ཁམས་རྟའུ་རྫོང་གི་དགེ་འདུན་པ་དང་མི་མང་སྟོང་ཕྲག་ལྔ་ལྷག་གིས་༸གོང་ས་མཆོག་དགུང་གྲངས་དོན་ལྔར་ཕེབས་པའི་སྐུའི་འཁྲུངས་སྐར་སྲུང་གཙི་བྱས་ཡོད་འདུག
ཟླ་འདིའི་ཕྱི་ཚེས་ ༦ ཉིན་ནི་༸གོང་ས་མཆོག་དགུང་གྲངས་དོན་ལྔར་ཕེབས་པའི་སྐུའི་འཁྲུངས་སྐར་གྱི་ཉིན་མོ་ཡིན་སྟབས། འཛམ་གླིང་ས་ཕྱོགས་གང་སར་ཡོད་པའི་བོད་མི་ཚོས་གནས་སྡོད་རྒྱལ་ཁབ་འདྲ་མིན་ནང་སྐུའི་འཁྲུངས་སྐར་སྲུང་གཙི་ཞུས་ཡོད་པ་ལྟར། བོད་ནང་གི་བོད་མི་ཚོས་ཀྱང་རྒྱ་ནག་གཞུང་གིས་དམ་དྲག་བྱེད་མིན་ལ་མ་ལྟོས་པར་འཁྲུངས་སྐར་སྲུང་གཙི་བྱས་ཡོད་འདུག ལྷོ་ཕྱོགས་གྲྭ་སར་གནས་བཞུགས་དགེ་བཤེས་ཚེ་དབང་ཆོས་གྲགས་ལགས་ཀྱིས་གསུངས་པ་ལྟར་ན། ཕྱི་ཚེས་ ༦ ཉིན་ཁམས་རྟའུ་ཉ་མཚོ་ཐོས་བསམ་དར་རྒྱས་གླིང་དགོན་པའི་དགེ་འདུན་པ་ ༤༠༠ ལྷག་གིས་དགོན་པ་ནས་༸གོང་ས་མཆོག་གི་སྐུ་པར་མཐོང་གྲོལ་རིན་པོ་ཆེ་གདན་འདྲེན་གྱིས་ལེ་བར་གཉིས་ལྷག་གི་ས་རུ་ཡོད་པའི་རྟའུ་རྣམ་རྒྱལ་མཆོད་རྟེན་མདུན་ཐང་ཆེན་མོ་བཀོད་སྒྲིག་གནང་ཡོད་པའི་བཞུགས་ཁྲིར་འཁོད་དེ། མཎྜལ་རྟེན་གསུམ་འདེགས་འབུལ་དང་བཅས་ཆོས་ཕྱོགས་ཀྱི་མཛད་སྒོ་རྒྱ་ཆེན་དང་། རྟའུ་དགོན་གྲོང་གཉིས་ཀྱི་སྐྱ་སེར་མི་དམངས་ལྔ་སྟོང་ལྷག་འདུ་འཛོམས་ཐོག བོད་པའི་སྔར་སྲོལ་ལྟར་རྟ་རྒྱུགས་མདའ་འཕེན་དང་། གཞས་དང་ཞབས་བྲོ་སོགས་འཁྲབ་ཏེ་འཁྲུངས་སྐར་ཟབ་རྒྱས་སྲུང་གཙི་ཞུས་ཡོད་འདུག ད་སྔ་འབྲེལ་ཡོད་ས་གནས་སྲིད་གཞུང་གིས་དམ་དྲག་སོགས་ཀྱི་གནས་ཚུལ་བྱུང་མེད་སྐོར་བརྗོད་འདུག
གསར་འགོད་པ་དོན་གོ
རེད། དེང་སང་བོད་ནང་གི་ས་ཆ་འདྲ་མིན་ནས་༧གོང་ས་མཆོག་གི་འཁྲུངས་སྐར་སྲུང་གཙི་བྱེད་ཀྱིན་ཡོད་འདུག ཐ་ན་ཆེས་ཁུག་ཀྱོག་ཡིན་པའི་ངའི་ཕ་ཡུལ་ནས་ཀྱང་སྐུའི་འཁྲུངས་སྐར་སྲུང་གཙི་ཆེད་དགོན་པ་ནས་འཆམ་ཞིག་གྲ་སྒྲིག་བྱས་འདུག ཡིན་ཡང་བགད་བྲོ་བ་ཞིག་ལ་ཤང་གི་བོད་རིགས་ལས་བྱེད་པ་ཞིག་ཡོང་ནས་དེ་རིང་རྒྱའི་དུས་ཆེན་ཞིག་ཏུ་འཁེལ་འདུག་པས་འཆམ་རྒྱག་ན་བདེ་བོ་ཡོད་མ་རེད། དེ་ལས་སང་ཉིན་བར་ཕྱིར་འཐེན་བྱོས། ཅེས་ནང་གྲོས་ཀྱི་ཚུལ་དུ་བཤད་པས་དགོན་པས་ཡིན་ཤག་གིས་ཉིན་གཅིག་ཕྱིར་འཐེན་བྱས་འདུག ངོ་མ་གྲོང་གསེབ་པ་མཐོང་རྒྱ་ཆུང་དྲགས་པ་དང་དམར་ཤོག་པ་བློ་རིག་རྒོད་དྲགས་འདུག
དྲ་གྲོགས་ཚོ། འདིའི་སྟེང་གི་འདྲ་པར་ནི་འཁྲུངས་སྐར་བསུ་སྐབས་ཀྱི་རེད་པས། རྟ་རྒྱུགས་འགྲན་སྐབས་ཀྱི་རེད།
༄༅།། སྐུ་ཡི་འཁྲུངས་སྐར་བསྲུངས་བརྩི་ཞུས་པ་སྦྲགས་མཆོད་མརྟེན་གཤིགས་པ།།
ཕྱི་ཟླ་7་པའི་ཆེས་6་ཉིན་རྒྱ་བལ་འབྲུག་གསུམ་དང་དེ་བཞིན་བོད་མི་གནས་སྡོད་ས་ཁུལ་ཡོངས་ལ་༸གོང་ས་མཆོག་དགུང་གྲངས་75་ལ་འཕེབས་པའི་འཁྲུངས་སྐར་བསྲུངས་བརྩི་གང་རྒྱས་ཞུས་ཡོད། འོན་ཨའོ་སི་ཁྲོ་ལི་ཡར་སི་ནིའི་བོད་རིགས་མཐུན་ཚོགས་ཀྱི་ཕྱི་ཟླ་7་པའི་ཚེས་10་ཉིན་བོད་ཀྱི་དུས་ཆེན་ཞེས་པའི་མིང་ཐོག་ནས་༸གོང་ས་མཆོག་གི་འཁྲུངས་སྐར་སྲུངས་བརྩི་ཞུས་ཡོད། སྐབས་དེར་སྐུ་མགྲོན་གྱི་གཙོ་བོ་སྐུ་ཚབ་དོན་གཅོད་དགས་པོ་བསོད་ནམས་ལགས་དང་དེ་བཞིན་ས་གནས་དེར་ཡོད་པའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་༸གོང་ས་མཆོག་གདན་ཞུ་ཚོགས་པའི་འགན་འཛིན་སོགས་ཕྱི་རྒྱལ་གྱིོ་མི་སྣ་དང་དེ་མིན་རྒྱ་རིགས་སོགས་མི་གྲངས་300ཙམ་འདུ་འཛོམས་བྱུང་ཡོད་། ཉིན་དེ་ནི་སི་ནིའི་བོད་རིགས་མཐུན་ཚོགས་ཀྱི་ལོ་གཅིག་གི་དཔལ་འབྱོར་འདུ་འགོད་བྱ་རྒྱུའི་ཉིན་མོ་གལ་ཆེ་ཞིག་ཀྱང་ཡིན། སྐབས་དེར་སྐུ་ཚབ་དོན་གཅོད་དང་དེ་བཞིན་བོད་རིགས་མཐུན་ཚོགས་ཀྱི་ཚོགས་གཙོ་སོགས་ཀྱི་གསུང་བཤད་གནང་བ་དང་དེ་ནས་བོད་ཀྱི་མཐུན་མོངས་མ་ཡིན་པའི་གཞས་སྣ་འཁྲབ་སྟོན་ཞུས་ཡོད། མཛད་སྒོའི་སྐབས་(Cake)ཀེག་གིས་བཟོས་པའི་མཆོད་བརྟེན་འཁྲུ་གཉིས་བྱས་པ་ཞིག་སྐུ་ཚབ་དོན་གཅོད་དང་ཚོགས་གཙོ་དབུ་བཞུགས་ཐོག་གཤིགས་ཏེ་དགེ་འདུན་པ་དབུས་མང་ཚོགས་ལ་གསོལ་རས་གནང་ཡོད། མཆོད་བརྟེན་དེ་ནི་རྒྱ་རིགས་ཁག་གཅིག་ནས་བཟོས་ཏར་བོད་རིགས་མཐུན་ཚོགས་ལ་ཕུལ་བ་ཞིག་ཡིན། སྐབས་དེར་མང་ཚོགས་མང་པོ་ཞིག་གིས་རྒྱལ་བའི་སྐུ་གསུང་ཐུགས་རྟེན་དག་རྒྱུ་དངོས་གང་ཞིག་ལས་བསྒྲུབས་ཀྱང་མཆོད་པའི་བརྟེན་ཡིན་པ་ལས་ཤིགས་མི་ཉན་པ་དང་་དེ་ནི་སྤྱི་ལོ་1959་ལོར་རྒྱ་དམར་གཞུང་ནས་བོད་ནང་རྒྱལ་བའི་སྐུ་བརྟེན་གཤིགས་པ་གཅིག་པ་ཡིན་པས་དེར་བརྟེན་མཆོད་བརྟེན་གཤིགས་ཏེ་བཟའ་མི་ཉན་པ་སོགས་ཀྱི་བསམ་ཚུལ་སྣ་ཚོགས་བྱུང་ཡོད།
འདི་དག་ལ་བསམ་ན་བོད་ཀྱི་བླ་སློབ་དམ་ཚིག་ནི་སྟོབས་ཤུགས་ཤིག་ཡིན་པ་ཚོར་གྱི་འདུག་ལ།སྟོབས་ཤུགས་འདིས་སླར་ཡང་འུ་ཚོར་འབོད་སྐུལ་ཅི་ཞིག་གནང་གི་ཡོད་པའང་ཤེས་ཡོང་གི་འདུག་་་་ཐུགས་རྗེ་ཆེ།་རྗེས་ལུས་མི་མང་