མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་གིས་སྐབས་བཅོ་ལྔ་བའི་མདོ་སྟོད་སྤྱི་འཐུས་ཀྱི་སྔོན་འགྲོའི་འོས་མི་ཉི་ཤུ་བཏོན་ཡོད་པ་ལས་གསུམ་གྱིས་དགོངས་པ་ཞུས་པའི་འཕྲོས་ཀྱི་འོས་མི་བཅུ་བདུན་དང་། སྐབས་བཅུ་བཞི་བའི་བཀའ་བློན་ཁྲི་པའི་སྔོན་འགྲོའི་འོས་གཞི་གསུམ་གཏན་འབེབས་བྱུང་ཡོད་པ་རྣམས་གསལ་བསྒྲགས་བྱས་ཡོད།
དེ་རིང་སྔ་དྲོར་མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་དང་། བོད་མི་མང་སྤྱི་འཐུས་དགེ་བཤེས་གཡུང་དྲུང་རྒྱལ་མཚན་མཆོག་གིས་གནས་ཚུལ་མཁོ་སྤྲོད་བྱས་པའི་ནང་བསྟན་དོན། མདོ་ཁམས་ཆུ་བཞི་སྒང་དྲུག་འགན་འཛིན་ལྷན་ཚོགས་ཐེངས་ ༤༠ པའི་ཚོགས་ཆེན་གྱི་སྤྱི་མོས་ཀྱིས་གཏན་ལ་ཕབ་པའི་གྲོས་ཆོད་ནང་། ས་གནས་སོ་སོའི་རྒྱུན་ལས་རྣམ་པས་ཕྱི་ལོ་ ༢༠༡༡ ལོའི་སྐབས་བཅོ་ལྔ་པའི་བོད་མི་མང་མདོ་སྟོད་སྤྱི་འཐུས་ཀྱི་སྔོན་འགྲོའི་འོས་གཞི་དང་། སྐབས་བཅུ་བཞི་བའི་བཀའ་བློན་ཁྲི་པའི་འོས་གཞིའི་ས་བོན་འདེམ་སྒྲུག་གིས་དབུས་སྤྱི་ཁྱབ་རྒྱུན་ལས་ཁང་དུ་འབུལ་རྒྱུ་དང་། དབུས་རྒྱུན་ལས་ཁང་གིས་ས་གནས་ཁག་ནས་འབྱོར་བའི་འོས་གཞིའི་ས་བོན་ཕྱོགས་བསྡོམས་བྱས་ཏེ། སྤྱི་འཐུས་ཀྱི་སྔོན་འགྲོའི་འོས་གཞི་གཏན་འཁེལ་དགོས་པའི་ཐག་བཅད་གནང་ཡོད་པ་ལྟར། ཕྱི་ལོ་ ༢༠༡༠ ཟླ་ ༦ ཚེས་ ༡ ཉིན་མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་གི་རྒྱུན་ལས་ལྷན་ཚོགས་ཐེངས་ ༨ པའི་ཐོག བོད་མི་མང་མདོ་སྟོད་སྤྱི་འཐུས་སྐབས་བཅོ་ལྔ་པའི་སྔོན་འགྲོའི་འོས་གཞི་མི་གྲངས་ཉི་ཤུ་གཏན་འབེབས་གནང་བ་དང་། ལྷན་ཚོགས་དེའི་ཐོག་ནས་དོ་བདག་སོ་སོར་སྤྱི་འཐུས་ཀྱི་འོས་གཞིར་ཕེབས་རྒྱུར་ཐུགས་འདོད་ཡོད་མེད་ཀྱི་བཀའ་འདྲི་ཞུས་ཁོངས་ནས་སྤྱི་འཐུས་ལས་ཐོག་སྤྲུལ་སྐུ་ཨོ་རྒྱན་སྟོབས་རྒྱལ་རིན་པོ་ཆེ་མཆོག་དང་། སྤྱི་འཐུས་ལས་ཐོག་བསོད་ནམས་སྟོབས་རྒྱལ་གཉིས་སྔོན་འགྲོའི་འོས་གཞི་ཨང་དང་པོའི་གྲས་སུ་རྒྱབ་སྐྱོར་ཐོབ་འདུག་ཀྱང་། དོ་བདག་རྣམ་གཉིས་ཀྱིས་གསུང་དོན། ད་བར་མདོ་སྟོད་རྒྱ་ཆེའི་མི་མང་གིས་རྒྱབ་སྐྱོར་དང་རེ་བ་གནང་བ་ལྟར། མི་ལོ་ ༢༠ ཡས་མས་སུ་བོད་རྒྱལ་ཁབ་དང་མི་མང་ལ་ཞབས་འདེགས་ཞུ་རྒྱུའི་གོ་སྐབས་གནང་བ་མ་ཟད། ད་དུང་མུ་མཐུད་དུ་རྒྱབ་སྐྱོར་ཤུགས་ཆེན་གནང་སྟེ་ཨང་དང་པོའི་གྲས་སུ་གདེང་འཇོག་གནང་བར་ཐུགས་རྗེ་བླ་མེད་དུ་ཞུ་རྒྱུ་དང་། སྐབས་བཅོ་ལྔ་པའི་སྤྱི་འཐུས་ཀྱི་འོས་ཁོངས་ནས་དགོངས་ཁྲོལ་ཡོང་བ་ཞེས་སྙན་གསན་གནང་བ་ལྟར་དགོངས་ཁྲོལ་གནང་ཡོད། དེ་བཞིན། སྔོན་འགྲོའི་འོས་ཁོངས་སུ་ཕེབས་པའི་སྐྱབས་རྗེ་མཆོག་སྤྲུལ་སྨར་ཁམས་གྲགས་པ་རིན་པོ་ཆེ་མཆོག་ནས་ཀྱང་དགོངས་ཁྲོལ་ཞུས་དོན་ལྟར། སྔོན་འགྲོའི་འོས་གཞི་མི་གྲངས་ཉི་ཤུ་ལས་གོང་གསལ་རྣམ་པ་གསུམ་ལ་དགོངས་ཁྲོལ་ཐོབ་ཡོད། ཅེས་དང་།
སྔོན་འགྲོའི་འོས་ཁོངས་ནས་དགོངས་ཁྲོལ་ཞུས་པ་ཁག་ཕུད་སྐབས་བཅོ་ལྔ་པའི་མདོ་སྟོད་སྤྱི་འཐུས་ཀྱི་སྔོན་འགྲོའི་མི་འགྲོ་བཅུ་བདུན་རྣམས་ནི། བོད་མི་མང་སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན། བོད་མི་མང་སྤྱི་འཐུས་དང་མདོ་ཁམས་ཆུ་བཞི་སྒང་དྲུག་གི་ཚོགས་གཙོ་དགེ་བཤེས་གཡུང་དྲུང་རྒྱལ་མཚན། མདོ་ཁམས་ཆུ་བཞི་སྒང་དྲུག་གི་ཚོགས་གཞོན་སྒ་པ་ལྷ་མོ། བོད་མི་མང་སྤྱི་འཐུས་ཚུལ་ཁྲིམས་བསྟན་འཛིན། བོད་མི་མང་སྤྱི་འཐུས་དང་མདོ་ཁམས་ཆུ་བཞི་སྒང་དྲུག་གི་དྲུང་ཆེ་བདེ་བ་ཚང་རྡོ་རྗེ་དབང་འདུས། བོད་མི་མང་སྤྱི་འཐུས་གསེར་རྟ་ཚུལ་ཁྲིམས། མདོ་ཁམས་ཆུ་བཞི་སྒང་དྲུག་གི་ཚོགས་གཞོན་སྨར་ཁམས་ཆོས་འཕེལ། བོད་མི་མང་སྤྱི་འཐུས་འབའ་པ་སྐལ་བཟང་རྒྱལ་མཚན། མདོ་ཁམས་ཆུ་བཞི་སྒང་དྲུག་གི་རྒྱུན་ལས་ཀརྨ་མཁས་གྲུབ། མདོ་ཁམས་ཆུ་བཞི་སྒང་དྲུག་གི་རྒྱུན་ལས་གྲའུ་ཚེ་བརྟན། མདོ་ཁམས་ཆུ་བཞི་སྒང་དྲུག་གི་དྲུང་གཞོན་ངག་དབང་བསྟན་པ། བོན་གཞིས་ཆུ་སྒང་ཚོགས་གཙོ་བ་ར་ཚེ་དབང་བཀྲ་ཤིས། མོན་གྷོ་ས་གནས་རང་བདེན་ཚོགས་གཙོ་གོ་བོ་བློ་བཟང་ཕན་བདེ། སྒང་ཏོག་ཆུ་སྒང་ཚོགས་གཙོ་གླིང་ཚང་ཀརྨ་གཡུལ་རྒྱལ། ཧོན་སུར་ཆུ་སྒང་ཚོགས་གཙོ་ཟླ་བ་སྒྲོལ་མ། བལ་ཡུལ་མཆོད་འཇོར་ས་གནས་གྲོས་ཚོགས་ཀྱི་འཐུས་མི་བྲག་གཡབ་བཀྲ་ཤིས་རྣམ་རྒྱལ། མདོ་ཁམས་ཆུ་བཞི་སྒང་དྲུག་གི་རྒྱུན་ལས་ཀོང་པོ་ཕུར་བུ་ཚེ་རིང་བཅས་སྔོན་འགྲོའི་འོས་གཞིར་གཏན་འཁེལ་ཞུས་པ་ཡིན། ཞེས་བཀོད་འདུག
ཡང་མདོ་ཁམས་ཆུ་བཞི་སྒང་དྲུག་གིས་སྐབས་བཅུ་བཞི་པའི་བཀའ་བློན་ཁྲི་པའི་འོས་གཞི་གསུམ་བཏོན་ཡོད་པའི་ནང་། བཙན་བྱོལ་བོད་གཞུང་གི་དྲུང་ཆེ་གོ་འཇོ་འཁོར་ལྷ་ཚང་བསོད་ནམས་སྟོབས་རྒྱལ་མཆོག་དང་། སྐུ་སྒེར་དྲུང་ཆེ་ཟུར་པ་རྣམ་སྤེལ་ཚང་བློ་བཟང་སྦྱིན་པ། སྐུ་སྒེར་དྲུང་ཆེ་རྔ་པ་ཚེ་རྒྱམ་བཅས་ལ་གཏན་འཁེལ་འདུག་ཅིང་། གོང་གསལ་སྐབས་བཅོ་ལྔ་པའི་མདོ་སྟོད་སྤྱི་འཐུས་ཀྱི་སྔོན་འགྲོའི་འོས་གཞི་རྣམ་པ་དང་། བཀའ་ཁྲིའི་འོས་གཞི་རྣམ་པས་འགན་ཁུར་དགོས་པའི་ཆ་རྐྱེན་ཁག་གསུམ་བཏོན་ཡོད་པ་ནི། དང་པོ། བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་དགོངས་དོན་འགལ་མེད་ཐོག་སྐྱབས་མགོན་རིན་པོ་ཆེའི་དབུ་འོག་དཔུང་འདེགས་གནང་དགོས་པ། གཉིས་པ། གཞིས་ལུས་རྒྱ་ཆེའི་མི་མང་གི་མངོན་འདོད་ལ་གདུང་ཤུགས་གཅིག་སྒྲིལ་གྱིས་ནུས་ཤུགས་འདོན་དགོས་པ། གསུམ་པ། བཅའ་ཁྲིམས་ཀྱི་དགོངས་དོན་དམ་བཅའི་ཚིག་དོན་གཞིར་བཟུང་འཇིགས་ཞུམ་ཆགས་སྡང་སྤང་སྟེ། སྤྱི་དོན་གང་ཅིར་འཛེམས་ཟོན་མེད་པ་གྲོས་རར་བཤད་ཕོད་པ་ཞིག་ཡིན་དགོས། ཞེས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
མདོ་སྟོད་པ་ཞིག་ཡིན་པས་སོ་སོའི་ཆོལ་ཁོངས་ཀྱི་སྤྱི་འཐུས་བདམས་དགོས་པ། དགེ་ལུགས་པ་ཞིག་ཡིན་པའི་དབང་གིས་དགེ་ལུགས་སྤྱི་འཐུས་ཤིག་བདམས་དགོས་པ་ཕྲག་ཏུ་བབ་པའི་འོས་འགན་རྨ་མེད་པ་དེ་ཡིན། གཤམ་དུ་ཁོ་བོས་བཀའ་སྤྱིའི་འོས་གཞི་ཞིག་འདོན་གྱི་ཡོད་པས་ཐུགས་འདོད་ཡོད་རིགས་ཀྱིས་རྒྱབ་སྐྱོར་གནང་རོགས་ཞེས་འབོད་སྐུལ་ཞུ། བཀའ་བློན་ཁྲི་པ་བློ་བཟང་སེང་གེ། ༡ སྤྱི་འཐུས་ལས་ཐོག་པ་འབའ་བ་སྐལ་བཟང་རྒྱལ་མཚན། ༢ སྤྱི་འཐུས་ལས་ཐོག་པ་འཇུ་ཆེན་བུ་མོ་དཀོན་མཆོག ༣ སྤྱི་འཐུས་ལས་ཐོག་པ། དཀར་མཛེས་ཚུལ་ཁྲིམས་བསྟན་འཛིན། ༤ སྤྱི་འཐུས་ལས་ཐོག་པ། གཡུང་དྲུང་རྒྱལ་མཚན། ༥ སྤྱི་འཐུས་ལས་ཐོག་པ། གསེར་རྟ་ཚུལ་ཁྲིམས། ༦ སྦེལ་ཀོབ་དོན་གཅོད་ཟུར་པ། བཀྲ་ཤིས་དབང་འདུས། ༧ གཞོན་ནུའི་ཚོགས་གཞོན་ཟུར་པ། བློ་བཟང་ཡེ་ཤེས། ༨ གཞོན་ནུའི་ཚོགས་གཞོན་དོན་གྲུབ་ལྷ་དར། ༩ ཧོན་སུར་བུད་མེད་ཚོགས་པའི་ཚོགས་གཙོ། ཏྲེ་ཧོར་ཟླ་བ་སྒྲོལ་མ། ༡༠ སྦེལ་ཀོབ་གཞིས་གྲོང་བཞི་པ། པད་མ་བདེ་ལེགས། དགེ་ལུགས་སྤྱི་འཐུས། སེར་བྱེས་ལྷ་རམས་ཏྲེ་ཧོར་ཡ་མ་བསོད་ནམས། སེར་སྨད་ལྷ་རམས་པ་ཐུབ་བསྟན་བསམ་འཕེལ་བཅས་གུས་པ་བློ་་་་་་པོ་ནས་་་་་་་་་་་་་་་་་་་་་་་་
ཐུགས་རྗེ་ཆེ་ཞུ་ཡ་ཡིན། མདོ་སྟོད་རྒྱ་ཆེའི་མི་དམགས་ཀྱི་བཀའ་སྤྱིའི་འོས་མི་དེ་ཚོ་དངོས་གནས་ཡག་པོ་འདུག། ཡིད་ན་ཡང་སྤྲུལ་སྐུ་ཨུ་རྒྱན་བསྟོབ་རྒྱལ་དང་། བསོད་ནམས་བསྟོབ་རྒྱལ་གཉིས་དགོངས་པ་ཞུས་པ་བློ་འཕང་ཡོད།
སྤྲུལ་སྐུ་ཨུ་རྒྱན་བསྟོབ་རྒྱལ་དང་། གསོད་ནམ་བསྟོབ་རྒྱལ་གཉིས་དགོང་པ་ཞུས་པར་དགའ་བསྲུ་ཡོད། ད་ལྟ་ང་ཚོ་ལ་དགོས་པ་ནི་ཕྱོགས་མཐེན་མ་རེད་སྤྱི་སེམ་རེད།
ཐུགས་རྗེ་ཆེ་ཞུ་ཡ་ཡིན། མདོ་སྟོད་རྒྱ་ཆེའི་མི་དམགས་ཀྱི་བཀའ་སྤྱིའི་འོས་མི་དེ་ཚོ་མི་མ་ནོར་བ་ཞིག་འཚོལ་འདུག་།