར་བ་ཡང་ཡིན། བོད་ལ་མི་ཕན་ཞེས་བཤད་དཀའ། གཙོ་བོ་རྒྱ་རིགས་གཏན་སྡོད་མི་ཐུབ་པའི་ཆོ་ག་རེ་མ་ཆད་པ་དགོས།
རྒྱ་རིགས་དུ་མ་ཞིག་ཡོང་རྒྱུར་སྐྲག་ནས་དགོས་ངེས་ཀྱི་འཛུགས་སྐྲུན་ལའང་ངོ་རྒོལ་བྱེད་ཀྱིན་པ་ནི་ཅུང་ཙམ་ནོར་བ་རེད། དུས་རབས་གང་མཚམས་སུ་སླེབས་ཡོད་ང་ཚོའི་སེམས་ལ་ལྷམ་མེར་གསལ། གནམ་ཐང་མེད་པའི་ཁ་སང་ནས་སེང་གེ་གྲོང་ཁྱེར་ལྟ་བུར་མཚོན་ན་ས་བབ་དང་ཁྲོམ་ས་ལེགས་པ་ཚང་མ་རྒྱ་རིགས་ཀྱི་ལག་ཏུ་ཡོད། གྲོང་ཁྱེར་གྱི་མི་གྲངས་ཀྱི་ཆ་ནས་བསམས་ན་ཡང་སྦད་དེ་གྲངས་ཉུང་མི་རིགས་སུ་གྱུར་ཟིན་མེད་ཀྱང་བརྒྱ་ཆ་ཞེ་བདུན་ནི་རྒྱ་རིགས་རང་རེད། གང་ལྟར་གནམ་ཐང་ཡོད་མེད་ལ་མ་བལྟོས་པར་གནས་བབ་དེ་མུར་ལུས་པ་ཡིན་ན་རྒྱ་རིགས་ཡོང་སའི་ལམ་ཁ་ལ་ཚད་བཀག་གཏན་ནས་མེད། གནམ་ཐང་ལེགས་པོ་ཞིག་ཕོག་པ་ཡིན་ནའང་དུས་རབས་དང་འཚམས་པའི་ཡར་རྒྱས་རེད། དེ་པོ་རེད། དེ་ལ་ངོ་རྒོལ་མ་གནང་རོགས་ཞུ།
རྒྱ་རིག་ན་རྒྱུད་པ་འདར་གི།
རྒྱུ་རིག་ན་ཧམ་པ་ལང་གི།
བོད་ཆུ་རྒྱ་ལ་བཞུར་བཞུར།།
རྒྱ་མི་བོད་དུ་སྦོས་པ།།
བོད་ཀྱི་ཆུ་བོ་མ་ཆད།།
རྒྱ་སྤོར་མཚམས་མི་མེད་འདྲ།།
ད་རྒྱ་རིགས་མང་པོ་མངའ་རིས་སུ་གནས་བཅའ་མགོ་འཛུགས་རྒྱུ་རེད་ཡ། བོད་ཡུལ་རྒྱ་ཡུལ་དུ་མ་བསྒྲུར་བར་དུ་ས་ཚོ་ས་མཐའ་འདི་ནས་འདུག་དགོས་རྒྱུ་རེད། འདི་རྒྱུ་ནག་གིས་དགོས་མཁ་དང་དམིགས་ཡུལ་ཡིན་ལ། ང་ཚོས་ཀྱང་རྒྱ་ནག་གིས་རང་དགར་མཚམས་འཇོག་གམ་འགྱུར་བ་ཞིག་ལ་རེ་ཞིང་སྒུག་ནས་འདུག་རྒྱུ་ལས་ཅི་ཡང་འཇོན་རྒྱུ་མ་རེད་ཡ།
བོད་རྒྱའི་ཆབ་སྲིད་པ་ཚོས་གནམ་ཐང་འདི་ང་ཚོ་བོད་རིགས་དང་རྒྱ་རིགས་གཉིས་ཀའི་ཡིན་སྙམ་པ་དང་པེ་ཅིང་གཞུང་དེ་ཡང་བོད་རིགས་ཀྱི་གཞུང་ཚད་ལྡན་ཅིག་རེད་སྙམ་པའི་འཁོར་ཡུག་ཅིག་གང་མགྱོགས་བསྐྲུན་དགོས་མི་འདུག་གམ།
ངོ་མ་ཡག་པོ་རེད། ཡིན་ན་ཡང་རྒྱ་མི་ཟེར་བ་དེ་ཕྱི་ཡི་སྤྱོད་ལམ་དང་ནང་གི་བསམ་བློ་གཉིས་མི་འདྲ་ངོ་མ་རེད། ཕྱིའི་འཛུགས་སྐྲུན་དེ་དག་རྒྱ་ཁབ་གཞན་པ་ལ་ངོ་ཚ་མི་དགོས་པའི་ཕྱིར་དུ་ཡིན་པ་འདྲ།
དགོས་ངེས་ཞིག་རེད་
རྟེན་འབྲེལ་ཞུས་ན་རེད