བཀའ་ཁྲིའི་ཚོད་ལྟའི་འོས་བསྡུ།

ངས་ང་རང་བཀའ་བློན་ཁྲི་པར་འོས་བླུག་པ་ཡིན་ད་་་་་་་་

གསར་འགྱུར་དང་གསལ་སྒྲགས་གང་ཞིག་ཡིན་ཀྱང་དྲངས་བདེན་ཞིག་སྤེལ་རྒྱུ་ནི་ཧ་ཅང་གི་གལ་ཆེན་པོ་ཡིན་སྙམ། བུད་མེད་ཚོགས་པའི་གོ་སྒྲིགས་འོག་བཀའ་ཁྲིའི་འོས་ཚོད་ལྟའི་འོས་བསྡུ་ཞེས་པའི་ནང་《དེ་རིང་ནི་༧གོང་ས་མཆོག་དགུང་གྲངས་ ༧༥ ཕེབས་པའི་སྐུའི་འཁྲུངས་སྐར་གྱི་ཉིན་མོ་ཡིན་ལ། ཉིན་འདིར་བོད་ཀྱི་བུད་མེད་ལྷན་ཚོགས་ཀྱིས་གོ་སྒྲིག་འོག བྱང་ཕྱོགས་ངྷ་ས་གཙོས་ཧི་མ་ཅལ་མངའ་སྡེ་དང་ཨོ་རི་ས། ཀར་ན་ཊ་ཀ ཨ་རུ་ན་ཅལ་སོགས་མངའ་སྡེ་ ༡༢ ཀྱི་བོད་མི་འདུས་སྡོད་ཀྱི་ས་ཁུལ་ཁག་དང་། བལ་ཡུལ་དང་ཨ་རི། ཁེ་ན་ཌ། ཡུ་རོབ་སོགས་ཀྱི་བོད་མི་འདུས་སྡོད་ཀྱི་ས་གནས་ཁག་ཅིག་བཅས་ཁྱོན་ས་གནས་ཁག་ ༤༠ ཙམ་དུ། མང་ཚོགས་ཚོས་ཕྱི་ལོ་ ༢༠༡༡ ལོའི་བཀའ་བློན་ཁྲི་པའི་ཚོད་ལྟའི་འོས་བླུགས་ཡོད།》བོད་མི་འདུས་སྡོད་ཀྱི་ས་གནས་ཁག་ཅིག་བཅས་ཁྱོན་ས་གནས་ཁག་ ༤༠ ཙམ་དུ། མང་ཚོགས་ཚོས་ཕྱི་ལོ་ ༢༠༡༡ ལོའི་བཀའ་བློན་ཁྲི་པའི་ཚོད་ལྟའི་འོས་བླུགས་ཡོད་པའི་གནས་ཚུལ་ཞིག་འཁོད་འདུག་ས་གནས་གཞན་དུ་བཀའ་ཁྲིའི་ཚོད་ལྟའི་འོས་བླུགས་ཡོད་སྲིད་ཀྱང་འདི་ག་བལ་ཡུལ་ནང་བཀའ་ཁྲིའི་ཚོད་ལྟའི་འོས་བསྡུ་ནི་ཕྱི་ཚེས་ ༣ ཉིན་ས་གནས་བུད་མེད་ཚོགས་པའི་ཚོགས་གཙོ་ནས་ཕྱི་ཚེས་ ༨ བུད་མེད་ཚོགས་པའི་གོ་སྒྲིགས་འོག་བཀའ་ཁྲིའི་ཚོད་ལྟའི་འོས་བླུགས་ཀྱི་ཡིན་གསུང་པ་ཇི་བཞིན་སྐུའི་འཁྲུངས་སྐར་ཉིན་འོས་བསྡུ་གནང་མེད་ཀྱང་དྲྭ་ཐོག་འདིར་འོས་བསྡུ་གྲུབ་ཚར་བའི་གནས་ཚུལ་བཀོད་པ་ནི་དྲངས་བདེན་མིན། དེ་ནི་གསར་འགོད་པའི་ཧོར་རྒྱུགས་ཞིག་ཡིན་པར་སེམས་པས་སླད་ནས་གསར་འགོད་པ་དག་ནས་ཅུང་ཐུགས་སྣང་རེ་གནང་དགོས་སྙམ་རེ་དོན་ཙམ་ལས་ཀླན་ཀ་རྩལ་བ་རྩ་བས་ནས་མིན་པས་དེ་ལུགས་དགོངས་ཞེས་ཚལ།

སྐུ་ངོ་ཨ་ཚོགས་ཀླུ་གར་བྱམས་འོས་བསྡུའི་ཆ་ཤས་བཞེས་གནང་བར་ཕེབས་པ་འདི་ཧ་ཅང་ཡག་མོ་རེད། ཁོང་སྐབས་ ༡༥ པའི་སྤྱི་འཐུས་སུ་ཕེབས་པར་རྒྱབ་སྐྱོར་བྱེད་རྒྱུ་ཡིན།

ད་རེས་ཀྱི་འོས་དེ་མཆོག་ལྷུངས་སུ་མ་སོང་བར་བླུག་གལ་ཆེན་པོ་རེད་འོས་བླུག་པ་ཙམ་གྱི་མེ་འགྲིག་ང་ཚོས་དོ་ནན་བྱེད་དགོས་

བུད་མེད་ཚོགས་པའི་ཚོད་ལྟའི་འོས་བསྡུ་ཟེར་བ་འདི་ལ་དགོས་པ་ཆེར་མ་མཐོང་། བཀའ་ཁྲིའི་འོས་གཞིར་ཞུགས་ཐག་མ་ཆོད་བ་འགའ་རེ་ཡི་ཆབ་སྲིད་གྱི་འཕྲུལ་ཡིན་པ་འདྲ།

ཚོད་ལྟ་བྱས་ན་ན་འདྲ་མ་བྱས་ན་གང་ལྟར་ང་ཚོའི་བཀའ་བློན་ཁྲི་བ་དེ་མ་ནོར་བ་ཞིག་ངེས་པ་ཅན་དུ་གདམས་དགོས་པ་ལས་བྱས་བྱས་མང་པོའི་ཕན་ཐོགས་ཞིག་མེད་ངེས།

སྤྱི་ཟླ་༣་པའི་བོད་ཀྱི་བང་ཆེན་དུ་བཀོད་པའི་བློ་བཟང་སེང་གེ་ལགས་ཀྱིས་མ་འོངས་བཀའ་ཁྲི་ཕེབས་ཕྱོགས་དང་འདས་པའི་བཀའ་ཁྲིའི་བརྒྱུད་རིམ་ངོ་སྤྲོད་ཅིག་ངས་མཐོང་སོང་། དེ་ནི་ང་ཚོ་མང་གཙོའི་བསྒྲིགས་ཁས་འཆེ་བ་ཞིག་གི་ངོས་ནས་དོ་སྣང་གནང་དགོས་པ་ཞིག་ངེས་པར་རེད་བསམ། འོན་ཀྱང་གཞུང་དང་གཞུང་འབྲེལ་མིན་པ་ཁག་དག་གིས་ད་དུང་གྲགས་འགུལ་གང་ཡང་ཡོད་པ་ངས་མཐོང་ཐོས་མ་བྱུང་། བུ་མེད་ཚོགས་པས་སྔོན་འགྲོ་དང་དངོས་གཞིའི་འོས་བསྡུ་གང་ཡང་མིན་པའི་ཚོད་བལྟ་འདི་སུ་ཞིག་གི་ཆེད་དུ་ཡིན་དང་དེའི་ནུས་པ་ཇི་ཞིག་ཐོན་གསལ་བཤད་ཅིག་མ་གནང་ན་ལས་དོན་འདི་ལ་སུན་སྣང་ལས་གཞན་ཚོར་བ་སྟེར་མི་ཐུབ། མ་འོངས་བཀའ་ཁྲིའི་འོས་བསྡུས་སྐབས་སུ་མ་མཐའང་བརྒྱ་༦༠་ཆ་ཤས་ལེན་ཐུབ་ཐབས་ཅིག་ལ་ཇི་འདྲ་བྱས་ན་དྲགས་དྲྭ་གྲོགས་ཚོས་ཐུགས་བསམ་རེ་ཞེས་རོགས།