སྐུའི་འཁྲུངས་སྐར་བསུ་བའི་གླུ་ཞིག་ལེན།

གླུ་སྐད་དེ་ངས་སྒྲ་འཛིན་བུ་གར་མཐོས་བ་མཉམ་དུ་གླུ་བ་གླུ་མ་དག་གི་སྙིང་སྟོབས་དང་འཁྲེན་ཞེན་གྱི་སྟགས་བུ་སྟེ་ཅི་འདྲའི་རེ་སྒུག་གི་དུས་ཚོད་རིང་པོ་ཞིག་གམ།

གླུ་བ་གླུ་མ་དེ་ཚོའོ་སྙིང་སྟོབས་ལ་རྗེས་སུ་ཡི་རངས་ཡོད་
ཁོང་ཚོའི་ལུས་སྲོག་ལོངས་སྤྱོད་དང་བཅས་པ་བོད་མི་རིགས་ཀྱི་རྩ་དོན་གྱི་ཆེད་དུ་ཕུལ་པ་རེད། དངོས་གནས་དོན་གྱི་དབའ་པོ་རེད། ཁོང་ཚོའི་བྱ་བཞག་ལ་བར་ཆད་ཅིག་མི་ཡོང་པའི་སྨོན་ལམ་སྙིང་ནས་ཞུ།།

དཀོན་མཆོག་མཁྱེན་ཕ་ཡུལ་གྱི་དཔའ་བོ་དཔའ་མོ་ཚོར་རྐྱེན་ངན་པའི་བར་ཆད་ཅིག་མི་ཡོང་བར་ཤོག

བོད་འབྱོར་འཁྲུངས་སྐར་བསུ་གླུའི་ནང་།
ང་ཚོའི་སྐྱབས་མགོན་ཡིད་བཞིན་ནོར། །
གཞིས་བྱེས་བོད་མི་འཛོམས་ལུགས་སོགས། །
ང་ཡི་མིག་ཟུང་མིག་ཆུས་གང་། །

གྲོགས་པོ་ཚོ།
བོད་ནང་ནས་གཅིག་བྱས་འདུག་ཟེར་ནས། ལམ་སང་དགོ་བ་འདྲོགས་འདྲོགས་བྱས་ནས་ཁྱབ་བསྒྲགས་བྱས་བཞག་ན། གླུ་པ་གླུ་མ་དེ་ཚོ་བོད་ནང་དུ་བསྡད་ཡོད་དུས་དེ་ཚོའི་གནས་སྟངས་ག་འདྲ་ཆགས་མིན་བསམ་བློ་གཏོང་དགོས་ཀྱི་རེད་ད།
གལ་སྲིད་རྒྱ་གཞུང་གིས་དངོས་སུ་འཛིན་བཟུང་བྱས་ཚར་བ་ཞིག་ཡིན་ན། ཁྱབ་བསྒྲགས་བྱས་ན་འགྲིག་གི་འདུག ཁོང་ཚོའི་གནས་སྟངས་ཇི་ཆགས་མ་ཤེས་གོང་ནས་ས་བསྒྲགས་རྡོ་བསྒྲགས་བྱས་བཞག་ན་འགྲིག་ཨེ་ཡོང་། དེ་གསར་འགྱུར་བརྒྱུད་ལམ་གིས་དོ་སྣང་དགོས་འདུག དེ་སྔོན་དེ་འདྲ་བྱུང་འདུག འདི་ནས་ཁ་དང་ལག་པ་འབྱར་ཚད་ཀྱིས་གཅིག་བསྒྲགས་བཞག་དུས་ཕ་གིར་དཀའ་ངལ་ནང་དུ་བརྫངས་བཞག་པ་ལྟ་བུ་ཆགས་འདུག་གཱ

ཁོང་རྣམ་པའི་སྙིང་སྟོབས་ལ་མངོན་པར་བསྟོད། ཡིན་ཡང་། ད་ནི་ཐར་ཁག་པོར་གྱུར་ཚར་བ་རེད། མདོ་དབུས་མཐོ་སྒང་གི་གཞས་པ་དང་གཞས་མ་གཉིས་ཀྱིས་སེམས་ཐག་ཆོད་པོའི་སྒོ་ནས་རང་རང་གི་མི་ཚེ་དེ་མི་རིགས་འདིར་སྐྱེས་སུ་བཏེགས་པ་རེད།

སྐབས་འདི་འདྲ་ཞིག་ལ་རང་རང་གི་ངོས་ནས་ཅི་ཞིག་བཤད་དགོས་མིན་དང་། བསམ་བློ་ཇི་ལྟར་གཏོང་དགོས་མིན་ཡང་མི་ཤེས་པའི་ཚོད་རེད།

གཞས་དེ་ཚོར་ཉན་སྐབས་སྤྲོ་སྣང་དང་སྡུག་སྣང་། ཞེད་སྣང་གང་ཡིན་བཤད་མི་ཤེས་པ་ཞིག་སྐྱེས་སོང་། གཅིག་བྱས་ན། ཚོར་སྣང་འདི་ཚོ་མཉམ་གཅིག་ཏུ་སྐྱེས་པའི་ཚོར་སྣང་དམིགས་བསལ་བ་ཞིག་ཡིན་ཡང་སྲིད།