མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོན་གྱི་དྲ་ཚིཊ་གསར་པ།

བོད་ཀྱི་དུས་བབ།
༢༠༡༠/༠༧/༠༩
Share on FacebookShare on TwitterShare on EmailShare on Whatsapp

ཉེ་ཆར་བོད་ནང་གི་ཤེས་ལྡན་དོན་གཉེར་ཅན་སྐོར་ཞིག་གིས་༼ ཧི་མ་ལ་ཡའི་བོན ༽ (www.himalayabon.com) ཞེས་པའི་དྲ་ཚིགས་ཤིག་གསར་དུ་སྒོ་འབྱེད་བྱས་ཡོད་པ་དང༌། དྲ་ཚིགས་དེའི་ནང་དོན་གཙོ་བོ་ནི། བོན་སྐོར་གྱི་གསར་འགྱུར་དང༌། བོན་བསྟན་བྱུང་འཕེལ། ཞང་བོད་ཤེས་རིག ཆོ་ག་ཕྱག་ལེན། དགག་རྩོམ་དང་བསྒྱུར་རྩོམ། དཔྱད་རྩོམ་དང་སྙན་རྩོམ། རྒྱལ་རབས་ལོ་རྒྱུས། བརྙན་རིས་དང་དཔར་མཛོད། འཆད་ཁྲིད་དང་ཡིག་གཟུགས། དགོན་སྡེ་དང༌། མི་སྣ། དཔེ་དེབ། གནས་རི་མཚོ་གསུམ་ངོ་སྤྲོད་བཅས་གཡུང་དྲུང་བོན་དང་འབྲེལ་བའི་ཤེས་ཡོན་སྣ་འཛོམས་རང་བཞིན་གྱི་དྲ་ཚིགས་ཤིག་ཡིན་ཞིང༌། དྲ་ཚིགས་འདིའི་གཙོ་སྒྲུབ་པ་ནི། ལྷ་ས་ནག་ཆུ་ནས་ཡིན་པའི་དགེ་བཤེས་བསྟན་འཛིན་འབྲུག་གྲགས་དང༌། སི་ཁྲོན་ཟུང་ཆུ་ནས་ཡིན་པའི་རིན་སྤུངས་ཚུལ་བསྟན། མཚོ་སྔོན་ཁྲི་ཀ་ནས་ཡིན་པའི་ཁྲི་བསོད་བསྟན་གསུམ་ཡིན་འདུག

 

ཟླ་འདིའི་ཕྱི་ཚེས་ ༥ ཉིན་དྲ་ཚིགས་འདི་ཤར་གཏོང་དང་འབྲེལ་ངོ་སྤྲོད་གནང་དོན། གཡུང་དྲུང་གི་བོན་རིན་པོ་ཆེ་འདི་ཉིད་གདུལ་བྱའི་བློ་དང་འཚམས་པར། མ་ཐོས་པ་རྣམས་ལ་གོ་བར་བྱེད་པ་དང༌། མ་མཐོང་བ་ཀུན་ལ་གསལ་བོར་སྟོན་པ། མ་རྟོགས་པ་ཡོངས་ལ་ཤེས་སུ་འཇུག་པའི་ཐབས་ལམ་གལ་ཆེན་དུ་དམིགས་ནས་ཧི་མ་ལ་ཡའི་རི་རྩེ་ནས་ཐོན་པའི་བོན་གྱི་དྲ་ཚིགས་འདི་ནི་གངས་ཆབ་བསིལ་མའི་ཉིང་བཅུད་དང་བསྡེབས་ནས། བོད་རང་ས་ནས་རྒྱལ་ནང་དང༌། རྒྱབ་ཁབ་ནས་འཛམ་གླིང་ཧྲིལ་བོར་ཁ་ཕྱོགས་ཏེ། དར་སྤེལ་ཡུན་གནས་སུ་གཏོང་བ་ལ་ཀུན་གྱིས་གཟིགས་བདེ་བའི་ཆེད་དུ་བཟོས་པ་ཡིན། རྒྱ་ཆེ་བའི་ཀློག་པ་པོ་དག་གཟིགས་ཕེབས་གནང་བར་དགའ་བསུ་ཞུ་བཞིན་ཡོད། ཅེས་བཀོད་འདུག

 

༼ ཧི་མ་ལ་ཡའི་བོན ༽ དྲ་ཚིགས་དོ་དམ་པས་གསལ་བསྒྲགས་ཤིག་སྤེལ་བའི་ནང༌། ཧི་མ་ལ་ཡ་ནི་འཛམ་གླིང་གི་ཤར་ཕྱོགས་མི་རིགས་མང་པོའི་ཤེས་རིག་ལོ་རྒྱུས་འབྱུང་གནས་ཀྱི་ཕ་ས་ཞིག་ཡིན། ལོ་རྒྱུས་ཡུན་རིང་ལྡན་པའི་རྒྱ་གར་ལ་མཚོན་ན་ལོ་རྒྱུས་ཀྱི་ཆུ་རྒྱུན་མགོ་བོ་ཆུ་བོ་གངྒ་ཡིན་ལ། དེ་ཡི་ཆུ་མགོ་ཧི་མ་ལ་ཡའི་གངས་རྒྱལ་ཏི་སེར་ཐུག་ཡོད། རྒྱ་ནག་གི་ལོ་རྒྱུས་ཀྱི་ཆུ་རྒྱུན་གྱི་མགོ་བོ་ནི་རྨ་ཆུ་དང་འབྲི་ཆུ་གཉིས་ཡིན་པས་དེ་དག་གི་མགོ་བོ་ཧི་མ་ལ་ཡའི་རི་རྒྱུད་ལ་ཐུག་ཡོད། དེ་བས་ཀྱང་ཞང་བོད་མི་རིགས་ཀྱི་ལོ་རྒྱུས་མགོ་ཁུངས་གངས་རྒྱལ་ཏི་སེར་ཐུག་ཡོད་པ་ནི་ཆུ་མགོ་གངས་ལ་ཐུག་ཅེས་པའི་དཔེ་ལྟར་ངེས། རྒྱ་གར་ནག་དང་ཞང་བོད་ལོ་རྒྱུས་ལུགས་སོ་སོར་གཏན་ཚིགས་དང་ལྡན་པའི་ཁུངས་ཡོད་ཀྱང་མི་རིགས་དེ་དག་གི་ཤེས་རིག་ལོ་རྒྱུས་དུ་མ་ཞིག་ཧི་མ་ལ་ཡའི་པང་ལས་བྱུང་བར་མངོན། ལྷག་ཏུ་ཆེས་གནའ་བོའི་བོན་གྱི་ཤེས་རིག་ལོ་རྒྱུས་ཀྱི་འབྱུང་གནས་བླ་རི་གངས་རྒྱལ་ཏི་སེས་དབུས་བྱས་པའི་ཧི་མ་ལ་ཡའི་རི་བརྒྱུད་འདིར་གལ་ཆེ་བའི་ལོ་རྒྱུས་ཀྱི་འབྲེལ་བ་ལྡན་ཡོད། ཅེས་དང་།

  

དེ་ཡང་བདེན་པ་བོར་ནས་རྫུན་པའི་རྗེས་འབྲང་གིས་འུད་སྒྲོག་པ་ལ་གཙིགས་ཆེར་མི་འཛིན། ཚན་རིག་ཉིན་རེ་བཞིན་འཕེལ་རྒྱས་སུ་འགྲོ་བའི་དུས་འདིར་མིའི་རིགས་ལ་དགོས་མཁོའི་ཆ་རྐྱེན་དུ་མ་ཞིག རང་གི་མིག་སྔར་ལས་སླ་དང་སྟབས་བདེ་བསམ་ཡུལ་ལས་འདས་པའི་ཀུན་ཁྱབ་གློག་དྲས་དུས་རབས་གསར་བའི་སྤྱི་ཚོགས་ནང༌། སྲོལ་རྒྱུན་གྱི་ཤེས་རིག་གལ་ཆེན་ཁག་གཅེས་སྲུང་དང་མྱུར་སྐྱོབ་གཞིར་བྱས་ཁྱབ་སྤེལ་གྱི་བྱ་བ་དེ། དུས་རབས་ལ་ཁ་ཕྱོགས་ཏེ་དེང་རབས་ཅན་གྱི་གློག་རྡུལ་དྲ་བའི་རླབས་འཕྲིན་དེ་སྲོལ་རྒྱུན་དང་བསྡུར་ན་ཆེས་སྟབས་བདེ་དང་ཀུན་ཁྱབ། ཀུན་སྤྱོད། ཀུན་མཐུན་གྱི་ནུས་པ་ལྡན་པ་དེ། ངེད་༼ཧི་མ་ལ་ཡའི་བོན༽གྱི་དྲ་ཚིགས་ནས་སྤྱིར་འཛམ་གླིང་གི་ཤེས་རིག་དང་སྒོས་སུ་ཆེས་གནའ་བོའི་ཧི་མ་ལ་ཡའི་རི་རྒྱུད་ནས་ཐོན་པའི་བོན་གྱི་ཤེས་རིག་ལོ་རྒྱུས་རྣལ་མ་དེ་དག་དྲ་བ་འདིར་བརྒྱུད་ནས་རྒྱ་ཆེ་དྲ་བའི་ཀློག་པ་པོ་རྣམས་ལ“མཁས་བརྒྱ་འགྲན་གླེང་དང༌། མེ་ཏོག་མཉམ་བཞད་”ཀྱི་རྩ་དོན་གཞིར་འཛིན། ཕན་ཚུན་ཤེས་རྟོགས་འབྱུང་ཆེད་བོད་རྒྱ་དབྱིན་གསུམ་གྱི་ལམ་ནས་དུས་རབས་ཀྱི་ལྡེ་མིག་འཛིན་ཏེ་འཛམ་གླིང་གི་སྒོ་མོ་ཆེ་འབྱེད་ཐུབ་པའི་རེ་སྨོན་དང་བཅས་དྲ་ཚིགས་གཙོ་སྒྲུབ་པས། ཞེས་བཀོད་འདུག

 

གསར་འགོད་པ། དོན་འགྲུབ་བཀྲ་ཤིས།

 

འབྲེལ་ཡོད་གསར་འགྱུར།

Front Slider

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད།

ཆུ་ཚོད་ ༡༧ སྔོན་ལ།
Mobile App

བོད་དང་བོད་མིའི་མགྲིན་ཚབ་ཀྱི་བོད་སྒྱུར་ཕྱག་དེབ་འབྱེད་གནང་སོང་། 

ཆུ་ཚོད་ ༡༨ སྔོན་ལ།
༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད། དཔལ་ལྡན་དགའ་ལྡན་ཕོ་བྲང་གི་སྐུ་པར། ༢༠༢༥།༧།༢
༸གོང་ས་མཆོག གསར་འགྱུར།

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད་སོང་།

ཆུ་ཚོད་ ༡༩ སྔོན་ལ།
འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

༢༠༢༥/༠༧/༠༡
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

༢༠༢༥/༠༧/༠༡
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠

མཆན། 20

  1. ཨ་ཀྲོང་རིན་ཆེན་རྒྱལ་མཚན། says:
    ལོ་ 15 སྔོན།

    ཞང་བོད་མེས་པོའི་ཤེས་རིག་འཚོ་ཕྱིར་དྲྭ་ཚིགས་འདི་དབུ་འབྱེད་བྱས་པར།ཐུགས་རྗེ་ཆེ།འཚམས་འདྲི་བཀྲ་ཤིས་བདེ་ལེགས་ཞུ་ཡོད།དྲྭ་བ་འདིའི་ཐོག་བརྗོད་བྱ་གང་མང་ཡོང་བའི་སྨོན་འདུན་དང་བཅས།།

    Reply
  2. kungatsering17 says:
    ལོ་ 15 སྔོན།

    དྲ་ཚིག་གསར་བཏོད་ལ་བསྔགས་རྗོད་ཡོད་

    Reply
  3. སྣང་རྒྱལ་ཤེར་དགེ says:
    ལོ་ 15 སྔོན།

    ཀརྨ་རྡོ་རྗེ་ལགས། དད་པ་གཅིག་ཡལ་ཚར་འདུག དད་པ་ཕྱི་མ་འདིའང་ཡུན་རིང་བརྟན་ཐུབ་རྒྱུ་མ་རེད། དེ་ཡང་ལེགས་ཏེ། ཡང་བཤད་ཟིན་པ་བཞིན་ལོ་རྒྱུས་ལ་རྟོག་ཞིབ་བྱེད་ན་དུང་ཞེན་ཁོ་ན་སྤྱོད་རྒྱུ་མེད་པར་རྒྱུ་མཚན་གཙོ་ཆེ་དགོས་པ་རེད། དག་སྣང་གི་ངོས་ན་ཡིན་པ་ལ་མིན་པ་དང་མིན་པ་ལ་ཡིན་པ་ཡང་འཆར་རུང་མོད། ལོ་རྒྱུས་ཀྱི་ངོས་ནས་ཡིན་པ་ལ་ཡིན་པ་དང་མིན་པ་ལ་མིན་པ་ལས་འཆར་མི་རུང་། དེ་ནི་ལོ་རྒྱུས་ཀྱི་དོན་སྙིང་ཡང་རེད།

    Reply
  4. མཁས་ཚང་ཤེས་རབ་དབང་རྒྱལ། says:
    ལོ་ 15 སྔོན།

    གྲོགས་པོ་ལགས་ཁྱེད་རང་གིས་གསར་འགྱུར་ཡགས་པོ་ཤིས་བཀོད་འདུག་ཐུགས་ཆེ་གནང་།

    Reply
  5. ཀརྨ་རྡོ་རྗེ། says:
    ལོ་ 15 སྔོན།

    སྣང་ཤེར་ལགས། ཐུགས་ཀར་ཐིམ་པའི་གཏམ་རྒྱུད་ལ་དད་མོས་བྱེད་མྱོང་ཡང་། མཐར་སྲོང་བཙན་ཡབ་ཡུམ་རིམ་ཅན་དུ་ཕེབས་པའི་ལོ་རྒྱུས་ཁ་ཤས་མཇལ་དུས་དད་པ་ལྷག་མ་དེ་ཡང་ཡལ་སོང་། འོན་ཀྱང་བལ་བཟའ་ཁྲོ་གཉེར་མའི་སྤྲུལ་པ་ཡིན་པ་སོགས་ནི་དད་པ་ཆེས་ཆེར་འགྲོ་བགྱིན་འདུག

    Reply
  6. སྣང་རྒྱལ་ཤེར་དགེ says:
    ལོ་ 15 སྔོན།

    ཀརྨ་རྡོ་རྗེ་ལགས། ལོ་རྒྱུས་ལ་དཔྱད་པ་བྱེད་ན་རྒྱུ་མཚན་གལ་ཆེ་བ་ལས་དུང་ཞེན་གལ་ཆེ་བ་མ་རེད། རང་ཉིད་ཀྱི་དགའ་ཕྱོགས་ཙམ་ཨུ་ཚུགས་ཀྱིས་གླེང་ན་ལོ་རྒྱུས་ཀྱི་དེ་ཉིད་མཐོང་མི་ཐུབ། ལྷག་པར་དུ་ལྷ་སྒྲུང་དང་ལོ་རྒྱུས་གཉིས་འདྲེས་མི་རུང་། སྲོང་བཙན་དང་ཁོང་གི་བཙུན་མོ་གཉིས་བཅས་སྤྱན་རས་གཟིགས་ཀྱི་ཐུགས་ཀར་ཐིམ་པའི་གཏམ་རྒྱུད་སོགས་བཟི་ཁ་ཧ་ཅང་བཙན་པས་ཐུགས་གཟབ་གནང་གལ་ཆེའོ། ཁྱེད་རང་ཕལ་ཆེར་གཏམ་རྒྱུད་ཀྱི་སྐྱུར་རྩི་དེ་དག་གིས་བཟི་ཟིན་པ་འདྲ།

    Reply
  7. ཀརྨ་རྡོ་རྗེ། says:
    ལོ་ 15 སྔོན།

    རྣམ་རྒྱལ་ཤེས་དགེ་ལགས། ངའི་མཆན་བུ་ལ་དུས་ཚོད་བཏང་བར་ཐུགས་རྗེ་ཆེ། གལ་སྲིད་ལོ་ཙ་བས་བཀའ་ལ་བཅོས་ཡོད་ན། གཞན་པས་ཐུ་མིའི་ལོ་རྒྱུས་ལའང་བཅོས་སྲིད་པས་དཔྱད་དགོས། ང་ནི་བོན་རྒན་མ་ཡིན་ལ། བེན་གོག་གཅིག་ཡིནཔས་སྲོང་བཙན་སྤྱན་རས་གཟིགས་དང་། ཐུ་མི་འཇམ་དབྱངས་ཀྱི་སྤྲུལ་པར་འདོད་མཁན་རྨོངས་དད་ཅན་ཞིག་ཀྱང་ཡིན།
    འོན་ཀྱང་དེས་ཡར་སྔོན་བོད་ཀྱི་ལོ་རྒྱུས་ནག་བསུབ་བཏང་དང་། ཤོར་ཡོད་ན་ངས་ཕྱི་མ་དེ་འདེམས་མཁན་ཞིག་ཡིན། ད་དུང་དཔྱད་པ་མུ་མཐུད་ཡོང་རེ་ཡོད།

    Reply
  8. ཁྲི་གཡུང་དྲུང་། says:
    ལོ་ 15 སྔོན།

    དེ་ཡང་ཆེས་གནའ་བོའི་བོན་གྱི་ཤེས་རིག་ལོ་རྒྱུས་སོགས་གསལ་བའི་དྲ་ཚིགས་སྒོ་འབྱེད་བྱས་པར་བཀྲ་ཤིས་བདེ་ལེགས་ཀྱི་ངགའ་བསུ་ཡོད། བོན་དང་འབྲེལ་བའི་བོད་ཡིག་ཐོག་དྲ་བ་གང་མང་སྒོ་ཕྱེ་ཐུབ་ན་རང་བཞིན་གྱིས་བོད་ཡིག་བཀོད་སྤྱོད་རྒྱ་ཆེར་འགྲོ་ངེས་པར་མ་ཟད་ལྷག་པར་ང་ཚོའི་ཕ་ནོར་གཡུང་དྲུང་གི་བོན་ཕྱོགས་ལ་ཤེས་རྟོགས་ཡོང་རྒྱུར་ཕན་ཐོག་ངེས་ཅན་འབྱུང་ངེས་ཡིན་པས་དྲ་གྲོགས་རྣམས་སེམས་རྒྱ་དོགས་པོ་ཁ་ངན་ཚིགས་ངན་སོགས་མི་སྤེལ་བའི་རེ་བ་ཆེ།

    Reply
  9. kungatsering17 says:
    ལོ་ 15 སྔོན།

    བོད་ཡིག་གི་དྲ་ཚིག་གི་དྲ་ཚིག་གསར་བཟོ་བྱེད་པ་ཐུགས་རྗེ་ཆེ་ཞུ།།

    བོད་ཡིག་ཐོག་དྲ་བ་གང་མང་སྒོ་ཕྱེ་ཐུབ་ན་རང་བཞིན་གྱིས་བོད་ཡིག་བཀོད་སྤྱོད་རྒྱ་ཆེར་འགྲོ་ངེས་པ་མོས་མེད་རེད།

    Reply
  10. སྣང་རྒྱལ་ཤེར་དགེ says:
    ལོ་ 15 སྔོན།

    ཀརྨ་རྡོ་རྗེ་ལགས། གནད་འདི་དཔྱད་དགོས་པ་གང་ཡང་མ་ཡིན་གྱི་དཔྱད་ཟིན་ཏེ་རྐུབ་ལུག་ཚར་བ་རེད། བོད་ཀྱི་རིག་གཞུང་ཕར་ཟད་བོད་མིའི་འབྱུང་ཁུངས་ཀྱང་རྒྱ་གར་ལ་གཏུགས། དེའི་སྒྲུབ་བྱེད་དུ་འཇམ་དཔལ་རྩ་རྒྱུད་ལུང་དྲངས། འཇམ་དཔལ་རྩ་རྒྱུད་ལ་བོད་མི་ལོ་ཙྭ་བས་བཅོས་བསླད་བྱས། བོད་ཀྱི་རྒྱལ་པོའི་འཁྲུངས་ཡུལ་ཡང་རྒྱ་གར་ལ་གཏུགས། དེའི་སྒྲུབ་བྱེད་དུ་བློའི་ཡུལ་དུ་མི་ཤོངས་པའི་སྒྲུང་རིང་སྣ་ཚོགས་བཟོས། འདི་དག་ནི་བདེན་རྫུན་གྱི་ཤན་ཕྱེས་ཟིན་པའི་ཚུལ་ཞིག་རེད། ཐོན་མི་རང་གིས་བླངས་པར་སྐད་པའི་མགུལ་སོགས་ལ་གཟིགས་དང་། སྲོང་བཙན་སྔོན་གྱི་བོད་ཡུལ་འདི་ཇི་འདྲ་ཞིག་ལ་ངོས་འཛིན་བྱས་འདུག་ལེགས་པར་རྟོགས་ནུས་སོ།

    Reply
  11. བྲག་ཚེ་དབང་། says:
    ལོ་ 15 སྔོན།

    དྲྭ་ཚིགས་འདིའི་ལས་བྱེད་ལྷན་རྒྱས་ལ་བཀྲ་ཤིས་བདེ་ལེགས་དང་ཆབས་ཅིག་ཏུ་
    ཐུགས་རྗེ་ཆེ་ཞུ། བོད་གངས་ཅན་པའི་མེས་པོའི་ཆོས་དང་རིག་གཞུང་གང་གི་ཐད་
    ནས་དོ་སྣང་དང་། རྒྱ་བསྐྱེད་མཁྱེན་རྟོགས་ཡོང་བའི་སྨོན་མདུན་དང་། བརྗོད་
    བྱ་གང་སྤེལ་ཡང་ལེགས་ཉེས་ལ་རྟོགས་ཞིབ་གནང་གལ་ཆེ།

    Reply
  12. སྒོམ་སྡེ་དོན་གྲུབ་རྒྱལ་མཚན། says:
    ལོ་ 15 སྔོན།

    འཚམས་འདྲི་བཀྲ་ཤིས་བདེ་ལེགས་ཞུ། དེ་འདྲ་དགོས་ངེས་རེད། དྲ་བ་འདི་ཡུན་ནས་ཡུན་དུ་གནས་པའི་སྨོན་ལམ་འདེབས། ཐུགས་རྗེ་ཆེ།

    Reply
  13. འབྲོང་བུ་ཟླ་བ། says:
    ལོ་ 15 སྔོན།

    བཀྲ་ཤིས་བདེ་ལེགས།

    Reply
  14. བློ་བཟང་དཔལ་ལྡན། says:
    ལོ་ 15 སྔོན།

    གནའ་བོའི་བོན་གྱི་ཤེས་རིག་ལོ་རྒྱུས་སོགས་གསལ་བའི་དྲ་ཚིགས་སྒོ་འབྱེད་བྱས་པར་བཀྲ་ཤིས་བདེ་ལེགས་ཡོད། བོད་ཡིག་ཐོག་དྲ་བ་གང་མང་སྒོ་ཕྱེ་ཐུབ་ན་རང་བཞིན་གྱིས་བོད་ཡིག་བཀོད་སྤྱོད་རྒྱ་ཆེར་འགྲོ་ངེས་པར་མ་ཟད་ལྷག་པར་ང་ཚོའི་གདོན་མའི་ཆོས་ལུགས་ཕྱོགས་ལ་ཤེས་རྟོགས་ཡོང་རྒྱུར་ཕན་ཐོག་ངེས་ཅན་འབྱུང་ངེས་ཡིན་པས་ཐུགས་རྗེ་ཆེ་ཞུ་རྒྱུ་ཡིན།

    Reply
  15. བློ་བཟང་དཔལ་ལྡན། says:
    ལོ་ 15 སྔོན།

    གནའ་བོའི་བོན་གྱི་ཤེས་རིག་ལོ་རྒྱུས་སོགས་གསལ་བའི་དྲ་ཚིགས་སྒོ་འབྱེད་བྱས་པར་བཀྲ་ཤིས་བདེ་ལེགས་ཡོད། བོད་ཡིག་ཐོག་དྲ་བ་གང་མང་སྒོ་ཕྱེ་ཐུབ་ན་རང་བཞིན་གྱིས་བོད་ཡིག་བཀོད་སྤྱོད་རྒྱ་ཆེར་འགྲོ་ངེས་པར་མ་ཟད་ལྷག་པར་ང་ཚོའི་གདོན་མའི་ཆོས་ལུགས་ཕྱོགས་ལ་ཤེས་རྟོགས་ཡོང་རྒྱུར་ཕན་ཐོག་ངེས་ཅན་འབྱུང་ངེས་ཡིན་པས་ཐུགས་རྗེ་ཆེ་ཞུ་རྒྱུ་ཡིན།

    Reply
  16. སྣང་རྒྱལ་ཤེར་དགེ says:
    ལོ་ 15 སྔོན།

    དྲྭ་ཚིགས་གི་ལས་བྱེད་པ་ཡོངས་ལ་བཀྲ་ཤིས་བདེ་ལེགས་དང་ཐུགས་རྗེ་ཆེ་ཞུ། དྲྭ་ཚིགས་འདི་ཡུན་དུ་འཚོ་ཞིང་ཕྱོགས་ཡོངས་ནས་ལེགས་ཆ་བསྡུ་ལེན་དང་བརྗོད་བྱ་རྒྱ་བསྐྱེད་ཡོང་བ། རང་རེའི་མོས་པོའི་ཆོས་ལུགས་ཏེ་བོན་ཆོས་ལ་དོ་སྣང་ཡོད་མཁན་ཚོར་ཕན་ཐོག་གང་ལེགས་ཡོང་བའི་རེ་བ་དང་སྨོན་འདུན་ཞུ།

    Reply
  17. ཀརྨ་རྡོ་རྗེ། says:
    ལོ་ 15 སྔོན།

    ་་་་་་་་ལ་ཁུངས་བཅོལ་ནས་བོད་རང་གི་ཤེས་རིག་རྣལ་མ་རྣམས་ཁུངས་མེད་བཟོས་ནས། བོད་ཡུལ་གླེན་པ་ཁྱུ་གཅིག་དང་མུན་ནག་གི་ཡུལ་ལྟ་བུའི་ངོས་འཛིན་བྱས་ཏེ། བོད་ཀྱི་ཤེས་རིག་གི་ཁུངས་གཞན་ཡུལ་ལ་སྐྱབས་བཅོལ་་་་་་། །་་་་་་་་་ འདུག་གསུངས་པ་ལ་བརྒྱ་ཆ་ག་ཚད་བདེན་པ་ཡིན་མིན་དཔྱད་དགོས་པ་ནི་བོད་མི་ཀུན་གྱི་ལས་འགན་རེད། བོད་མི་རང་གིས་གསུངས་པའི་ཆོས། བོད་མི་རང་གི་གོམས་སྟོབས་ལས་བྱུང་བའི་རིགས་གཞུང་། བོད་མི་རང་གིས་བཟོས་པའི་ཡི་གེ། བོད་མི་རང་གི་འབྲི་འགོ་བཙུགས་པའི་རི་མོ་སོགས་བཟོ་རིགས་ཀྱི་སྒྱུ་རྩལ། གཏམ་དཔེ། རོལ་ཆ། གཞས་སྣ་སོགས་ལ་ཉམས་ཞིབ་བྱེད་དགོས་ངེས་མི་འདུག་གམ།

    Reply
  18. གུར་གུམ། says:
    ལོ་ 15 སྔོན།

    བཀྲ་ཤིས་བདེ་ལེགས་ཞུ་བ་ཡིན་

    Reply
  19. ཧེ་ར་བཀྲ་ཤིས། says:
    ལོ་ 15 སྔོན།

    བཀྲ་ཤིས་བདེ་ལེགས་ཡོད། བོད་ཡིག་ཐོག་དྲ་བ་གང་མང་སྒོ་ཕྱེ་ཐུབ་ན་རང་བཞིན་གྱིས་བོད་ཡིག་བཀོད་སྤྱོད་རྒྱ་ཆེར་འགྲོ་ངེས་པ་མོས་མེད་རེད།

    Reply
  20. གནས་ཚང་། says:
    ལོ་ 15 སྔོན།

    བཀྲ་ཤིས་བདེ་ལེགས་ཡོད། དྲང་པོར་ཞུས་ན་ང་རང་གུ་རུ་རིན་པོ་ཆེ་ཡི༼གདོན་གཟུགས་བོན་གྱི་བསྟན་པ་བསྣུབས༽ཞེས་པའི་ཁ་བཏོན་དེ་ཐེངས་མང་བསྐྱོར་མྱོང་མཁན་ཞིག་ཡིན་མོད། བོད་གཟུགས་ཤིག་ཡིན་པ་ད་རེས་མ་གཏོགས་ཤེས་མ་སོང་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese